ലോകത്തെ വീക്ഷിക്കൽ

സങ്കീർണത എവി​ടെ​നി​ന്നു വരുന്നു?

പണ്ടുണ്ടാ​യി​രുന്ന സചേതന വസ്‌തു​ക്കൾ ലളിത​മാ​യി​രു​ന്നെ​ന്നും അതിനു​ശേഷം സാധ്യ​ത​യ​നു​സ​രി​ച്ചു പ്രകൃ​തി​നിർധാ​ര​ണ​ത്താൽ മുന്നേറി യുഗങ്ങ​ളി​ലൂ​ടെ കൂടുതൽ കൂടുതൽ സങ്കീർണ​മാ​യി​ത്തീർന്നെ​ന്നും പല പരിണാ​മ​സൈ​ദ്ധാ​ന്തി​ക​രും നിഗമനം ചെയ്യുന്നു. കൂടുതൽ സങ്കീർണ​ത​യി​ലേ​ക്കുള്ള അത്തര​മൊ​രു മുന്നേ​ററം കണ്ടുപി​ടി​ക്കു​ന്ന​തിൽ അടുത്ത കാലത്തെ പഠനങ്ങൾ പരാജ​യ​പ്പെട്ടു. ഫോസിൽ ഗവേഷ​ക​നായ ഡോ. ഡാൻ മക്‌ക്ഷ പലതരം സസ്‌ത​നി​ക​ളു​ടെ ഫോസി​ലു​ക​ളാ​യി​ത്തീർന്ന നട്ടെല്ലു​കൾ പരി​ശോ​ധ​നാ​വി​ധേ​യ​മാ​ക്കി; മറെറാ​രു പഠനം സമു​ദ്ര​ത്തി​ലെ പ്രാണി​ക​ളു​ടെ ഫോസി​ലു​ക​ളിൽ ശ്രദ്ധ കേന്ദ്രീ​ക​രി​ച്ചു. കൂടുതൽ സങ്കീർണ​ത​യി​ലേ​ക്കുള്ള പരിണാ​മ​പ​ര​മായ മുന്നേ​റ​റ​ത്തി​ന്റെ തെളിവ്‌ ഇരു പഠനങ്ങ​ളും കണ്ടെത്തി​യില്ല. കൂടുതൽ സങ്കീർണത എന്തെങ്കി​ലും അതിജീ​വ​ന​നേട്ടം കൈവ​രു​ത്തി​യ​താ​യി അവർ കണ്ടെത്തി​യില്ല. ദ ന്യൂ​യോർക്ക്‌ ടൈംസ്‌ പറയു​ന്ന​ത​നു​സ​രിച്ച്‌ ഈ കണ്ടുപി​ടി​ത്തങ്ങൾ “ഈ വഴിക്കു ചിന്തിച്ചു ശീലിച്ച പല ജീവശാ​സ്‌ത്ര​ജ്ഞർക്കും ഒരു വിസ്‌മ​യ​മാ​യി​ത്തീ​രും” എന്നു വിദഗ്‌ധർ പറയുന്നു. ടൈംസ്‌ ഇപ്രകാ​രം കുറി​ക്കൊ​ള്ളു​ന്നു: “മക്‌ക്ഷ പറയു​ന്ന​പ്ര​കാ​രം, സങ്കീർണ​ത​യി​ലേ​ക്കുള്ള മുന്നേ​റ​റങ്ങൾ സംബന്ധിച്ച ധാരണ ഏതെങ്കി​ലും ഒരു ജീവശാ​സ്‌ത്ര യാഥാർഥ്യ​ത്തി​ന്റെ പ്രതി​ഫ​ല​ന​ത്തെ​ക്കാൾ പരിണാ​മ​ത്തിൽ ഏതെങ്കി​ലും തരത്തി​ലുള്ള പുരോ​ഗതി കാണാ​നുള്ള ശാസ്‌ത്ര​ജ്ഞ​രു​ടെ ആഗ്രഹ​ങ്ങ​ളു​ടെ ഒരു പ്രതി​ഫ​ല​ന​മാ​യി​രി​ക്കാം.” (g93 9/22)

വ്യായാ​മ​വും പ്രായ​വും

വ്യായാ​മം ചെയ്യാൻ മേലാ​ത്ത​വി​ധം തീരെ വൈകി​പ്പോയ ഏതെങ്കി​ലും പ്രായ​മു​ണ്ടോ? പൂർവ ഐക്യ​നാ​ടു​ക​ളിൽ അടുത്ത​യി​ടെ നടത്തിയ ഒരു പഠനമ​നു​സ​രിച്ച്‌ അങ്ങനെ​യൊ​ന്നില്ല. “സാമാ​ന്യം സജീവ​മായ” വ്യായാ​മം ചെയ്‌ത​പ്പോൾ പ്രായ​ഭേ​ദ​മെ​ന്യേ അവർ തങ്ങളുടെ ശരാശരി ആയുസ്സു വർധി​പ്പി​ച്ച​താ​യി 10,000-ത്തിലധി​കം പുരു​ഷൻമാ​രെ​ക്കു​റി​ച്ചു നടത്തിയ ഒരു സർവേ കണ്ടെത്തി. വ്യായാ​മം ചെയ്‌ത 45 വയസ്സി​നും 54 വയസ്സി​നും ഇടയ്‌ക്കു പ്രായ​മു​ള്ള​വ​രാണ്‌ ഏററവും കൂടുതൽ പ്രയോ​ജനം നേടി​യത്‌, അവരുടെ ആയുസ്സ്‌ ഏതാണ്ട്‌ 10 മാസം​കണ്ടു വർധിച്ചു. 65-നും 74-നും ഇടയ്‌ക്കു​ള്ള​വ​രു​ടെ കൂട്ടം ആറു മാസവും, 75-നും 84-നും ഇടയ്‌ക്കു​ള്ളവർ രണ്ടു മാസ​ത്തോ​ള​വും ആയുസ്സു ദീർഘി​പ്പി​ച്ചു. പഠനത്തി​നു നേതൃ​ത്വം നൽകിയ ഡോ. റാൽഫ്‌ എസ്‌. പഫൻബർഗർ ഇവ ശരാശ​രി​യാ​യി​രു​ന്നു​വെന്ന്‌ ഊന്നി​പ്പ​റഞ്ഞു; സർവേ ചെയ്യപ്പെട്ട ചില വ്യക്തികൾ മററു ചില​രെ​ക്കാൾ വളരെ​യ​ധി​കം പ്രയോ​ജനം നേടി. ഹൃദയ​സ്‌തം​ഭ​നങ്ങൾ തടയു​ന്ന​തി​ലാ​യി​രു​ന്നു മുഖ്യ പ്രയോ​ജനം ഉണ്ടായി​രു​ന്നത്‌ എന്നു തോന്നി. ഏതായാ​ലും വ്യായാ​മം ചെയ്‌തവർ മററു കാരണങ്ങൾ നിമിത്തം മരിക്കാ​നുള്ള സാധ്യ​ത​യും കുറവാ​യി​രു​ന്നു. (g93 9/22)

കടുവാ​യെ​ല്ലു​കൾ

പരമ്പരാ​ഗത പൗരസ്‌ത്യ ചികി​ത്സ​യിൽ ഉപയോ​ഗി​ക്കു​ന്ന​തി​നു കടുവാ​യെ​ല്ലു​കൾക്കുള്ള പ്രിയം ലോക​ത്തി​ലെ കുറഞ്ഞു​വ​രുന്ന കടുവാ​ക​ളു​ടെ എണ്ണത്തിന്‌ ഒരു ഭീഷണി ഉയർത്തു​ന്നു എന്ന്‌ ബ്രിട്ടീഷ്‌ വൈദ്യ​ശാ​സ്‌ത്ര മാഗസിൻ ദ ലാൻസെ​ററ്‌ പ്രസ്‌താ​വി​ക്കു​ന്നു. കടുവാ ഉത്‌പ​ന്ന​ങ്ങ​ളു​ടെ വില്‌പന തടയാ​നുള്ള അന്തർദേ​ശീയ ശ്രമങ്ങ​ളൊ​ക്കെ​യു​ണ്ടാ​യി​രു​ന്നി​ട്ടും വീഞ്ഞു​ക​ളി​ലും മരുന്നു​ക​ളി​ലും ഔഷധ​ക്കൂ​ട്ടു​ക​ളി​ലു​മാ​യി (തേനോ സിറപ്പോ ചേർത്ത മരുന്നു​പൊ​ടി) കടുവാ​യെ​ല്ലു​കൾ വ്യാപ​ക​മാ​യി വിററു​വ​രു​ന്നു. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റെ​റാ​ന്നിൽ മാത്രം ഒരു ഏഷ്യൻ രാജ്യം കടുവാ​യെ​ല്ല​ട​ങ്ങിയ 15,079 പെട്ടി ഗുളി​ക​ക​ളും 5,250 കിലോ​ഗ്രാം ഔഷധ​ക്കൂ​ട്ടു​ക​ളും 31,500 കുപ്പി വീഞ്ഞും കയററി​യ​യ​ച്ച​താ​യി ആരോ​പി​ക്ക​പ്പെ​ടു​ന്നു. ലോക​മെ​മ്പാ​ടും അവശേ​ഷി​ക്കുന്ന കടുവാ​ക​ളു​ടെ എണ്ണം ഏതാണ്ട്‌ 6,000 മാത്ര​മാണ്‌. (g93 9/22)

ലിംഗ​പ്ര​തി​ബ​ന്ധം

“മൂന്നാം ലോക രാജ്യ​ങ്ങ​ളിൽ ഒട്ടുമി​ക്ക​പ്പോ​ഴും ഒരു സ്‌ത്രീ​യു​ടെ ജീവിതം ജീവി​ത​യോ​ഗ്യ​മല്ല.” വാഷി​ങ്‌ടൺ പോസ്‌റ​റൽ വന്ന അടുത്ത കാലത്തെ റിപ്പോർട്ടു​ക​ളു​ടെ ഒരു പരമ്പര തുടങ്ങി​യത്‌ അങ്ങനെ​യാണ്‌. ആഫ്രി​ക്ക​യി​ലെ​യും ഏഷ്യയി​ലെ​യും തെക്കേ അമേരി​ക്ക​യി​ലെ​യും ദരി​ദ്ര​ഭാ​ഗ​ങ്ങ​ളി​ലെ അനവധി സ്‌ത്രീ​ക​ളു​മാ​യി അഭിമു​ഖം നടത്തി​യ​ശേഷം “സംസ്‌കാ​ര​വും മതവും നിയമ​വും മിക്ക​പ്പോ​ഴും സ്‌ത്രീ​കളെ അടിസ്ഥാന മാനു​ഷിക അവകാ​ശ​ങ്ങ​ളിൽനിന്ന്‌ ഒഴിവാ​ക്കു​ന്ന​താ​യും ചില​പ്പോൾ അവരെ മനുഷ്യ​രെ​ക്കാൾ താഴ്‌ന്ന ഒരവസ്ഥ​യി​ലേക്കു തരംതാ​ഴ്‌ത്തു​ന്ന​താ​യും” പോസ്‌റ​റി​ന്റെ റിപ്പോർട്ടർമാർ കണ്ടെത്തി. ദൃഷ്ടാ​ന്ത​ത്തിന്‌ ഹിമാ​ല​യൻപ്ര​ദേ​ശത്തെ ഒരു ഗ്രാമ​ത്തിൽ 59 ശതമാനം ജോലി​ക​ളും നിർവ​ഹി​ച്ചത്‌ സ്‌ത്രീ​ക​ളാ​യി​രു​ന്നു, അവർ ഒരു ദിവസം 14 മണിക്കൂർ വരെ പണി​യെ​ടു​ക്കു​ക​യും തങ്ങളുടെ തൂക്കത്തി​ന്റെ ഒന്നര മടങ്ങ്‌ ഭാരം ചുമക്കു​ക​യും ചെയ്യുന്നു. “ഒന്നോ രണ്ടോ . . . ഗർഭധാ​ര​ണ​ങ്ങൾക്കു​ശേഷം അവരുടെ ശക്തി ക്ഷയിച്ച്‌ അവർ കൂടുതൽ ബലഹീ​ന​രാ​കു​ന്ന​താ​യും മുപ്പതു​ക​ളു​ടെ ഒടുവിൽ അവർ തീർത്തും അവശരും പ്രായ​മാ​യ​വ​രും ക്ഷീണി​ച്ച​വ​രു​മാ​യി പെട്ടെന്നു മരിക്കുന്ന”തായും ഒരു പഠനം കണ്ടെത്തി. ആൺകു​ട്ടി​ക​ളോ​ടുള്ള താരത​മ്യ​ത്തിൽ പെൺകു​ട്ടി​കൾക്കു സാധാ​ര​ണ​മാ​യി കുറച്ച്‌ ആഹാരം കൊടു​ക്കു​ക​യും സ്‌കൂ​ളിൽ വിടാ​തി​രി​ക്കു​ക​യും ചെറു​പ്രാ​യ​ത്തിൽത്തന്നെ പണി​യെ​ടു​പ്പി​ക്കു​ക​യും കുറഞ്ഞ വൈദ്യ​ശു​ശ്രൂഷ മാത്രം നൽകു​ക​യും ചെയ്യുന്നു. പെൺകു​ഞ്ഞു​ങ്ങളെ ചെല​വേ​റിയ ഒരു ഭാരമാ​യി കരുതി​ക്കൊ​ണ്ടു പല സ്‌ത്രീ​ക​ളും അവയെ കൊന്നു​ക​ള​യു​ന്നു. ഇൻഡ്യ​യു​ടെ തെക്കൻ ഗ്രാമീണ ഭാഗങ്ങ​ളിൽ ശിശു​ഹത്യ നടത്താ​നുള്ള ഒരു സാധാരണ രീതി കോഴി​യു​ടെ തിളച്ച സൂപ്പ്‌ കുഞ്ഞിന്റെ തൊണ്ട​യി​ലേക്കു ഒഴിക്കു​ക​യാ​ണെന്നു റിപ്പോർട്ടർമാർ കുറി​ക്കൊ​ണ്ടു. അത്തരം കുററ​കൃ​ത്യ​ങ്ങൾ ശിക്ഷി​ക്ക​പ്പെ​ടു​ന്നു​ണ്ടോ​യെന്നു ചോദി​ച്ച​പ്പോൾ ഒരു പൊലീസ്‌ ഉദ്യോ​ഗസ്ഥൻ ഇങ്ങനെ പ്രതി​ക​രി​ച്ചു: “കൂടുതൽ അടിയ​ന്തിര പ്രശ്‌നങ്ങൾ ഉണ്ട്‌. വളരെ കുറച്ചു കേസു​കളേ ഞങ്ങളുടെ ശ്രദ്ധയിൽ പെടാ​റു​ള്ളു. അധിക​മാ​ളു​കൾ അതു കാര്യ​മാ​ക്കാ​റില്ല.” (g93 9/22)

ഒഴിച്ചു​കൂ​ടാ​നാ​വാത്ത ചന്ദ്രൻ

ജീവന്റെ നിലനിൽപ്പി​നു ഭൂമിയെ അനുപ​മ​മാം​വി​ധം അനു​യോ​ജ്യ​മാ​ക്കി​ത്തീർക്കുന്ന ഘടകങ്ങ​ളു​ടെ ഇപ്പോൾത്ത​ന്നെ​യുള്ള ശ്രദ്ധേ​യ​മായ പട്ടിക​യിൽ മറെറാ​രു ഇനം കൂടി ജ്യോ​തി​ശാ​സ്‌ത്രജ്ഞർ കൂട്ടി​ച്ചേർക്കേ​ണ്ട​താ​യി​വ​ന്നേ​ക്കാം: ചന്ദ്രൻ. ആകാശ​ത്തി​നു മനോ​ജ്ഞ​മായ നിലാ​വെ​ളി​ച്ചം പ്രദാനം ചെയ്യു​ക​യും വേലി​യേ​റ​റങ്ങൾ സൃഷ്ടി​ക്കു​ക​യും ചെയ്യു​ന്ന​തി​ല​ധി​കം നമ്മുടെ ഉപഗ്രഹം ചെയ്യുന്നു. ഫ്രഞ്ച്‌ ബഹിരാ​കാശ ശാസ്‌ത്രജ്ഞർ നടത്തിയ കമ്പ്യൂട്ടർ പഠനങ്ങ​ള​നു​സ​രി​ച്ചു ഭൂമി​യു​ടെ ചരിവി​നെ അതായത്‌ അതിന്റെ ഭ്രമണ അച്ചുത​ണ്ടി​ലെ ചരിവി​ന്റെ അളവിനെ നിയ​ന്ത്രി​ക്കാ​നും അതു സഹായി​ക്കു​ന്നു. അത്തരം വലിപ്പ​മേ​റിയ ഉപഗ്ര​ഹ​മി​ല്ലാത്ത ബുധൻ അതിന്റെ ചരിവി​ന്റെ അളവിൽ 10-നും 50-നും ഇടയ്‌ക്കു ഡിഗ്രി മാറി​യി​ട്ടുണ്ട്‌. ധ്രുവ​പാ​ളി​കൾ ഉരുകി വീണ്ടും ഉറയ്‌ക്കു​ന്ന​തുൾപ്പെടെ വിപത്‌ക​ര​മായ കാലാ​വ​സ്ഥാ​വ്യ​തി​യാ​നങ്ങൾ ഈ അസ്ഥിരത മിക്കവാ​റും ഉളവാ​ക്കി​യി​ട്ടുണ്ട്‌. ശക്തമായ പ്രഭാവം ചെലു​ത്തുന്ന ചന്ദ്രൻ ഇല്ലായി​രു​ന്നെ​ങ്കിൽ ഭൂമി​യു​ടെ ചരിവ്‌ ഏതാണ്ട്‌ 85 ഡിഗ്രി കണ്ട്‌ വ്യതി​ച​ലി​ക്കാ​നി​ട​യു​ണ്ടാ​യി​രു​ന്നു എന്നു കമ്പ്യൂട്ടർ പഠനങ്ങൾ വെളി​പ്പെ​ടു​ത്തി. ആയതി​നാൽ “ഭൂമി​യോ​ടുള്ള ബന്ധത്തിൽ ശക്തമായ കാലാ​വസ്ഥാ നിയ​ന്ത്ര​ണ​ഘ​ട​ക​മാ​യി ചന്ദ്രൻ വർത്തി​ക്കു​ന്നു​വെന്ന്‌ ഒരുവൻ കരുതി​യേ​ക്കാം” എന്നു ഫ്രഞ്ച്‌ ജ്യോ​തി​ശാ​സ്‌ത്രജ്ഞർ നിഗമനം ചെയ്യുന്നു. (g93 9/22)

കാണാ​താ​വുന്ന സ്‌ത്രീ​കൾ

ബ്രിട്ടൻ, ഫ്രാൻസ്‌, സ്വിറ​റ്‌സർലൻഡ്‌, ഐക്യ​നാ​ടു​കൾ തുടങ്ങിയ വികസിത രാജ്യ​ങ്ങ​ളിൽ 100-ന്‌ 105 എന്ന അനുപാ​ത​ത്തിൽ സ്‌ത്രീ​ക​ളു​ടെ സംഖ്യ പുരു​ഷൻമാ​രു​ടേ​തി​നെ​ക്കാൾ കൂടു​ത​ലാണ്‌. എന്നാൽ ഏഷ്യയിൽ കോടി​ക്ക​ണ​ക്കി​നു സ്‌ത്രീ​കൾ കാണാ​താ​വു​ന്നു​വെന്നു യുഎൻ സ്ഥിതി​വി​വ​ര​ക്ക​ണ​ക്കു​കൾ കാണി​ക്കു​ന്നു. ഉദാഹ​ര​ണ​ത്തിന്‌ അഫ്‌ഗാ​നി​സ്ഥാ​നും ബംഗ്ലാ​ദേ​ശി​നും 100 പുരു​ഷൻമാർക്ക്‌ 94 സ്‌ത്രീ​ക​ളും ഇൻഡ്യ​യ്‌ക്ക്‌ 93-ഉം പാക്കി​സ്ഥാന്‌ 92-ഉം ആണുള്ളത്‌. ഓരോ 100 പെൺകു​ട്ടി​കൾക്കും ഒന്നും രണ്ടും വയസ്സി​നി​ട​യിൽ പ്രായ​മുള്ള 114 ആൺകു​ട്ടി​കൾ വീതം ഉള്ളതായി ചൈനയെ സംബന്ധിച്ച ഔദ്യോ​ഗിക കണക്കുകൾ പ്രകട​മാ​ക്കി. എന്തു​കൊ​ണ്ടാ​ണീ വ്യത്യാ​സം? “സ്‌ത്രീ​കൾ അനുഭ​വി​ക്കേണ്ടി വരുന്ന, ജീവനു ഭീഷണി​യാ​യി​രി​ക്കുന്ന വിവേ​ച​ന​ത്തി​ലേക്കു വിദഗ്‌ധർ വിരൽ ചൂണ്ടുന്നു, ഇതു പുരു​ഷൻമാ​രു​ടേ​തി​നെ​ക്കാൾ അതിജീ​വി​ക്കാ​നുള്ള അവരുടെ സാധ്യ​തയെ താഴ്‌ത്തു​ന്നു. പെൺഭ്രൂ​ണത്തെ ഗർഭച്ഛി​ദ്രം ചെയ്യു​ന്ന​തും പെൺകു​ഞ്ഞു​ങ്ങളെ കൊന്നു​ക​ള​യു​ന്ന​തും മോശ​മായ പോഷ​ണ​വും ആരോ​ഗ്യ​പ​രി​പാ​ല​ന​വും നിരവധി ഗർഭധാ​ര​ണ​ങ്ങ​ളും പുറം​പൊ​ട്ടി​ക്കുന്ന കായി​കാ​ധ്വാ​ന​വും” ആണ്‌ ഇതിനു കാരണ​ങ്ങ​ളെന്നു ദ വാഷി​ങ്‌ടൺ പോസ്‌ററ്‌ പറയുന്നു. കൂടാതെ ചില സംസ്‌കാ​ര​ങ്ങ​ളിൽ സെൻസസ്‌ എടുക്കുന്ന പുരു​ഷൻമാർ സ്‌ത്രീ​കളെ അവഗണി​ക്കു​ന്നു, അല്ലെങ്കിൽ പെണ്ണു​ങ്ങ​ളോ​ടു സംസാ​രി​ക്കാൻ അവർ അനുവ​ദി​ക്ക​പ്പെ​ടു​ന്നില്ല. ആൺമക്ക​ളെ​ക്കാൾ പെൺമക്കൾ കൂടു​ത​ലു​ണ്ടെന്നു പറയാൻ ലജ്ജിക്കുന്ന ചില പിതാ​ക്കൻമാർ തങ്ങളുടെ കുട്ടി​ക​ളു​ടെ ലിംഗം സംബന്ധി​ച്ചു നുണ പറയുന്നു. (g93 10/8)

ചൈന​യു​ടെ കുറഞ്ഞു​വ​രുന്ന ജനനനി​രക്ക്‌

1992-ലെ സ്ഥിതി​വി​വ​ര​ക്ക​ണ​ക്കു​കൾ ചൈന​യിൽ എക്കാല​ത്തും രേഖ​പ്പെ​ടു​ത്തി​യി​ട്ടുള്ള ഏററവും കുറഞ്ഞ ജനനനി​രക്കു കാണി​ക്കു​ന്നു—1,000 പേർക്ക്‌ 18.2 ജനനങ്ങൾ, ഇത്‌ 1987-ൽ 23.33 ആയിരു​ന്നു എന്ന്‌ ദ ന്യൂ​യോർക്ക്‌ ടൈംസ്‌ റിപ്പോർട്ടു ചെയ്യുന്നു. 2010 എന്ന വർഷത്തി​നു​മു​മ്പു നേടു​മെന്നു പ്രതീ​ക്ഷി​ച്ചി​രു​ന്ന​ത​ല്ലെ​ങ്കി​ലും ആ ലക്ഷ്യം നേടി, “കാരണം എല്ലാ തലങ്ങളി​ലു​മുള്ള പാർട്ടി​യ​ധി​കാ​രി​ക​ളും ഗവൺമെൻറ​ധി​കാ​രി​ക​ളും കുടും​ബാ​സൂ​ത്ര​ണ​ത്തി​നു കൂടുതൽ ശ്രദ്ധ നൽകു​ക​യും കൂടുതൽ ഫലപ്ര​ദ​മായ നടപടി​കൾ സ്വീക​രി​ക്കു​ക​യും ചെയ്‌തു” എന്ന്‌ സ്‌റേ​റ​ററ്‌ കുടും​ബാ​സൂ​ത്രണ കമ്മീഷന്റെ മന്ത്രി​യായ പെംഗ്‌ പായുൺ പറയുന്നു. ഈ പരിപാ​ടി​യിൻ കീഴിൽ തങ്ങളുടെ ഭരണ​പ്ര​ദേ​ശത്ത്‌ ജനനസം​ഖ്യ കുറയ്‌ക്കു​ന്ന​തി​നു പ്രാ​ദേ​ശിക അധികാ​രി​കളെ വ്യക്തി​പ​ര​മാ​യി ഉത്തരവാ​ദി​ത്വം ഭരമേൽപ്പി​ച്ചി​രു​ന്നു, അങ്ങനെ ചെയ്യു​ന്ന​തി​നു വീഴ്‌ച വരുത്തു​ന്ന​വരെ ശിക്ഷി​ക്കു​മാ​യി​രു​ന്നു. പല കേസു​ക​ളി​ലും ഇതി​നോ​ടകം ഒരു കുട്ടി​യുള്ള സ്‌ത്രീ​ക​ളിൽ നിർബ​ന്ധിത വന്ധ്യം​ക​രണം നടത്തു​ന്ന​തി​ലും അനധി​കൃ​ത​മാ​യി പ്രസവം നടത്തു​ന്ന​വർക്കു വളരെ കടുത്ത പിഴകൾ ചുമത്തു​ന്ന​തി​ലും ഇതു കലാശി​ച്ചു. പിഴയ​ട​യ്‌ക്കാൻ ഗ്രാമീ​ണർക്കു കഴിയാ​തെ വരു​മ്പോൾ അവരുടെ വസ്‌തു​വ​കകൾ കണ്ടു​കെ​ട്ടു​ക​യോ നശിപ്പി​ക്കു​ക​യോ ചെയ്യുന്നു, മിക്ക​പ്പോ​ഴും അവരുടെ വീടുകൾ തകർത്തു​ക​ള​യു​ന്നു. ചൈന​യു​ടെ 117 കോടി നിവാ​സി​കൾ ഇപ്പോൾത്തന്നെ ലോക​ജ​ന​സം​ഖ്യ​യു​ടെ 22 ശതമാ​ന​മാണ്‌. (g93 10/8)

കമ്പ്യൂട്ടർ പരിഭാ​ഷ​പ്പെ​ടു​ത്തു​ന്നു

ആദ്യസം​ഭവം എന്നു വർണി​ക്ക​പ്പെ​ടുന്ന ഒരു സംഗതി​യെന്ന നിലയിൽ, അടുത്ത കാലത്ത്‌ ഒരു കമ്പ്യൂട്ടർ ജപ്പാനി​ലെ​യും ജർമനി​യി​ലെ​യും ഐക്യ​നാ​ടു​ക​ളി​ലെ​യും ഗവേഷകർ തമ്മിലുള്ള ടെല​ഫോൺ സംഭാ​ഷ​ണങ്ങൾ പരിഭാ​ഷ​പ്പെ​ടു​ത്തി​ക്കൊ​ടു​ത്തു. സംസാ​രി​ക്കു​മ്പോൾ കിയോ​ട്ടോ​യി​ലെ​യും മ്യൂണി​ക്കി​ലെ​യും പിററ്‌സ്‌ബർഗി​ലെ​യും ശാസ്‌ത്രജ്ഞർ തങ്ങളുടെ പദസമ്പത്ത്‌ അനുദി​നം ഉപയോ​ഗി​ക്കുന്ന 550 പദങ്ങളി​ലും ചർച്ചാ​സ​മ്മേ​ള​ന​ത്തി​ന്റെ​യും ഹോട്ടൽ ബുക്കിം​ഗു​ക​ളു​ടെ​യും രംഗത്തു​നി​ന്നുള്ള വേറെ ഒരു 150 പ്രത്യേക പദങ്ങളി​ലും ഒതുക്കി നിർത്തി. കമ്പ്യൂ​ട്ട​റി​ലെ പ്രോ​ഗ്രാ​മി​നു മനസ്സി​ലാ​ക്കി പരിഭാ​ഷ​പ്പെ​ടു​ത്താൻ കഴിയുന്ന വാക്കുകൾ ഇവ മാത്ര​മാണ്‌. “വിവിധ രാജ്യ​ങ്ങ​ളിൽനി​ന്നു പങ്കെടു​ക്കു​ന്ന​വ​രു​ടെ കൺ​വെൻ​ഷൻ ബുക്കിം​ഗു​കൾ കൈകാ​ര്യം ചെയ്യു​ക​യും ലളിത​മായ ചോദ്യ​ങ്ങൾക്ക്‌ ഉത്തരം നൽകു​ക​യും ചെയ്യുന്ന ഒരു പരിഭാ​ഷാ കമ്പ്യൂട്ടർ കണ്ടുപി​ടി​ക്കാൻ ശാസ്‌ത്രജ്ഞർ കൂട്ടമാ​യി പ്രവർത്തി​ക്കു​ന്നു” എന്നു മ്യൂണി​ക്കി​ലെ സ്യൂഡ​സ്‌റ​റാ​ഷാ സീററംഗ്‌ എന്ന പത്രം റിപ്പോർട്ടു ചെയ്യുന്നു. (g93 9/22)

ബുദ്ധമത ബാർ

തങ്ങളുടെ അലഞ്ഞു​തി​രി​യുന്ന ബുദ്ധമ​ത​ക്കാ​രി​ലേക്കു ബുദ്ധമതം തിരികെ കൊണ്ടു​വ​രാ​നുള്ള ഒരു ശ്രമത്തിൽ ജപ്പാനി​ലെ ഒസാക്ക​യിൽ ബുദ്ധസ​ന്യാ​സി​കൾ ഒരു ബാർ തുറന്നി​രി​ക്കു​ന്നു. “പ്രാചീന കാലങ്ങ​ളിൽ എല്ലാത്തരം ആളുക​ളും അമ്പലങ്ങ​ളിൽ കൂടി​വന്നു തിന്നു കുടി​ച്ചി​രി​ക്കെ സംഭാ​ഷണം നടത്തുക പതിവാ​യി​രു​ന്നു. നൂറു​ക​ണ​ക്കി​നു വർഷങ്ങൾ കഴിഞ്ഞു​പോ​യ​പ്പോൾ ബുദ്ധമ​ത​വും ജനങ്ങളും തമ്മിൽ ബന്ധമി​ല്ലാ​താ​യി” എന്നു പറഞ്ഞതാ​യി ആസാഹി ഈവനിങ്‌ ന്യൂസ്‌ പുരോ​ഹി​തൻമാ​രിൽ ഒരുവനെ ഉദ്ധരി​ക്കു​ന്നു. ഭൂരി​ഭാ​ഗ​വും ചെറു​പ്പ​ക്കാ​രാ​യി​രി​ക്കുന്ന പതിനഞ്ചു പുരോ​ഹി​തൻമാർ തങ്ങളുടെ ക്രമമ​നു​സ​രി​ച്ചു ബാറിലെ അതിഥി​യാ​യി വർത്തി​ച്ചു​കൊ​ണ്ടും ഇടപാ​ടു​കാ​രോ​ടൊ​ത്തു കുടി​ച്ചു​കൊ​ണ്ടും പ്രവർത്തി​ക്കു​ന്നു. “ഞങ്ങളുടെ ബാർ അമ്പലമെന്ന പദത്തെ യഥാർഥ​ത്തിൽ അന്വർഥ​മാ​ക്കു​ന്നു, കാരണം ഇവിടെ നിങ്ങൾക്ക്‌ ഒരു പുരോ​ഹി​ത​നോ​ടു തുറന്നു സംസാ​രി​ക്കാ​നാ​വും,” മാനേജർ പറയുന്നു. കത്തുന്ന കുന്തി​രി​ക്ക​വും മതപര​മായ ചിഹ്നങ്ങ​ളും ഭിത്തി​യിൽ തൂങ്ങി​ക്കി​ട​ക്കു​ന്നു. പശ്ചാത്ത​ല​സം​ഗീ​തം റോക്ക്‌ സംഗീ​ത​മാണ്‌. (g93 9/22)

നിങ്ങളു​ടെ ഹൃദയ​ത്തിന്‌ അല്‌പം വീഞ്ഞ്‌

മിതമായ അളവിൽ ചുവന്ന വീഞ്ഞ്‌ കുടി​ക്കു​ന്നതു ഹൃദയ​സ്‌തം​ഭനം ഉണ്ടാകാ​നുള്ള അപായ​സാ​ധ്യ​തയെ കുറ​ച്ചേ​ക്കാം. “ഫ്രഞ്ച്‌ വിരോ​ധാ​ഭാ​സം” എന്നു വിളി​ക്കാ​നി​ട​യാ​യി​ത്തീർന്ന സംഗതി സംബന്ധി​ച്ചു ശാസ്‌ത്രജ്ഞർ കുറേ​ക്കാ​ല​ത്തേക്കു കുഴഞ്ഞു​പോ​യി​രു​ന്നു. ഒരു സാധാരണ ഫ്രഞ്ചു​കാ​രന്റെ ആഹാര​ക്ര​മ​ത്തിൽ ഹൃദയ​സം​ബ​ന്ധ​മായ പ്രശ്‌നങ്ങൾ ഉണ്ടാക്കുന്ന പൂരിത കൊഴു​പ്പു​കൾ കുറ​ച്ചൊ​ന്നു​മ​ല്ലെ​ങ്കി​ലും വ്യവസാ​യ​വ​ത്‌കൃത പാശ്ചാ​ത്യ​ലോ​കത്തു ഹൃ​ദ്രോ​ഗം നിമി​ത്ത​മുള്ള മരണനി​ര​ക്കു​കൾ ഏററവും കുറവാ​യി​രി​ക്കു​ന്നതു ഫ്രഞ്ചു​കാർക്കി​ട​യി​ലാണ്‌. ബ്രിട്ടീഷ്‌ വൈദ്യ​ശാ​സ്‌ത്ര ജേർണ​ലായ ദ ലാൻസെ​റ​റിൽ പ്രസി​ദ്ധ​പ്പെ​ടു​ത്തിയ റിപ്പോർട്ടു​കളെ പരാമർശി​ക്കു​ക​യാ​യി​രുന്ന ലാ ഫിഗറോ എന്ന പാരീസ്‌ പത്രം പറയും​പ്ര​കാ​രം ഫ്രഞ്ചു​കാർ സാധാ​ര​ണ​മാ​യി തങ്ങളുടെ ആഹാര​ത്തോ​ടൊ​പ്പം കുടി​ക്കുന്ന ചുവന്ന വീഞ്ഞി​നോട്‌ ഇതു ബന്ധപ്പെ​ട്ടി​രി​ക്കാം എന്നു ശാസ്‌ത്രജ്ഞർ വിശ്വ​സി​ക്കു​ന്നു. ചുവന്ന വീഞ്ഞിൽ അടങ്ങി​യി​രി​ക്കുന്ന ഫീനോ​ളു​കൾ എന്നു വിളി​ക്ക​പ്പെ​ടുന്ന അമ്ലഘട​കങ്ങൾ ഹൃദയ​സ്‌തം​ഭനം ഉണ്ടാക്കുന്ന കൊഴുപ്പ്‌ അവക്ഷി​പ്‌തങ്ങൾ ധമനി​ക​ളിൽ പററി​പ്പി​ടി​ക്കു​ന്ന​തിൽനി​ന്നു മോശ​മാ​യ​തെന്നു പരക്കെ വിളി​ക്ക​പ്പെ​ടുന്ന കൊള​സ്‌​ട്രോ​ളി​നെ (LDL [low-density lipoprotein]) തടയു​ന്ന​താ​യി കണ്ടിട്ടുണ്ട്‌. ഈ ഫിനോ​ളു​കൾ വീഞ്ഞിലെ ലഹരി​യു​ള​വാ​ക്കുന്ന ഘടകങ്ങ​ള​ല്ലെ​ന്നും ഒരു ദിവസം അര പൈൻറിൽ [കാൽ ലിററർ] കൂടുതൽ കഴിച്ചാൽ ലഹരി​വ​സ്‌തു ഗുണ​ത്തേ​ക്കാ​ളേറെ ദോഷം ചെയ്യു​മെ​ന്നും ലാ ഫിഗറോ കൂട്ടി​ച്ചേർക്കു​ന്നു. (g93 9/22)