യുവജ​നങ്ങൾ ചോദി​ക്കു​ന്നു. . .

എനിക്ക്‌ എങ്ങനെ തൂക്കം കുറയ്‌ക്കാ​നാ​വും?

“ഒരു കൗമാ​ര​പ്രാ​യ​ക്കാ​രന്റെ ജീവി​ത​ത്തിൽ സംഭവി​ക്കാ​വുന്ന ഏററവും ഭയങ്കര സംഗതി​യാണ്‌ വണ്ണം​വെ​യ്‌ക്കൽ.” ഇത്‌ ജഡ്‌ എന്നു പേരായ ഒരു കൗമാ​ര​പ്രാ​യ​ക്കാ​രന്റെ വിലാ​പ​മാണ്‌. നിങ്ങൾക്ക്‌ അമിത​തൂ​ക്ക​മു​ണ്ടെ​ങ്കിൽ അവനിത്‌ എങ്ങനെ അനുഭ​വ​പ്പെ​ടു​ന്നു എന്ന്‌ നിങ്ങൾക്കു മനസ്സി​ലാ​കും.

എന്നിരു​ന്നാ​ലും, അമിത​വ​ണ്ണ​ത്തി​നു കേവലം നിങ്ങളു​ടെ ആകാര​ഭം​ഗി​ക്കു മാത്രമല്ല ദോഷം വരുത്താ​വു​ന്നത്‌, അതിലും കൂടുതൽ ദോഷം വരുത്തി​വെ​ക്കാ​നാ​വും. നിങ്ങളു​ടെ പൊണ്ണ​ത്തടി ആരോ​ഗ്യ​പ​ര​മായ ഒരുപാട്‌ അപകട​ങ്ങൾക്ക്‌ ഇടയാ​ക്കി​യേ​ക്കാം—അസ്ഥിസ​ന്ധി​ക​ളി​ലെ കുഴപ്പങ്ങൾ, ശ്വസ​നേ​ന്ദ്രിയ രോഗങ്ങൾ, പ്രമേഹം. ഇവ കൂടാതെ പിൽക്കാല ജീവി​തത്തെ ബാധി​ക്കാ​വുന്ന മരണകാ​രി​ക​ളായ ഹൃ​ദ്രോ​ഗം, വൻകുടൽ അർബുദം എന്നിവ​യു​മുണ്ട്‌.a

നിങ്ങൾക്കു വണ്ണം അൽപ്പം കൂടുതൽ ഉണ്ടെന്നു​വെച്ച്‌ നിങ്ങൾ തൂക്കം കുറയ്‌ക്ക​ണ​മെ​ന്നൊ​ന്നും ഇതിനർഥ​മില്ല. അൽപ്പം വണ്ണക്കൂ​ടു​ത​ലുള്ള ശരീര​പ്ര​കൃ​തി നമ്മിൽ ചിലർക്കു പാരമ്പ​ര്യ​മാ​യി കിട്ടി​യെ​ന്നേ​യു​ള്ളൂ. നമുക്കു വേണ്ടത്ര തൂക്കം മാത്രം ഉള്ളപ്പോൾ പോലും, ആഗ്രഹി​ക്കു​ന്ന​തിൽ കൂടുതൽ തൂക്കമു​ള്ള​താ​യി കാണ​പ്പെ​ടു​ന്നു.b എന്നാൽ ആരോ​ഗ്യ​മു​ള്ള​വ​നാ​യി​രി​ക്കാൻ ആവശ്യ​മാ​യ​തിൽ കൂടുതൽ ശരീര​ക്കൊ​ഴുപ്പ്‌ നിങ്ങൾക്കു​ണ്ടെന്നു നിങ്ങളു​ടെ ഡോക്ടർ പറയു​ന്നെ​ങ്കിൽ പല ഘടകങ്ങൾ അതിൽ ഉൾപ്പെ​ട്ടി​ട്ടു​ണ്ടാ​കാം. ആരോ​ഗ്യ​വാ​നായ കൗമാ​ര​പ്രാ​യ​ക്കാ​രൻ [ഇംഗ്ലീഷ്‌] എന്ന പുസ്‌തകം പറയു​ന്നത്‌ ഇങ്ങനെ​യാണ്‌: “പാൻക്രി​യാസ്‌, തൈ​റോ​യ്‌ഡ്‌ ഗ്രന്ഥി, വൃക്ക​ഗ്രന്ഥി എന്നിങ്ങ​നെ​യുള്ള അന്തഃ​സ്രാ​വ​ഗ്ര​ന്ഥി​ക​ളു​ടെ ക്രമ​ക്കേ​ടിന്‌ . . . ചിലയാ​ളു​ക​ളി​ലെ പൊണ്ണ​ത്ത​ടി​യു​മാ​യി ബന്ധമുണ്ട്‌.”

അമിത​ഭ​ക്ഷണം, വ്യായാ​മ​ക്കു​റവ്‌

പലരു​ടെ​യും കാര്യ​ത്തിൽ, പോഷ​ണ​ക്കു​റ​വുള്ള ആഹാര​ശീ​ലങ്ങൾ, വ്യായാ​മ​മി​ല്ലായ്‌മ എന്നിവ​യു​ടെ ഫലമാ​യാണ്‌ പൊണ്ണ​ത്തടി ഉണ്ടാകു​ന്നത്‌. യുവാ​വായ ജഡ്‌ ഓർമി​ക്കു​ന്നു: “ഞങ്ങളെ പോറ​റാൻ അമ്മയ്‌ക്കു ജോലി​ക്കു പോ​കേ​ണ്ടി​യി​രു​ന്ന​തു​കൊണ്ട്‌, എനിക്കും എന്റെ സഹോ​ദ​ര​നും . . . ഭക്ഷണമു​ണ്ടാ​ക്കാൻ ഞങ്ങൾതന്നെ വേണമാ​യി​രു​ന്നു. അതു​കൊണ്ട്‌, മധുര​പ​ല​ഹാ​ര​ങ്ങ​ളും രണ്ടു ലിററർ സോഡ​യു​മാണ്‌ ഞങ്ങൾ കഴിച്ചി​രു​ന്നത്‌.” എന്താ അങ്ങനെ ചെയ്‌തു പരിച​യ​മു​ണ്ടോ?

എന്നിരു​ന്നാ​ലും, പരി​പോ​ഷ​ണ​ത്തി​നും ശമനത്തി​നു​മുള്ള ആവശ്യത്തെ തൃപ്‌തി​പ്പെ​ടു​ത്തി​ക്കൊണ്ട്‌ വിശപ്പു മാററാ​നല്ല മററു ചില യുവാക്കൾ ഭക്ഷിക്കു​ന്നത്‌. അത്തരം യുവാക്കൾ അമിത​മാ​യി ഭക്ഷിക്കു​ന്നു. മാതാ​പി​താ​ക്ക​ളു​ടെ വിവാ​ഹ​മോ​ചനം, പ്രിയ​പ്പെ​ട്ട​യാ​ളു​ടെ മരണം, അല്ലെങ്കിൽ മറെറ​ന്തെ​ങ്കി​ലും മനോ​വ്യഥ എന്നിവ​യിൽനി​ന്നെ​ല്ലാം തെല്ലൊ​രാ​ശ്വാ​സം ലഭിക്കാ​നുള്ള ഒരു മാർഗ​മാ​യി അവർ അതിനെ തെററി​ദ്ധ​രി​ച്ചി​രി​ക്കു​ന്നു.

വ്യായാ​മ​മി​ല്ലെ​ങ്കിൽ പലപ്പോ​ഴും അമിത​തീ​ററ എന്ന പ്രശ്‌നം കൂടുതൽ വഷളാ​കു​ന്നു. ഭക്ഷണം കഴിക്കു​ന്ന​തി​ലെ ക്രമ​ക്കേ​ടു​ക​ളും പൊണ്ണ​ത്ത​ടി​യും സംബന്ധിച്ച്‌ ഒരു രക്ഷകർത്താ​വി​നുള്ള സഹായി [ഇംഗ്ലീഷ്‌] എന്ന പുസ്‌തകം ഇങ്ങനെ അഭി​പ്രാ​യ​പ്പെ​ടു​ന്നു: “ടെലി​വി​ഷ​നു​മു​മ്പിൽ ശാരീ​രി​ക​പ്ര​വർത്തനം ആവശ്യ​മാ​യി​വ​രു​ന്നില്ല. എന്നാൽ അതിലെ പരിപാ​ടി​ക​ളും പരസ്യ​ങ്ങ​ളും തിന്നാൻ . . . തിന്നാൻ . . . കൂടു​തൽക്കൂ​ടു​തൽ തിന്നാൻ പ്രോ​ത്സാ​ഹി​പ്പി​ക്കു​ന്നു.”

ഭക്ഷണം​ചു​രു​ക്കി പട്ടിണി​കി​ട​ക്കു​ന്ന​തി​ന്റെ കെണി

നാല്‌ അമേരി​ക്ക​ക്കാ​രിൽ ഒരാൾ ഭക്ഷണകാ​ര്യ​ത്തിൽ ഏതെങ്കി​ലും തരത്തി​ലുള്ള പഥ്യം നോക്കു​ന്ന​വ​രാണ്‌ എന്ന്‌ ചിലർ അവകാ​ശ​പ്പെ​ടു​ന്നു. എന്നിട്ടും, ഭക്ഷണം ചുരുക്കി തൂക്കം കുറയ്‌ക്കു​ന്ന​വ​രിൽ 90 ശതമാനം പേർക്കു വീണ്ടും തൂക്കം വെക്കുന്നു. എന്താണു കുഴപ്പം?

നിങ്ങളു​ടെ ശരീരം ഒരു ചൂള പോ​ലെ​യാണ്‌, നിങ്ങളു​ടെ തലച്ചോറ്‌ താപസ്ഥാ​പി (thermostat) പോ​ലെ​യും. നിങ്ങൾ ഭക്ഷണം കഴിക്കു​മ്പോൾ, നിങ്ങളി​ലെ ഉപാപ​ച​യ​പ്ര​ക്രി​യകൾ ഭക്ഷണത്തെ ദഹിപ്പിച്ച്‌ ഊർജത്തെ മുക്തമാ​ക്കു​ന്നു. ശരീര​ത്തിന്‌ ആവശ്യ​മു​ള്ള​തി​ല​ധി​കം ഇന്ധനം ഉൾക്കൊ​ള്ളു​മ്പോൾ അതു കൊഴു​പ്പാ​യി സംഭരി​ച്ചു​വെ​ക്ക​പ്പെ​ടു​ന്നു. നിങ്ങൾ തൂക്കം കുറയ്‌ക്കാൻവേണ്ടി ഭക്ഷണം കുറയ്‌ക്കു​ന്നു. ആരംഭ​ത്തിൽ തൂക്കം കുറയു​ന്നു. പക്ഷേ, നിങ്ങളു​ടെ ശരീരം പെട്ടെ​ന്നു​തന്നെ ഒരു ‘പ്രതി​സ​ന്ധി​ഘട്ട’ത്തിലേക്കു കടക്കു​ക​യും നിങ്ങളു​ടെ ഉപാപ​ച​യ​പ്ര​ക്രി​യ​കളെ മന്ദഗതി​യി​ലാ​ക്കി​ക്കൊണ്ട്‌ താപസ്ഥാ​പി​യു​ടെ പ്രവർത്ത​നത്തെ കുറയ്‌ക്കു​ക​യും ചെയ്യുന്നു. ഭക്ഷണം ചുരു​ക്കിയ ആ അവസ്ഥയി​ലും നിങ്ങൾക്കു വീണ്ടും തൂക്കം കൂടുന്നു. നിങ്ങൾ ഭക്ഷിക്കു​ന്ന​തിൽ ഒരു നല്ല പങ്ക്‌ കൊഴു​പ്പാ​യി സംഭരി​ക്ക​പ്പെ​ടു​ന്നു. നിങ്ങൾ കുറച്ച ഓരോ കിലോ തൂക്കവും അതിൽ കൂടു​ത​ലും തിരി​ച്ചു​വ​രു​ന്നു. നിരാ​ശ​നായ നിങ്ങൾ മറെറാ​രു പഥ്യം​കൂ​ടി പരീക്ഷി​ച്ചു​നോ​ക്കു​ന്നു. പക്ഷേ, എന്തുമാ​ത്രം കുറയു​ന്നു​വോ അത്രയും തിരി​ച്ചു​വ​രു​ന്നു.

അപ്പോൾ ഭക്ഷണനി​യ​ന്ത്രണ പരിപാ​ടി​കൾ കേവലം പ്രാ​യോ​ഗി​ക​മ​ല്ലെന്നു നിങ്ങൾക്കു മനസ്സി​ലാ​ക്കാ​വു​ന്ന​താണ്‌. ഡയററ്‌ പിൽസ്‌ കുറെ സമയ​ത്തേക്ക്‌ നിങ്ങളു​ടെ വിശപ്പി​നെ നിയ​ന്ത്രി​ച്ചു​നിർത്തി​യേ​ക്കാം. പക്ഷേ, ശരീരം അതുമാ​യി പെട്ടെന്നു പൊരു​ത്ത​പ്പെ​ടും. അപ്പോൾ നിങ്ങൾക്കു വീണ്ടും വിശപ്പു തോന്നു​ന്നു. അല്ലെങ്കിൽ നിങ്ങളു​ടെ ഉപാപ​ച​യ​പ്ര​ക്രി​യകൾ മന്ദഗതി​യി​ലാ​കു​ന്നു, പിന്നെ​യും തൂക്കം കൂടുന്നു. ചിലർക്ക്‌ അനുഭ​വ​പ്പെ​ട്ടി​ട്ടുള്ള തലകറക്കം, ഉയർന്ന രക്തസമ്മർദം, ഉത്‌ക​ണ്‌ഠ​യാ​ലുള്ള ക്രമ​ക്കേ​ടു​കൾ, ആസക്തി തുടങ്ങി​യ​വ​പോ​ലുള്ള ദൂഷ്യ​ഫ​ല​ങ്ങ​ളെ​പ്പ​ററി പറയു​ക​യും വേണ്ടാ. ജലത്തെ നീക്കു​ന്ന​തോ നിങ്ങളു​ടെ ഉപാപ​ച​യ​പ്ര​ക്രി​യ​കളെ ത്വരി​ത​പ്പെ​ടു​ത്തു​ന്ന​തോ ആയ ഗുളി​ക​ക​ളെ​പ്പ​റ​റി​യും ഇതുതന്നെ പറയാ​വു​ന്ന​താണ്‌. ഡോ. ലോറൻസ്‌ ലാം ഇതാ വെട്ടി​ത്തു​റന്നു പറയുന്നു: “വണ്ണം കുറയ്‌ക്കാ​നുള്ള സുരക്ഷി​ത​വും ഫലപ്ര​ദ​വു​മായ ഗുളിക, അങ്ങനെ ഒരു സാധന​മേ​യില്ല.”

ഒരു യുവാവ്‌ എന്നനി​ല​യിൽ നിങ്ങളു​ടെ ശരീര​ത്തി​നു ന്യായ​മായ അളവിൽ താപവും പോഷ​കാം​ശ​ങ്ങ​ളും ദിവസേന ആവശ്യ​മാണ്‌. വെട്ടി​ച്ചു​രു​ക്കിയ ഒരു ഭക്ഷണ​ക്ര​മ​ത്തിന്‌ നിങ്ങളു​ടെ വളർച്ച​യെ​ത്തന്നെ അക്ഷരാർഥ​ത്തിൽ മുരടി​പ്പി​ക്കാ​നാ​വും. 1 ശമൂവേൽ 28:20-ൽ ശൗൽ രാജാ​വി​നെ​പ്പ​ററി ബൈബിൾ പറയു​ന്നതു പരിചി​ന്തി​ക്കുക: “അവനിൽ ഒട്ടും ബലമി​ല്ലാ​തെ​യാ​യി; അന്നു രാവും പകലും മുഴുവൻ അവൻ ഒന്നും ഭക്ഷിച്ചി​ട്ടി​ല്ലാ​യി​രു​ന്നു.” അതു​പോ​ലെ, ഒരു ഡോക്ടർ പറയു​ന്ന​ത​നു​സ​രിച്ച്‌ തങ്ങളെ​ത്തന്നെ പട്ടിണി​ക്കി​ടുന്ന യുവാ​ക്കൾക്ക്‌ ഈ വക കഷ്ടങ്ങൾ ഉണ്ടാവാം: “ക്ഷീണം, . . . വിഷാദം, കുളിര്‌, സ്‌കൂ​ളിൽ നന്നായി പഠിക്കാ​തി​രി​ക്കൽ, മലബന്ധം, ഉത്‌കണ്‌ഠ, ആർത്തവ​രാ​ഹി​ത്യം [അസാധാ​ര​ണ​മാം​വി​ധം മാസമുറ നിലച്ചു​പോ​കുക], മാനസി​കാ​ല​സ്യം.”

സുരക്ഷി​ത​മായ തൂക്കം കുറയ്‌ക്കൽ

കുടും​ബ​ഡോ​ക്ടർ നിങ്ങളെ നന്നായി​ട്ടൊ​ന്നു പരി​ശോ​ധി​ക്കണം. അങ്ങനെ​യാണ്‌ തൂക്കം കുറയ്‌ക്കാ​നുള്ള സുരക്ഷി​ത​മാർഗം തുടങ്ങു​ന്നത്‌. ലളിത​മായ ഒരു ഭക്ഷണക്രമ പരിപാ​ടി​യെ ഫലരഹി​ത​മാ​ക്കുന്ന എന്തെങ്കി​ലും ആരോ​ഗ്യ​ക്ര​മ​ക്കേ​ടു​കൾ ഉണ്ടോ എന്ന്‌ അദ്ദേഹ​ത്തി​നു പരി​ശോ​ധി​ച്ച​റി​യാ​വു​ന്ന​താണ്‌. തൂക്കം എന്തുമാ​ത്ര​മാ​യി കുറയ്‌ക്കണം എന്ന ന്യായ​യു​ക്ത​മായ ഒരു ലാക്ക്‌ വെക്കാ​നും ന്യായ​യു​ക്ത​മായ സമയത്തി​നു​ള്ളിൽ അതിൽ എത്തി​ച്ചേ​രാ​നുള്ള തന്ത്രം ആവിഷ്‌ക​രി​ക്കാ​നും അദ്ദേഹ​ത്തി​നു നിങ്ങളെ സഹായി​ക്കാ​നാ​വും.

“തിന്നു കുടിച്ചു തന്റെ പ്രയത്‌ന​ത്താൽ സുഖം അനുഭ​വി​ക്കു​ന്ന​ത​ല്ലാ​തെ മനുഷ്യ​ന്നു മറെറാ​രു നൻമയു​മില്ല” എന്നു ബൈബിൾ പറയുന്നു. (സഭാ​പ്ര​സം​ഗി 2:24) അതു​കൊണ്ട്‌, ഭക്ഷണം കഴിക്കു​ന്ന​തി​ലെ സന്തോ​ഷത്തെ നിങ്ങളിൽനിന്ന്‌ കവർന്നു​ക​ള​യുന്ന ഒരു ഭക്ഷണ​ക്ര​മ​ത്തി​നു ദീർഘ​കാല അടിസ്ഥാ​ന​ത്തിൽ പ്രാ​യോ​ഗി​ക​മാ​യി​രി​ക്കാൻ സാധ്യ​ത​യില്ല. എന്നാൽ, ബൈബിൾ കുററം​വി​ധി​ക്കു​ന്നത്‌ അമിത​തീ​റ​റി​യെ​യാണ്‌. (സദൃശ​വാ​ക്യ​ങ്ങൾ 23:20, 21) തിന്നുന്ന കാര്യ​ത്തിൽ “മിതശീ​ലങ്ങൾ” ഉള്ളവരാ​യി​രി​ക്കാൻ നിങ്ങളെ സഹായി​ക്കാ​നി​താ ഏതാനും നിർദേ​ശങ്ങൾ.—1 തിമോ​ത്തി 3:11, NW.

പ്രാതൽ വേണ്ടന്നു​വെ​ക്ക​രുത്‌! “വിശപ്പും താൻ ഒന്നും കഴിച്ചി​ല്ല​ല്ലോ എന്ന തോന്ന​ലും നിങ്ങളെ പിടി​കൂ​ടു​ന്നു. ഉച്ചതി​രി​ഞ്ഞുള്ള സമയങ്ങ​ളിൽ വളരെ​യ​ധി​കം ഭക്ഷണം—കലോ​റി​ക​ളും—കഴിക്കാ​നുള്ള പ്രവണത നിങ്ങൾക്കു​ണ്ടാ​കും” എന്നാണ്‌ ദ ന്യൂ ടീനേജ്‌ ബോഡി ബുക്ക്‌ മുന്നറി​യി​പ്പു നൽകു​ന്നത്‌.

ഓരോ പ്രാവ​ശ്യ​വും ഭക്ഷിക്കു​ന്ന​തി​നു മുമ്പ്‌ ഒരു വലിയ ഗ്ലാസ്‌ നിറയെ വെള്ളം കുടി​ക്കുക. ഇതു നിങ്ങളു​ടെ വയറു നിറയ്‌ക്കും. വേണ്ടു​വോ​ളം വെള്ളം കുടി​ക്കു​ന്നത്‌ ശരീര​ത്തി​ലെ കൊഴു​പ്പു​ശേ​ഖരം കുറയ്‌ക്കു​ന്ന​തിൽ ഒരു പങ്കു വഹിക്കു​ന്ന​താ​യി കാണ​പ്പെ​ടു​ന്നു. അതു​കൊണ്ട്‌, ഡോക്ടർമാ​രു​ടെ ശുപാർശ ദിവസം എട്ടു ഗ്ലാസ്സ്‌ വെള്ള​മെ​ങ്കി​ലും കുടി​ക്കാ​നാണ്‌.

ടിവി കണ്ടു​കൊണ്ട്‌ ഭക്ഷണം കഴിക്ക​രുത്‌. “നിങ്ങൾ ടിവി കാണുന്ന തിരക്കി​ലാ​ണെ​ങ്കിൽ . . . , ഒരു യന്ത്ര​ത്തെ​പ്പോ​ലെ​യാണ്‌ ഭക്ഷണം കഴിച്ചു​തു​ട​ങ്ങാൻ നിങ്ങൾക്ക്‌ [കഴിയുക]” എന്ന്‌ ഡോ. സെയ്‌മോർ ഐസൻബർഗ്‌ പറയുന്നു.

ഭക്ഷിക്കു​ന്ന​തി​നു മുമ്പു പ്രാർഥി​ക്കുക. “ഈ ഭക്ഷണസാ​ധ​ന​ങ്ങ​ളാ​കട്ടെ, വിശ്വ​സി​ക്കു​ക​യും സത്യം അറിയു​ക​യും ചെയ്യു​ന്നവർ കൃതജ്‌ഞ​താ​പൂർവം ആസ്വദി​ക്കാൻവേണ്ടി ദൈവം സൃഷ്ടി​ച്ച​വ​യാണ്‌” എന്ന്‌ ഓർക്കുക. (1 തിമോ​ത്തേ​യോസ്‌ 4:3, പി.ഒ.സി. ബൈബിൾ) സ്രഷ്ടാ​വു​മാ​യുള്ള അടുത്ത ബന്ധം മനസ്സിൽ സൂക്ഷി​ക്കുന്ന ദൈവ​ഭ​യ​മുള്ള ഒരു യുവാവ്‌ ചിന്തയി​ലും പ്രവൃ​ത്തി​യി​ലും തന്നെ മന്ദതയു​ള്ള​വ​നാ​ക്കുന്ന അളവോ​ളം അമിത​തീ​റ​റി​യിൽ ഏർപ്പെ​ടാൻ ആഗ്രഹി​ക്കില്ല. മിതമാ​യി ഭക്ഷിക്കാ​നുള്ള നിങ്ങളു​ടെ തീരു​മാ​ന​ത്തി​നു കരു​ത്തേ​കാൻ പ്രാർഥ​ന​യ്‌ക്കു കഴിയും.

സാവധാ​നം ഭക്ഷിക്കുക. നിറഞ്ഞു എന്നുള്ള സിഗ്നൽ തലച്ചോ​റി​ലേക്ക്‌ എത്തിക്കാൻ വയറിന്‌ ഏതാണ്ട്‌ ഇരുപതു മിനി​ററു വേണം. അതിനാൽ, സാവധാ​നം ഭക്ഷിക്കുക. അപ്പോൾ “തൃപ്‌തി​യാ​യി ഭക്ഷി”ക്കാൻ അതു നിങ്ങളെ സഹായി​ക്കും, അല്ലാതെ കൂടുതൽ കഴിക്കാ​നല്ല!—ലേവ്യ​പു​സ്‌തകം 25:19.

തീററി​ക്കു പകരമാ​യി ആരോ​ഗ്യ​ക​ര​മായ മറെറ​ന്തെ​ങ്കി​ലും കണ്ടെത്തുക—ബോറടി, പിരി​മു​റു​ക്കം, ഏകാന്തത, അല്ലെങ്കിൽ വിഷാദം എന്നിവ അനുഭ​വ​പ്പെ​ടു​മ്പോ​ഴെ​ല്ലാം ഭക്ഷണം കഴിക്കുന്ന സ്വഭാ​വ​മാ​ണു നിങ്ങൾക്കു​ള്ള​തെ​ങ്കിൽ ഇതു വിശേ​ഷാൽ ചെയ്യുക. നിങ്ങൾക്കു വിശ്വാ​സ​മുള്ള ആരെങ്കി​ലു​മാ​യി സംഭാ​ഷ​ണ​ത്തിൽ ഏർപ്പെ​ടുക. നടക്കാൻ പോകു​ക​യോ വ്യായാ​മ​ത്തിൽ ഏർപ്പെ​ടു​ക​യോ ചെയ്യുക. ഒരു ഹോബി​യിൽ ഏർപ്പെ​ടുക. സംഗീതം ആസ്വദി​ക്കുക. ഇതി​നെ​ക്കാ​ളു​മെ​ല്ലാം മെച്ചമാ​യ​തുണ്ട്‌, നിങ്ങളു​ടെ ആത്മീയ വിശപ്പ്‌ തൃപ്‌തി​പ്പെ​ടു​ത്താൻ ശ്രമി​ക്കുക. (1 പത്രൊസ്‌ 2:2) എന്തൊ​ക്കെ​യാ​യാ​ലും, ഭക്ഷണം വിശ്വാ​സത്തെ കെട്ടു​പണി ചെയ്യു​ന്നി​ല്ല​ല്ലോ. (താരത​മ്യം ചെയ്യുക: എബ്രായർ 13:9.) പക്ഷേ ബൈബിൾ വായി​ക്കു​ന്നത്‌ അങ്ങനെ ചെയ്യുന്നു. വിശക്കു​ന്നു എന്ന ചിന്തയി​ല്ലാ​തെ നിങ്ങളു​ടെ മനസ്സിനെ അടക്കി​നിർത്താൻ ഇതു നിങ്ങളെ സഹായി​ച്ചേ​ക്കും.

നിങ്ങളു​ടെ ആഹാര​ക്ര​മ​ത്തി​നും ജീവി​ത​ശൈ​ലി​ക്കും മാററം​വ​രു​ത്തൽ

നിങ്ങൾ എന്തു ഭക്ഷിക്കു​ന്നു​വോ അതിലും മാററങ്ങൾ വരു​ത്തേ​ണ്ട​തു​ണ്ടാ​യി​രി​ക്കാം. മേദസ്സ്‌ കഴിക്കു​ന്ന​തി​നെ മോ​ശൈക ന്യായ​പ്ര​മാ​ണം വിലക്കി​യി​രു​ന്നു. (ലേവ്യ​പു​സ്‌തകം 3:16, 17) ഇതു മതപര​മായ കാരണ​ങ്ങ​ളാ​ലാ​യി​രു​ന്നു. എങ്കിലും, വെണ്ണയും ഇറച്ചി​യും ചേർത്ത പലഹാ​ര​മോ എണ്ണയിൽ വറുത്ത ആഹാര​സാ​ധ​ന​ങ്ങ​ളോ പോലുള്ള കൊഴു​പ്പ​ട​ങ്ങിയ ഭക്ഷണങ്ങൾ ഒഴിവാ​ക്കു​ന്നതു നല്ല ആഹാര​ക്ര​മ​മാണ്‌. അതു​പോ​ലെ​തന്നെ, പഞ്ചസാര ചേർത്ത ലഘുപാ​നീ​യങ്ങൾ, കൊഴു​പ്പും മധുര​വു​മുള്ള ബേക്കറി സാധനങ്ങൾ എന്നിവ​യിൽ പോഷ​ക​ഗു​ണം കുറവും കലോറി കൂടു​ത​ലു​മാ​യി​രി​ക്കും. നന്നായി ഉപ്പു​ചേർത്ത നെയ്യി​ല്ലാത്ത മാംസ​ക്ക​ഷ​ണ​ത്തി​നു നല്ല രുചി​യു​ണ്ടാ​യേ​ക്കാം. എങ്കിലും നിങ്ങളു​ടെ ശരീര​ത്തിൽ ജലാംശം നിലനിർത്താൻ അതു കാരണ​മാ​കും.

വല്ലപ്പോ​ഴു​മൊ​ക്കെ നിങ്ങൾക്കി​ഷ്ട​പ്പെട്ട ഭക്ഷണം കുറച്ചു കഴിക്കു​ന്ന​തിൽ ദോഷ​മൊ​ന്നു​മില്ല എന്ന്‌ ഭക്ഷണ​ക്ര​മ​വി​ദ​ഗ്‌ധ​രിൽ മിക്കവ​രും സമ്മതി​ക്കു​ന്നുണ്ട്‌. എന്നാൽ തൂക്കം കുറയ്‌ക്കാൻ നിങ്ങൾ വാസ്‌ത​വ​മാ​യും ആഗ്രഹി​ക്കു​ന്നെ​ങ്കിൽ പഴവർഗങ്ങൾ, പരിപ്പു​വർഗങ്ങൾ, ഉമി കളയാത്ത ധാന്യങ്ങൾ, പച്ചക്കറി​കൾ എന്നിവ​പോ​ലെ കൂടുതൽ ആരോ​ഗ്യ​പ്ര​ദ​മായ ഭക്ഷണസാ​ധ​ന​ങ്ങ​ളോട്‌ ഒരു അഭിരു​ചി വളർത്തി​യെ​ടു​ക്കണം. ഒരു ഭക്ഷണ​ക്ര​മ​വി​ദഗ്‌ധ ഇങ്ങനെ ശുപാർശ ചെയ്യുന്നു: “ബോറ​ടി​ക്കാ​തി​രി​ക്കാൻ വ്യത്യ​സ്‌ത​തരം ഭക്ഷണങ്ങൾ കഴിക്കുക.” നിങ്ങൾ വീട്ടിൽ പാചകം ചെയ്യാ​റി​ല്ലേ? അങ്ങനെ​യെ​ങ്കിൽ മമ്മി​യോ​ടു പറഞ്ഞ്‌ നിങ്ങളെ സഹായി​ക്കാ​നാ​വു​മോ എന്നു നോക്കുക. ഓരോ ദിവസ​വും കഴിക്കുന്ന ഭക്ഷണത്തി​ന്റെ കാര്യ​ത്തിൽ ആരോ​ഗ്യ​പ്ര​ദ​മായ മാററങ്ങൾ വരുത്തി​യാൽ, വാസ്‌ത​വ​ത്തിൽ അതു മുഴു​കു​ടും​ബ​ത്തി​നു​മാണ്‌ മെച്ചമു​ണ്ടാ​ക്കുക.

ഉചിത​മാ​യവ ഭക്ഷിക്കുക എന്നതു പ്രധാ​ന​മാണ്‌. അപ്പോ​ഴും നിങ്ങളു​ടെ തലച്ചോ​റി​ന്റെ “താപസ്ഥാ​പി”യുടെ പ്രവർത്തനം വർധി​പ്പി​ക്കു​ന്നി​ല്ലെ​ങ്കിൽ നിങ്ങളു​ടെ തൂക്കം കുറഞ്ഞു​കി​ട്ടില്ല. എങ്ങനെ? ശ്വാ​സോ​ച്ഛ്വാ​സം ചെയ്യുന്ന വായു​വി​ന്റെ അളവു​കൂ​ട്ടി ഹൃദയ​മി​ടി​പ്പു കൂട്ടുന്ന മിതമായ വ്യായാ​മം (aerobic exercise) ആഴ്‌ച​യിൽ മൂന്നു പ്രാവ​ശ്യ​മെ​ങ്കി​ലും 20 മിനി​ററു നേരം ചെയ്‌തു​കൊണ്ട്‌. (1 തിമൊ​ഥെ​യൊസ്‌ 4:8) വേഗത്തി​ലുള്ള ഒരു നടത്തമോ പടികൾ കയറു​ന്ന​തോ പോലു​ള്ളത്ര ലളിത​മായ എന്തെങ്കി​ലും മതിയാ​കും. നിങ്ങളു​ടെ തൂക്കം അല്ലെങ്കിൽ ശരീര​പ്ര​കൃ​തം എങ്ങനെ​യാ​യി​രു​ന്നാ​ലും വണ്ണം കുറഞ്ഞ​വ​രാ​യും ഒതുക്ക​മു​ള്ള​വ​രാ​യും കാണ​പ്പെ​ടാൻ വ്യായാ​മം നിങ്ങളെ സഹായി​ക്കു​ന്നു. നിങ്ങളി​ലെ ഉപാപ​ച​യ​പ്ര​വർത്തന ചൂളയു​ടെ പ്രവർത്തനം വർധി​പ്പി​ക്കു​മ്പോൾ നിങ്ങൾ കലോ​റി​കളെ വിഘടി​പ്പി​ക്കു​ന്നു, തുടർന്നു കൊഴു​പ്പി​നെ​യും. വ്യായാ​മ​ത്തി​ലൂ​ടെ നിങ്ങളു​ടെ ശരീര​ത്തി​ലെ രാസ​പ്ര​ക്രി​യ​കളെ നിങ്ങൾക്കു മാററി​യെ​ടു​ക്കാൻ കഴിയും. നിങ്ങൾക്കു മാംസ​പേ​ശി​ക​ളു​ടെ അളവു വർധി​പ്പി​ക്കാ​വു​ന്ന​താണ്‌. നിങ്ങൾ ഉറങ്ങു​മ്പോൾപ്പോ​ലും മാംസ​പേ​ശി​കൾ കലോ​റി​കൾ വിഘടി​പ്പി​ക്കു​ന്നു!

സ്ഥിരോ​ത്സാ​ഹ​വും ദൃഢനി​ശ്ച​യ​വു​മു​ണ്ടെ​ങ്കിൽ അമിത​തൂ​ക്ക​ത്തി​നെ​തി​രാ​യുള്ള പോരാ​ട്ട​ത്തിൽ നിങ്ങൾക്കു വിജയം വരിക്കാം.c ഏതാനും റാത്തൽ ഭാരം കുറയ്‌ക്കു​ന്നത്‌ നിങ്ങളു​ടെ എല്ലാ പ്രശ്‌ന​ങ്ങ​ളും പരിഹ​രി​ക്കു​ക​യി​ല്ലെ​ന്നതു ശരിതന്നെ. എന്നാൽ നിങ്ങൾക്കു കൂടുതൽ അഴകും ആശ്വാ​സ​വും ലഭി​ച്ചേ​ക്കാം. ഇപ്പോൾ പണ്ടത്തെ​ക്കാൾ ഭേദം എന്നൊരു തോന്ന​ലും നിങ്ങൾക്കു നിങ്ങ​ളെ​ക്കു​റി​ച്ചു​തന്നെ ഉണ്ടാ​യെ​ന്നും വരാം.

[അടിക്കു​റി​പ്പു​കൾ]

[21-ാം പേജിലെ ചിത്രം]

വ്യായാമവും പോഷ​ക​ഗു​ണ​മുള്ള സമീകൃ​താ​ഹാ​ര​വു​മാണ്‌ സുരക്ഷി​ത​മായ തൂക്കം കുറയ്‌ക്ക​ലി​നുള്ള താക്കോൽ