യുവജ​നങ്ങൾ ചോദി​ക്കു​ന്നു. . .

“പരിധി​ക്ക​പ്പു​റം,” എന്നാൽ എത്ര​ത്തോ​ളം?

“പരിധി​ക്ക​പ്പു​റം പോകു​ന്ന​തി​ന്റെ അപകട​ങ്ങ​ളെ​ക്കു​റിച്ച്‌ ആളുകൾക്കു മുന്നറി​യി​പ്പു കൊടു​ക്കാൻ ദയവായി നിങ്ങൾക്കു കഴിയു​മോ? . . . ‘വേഴ്‌ച​യ്‌ക്കു മുമ്പത്തെ ശാരീ​രിക സമ്പർക്ക’ത്തെപ്പററി ഊന്നി​പ്പ​റ​യേ​ണ്ട​തുണ്ട്‌. കാരണം അതാണു ലൈം​ഗി​ക​ബ​ന്ധ​ത്തി​ലേക്കു നയിക്കു​ന്നത്‌. എന്റെ ചോദ്യം ഇതാണ്‌: എവി​ടെ​യാ​ണു പരിധി?”

കൗമാ​ര​പ്രാ​യ​ക്കാർക്കു വേണ്ടി​യുള്ള ഒരു മാസി​ക​യോട്‌ ഒരു പെൺകു​ട്ടി ചോദിച്ച ചോദ്യ​മാ​ണിത്‌. ഒരുപക്ഷേ ഇത്‌ നിങ്ങളും ചോദി​ച്ചി​ട്ടുള്ള ഒരു ചോദ്യ​മാ​യി​രി​ക്കാം.

നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ, 1 തെസ്സ​ലൊ​നീ​ക്യർ 4:3-6-ലെ വാക്കുകൾ നിങ്ങൾ ഗൗരവ​മാ​യി എടുക്കും: “ദൈവ​ത്തി​ന്റെ ഇഷ്ടമോ നിങ്ങളു​ടെ ശുദ്ധീ​ക​രണം തന്നേ. നിങ്ങൾ ദുർന്ന​ടപ്പു വിട്ടൊ​ഴി​ഞ്ഞു . . . താന്താന്റെ പാത്രത്തെ നേടി​ക്കൊ​ള്ളട്ടെ. ഈ കാര്യ​ത്തിൽ ആരും അതി​ക്ര​മി​ക്ക​യും സഹോ​ദ​രനെ ചതിക്ക​യും അരുതു; . . . പ്രതി​കാ​രം ചെയ്യു​ന്നവൻ കർത്താ​വ​ല്ലോ.”

വിവാഹം ചെയ്യാത്ത വ്യക്തികൾ തമ്മിലുള്ള ലൈം​ഗി​ക​ബന്ധം തെററാ​ണെന്നു നിങ്ങൾക്ക്‌ അറിയാ​മെ​ങ്കിൽപ്പോ​ലും എതിർലിം​ഗ​ത്തിൽപ്പെട്ട ഒരാളെ ചുംബി​ക്കു​ന്ന​തി​നെ​യോ കെട്ടി​പ്പി​ടി​ക്കു​ന്ന​തി​നെ​യോ തലോ​ടു​ന്ന​തി​നെ​യോ ദൈവം വീക്ഷി​ക്കു​ന്ന​തെ​ങ്ങ​നെ​യെന്നു നിങ്ങൾ സംശയി​ച്ചേ​ക്കാം.

വളർച്ച​യു​ടെ ഒരു ഭാഗമോ?

ആദ്യം​തന്നെ, ലൈം​ഗി​ക​ധ്വ​നി​കൾ കൂടാ​തെ​യുള്ള മാന്യ​വും ശുദ്ധവു​മായ സ്‌നേ​ഹ​പ്ര​ക​ട​ന​ങ്ങളെ ബൈബിൾ കുററം വിധി​ക്കു​ന്നി​ല്ലെ​ന്നതു മനസ്സിൽ പിടി​ക്കു​ന്നതു നല്ലതാണ്‌. പുരാതന ക്രിസ്‌ത്യാ​നി​കൾ തങ്ങളുടെ സ്‌നേഹം അന്യോ​ന്യം പ്രകടി​പ്പി​ക്കു​ന്ന​വ​രാ​യി​രു​ന്നു. അവർ സാധാ​ര​ണ​മാ​യി “വിശു​ദ്ധ​ചും​ബ​നം​കൊ​ണ്ടു അന്യോ​ന്യം വന്ദനം” ചെയ്യു​മാ​യി​രു​ന്നു. (റോമർ 16:16; 1 കൊരി​ന്ത്യർ 16:20) ഒരേ ലിംഗ​വർഗ​ത്തിൽപ്പെട്ട ക്രിസ്‌ത്യാ​നി​കൾ പോലും ചുംബി​ക്കു​ക​യും ആലിം​ഗനം ചെയ്യു​ക​യും ചെയ്യു​മാ​യി​രു​ന്നു.—പ്രവൃ​ത്തി​കൾ 20:37 താരത​മ്യ​പ്പെ​ടു​ത്തുക.

ധാരാളം സംസ്‌കാ​ര​ങ്ങ​ളിൽ മറെറാ​രാ​ളോ​ടുള്ള സ്‌നേഹം പ്രകടി​പ്പി​ക്കാ​നുള്ള ഉചിത​മായ മാർഗ​ങ്ങ​ളാ​യി ചുംബ​ന​വും ആലിം​ഗ​ന​വും ഇപ്പോ​ഴും കരുത​പ്പെ​ടു​ന്നു. എന്നിരു​ന്നാ​ലും, ഉചിത​മാ​യി​രി​ക്കു​ന്ന​തെന്നു ന്യായ​മാ​യി നിർവ​ചി​ക്കാ​വു​ന്ന​തി​ന്റെ പരിധി​ക്ക​പ്പു​റം പോകുന്ന വിധങ്ങ​ളിൽ ഇന്നു ധാരാളം യുവജ​നങ്ങൾ സ്‌നേഹം പ്രകടി​പ്പി​ക്കു​ന്നു. യുവജ​ന​ങ്ങ​ളിൽ മൂന്നിൽ രണ്ടില​ധി​കം പേരും ശരീര​ത്തി​ന്റെ സ്വകാര്യ ഭാഗങ്ങ​ളു​ടെ തഴുകൽ ഉൾപ്പെടെ കാമവി​കാ​ര​ത്തോ​ടെ​യുള്ള പരിലാ​ള​ന​യു​ടെ ഏതെങ്കി​ലും രൂപത്തിൽ ഉൾപ്പെ​ട്ടി​രു​ന്നു​വെന്നു പറഞ്ഞതാ​യി ഒരു യു.എസ്‌. സർവേ കണ്ടെത്തി. ചെറു​പ്രാ​യ​മായ 14 വയസ്സിൽത്തന്നെ ചിലർ അങ്ങനെ ചെയ്‌തു​തു​ടങ്ങി. മറെറാ​രു സർവേ​യിൽ കണ്ടെത്തി​യ​തു​പോ​ലെ 49 ശതമാനം പേർ രതിമൂർച്ഛ​യു​ടെ ഘട്ടത്തോ​ളം എത്തുന്ന​തു​വരെ തഴുക​ലിൽ ഏർപ്പെട്ടു.

വളർച്ച​യു​ടെ ഒരു ഭാഗ​മെ​ന്ന​നി​ല​യിൽ ചിലർ അത്തരം ലൈം​ഗിക പരീക്ഷ​ണത്തെ ന്യായീ​ക​രി​ക്കു​ന്നു. ദ ഫാമിലി ഹാൻഡ്‌ബുക്ക്‌ ഓഫ്‌ അഡോൾസൻസ്‌ എന്ന പുസ്‌തകം പറയും​പ്ര​കാ​രം, “ലൈം​ഗി​ക​കേ​ളി​യും പര്യ​വേ​ക്ഷ​ണ​വും മിക്കവാ​റും എല്ലാ സാധാരണ കൗമാ​ര​പ്രാ​യ​ക്കാ​രു​ടെ ഇടയി​ലും സർവസാ​ധാ​ര​ണ​മാണ്‌.” ചിലയാ​ളു​കൾ തഴുക​ലി​നെ ശുപാർശ ചെയ്യു​ക​പോ​ലും ചെയ്യുന്നു. കാതറിൻ ബർക്കാർട്ടി​ന്റെ സ്‌നേ​ഹ​ത്തി​ലേക്കു വളരൽ എന്ന [ഇംഗ്ലീഷ്‌] പുസ്‌തകം ഇങ്ങനെ അവകാ​ശ​പ്പെ​ടു​ന്നു: “ലൈം​ഗി​ക​ബ​ന്ധ​ത്തി​നു മുമ്പു നിർത്തു​ന്ന​തു​കൊണ്ട്‌, മിക്ക തഴുക​ലും ഉത്‌കണ്‌ഠ കൂടാതെ അനുഭ​വി​ക്കാൻ കഴിയും, അതിനു ലൈം​ഗി​കാ​വേ​ശ​ത്തി​ന്റെ അത്ഭുത​ക​ര​മായ ഒരു ബഹിർഗമന മാർഗ​മാ​യി​രി​ക്കാൻ കഴിയും.”

എന്നാൽ ചോദ്യ​മി​താണ്‌, അത്തരം പെരു​മാ​റ​റത്തെ ദൈവം എങ്ങനെ വീക്ഷി​ക്കു​ന്നു?

ഒരു ചുംബ​ന​ത്തിൽ എന്തിരി​ക്കു​ന്നു?

“നവയൗവന”ത്തിലാ​യി​രി​ക്കു​മ്പോൾ ലൈം​ഗിക മോഹം തീവ്ര​മാണ്‌. (1 കൊരി​ന്ത്യർ 7:36) അതു​കൊണ്ട്‌ എതിർലിം​ഗ​ത്തിൽപ്പെട്ട ഒരാളെ ചുംബി​ക്കു​മ്പോ​ഴോ സ്‌പർശി​ക്കു​മ്പോ​ഴോ എങ്ങനെ അനുഭ​വ​പ്പെ​ടു​ന്നു എന്നറി​യാൻ ഉദ്വേഗം പുലർത്തു​ന്നതു സ്വാഭാ​വി​കം മാത്ര​മാണ്‌. എന്നാൽ ദ ഫാമിലി ഹാൻഡ്‌ബുക്ക്‌ ഓഫ്‌ അഡോൾസൻസ്‌ ഇപ്രകാ​രം ചൂണ്ടി​ക്കാ​ട്ടു​ന്നു: “വൈകാ​രിക പക്വത ഉണ്ടാകു​ന്ന​തി​നു മുമ്പു​തന്നെ, ചില​പ്പോൾ വളരെ വർഷങ്ങൾക്കു മുമ്പു​തന്നെ, ലൈം​ഗി​ക​ശേഷി വികാസം പ്രാപി​ക്കു​ന്നു.” തീർച്ച​യാ​യും, ശക്തമായ കാമവി​കാ​ര​ങ്ങ​ളോ ലൈം​ഗിക തിരത്ത​ള്ള​ലോ ഉണർത്താ​നുള്ള ശക്തി ഒരു ചുംബ​ന​ത്തി​നോ തഴുക​ലി​നോ ഉണ്ടെന്നു പല യുവാ​ക്ക​ളും പൂർണ​മാ​യി മനസ്സി​ലാ​ക്കു​ന്നില്ല.

അതു​കൊണ്ട്‌ ലൈം​ഗിക വികാ​ര​ങ്ങളെ ഉണർത്തുന്ന നടത്തയിൽ ഏർപ്പെ​ടു​ന്ന​തി​ന്റെ ഭവിഷ്യ​ത്തു​ക​ളെ​ക്കു​റി​ച്ചു നിങ്ങൾ ജ്ഞാനപൂർവം ചിന്തി​ക്കേ​ണ്ട​തുണ്ട്‌. നിങ്ങൾക്കു വിവാഹം കഴിക്കാൻ വേണ്ടത്ര പ്രായ​മി​ല്ലെ​ങ്കി​ലെന്ത്‌? അപ്പോൾ നിങ്ങളിൽ ലൈം​ഗിക വികാരം ഉണർത്തുന്ന ഒരു വിധത്തിൽ ചുംബി​ക്കു​ക​യോ എന്തെങ്കി​ലും പ്രവർത്തി​ക്കു​ക​യോ ചെയ്യു​ന്ന​തെ​ന്തിന്‌? ഇതു നിങ്ങളെ നിരാ​ശ​നാ​ക്കാൻ ഇടയാ​ക്കുക മാത്രമേ ചെയ്യു​ക​യു​ള്ളൂ. കാരണം ആ കാമവി​കാ​ര​ങ്ങ​ളു​ടെ ന്യായ​മായ പരിസ​മാ​പ്‌തി​യിൽ—ലൈം​ഗി​ക​ബ​ന്ധ​ത്തിൽ—എത്തി​ച്ചേ​രാ​നുള്ള യാതൊ​രു മാർഗ​വും ഒരു സത്യ​ക്രി​സ്‌ത്യാ​നി​യെന്ന നിലയിൽ നിങ്ങൾക്കില്ല. അത്തരം ബന്ധങ്ങൾ വിവാ​ഹ​ബ​ന്ധ​ത്തി​നു​ള്ളിൽ മാത്രമേ ഉചിത​മാ​യി​രി​ക്കു​ന്നു​ള്ളൂ​വെന്നു ബൈബിൾ വ്യക്തമാ​ക്കു​ന്നു.—1 കൊരി​ന്ത്യർ 6:18.

വികാ​ര​വി​വ​ശ​മായ നിങ്ങളു​ടെ പ്രവർത്ത​ന​ത്താൽ ലൈം​ഗി​ക​വി​കാ​രം ഉണർത്ത​പ്പെ​ടുന്ന മറേറ വ്യക്തി​യെ​ക്കു​റി​ച്ചും ചിന്തി​ക്കുക. നിങ്ങൾക്കു വിവാഹം ചെയ്യാൻ സാധി​ക്കാത്ത സ്ഥാനത്തുള്ള ഒരാളെ അല്ലെങ്കിൽ സാധ്യ​ത​യുള്ള ഒരു വിവാഹ പങ്കാളി​യെന്ന നിലയിൽ ഗൗരവ​മാ​യി ചിന്തി​ക്കു​ക​പോ​ലും ചെയ്യാത്ത ഒരാളെ ചുംബി​ക്കു​ക​യോ തലോ​ടു​ക​യോ ചെയ്യു​ന്നതു വഞ്ചനാ​ത്മ​ക​വും ക്രൂര​വു​മല്ലേ? (സദൃശ​വാ​ക്യ​ങ്ങൾ 26:18, 19 താരത​മ്യ​പ്പെ​ടു​ത്തുക.) ബൈബിൾ ഇപ്രകാ​രം മുന്നറി​യി​പ്പു നൽകുന്നു: “ക്രൂര​നോ സ്വന്തജ​ഡത്തെ ഉപദ്ര​വി​ക്കു​ന്നു.”—സദൃശ​വാ​ക്യ​ങ്ങൾ 11:17.

ലൈം​ഗി​ക വികാ​ര​ത്തോ​ടെ​യുള്ള ഒരു സ്‌പർശ​ന​ത്തി​നോ ഒരു ചുംബ​ന​ത്തി​നോ ശക്തമായ ലൈം​ഗിക മോഹം ഉണർത്താൻ കഴിയു​മെ​ന്നു​ള്ളത്‌ ഒരു ബൈബിൾ വിദ്യാർഥിക്ക്‌ ഒരു രഹസ്യ​മാ​യി​രി​ക്ക​രുത്‌. ഒരു വേശ്യ​യാൽ വശീക​രി​ക്ക​പ്പെ​ടുന്ന ഒരു യുവാ​വി​നെ​ക്കു​റി​ച്ചു ബൈബിൾ പറയുന്നു. അതിങ്ങനെ പറയുന്നു: “അവൾ അവനെ പിടിച്ചു ചുംബി​ച്ചു.” (സദൃശ​വാ​ക്യ​ങ്ങൾ 7:13) അത്തരം ചുംബ​ന​ത്തി​നോ സ്‌പർശ​ന​ത്തി​നോ തീവ്ര​മായ ശാരീ​രിക പ്രതി​ക​ര​ണ​ത്തി​നു തിരി​കൊ​ളു​ത്താൻ കഴിയും. ശാരീ​രിക അടുപ്പം വർധി​ക്കു​ന്ന​തോ​ടെ ഒരാണും പെണ്ണും കൂടുതൽ ലൈം​ഗി​ക​മാ​യി ഉത്തേജി​ത​രാ​യി​ത്തീ​രു​ന്നു. തുറന്നു​പ​റ​ഞ്ഞാൽ, ശരീരം ലൈം​ഗി​ക​ബ​ന്ധ​ത്തി​നു തയ്യാ​റെ​ടു​ക്കു​ക​യാണ്‌.

വിവാ​ഹി​ത​ദ​മ്പ​തി​കൾക്കു തങ്ങളുടെ വികാ​ര​ങ്ങളെ ആനന്ദപൂർണ​വും മാന്യ​വു​മായ ഒരു വിധത്തിൽ തൃപ്‌തി​പ്പെ​ടു​ത്താ​വു​ന്ന​താണ്‌. എന്നാൽ വിവാഹം കഴിക്കാത്ത രണ്ടുപേർ വികാ​ര​മു​ണർത്തുന്ന ലൈം​ഗി​ക​കേ​ളി​യിൽ ഏർപ്പെ​ടു​ന്നെ​ങ്കിൽ പ്രശ്‌നങ്ങൾ ഉണ്ടാകു​മെ​ന്നു​ള്ളത്‌ ഉറപ്പാണ്‌. തഴുക​ലിൽ ഏർപ്പെട്ട അനേകർക്ക്‌ അവരുടെ സ്വന്തം വാക്കു​ക​ളിൽ പറഞ്ഞാൽ, “ആത്മനി​യ​ന്ത്രണം നഷ്ടപ്പെട്ടു”വെന്ന്‌ അവർ തുറന്നു സമ്മതി​ച്ച​താ​യി എഴുത്തു​കാ​രി​യായ നാൻസി വാൻ പെൽററ്‌ ഒരു സർവേ​യിൽ കണ്ടെത്തി. താൻ മുമ്പൊ​രി​ക്ക​ലും പോയി​ട്ടി​ല്ലാത്ത ഘട്ടത്തോ​ളം പോകാൻ സമ്മർദം ചെലു​ത്ത​പ്പെട്ട ഒരു പെൺകു​ട്ടി ഇതിനു ദൃഷ്ടാ​ന്ത​മാണ്‌. അവൾ ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ല്ലെ​ങ്കി​ലും അവളുടെ സ്വകാ​ര്യ​സ്ഥാ​ന​ങ്ങ​ളിൽ സ്‌പർശി​ക്കാൻ അവൾ ആൺകു​ട്ടി​യെ അനുവ​ദി​ക്കു​ക​തന്നെ ചെയ്‌തു. അവൾ പറയുന്നു: “എനിക്കി​പ്പോൾ വിഷമം തോന്നു​ന്നു.” തന്നോടു ചെയ്യാൻ അവൾ ആ ആൺകു​ട്ടി​യെ അനുവ​ദി​ച്ചത്‌ വാസ്‌ത​വ​ത്തിൽ തെററാ​യി​രു​ന്നോ?

എന്താണ്‌ “പരിധി​ക്ക​പ്പു​റം”?

ലൈം​ഗി​ക​ബ​ന്ധ​ത്തിൽ ഏർപ്പെ​ടാ​ത്തി​ട​ത്തോ​ളം കാലം തങ്ങൾ പരിധി​ക്ക​പ്പു​റം പോയി​ട്ടി​ല്ലെന്ന്‌, തങ്ങൾ ചെയ്യു​ന്നതു വാസ്‌ത​വ​ത്തിൽ തെററ​ല്ലെന്ന്‌, ചില യുവജ​നങ്ങൾ വിശ്വ​സി​ക്കു​ന്നു. എന്നാൽ ബൈബിൾ മറിച്ചാ​ണു പറയു​ന്നത്‌. ഗലാത്യർ 5:19-21-ൽ അപ്പോ​സ്‌ത​ല​നായ പൗലോസ്‌ ഇപ്രകാ​രം പറഞ്ഞു: “ജഡത്തിന്റെ പ്രവൃ​ത്തി​ക​ളോ ദുർന്ന​ടപ്പു [“പരസംഗം,” NW], അശുദ്ധി, ദുഷ്‌കാ​മം [“അഴിഞ്ഞ നടത്ത,” NW] . . . മുതലാ​യവ എന്നു വെളി​വാ​കു​ന്നു; ഈ വക പ്രവർത്തി​ക്കു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല.”

എന്താണു പരസംഗം? പരസം​ഗ​മെ​ന്ന​തി​ന്റെ മൂല​ഗ്രീ​ക്കു​പദം പോർണിയ ആണ്‌. വിവാ​ഹ​ബ​ന്ധ​ത്തി​നു പുറത്ത്‌ ഒരുവന്റെ ലൈം​ഗിക അവയവങ്ങൾ ഉപയോ​ഗി​ച്ചുള്ള ലൈം​ഗിക പ്രവർത്ത​നത്തെ ഇതു പരാമർശി​ക്കു​ന്നു. സെവൻറീ​നിൽ ഉദ്ധരി​ക്ക​പ്പെട്ട ഒരു പെൺകു​ട്ടി, തന്നെ അധര​ഭോ​ഗം ചെയ്യു​ന്ന​തി​ലേക്കു സമ്മർദം ചെലു​ത്താൻ തന്റെ കാമു​കനെ അനുവ​ദി​ച്ചു. “ഞാൻ വാസ്‌ത​വ​ത്തിൽ മഠയി​യാ​ണെന്നു തോന്നു​ന്നു, കാരണം എന്റെ കൂട്ടു​കാ​രി​ക​ളെ​ല്ലാം തങ്ങളുടെ കാമു​കൻമാ​രു​മാ​യി ഇതു ചെയ്യു​ന്നു​വെ​ന്നും ഞാനിതു ചെയ്‌തി​ല്ലെ​ങ്കിൽ എനിക്ക്‌ അയാളെ നഷ്ടപ്പെ​ടാൻ പോകു​ക​യാ​ണെ​ന്നും അവർ പറയുന്നു.” അത്തരം ദുർവൃ​ത്തി​യിൽ ഏർപ്പെ​ട്ടി​ട്ടുള്ള യുവജ​ന​ങ്ങ​ളു​ടെ സംഖ്യ ഞെട്ടി​ക്കു​ന്ന​താ​ണെന്നു പഠനം വെളി​പ്പെ​ടു​ത്തു​ന്നു. എന്നാൽ അത്തരം പ്രവർത്ത​നങ്ങൾ പോർണി​യ​യിൽ ഉൾപ്പെ​ടു​ന്ന​തും ദൈവ​ത്തി​ന്റെ അപ്രീതി കൈവ​രു​ത്തു​ന്ന​തു​മാണ്‌.

അപ്പോ​സ്‌ത​ല​നാ​യ പൗലോസ്‌ പരസം​ഗത്തെ “അശുദ്ധി”യോടും ബന്ധപ്പെ​ടു​ത്തി. മൂല​ഗ്രീ​ക്കു​പ​ദ​മായ അകഥർസിയ, സംസാ​ര​ത്തി​ലോ പ്രവർത്ത​ന​ത്തി​ലോ ഉള്ള ഏതുതരം അശുദ്ധി​യെ​യും പരാമർശി​ക്കു​ന്നു. ഒരാളു​ടെ വസ്‌ത്ര​ത്തി​ന​ടി​യിൽ കൈ ഇടുക, വസ്‌ത്രം മാററുക, അല്ലെങ്കിൽ മറെറാ​രാ​ളു​ടെ സ്‌തനങ്ങൾ പോലുള്ള സ്വകാര്യ ഭാഗങ്ങൾ തഴുകുക തുടങ്ങി​യവ തീർച്ച​യാ​യും അശുദ്ധി​യാ​യി​രി​ക്കും. എന്തിന്‌, ബൈബി​ളിൽ സ്‌തന​ങ്ങളെ തഴുകു​ന്നത്‌ വിവാ​ഹി​ത​ദ​മ്പ​തി​കൾക്കു മാത്രം പരിമി​ത​പ്പെ​ടു​ത്തി​യി​രി​ക്കുന്ന സുഖങ്ങ​ളോ​ടു ബന്ധപ്പെ​ട്ട​താണ്‌.—സദൃശ​വാ​ക്യ​ങ്ങൾ 5:18, 19; കൂടാതെ ഹോശേയ 2:2 താരത​മ്യ​പ്പെ​ടു​ത്തുക.

എന്നുവ​രി​കി​ലും ചില യുവാക്കൾ ധിക്കാ​ര​പൂർവം ഈ ദൈവിക നിലവാ​ര​ങ്ങളെ അതിലം​ഘി​ക്കു​ന്നു. അവർ മനഃപൂർവം പരിധി​ക്ക​പ്പു​റം പോകു​ന്നു അഥവാ തങ്ങൾക്കു ലൈം​ഗിക അശുദ്ധി പ്രവർത്തി​ക്കാൻ കഴിയുന്ന അനവധി പങ്കാളി​കളെ അവർ അത്യാ​ഗ്ര​ഹ​ത്തോ​ടെ തേടുന്നു. അങ്ങനെ “അഴിഞ്ഞ നടത്ത” എന്നു പൗലോസ്‌ പറഞ്ഞതു സംബന്ധിച്ച്‌ അവർ കുററ​ക്കാ​രാണ്‌.

“അഴിഞ്ഞ നടത്ത”യ്‌ക്കു വേണ്ടി ഉപയോ​ഗി​ച്ചി​രി​ക്കുന്ന മൂല ഗ്രീക്കു​പദം ‘കൊടിയ ചെയ്‌തി​കൾ, അമിത​ത്വം, അവഹേ​ളനം, അനിയ​ന്ത്രിത തൃഷ്‌ണ, കടന്ന അന്യായം’ എന്നിവയെ അർഥമാ​ക്കു​ന്നു​വെന്നു പല പ്രാമാ​ണിക ഗ്രന്ഥങ്ങൾ പ്രകട​മാ​ക്കു​ന്നു. അഴിഞ്ഞ നടത്തയി​ലേർപ്പെ​ടുന്ന യുവജ​നങ്ങൾ പൗലോസ്‌ പരാമർശിച്ച പുറജാ​തീ​യ​രെ​പ്പോ​ലെ​യാണ്‌. “തങ്ങളുടെ ഹൃദയ​ങ്ങ​ളു​ടെ വേദക​ത്വ​മി​ല്ലായ്‌മ” നിമിത്തം ആ പുറജാ​തീ​യർ, “അത്യാ​ഗ്ര​ഹ​ത്തോ​ടെ സകലതരം അശുദ്ധി​യും പ്രവർത്തി​ക്കാൻ അഴിഞ്ഞ നടത്തയ്‌ക്കു തങ്ങളെ​ത്തന്നെ [ഏൽപ്പി​ച്ചു​കൊ​ടു​ത്തു​കൊണ്ട്‌] സകല ധാർമിക ബോധ​ത്തി​നും അതീത​രാ​യി​ത്തീർന്നു.” (എഫേസ്യർ 4:17-19, NW) അത്തരം കുററ​വി​ധി​യു​ടെ കീഴിൽ വരുന്നത്‌ ഒഴിവാ​ക്കാൻ നിങ്ങൾ തീർച്ച​യാ​യും ആഗ്രഹി​ക്കും!

യഹോ​വ​യു​ടെ നിലപാ​ടിൽനി​ന്നു നോക്കു​മ്പോൾ ഒരുവൻ “പരിധി​ക്ക​പ്പു​റം” പോകു​ന്ന​തി​നു ലൈം​ഗി​ക​ബ​ന്ധ​ത്തിൽ ഏർപ്പെ​ടേ​ണ്ട​തില്ല. വിവാഹം കഴിക്കാൻ നിങ്ങൾക്കു പ്രായ​മാ​യി​ല്ലെ​ങ്കിൽ ലൈം​ഗിക വികാ​ര​ത്തോ​ടെ​യുള്ള സ്‌പർശ​ന​ത്തി​ലും ചുംബ​ന​ത്തി​ലും ഏർപ്പെ​ട​രുത്‌. കോർട്ടി​ങി​ലേർപ്പെ​ടു​ന്നവർ തങ്ങളുടെ സ്‌നേ​ഹ​പ്ര​ക​ട​നങ്ങൾ അശുദ്ധ​മാ​യി​ത്തീ​രാ​തി​രി​ക്കാൻ ശ്രദ്ധ പുലർത്തണം. ദൈവിക നിലവാ​രങ്ങൾ പിടി​ച്ചു​കൊ​ള്ളു​ന്നത്‌ എളുപ്പ​മ​ല്ലെ​ന്നതു സത്യം​തന്നെ. എന്നാൽ യെശയ്യാ​വു 48:17-ൽ ദൈവം ഇങ്ങനെ പറയുന്നു: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.”—ഗലാത്യർ 5:16 കൂടെ കാണുക. (g93 10/22)

[13-ാം പേജിലെ ചിത്രങ്ങൾ]

നിങ്ങൾ വിവാ​ഹി​ത​ന​ല്ലെ​ങ്കിൽ, വികാ​ര​മു​ണർത്തുന്ന പെരു​മാ​റ​റ​ത്തിൽ ഉൾപ്പെ​ടു​ന്നതു മോഹ​ഭം​ഗ​ത്തി​ലേ​ക്കും അതിലും മോശ​മാ​യ​തി​ലേ​ക്കും നയി​ച്ചേ​ക്കാം