യഹോ​വ​യു​ടെ സാക്ഷി​ക​ളും മെഡിക്കൽ ഉദ്യോ​ഗ​സ്ഥ​രും സഹകരി​ക്കു​ന്നു

രക്തപ്പകർച്ച രക്തത്തിന്റെ തിരു​വെ​ഴു​ത്ത​ധി​ഷ്‌ഠി​ത​മ​ല്ലാത്ത ഒരു ഉപയോ​ഗ​മാ​ണെന്ന്‌ 1945-ൽ യഹോ​വ​യു​ടെ സാക്ഷികൾ തിരി​ച്ച​റി​ഞ്ഞു. മോ​ശൈക ന്യായ​പ്ര​മാ​ണ​ത്തിൽ ഉൾക്കൊ​ണ്ടി​രി​ക്കുന്ന ഈ നിയ​ന്ത്രണം ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളി​ലും ചേർക്ക​പ്പെട്ടു. പ്രവൃ​ത്തി​കൾ 15:28, 29 ഇപ്രകാ​രം പ്രസ്‌താ​വി​ക്കു​ന്നു: “വിഗ്ര​ഹാർപ്പി​തം, രക്തം, ശ്വാസം​മു​ട്ടി​ച്ച​ത്തതു, പരസംഗം എന്നിവ വർജ്ജി​ക്കു​ന്നതു ആവശ്യം എന്നല്ലാതെ അധിക​മായ ഭാരം ഒന്നും നിങ്ങളു​ടെ മേൽ ചുമത്ത​രു​തു എന്നു പരിശു​ദ്ധാ​ത്മാ​വി​ന്നും ഞങ്ങൾക്കും തോന്നി​യി​രി​ക്കു​ന്നു. ഇവ വർജ്ജിച്ചു സൂക്ഷി​ച്ചു​കൊ​ണ്ടാൽ നന്നു; ശുഭമാ​യി​രി​പ്പിൻ.” (ലേവ്യ​പു​സ്‌തകം 17:10-12 കാണുക.) രക്തപ്പകർച്ച സ്വീക​രി​ക്കാ​നുള്ള സാക്ഷി​ക​ളു​ടെ വിസമ്മതം ചില മെഡിക്കൽ ഉദ്യോ​ഗ​സ്ഥ​രു​മാ​യുള്ള അനവധി ഏററു​മു​ട്ട​ലു​ക​ളി​ലേക്കു നയിച്ചി​ട്ടുണ്ട്‌.

ഹോസ്‌പി​ററൽ ലെയ്‌സൺ കമ്മിറ​റി​കൾ

രക്തം സ്വീക​രി​ക്കു​ന്ന​തി​നുള്ള സാക്ഷി​ക​ളു​ടെ വിസമ്മ​തത്തെ പിന്തു​ണ​യ്‌ക്കു​ന്ന​തി​നും ഡോക്ടർമാ​രു​ടെ ഭാഗത്തുള്ള തെററി​ദ്ധാ​ര​ണകൾ ദൂരീ​ക​രി​ക്കു​ന്ന​തി​നും മെഡിക്കൽ സ്ഥാപന​ങ്ങൾക്കും സാക്ഷി​ക​ളായ രോഗി​കൾക്കും ഇടയിൽ മെച്ചപ്പെട്ട സഹകര​ണാ​ത്മാ​വു സൃഷ്ടി​ക്കു​ന്ന​തി​നു​മാ​യി യഹോ​വ​യു​ടെ സാക്ഷി​ക​ളു​ടെ ഭരണസം​ഘം ഹോസ്‌പി​ററൽ ലെയ്‌സൺ കമ്മിറ​റി​കൾ സ്ഥാപിച്ചു. ഡോക്ടർമാ​രോ​ടും ആശുപ​ത്രി അധികാ​രി​ക​ളോ​ടും വിവേ​ക​ത്തോ​ടെ ഇടപെ​ടാൻ പരിശീ​ലി​ത​രായ പക്വത​യുള്ള സാക്ഷികൾ അടങ്ങിയ ഈ കമ്മിറ​റി​കൾ ഏററു​മു​ട്ട​ലു​കൾ ഒഴിവാ​ക്കി ഏറെ സഹകര​ണ​പ​ര​മായ ഒരു ആത്മാവു സ്ഥാപിച്ചു. 1979-ൽ വിരലിൽ എണ്ണാൻ മാത്ര​മു​ണ്ടാ​യി​രുന്ന ഈ കമ്മിറ​റി​കൾ ഇപ്പോൾ 65 രാജ്യ​ങ്ങ​ളി​ലാ​യി 850 എന്ന എണ്ണത്തി​ലേക്കു വളർന്നി​രി​ക്കു​ന്നു. അതിന്റെ അർഥം അവയുടെ സഹായ​പു​ര​സ്സ​ര​മായ സേവനങ്ങൾ ഇപ്പോൾ ഏതാണ്ടു 35 ലക്ഷം യഹോ​വ​യു​ടെ സാക്ഷി​കൾക്കു ലഭ്യമാ​ണെ​ന്നാണ്‌.

രക്തപ്പകർച്ച​കൾ അവലം​ബി​ക്കാ​തെ ചെയ്യാൻ കഴിയുന്ന എല്ലാ കാര്യ​ങ്ങ​ളും മെഡിക്കൽ സാഹി​ത്യ​ങ്ങ​ളിൽ നിന്നു തന്നെ വായിച്ചു മനസ്സി​ലാ​ക്കാൻ ഡോക്ടർമാ​രെ സഹായി​ക്കു​ന്ന​തിന്‌ അവരോ​ടു സംസാ​രി​ക്കാൻ യഹോ​വ​യു​ടെ സാക്ഷി​ക​ളു​ടെ സഭയിലെ 4,500-ൽ അധികം മൂപ്പൻമാർക്കു പരിശീ​ലനം ലഭിച്ചി​ട്ടുണ്ട്‌. പ്രത്യേക ആവശ്യം നേരി​ടുന്ന കേസു​ക​ളിൽ, രക്തം ഉപയോ​ഗി​ക്കാ​തെ സാക്ഷി​കളെ ചികി​ത്സി​ക്കു​ന്ന​തി​നു ഡോക്ടർമാ​രെ സഹായി​ക്കു​ന്ന​തിന്‌ ഉചിത​മായ ലേഖനങ്ങൾ ഫാക്‌സു വഴി ആശുപ​ത്രി​യി​ലേക്കു നേരിട്ട്‌ അയയ്‌ക്കു​ന്നു. അല്ലെങ്കിൽ രക്തരഹിത ചികി​ത്സ​ക്കോ ശസ്‌ത്ര​ക്രി​യ​ക്കോ വേണ്ടി​യുള്ള ഉപാധി​കൾ വികസി​പ്പി​ച്ചെ​ടു​ക്കു​ന്ന​തിന്‌, സഹകരി​ക്കുന്ന മററു ഡോക്ടർമാ​രു​മാ​യുള്ള കൂടി​ക്കാ​ഴ്‌ചക്കു കമ്മിററി ക്രമീ​ക​രണം ചെയ്യുന്നു.

ഉദാഹ​ര​ണ​ത്തിന്‌, കനത്ത വിളർച്ച​യിൽ [anemia] കലാശി​ച്ച​തും അരുണ​ര​ക്താ​ണു​ക്ക​ളു​ടെ എണ്ണം കൂട്ടു​ന്ന​തി​നു രക്തപ്പകർച്ച​യു​ടെ ആവശ്യ​മു​ണ്ടെന്നു ഡോക്ടർമാർ പറയു​ക​യും ചെയ്‌ത രക്തനഷ്ട​ത്തി​ന്റെ ആയിര​ക്ക​ണ​ക്കി​നു കേസു​ക​ളിൽ, ഇതേ കാര്യം ചെയ്യു​ന്ന​തി​നു റികോ​മ്പി​നൻറ്‌ എറി​ത്രോ​പോ​യി​റ​റി​ന്റെ (EPO) ക്ഷമത കാണി​ക്കുന്ന മെഡിക്കൽ സാഹി​ത്യ​ങ്ങ​ളിൽ നിന്നുള്ള ലേഖനങ്ങൾ പങ്കുവ​യ്‌ക്കാൻ ഹോസ്‌പി​ററൽ ലെയ്‌സൺ കമ്മിററി അംഗങ്ങൾക്കു കഴിഞ്ഞി​ട്ടുണ്ട്‌. ഈ കൃത്രിമ ഹോർമോൺ നമ്മുടെ വൃക്കക​ളിൽ കാണുന്ന പ്രകൃ​തി​ജന്യ എറി​ത്രോ​പോ​യി​റ​റി​നെ​പ്പോ​ലെ പ്രവർത്തി​ക്കു​ക​യും പുതിയ അരുണ​ര​ക്താ​ണു​ക്കളെ രക്തപ്ര​വാ​ഹ​ത്തി​ലേക്ക്‌ അയയ്‌ക്കാൻ അസ്ഥി മജ്ജയെ ഉത്തേജി​പ്പി​ക്കു​ക​യും ചെയ്യുന്നു.

ആവശ്യം നിറ​വേ​റ​റാൻ മതിയായ വേഗത​യിൽ ഇപിഒ പ്രവർത്തി​ക്കു​ക​യി​ല്ലെന്നു ചില ഡോക്ടർമാർക്കു തോന്നി​യി​ട്ടുണ്ട്‌. എന്നാൽ ഇത്‌ എത്ര​വേഗം ഫലവത്താ​കു​ന്നു എന്ന്‌ യഹോ​വ​യു​ടെ സാക്ഷികൾ ഉൾപ്പെട്ട എണ്ണമററ കേസുകൾ വരച്ചു​കാ​ട്ടി​യി​രി​ക്കു​ന്നു. ഒരു സംഭവ​ത്തിൽ, ഇപിഒ കൊടു​ത്തു പിറേ​റന്നു തന്നെ പുതിയ അരുണ​ര​ക്താ​ണു​ക്ക​ളു​ടെ എണ്ണം സാധാ​ര​ണ​യു​ള്ള​തി​നെ​ക്കാൾ നാലു മടങ്ങാ​യി​ക്ക​ഴി​ഞ്ഞി​രു​ന്നു! രണ്ടാം ദിവസം രോഗി ഊർജ​സ്വ​ലത പ്രാപി​ച്ചു. നാലാം ദിവസം അരുണ​ര​ക്താ​ണു​ക്ക​ളു​ടെ എണ്ണം വർധി​ക്കാൻ തുടങ്ങി. ഏതാനും ദിവസ​ങ്ങൾകൊണ്ട്‌ അതു ദ്രുത​ഗ​തി​യിൽ വർധി​ക്കാൻ തുടങ്ങി. രോഗി അതിജീ​വി​ച്ചു. ഇപ്രകാ​രം ഡോക്ടർമാ​രും അതു​പോ​ലെ തന്നെ രോഗി​ക​ളും ഹോസ്‌പി​ററൽ ലെയ്‌സൺ കമ്മിറ​റി​ക​ളു​ടെ പ്രവർത്ത​ന​ങ്ങ​ളാൽ പ്രയോ​ജനം അനുഭ​വി​ച്ചു.

അപൂർവ​മാ​യ ഒരു ഉഷ്‌ണ​മേ​ഖലാ രോഗം പിടി​പെട്ട സാക്ഷി​യായ ഒരു രോഗി​യെ രക്തം ഉപയോ​ഗി​ക്കാ​തെ ചികി​ത്സി​ച്ചു രക്ഷിക്കാൻ തങ്ങൾക്കാ​വി​ല്ലെന്ന്‌ ഓസ്‌​ട്രേ​ലി​യ​യി​ലെ ഡോക്ടർമാർ പറഞ്ഞു. അപ്പോൾ, രക്തരഹിത ചികിത്സാ പരിപാ​ടി സംബന്ധിച്ച വിവരങ്ങൾ കണ്ടെത്താൻ തങ്ങൾക്ക്‌ എന്തെങ്കി​ലും സഹായം ലഭ്യമാ​ക്കാൻ അവർ പ്രാ​ദേ​ശിക ഹോസ്‌പി​ററൽ ലെയ്‌സൺ കമ്മിറ​റി​യോട്‌ അപേക്ഷി​ച്ചു. യഹോ​വ​യു​ടെ സാക്ഷി​ക​ളു​ടെ ഓസ്‌​ട്രേ​ലി​യ​യി​ലെ ബ്രാഞ്ച്‌ ഓഫീ​സി​നെ ആവശ്യം അറിയി​ച്ചു. അവർ ന്യൂ​യോർക്കി​ലുള്ള ബ്രുക്ക്‌ളി​നി​ലെ യഹോ​വ​യു​ടെ സാക്ഷി​ക​ളു​ടെ അന്തർദേ​ശീയ ആസ്ഥാനത്തെ ഹോസ്‌പി​ററൽ ഇൻഫർമേഷൻ സർവീ​സ​സു​മാ​യി ബന്ധപ്പെട്ടു. അവർ പെട്ടെന്നു വൈദ്യ​ശാ​സ്‌ത്ര​പ​ര​മായ അടിസ്ഥാന വിവര​ങ്ങ​ളിൽ ഗവേഷണം നടത്തി സഹായ​ക​ര​മായ ലേഖനങ്ങൾ ഓസ്‌​ട്രേ​ലി​യ​യി​ലേക്കു ഫാക്‌സു വഴി അയച്ചു. ഡോക്ട​റു​ടെ ഓഫീ​സിൽ നിന്നു പോന്ന്‌ വെറും 11 മണിക്കൂർ കഴിഞ്ഞ​പ്പോൾ ആവശ്യ​മായ ലേഖന​ങ്ങ​ളു​മാ​യി ഓസ്‌​ട്രേ​ലി​യ​യി​ലെ ഹോസ്‌പി​ററൽ ലെയ്‌സൺ കമ്മിറ​റി​യം​ഗം തിരി​ച്ചെ​ത്തി​യി​രു​ന്നു. ഇവ ഫലപ്ര​ദ​മെന്നു തെളി​യു​ക​യും രോഗി സുഖം പ്രാപി​ക്കു​ക​യും ചെയ്‌തു. ഫാക്‌സു ചെയ്‌ത മെഡിക്കൽ വിവരങ്ങൾ ന്യൂ​യോർക്കിൽനി​ന്നു നേപ്പാൾവരെ അത്ര ദൂരത്തിൽ അയച്ചി​ട്ടുണ്ട്‌.

ഗുണ​മേൻമ​യേ​റിയ ഗവേഷ​ണ​വും സഹായ​വും

യഹോ​വ​യു​ടെ സാക്ഷികൾ മെഡിക്കൽ ഗ്രന്ഥങ്ങ​ളിൽ നടത്തുന്ന ഗവേഷണം കൃത്യ​ത​യു​ള്ള​തും കാലാ​നു​സൃ​ത​മാ​ക്ക​പ്പെ​ട്ട​തു​മാണ്‌. യു.എസ്‌.എ. ഒറി​ഗെ​ണി​ലെ ഒരു ആശുപ​ത്രി​യി​ലെ ശസ്‌ത്ര​ക്രി​യാ സേവന​ങ്ങ​ളു​ടെ സഹഡയ​റ​ക്ട​റായ ഒരു രജിസ്‌റേ​റർഡ്‌ നേഴ്‌സ്‌ ശസ്‌ത്ര​ക്രി​യാ മുറി​യു​ടെ നടത്തി​പ്പു​കാർക്കു വേണ്ടി​യുള്ള ഒരു മെഡിക്കൽ പ്രസി​ദ്ധീ​ക​ര​ണ​ത്തി​ന്റെ ലേഖന​ത്തിൽ ഇപ്രകാ​രം പറഞ്ഞു: “യഹോ​വ​യു​ടെ സാക്ഷി[കൾ] . . . നമ്മെക്കാൾ ബഹുദൂ​രം മുന്നി​ലാണ്‌. രക്തത്തിനു പകരമുള്ള വസ്‌തു​ക്ക​ളെ​യും രക്തോ​ത്‌പ​ന്ന​ങ്ങ​ളെ​യും സംബന്ധിച്ച്‌ ഏററവും അറിവു​ള്ള​വ​രാണ്‌ അവർ. അവർ പലപ്പോ​ഴും നാം അവയെ​ക്കു​റി​ച്ചു കേൾക്കു​ന്ന​തി​നു​പോ​ലും മുമ്പു നമുക്കു സാഹി​ത്യ​ങ്ങൾ നൽകുന്നു.”—ഒആർ മാനേജർ, ജനുവരി 1993, പേജ്‌ 12.

സമവർഗ​ത്തി​ലു​ള്ള രക്തം ഉപയോ​ഗി​ക്കാ​തെ ചികി​ത്സി​ക്കാൻ കഴിയുന്ന വളരെ പ്രമു​ഖ​രായ ഡോക്ടർമാ​രും വൈദ്യ കേന്ദ്ര​ങ്ങ​ളും തങ്ങളുടെ സമീപ​ന​ങ്ങ​ളും നടപടി​ക​ളും സംബന്ധിച്ച കൂടി​യാ​ലോ​ച​ന​കൾക്കു തങ്ങളെ​ത്തന്നെ ലഭ്യമാ​ക്കി​യി​ട്ടുണ്ട്‌. ഈ ആവശ്യ​ത്തോ​ടുള്ള അവരുടെ ഉദാര​മായ പ്രതി​ക​രണം ജീവൻ രക്ഷിക്കു​ന്ന​തിൽ സഹായി​ച്ചി​രി​ക്കു​ന്നു. രക്താർബു​ദ​ത്തി​ന്റെ വിജയ​ക​ര​മായ ചികി​ത്സ​യു​ടെ കാര്യ​ത്തി​ലും വിവിധ തരത്തി​ലുള്ള ശസ്‌ത്ര​ക്രി​യ​ക​ളു​ടെ കാര്യ​ത്തി​ലും ഇതു വ്യക്തമാ​യി​ട്ടുണ്ട്‌. ഈ മെഡിക്കൽ കൂടി​യാ​ലോ​ച​നകൾ പലപ്പോ​ഴും അന്താരാ​ഷ്‌ട്ര ടെലി​ഫോൺ വിളി​ക​ളി​ലൂ​ടെ​യാ​ണു നടത്തി​യി​രി​ക്കു​ന്നത്‌.

കൂടാതെ, ഒരു രോഗി​യെ ഒരു ആശുപ​ത്രി​യിൽ നിന്നു മറെറാ​ന്നി​ലേ​ക്കും രാജ്യ​ത്തി​ന്റെ ഒരു ഭാഗത്തു നിന്നു മറെറാ​രി​ട​ത്തേ​ക്കും ഒരു രാജ്യത്തു നിന്നു മറെറാ​രു രാജ്യ​ത്തേക്കു പോലും മാററു​ന്ന​തി​നുള്ള ക്രമീ​ക​രണം വിശ്വാ​സത്തെ വെല്ലു​വി​ളി​ക്കുന്ന വൈദ്യ സാഹച​ര്യ​ങ്ങളെ അഭിമു​ഖീ​ക​രി​ക്കു​മ്പോൾ യഹോ​വ​യു​ടെ സാക്ഷികൾ സഹായ​മാ​വ​ശ്യ​മു​ള്ള​വരെ പിന്തു​ണ​യ്‌ക്കു​ന്ന​തിൽ എത്ര​ത്തോ​ളം പോയി​രി​ക്കു​ന്നു എന്നതിന്റെ സൂചന​യാണ്‌. ചില ഉദാഹ​ര​ണങ്ങൾ: മുതിർന്ന ഒരു രോഗി​യെ സുരി​നാ​മിൽ നിന്ന്‌ പോർട്ട​റി​ക്കോ​യി​ലേ​ക്കും മറെറാ​രാ​ളെ സമോ​വാ​യിൽ നിന്ന്‌ ഹവായി​യി​ലേ​ക്കും ഒരു ശിശു​വി​നെ ഓസ്‌ട്രി​യ​യിൽ നിന്ന്‌ യു.എസ്‌.എ.യിലെ ഫ്‌ളോ​റി​ഡാ​യി​ലേ​ക്കും വിമാ​ന​ത്തിൽ കൊണ്ടു​പോ​യി.

കൂടുതൽ ഡോക്ടർമാർ സഹകരി​ക്കു​ന്നു

ഈ സംഗതി​യിൽ യഹോ​വ​യു​ടെ സാക്ഷി​ക​ളു​ടെ പുരോ​ഗതി, അവരോ​ടു സഹകരി​ക്കാൻ കൂടുതൽ കൂടുതൽ ഡോക്ടർമാർ മനസ്സൊ​രു​ക്കം കാണി​ക്കു​ന്നതു കൊണ്ടു​കൂ​ടി​യാണ്‌. സഹകരി​ക്കുന്ന ഡോക്ടർമാ​രു​ടെ എണ്ണം അഞ്ചു വർഷം മുമ്പ്‌ 5,000 ആയിരു​ന്നത്‌ ഇപ്പോൾ 65 ദേശങ്ങ​ളി​ലാ​യി 30,000-ത്തിലധി​കം ആയിത്തീർന്നി​രി​ക്കു​ന്നു. കഴിവു​ററ ഡോക്ടർമാ​രു​ടെ ആ സംഖ്യ അനുകൂ​ല​മായ മറെറാ​രു സംഗതി സാധ്യ​മാ​ക്കി​ത്തീർത്തു—വിവിധ രാജ്യ​ങ്ങ​ളി​ലാ​യി 30 രക്തരഹിത വൈദ്യ ശസ്‌ത്ര​ക്രി​യാ​കേ​ന്ദ്ര​ങ്ങ​ളു​ടെ രൂപീ​ക​രണം.

അങ്ങനെ ഇക്കാലത്ത്‌, പ്രായ​പൂർത്തി​യായ ഒരു ആളു​ടെ​മേൽ രക്തപ്പകർച്ച അടി​ച്ചേൽപ്പി​ക്കാ​നുള്ള ശ്രമങ്ങൾ വടക്കേ അമേരി​ക്ക​യി​ലെ​ങ്കി​ലും കേൾക്കാ​നി​ല്ലെന്നു പറയാം. മററു പല രാജ്യ​ങ്ങ​ളും ആ നിലയി​ലേക്കു പുരോ​ഗതി പ്രാപി​ച്ചു​കൊ​ണ്ടി​രി​ക്കു​ന്നു. ഇന്നത്തെ മിക്ക പ്രശ്‌ന​ങ്ങ​ളും നവജാ​ത​ശി​ശു​ക്ക​ളെ​യും വിശേ​ഷാൽ അകാല ജനനങ്ങ​ളെ​യും ചുററി​പ്പ​റ​റി​യു​ള്ള​താണ്‌. മാസം തികയാ​തെ പിറക്കുന്ന ശിശുക്കൾ സാധാ​ര​ണ​രീ​തി​യിൽ പ്രവർത്തി​ക്കാത്ത, വളർച്ച​യെ​ത്താത്ത, ശ്വാസ​കോ​ശ​ങ്ങ​ളും വൃക്കക​ളും പോ​ലെ​യുള്ള അവയവ​ങ്ങ​ളു​മാ​യി ബന്ധപ്പെട്ട അനവധി പ്രശ്‌ന​ങ്ങ​ളോ​ടു​കൂ​ടി ജീവിതം തുടങ്ങു​ന്നു. എന്നാൽ ഈ സാഹച​ര്യ​ങ്ങളെ രക്തപ്പകർച്ച കൂടാതെ ചികി​ത്സി​ക്കു​ന്ന​തി​നുള്ള വഴികൾ ഡോക്ടർമാർ ആരായു​ന്നു. ഉദാഹ​ര​ണ​ത്തിന്‌, ഒരു കൃത്രിമ ഉപരിതല മിശ്രി​തം ശ്വാസ​ത​ട​സ്സ​രോ​ഗം [respiratory distress syndrome] കുറയ്‌ക്കു​ന്ന​തി​നു ലഭ്യമാണ്‌. പ്രായ​ക്കു​റ​വു​കൊ​ണ്ടു​ണ്ടാ​കുന്ന വിളർച്ച പരിഹ​രി​ക്കു​ന്ന​തിന്‌ ഇപിഒ​യു​ടെ ഉപയോ​ഗം വ്യാപ​ക​മാ​യി അംഗീ​ക​രി​ക്ക​പ്പെ​ട്ടു​കൊ​ണ്ടി​രി​ക്കു​ന്നു.

മെഡിക്കൽ ഉദ്യോ​ഗ​സ്ഥ​ഗ​ണ​ത്തി​നും ഉദ്യോ​ഗ​സ്ഥർക്കും സഹായം

യഹോ​വ​യു​ടെ സാക്ഷി​ക​ളു​ടെ കുട്ടി​കളെ രക്തപ്പകർച്ച കൂടാതെ ചികി​ത്സി​ക്കു​ന്ന​തി​നു ശിശു​രോ​ഗ​വി​ദ​ഗ്‌ധ​രെ​യും നവജാ​ത​ശി​ശു​രോ​ഗ​വി​ദ​ഗ്‌ധ​രെ​യും സഹായി​ക്കു​ന്ന​തിന്‌, ഹോസ്‌പി​ററൽ ഇൻഫർമേഷൻ സർവീ​സസ്‌ വൈദ്യ സാഹി​ത്യ​ങ്ങ​ളിൽ നിന്നുള്ള 55 ലേഖന​ങ്ങ​ളോ​ടു കൂടി ത്രിവിധ അനുബ​ന്ധ​ങ്ങ​ളുള്ള ഒരു വാല്യം ഉത്‌പാ​ദി​പ്പി​ച്ചു. ഇത്‌ നവജാ​ത​ശി​ശു​ക്കൾക്ക്‌ ഉണ്ടാകാ​വുന്ന ഒരുകൂ​ട്ടം പ്രശ്‌ന​ങ്ങൾക്കു രക്തം കൂടാതെ ചെയ്യാൻ കഴിയു​ന്നത്‌ എന്താ​ണെന്നു പ്രകടി​പ്പി​ച്ചു കാണി​ക്കു​ന്നു.

ജഡ്‌ജി​മാർ, സാമൂ​ഹിക പ്രവർത്തകർ, കുട്ടി​ക​ളു​ടെ ആശുപ​ത്രി​ക​ളി​ലെ അധികാ​രി​കൾ, നവജാ​ത​ശി​ശു​രോ​ഗ​വി​ദ​ഗ്‌ധർ, ശിശു​രോ​ഗ​വി​ദ​ഗ്‌ധർ എന്നിവരെ ലഭ്യമായ രക്തരഹിത ചികിത്സാ നടപടി​യു​മാ​യി സമീപി​ക്കു​ന്ന​തിന്‌ യഹോ​വ​യു​ടെ സാക്ഷികൾ വൈദ്യ​രം​ഗത്തെ ഉദ്യോ​ഗ​സ്ഥ​ഗ​ണ​ത്തി​നു​വേണ്ടി പ്രത്യേ​ക​മാ​യി കുടുംബ സംരക്ഷ​ണ​വും യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള വൈദ്യ നടപടി​യും [ഇംഗ്ലീഷ്‌] എന്ന പേരിൽ 260 പേജുള്ള ഒരു വാല്യം തയ്യാറാ​ക്കി​യി​രി​ക്കു​ന്നു.a കാലാ​നു​സൃ​ത​മാ​ക്കി സൂക്ഷി​ക്കാൻ തക്കവണ്ണം ഈ കൈപ്പു​സ്‌തകം കുത്തി​ക്കെ​ട്ടാ​ത്ത​താണ്‌. മാതാ​പി​താ​ക്കൾ തങ്ങളുടെ കുട്ടി​ക​ളോ​ടുള്ള സ്‌നേഹം പ്രകട​മാ​ക്കു​ന്നതു ബൈബിൾ പ്രബോ​ധ​ന​ത്താൽ കരുപ്പി​ടി​പ്പി​ക്ക​പ്പെട്ട ജീവി​ത​ശൈലി ഉളവാ​ക്കുന്ന, യഥാർഥ​ത്തിൽ പ്രയോ​ജ​ന​പ്ര​ദ​വും പരിപാ​ലനാ നിർഭ​ര​വു​മായ ഒരു സാഹച​ര്യ​ത്തി​ലാ​ണെന്ന്‌ ഇതു വ്യക്തമാ​ക്കു​ക​കൂ​ടി ചെയ്യുന്നു, വിശേ​ഷി​ച്ചും യഹോ​വ​യു​ടെ സാക്ഷി​ക​ളു​ടെ കുടും​ബ​ജീ​വി​ത​ത്തെ​പ്പ​ററി ചില തെററി​ദ്ധാ​ര​ണകൾ ഉണ്ടായി​ട്ടു​ള്ള​തു​കൊണ്ട്‌.

ആ പ്രസി​ദ്ധീ​ക​ര​ണ​ത്തിന്‌ എങ്ങനെ​യുണ്ട്‌ സ്വീക​രണം? അതിന്റെ ഉള്ളടക്കങ്ങൾ വിശക​ലനം ചെയ്‌ത​ശേഷം, തന്റെ ജോലി​ക്കാർ അതു പര്യാ​ലോ​ചി​ച്ചു പഠിക്കാ​നും ഉപയോ​ഗി​ക്കാ​നും താൻ പ്രതീ​ക്ഷി​ക്കു​ന്നു​ണ്ടെന്ന്‌ യു.എസ്‌.എ. പെൻസിൽവേ​നി​യ​യി​ലെ, കുട്ടി​ക​ളു​ടെ ഒരു ആശുപ​ത്രി വൈസ്‌ പ്രസി​ഡൻറു പറഞ്ഞു. അദ്ദേഹം ഇപ്രകാ​രം കൂട്ടി​ച്ചേർത്തു. “അതു ജോലി​ക്കാ​രു​ടെ കൈക​ളിൽ ചെന്നിട്ട്‌ പഠിച്ച​തി​ന്റെ ഒരു സൂചന​യും ഇല്ലാതെ തിരിച്ചു വരു​ന്നെ​ങ്കിൽ അതെന്തു​കൊ​ണ്ടാണ്‌ എന്നു ഞാൻ അറിയാ​നാ​ഗ്ര​ഹി​ക്കും!” രക്തം ഉപയോ​ഗി​ക്കു​ന്ന​തി​നു മുമ്പ്‌ ഡോക്ടർമാർ എല്ലാ രക്തരഹിത പകര മാർഗ​ങ്ങ​ളും ഉപയോ​ഗി​ച്ചി​രി​ക്കണം എന്ന്‌ ആവശ്യ​പ്പെ​ട്ടു​കൊണ്ട്‌ ഇപ്പോൾത്തന്നെ ജഡ്‌ജി​മാർ തങ്ങളുടെ കോർട്ട്‌ ഓർഡ​റു​ക​ളിൽ ഭേദഗതി വരുത്തി​യി​രി​ക്കു​ന്നു. കുട്ടി​കളെ രക്തം കൂടാതെ ചികി​ത്സി​ക്കു​ക​യും അവർ സുഖം​പ്രാ​പി​ച്ചു മടങ്ങു​ക​യും ചെയ്‌തി​രി​ക്കു​ന്നു.

യു.എസ്‌.എ. ഒഹാ​യോ​വിൽ കുട്ടി​ക​ളു​ടെ പ്രശ്‌നങ്ങൾ കൈകാ​ര്യം​ചെ​യ്യുന്ന ഒരു ജഡ്‌ജി​യു​ടേ​താ​യി​രു​ന്നു ഒരു സാധാരണ പ്രതി​ക​രണം. തന്റെ സഹപ്ര​വർത്ത​കർക്കു​വേണ്ടി കൂടു​ത​ലായ ഏഴു കോപ്പി​കൾ ഓർഡർ ചെയ്യാൻ തക്കവണ്ണം കുടുംബ സംരക്ഷണ വാല്യം അദ്ദേഹ​ത്തിൽ അത്രമാ​ത്രം മതിപ്പു​ള​വാ​ക്കി. ഡോക്ട​റു​ടെ കരുത​ലു​കളെ മാതാ​പി​താ​ക്ക​ളു​ടെ അവകാ​ശ​ങ്ങ​ളു​മാ​യി സമനി​ല​യിൽ കൊണ്ടു​വ​രു​ന്ന​തിന്‌ അദ്ദേഹം ഇപ്പോൾ തന്റെ കോടതി ഉത്തരവു​കൾ ഭേദഗതി ചെയ്യുന്നു. ഇത്‌ അദ്ദേഹം രണ്ടു രീതി​ക​ളി​ലൂ​ടെ ചെയ്യുന്നു. (1) രക്തം ഉപയോ​ഗി​ക്കു​ന്ന​തി​നു മുമ്പ്‌ ആദ്യം ഡോക്ടർമാർ എല്ലാ പകര ചികി​ത്സാ​ന​ട​പ​ടി​ക​ളും നടത്തി​ക്ക​ഴി​ഞ്ഞി​രി​ക്കണം. (2) തങ്ങൾ ഉപയോ​ഗി​ക്കാൻ പോകുന്ന രക്തം പരി​ശോ​ധി​ച്ചി​ട്ടു​ണ്ടെ​ന്നും എയ്‌ഡ്‌സും ഹെപ്പാ​റൈ​റ​റ​റി​സും ഇല്ലാത്ത​താ​ണെ​ന്നും ഡോക്ടർമാർ രോഗി​യെ ഉറപ്പു​വ​രു​ത്തണം. അദ്ദേഹം ഭേദഗതി ചെയ്യാൻ തുടങ്ങി​യ​തി​നു ശേഷം ഉത്തരവായ മൂന്ന്‌ ഓർഡ​റു​ക​ളി​ലും മൂന്നു കുട്ടി​ക​ളെ​യും രക്തപ്പകർച്ച കൂടാതെ വിജയ​ക​ര​മാ​യി ചികി​ത്സി​ച്ചു.

പാരീസ്‌ യൂണി​വേ​ഴ്‌സി​റ​റി​യി​ലെ അക്കാഡ​മിക യോഗ​ത്തിൽ ബോസ്‌ററൺ കലാശാല നിയമ​വി​ദ്യാ​ല​യ​ത്തി​ലെ നിയമ പ്രൊ​ഫ​സ്സ​റായ ഡോ. ചാൾസ്‌ എച്ച്‌. ബാരൺ ഒരു ലേഖനം അവതരി​പ്പി​ച്ചു. “രക്തം, പാപം, മരണം: യഹോ​വ​യു​ടെ സാക്ഷി​ക​ളും അമേരി​ക്ക​യി​ലെ രോഗി​ക​ളു​ടെ അവകാശ പ്രസ്ഥാ​ന​വും” ആയിരു​ന്നു അദ്ദേഹ​ത്തി​ന്റെ വിഷയം. സാക്ഷി​ക​ളു​ടെ ഹോസ്‌പി​ററൽ ലെയ്‌സൺ കമ്മിറ​റി​യു​ടെ പ്രവർത്തനം സംബന്ധിച്ച്‌ ലേഖന​ത്തി​ലെ ഒരു ഖണ്ഡിക പിൻവ​രുന്ന പ്രകാരം പ്രസ്‌താ​വി​ച്ചു:

“കൂടു​ത​ലായ തെളി​വി​ന്റെ വെളി​ച്ച​ത്തിൽ അമേരി​ക്കൻ വൈദ്യ​രം​ഗ​ത്തി​ന്റെ ചില വിശ്വാ​സങ്ങൾ സംബന്ധിച്ച്‌ അതി​നെ​ക്കൊ​ണ്ടു പുനർവി​ചി​ന്തനം ചെയ്യി​ക്കാൻപോ​ലും അവർക്കു കഴിഞ്ഞി​ട്ടുണ്ട്‌. ഇതു മൂലം അമേരി​ക്കൻ സമൂഹ​ത്തി​ലെ എല്ലാവർക്കും പ്രയോ​ജനം ലഭിച്ചു. സാക്ഷി​ക​ളു​ടെ ഹോസ്‌പി​ററൽ ലെയ്‌സൺ കമ്മിറ​റി​യു​ടെ പ്രവർത്തനം കാരണം ഇന്നു യഹോ​വ​യു​ടെ സാക്ഷികൾ മാത്രമല്ല, രോഗി​കൾ പൊതു​വേ അനാവ​ശ്യ​മായ രക്തപ്പകർച്ച​കൾക്കു വിധേ​യ​രാ​കാ​നുള്ള സാധ്യത കുറഞ്ഞി​രി​ക്കു​ന്നു. രോഗി​ക​ളു​ടെ മൊത്ത​ത്തി​ലുള്ള അവകാശ പ്രസ്ഥാ​ന​ത്തി​ന്റെ ഭാഗമെന്ന നിലയിൽ സാക്ഷി​ക​ളു​ടെ പ്രവർത്തനം നിമിത്തം രോഗി​കൾ പൊതു​വേ, ഒരു വലിയ അളവ്‌ ആരോഗ്യ സംരക്ഷണ തീരു​മാ​ന​ങ്ങ​ളിൽ വലിയ ഏകാധി​പ​ത്യം അനുഭ​വി​ക്കു​ന്നു. തങ്ങളുടെ മതവി​ശ്വാ​സ​ങ്ങ​ളോ​ടു യോജി​പ്പി​ല​ല്ലാത്ത പ്രവൃത്തി ചെയ്യു​ന്ന​തി​നുള്ള പ്രേര​ണാ​ശ്ര​മ​ങ്ങ​ളോ​ടുള്ള സാക്ഷി​ക​ളു​ടെ അർപ്പി​ത​മായ എതിർപ്പു​കാ​രണം സ്വാത​ന്ത്ര്യ​ത്തി​നുള്ള കാരണങ്ങൾ പൊതു​വേ​യും മതസ്വാ​ത​ന്ത്ര്യം പ്രത്യേ​കി​ച്ചും പുരോ​ഗതി പ്രാപി​ച്ചി​രി​ക്കു​ന്നു.”

ഹോസ്‌പി​റ​റൽ ലെയ്‌സൺ കമ്മിറ​റി​യു​ടെ ഈ പ്രവർത്ത​ന​ങ്ങ​ളെ​ല്ലാം ദൈവ​രാ​ജ്യ​ത്തി​ന്റെ സുവാർത്ത നേരിട്ടു പ്രസം​ഗി​ക്കു​ന്നി​ല്ലാ​യി​രി​ക്കാം. എന്നാൽ നമ്മുടെ വിശുദ്ധ സേവന​ത്തി​ന്റെ “അത്യാ​വ​ശ്യ​കാ​ര്യങ്ങ”ളിലൊ​ന്നെന്ന്‌ ഒന്നാം നൂററാ​ണ്ടി​ലെ ഭരണസം​ഘം വിളിച്ച, നമ്മുടെ ആരാധ​ന​യു​ടെ​മേൽ നേരിട്ട്‌ ഉന്നയി​ക്ക​പ്പെ​ട്ടി​ട്ടുള്ള ഒരു വെല്ലു​വി​ളിക്ക്‌ അതു തീർച്ച​യാ​യും ഉത്തരം നൽകുന്നു. (പ്രവർത്ത​നങ്ങൾ 15:28, 29 പി.ഒ.സി. ബൈ.) എന്നിരു​ന്നാ​ലും, രസകര​മെന്നു പറയട്ടെ, ആശയവി​നി​യമം നടത്താ​നുള്ള നമ്മുടെ ധീരമായ, അതേസ​മയം മാന്യ​മായ ഏർപ്പാട്‌ ചില മെഡിക്കൽ ഉദ്യോ​ഗ​സ്ഥൻമാർ രാജ്യ​സു​വാർത്ത​യോ​ടു പ്രതി​ക​രി​ക്കാൻ വഴി തുറന്നി​രി​ക്കു​ന്നു. കമ്മിററി പ്രവർത്ത​ന​ത്തിൽ വച്ചു കണ്ടുമു​ട്ടിയ ഡോക്ടർമാ​രു​മാ​യി ഹോസ്‌പി​ററൽ ലെയ്‌സൺ കമ്മിറ​റി​യി​ലെ അനേകം അംഗങ്ങൾ ബൈബി​ള​ധ്യ​യ​നങ്ങൾ തുടങ്ങി​യി​ട്ടുണ്ട്‌. അങ്ങനെ പഠിച്ച രണ്ടു ഡോക്ടർമാർ അടുത്ത​യി​ടെ സ്‌നാ​പ​ന​മേൽക്കു​ക​യു​ണ്ടാ​യി.

അങ്ങനെ ഹോസ്‌പി​ററൽ ലെയ്‌സൺ കമ്മിററി ക്രമീ​ക​ര​ണ​ത്തി​ന്റെ സഹായ​ത്താൽ, തങ്ങളുടെ നിർമലത അനുര​ഞ്‌ജ​ന​പ്പെ​ടു​ത്താ​തെ ആവശ്യ​മായ വൈദ്യ സംരക്ഷണം നേടി​ക്കൊണ്ട്‌ രക്തത്തിൽ നിന്ന്‌ ഒഴിഞ്ഞു നില്‌ക്കുക എന്നതു സംബന്ധിച്ച യഹോ​വ​യു​ടെ പൂർണ നിയമം അനുസ​രി​ക്കാൻ യഹോ​വ​യു​ടെ സാക്ഷികൾ സഹായി​ക്ക​പ്പെ​ട്ടു​കൊ​ണ്ടി​രി​ക്കു​ന്നു. (സങ്കീർത്തനം 19:7) ഒരിക്കൽ ഉണ്ടായി​രുന്ന വിടവു നികത്തു​ന്ന​തിൽ തുടർച്ച​യായ വിജയം തീർച്ച​യാ​യും കൈവ​ന്നി​രി​ക്കു​ന്നു. ലഭ്യമാ​യി​രി​ക്കുന്ന രക്തരഹിത ചികിത്സാ പരിപാ​ടി തങ്ങൾക്ക്‌ എങ്ങനെ പ്രദാനം ചെയ്യാൻ കഴിയു​മെന്നു ഡോക്ടർമാ​രും ആശുപ​ത്രി അധികാ​രി​ക​ളും ഇപ്പോൾ മെച്ചമായ അറിവു​ള്ള​വ​രാണ്‌. രോഗി​കൾക്കും ബന്ധുക്കൾക്കും മത സഹകാ​രി​കൾക്കും ആശുപ​ത്രി ഉദ്യോ​ഗ​സ്ഥൻമാർക്കും അത്‌ അവർ ആഗ്രഹി​ക്കു​ന്നതു കൊടു​ക്കു​ന്നു.—രോഗി​യു​ടെ ആരോ​ഗ്യ​പൂർണ​മായ സുഖം​പ്രാ​പി​ക്കൽ.—വാച്ച്‌ടവർ സൊ​സൈ​റ​റി​യു​ടെ ലോക ആസ്ഥാനത്തെ ഹോസ്‌പി​ററൽ ഇൻഫർമേഷൻ സർവീ​സസ്‌ സംഭാവന ചെയ്‌തത്‌. (g93 11/22)

[അടിക്കു​റി​പ്പു​കൾ]

[27-ാം പേജിലെ ചിത്രം]

ലെയ്‌സൺ കമ്മിററി ഒരു ഡോക്ട​റു​മാ​യി കൂടി​യാ​ലോ​ചന നടത്തുന്നു

[28-ാം പേജിലെ ചിത്രം]

“കുടും​ബ​സം​ര​ക്ഷണം”