ബൈബി​ളി​ന്റെ വീക്ഷണം

ദൈവ​ത്തി​ന്റെ ക്ഷമ എത്ര പൂർണ​മാണ്‌?

“ദൈവം എന്റെ പാപങ്ങൾ ഒരിക്ക​ലും ക്ഷമിക്കു​ക​യി​ല്ലെ​ന്നാണ്‌ എനിക്കു തോന്നു​ന്നത്‌. ഞാൻ ചെയ്‌തതു നിമിത്തം അവിടു​ത്തേക്ക്‌ എന്നെ ഒരിക്ക​ലും ആവശ്യ​മില്ല.”—ഗ്ലോറിയ.

മററു​ള്ള​വ​രോ​ടു യഹോവ അവരുടെ പാപങ്ങൾ പൊറു​ക്കു​മെന്നു പറയാൻ ഗ്ലോറി​യ​യ്‌ക്ക്‌ ഒരു പ്രയാ​സ​വും ഇല്ലായി​രു​ന്നു.a എന്നാൽ സ്വന്തം തെററു​ക​ളെ​ക്കു​റിച്ച്‌ ഓർത്ത​പ്പോൾ ഗ്ലോറി​യ​യ്‌ക്കു കുററ​ബോ​ധം തോന്നി. യഹോ​വ​യു​ടെ ക്ഷമ അപ്രാ​പ്യ​മാ​യി തോന്നി.

ഒരു തെററായ പ്രവൃ​ത്തി​യോ ജീവി​ത​രീ​തി​യോ സംബന്ധി​ച്ചു തിരി​ച്ച​റി​യു​മ്പോൾ മനസ്സാക്ഷി ഉലയ്‌ക്ക​പ്പെ​ട്ടേ​ക്കാം. “ദിവസം മുഴു​വ​നും കരഞ്ഞു ഞാൻ പരവശ​നാ​യി. എന്റെ ശക്തി മുഴുവൻ ചോർന്നു പോയി” എന്നു ദാവീദ്‌ പാപം ചെയ്‌ത​തി​നു​ശേഷം എഴുതി. (സങ്കീർത്തനം 32:3, 4, ററു​ഡേ​യ്‌സ്‌ ഇംഗ്ലീഷ്‌ വേർഷൻ; സങ്കീർത്തനം 51:3 താരത​മ്യ​പ്പെ​ടു​ത്തുക.) സന്തോ​ഷ​ക​ര​മെന്നു പറയട്ടെ, തെററു ക്ഷമിക്കു​ന്ന​തിൽ യഹോവ സന്തോ​ഷി​ക്കു​ന്നു. “യഹോവ ക്ഷമാശീ​ല​നാണ്‌.”—സങ്കീർത്തനം 86:5, NW; യെഹെ​സ്‌കേൽ 33:11.

എന്നിരു​ന്നാ​ലും, യഹോവ ഹൃദയത്തെ കാണുന്നു. അവിടു​ത്തെ ക്ഷമ വെറും വികാ​രത്തെ അടിസ്ഥാ​ന​മാ​ക്കി​യു​ള്ളതല്ല. (പുറപ്പാ​ടു 34:7; 1 ശമൂവേൽ 16:7) പാപി തന്റെ തെററു തുറന്നു സമ്മതി​ക്കു​ക​യും പൂർണ​മായ പശ്ചാത്താ​പം പ്രകടി​പ്പി​ക്കു​ക​യും ജീവി​ത​രീ​തി​യെ വെറു​ക്ക​ത്ത​ക്ക​തും നിന്ദ്യ​വു​മായ ഒന്ന്‌ എന്നപോ​ലെ പരിത്യ​ജി​ക്കു​ക​യും വേണം. (സങ്കീർത്തനം 32:5; റോമർ 12:9; 2 കൊരി​ന്ത്യർ 7:11) അപ്പോൾ മാത്രമേ ഒരു ദുഷ്‌പ്ര​വൃ​ത്തി​ക്കാ​രൻ ക്ഷമിക്ക​പ്പെ​ടു​ന്നു​ള്ളൂ. അപ്പോൾ മാത്രമേ അദ്ദേഹം യഹോ​വ​യിൽ നിന്നുള്ള “ആശ്വാ​സ​കാ​ലങ്ങൾ” അനുഭ​വി​ക്കു​ന്നു​ള്ളൂ.—പ്രവൃ​ത്തി​കൾ 3: 19.

എന്നാൽ പശ്ചാത്താ​പ​ത്തി​നു ശേഷവും ചിലർക്ക്‌ കുററ​ബോ​ധം തോന്നു​ന്നു. അവർ എന്നും ആ കുററ​ഭാ​രം പേറണ​മോ? തങ്ങളുടെ പാപങ്ങൾ സംബന്ധി​ച്ചു പശ്ചാത്ത​പി​ക്കു​ക​യും അവ ഉപേക്ഷി​ക്കു​ക​യും ചെയ്‌തി​ട്ടും ഹൃദയ​ത്തിൽ കുത്തു​ണ്ടാ​കു​ന്ന​വർക്കു വേണ്ടി എന്ത്‌ ആശ്വാ​സ​മാണ്‌ ബൈബി​ളിൽ കണ്ടെത്താൻ കഴിയുക?—സങ്കീർത്തനം 94:19.

ഭാരം ഉയർത്തൽ

തന്റെ പാപങ്ങൾ സംബന്ധിച്ച്‌ വല്ലാതെ ദുഃഖി​ച്ചു​കൊണ്ട്‌ ദാവീദ്‌ യഹോ​വ​യോ​ടു പ്രാർഥി​ച്ചു: “എന്റെ പീഡക​ളും ക്‌ളേ​ശ​ങ്ങ​ളും ഓർത്ത്‌ എന്റെ പാപങ്ങൾ പൊറു​ക്ക​ണമേ!” (സങ്കീർത്തനം 25:18, പി.ഒ.സി. ബൈ.) ഇവിടെ, ക്ഷമിക്കു​ന്ന​തി​നെ​ക്കാ​ള​ധി​കം ചെയ്യണ​മെന്ന്‌ ദാവീദ്‌ യഹോ​വ​യോട്‌ അപേക്ഷി​ച്ചു. യഹോവ തന്റെ പാപങ്ങൾ “പൊറു​ക്കണം” എന്ന്‌ അതായത്‌, അവിടുന്ന്‌ അവ ഉയർത്തു​ക​യോ വഹിക്കു​ക​യോ ചെയ്യണ​മെന്ന്‌, അവയെ എടുത്തു മാററ​ണ​മെന്ന്‌ അദ്ദേഹം യാചിച്ചു. പാപത്തി​നു ഗുരു​ത​ര​മായ പരിണ​ത​ഫ​ല​ങ്ങ​ളുണ്ട്‌. ദാവീ​ദി​നെ സംബന്ധി​ച്ച​ട​ത്തോ​ളം ഇതിൽ ഒരു ക്ലേശമ​നു​ഭ​വി​ക്കുന്ന മനസ്സാ​ക്ഷി​യു​ടെ ഭാരവും ഉൾപ്പെ​ട്ടി​രു​ന്നു എന്നതിനു സംശയ​മില്ല.

ജനതയു​ടെ പാപങ്ങൾ മാററി​ക്ക​ള​യാൻ യഹോ​വ​യ്‌ക്കു കഴിയും എന്ന്‌ ഓരോ വർഷവും ഇസ്രാ​യേ​ല്യ​രെ ദൃശ്യ​മാ​യി അനുസ്‌മ​രി​പ്പി​ച്ചി​രു​ന്നു. പാപപ​രി​ഹാര ദിവസം മഹാപു​രോ​ഹി​തൻ ഒരു ആടിന്റെ തലയിൽ കൈവച്ച്‌ ജനത്തിന്റെ പാപം അതി​ന്റെ​മേൽ ഏററു​പ​റഞ്ഞ്‌ ആടിനെ വനാന്ത​ര​ത്തി​ലേക്ക്‌ അയച്ചി​രു​ന്നു. ഹാജരാ​കുന്ന ആർക്കും ജനതയു​ടെ പാപങ്ങ​ളു​ടെ നീക്കം​ചെയ്യൽ ദർശി​ക്കാ​മാ​യി​രു​ന്നു.—ലേവ്യ​പു​സ്‌തകം 16:20-22.

അതിനാൽ തങ്ങളുടെ പാപങ്ങൾ സംബന്ധിച്ച്‌ അനുത​പി​ച്ചി​രുന്ന വ്യക്തി​കൾക്ക്‌ ആശ്വസി​ക്കാം. പാപപ​രി​ഹാര ദിവസത്തെ നടപടി​കൾ പാപം നീക്കു​ന്ന​തി​നുള്ള വളരെ വലിയ ഒരു കരുത​ലി​നെ—യേശു​ക്രി​സ്‌തു​വി​ന്റെ മറുവില യാഗത്തെ—മുൻനി​ഴ​ലാ​ക്കി. യശയ്യാ യേശു​വി​നെ സംബന്ധി​ച്ചു പ്രാവ​ച​നി​ക​മാ​യി ഇങ്ങനെ എഴുതി: “അനേക​രു​ടെ പാപഭാ​രം അവൻ പേറി” (ഏശയ്യാ 53:12, പി.ഒ.സി. ബൈ.) ആയതി​നാൽ, കഴിഞ്ഞ​കാല പാപങ്ങൾ മനസ്സാ​ക്ഷി​ക്കു ഭാരമാ​യി​രി​ക്കേ​ണ്ട​തില്ല. എന്നാൽ യഹോവ പിന്നീ​ടൊ​രി​ക്കൽ ഈ പാപങ്ങൾ കണക്കി​ടു​മോ?

കടം ഇളയ്‌ക്കൽ

തന്റെ മാതൃകാ പ്രാർഥ​ന​യിൽ യേശു ഇപ്രകാ​രം പറഞ്ഞു: ‘ഞങ്ങളുടെ കടങ്ങളെ ഞങ്ങളോ​ടു ക്ഷമി​ക്കേ​ണമേ’ (മത്തായി 6:12) ഇവിടെ “ക്ഷമിക്കുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു പദം “പോകാൻ അനുവ​ദി​ക്കുക” എന്ന്‌ അർഥമുള്ള ഒരു ക്രിയ​യു​ടെ രൂപമാണ്‌. അങ്ങനെ, പാപത്തി​ന്റെ ക്ഷമിക്കൽ പോകാൻ അനുവ​ദി​ക്കു​ന്ന​തി​നോട്‌ അഥവാ കടം ഇളച്ചു കൊടു​ക്കു​ന്ന​തി​നോ​ടു സാദൃ​ശ്യ​പ്പെ​ടു​ത്ത​പ്പെട്ടു.—മത്തായി 18:23-25 താരത​മ്യ​പ്പെ​ടു​ത്തുക.

ഇതു വിശദ​മാ​ക്കി​ക്കൊണ്ട്‌ പത്രോസ്‌ ഇങ്ങനെ പറഞ്ഞു: “ആകയാൽ നിങ്ങളു​ടെ പാപങ്ങൾ മാഞ്ഞു​കി​ട്ടേ​ണ്ട​തി​ന്നു മാനസാ​ന്ത​ര​പ്പെട്ടു തിരി​ഞ്ഞു​കൊൾവിൻ.” (പ്രവൃ​ത്തി​കൾ 3:19) “മാഞ്ഞു​കി​ട്ടുക” എന്നതിന്റെ അർഥം നശിപ്പി​ക്കുക അല്ലെങ്കിൽ തുടച്ചു​ക​ള​യുക എന്നാണ്‌. അത്‌ എഴുത​പ്പെട്ട രേഖയു​ടെ മായ്‌ക്ക​ലി​നെ, സേറ്‌ളറ്‌ വൃത്തി​യാ​യി തുടയ്‌ക്കു​ന്ന​തി​നെ സൂചി​പ്പി​ക്കു​ന്നു.—കൊ​ലൊ​സ്സ്യർ 2:13, 14 താരത​മ്യ​പ്പെ​ടു​ത്തുക.

അതു​കൊണ്ട്‌, താൻ ഇളച്ചി​രി​ക്കുന്ന കടം അടച്ചു​തീർക്കാൻ ദൈവം ആവശ്യ​പ്പെ​ടു​മെന്ന്‌ അനുതാ​പ​മു​ള്ളവൻ ഭയപ്പെ​ടേ​ണ്ട​തില്ല. അവിടുന്ന്‌ ഇപ്രകാ​രം പറയുന്നു: ‘നിന്റെ പാപങ്ങളെ ഞാൻ ഓർക്ക​യില്ല.’ (യെശയ്യാ​വു 43:25; റോമർ 4:7, 8) അനുത​പിച്ച പാപിയെ സംബന്ധി​ച്ച​ട​ത്തോ​ളം ഇത്‌ എന്തർഥ​മാ​ക്കു​ന്നു?

കറ നീക്കം​ചെ​യ്യൽ

യശയ്യാ പ്രവാ​ച​ക​നി​ലൂ​ടെ യഹോവ ഇപ്രകാ​രം പറഞ്ഞു: “നിങ്ങളു​ടെ പാപങ്ങൾ കടുഞ്ചു​വ​പ്പാ​യി​രു​ന്നാ​ലും ഹിമം​പോ​ലെ വെളു​ക്കും; രക്താം​ബ​രം​പോ​ലെ ചുവപ്പാ​യി​രു​ന്നാ​ലും പഞ്ഞി​പോ​ലെ ആയിത്തീ​രും.”—യെശയ്യാ​വു 1:18.

തുണി​യി​ലെ അതിസാ​ന്ദ്ര​മായ കറ മാററാ​നുള്ള ശ്രമങ്ങൾ പലപ്പോ​ഴും നിഷ്‌ഫ​ല​മാണ്‌. കൂടി​വ​ന്നാൽ കറ ഒന്നു മങ്ങുമാ​യി​രി​ക്കും, എങ്കിലും ദൃശ്യ​മാ​യി​രി​ക്കും. യഹോ​വക്ക്‌ കടും​ചു​വ​പ്പു​നി​റ​മോ രക്തവർണ​മോ പോലെ ഘോര​മായ പാപങ്ങളെ ഹിമം​പോ​ലെ വെളു​പ്പി​ക്കാൻ കഴിയു​മെ​ന്നു​ള്ളത്‌ എത്ര ആശ്വാ​സ​പ്ര​ദ​മാണ്‌.—സങ്കീർത്തനം 51:7 താരത​മ്യ​പ്പെ​ടു​ത്തുക.

അതു​കൊണ്ട്‌, അനുതാ​പ​മുള്ള ഒരു പാപി തന്റെ ശേഷിച്ച ജീവിത കാലം മുഴുവൻ ഒരു കറയും വഹിച്ചു കൊണ്ടാ​ണു നടക്കു​ന്നത്‌ എന്നു വിചാ​രി​ക്കേ​ണ്ട​തില്ല. അനുതാ​പ​മുള്ള പാപി നിത്യ​മാ​യി ലജ്ജയിൽ കഴിയാൻ ഇടയാ​ക്കി​ക്കൊണ്ട്‌ യഹോവ തെററു​ക​ളു​ടെ വീര്യം കുറയ്‌ക്കുക മാത്രമല്ല ചെയ്യു​ന്നത്‌.—പ്രവൃ​ത്തി​കൾ 22:16 താരത​മ്യ​പ്പെ​ടു​ത്തുക.

മററു​ള്ള​വ​രിൽ നിന്നുള്ള പിന്തുണ

യഹോവ പാപഭാ​രം ഉയർത്തു​ക​യും കടം ഇളച്ചു​ത​രു​ക​യും പാപക്കറ മാററു​ക​യും ചെയ്‌താ​ലും അനുതാ​പ​മുള്ള ഒരു വ്യക്തി ചില​പ്പോ​ഴൊ​ക്കെ പശ്ചാത്ത​പിച്ച്‌ ആകുല​ചി​ത്ത​നാ​യേ​ക്കാം. ദൈവ​ത്താൽ ക്ഷമിക്ക​പ്പെ​ട്ട​വ​നെ​ങ്കി​ലും “അതിദുഃ​ഖ​ത്തിൽ മുങ്ങി​പ്പോ​കാ”മായി​രുന്ന [“പൂർണ​മാ​യി പ്രതീക്ഷ കൈവി​ടാൻ തക്കവണ്ണം അത്ര ദുഃഖി​ത​നാ​യി​ത്തീ​രു​മാ​യി​രുന്ന,” TEV]” കൊരി​ന്ത്യ സഭയിലെ അനുതാ​പി​യായ ഒരു ദുഷ്‌പ്ര​വൃ​ത്തി​ക്കാ​ര​നെ​പ്പ​ററി പൗലോസ്‌ എഴുതി.—2 കൊരി​ന്ത്യർ 2:7.

ഈ വ്യക്തിയെ എങ്ങനെ സഹായി​ക്കാൻ കഴിഞ്ഞു? പൗലോസ്‌ ഇപ്രകാ​രം തുടരു​ന്നു: “നിങ്ങളു​ടെ സ്‌നേഹം അവന്നു ഉറപ്പി​ച്ചു​കൊ​ടു​പ്പാൻ ഞാൻ നിങ്ങ​ളോ​ടു അപേക്ഷി​ക്കു​ന്നു.” (2 കൊരി​ന്ത്യർ 2:8) “ഉറപ്പി​ച്ചു​കൊ​ടു​ക്കുക” എന്നതിന്‌ പൗലോസ്‌ ഉപയോ​ഗിച്ച പദം “അംഗീ​ക​രി​ക്കുക” എന്നർഥ​മുള്ള നിയമ​പ​ര​മായ ഒരു പദമാണ്‌. അതെ, യഹോ​വ​യിൽ നിന്നുള്ള ക്ഷമ ലഭിച്ചി​ട്ടുള്ള അനുതാ​പി​കൾക്കും സഹക്രി​സ്‌ത്യാ​നി​ക​ളിൽ നിന്നുള്ള അംഗീ​കാ​രം അഥവാ അംഗീ​കാ​ര​ത്തി​ന്റെ മുദ്ര ആവശ്യ​മുണ്ട്‌.

മനസ്സി​ലാ​ക്കാ​വു​ന്ന​തു​പോ​ലെ, ഇതിനു സമയം ആവശ്യ​മാ​യി​രു​ന്നേ​ക്കാം. അനുതാ​പി തന്റെ പാപം വരുത്തിയ അപമാനം മായി​ച്ചു​ക​ള​യുന്ന വിധം ജീവി​ക്കു​ക​യും നീതി​യു​ടെ ബോധ്യം​വ​രു​ത്തുന്ന ഒരു രേഖ കെട്ടി​പ്പ​ടു​ക്കു​ക​യും വേണം. തന്റെ കഴിഞ്ഞ​കാല തെററു​ക​ളാൽ വ്യക്തി​പ​ര​മാ​യി ബാധി​ക്ക​പ്പെ​ട്ടി​ട്ടുള്ള ഏതൊ​രു​വ​ന്റെ​യും വികാ​രങ്ങൾ ക്ഷമാപൂർവം സഹിക്കു​ക​യും വേണം. അതേസ​മയം, ദാവീദ്‌ പറഞ്ഞതു​പോ​ലെ അദ്ദേഹ​ത്തി​നു യഹോ​വ​യു​ടെ പൂർണ​മായ ക്ഷമയെ​പ്പ​ററി ശുഭാ​പ്‌തി വിശ്വാ​സ​മു​ള്ള​വ​നാ​യി​രി​ക്കാം: “ഉദയം അസ്‌ത​മ​യ​ത്തോ​ടു അകന്നി​രി​ക്കു​ന്നതു പോലെ അവൻ നമ്മുടെ ലംഘന​ങ്ങളെ നമ്മോടു അകററി​യി​രി​ക്കു​ന്നു.”—സങ്കീർത്തനം 103:12. (g93 12/8)

[അടിക്കു​റി​പ്പു​കൾ]

[14-ാം പേജിലെ ചിത്ര​ത്തിന്‌ കടപ്പാട്‌]

Return of the Prodigal Son by Rembrandt: Scala/Art Resource, N.Y.