പാഠം 28

സദസ്യ​രോ​ടു​ളള സമ്പർക്ക​വും കുറി​പ്പു​ക​ളു​പ​യോ​ഗി​ക്ക​ലും

1. സദസ്യ​രോ​ടു​ളള സമ്പർക്ക​ത്തി​ന്റെ പ്രാധാ​ന്യ​വും ഇതിൽ കുറി​പ്പു​ക​ളു​പ​യോ​ഗി​ക്കൽ വഹിക്കുന്ന പങ്കും വിശദീ​ക​രി​ക്കുക.

¹ നിങ്ങളു​ടെ സദസ്സു​മാ​യി നല്ല സമ്പർക്ക​മു​ണ്ടാ​യി​രി​ക്കു​ന്നതു പഠിപ്പി​ക്ക​ലിൽ വലിയ ഒരു സഹായ​മാണ്‌. അത്‌ അവരുടെ ആദരവു നേടു​ക​യും കൂടുതൽ ഫലപ്ര​ദ​മാ​യി പഠിപ്പി​ക്കാൻ നിങ്ങളെ പ്രാപ്‌ത​രാ​ക്കു​ക​യും ചെയ്യുന്നു. അവരു​മാ​യു​ളള നിങ്ങളു​ടെ സമ്പർക്കം പ്രസം​ഗ​ക​നെന്ന നിലയിൽ അവരുടെ ഓരോ പ്രതി​ക​ര​ണ​വും നിങ്ങൾ സത്വരം അറിയ​ത്ത​ക്ക​വണ്ണം നിങ്ങളെ അടുത്ത സമ്പർക്ക​ത്തിൽ വരുത്തണം. നിങ്ങൾക്കു സദസ്യ​രോ​ടു​ളള അത്തരം സമ്പർക്കം ഉണ്ടോ ഇല്ലയോ എന്നു നിർണ​യി​ക്കു​ന്ന​തിൽ നിങ്ങളു​ടെ കുറി​പ്പു​ക​ളു​പ​യോ​ഗി​ക്കൽ ഒരു പ്രധാ​ന​പങ്കു വഹിക്കു​ന്നു. വിപു​ല​മായ കുറി​പ്പു​കൾ ഒരു തടസ്സമാ​യി​രി​ക്കാൻ കഴിയും; എന്നാൽ വിദഗ്‌ധ​മായ കുറി​പ്പു​ക​ളു​പ​യോ​ഗി​ക്കൽ ശല്യമല്ല, സാഹച​ര്യ​ങ്ങൾ അവ സാധാ​ര​ണ​യി​ലും കുറേ​ക്കൂ​ടെ നീണ്ടതാ​യി​രി​ക്കേ​ണ്ട​താ​വ​ശ്യ​മാ​ക്കി​യാ​ലും. കാരണം വിദഗ്‌ധ​നായ ഒരു പ്രസം​ഗകൻ കണക്കി​ല​ധി​ക​മോ തെററായ സമയത്തോ കുറി​പ്പു​ക​ളിൽ നോക്കി​ക്കൊ​ണ്ടു സദസ്സു​മാ​യു​ളള തന്റെ സമ്പർക്കം നഷ്ടപ്പെ​ടു​ത്തു​ന്നില്ല. നിങ്ങളു​ടെ പ്രസംഗ ഗുണ​ദോ​ഷ​ച്ചീ​ട്ടിൽ ഇതിനു ശ്രദ്ധ​കൊ​ടു​ക്കു​ന്നു, അതു “സദസ്യ​രോ​ടു​ളള സമ്പർക്ക​വും കുറി​പ്പു​ക​ളു​പ​യോ​ഗി​ക്ക​ലും” എന്നു പട്ടിക​പ്പെ​ടു​ത്തി​യി​രി​ക്കു​ന്നു.

2-5. സദസ്സു​മാ​യു​ളള ഫലകര​മായ ദൃഷ്ടി​സ​മ്പർക്ക​ത്തിന്‌ ഇടയാ​ക്കു​ന്ന​തെന്ത്‌?

² സദസ്സു​മാ​യി ദൃഷ്ടി​സ​മ്പർക്കം. ദൃഷ്ടി​സ​മ്പർക്ക​ത്തി​ന്റെ അർഥം നിങ്ങളു​ടെ സദസ്സിനെ കാണുന്നു എന്നാണ്‌. അതിന്റെ അർഥം കേവലം സദസ്സിനെ നോക്കു​ന്നു​വെന്നല്ല, പിന്നെ​യോ സദസ്സിലെ വ്യക്തി​കളെ നോക്കു​ന്നു എന്നാണ്‌. അതിന്റെ അർഥം അവരുടെ മുഖഭാ​വങ്ങൾ കാണു​ന്നു​വെ​ന്നും അതനു​സ​രി​ച്ചു പ്രതി​ക​രി​ക്കു​ന്നു​വെ​ന്നു​മാണ്‌.

³ നിങ്ങളു​ടെ സദസ്സിനെ നോക്കുക എന്നതിന്റെ അർഥം ആരേയും വിട്ടു​പോ​കാ​തെ ഒരു വശംമു​തൽ മറേറ വശംവരെ കേവലം താളാ​ത്മ​ക​മാ​യി നോക്കുക എന്നല്ല. സദസ്സിലെ ആരെ​യെ​ങ്കി​ലും നോക്കി ആ വ്യക്തി​യോട്‌ ഒന്നോ രണ്ടോ വാചകങ്ങൾ പറയുക. പിന്നീടു മറെറാ​രാ​ളെ നോക്കു​ക​യും ആ ആളി​നോട്‌ ഏതാനും വാചക​ങ്ങൾകൂ​ടെ പറയു​ക​യും ചെയ്യുക. ആർക്കെ​ങ്കി​ലും ബുദ്ധി​മു​ട്ടു തോന്ന​ത്ത​ക്ക​വണ്ണം വളരെ ദീർഘ​മാ​യി ആരെയും നോക്ക​രുത്‌, മുഴു സദസ്സി​ലെ​യും ചുരുക്കം ചിലരിൽമാ​ത്രം കേന്ദ്രീ​ക​രി​ക്ക​യു​മ​രുത്‌. ഈ വിധത്തിൽ സദസ്സി​ലു​ട​നീ​ളം തുടർന്നു​നീ​ങ്ങുക. എന്നാൽ നിങ്ങൾ ഒരാ​ളോ​ടു സംസാ​രി​ക്കു​മ്പോൾ യഥാർഥ​മാ​യി അയാ​ളോ​ടു സംസാ​രി​ക്കു​ക​യും നിങ്ങൾ മറെറാ​രാ​ളി​ലേക്കു കടക്കു​ന്ന​തി​നു മുമ്പ്‌ അയാളു​ടെ പ്രതി​ക​രണം ശ്രദ്ധി​ക്കു​ക​യും ചെയ്യുക. നിങ്ങളു​ടെ കുറി​പ്പു​കൾ സ്‌പീ​ക്കേ​ഴ്‌സ്‌ സ്‌ററാൻഡി​ലോ നിങ്ങളു​ടെ കൈയി​ലോ ബൈബി​ളി​ലോ വെച്ചാൽ നിങ്ങൾക്ക്‌ ഒരു നേത്ര​ച​ല​നം​കൊ​ണ്ടു മാത്രം അവയിൽ പെട്ടെന്നു നോക്കാൻ കഴിയും. കുറി​പ്പു​കൾ നോക്കാൻ നിങ്ങളു​ടെ മുഴു​ത​ല​യും ചലിപ്പി​ക്കേ​ണ്ട​താ​വ​ശ്യ​മാ​ണെ​ങ്കിൽ, സദസ്യ​സ​മ്പർക്കം മോശ​മാ​കും.

⁴ നിങ്ങൾ നിങ്ങളു​ടെ കുറി​പ്പു​കൾ എത്ര കൂടെ​ക്കൂ​ടെ നോക്കു​ന്നു​ണ്ടെന്നു മാത്രമല്ല, എപ്പോൾ അവ നോക്കു​ന്നു​വെ​ന്നും നിങ്ങളു​ടെ ഉപദേ​ശകൻ നിരീ​ക്ഷി​ക്കും. നിങ്ങൾ ഒരു പാരമ്യ​ത്തി​ലെ​ത്തു​മ്പോൾ കുറി​പ്പു​ക​ളിൽ നോക്കു​ക​യാ​ണെ​ങ്കിൽ, നിങ്ങൾ സദസ്സിന്റെ പ്രതി​ക​രണം കാണു​ക​യില്ല. നിങ്ങൾ നിരന്തരം കുറി​പ്പു​കൾ നോക്കു​ക​യാ​ണെ​ങ്കി​ലും നിങ്ങൾക്കു സദസ്യ​സ​മ്പർക്കം നഷ്ടപ്പെ​ടും. ഇതു സാധാ​ര​ണ​യാ​യി സഭാക​മ്പ​ത്തെ​യോ പ്രസം​ഗാ​വ​ത​ര​ണ​ത്തി​ലെ അപര്യാ​പ്‌ത​മായ തയ്യാറാ​ക​ലി​നെ​യോ സൂചി​പ്പി​ക്കു​ന്നു.

⁵ പരിച​യ​സ​മ്പ​ന്ന​രായ പ്രസം​ഗ​ക​രോട്‌ ഒരു മുഴു പ്രസം​ഗ​വും ലിഖി​ത​പ്ര​സം​ഗ​മാ​യി നടത്താൻ ആവശ്യ​പ്പെ​ടുന്ന സമയങ്ങ​ളുണ്ട്‌. തീർച്ച​യാ​യും ഇതു സദസ്സു​മാ​യു​ളള അവരുടെ ദൃഷ്ടി​സ​മ്പർക്കത്തെ കുറെ​യൊ​ക്കെ പരിമി​ത​പ്പെ​ടു​ത്തു​ന്നു. എന്നാൽ നല്ല തയ്യാറാ​ക​ലി​ന്റെ ഫലമായി വിവരങ്ങൾ സുപരി​ചി​ത​മാ​ക്കി​യി​ട്ടു​ണ്ടെ​ങ്കിൽ, വായി​ച്ചു​കൊ​ണ്ടി​രുന്ന സ്ഥാനം വിട്ടു​പോ​കാ​തെ ഇടവി​ട്ടി​ട​വി​ട്ടു സദസ്സിനെ നോക്കാൻ അവർ പ്രാപ്‌ത​രാണ്‌, ഇത്‌ അവരുടെ ഭാഗത്തെ വ്യക്തത​യാർന്ന വായന​യ്‌ക്ക്‌ ഒരു ഉത്തേജ​ന​മാണ്‌.

6-9. സദസ്സു​മാ​യു​ളള സമ്പർക്കം നേടു​ന്ന​തി​നു​ളള മറെറാ​രു മാർഗ​വും സൂക്ഷി​ക്കേണ്ട കെണി​ക​ളും ചൂണ്ടി​ക്കാ​ട്ടുക.

⁶ നേരി​ട്ടു​ളള സംബോ​ധ​ന​യാൽ സദസ്യ​സ​മ്പർക്കം. ഇതു ദൃഷ്ടി​സ​മ്പർക്കം​പോ​ലെ​തന്നെ അത്യന്താ​പേ​ക്ഷി​ത​മാണ്‌. അതിൽ നിങ്ങളു​ടെ സദസ്സിനെ സംബോ​ധന ചെയ്യു​ന്ന​തി​നു നിങ്ങൾ ഉപയോ​ഗി​ക്കുന്ന വാക്കുകൾ ഉൾപ്പെ​ട്ടി​രി​ക്കു​ന്നു.

⁷ നിങ്ങൾ ഒരാ​ളോ​ടു സ്വകാ​ര്യ​മാ​യി സംസാ​രി​ക്കു​മ്പോൾ “നിങ്ങൾ,” “നിങ്ങളു​ടെ” എന്നോ “നമ്മൾ,” “നമ്മുടെ” എന്നോ പറഞ്ഞു​കൊ​ണ്ടു നേരിട്ടു സംബോ​ധന ചെയ്യുന്നു. ഉചിത​മാ​യി​രി​ക്കു​ന്ന​ടത്ത്‌, ഒരു വലിപ്പ​മേ​റിയ സദസ്സി​നോ​ടും ഇതേവി​ധ​ത്തിൽ നിങ്ങൾക്കു സംസാ​രി​ക്കാൻ കഴിയും. നിങ്ങളു​ടെ പ്രസം​ഗത്തെ ഒരു സമയത്ത്‌ ഒന്നോ രണ്ടോ പേരു​മാ​യു​ളള ഒരു സംഭാ​ഷ​ണ​മാ​യി വീക്ഷി​ക്കാൻ ശ്രമി​ക്കുക. അവർ യഥാർഥ​ത്തിൽ നിങ്ങ​ളോ​ടു സംസാ​രിച്ച മട്ടിൽ അവരോ​ടു പ്രതി​ക​രി​ക്കാൻ കഴിയ​ത്ത​ക്ക​വണ്ണം അവരെ അടുത്തു വീക്ഷി​ക്കുക. ഇതു നിങ്ങളു​ടെ പ്രസം​ഗാ​വ​ത​ര​ണത്തെ വ്യക്തി​ഗ​ത​മാ​ക്കും.

⁸ എന്നിരു​ന്നാ​ലും ജാഗ്ര​ത​ക്കു​ളള ഒരു വാക്ക്‌. നിങ്ങളു​ടെ സദസ്സു​മാ​യി കണക്കി​ല​ധി​കം പരിചി​ത​മാ​യി​ത്തീ​രുന്ന അപകടം ഒഴിവാ​ക്കുക. വയൽശു​ശ്രൂ​ഷ​യിൽ ഒരു വീട്ടു​വാ​തിൽക്കൽ ഒന്നോ രണ്ടോ പേരു​മാ​യി മാന്യ​മായ സംഭാ​ഷ​ണ​ത്തി​ലേർപ്പെ​ടു​മ്പോ​ഴ​ത്തേ​തി​ല​ധി​കം നിങ്ങൾ അടുപ്പ​ത്തി​ലാ​കേ​ണ്ട​യാ​വ​ശ്യ​മില്ല, എന്നാൽ നിങ്ങൾക്ക്‌ അതു​പോ​ലെ​തന്നെ നേരിട്ടു സംസാ​രി​ക്കാൻ കഴിയും, സംസാ​രി​ക്കേ​ണ്ട​താണ്‌.

⁹ മറെറാ​രു അപകടം. നിങ്ങൾ വ്യക്തിയെ കുറി​ക്കുന്ന സർവനാ​മ​ങ്ങ​ളു​ടെ ഉപയോ​ഗ​ത്തിൽ നിപു​ണ​രാ​യി​രി​ക്കണം, നിങ്ങളു​ടെ സദസ്സിനെ അനഭി​ല​ഷ​ണീ​യ​മായ ഒരു രീതി​യിൽ ചിത്രീ​ക​രി​ക്ക​രുത്‌. ഉദാഹ​ര​ണ​ത്തിന്‌, ദുഷ്‌കൃ​ത്യ​ത്തെ​ക്കു​റി​ച്ചു​ളള ഒരു പ്രസം​ഗ​ത്തിൽ, ദുഷ്‌പ്ര​വൃ​ത്തി​ക്കാർ നിങ്ങളു​ടെ സദസ്സാ​ണെന്നു സൂചി​പ്പി​ക്കുന്ന ഒരു സംബോ​ധ​നാ​രീ​തി നിങ്ങൾ ഉപയോ​ഗി​ക്കു​ക​യില്ല. അല്ലെങ്കിൽ, നിങ്ങൾ സേവന​യോ​ഗ​ത്തിൽ കുറഞ്ഞ മണിക്കൂ​റു​ക​ളെ​ക്കു​റി​ച്ചു ചർച്ച​ചെ​യ്യു​ക​യാ​ണെ​ങ്കിൽ, എല്ലായ്‌പോ​ഴും “നിങ്ങൾ” എന്ന്‌ ഉപയോ​ഗി​ക്കു​ന്ന​തി​നു പകരം “നമ്മൾ” എന്ന സർവനാ​മം ഉപയോ​ഗി​ച്ചു​കൊ​ണ്ടു നിങ്ങ​ളേ​ത്തന്നെ പ്രസം​ഗ​ത്തിൽ ഉൾപ്പെ​ടു​ത്താ​വു​ന്ന​താണ്‌. ചിന്താ​പൂർവ​ക​ത​യും പരിഗ​ണ​ന​യും ഇത്തരം ഏത്‌ അപകട​ത്തെ​യും അനായാ​സം തരണം​ചെ​യ്യണം.

**********

10, 11. ഒരു ബാഹ്യ​രേഖ ഉപയോ​ഗി​ക്കാൻ പഠിക്കു​ന്ന​തി​നു നമ്മെ എന്തു പ്രോ​ത്സാ​ഹി​പ്പി​ക്കണം?

¹⁰ ബാഹ്യ​രേ​ഖ​യു​ടെ ഉപയോ​ഗം. തുടക്ക​ക്കാ​രായ അധികം പ്രസം​ഗകർ ഒരു ബാഹ്യ​രേഖ ഉപയോ​ഗി​ച്ചു സംസാ​രി​ച്ചു​തു​ട​ങ്ങു​ന്നില്ല. സാധാ​ര​ണ​യാ​യി അവർ പ്രസംഗം മുന്നമേ എഴുതു​ക​യും അനന്തരം ഒന്നുകിൽ വായി​ക്കു​ക​യോ അല്ലെങ്കിൽ ഓർമ​യിൽനി​ന്നു പറയു​ക​യോ ചെയ്യും. തുടക്ക​ത്തിൽ നിങ്ങളു​ടെ ഉപദേ​ശകൻ ഇത്‌ അവഗണി​ക്കും. എന്നാൽ നിങ്ങൾ നിങ്ങളു​ടെ പ്രസംഗ ഗുണ​ദോ​ഷ​ച്ചീ​ട്ടി​ലെ “ബാഹ്യ​രേ​ഖ​യു​ടെ ഉപയോഗ”ത്തിൽ വരു​മ്പോൾ കുറി​പ്പു​ക​ളു​പ​യോ​ഗി​ച്ചു പ്രസം​ഗി​ക്കാൻ അദ്ദേഹം നിങ്ങളെ പ്രോ​ത്സാ​ഹി​പ്പി​ക്കാൻ പോകു​ക​യാണ്‌. അതു വശമാ​ക്കു​മ്പോൾ, നിങ്ങൾ ഒരു പരസ്യ​പ്ര​സം​ഗകൻ എന്ന നിലയിൽ മുമ്പോ​ട്ടു​ളള ഒരു വലിയ ചുവടു​വെ​യ്‌പു നടത്തി​യ​താ​യി കണ്ടെത്തും.

¹¹ വായി​ക്കാൻപോ​ലും അറിയാൻ പാടി​ല്ലാത്ത കുട്ടി​ക​ളും മുതിർന്ന​വ​രും ആശയങ്ങളെ ദ്യോ​തി​പ്പി​ക്കുന്ന ചിത്രീ​ക​ര​ണങ്ങൾ ഉപയോ​ഗി​ച്ചു​കൊ​ണ്ടു പ്രസം​ഗങ്ങൾ നടത്തുന്നു. രാജ്യ​ശു​ശ്രൂ​ഷ​യിൽ വിവരി​ച്ചി​രി​ക്കുന്ന തിരു​വെ​ഴു​ത്ത​വ​ത​ര​ണ​ങ്ങൾപോ​ലെ​തന്നെ ഒരു ലളിത​മായ ബാഹ്യ​രേ​ഖ​കൊ​ണ്ടും നിങ്ങൾക്കു പ്രസംഗം തയ്യാറാ​ക്കാൻ കഴിയും. നിങ്ങൾ ഒരു ലിഖി​ത​പ്ര​സം​ഗം ഉപയോ​ഗി​ക്കാ​തെ ക്രമമാ​യി വയൽശു​ശ്രൂ​ഷ​യിൽ സംസാ​രി​ക്കു​ന്നു. ഒരു തീരു​മാ​ന​മെ​ടു​ത്തു​ക​ഴി​ഞ്ഞാൽ നിങ്ങൾക്കു സ്‌കൂ​ളിൽ അത്രതന്നെ അനായാ​സം അതു ചെയ്യാൻ കഴിയും.

12, 13. ഒരു ബാഹ്യ​രേഖ എങ്ങനെ ഉണ്ടാക്കാ​മെ​ന്ന​തു​സം​ബ​ന്ധി​ച്ചു നിർദേ​ശങ്ങൾ നൽകുക.

¹² ഈ ഗുണം മെച്ച​പ്പെ​ടു​ത്താ​നു​ളള പരി​ശ്രമം, തയ്യാറാ​ക​ലി​ലും അവതര​ണ​ത്തി​ലും ഒരു ലിഖി​ത​പ്ര​സം​ഗം ഒഴിവാ​ക്കാൻ നിങ്ങളെ സഹായി​ക്കാ​നാ​യ​തു​കൊ​ണ്ടു നിങ്ങളു​ടെ പ്രസംഗം മനഃപാ​ഠ​മാ​ക്ക​രുത്‌. അത്‌ ഈ പാഠത്തി​ന്റെ ഉദ്ദേശ്യ​ത്തെ പരാജ​യ​പ്പെ​ടു​ത്തും.

¹³ നിങ്ങൾ തിരു​വെ​ഴു​ത്തു​കൾ ഉപയോ​ഗി​ക്കു​ന്നു​വെ​ങ്കിൽ നിങ്ങൾക്ക്‌ എങ്ങനെ? ആർ? എപ്പോൾ? എവിടെ? മുതലായ ക്രിയാ​വി​ശേ​ഷ​ണ​ചോ​ദ്യ​ങ്ങൾ നിങ്ങ​ളോ​ടു​തന്നെ ചോദി​ക്കാൻ കഴിയും. പിന്നീടു നിങ്ങളു​ടെ വിവര​ങ്ങൾക്കു യോജി​ക്കുന്ന വിധത്തിൽ ഈ ചോദ്യ​ങ്ങൾ കുറി​പ്പു​ക​ളു​ടെ ഭാഗമാ​യി ഉപയോ​ഗി​ക്കുക. പ്രസംഗം നടത്തു​മ്പോൾ കേവലം ഒരു തിരു​വെ​ഴു​ത്തു വായി​ക്കു​ക​യും ഉചിതം​പോ​ലെ നിങ്ങ​ളോ​ടു​ത​ന്നെ​യോ നിങ്ങളു​ടെ വീട്ടു​കാ​ര​നോ​ടോ ഈ ചോദ്യ​ങ്ങൾ ചോദി​ക്കു​ക​യും അവക്ക്‌ ഉത്തരം കൊടു​ക്കു​ക​യും ചെയ്യുക. അത്‌ അത്ര ലളിത​മാ​യി​രി​ക്കാൻ കഴിയും.

14, 15. ഏതു ഘടകങ്ങൾ നമ്മെ നിരു​ത്സാ​ഹ​പ്പെ​ടു​ത്ത​രുത്‌?

¹⁴ തുടക്ക​ക്കാർക്കു മിക്ക​പ്പോ​ഴും തങ്ങൾ എന്തെങ്കി​ലും മറക്കു​മെ​ന്നു​ളള ഉത്‌ക​ണ്‌ഠ​യുണ്ട്‌. എന്നിരു​ന്നാ​ലും, പ്രസംഗം സയുക്തി​കം വികസി​പ്പി​ച്ചി​ട്ടു​ണ്ടെ​ങ്കിൽ നിങ്ങൾ ഒരു ആശയം വിട്ടു​പോ​യാ​ലും ആ ആശയം നഷ്ടപ്പെ​ട്ട​താ​യി ആരും വിചാ​രി​ക്കു​ക​യില്ല. ഏതായാ​ലും ഈ ഘട്ടത്തിൽ വിവര​ങ്ങ​ളു​ടെ ഉൾപ്പെ​ടു​ത്തലല്ല മുഖ്യ​പ​രി​ചി​ന്തനം. ഇപ്പോൾ ഒരു ബാഹ്യ​രേഖ ഉപയോ​ഗി​ച്ചു പ്രസം​ഗി​ക്കാൻ പഠിക്കു​ക​യാ​ണു നിങ്ങ​ളേ​സം​ബ​ന്ധി​ച്ചു കൂടുതൽ പ്രധാനം.

¹⁵ ഈ പ്രസംഗം നടത്തു​മ്പോൾ, ഇപ്പോൾത്തന്നെ പഠിച്ചു​ക​ഴിഞ്ഞ ഗുണങ്ങ​ളി​ല​നേ​ക​വും നിങ്ങൾക്കു നഷ്ടപ്പെ​ട്ട​താ​യി തോന്നും. ഭയപ്പെ​ട​രുത്‌. അവ മടങ്ങി​വ​രും, ഒരു ലിഖി​ത​പ്ര​സം​ഗം ഒഴിവാ​ക്കി പ്രസം​ഗി​ക്കു​ന്ന​തി​നു പഠിക്കാൻ നിങ്ങൾക്കു കഴിയു​ക​യാ​ണെ​ങ്കിൽ ആ ഗുണങ്ങ​ളിൽ പ്രവീ​ണ​രാ​യി​ത്തീ​രു​ന്ന​താ​യി നിങ്ങൾ കണ്ടെത്തും.

16, 17. കുറി​പ്പു​കൾ ഉണ്ടാക്കു​മ്പോൾ നാം എന്ത്‌ ഓർക്കണം?

¹⁶ ശുശ്രൂ​ഷാ​സ്‌കൂ​ളിൽ പ്രസം​ഗ​ങ്ങൾക്ക്‌ ഉപയോ​ഗി​ക്ക​പ്പെ​ടുന്ന കുറി​പ്പു​ക​ളെ​ക്കു​റിച്ച്‌ ഒരു വാക്ക്‌. അവ ഉരുവി​ടാൻവേ​ണ്ടി​യല്ല, ആശയങ്ങൾ ഓർമ​യി​ലേക്കു വരുത്താ​നാണ്‌ ഉപയോ​ഗി​ക്കേ​ണ്ടത്‌. കുറി​പ്പു​കൾ ചുരു​ങ്ങി​യ​താ​യി​രി​ക്കണം. അവ ഭംഗി​യും ക്രമവു​മു​ള​ള​തും വായി​ക്കാ​വു​ന്ന​തു​മാ​യി​രി​ക്കണം. രംഗവി​ധാ​നം ഒരു മടക്കസ​ന്ദർശ​ന​മാ​ണെ​ങ്കിൽ, നിങ്ങളു​ടെ കുറി​പ്പു​കൾ ഒരുപക്ഷേ ബൈബി​ളി​ന്റെ അകത്തു പുറമെ കാണാതെ വെച്ചി​രി​ക്കണം. അതു പ്ലാററ്‌ഫാ​റ​ത്തി​ലെ പ്രസം​ഗ​മാ​ണെ​ങ്കിൽ, നിങ്ങൾ ഒരു സ്‌പീ​ക്കേ​ഴ്‌സ്‌ സ്‌ററാൻഡ്‌ ഉപയോ​ഗി​ക്കു​മെന്നു നിങ്ങൾക്ക്‌ അറിയു​ക​യും ചെയ്യാ​മെ​ങ്കിൽ, അപ്പോൾ കുറി​പ്പു​കൾ പ്രശ്‌ന​മാ​യി​രി​ക്ക​രുത്‌. എന്നാൽ നിങ്ങൾക്കു തിട്ടമി​ല്ലെ​ങ്കിൽ അതനു​സ​രി​ച്ചു തയ്യാറാ​കുക.

¹⁷ മറെറാ​രു സഹായം വിഷയ​പ്ര​തി​പാ​ദ്യം നിങ്ങളു​ടെ കുറി​പ്പു​കൾക്കു മുകളിൽ എഴുതു​ന്ന​താണ്‌. മുഖ്യ പോയിൻറു​കൾ കണ്ണിനു വ്യക്തമാ​യി മുന്തി​നിൽക്കു​ക​യും വേണം. അവ എല്ലാം വലിയ അക്ഷരത്തിൽ എഴുതാ​നോ അടിയിൽ വരയ്‌ക്കാ​നോ ശ്രമി​ക്കുക.

18, 19. നമുക്ക്‌ എങ്ങനെ ഒരു ബാഹ്യ​രേഖ ഉപയോ​ഗി​ക്കു​ന്ന​തി​നു പരിശീ​ലി​ക്കാൻ കഴിയും?

¹⁸ പ്രസംഗം നടത്തു​മ്പോൾ ചുരു​ക്ക​മായ കുറി​പ്പു​ക​ളു​ടെ ഉപയോ​ഗം നിങ്ങൾക്കു തയ്യാറാ​കൽ അലക്ഷ്യ​മാ​യി നടത്താ​മെന്ന്‌ അർഥമാ​ക്കു​ന്നില്ല. ആദ്യം നിങ്ങൾ ആഗ്രഹി​ക്കു​ന്ന​ട​ത്തോ​ളം പൂർണ​മായ ഒരു ബാഹ്യ​രേഖ ഉണ്ടാക്കി​ക്കൊ​ണ്ടു വിശദ​മാ​യി പ്രസംഗം തയ്യാറാ​കുക. പിന്നീട്‌, രണ്ടാമതു വളരെ ചുരു​ങ്ങിയ ഒരു ബാഹ്യ​രേഖ തയ്യാറാ​ക്കുക. ഇതാണു പ്രസംഗം നടത്തു​ന്ന​തി​നു നിങ്ങൾ യഥാർഥ​ത്തിൽ ഉപയോ​ഗി​ക്കുന്ന ബാഹ്യ​രേഖ.

¹⁹ ഇപ്പോൾ രണ്ടു ബാഹ്യ​രേ​ഖ​ക​ളും നിങ്ങളു​ടെ മുമ്പിൽ വെക്കു​ക​യും ചുരുക്കി തയ്യാറാ​ക്കിയ ബാഹ്യ​രേ​ഖ​യിൽ മാത്രം നോക്കി ഒന്നാമത്തെ മുഖ്യ പോയിൻറു സംബന്ധി​ച്ചു നിങ്ങൾക്കു കഴിയു​ന്ന​ട​ത്തോ​ളം പറയു​ക​യും ചെയ്യുക. അടുത്ത​താ​യി, കൂടുതൽ വിശദ​മായ ബാഹ്യ​രേ​ഖ​യിൽ കണ്ണോ​ടി​ച്ചി​ട്ടു നിങ്ങൾ എന്തു വിട്ടു​പോ​യി എന്നു കാണുക. നിങ്ങളു​ടെ ഹ്രസ്വ​മായ ബാഹ്യ​രേ​ഖ​യി​ലെ രണ്ടാമത്തെ മുഖ്യ പോയിൻറി​ലേക്കു കടക്കു​ക​യും അതുതന്നെ ചെയ്യു​ക​യും ചെയ്യുക. കാല​ക്ര​മ​ത്തിൽ, കൂടുതൽ വിശദ​മായ ബാഹ്യ​രേ​ഖ​യി​ലെ സകലവും ചുരു​ക്കം​ചില ഹ്രസ്വ​കു​റി​പ്പു​ക​ളിൽ നോക്കി ഓർമ​യി​ലേക്കു വരുത്താൻ കഴിയ​ത്ത​ക്ക​വണ്ണം ഹ്രസ്വ​ബാ​ഹ്യ​രേഖ നിങ്ങൾക്കു സുപരി​ചി​ത​മാ​യി​ത്തീ​രും. പരിശീ​ല​ന​ത്താ​ലും പരിച​യ​ത്താ​ലും വാചാ​പ്ര​സം​ഗ​ത്തി​ന്റെ പ്രയോ​ജ​നങ്ങൾ നിങ്ങൾ വിലമ​തി​ച്ചു​തു​ട​ങ്ങു​ക​യും തികച്ചും ആവശ്യ​മു​ള​ള​പ്പോൾ മാത്രം ഒരു ലിഖി​ത​പ്ര​സം​ഗം ഉപയോ​ഗി​ക്കു​ക​യും ചെയ്യും. സംസാ​രി​ക്കു​മ്പോൾ നിങ്ങൾക്കു കൂടുതൽ സ്വസ്ഥത തോന്നു​ക​യും നിങ്ങളു​ടെ സദസ്സു കൂടുതൽ ആദര​വോ​ടെ ശ്രദ്ധി​ക്കു​ക​യും ചെയ്യും.