ഗർഭച്ഛി​ദ്ര വിഷമ​സ്ഥി​തി—ആറു​കോ​ടി ഹത്യക​ളാ​ണോ പോം​വഴി?

സംഭ്രാ​ന്ത​യും ഭയപര​വ​ശ​യും അതിദുഃ​ഖി​ത​യു​മായ ഒരു 15 വയസ്സു​കാ​രി തന്റെ കാമുകൻ വെറു​പ്പോ​ടെ നടന്നു​നീ​ങ്ങു​ന്നതു നോക്കി​നിൽക്കു​ന്നു. ഗർഭി​ണി​യാ​യി​ത്തീർന്ന​തു​കൊണ്ട്‌ അവളെ അവൻ വിഡ്‌ഢി എന്നു വിളിച്ചു. തങ്ങൾ പ്രേമ​ബ​ദ്ധ​രാണ്‌ എന്നാണ്‌ അവൾ വിചാ​രി​ച്ചത്‌.

താൻ തന്റെ ആറാമത്തെ കുട്ടിയെ ഗർഭം ധരിച്ചി​രി​ക്കു​ന്നു​വെന്നു മനസ്സി​ലാ​ക്കു​മ്പോൾ ഒരു സ്‌ത്രീ നിരാ​ശാ​പൂർണ​യാ​കു​ന്നു. അവളുടെ ഭർത്താവു തൊഴിൽര​ഹി​ത​നാണ്‌, കുഞ്ഞുങ്ങൾ എന്നും രാത്രി വിശന്ന്‌ ഉറങ്ങുന്നു. സാധ്യ​ത​യ​നു​സ​രി​ച്ചു മറെറാ​രു കുട്ടി​യെ​ക്കൂ​ടെ പരിപാ​ലി​ക്കാൻ അവർക്ക്‌ എങ്ങനെ കഴിയും?

“ഏററവും മോശ​മായ ഒരു സമയത്താണ്‌ ഇതു സംഭവി​ച്ചി​രി​ക്കു​ന്നത്‌,” മോടി​യാ​യി വസ്‌ത്രം ധരിച്ച ഒരു സ്‌ത്രീ തന്റെ ഡോക്ട​റോ​ടു വിശദീ​ക​രി​ച്ചു. ഒടുക്കം അവൾ തന്റെ എഞ്ചിനി​യ​റിങ്ങ്‌ ബിരുദം സമ്പാദി​ച്ചി​രി​ക്കു​ക​യാണ്‌, പുതിയ ജോലി​യിൽ പ്രവേ​ശി​ക്കാൻ കാത്തി​രി​ക്കു​ക​യു​മാണ്‌. അവളുടെ ഭർത്താവ്‌ അഭിഭാ​ഷ​ക​വൃ​ത്തി​യിൽ തികച്ചും ലയിച്ചി​രി​ക്കു​ന്നു. ഒരു ശിശു​വി​നു​വേണ്ടി അവർ എവിടെ സമയം കണ്ടെത്തും?

ഈ ആളുക​ളു​ടെ ജീവി​ത​രീ​തി​യിൽ വമ്പിച്ച വ്യത്യാ​സ​മുണ്ട്‌, വ്യത്യസ്‌ത വിഷമ​സ്ഥി​തി​കളെ അഭിമു​ഖീ​ക​രി​ക്കു​ക​യും ചെയ്യുന്നു. പക്ഷേ അവർ ഒരേ പരിഹാ​ര​മാർഗം തിര​ഞ്ഞെ​ടു​ക്കു​ന്നു: ഗർഭച്ഛി​ദ്രം.

ഗർഭച്ഛി​ദ്രം ഈ ദശാബ്ദ​ത്തി​ലെ ഏററവും സ്‌ഫോ​ട​നാ​ത്മ​ക​മായ വാദവി​ഷ​യ​ങ്ങ​ളിൽ ഒന്നാണ്‌, രാഷ്‌ട്രീ​യ​വും സാമൂ​ഹി​ക​വും വൈദ്യ​ശാ​സ്‌ത്ര​പ​ര​വും ദൈവ​ശാ​സ്‌ത്ര​പ​ര​വു​മായ മേഖല​ക​ളിൽ ഉഗ്രമായ വാദ​പ്ര​തി​വാ​ദ​ങ്ങൾക്കു തിരി​കൊ​ളു​ത്തു​ന്ന​തു​തന്നെ. ഐക്യ​നാ​ടു​ക​ളിൽ, ജീവാ​നു​കൂ​ലി​കൾ അജാത​ശി​ശു​ക്ക​ളു​ടെ അവകാ​ശ​ങ്ങൾക്കു​വേണ്ടി മാർച്ചു​ചെ​യ്യു​ന്നു. തിര​ഞ്ഞെ​ടു​പ്പു​വാ​ദി​ക​ളു​ടെ സമൂഹം സ്വാത​ന്ത്ര്യ​ത്തി​ന്റെ​യും ഗർഭച്ഛി​ദ്രം വേണ​മോ​യെന്നു തീരു​മാ​നി​ക്കാ​നുള്ള ഒരു സ്‌ത്രീ​യു​ടെ നിയമ​പ​ര​മായ അവകാ​ശ​ത്തി​ന്റെ​യും നിലപാ​ടിൽ ഉറച്ചു​നിൽക്കു​ന്നു. കുരി​ശു​യോ​ദ്ധാ​ക്കൾ തിര​ഞ്ഞെ​ടു​പ്പു​ക​ളി​ലും കോട​തി​മു​റി​ക​ളി​ലും പള്ളിക​ളി​ലും തെരു​വു​ക​ളിൽ പോലും സ്വാത​ന്ത്ര്യ​പോ​രാ​ളി​ക​ളു​മാ​യി പടവെ​ട്ടു​ന്നു.

ലക്ഷക്കണ​ക്കി​നാ​ളു​കൾ ഓരോ പക്ഷത്തി​ന്റെ​യും വികാ​ര​വി​ജൃം​ഭി​ത​മായ വാദങ്ങ​ളാൽ കീറി​മു​റി​ക്ക​പ്പെട്ട്‌ ഒരു വടംവ​ലി​യിൽ അകപ്പെ​ട്ടി​രി​ക്കു​ക​യാണ്‌. “തിര​ഞ്ഞെ​ടു​പ്പു​വാ​ദി​കൾ”, “ജീവാ​നു​കൂ​ലി​കൾ” എന്നിങ്ങ​നെ​യുള്ള പദങ്ങൾത്തന്നെ തീരു​മാ​ന​മെ​ടു​ക്കാ​ത്ത​വരെ ആകർഷി​ക്കു​ന്ന​തി​നു​വേണ്ടി സശ്രദ്ധം തിര​ഞ്ഞെ​ടു​ത്തി​ട്ടു​ള്ള​വ​യാണ്‌. സ്വാത​ന്ത്ര്യ​ത്തെ വിഗ്ര​ഹ​മാ​ക്കി പൂജി​ക്കുന്ന ഈ യുഗത്തിൽ ആരാണു തിര​ഞ്ഞെ​ടുപ്പ്‌ ഇഷ്ടപ്പെ​ടാ​ത്തത്‌? എന്നാൽ വീണ്ടും, ജീവനു​വേണ്ടി വാദി​ക്കാത്ത ആരെങ്കി​ലും കാണു​മോ? തിര​ഞ്ഞെ​ടു​പ്പു​വാ​ദി​ക​ളു​ടെ സമൂഹങ്ങൾ സുരക്ഷി​ത​മ​ല്ലാത്ത നിയമ​വി​രുദ്ധ ഗർഭച്ഛി​ദ്ര​ങ്ങൾക്കു വിധേ​യ​രാ​കുന്ന പീഡിത സ്‌ത്രീ​ക​ളു​ടെ മരണങ്ങളെ നാടകീ​ക​രി​ക്കാൻ കോട്ട്‌ ഹാങ്ങറു​കൾ ചുഴററി കാണി​ക്കു​ന്നു. ജീവാ​നു​കൂ​ല​വാ​ദി​കൾ ലക്ഷക്കണ​ക്കിന്‌ അജാത​മൃ​തരെ ഉഗ്രമാ​യി ഓർമി​പ്പി​ക്കാൻ ഗർഭച്ഛി​ദ്ര​ത്തി​നി​ര​യായ ജാറു​ക​ണ​ക്കി​നു ഭ്രൂണ​ങ്ങളെ വിദഗ്‌ദ്ധ​മാ​യി ഉപയോ​ഗി​ക്കു​ന്നു.

മാരക​മാ​യ ഈ മുഴു​ദു​ര​ന്ത​വും ലോറൻസ്‌ എച്ച്‌. ട്രൈ​ബി​ന്റെ ഗർഭച്ഛി​ദ്രം: മൗലി​ക​ത​ക​ളു​ടെ സംഘട്ടനം (Abortion: The Clash of Absolutes) എന്ന പുസ്‌ത​ക​ത്തിൽ സമുചി​ത​മാ​യി വർണി​ക്ക​പ്പെ​ട്ടി​രി​ക്കു​ന്നു. “ഒരു ഭ്രൂണ​ത്തി​ന്റെ സമൂർത്ത മനുഷ്യ​ത്വ​ത്തെ അനായാ​സം വിഭാ​വ​ന​ചെ​യ്യാൻ കഴിയുന്ന, അതിന്റെ ചിത്രം പൊക്കി​പ്പി​ടി​ച്ചു വിലപി​ക്കുന്ന അനേകർ ആ ഭ്രൂണ​വും പേറി​ന​ട​ക്കുന്ന സ്‌ത്രീ​യെ​യും അവളുടെ മാനു​ഷിക കഷ്ടപ്പാ​ടി​നെ​യും കേവലം കാണു​ന്നില്ല. . . . ഗർഭി​ണി​യെ​യും അവളുടെ ശരീര​ത്തെ​യും അനായാ​സം വിഭാ​വ​ന​ചെ​യ്യാൻ കഴിയുന്ന, തന്റെ ഭാഗ​ധേ​യത്തെ നിയ​ന്ത്രി​ക്കാ​നുള്ള അവളുടെ അവകാ​ശ​ത്തി​നു​വേണ്ടി മുറവി​ളി​കൂ​ട്ടുന്ന മററ​നേകർ കേവലം ആ സ്‌ത്രീ​യി​ലുള്ള ഭ്രൂണത്തെ വിഭാ​വ​ന​ചെ​യ്യാ​തി​രി​ക്കു​ന്നു, അനുവ​ദി​ച്ചാൽ അതു നയി​ച്ചേ​ക്കു​മാ​യി​രുന്ന ജീവനെ യഥാർഥ​മെന്നു സങ്കല്‌പി​ക്കു​ന്നു​മില്ല.”

ഈ ധാർമി​ക​യു​ദ്ധം ഉഗ്രമാ​യി നടക്കു​മ്പോൾ അവകാ​ശ​ങ്ങ​ളു​ടെ രണഭൂ​മി​യിൽ ഈ വർഷം 5 കോടി​മു​തൽ 6 കോടി​വരെ അജാത ഇരകൾ മരിച്ചു​വീ​ഴും.

ഈ വൈകാ​രിക വാദവി​ഷ​യ​ത്തിൽ നിങ്ങൾ എവിടെ നില​കൊ​ള്ളു​ന്നു? പിൻവ​രുന്ന ഈ പ്രമു​ഖ​ചോ​ദ്യ​ങ്ങൾക്കു നിങ്ങ​ളെ​ങ്ങനെ ഉത്തരം​പ​റ​യും: തീരു​മാ​ന​മെ​ടു​ക്കുക എന്നത്‌ ഒരു സ്‌ത്രീ​യു​ടെ മൗലി​കാ​വ​കാ​ശ​മാ​ണോ? ഏതെങ്കി​ലും സാഹച​ര്യ​ങ്ങ​ളിൽ ഒരു ഗർഭച്ഛി​ദ്രം നീതീ​ക​രി​ക്ക​പ്പെ​ടു​ന്നു​വോ? ജീവൻ എപ്പോൾ ആരംഭി​ക്കു​ന്നു? വളരെ ചുരു​ക്ക​മാ​യി ചോദി​ക്ക​പ്പെ​ടു​ന്ന​തെ​ങ്കി​ലും, ആത്യന്തി​ക​മായ ഒരു ചോദ്യം: ജീവ​ന്റെ​യും സന്താ​നോൽപ്പാ​ദ​ന​ത്തി​ന്റെ​യും സ്രഷ്ടാവു ഗർഭച്ഛി​ദ്രത്തെ എങ്ങനെ വീക്ഷി​ക്കു​ന്നു?

ഗർഭച്ഛി​ദ്ര​ത്തിന്‌ ഒരു നീണ്ട ചരി​ത്ര​മുണ്ട്‌. പുരാതന ഗ്രീസി​ലും റോമി​ലും ഗർഭച്ഛി​ദ്രം ഒരു സാധാരണ നടപടി​യാ​യി​രു​ന്നു. യൂറോ​പ്പിൽ മധ്യയു​ഗ​ങ്ങ​ളി​ലും നാനകാ​ല​ത്തും, ഗർഭസ്ഥ​ശി​ശു​വി​ന്റെ ചലനങ്ങൾ ആരംഭി​ക്കു​ന്ന​തു​വരെ, അതായത്‌, ഗർഭാ​ശ​യ​ത്തി​ലുള്ള ജീവൻ മാതാ​വിന്‌ അനുഭ​വ​വേ​ദ്യ​മാ​കു​ന്ന​തു​വരെ ഗർഭച്ഛി​ദ്രം അനുവ​ദ​നീ​യ​മാ​യി കണക്കാ​ക്ക​പ്പെ​ട്ടി​രു​ന്നു. ലൈം​ഗിക വിപ്ലവ​ത്തോ​ടെ അതിന്റെ അനന്തര​ഫ​ല​വും വന്നെത്തി—ലക്ഷക്കണ​ക്കിന്‌ അനാവശ്യ ഗർഭധാ​ര​ണങ്ങൾ.

ആയിര​ത്തി​ത്തൊ​ള്ളാ​യി​ര​ത്തി​യ​റു​പ​തു​കൾ സ്‌ത്രീ​വി​മോ​ചന പ്രസ്ഥാ​ന​ത്തി​ന്റെ ഉദയം കുറിച്ചു. പുനരുൽപ്പാ​ദ​നാ​വ​കാ​ശം എന്നു വിളി​ക്ക​പ്പെ​ടു​ന്ന​താണ്‌ ഈ പ്രസ്ഥാ​ന​ത്തി​ന്റെ ഒരു അടിസ്ഥാ​ന​ശില. ചിലർ ബലാൽസം​ഗ​ത്താ​ലോ അഗമ്യ​ഗ​മ​ന​ത്താ​ലോ ഗർഭി​ണി​ക​ളായ ഇരകളു​ടെ​യോ മാതാ​വി​ന്റെ ആരോ​ഗ്യം അപകട​ത്തി​ലാ​യി​രി​ക്കു​മ്പോൾ അവരു​ടെ​യോ ഗർഭച്ഛി​ദ്രാ​വ​കാ​ശ​ങ്ങൾക്കു​വേണ്ടി മുറവി​ളി​കൂ​ട്ടു​ന്നു. വൈദ്യ​ശാ​സ്‌ത്ര സാങ്കേ​തി​ക​വി​ദ്യ സാധ്യ​ത​യുള്ള ജനന​വൈ​ക​ല്യ​ങ്ങ​ളും ശിശു​വി​ന്റെ ലിംഗ​വും കണ്ടുപി​ടി​ക്കു​ന്ന​തി​നു ഗർഭാ​ശ​യ​ത്തി​ലേക്ക്‌ ഒരു ജാലകം തുറന്നി​ട്ടുണ്ട്‌. ഡോക്ടർമാ​രു​ടെ അശുഭാ​പ്‌തി​വി​ശ്വാ​സ​ത്തോ​ടുകൂ​ടിയ പൂർവാ​നു​മാ​ന​ത്തി​ന്റെ അടിസ്ഥാ​ന​ത്തിൽ ഗർഭം അവസാ​നി​ക്കു​ന്നു. നാൽപ്പതു വയസ്സി​നു​മേൽ പ്രായ​മുള്ള സ്‌ത്രീ​കൾ വൈക​ല്യ​ങ്ങൾ സംബന്ധിച്ച്‌ ഉത്‌ക്ക​ണ്‌ഠ​യു​ള്ള​വ​രാ​യി​രു​ന്നേ​ക്കാം.

ദരി​ദ്ര​ബാ​ധി​ത​ദേ​ശ​ങ്ങ​ളിൽ, ഗർഭനി​രോ​ധ​ന​ത്തി​നുള്ള സൗകര്യ​ങ്ങൾ പരിമി​ത​മാ​യി ലഭിക്കുന്ന അനേകം സ്‌ത്രീ​കൾ കൂടുതൽ കുട്ടി​കൾക്കു​വേണ്ടി കരുതാൻ തങ്ങൾക്കാ​വി​ല്ലെന്നു വിചാ​രി​ക്കു​ന്നു. തിര​ഞ്ഞെ​ടു​പ്പു​വാ​ദ​ത്തി​ന്റെ നിർവ​ച​നത്തെ അതിന്റെ പരിധി​വരെ വലിച്ചു​നീ​ട്ടി​ക്കൊണ്ട്‌, ചില ഗർഭി​ണി​കൾ ഗർഭധാ​ര​ണ​സ​മയം ഉചിത​മ​ല്ലെന്ന്‌ അവർ വിചാ​രി​ക്കു​ന്ന​തു​കൊ​ണ്ടോ അജാത​ശി​ശു​വി​ന്റെ ലിംഗം മനസ്സി​ലാ​ക്കു​ന്ന​തു​കൊ​ണ്ടും ആ ലിംഗ​ത്തി​ലുള്ള കുട്ടിയെ അവർ ആഗ്രഹി​ക്കാ​ത്ത​തു​കൊ​ണ്ടു​മോ ഗർഭച്ഛി​ദ്രം നടത്താൻ തീരു​മാ​നി​ക്കു​ന്നു.

ഈ പോരാ​ട്ട​ത്തി​ലെ അനേകം വാക്‌ശ​ര​പ്ര​യോ​ഗങ്ങൾ ജീവൻ എപ്പോൾ തുടങ്ങു​ന്നു എന്ന പ്രശ്‌നം കൈകാ​ര്യം ചെയ്യുന്നു. സംയുക്ത അണ്ഡകോ​ശം ജീവി​ക്കു​ന്നു എന്ന ആശയം സംബന്ധിച്ച്‌ ആരും തന്നെ വാദി​ക്കു​ന്നില്ല. എന്നാൽ ചോദ്യം ഇതാണ്‌, എന്തായി​ട്ടു ജീവി​ക്കു​ന്നു? വെറും ശരീര​ക​ല​യാ​യി​ട്ടോ? അതോ അതു മനുഷ്യ​ജീ​വി​യാ​ണോ? ഓക്കു​മ​ര​ത്തി​ന്റെ കായ്‌ ഒരു ഓക്കു​മ​ര​മാ​ണോ? അപ്പോൾ, ഒരു ഭ്രൂണം ഒരു വ്യക്തി​യാ​ണോ? അതിനു പൗരാ​വ​കാ​ശ​ങ്ങ​ളു​ണ്ടോ? വാക്കു​ക​ളെ​ച്ചൊ​ല്ലി​യുള്ള ശണ്‌ഠക്ക്‌ അന്തമില്ല. ഒരേ ആശുപ​ത്രി​യിൽത്തന്നെ ഡോക്ടർമാർ ഒരു അകാല​ശി​ശു​വി​ന്റെ ജീവൻ രക്ഷപ്പെ​ടു​ത്തു​ന്ന​തി​നു വീരോ​ചി​ത​മാ​യി പ്രവർത്തി​ക്കു​ക​യും അതേസ​മയം അതേ​പ്രാ​യ​ത്തി​ലുള്ള ഒരു ഭ്രൂണ​ത്തി​ന്റെ ജീവൻ അവസാ​നി​പ്പി​ക്കു​ക​യും ചെയ്‌തേ​ക്കാ​മെ​ന്നത്‌ എന്തു വിരോ​ധാ​ഭാ​സ​മാണ്‌! ഗർഭാ​ശ​യ​ത്തി​നു​ള്ളി​ലെ ഒരു ശിശു​വി​നെ കൊല്ലാൻ നിയമം അവരെ അനുവ​ദി​ച്ചേ​ക്കാം, എന്നാൽ ശിശു ഗർഭാ​ശ​യ​ത്തി​നു പുറത്താ​ണെ​ങ്കിൽ അതു കൊല​പാ​ത​ക​മാണ്‌.

ഒന്നാമ​തു​ത​ന്നെ, ഗർഭധാ​ര​ണത്തെ തടയാ​നുള്ള ഗർഭനി​രോ​ധന മാർഗ​ങ്ങ​ളു​ടെ അപരി​മി​ത​മായ സൗകര്യ​മുള്ള “വിമോ​ചിത” നവീന​രിൽ നിന്നാണു നിയമാ​നു​സൃത ഗർഭച്ഛി​ദ്ര​ത്തി​നു വേണ്ടി അത്യു​ച്ച​ത്തി​ലുള്ള ആഹ്വാ​നങ്ങൾ ഉണ്ടാകു​ന്നത്‌. പുനരുൽപ്പാ​ദ​നാ​വ​കാ​ശങ്ങൾ എന്നു പറയ​പ്പെ​ടുന്ന ഒന്നിനു​വേണ്ടി അവർ ഉഗ്രമാ​യി അവകാ​ശ​വാ​ദം പുറ​പ്പെ​ടു​വി​ക്കു​ന്നു, സത്യത്തിൽ അവർ ഗർഭധാ​ര​ണ​ത്തി​നും പുനരുൽപ്പാ​ദ​ന​ത്തി​നു​മുള്ള തങ്ങളുടെ പ്രാപ്‌തി ഇപ്പോൾത്തന്നെ ഉപയോ​ഗി​ച്ചു​ക​ഴി​ഞ്ഞി​രി​ക്കു​ന്നു. ഇപ്പോൾ അവർക്കു യഥാർത്ഥ​ത്തിൽ വേണ്ടത്‌ ആ പുനരുൽപ്പാ​ദ​നത്തെ നശിപ്പി​ക്കു​ന്ന​തി​നുള്ള അവകാ​ശ​മാണ്‌. ന്യായീ​ക​ര​ണ​മോ? “ഇത്‌ എന്റെ ശരീര​മാണ്‌!” എന്നാൽ യഥാർഥ​ത്തിൽ ആണോ?

ഗർഭധാ​ര​ണ​ത്തി​ന്റെ ആദ്യത്തെ 12 ആഴ്‌ച​ക​ളിൽ, “തോല്‌പ​ശ​യു​ടെ അവസ്ഥയിൽ അല്‌പ​മായ അളവി​ലുള്ള കലയെ നീക്കം​ചെ​യ്യാൻ വളരെ എളുപ്പ​മാണ്‌” എന്നു ഗർഭച്ഛി​ദ്രം—വാദവി​ഷ​യങ്ങൾ സംബന്ധി​ച്ചു പൗരൻമാർക്കുള്ള മാർഗ​നിർദേശം (Abortion —A Citizens’ Guide to the Issues) എന്ന പുസ്‌തകം പ്രസ്‌താ​വി​ക്കു​ന്നു. ഗർഭച്ഛി​ദ്രത്തെ “ഗോള​പി​ണ്ഡ​ത്തി​ന്റെ നീക്കം​ചെയ്യൽ” അഥവാ “ഗർഭധാ​ര​ണ​ഫ​ല​ത്തി​ന്റെ അവസാ​നി​പ്പി​ക്കൽ” ആയി കണക്കാ​ക്കാൻ കഴിയു​മോ? അതോ ഈ ‘പഞ്ചാര​വാ​ക്കു​കൾ’ കയ്‌പ്പേ​റിയ സത്യത്തെ ആസ്വാ​ദ്യ​മാ​ക്കു​ന്ന​തി​നും അസ്വസ്ഥ​മായ മനഃസാ​ക്ഷി​കളെ സമാശ്വ​സി​പ്പി​ക്കു​ന്ന​തി​നും ഉദ്ദേശി​ച്ചു​ള്ള​താ​ണോ?

വേണ്ടാത്ത ആ കോശ​ഘടന അതി​ന്റെ​തന്നെ ക്രോ​മ​സോ​മു​ക​ളു​ടെ ഗണത്താൽ പൂർണ​മാ​യി​രി​ക്കുന്ന, തഴച്ചു​വ​ള​രുന്ന, പുഷ്ടി​പ്രാ​പി​ച്ചു​കൊ​ണ്ടി​രി​ക്കുന്ന, ഒരു ജീവനാണ്‌. ഒരു പ്രാവ​ച​നിക ആത്മകഥ​പോ​ലെ അതു നിർമാ​ണ​ത്തി​ലി​രി​ക്കുന്ന ഒരു അനുപമ വ്യക്തി​യു​ടെ വിശദ​മായ കഥ പറയുന്നു. വിഖ്യാത ഭ്രൂണ​ശാ​സ്‌ത്ര ഗവേഷണ പ്രൊ​ഫ​സ​റായ എ. ഡബ്ലിയു. ലിലീ ഇപ്രകാ​രം വിശദീ​ക​രി​ക്കു​ന്നു: “ഭ്രൂണം മാതാ​വി​ന്റെ ഒരു അനുബന്ധം മാത്ര​മാ​ണെ​ന്നുള്ള വീക്ഷണം ജീവശാ​സ്‌ത്ര​പ​ര​മാ​യി ഒരു ഘട്ടത്തി​ലും നമുക്കു സമ്മതി​ച്ചു​കൊ​ടു​ക്കാൻ സാധ്യമല്ല. ജനിത​ക​മാ​യി​പ്പ​റ​ഞ്ഞാൽ, മാതാ​വും ശിശു​വും ഗർഭധാ​രണം മുതലേ വ്യത്യസ്‌ത വ്യക്തി​ക​ളാണ്‌.”

നിരു​ത്ത​ര​വാ​ദ​പ​ര​മായ പെരു​മാ​റ​റം

എങ്ങനെ​യാ​യി​രു​ന്നാ​ലും, ഗർഭച്ഛി​ദ്ര​ത്തി​നുള്ള സൗകര്യ​ങ്ങൾ ഉള്ളപ്പോൾ അനാവ​ശ്യ​മായ ഗർഭധാ​ര​ണ​ത്തി​നെ​തി​രെ ജാഗ്രത പാലി​ക്കേ​ണ്ട​തി​ന്റെ അടിയ​ന്തി​രാ​വ​ശ്യം അനേകർക്കും തോന്നി​യി​ട്ടില്ല. സംഭവി​ച്ചേ​ക്കാ​വുന്ന ഏത്‌ “അവിചാ​രിത ഗർഭധാ​ര​ണ​ങ്ങളെ”യും തടയാ​നുള്ള ഒരു മാർഗ​മാ​യി അവർ ഗർഭച്ഛി​ദ്രത്തെ ഉപയോ​ഗി​ക്കു​ന്നു.

ഈ നൂററാ​ണ്ടിൽ താരു​ണ്യ​പ്രാ​യം താഴ്‌ന്ന​താ​യി സ്ഥിതി​വി​വ​ര​ക്ക​ണ​ക്കു​കൾ പ്രകട​മാ​ക്കു​ന്നു. അതു​കൊണ്ട്‌, ഇളം പ്രായ​ക്കാർ സന്താ​നോൽപ്പാ​ദ​ന​ത്തി​നു പ്രാപ്‌ത​രാണ്‌. എന്നാൽ ആ പദവി​യോ​ടൊ​പ്പം വരുന്ന ഭാരിച്ച ഉത്തരവാ​ദി​ത്വ​ത്തെ​ക്കു​റിച്ച്‌ അവരെ പഠിപ്പി​ക്കു​ന്നു​ണ്ടോ? ശരാശരി അമേരി​ക്ക​ക്കാർക്ക്‌ 16 വയസ്സാ​കു​ന്ന​തോ​ടെ കന്യകാ​ത്വം നഷ്ടപ്പെ​ടു​ന്നു, 5-ൽ 1-ന്‌ 13 വയസ്സിനു മുമ്പേ തന്നെ. വിവാ​ഹി​ത​രായ സ്‌ത്രീ​പു​രു​ഷൻമാ​രു​ടെ മൂന്നി​ലൊന്ന്‌ ഒരു പ്രേമ​ബന്ധം പുലർത്തു​ന്നു, അല്ലെങ്കിൽ കഴിഞ്ഞ​കാ​ലത്ത്‌ അങ്ങനെ ചെയ്‌തി​ട്ടുണ്ട്‌. ഗർഭച്ഛി​ദ്ര​ത്തി​നു തയ്യാറുള്ള കക്ഷികൾ വിവേ​ച​നാ​ര​ഹി​ത​മാ​യി ലൈം​ഗി​ക​ബ​ന്ധ​ത്തി​ലേർപ്പെ​ടു​ന്ന​വ​രു​ടെ ഇടയി​ലുണ്ട്‌. എയ്‌ഡ്‌സി​ന്റെ വ്യാപ​നത്തെ തടയാൻ വേശ്യാ​വൃ​ത്തി നിയമാ​നു​സൃ​ത​മാ​ക്കാൻ ചില​പ്പോ​ഴുള്ള ആഹ്വാ​നം​പോ​ലെ​തന്നെ, ഗർഭച്ഛി​ദ്ര​ത്തി​ന്റെ നിയമാ​നു​സൃ​ത​മാ​ക്കൽ ആ നടപടി​യെ വൈദ്യ​ശാ​സ്‌ത്ര​പ​ര​മാ​യി ഏറെക്കു​റെ ഭദ്രമാ​ക്കി​ത്തീർത്തി​രി​ക്കാം. എന്നാൽ അതു ധാർമി​ക​രോ​ഗ​ത്തി​നു പുഷ്ടി​പ്രാ​പി​ക്കാൻ കഴിയു​ന്ന​തും പുഷ്ടി​പ്രാ​പി​ച്ചു​കൊ​ണ്ടി​രി​ക്കു​ന്ന​തു​മായ ഫലഭൂ​യി​ഷ്‌ഠ​മായ ചുററു​പാട്‌ സൃഷ്ടി​ക്കാൻ ഏറെ പ്രവർത്തി​ച്ചി​ട്ടുണ്ട്‌

അക്രമ​ത്തി​ന്റെ ഇരകളോ അതോ സാഹച​ര്യ​ത്തി​ന്റേ​തോ?

രസാവ​ഹ​മാ​യി, ബലാൽസം​ഗ നിമി​ത്ത​മു​ണ്ടാ​കുന്ന ഗർഭധാ​രണം തുലോം വിരള​മാ​ണെന്നു പഠനങ്ങൾ തെളി​യി​ക്കു​ന്നു. യു.എസ്‌.എ., മിന്നി​യ​പ്പൊ​ലി​സി​ലെ ബലാൽസം​ഗ​ത്തി​ന്റെ 3,500 തുടർച്ച​യായ ഇരകളെ സംബന്ധിച്ച ഒരു സർവ്വേ, ഗർഭധാ​ര​ണ​ത്തി​ന്റെ ഒററ സംഭവം പോലും വെളി​പ്പെ​ടു​ത്തി​യില്ല. മുൻ ചെക്കോ​സ്ലോ​വാ​ക്ക്യ​യി​ലെ 86,000 ഗർഭച്ഛി​ദ്ര​ങ്ങ​ളിൽ ബലാൽസം​ഗം നിമി​ത്ത​മു​ള്ളത്‌ 22 എണ്ണം മാത്ര​മാ​യി​രു​ന്നു. അങ്ങനെ, ഗർഭച്ഛി​ദ്രം തേടു​ന്ന​വ​രിൽ ഒരു ചെറിയ അംശം മാത്രമേ ഈ കാരണ​ങ്ങ​ളാൽ അതു തേടു​ന്നു​ള്ളു.

ഭേദമാ​ക്കാ​നാ​വാത്ത ജനന​വൈ​ക​ല്യ​ങ്ങ​ളോ​ടു​കൂ​ടി ദാരു​ണ​മാ​യി വൈരൂ​പ്യം ഭവിക്കു​മെ​ന്നുള്ള, ശിശു​ക്കളെ സംബന്ധിച്ച ഭയജന​ക​മായ മുന്നറി​യി​പ്പു​കൾ സംബന്ധി​ച്ചെന്ത്‌? വൈക​ല്യ​ത്തി​ന്റെ ആദ്യല​ക്ഷണം കാണു​മ്പോൾത്തന്നെ ചില ഡോക്ടർമാർ ഗർഭച്ഛി​ദ്ര​ത്തി​നു പ്രേരി​പ്പി​ക്കാൻ തിടു​ക്ക​മു​ള്ള​വ​രാണ്‌. അവർക്കു വൈക​ല്യ​നിർണയം സംബന്ധി​ച്ചു പൂർണ​നി​ശ്ചയം ഉള്ളവരാ​യി​രി​ക്കാൻ കഴിയു​മോ? ഇങ്ങനെ​യുള്ള ദാരു​ണ​പ്ര​വ​ച​നങ്ങൾ അടിസ്ഥാ​ന​ര​ഹി​ത​മാ​യേ​ക്കാ​മെന്ന്‌ അനേകം മാതാ​പി​താ​ക്കൾക്കു സാക്ഷ്യ​പ്പെ​ടു​ത്താൻ കഴിയു​ന്നു. അതു തെളി​യി​ക്കു​ന്ന​തിന്‌ അവർക്കു സന്തുഷ്ട​രായ ആരോ​ഗ്യ​മുള്ള കുട്ടികൾ ഉണ്ട്‌. വികലാം​ഗ​രെന്നു കരുത​പ്പെ​ടുന്ന കുട്ടി​ക​ളുള്ള മററു​ചി​ലർ മാതാ​പി​താ​ക്ക​ളാ​യി​രി​ക്കു​ന്ന​തിൽ തികച്ചും സന്തുഷ്ട​രാണ്‌. വാസ്‌ത​വ​ത്തിൽ, ഐക്യ​നാ​ടു​ക​ളിൽ ഗർഭച്ഛി​ദ്രം തേടു​ന്ന​വ​രു​ടെ 1 ശതമാനം മാത്രമേ ഭ്രൂണ​ത്തി​ലെ സാധ്യ​ത​യുള്ള ചില വൈക​ല്യ​ങ്ങൾ അറിയാ​നി​ട​യാ​കു​ന്ന​തി​നാൽ അങ്ങനെ ചെയ്യു​ന്നു​ള്ളു.

ഏതായാ​ലും, നിങ്ങൾ ഈ ലേഖനം വായി​ക്കാ​നെ​ടുത്ത സമയം​കൊ​ണ്ടു നൂറു​ക​ണ​ക്കിന്‌ അജാത​ശി​ശു​ക്കൾ മരിച്ചു​ക​ഴി​ഞ്ഞി​രി​ക്കു​ന്നു. അത്‌ എവി​ടെ​യാ​ണു സംഭവി​ക്കു​ന്നത്‌? ഉൾപ്പെ​ട്ടി​രി​ക്കു​ന്ന​വ​രു​ടെ ജീവിതം എങ്ങനെ ബാധി​ക്ക​പ്പെ​ടു​ന്നു?

[4-ാം പേജിലെ ആകർഷ​ക​വാ​ക്യം]

മാതാവ്‌: “ഇത്‌ എന്റെ ശരീര​മാണ്‌!”

ശിശു: “അല്ല! ഇത്‌ എന്റെ ശരീര​മാണ്‌!”