ലോകത്തെ വീക്ഷിക്കൽ

ഇപ്പോ​ഴും ദുർമ​ന്ത്ര​വാ​ദി​നി​കളെ വേട്ടയാ​ടു​ന്നു

ഇൻഡ്യ​യി​ലെ ഗോ​ത്ര​വർഗ ഉൾപ്ര​ദേ​ശ​ങ്ങ​ളി​ലെ ഒരു ഡസനി​ല​ധി​കം സ്‌ത്രീ​കളെ രണ്ടു മാസത്തി​നു​ള്ളിൽ മന്ത്രവാ​ദി​നി​കൾ എന്നു മുദ്ര​കു​ത്തി ഭ്രാന്തൻ ജനക്കൂട്ടം കൊല​പ്പെ​ടു​ത്തി​യ​താ​യി ഇന്ത്യാ ടുഡേ റിപ്പോർട്ടു ചെയ്യുന്നു. “മററു നിരവധി സ്‌ത്രീ​കളെ തല്ലുക​യും പീഡി​പ്പി​ക്കു​ക​യും നഗ്നമായി നടത്തു​ക​യും അങ്ങേയ​ററം മൃഗീ​യ​മായ രീതി​യിൽ അപമാ​നി​ക്കു​ക​യും അവരുടെ ഗ്രാമ​ങ്ങ​ളിൽനിന്ന്‌ ഓടി​ക്കു​ക​യും ചെയ്‌തു.” ഗ്രാമ​ഗ്രാ​മാ​ന്തരം കടന്നു​പോയ മതഘോ​ഷ​യാ​ത്ര​ക​ളോ​ടെ​യാ​ണു ലഹള പൊട്ടി​പ്പു​റ​പ്പെ​ട്ടത്‌. ഈ നടപടി സാമൂ​ഹിക നാന പ്രസ്ഥാ​ന​ത്തി​ലേ​ക്കും കുററ​കൃ​ത്യ​ത്തി​ലെ ഒരു കുറവി​ലേ​ക്കും നയിച്ചു. പക്ഷേ അപ്പോൾ ഘോഷ​യാ​ത്ര​യിൽ പങ്കെടു​ത്തി​രുന്ന ചില സ്‌ത്രീ​കൾ “ഭൂതബാ​ധി​ത​രാ​യി”ത്തീരു​ക​യും ചില ഗ്രാമീ​ണരെ പ്രാ​ദേ​ശിക പ്രശ്‌ന​ങ്ങൾക്ക്‌ ഉത്തരവാ​ദി​ക​ളായ മന്ത്രവാ​ദി​നി​ക​ളാ​യി തിരി​ച്ച​റി​യി​ക്കാൻ തുടങ്ങു​ക​യും ചെയ്‌തു. മന്ത്രവാ​ദി​നി ആരെ​യെ​ങ്കി​ലും കൊല ചെയ്‌ത​താ​യി ആരോ​പി​ക്ക​പ്പെ​ട്ടാൽ മരിച്ച ഒരു വ്യക്തിയെ ഉയിർപ്പി​ക്കു​ന്ന​തു​പോ​ലെ നിരപ​രാ​ധി​ത്വം തെളി​യി​ക്കാ​നുള്ള “പരീക്ഷ”യിൽ പരാജ​യ​പ്പെ​ടു​ന്നെ​ങ്കിൽ തത്‌ക്ഷ​ണ​ശിക്ഷ ലഭിക്കു​മാ​യി​രു​ന്നു. മന്ത്രവാ​ദ​ത്തി​ലുള്ള വിശ്വാ​സ​മാ​ണു മൂലകാ​രണം എന്നു പറയ​പ്പെ​ടു​ന്നു. ഒരു നരവം​ശ​ശാ​സ്‌ത്രജ്ഞൻ പറയു​ന്ന​ത​നു​സ​രിച്ച്‌ അത്‌ “കരിങ്ക​ണ്ണി​നെ​തി​രെ​യുള്ള ശക്തിയും ഉദ്ദേശ്യ ലക്ഷ്യങ്ങൾ ആർജി​ക്കാ​നുള്ള ശക്തിയും തങ്ങളുടെ ഇഷ്ടം മററു​ള്ള​വ​രിൽ അടി​ച്ചേൽപ്പി​ക്കാ​നുള്ള ശക്തിയും നേടാൻ പ്രകൃ​താ​തീത ശക്തിയെ നിയ​ന്ത്ര​ണ​വി​ധേ​യ​മാ​ക്കി ഉപയോ​ഗ​പ്പെ​ടു​ത്താ​നുള്ള ഗോത്ര സമൂഹ​ങ്ങൾക്കി​ട​യി​ലെ ഒരു വ്യഗ്ര​ത​യിൽനി​ന്നാണ്‌ ഉളവാ​കു​ന്നത്‌.” (g93 7/22)

വനിതാ ഡിറെ​റ​ക്ടീ​വു​കൾ

“അടുത്ത ഷെർലോക്‌ ഹോംസ്‌ ഒരു സ്‌ത്രീ​യാ​യി​രി​ക്കാം” എന്നു ജപ്പാനി​ലെ ആസാഹി ഈവനിങ്‌ ന്യൂസ്‌ പറയുന്നു. ടോക്കി​യോ​യി​ലെ ഒരു പുതിയ സ്‌കൂ​ളിൽ മുന്നൂറ്‌ വിദ്യാർഥി​കൾ ഡിറെ​റ​ക്ടീ​വു​ക​ളാ​യി​ത്തീ​രാൻ പരിശീ​ലനം നേടി​ക്കൊ​ണ്ടി​രി​ക്കു​ക​യാണ്‌, അവരിൽ മൂന്നിൽ രണ്ടില​ധി​കം പേരും സ്‌ത്രീ​ക​ളാണ്‌. അധിക​വും തങ്ങളുടെ 20-കളുടെ ആരംഭം​മു​തൽ 40-കളുടെ ആരംഭം​വ​രെ​യു​ള്ളവർ. പല കാരണങ്ങൾ നിമിത്തം അവർക്കു കുററാ​ന്വേ​ഷ​ണ​ജോ​ലി ഇഷ്ടമാണ്‌. നാൽപ്പ​ത്താറ്‌ വയസ്സുള്ള ഒരു വീട്ടമ്മ സ്‌കൂ​ളിൽ ചേർന്ന​താ​യി റിപ്പോർട്ടു ചെയ്യ​പ്പെട്ടു, കാരണം “പുഷ്‌പങ്ങൾ എങ്ങനെ ക്രമീ​ക​രി​ക്ക​ണ​മെ​ന്നും ഒരു കിമോ​ണോ എങ്ങനെ നന്നായി ധരിക്ക​ണ​മെ​ന്നും സ്‌ത്രീ​കളെ പഠിപ്പി​ക്കുന്ന പരമ്പരാ​ഗത കോഴ്‌സു​കൾക്കൊണ്ട്‌ അവർ തൃപ്‌ത​യാ​യി​രു​ന്നില്ല.” മററു​ചി​ലർക്ക്‌ ഈ പഠനം ഒരു ഹോബി​യെ​ക്കാ​ള​ധി​ക​മാണ്‌. സ്‌കൂ​ളി​ലെ പകുതി വീട്ടമ്മ​മാ​രും ഈ കാര്യം തങ്ങളുടെ ഭർത്താ​ക്കൻമാ​രോ​ടു പറഞ്ഞി​ട്ടില്ല. അവരിൽ ചിലർ തങ്ങളുടെ അവിശ്വ​സ്‌ത​രായ ഇണക​ളെ​ക്കു​റിച്ച്‌ അന്വേ​ഷണം നടത്താൻ വൈദ​ഗ്‌ധ്യം നേടി​ക്കൊ​ണ്ടി​രി​ക്കു​ന്നു. (g93 8/8)

പിതാ​ക്കൻമാ​രെ​യും കുററ​പ്പെ​ടു​ത്തേ​ണ്ട​താണ്‌

മദ്യവും പുകവ​ലി​യും പോലെ ജനന​വൈ​ക​ല്യ​ങ്ങൾ ഉളവാ​ക്കി​യേ​ക്കാ​വുന്ന കാര്യങ്ങൾ ഒഴിവാ​ക്കാ​നും പോഷ​ക​പ്ര​ദ​മായ ഒരു ഭക്ഷ്യ​ക്രമം ഉണ്ടായി​രി​ക്കാ​നും ഇപ്പോൾ കുറെ​ക്കാ​ല​മാ​യി ഗർഭി​ണി​കൾക്കു മുന്നറി​യി​പ്പു കൊടു​ക്ക​പ്പെ​ട്ടി​ട്ടുണ്ട്‌. “ഇപ്പോൾ സമാന​മായ മുൻക​രു​ത​ലു​കൾ പിതാ​വാ​കാൻ പോകു​ന്ന​വർക്കും പ്രോ​ത്സാ​ഹി​പ്പി​ക്ക​പ്പെ​ടു​ന്നു” എന്നു യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു. “രാസപ​ദാർഥ​ങ്ങൾക്കു വിധേ​യ​മാ​കു​ന്നത്‌ ഒരു കുട്ടിയെ ജനിപ്പി​ക്കാ​നുള്ള ഒരു പുരു​ഷന്റെ പ്രാപ്‌തി​യെ മാത്രമല്ല അയാളു​ടെ കുട്ടി​ക​ളു​ടെ ഭാവി ആരോ​ഗ്യ​ത്തെ​യും ബാധി​ക്കു​ന്ന​താ​യി പുതിയ ഗവേഷണം സൂചി​പ്പി​ക്കു​ന്നു.” “മുമ്പു മനസ്സി​ലാ​ക്കി​യി​രു​ന്ന​തി​നെ​ക്കാൾ അധികം, തങ്ങളുടെ ഭാര്യ​മാ​രി​ലെ ഗർഭമ​ല​സ​ലി​നും വിവിധ രൂപ​വൈ​കൃ​ത​മുള്ള കുട്ടികൾ ഉണ്ടാകു​ന്ന​തി​നും, ക്യാൻസ​റു​കൾക്കും തങ്ങളുടെ കുട്ടി​ക​ളി​ലെ വളർച്ചാ​പ​ര​മായ മാന്ദ്യ​ത്തി​നും പുരു​ഷൻമാർ സംഭാവന ചെയ്യുന്നു” എന്നു തെളിവു പ്രകട​മാ​ക്കു​ന്നു. മയക്കു​മ​രു​ന്നു​ക​ളും (സിഗറ​ററ്‌ വലിയു​ടെ ഉപോ​ത്‌പ​ന്നങ്ങൾ ഉൾപ്പെ​ടെ​യുള്ള) മററു രാസവ​സ്‌തു​ക്ക​ളും, അതു​പോ​ലെ​തന്നെ വേണ്ടത്ര പച്ചക്കറി​ക​ളും ജീവകം സി സമ്പുഷ്ട​മാ​യുള്ള പഴങ്ങളും കുറവുള്ള ഭക്ഷ്യ​ക്ര​മ​വും ബീജത്തി​നു കേടു വരുത്തു​ന്ന​താ​യി ഇപ്പോൾ തോന്നു​ന്നു. വിഷവി​ജ്ഞാ​ന​വി​ദ​ഗ്‌ധ​യായ ദെവ്‌റ ലീ ഡേവീസ്‌ ഇങ്ങനെ പറയുന്നു: “ദീർഘ​കാ​ല​മാ​യി നാം അമ്മമാ​രിൽ മാത്രം ശ്രദ്ധ കേന്ദ്രീ​ക​രി​ച്ചി​രി​ക്കു​ന്നു. ആരോ​ഗ്യ​മുള്ള കുട്ടി​കളെ ഉളവാ​ക്കു​ന്ന​തി​ലെ പിതാ​ക്കൻമാ​രു​ടെ പ്രാധാ​ന്യം വിലമ​തി​ക്കാ​തെ​യും പോയി​രി​ക്കു​ന്നു.” (g93 7/22)

മറെറാ​രു ഫ്‌ളൂ പകർച്ച​വ്യാ​ധി?

“സാധ്യ​ത​യ​നു​സ​രിച്ച്‌ അടുത്ത പല വർഷങ്ങ​ളിൽ സാം​ക്ര​മി​ക​രോ​ഗ​മായ ഇൻഫ്‌ളു​വൻസ അതുണ്ടാ​കു​മ്പോൾ നിസ്സം​ശ​യ​മാ​യും ഒരു മുഖ്യ ബാധതന്നെ ആയിരി​ക്കും,” ദ ന്യൂ​യോർക്ക്‌ ടൈംസ്‌ മാഗസിൻ പ്രസ്‌താ​വി​ക്കു​ന്നു. ശാസ്‌ത്രജ്ഞർ പറയു​ന്ന​ത​നു​സ​രിച്ച്‌, 2 കോടി​മു​തൽ 4 കോടി​വരെ ആളുക​ളു​ടെ ജീവന​പ​ഹ​രിച്ച 1918-ലെ ഫ്‌ളൂ പകർച്ച​വ്യാ​ധി​ക്കു സമാന​മായ ഒന്ന്‌ ഉണ്ടാകാ​നുള്ള സമയമാ​യി​രി​ക്കു​ന്നു. “അത്‌ ഒരിക്ക​ലു​ണ്ടാ​യെ​ങ്കിൽ അതിനു വീണ്ടും ഉണ്ടാകാൻ കഴിയും എന്നതിനു സകല അടിസ്ഥാ​ന​വും ഉണ്ട്‌,” അലർജി​യെ​യും സാം​ക്ര​മിക രോഗ​ങ്ങ​ളെ​യും കുറിച്ചു പഠനം നടത്തുന്ന മേരി​ലാൻറി​ലെ ബെഥെ​സ്‌ഡാ​യി​ലുള്ള ദേശീയ ഇൻസ്‌റ​റി​റ​റ്യൂ​ട്ടി​ലെ സാം​ക്ര​മിക രോഗ​വി​ഭാ​ഗ​ത്തി​ന്റെ തലവനായ ജോൺ ആർ. ലാ മൊൺടേൻ പറയുന്നു. എന്നിരു​ന്നാ​ലും ഇൻഫ്‌ളു​വൻസാ പകർച്ച​വ്യാ​ധി​യോ​ടു ബന്ധപ്പെട്ട പ്രശ്‌നങ്ങൾ സൃഷ്ടി​ക്കുന്ന കരുത്തു നേടിയ വൈറ​സു​കൾ വിരള​മാണ്‌. ഈ നൂററാ​ണ്ടിൽ മൂന്നു പ്രാവ​ശ്യം മാത്രമേ അത്‌ ഉണ്ടായി​ട്ടു​ള്ളു: 1918-ലെ സ്‌പാ​നീഷ്‌ ഫ്‌ളൂ, 1957-ലെ ഏഷ്യൻ ഫ്‌ളൂ, 1968-ലെ ഹോ​ങ്കോംഗ്‌ ഫ്‌ളൂ; അവസാ​നത്തെ രണ്ടെണ്ണം താരത​മ്യേന തീവ്രത കുറഞ്ഞ​താ​യി​രു​ന്നു. ഇൻഫ്‌ളു​വൻസാ വൈറ​സു​കൾ വളരെ ആവർത്തി​ച്ചും പ്രവചി​ക്കാ​നാ​വാത്ത വിധവും മാറി​ക്കൊ​ണ്ടി​രി​ക്കു​ന്ന​തി​നാൽ കൃത്യ​മായ ഒരു വാക്‌സിൻ വികസി​പ്പി​ച്ചെ​ടു​ക്കു​ന്ന​തി​നു മുമ്പ്‌ ഈ രോഗ​ത്തി​ന്റെ മാരക​മായ ഒരു പൊട്ടി​പ്പു​റ​പ്പെടൽ ഉണ്ടാ​യേ​ക്കാം. ആ ലേഖനം ഇങ്ങനെ ഉപസം​ഹ​രി​ക്കു​ന്നു: “ചരിത്രം ഏതെങ്കി​ലും തരത്തി​ലുള്ള വഴികാ​ട്ടി​യാ​ണെ​ങ്കിൽ ആ രോഗാ​ണു​ക്ക​ളി​ലെ മുഖ്യ​മായ ഒരു വ്യതി​യാ​നം ഈ നൂററാണ്ട്‌ അവസാ​നി​ക്കു​ന്ന​തി​നു മുമ്പു മിക്കവാ​റും നമുക്കു പ്രതീ​ക്ഷി​ക്കാൻ കഴിയും—മാരക​മായ ഫ്‌ളൂ​വി​ന്റെ ലോക​വ്യാ​പ​ക​മായ ഒരു പൊട്ടി​പ്പു​റ​പ്പെ​ട​ലി​ലേക്കു നയിക്കാൻ കഴിയു​ന്നത്ര വലിയ ഒന്നുതന്നെ.” (g93 7/22)

കമ്മലുകൾ കൈമാ​റൽ—ഒരു ആരോ​ഗ്യാ​പ​ക​ടം

“രക്തം​കൊ​ണ്ടു മലിന​മായ കമ്മലുകൾ ഹെപ്പ​റെ​റ​റ​റിസ്‌ ബിയും മനുഷ്യ പ്രതി​രോ​ധ​ശേ​ഷി​യെ നശിപ്പി​ക്കുന്ന വൈറ​സും ഉൾപ്പെ​ടെ​യുള്ള അനവധി സൂക്ഷ്‌മ ജീവി​ക​ളിൽനി​ന്നുള്ള രോഗ​സം​ക്ര​മ​ണ​ത്തി​നു സാധ്യ​ത​യുള്ള ഒരു ഉറവാണ്‌” എന്ന്‌ ഒഹായോ സംസ്ഥാന സർവക​ലാ​ശാ​ല​യി​ലെ​യും കുട്ടി​കൾക്കാ​യുള്ള ആശുപ​ത്രി​യി​ലെ​യും ഡോക്ടർമാ​രായ ഫിലിപ്പ്‌ ഡി. വാൾസ​ണും മൈക്കിൾ ററി. ബ്രാഡി​യും അവകാ​ശ​പ്പെ​ടു​ന്നു. ബാലചി​കി​ത്സകൾ (Pediatrics) എന്ന വൈദ്യ​ശാ​സ്‌ത്ര പത്രി​ക​യിൽ പ്രസി​ദ്ധ​പ്പെ​ടു​ത്തിയ ഒരു സംയുക്ത കത്തിൽ അണുവി​മു​ക്ത​മാ​ക്കാത്ത കമ്മലുകൾ വ്യക്തമാ​യും വ്യാപ​ക​മാ​യി മാറി ഉപയോ​ഗി​ക്കു​ന്നതു സംബന്ധിച്ച്‌ ഉത്‌കണ്‌ഠ പ്രകടി​പ്പി​ച്ചു. കമ്മലുകൾ കൈമാ​റി ഉപയോ​ഗി​ക്കുന്ന കൗമാ​ര​പ്രാ​യ​ക്കാർക്കും ചെറു​പ്പ​ക്കാർക്കും, ലൈം​ഗിക പ്രവർത്ത​ന​ത്തോ​ടും മയക്കു​മ​രു​ന്നു​കൾ കുത്തി​വെ​ക്കാ​നുള്ള സൂചികൾ മാറി ഉപയോ​ഗി​ക്കു​ന്ന​തി​നോ​ടും ബന്ധപ്പെ​ട്ടി​രി​ക്കുന്ന അപകടങ്ങൾ അറിയാ​മാ​യി​രി​ക്കാം—എന്നാൽ ഈ ആചാരം സംബന്ധിച്ച്‌ അവർക്ക​റി​യില്ല. “രക്തജന്യ രോഗങ്ങൾ പകർത്താ​നുള്ള സാധ്യ​ത​യും ഇതിനുണ്ട്‌” എന്ന്‌ ഇരു ഡോക്ട​മാ​രും അവകാ​ശ​പ്പെ​ടു​ന്നു. ഡോക്ടർമാർ “ഈ സമ്പ്രദാ​യ​ത്തിൽനി​ന്നു തങ്ങളുടെ രോഗി​കളെ പിന്തി​രി​പ്പി​ക്കണം” എന്ന്‌ അവർ ശുപാർശ ചെയ്യുന്നു. (g93 8/8)

വേണ്ടത്ര ആഹാര​മു​ണ്ടാ​യി​ട്ടും വികല​പോ​ഷണം നിലനിൽക്കു​ന്നു

ലോക​ജ​ന​സം​ഖ്യ വളരെ​യ​ധി​കം വർധി​ച്ചി​ട്ടു​ണ്ടെ​ങ്കി​ലും ദരി​ദ്ര​രാ​ജ്യ​ങ്ങ​ളിൽ 20 വർഷം മുമ്പു​ണ്ടാ​യി​രു​ന്ന​തി​നെ​ക്കാൾ 15 കോടി​യി​ല​ധി​കം വികല​പോ​ഷി​ത​രായ ആളുകൾ കുറവാണ്‌. “ഭക്ഷ്യ​ശേ​ഖ​ര​വും കൃഷി​ക്കാ​രും ജനസം​ഖ്യാ വർധന​വി​നൊ​പ്പം മുന്നേ​റു​ക​യും അതിനെ കവച്ചു​വ​യ്‌ക്കുക പോലും ചെയ്‌തു” എന്ന്‌ യുഎൻ ഭക്ഷ്യ-കാർഷിക സംഘട​ന​യു​ടെ ഡയറക്ട​റായ ജോൺ ലൂപ്പിയൻ പറയുന്നു. “ഇപ്പോൾത്തന്നെ എല്ലാവ​രെ​യും പോറ​റാൻ വേണ്ടത്ര ആഹാര​മുണ്ട്‌, ആവശ്യ​മുള്ള ആളുകൾക്ക്‌ അത്‌ യഥാർഥ​ത്തിൽ എത്തിക്കാൻ കഴിഞ്ഞാൽ.” സങ്കടക​ര​മാ​യി ദി ഇക്കണോ​മി​സ്‌ററ്‌ ഇപ്രകാ​രം റിപ്പോർട്ടു ചെയ്യുന്നു: “ദരി​ദ്ര​രാ​ജ്യ​ങ്ങ​ളി​ലെ ജനസം​ഖ്യ​യു​ടെ അഞ്ചി​ലൊ​ന്നായ ഏതാണ്ട്‌ 78 കോടി ആളുകൾക്കു ഭക്ഷിക്കാൻ വേണ്ടത്ര കിട്ടു​ന്നില്ല. തങ്ങളുടെ വയറു നിറയ്‌ക്കാൻ വേണ്ടത്ര ഭക്ഷണം ലഭിക്കുന്ന 200 കോടി ആളുകൾക്ക്‌ അവർക്കാ​വ​ശ്യ​മുള്ള പോഷ​ക​ങ്ങ​ളും ധാതു​ല​വ​ണ​ങ്ങ​ളും കുറവാണ്‌. . . . ഒരളവിൽ തങ്ങളെ എല്ലാവിധ രോഗ​ങ്ങൾക്കും ഇരയാ​ക്കുന്ന വികല​പോ​ഷ​ണ​ത്താൽ ഓരോ ദിവസ​വും 40,000 കുട്ടികൾ മരിക്കു​ന്നു.” മറുവ​ശത്ത്‌, ഹൃദ്‌രോ​ഗ​വും സമൂഹ​ത്തി​ലെ സമ്പന്ന വിഭാ​ഗ​ങ്ങ​ളു​ടെ ഇടയി​ലുള്ള ചില ക്യാൻസ​റു​ക​ളും ഉൾപ്പെ​ടെ​യുള്ള രോഗ​ങ്ങൾപ്പോ​ലെ അതി​പോ​ഷ​ണ​വും അതിന്റെ ദോഷ​ക​ര​മായ ഫലങ്ങൾ ഉളവാ​ക്കി​ക്കൊ​ണ്ടി​രി​ക്കു​ന്നു. (g93 7/22)

അപകട​ക​ര​മായ വിനോ​ദം

“അശ്ലീല​ത​യും നഗ്നതയും ലൈം​ഗി​ക​ത​യും അക്രമ​വും കൊല​പാ​ത​ക​ങ്ങ​ളും നിറഞ്ഞ സിനി​മ​ക​ളു​ടെ അന്തമി​ല്ലാത്ത പ്രവാഹം നിമിത്തം ഹോളി​വു​ഡി​നു നാണ​ക്കേട്‌.” യുഎസ്‌എ ടുഡേ എന്ന പത്രത്തിൽ അടുത്ത കാലത്തു പ്രസി​ദ്ധീ​ക​രിച്ച ഒരു സമ്പൂർണ പേജ്‌ പരസ്യ​ത്തി​ന്റെ ഭാഗമാ​യി​രു​ന്നു ആ പ്രസ്‌താ​വന. പരസ്യം പറയു​ന്ന​ത​നു​സ​രിച്ച്‌, “സ്വയം​ഭോ​ഗ​ത്തെ​യും മരിച്ച ആളുക​ളു​മാ​യി ലൈം​ഗി​ക​ബന്ധം നടത്തുന്ന പ്രേത​കർമ​നിർവാ​ഹ​ക​രെ​യും” ചോദ്യം ചെയ്യത്തക്ക മററു വിഷയ​ങ്ങ​ളെ​യും കുറി​ച്ചുള്ള ഇനങ്ങൾ “അവതരി​പ്പി​ക്കാൻ യുവജ​ന​ങ്ങൾക്കു താത്‌പ​ര്യ​മുള്ള” ഒരു പരിപാ​ടി ഒരു പ്രമുഖ ടിവി ശൃംഖല അനുവ​ദി​ച്ചു. ടിവി പരിപാ​ടി​കൾ കാണു​ക​വഴി “16 വയസ്സുള്ള ശരാശരി ഒരു കുട്ടി 2,00,000-ത്തിലധി​കം അക്രമ പ്രവർത്ത​ന​ങ്ങ​ളും 33,000-ത്തിലധി​കം കൊല​പാ​ത​ക​ങ്ങ​ളും കണ്ടിരി​ക്കു​ന്നു” എന്നു പരസ്യം കുറി​ക്കൊ​ണ്ടു. (g93 8/8)

നാണയ​ഭോ​ജി​കൾ

നാണയങ്ങൾ വിഴു​ങ്ങി​യ​ശേഷം ചെല​വേ​റിയ എക്‌സ്‌റേ പരി​ശോ​ധ​ന​കൾക്കാ​യി പതിനാ​യി​ര​ക്ക​ണ​ക്കി​നു ചെറിയ കുട്ടികൾ ഓരോ വർഷവും ആശുപ​ത്രി​യി​ലെ അത്യാ​ഹിത മുറി​യിൽ പ്രവേ​ശി​പ്പി​ക്ക​പ്പെ​ടു​ന്നു. ഈ നാണയ​ങ്ങ​ളിൽ മിക്കതും വയററി​ലൂ​ടെ സുരക്ഷി​ത​മാ​യി​ത്തന്നെ കടന്നു​പോ​കു​ന്നു, എന്നാൽ ചില​പ്പോ​ഴൊ​ക്കെ ആന്തരിക രക്തസ്രാ​വ​ത്തി​നും അണുബാ​ധ​ക്കും ചില​പ്പോൾ അന്നനാ​ളത്തെ അതു തുളയ്‌ക്കു​മ്പോൾ മരണത്തി​നും ഇടയാ​ക്കി​ക്കൊ​ണ്ടു നാണയം അന്നനാ​ള​ത്തിൽ കുരു​ങ്ങു​ന്നു. ചില​പ്പോൾ വിമാ​ന​ത്താ​വ​ള​ത്തി​ലെ സുരക്ഷാ​വി​ഭാ​ഗം ഉപയോ​ഗി​ക്കു​ന്ന​തരം ലളിത​വും തികച്ചും സുരക്ഷി​ത​വും കയ്യിൽ പിടി​ക്കാ​വു​ന്ന​തും ആയ, ലോഹങ്ങൾ കണ്ടുപി​ടി​ക്കുന്ന ഒരു ഉപകരണം, വിഴു​ങ്ങിയ നാണയം എവി​ടെ​യാ​ണെന്നു ചൂണ്ടി​ക്കാ​ട്ടാൻ ശിശു​രോ​ഗ​വി​ദ​ഗ്‌ധർക്കു കഴിയു​മാറ്‌ സംവി​ധാ​നം ചെയ്യ​പ്പെ​ട്ടി​രി​ക്കു​ന്നു. “നാണയം കണ്ടുപി​ടി​ക്കു​ന്ന​തിന്‌ 300 ഡോള​റി​ല​ധി​കം [9,000 രൂപയി​ല​ധി​കം] ചെലവു വരുന്നി​ട​മായ” അത്യാ​ഹിത മുറി​യി​ലേ​ക്കുള്ള ഒരു സന്ദർശ​നത്തെ ഈ ഉപകരണം ഒഴിവാ​ക്കി​യേ​ക്കാ​മെന്ന്‌ ഇല്ലി​നോ​യി​സി​ലെ കുട്ടി​കൾക്കാ​യുള്ള അടിയ​ന്തിര ചികി​ത്സ​യു​ടെ ഡയറക്ട​റായ ഡോ. സൈമൺ റോസ്‌ പറയുന്നു. അതിന്റെ ഫലപ്ര​ദ​ത്വ​വും കുറഞ്ഞ ചെലവും നിമിത്തം ഈ വിദ്യ പെട്ടെ​ന്നു​തന്നെ പരക്കെ ഉപയോ​ഗി​ക്ക​പ്പെ​ടാൻ സാധ്യ​ത​യു​ണ്ടെന്ന്‌ ബാലചി​കി​ത്സ​യെ​യും ശിശു​ക്കൾക്കാ​യുള്ള അടിയ​ന്തിര പരിപാ​ല​ന​ത്തെ​യും സംബന്ധിച്ച പത്രിക (Journal of Pediatrics and Pediatric Emergency Care) റിപ്പോർട്ടു ചെയ്‌തു. (g93 8/8)

കഫീനെ കുററ​പ്പെ​ടു​ത്തൽ

പെട്ടെന്നു തങ്ങളുടെ ശീലം ഉപേക്ഷി​ക്കുന്ന അമിത കാപ്പി കുടി​ക്കാർ തലവേ​ദ​ന​യെ​ക്കു​റി​ച്ചും വിഷാ​ദ​ത്തെ​ക്കു​റി​ച്ചും തളർച്ച​യെ​ക്കു​റി​ച്ചും ഉത്‌ക​ണ്‌ഠ​യെ​ക്കു​റി​ച്ചും പേശീ​വേ​ദ​ന​യെ​യും ഓക്കാ​ന​ത്തെ​യും ഛർദി​യെ​യും കുറി​ച്ചു​പോ​ലും തുട​രെ​ത്തു​ടരെ പരാതി​പ്പെ​ടു​ന്നു. ദിവസ​വും ഒന്നോ രണ്ടോ കപ്പു ചായയോ കാപ്പി​യോ അല്ലെങ്കിൽ കഫീൻ അടങ്ങി​യി​രി​ക്കുന്ന രണ്ടു കുപ്പി ശീതള പാനീ​യ​മോ കുടി​ക്കു​ക​യും രണ്ടു ദിവസം അതു കുടി​ക്കാ​തി​രി​ക്കു​ക​യും ചെയ്യുന്ന വ്യക്തി​ക​ളി​ലും ഇതേ ലക്ഷണങ്ങൾ ഉണ്ടാകു​ന്ന​താ​യി ജോൺസ്‌ ഹോപ്‌കിൻസ്‌ യൂണി​വേ​ഴ്‌സി​റ​റി​യി​ലെ ഗവേഷകർ കണ്ടെത്തി​യി​രി​ക്കു​ന്നു. കുടി​ക്കാ​തി​രി​ക്കു​ന്ന​തു​കൊ​ണ്ടുള്ള ഫലങ്ങൾ തങ്ങൾ ഒരു ഡോക്ടറെ കണേണ്ട​താ​ണെന്നു തോന്ന​ത്ത​ക്ക​വണ്ണം അത്ര കടുത്ത​താ​യി​രി​ക്കാം. വാരാ​ന്ത​ങ്ങ​ളിൽ ജോലി​സ്ഥ​ലത്തെ കാപ്പി നിർമാ​താ​വിൽനിന്ന്‌ അകലെ​യാ​യി​രി​ക്കു​ന്ന​വ​രോ കഫീൻ നീക്കം ചെയ്‌ത സോഡാ​ക​ളി​ലേക്കു തിരി​യു​ന്ന​വ​രോ ഒരു ശസ്‌ത്ര​ക്രി​യ​യ്‌ക്കു മുമ്പ്‌ ആഹാരം കഴിക്കാ​തെ​യി​രി​ക്കു​ന്ന​വ​രോ ആയിരി​ക്കാം ഇതിന്‌ ഇരകളാ​കു​ന്നവർ. തലവേ​ദ​ന​യും കഫീൻ പിൻമാ​ററ ലക്ഷണങ്ങ​ളോ​ടു യോജി​ക്കുന്ന മററു ലക്ഷണങ്ങ​ളും സംബന്ധി​ച്ചു പരാതി​പ്പെ​ടുന്ന രോഗി​ക​ളു​ടെ കഫീൻ തീററ​യു​ടെ ഒരു രേഖ തയ്യാറാ​ക്കാൻ ഡോക്ടർമാ​രോട്‌ ആവശ്യ​പ്പെ​ട്ടി​രി​ക്കു​ന്നു. കഫീൻ അകത്താ​ക്കു​ന്നതു കുറയ്‌ക്കാൻ ആഗ്രഹി​ക്കു​ന്നവർ അതു ക്രമേണ ചെയ്യാൻ ബുദ്ധ്യു​പ​ദേ​ശി​ക്ക​പ്പെ​ട്ടി​രി​ക്കു​ന്നു. കഫീനും, അതു​കൊണ്ട്‌ കാപ്പി​യും, ശാരീ​രി​ക​മാ​യി ആസക്‌തി​യു​ള​വാ​ക്കുന്ന മയക്കു​മ​രു​ന്നാ​യി തരംതി​രി​ക്ക​ണ​മോ എന്ന ചോദ്യ​വും പഠനം ഉന്നയിച്ചു. (g93 7/22)

കൊളം​ബി​യ​യി​ലെ ഗർഭച്ഛി​ദ്ര​ങ്ങൾ

കൊളം​ബി​യ​യിൽ ഏതാണ്ട്‌ ഒന്നര​ക്കോ​ടി സ്‌ത്രീ​കൾക്കു ചുരു​ങ്ങി​യത്‌ ഒരു ഗർഭച്ഛി​ദ്ര​മെ​ങ്കി​ലും നടത്തി​യി​ട്ടുണ്ട്‌. അത്‌ ആ രാജ്യത്തെ കുട്ടി​കളെ പ്രസവി​ക്കുന്ന പ്രായ​ത്തി​ലുള്ള മൊത്തം സ്‌ത്രീ​ക​ളു​ടെ 20 ശതമാ​ന​ത്തി​നോ​ട​ടു​ത്താണ്‌. ഗർഭച്ഛി​ദ്ര​ത്തോ​ടു ബന്ധപ്പെട്ട പ്രശ്‌ന​ങ്ങ​ളു​ടെ ഫലമായി അനേകം സ്‌ത്രീ​കൾ മൃതി​യ​ട​യു​ന്നു. “ബൊ​ഗോ​ട്ട​യി​ലെ മാതൃ-ശിശു സംരക്ഷണ ഇൻസ്‌റ​റി​റ​റ്യൂ​ട്ടിൽ അമ്മമാ​രു​ടെ വളരെ​യ​ധി​കം മരണങ്ങൾക്കും ഗർഭച്ഛി​ദ്രം ഇടയാ​ക്കു​ന്നു” എന്നു കൊളം​ബി​യൻ മാസി​ക​യായ സെമന റിപ്പോർട്ടു ചെയ്യുന്നു. കൊളം​ബി​യ​യിൽ ഓരോ വർഷവും 4,00,000 ഗർഭച്ഛി​ദ്രങ്ങൾ നടക്കു​ന്ന​താ​യി കണക്കാ​ക്ക​പ്പെ​ടു​ന്നു. അത്‌ ഓരോ മണിക്കൂ​റി​ലും ഏതാണ്ടു ശരാശരി 45 ഗർഭച്ഛി​ദ്രങ്ങൾ ആണ്‌. (g93 8/8)