ബൈബി​ളി​ന്റെ വീക്ഷണം

ജാലവി​ദ്യ അഭ്യസി​ക്കു​ന്ന​തിൽ അപകട​മു​ണ്ടോ?

‘ജാലവി​ദ്യ​യു​ടെ മാസ്‌മ​ര​ത​യിൽ അന്തരീക്ഷം തുടി​കൊ​ള്ളു​ന്നു. പെട്ടെന്നു ചെണ്ടയു​ടെ നാദം നിശ്ശബ്ദ​തയെ ഭേദി​ക്കു​ന്നു. യൂണി​ഫോ​മു​കൾ ധരിച്ചു തോക്കു​കൾ ഏന്തിയ രണ്ടു മനുഷ്യ​രിൽ എല്ലാ കണ്ണുക​ളും ഏകാ​ഗ്ര​മാ​കു​ന്നു. വളരെ ആഡംബ​ര​ത്തോ​ടെ വസ്‌ത്രാ​ല​ങ്കാ​രം ചെയ്‌തി​രി​ക്കുന്ന ചൈനീസ്‌ മാന്ത്രി​കന്റെ നേർക്ക്‌ തോക്കു​കൾ തോ​ളോ​ളം ഉയർത്തി അവർ ഉന്നം പിടി​ക്കു​ന്നു. തന്റെ വക്ഷസിനു മുമ്പി​ലാ​യി അയാൾ ഒരു ചൈനാ പ്ലേററ്‌ പിടി​ക്കു​ന്നു. തോക്കു​കൾ തീ തുപ്പി​ക്കൊ​ണ്ടു ഗർജി​ക്കു​ന്നു. തൽക്ഷണം മാന്ത്രി​കൻ നില​ത്തേക്കു വീണു, ഭയങ്കര​മാ​യി രക്തം വാർന്നൊ​ഴു​കു​ന്നു. വെടി​യുണ്ട പിടി​ച്ചെ​ടു​ക്കുന്ന മാസ്‌മ​ര​വി​ദ്യ ഒരു അത്യാ​ഹി​ത​മാ​യി മാറുന്നു.’ തോക്കു​ക​ളിൽ ഒന്നിലെ യന്ത്രസം​വി​ധാ​ന​ത്തി​ന്റെ തകരാറ്‌ വെടി​യുണ്ട തെറി​ച്ചു​വന്നു മാന്ത്രി​കന്റെ വക്ഷസിൽ തുളച്ചു​ക​യ​റാൻ ഇടയാക്കി. ഹെൻട്രി ഗോർഡന്റെ മാന്ത്രി​ക​ലോ​കം എന്ന പുസ്‌തകം അപ്രകാ​രം വിവരി​ക്കു​ന്നു.

ജീവൻ എന്ന ദാനത്തി​ന്റെ എന്തൊരു പാഴാക്കൽ—എല്ലാം ഉദ്വേ​ഗ​ത്തി​നും വിസ്‌മ​യ​ത്തി​നും അത്തരം മായാ​ജാ​ല​ത്തോ​ടൊ​പ്പം ലഭിക്കുന്ന ആസ്വാ​ദ​ന​ത്തി​നും വേണ്ടി മാത്രം. അങ്ങനെ​യാ​ണോ നിങ്ങൾ പ്രതി​ക​രി​ക്കു​ന്നത്‌? അല്ലെങ്കിൽ, അത്തര​മൊ​രു പരിപാ​ടി സ്‌റേ​റ​ജിൽ അവതരി​പ്പി​ക്കു​ന്ന​തു​മാ​യി ബന്ധപ്പെട്ട സാഹസ​ത്തി​ന്റെ ഒരു ഭാഗം മാത്ര​മാണ്‌ അത്‌ എന്നാണോ നിങ്ങൾക്കു തോന്നു​ന്നത്‌? നിങ്ങളു​ടെ പ്രതി​ക​രണം എന്തായി​രു​ന്നാ​ലും ഈ മായാ​ജാ​ലം പരാജ​യ​പ്പെ​ട്ട​പ്പോൾ അതിന്റെ അപകടം മാരക​മാ​യി​രു​ന്നു. ജാലവി​ദ്യ ചെയ്യു​ന്ന​തു​മാ​യി ബന്ധപ്പെട്ടു കുറെ​ക്കൂ​ടെ ഗൂഢമായ അപകടം പതിയി​രി​പ്പു​ണ്ടോ? ഉത്തരത്തി​നാ​യി ഈ പ്രാചീന കലയുടെ വേരു​ക​ളി​ലേക്കു നമു​ക്കൊന്ന്‌ എത്തി​നോ​ക്കാം.

ജാലവി​ദ്യ​യു​ടെ സ്വാധീ​നം ചരി​ത്ര​ത്തി​ലു​ട​നീ​ളം

ചരി​ത്ര​ത്തി​ന്റെ ഉദയം​മു​തൽ ഇന്ദ്രജാ​ല​ത്തി​ന്റെ നിഗൂ​ഢ​ത​യാൽ മനുഷ്യൻ ജിജ്ഞാ​സു​വാ​ക​യും അതിനാൽ വഞ്ചിക്ക​പ്പെ​ടു​ക​യും ചെയ്‌തി​ട്ടുണ്ട്‌. “ജാലവി​ദ്യ” എന്നതിന്റെ ഇംഗ്ലീഷ്‌ പദമായ ‘മാജിക്‌’ അത്തരം പ്രവർത്ത​ന​ങ്ങ​ളിൽ വൈദ​ഗ്‌ധ്യം നേടിയ ഒരു പ്രാചീന പേർഷ്യൻ പുരോ​ഹി​ത​വർഗ​മായ “മേജൈ” എന്ന പേരിൽനി​ന്നു വന്നിട്ടു​ള്ള​താണ്‌. അതിന്റെ ഏററവും അടിസ്ഥാന അർഥത്തിൽ മമനു​ഷ്യ​ന്റെ ആജ്ഞാനു​വർത്തി​യാ​യി അവനെ സേവി​ക്കാൻ പ്രകൃ​തി​യി​ലു​ള്ള​തും പ്രകൃ​താ​തീ​വും ആയ ശക്തികളെ നിയ​ന്ത്ര​ണ​വി​ധേ​യ​മാ​ക്കാ​നുള്ള ശ്രമമാ​ണു ജാലവി​ദ്യ. പൊ.യു.മു. [പൊതു​യു​ഗ​ത്തി​നു​മുമ്പ്‌] 18-ാം നൂററാ​ണ്ടി​ലെ ഈജി​പ്‌റ​റിൽ മാന്ത്രി​ക​രായ പുരോ​ഹി​തൻമാർ ഉണ്ടായി​രു​ന്നു. പൊ.യു.മു. എട്ടാം നൂററാ​ണ്ടിൽ ബാബി​ലോ​ണി​യ​യി​ലെ പുരാതന കൽദയ​രു​ടെ മതത്തി​ലും ജാലവി​ദ്യ ഒരു പ്രമുഖ പങ്കു വഹിച്ചു. (ഉല്‌പത്തി 41:8, 24; യെശയ്യാവ്‌ 47:12-14; ദാനീ​യേൽ 2:27; 4:7) ഈ സ്വാധീ​നം പുരാതന ഗ്രീക്കു​കാ​രു​ടെ​യും റോമാ​ക്കാ​രു​ടെ​യും ഇടയിൽ മധ്യയു​ഗ​ങ്ങ​ളി​ലു​ട​നീ​ള​വും നമ്മുടെ 20-ാം നൂററാ​ണ്ടു​വ​രെ​യും നിലനി​ന്നു​പോ​ന്നു.

വ്യത്യ​സ്‌ത​ത​രം ജാലവി​ദ്യ​കളെ പലവി​ധ​ങ്ങ​ളിൽ തരംതി​രി​ക്കാ​വു​ന്ന​താണ്‌. മാന്ത്രി​കൻ (The Magician) എന്ന തന്റെ പുസ്‌ത​ക​ത്തിൽ റോബർട്ട്‌ എ. സ്‌റെ​റ​ബിൻസ്‌ ജാലവി​ദ്യ​യെ മൂന്നു വിഭാ​ഗ​ങ്ങ​ളാ​യി തരംതി​രി​ക്കു​ന്നു.

മൂന്നു​തരം ജാലവി​ദ്യ

നിഗൂഢ ജാലവി​ദ്യ “ആത്മവി​ദ്യ​യു​ടെ ഒരു പ്രകടന”മാണ്‌. “സാമാന്യ അറിവി​നും ശാസ്‌ത്രീയ വിജ്ഞാ​ന​ത്തി​നും വിരു​ദ്ധ​മായ സംഭവങ്ങൾ അല്ലെങ്കിൽ പ്രക്രി​യകൾ യഥാർഥം അഥവാ വാസ്‌ത​വി​കം” ആണെന്ന്‌ അത്‌ അവകാ​ശ​പ്പെ​ടു​ന്നു. “നിഗൂഢ ജാലവി​ദ്യ ആഭിചാ​ര​ത്തി​ന്റെ​യും . . . മന്ത്രവാ​ദ​ത്തി​ന്റെ​യും രസവി​ദ്യ​യു​ടെ​യും, ചില സാഹച​ര്യ​ങ്ങ​ളിൽ മതത്തി​ന്റെ​യും സേവി​ക​യാണ്‌.”

ചൂഷക ജാലവി​ദ്യ “ചെയ്യു​ന്നവർ അതു​കൊ​ണ്ടു തങ്ങളുടെ സ്വന്തം നേട്ടത്തി​നാ​യി യാഥാർഥ്യ​ത്തെ ഗ്രഹി​ക്കാ​നുള്ള കാഴ്‌ച​ക്കാ​രു​ടെ ശക്തിയെ വഞ്ചിക്കു​ക​യോ ചൂഷണം ചെയ്യു​ക​യോ ചെയ്യുന്നു.” തങ്ങൾ ആളുകളെ വഞ്ചിക്കു​ക​യാ​ണെന്ന്‌ അവർക്ക​റി​യാം, എന്നാൽ സ്‌റെ​റ​ബിൻസ്‌ പറയു​ന്ന​ത​നു​സ​രിച്ച്‌, “ജാലവി​ദ്യ കാണു​ന്ന​വരെ മററു പ്രകാ​ര​ത്തിൽ വിശ്വ​സി​ക്കാൻ അവർ പ്രോ​ത്സാ​ഹി​പ്പി​ക്കു​ന്നു—മാന്ത്രി​കൻമാർ എന്നനി​ല​യ്‌ക്കു തങ്ങൾക്കു പ്രകൃ​താ​തീത കഴിവു​കൾ ഉണ്ടെന്ന്‌ അഥവാ അങ്ങനെ​യുള്ള ആത്മവ്യ​ക്തി​ക​ളു​മാ​യി അവർക്കു പ്രത്യേക ബന്ധങ്ങൾ ഉണ്ടെന്നു വിശ്വ​സി​ക്കാൻ അവർ മററു​ള്ള​വരെ പ്രോ​ത്സാ​ഹി​പ്പി​ക്കു​ന്നു.”

വിനോദ ജാലവി​ദ്യ ജിജ്ഞാസ ജനിപ്പി​ക്കുന്ന വഞ്ചനയി​ലൂ​ടെ വിസ്‌മയം ഉളവാ​ക്കാൻ ഉദ്ദേശി​ച്ചു​കൊ​ണ്ടു​ള്ള​താണ്‌. ഇതിൽ അടിസ്ഥാ​ന​പ​ര​വും പരസ്‌പരം ബന്ധപ്പെ​ട്ടു​കി​ട​ക്കു​ന്ന​തും ആയ അഞ്ച്‌ രീതികൾ ഉണ്ട്‌: “സ്‌റേ​റ​ജിൽ അവതരി​പ്പി​ക്കുന്ന മായാ​ജാ​ലം, അടച്ചു​കെ​ട്ടി​നു​ള്ളിൽ ചെറി​യൊ​രു സദസ്സിനു പ്രദർശി​പ്പി​ക്കുന്ന മായാ​ജാ​ലം, ചെപ്പടി​വി​ദ്യ, മാസ്‌മ​ര​വി​ദ്യ, മാനസി​ക​വി​ദ്യ തുടങ്ങി​യവ.”

ക്രിസ്‌ത്യാ​നി​കൾക്ക്‌ അപകട​മു​ണ്ടോ?

നിഗൂഢ ജാലവി​ദ്യ​തന്നെ നമുക്ക്‌ ആദ്യം നോക്കാം. നിഗൂഢ ജാലവി​ദ്യ പല വിധത്തിൽ നടത്ത​പ്പെ​ടു​ന്നു. ദൃഷ്ടാ​ന്ത​ത്തിന്‌, “ദുർ”മന്ത്രവാ​ദ​വും “സദ്‌”മന്ത്രവാ​ദ​വും ചെയ്യുന്ന സാത്താന്യ ആരാധകർ ഉണ്ട്‌. ഒരുവന്റെ ശത്രു​ക്കൾക്ക്‌ ഉപദ്രവം ചെയ്യാൻ മന്ത്രങ്ങ​ളും പ്രത്യേക ശാപവ​ച​ന​ങ്ങ​ളും ഉരുവി​ടു​ന്ന​തും കരിങ്കണ്ണു പ്രയോ​ഗി​ക്കു​ന്ന​തും “ദുർ”മന്ത്രവാ​ദ​ത്തിൽ ഉൾപ്പെ​ടു​ന്നു. എന്നാൽ “സദ്‌”മന്ത്രവാ​ദം മന്ത്രവാ​ദത്തെ തകർത്തു​കൊ​ണ്ടും ശാപവ​ച​ന​ങ്ങളെ ഇല്ലാതാ​ക്കി​ക്കൊ​ണ്ടും നല്ല ഫലങ്ങൾ ഉളവാ​ക്കാൻ ഉദ്ദേശി​ച്ചു​കൊ​ണ്ടു​ള്ള​വ​യാണ്‌. എന്നാൽ ഇവ രണ്ടും ആത്മവി​ദ്യ​യു​ടെ അഥവാ നിഗൂ​ഢ​ത​യു​ടെ രൂപങ്ങ​ളാണ്‌. നല്ല വിള​വെ​ടു​പ്പു കിട്ടാ​നോ ഒരു കായിക മത്സരത്തിൽ വിജയി​ക്കാൻ ശ്രമി​ക്കു​ന്ന​തി​നു​പോ​ലു​മോ നിഗൂഢ ജാലവി​ദ്യ ചില​പ്പോൾ ഉപയോ​ഗി​ക്കു​ന്നുണ്ട്‌. എന്നിരു​ന്നാ​ലും, ഇത്തരം ആത്മവി​ദ്യാ​പ​ര​മായ ജാലവി​ദ്യ​യെ​ക്കു​റി​ച്ചു ബൈബിൾ തുറന്നു പറയുന്നു: “ആഭിചാ​രം ചെയ്യരു​തു; മുഹൂർത്തം നോക്ക​രു​തു.”—ലേവ്യ​പു​സ്‌തകം 19:26; ആവർത്ത​ന​പു​സ്‌തകം 18:9-14; പ്രവൃ​ത്തി​കൾ 19:18, 19.

ചൂഷക ജാലവി​ദ്യ​യിൽ അപകടം എവി​ടെ​യാ​ണു പതിയി​രി​ക്കു​ന്നത്‌? പേരെ​ടു​ത്തു പറഞ്ഞാൽ കൈ​നോ​ട്ട​ക്കാ​രും ഭാവി പറയു​ന്ന​വ​രും വിശ്വാ​സ​രോ​ഗ​ശാ​ന്തി വരുത്തു​ന്ന​വ​രും തങ്ങളുടെ സ്വന്തം താത്‌പ​ര്യ​ങ്ങളെ ഉന്നമി​പ്പി​ക്കാൻ ചൂഷക ജാലവി​ദ്യ ഉപയോ​ഗി​ക്കു​ന്ന​വ​രാണ്‌. അവരുടെ തൊഴി​ലി​ന്റെ അടിസ്ഥാ​ന​ത്തിൽ നോക്കി​യാൽ ഒരു ഭോഷ്‌ക​നു​സ​രി​ച്ചല്ലേ അവർ ജീവി​ക്കു​ന്നത്‌? ദൈവ​വ​ചനം ഇങ്ങനെ പറയുന്നു: “മോഷ്ടി​ക്ക​രു​തു; ചതിക്ക​രു​തു; ഒരുത്ത​നോ​ടു ഒരുത്തൻ ഭോഷ്‌കു പറയരുത്‌.”—ലേവ്യ​പു​സ്‌തകം 19:11.

ദി എൻ​സൈ​ക്ലോ​പീ​ഡിയ അമേരി​ക്കാന ഇപ്രകാ​രം പറയുന്നു: “ചില സന്ദർഭ​ങ്ങ​ളിൽ മാന്ത്രിക പ്രവർത്ത​നങ്ങൾ ആത്മാക്കളെ നിർബ​ന്ധ​പൂർവം വിളി​ച്ചു​വ​രു​ത്താൻ ഉതകി​യേ​ക്കാം.” അത്തര​മൊ​രു പ്രവർത്തന മണ്ഡലത്തിൽ പരോ​ക്ഷ​മാ​യി തലയി​ട്ടു​കൊ​ണ്ടു ഭൂതാ​ത്മാ​ക്ക​ളിൽനി​ന്നു കുഴപ്പം ക്ഷണിച്ചു വരുത്താൻ നാം ആഗ്രഹി​ക്കു​ന്നു​വോ? അവസരം കിട്ടി​യാൽ ഭൂതങ്ങൾക്കു നമ്മെ മുത​ലെ​ടു​ക്കാൻ കഴിയും, അവ മുത​ലെ​ടു​ക്കു​ക​യും ചെയ്യും. അവ ‘സൗകര്യ​പ്ര​ദ​മായ സമയ’ത്തിനു​വേണ്ടി കാത്തി​രി​ക്കു​ന്നു, തങ്ങളുടെ ശ്രമങ്ങ​ളിൽ അക്ഷീണം പ്രവർത്തി​ക്കു​ന്ന​വ​രു​മാ​ണവർ.—ലൂക്കൊസ്‌ 4:13; യാക്കോബ്‌ 1:14.

വഞ്ചനയും മാസ്‌മ​ര​വി​ദ്യ​യും എന്ന കലയിലെ വിദഗ്‌ധൻ പിശാ​ചായ സാത്താ​ന​ല്ലാ​തെ മററാ​രു​മല്ല. ഏദെൻ തോട്ട​ത്തിൽ ഒരു മനുഷ്യ​വ്യ​ക്തി​യു​ടെ മുമ്പാകെ തന്റെ ആദ്യ പ്രകടനം കാഴ്‌ച​വ​ച്ച​തു​മു​തൽ ഈ കല അവൻ പ്രയോ​ഗി​ച്ചു​കൊ​ണ്ടാ​ണി​രി​ക്കു​ന്നത്‌. (ഉല്‌പത്തി 3:1-19) അവനെ​പ്പോ​ലെ​യാ​യി​രി​ക്കാൻ ഏതു ക്രിസ്‌ത്യാ​നി​യാണ്‌ ആഗ്രഹി​ക്കുക? പകരം “ദൈവത്തെ അനുകരി”ക്കാനും “ദൈവ​ത്തി​നു കീഴട”ങ്ങാനും “പിശാ​ചി​നോ​ടു എതിർത്തു​നി​ല്‌പാ”നും ക്രിസ്‌ത്യാ​നി​കൾ ബുദ്ധ്യു​പ​ദേ​ശി​ക്ക​പ്പെ​ട്ടി​രി​ക്കു​ന്നു.—എഫെസ്യർ 5:1; യാക്കോബ്‌ 4:7.

എന്നിരു​ന്നാ​ലും, “ജാലവി​ദ്യ” എന്ന പദത്തെ വിനോ​ദ​ത്തോ​ടു പലരും ബന്ധിപ്പി​ക്കു​ന്നു. കരങ്ങൾ കണ്ണുക​ളെ​ക്കാൾ വേഗം ചലിക്കു​മെന്ന സംഗതി മനസ്സിൽ വച്ചു​കൊണ്ട്‌ ഒരു വ്യക്തി കൈ​കൊ​ണ്ടു കൺകെട്ട്‌ (കയ്യടക്കം) കാട്ടി​യേ​ക്കാം. ഇതിനു ബൈബിൾപ​ര​മായ യാതൊ​രു എതിർപ്പു​മില്ല. എന്നാൽ ആത്മവി​ദ്യാ​പ​ര​മായ മായാ​ജാ​ല​ത്തി​ന്റെ ഒരു തോന്നൽ ഉണ്ടെങ്കിൽ, ഏതെങ്കി​ലും പ്രകൃ​താ​തീ​ത​മോ വിശദീ​ക​രി​ക്കാ​നാ​വാ​ത്ത​തോ ആയ ശക്തി താൻ അവകാ​ശ​പ്പെ​ടു​ത്തു​ന്നു എന്ന ഒരു തോന്നൽ ഉളവാ​ക്കാൻ ഒരു ക്രിസ്‌ത്യാ​നി എപ്പോ​ഴെ​ങ്കി​ലും ആഗ്രഹി​ക്കു​മോ? “മാന്ത്രിക” പരിപാ​ടി​കൊ​ണ്ടു മററു​ള്ള​വർക്കു തെററായ ഒരു ധാരണ നൽകു​ന്നെ​ങ്കിൽ അവരെ ഇടറി​ക്കാ​തി​രി​ക്കാൻവേണ്ടി അത്തരം വിനോ​ദം ഉപേക്ഷി​ച്ചു​ക​ള​യാൻ ഒരു ക്രിസ്‌ത്യാ​നി ആഗ്രഹി​ക്കു​ക​യി​ല്ലേ? (1 കൊരി​ന്ത്യർ 10:29, 31-33) കൂടാതെ, ഏറെ മുന്നോ​ട്ടു പോയി മാന്ത്രിക കലകളിൽ കൂടുതൽ ആമഗ്നനാ​കാൻ ഒരു വ്യക്തി പ്രലോ​ഭി​പ്പി​ക്ക​പ്പെ​ടു​ന്ന​തി​ന്റെ അപകട​വും ഉണ്ട്‌.

അതു​കൊണ്ട്‌ ആത്മവി​ദ്യ​യോ​ടു സ്‌പഷ്ട​മാ​യി ബന്ധപ്പെട്ട മാന്ത്രി​ക​വി​ദ്യ​യു​ടെ കാര്യ​ത്തിൽ സത്യ​ക്രി​സ്‌ത്യാ​നി​കൾ ജ്ഞാനപൂർവം അതു ചെയ്യാ​തി​രി​ക്കു​ന്നു. അതി​നെ​ക്കാ​ളു​പരി ഒരു ക്രിസ്‌ത്യാ​നി​യു​ടെ ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും—ജോലി​യോ കളിക​ളോ വിനോ​ദ​മോ ഉൾപ്പെ​ട്ടി​രു​ന്നാ​ലും—അയാൾ ദൈവ​ത്തി​നെ​തി​രെ​യോ മനുഷ്യ​നെ​തി​രെ​യോ തെററു ചെയ്യാൻ അനുവ​ദി​ക്കാത്ത “ഒരു നല്ല മനസ്സാക്ഷി പിടി​ച്ചു​കൊ​ള്ളാ”ൻ ആഗ്രഹി​ക്കും.—1 പത്രൊസ്‌ 3:16; പ്രവൃ​ത്തി​കൾ 24:16, NW. (g93 9/8)

[24-ാം പേജിലെ ചിത്ര​ത്തിന്‌ കടപ്പാട്‌]

ദ ബെററ്‌മാൻ ആർ​ക്കൈവ്‌