പുതിയ മരുന്നു​കൾക്കാ​യുള്ള വശ്യത​യാർന്ന അന്വേ​ഷ​ണം

ബ്രിട്ടനിലെ ഉണരുക! ലേഖകൻ

റബ്ബർ, കൊക്കോ, പഞ്ഞി, പിന്നെ വേദനാ​സം​ഹാ​രി​കൾ എന്നിവ​യ്‌ക്കെ​ല്ലാം എന്താണ്‌ പൊതു​വാ​യു​ള്ളത്‌? എല്ലാം സസ്യങ്ങ​ളിൽനി​ന്നു ലഭിക്കാ​വു​ന്നവ. പ്രകാ​ശ​സം​ശ്ലേ​ഷണം മുഖാ​ന്തരം സസ്യങ്ങൾ പഞ്ചസാ​ര​യും ഓക്‌സി​ജ​നും ഉത്‌പാ​ദി​പ്പി​ക്കു​ന്നു. ഇതിനു​പു​റമേ, മററ്‌ അടിസ്ഥാന രാസനിർമാണ ഘടകങ്ങ​ളിൽനിന്ന്‌ ഒട്ടനവധി പദാർഥങ്ങൾ ഹരിത​സ​സ്യ​ങ്ങൾ ഉത്‌പാ​ദി​പ്പി​ക്കു​ന്നുണ്ട്‌. ഈ ഉപരാ​സ​പ​ദാർഥ​ങ്ങ​ളാണ്‌ ഓരോ സസ്യത്തി​നും തനതായ ഗുണങ്ങൾ പ്രദാ​നം​ചെ​യ്യു​ന്നത്‌.

ചൊറി​യ​ണം​കൊ​ണ്ടുള്ള ചൊറി​ച്ചിൽ, ആപ്പിളി​ന്റെ കടുരസം, റോസാ​പൂ​വി​ന്റെ മൃദു​ല​പ​രി​മളം എന്നിവ​യെ​ല്ലാം സാധ്യ​മാ​കു​ന്നത്‌ സസ്യങ്ങൾ സ്വയം ഉത്‌പാ​ദി​പ്പി​ക്കുന്ന രാസപ​ദാർഥ​ങ്ങ​ളു​ടെ വ്യത്യസ്‌ത രീതി​യി​ലുള്ള സമ്മി​ശ്ര​ണ​ങ്ങ​ളു​ടെ ഫലമാ​യി​ട്ടാണ്‌. അതു​കൊണ്ട്‌, പലപ്പോ​ഴും ഏക ഉത്‌പന്നം എന്നു തോന്നി​യേ​ക്കാ​വുന്ന ഒരു സംഗതി വാസ്‌ത​വ​ത്തിൽ വളരെ സങ്കീർണ​മായ ഒരു മിശ്രി​ത​മാണ്‌.

പ്രകൃ​തി​യു​ടെ രാസഫാ​ക്ട​റി​കൾ

കൊ​ക്കോ​യു​ടെ സ്വതസി​ദ്ധ​മായ വാസന​യു​ടെ കാര്യ​മെ​ടു​ക്കുക. ഈ അനിത​ര​സാ​ധാ​രണ നറുമണം സാധ്യ​മാ​ക്കാൻ കൂടി​ക്ക​ല​രുന്ന, വാതക​മാ​ക്കാ​വുന്ന 84 വ്യത്യസ്‌ത രാസപ​ദാർഥങ്ങൾ ഇതുവരെ ശാസ്‌ത്ര​ജ്ഞൻമാർ കണ്ടെത്തി​യി​ട്ടുണ്ട്‌ എന്നു നിങ്ങൾക്ക്‌ അറിയാ​മോ? അങ്ങേയ​ററം സങ്കീർണ​മായ ഘടകങ്ങ​ളാ​ണു കൊ​ക്കോ​ക്കു​രു​വിൽ അടങ്ങി​യി​രി​ക്കു​ന്നത്‌. അവ ഏതെല്ലാ​മെന്നു തിരി​ച്ച​റി​യാൻ അടുത്ത​കാ​ലത്തു വളരെ​യ​ധി​കം ശ്രമങ്ങൾ നടന്നി​ട്ടുണ്ട്‌. അതു പ്രകൃ​തി​ദ​ത്ത​മായ ഒരു ഉത്‌പന്നം മാത്ര​മാണ്‌.

കൊഴു​പ്പു​ള്ള ഒരു പദാർഥ​മാണ്‌ കൊള​സ്‌​ട്രോൾ. ഒരുപക്ഷേ, സാധ്യ​ത​യ​നു​സ​രിച്ച്‌ മനുഷ്യ​രി​ലെ ഹൃ​ദ്രോ​ഗ​വു​മാ​യി അതിനു​ണ്ടെന്നു തോന്നുന്ന ബന്ധം നിമി​ത്ത​മാ​യി​രി​ക്കാം അത്‌ ഏററവും നന്നായി അറിയ​പ്പെ​ടു​ന്നത്‌. എന്നിരു​ന്നാ​ലും, ഇതു ചില സസ്യങ്ങ​ളിൽ സ്‌ററി​റോ​യ്‌ഡു​കൾ എന്നു വിളി​ക്ക​പ്പെ​ടുന്ന ഒരു കൂട്ടം ജീവത്‌പ്ര​ധാന രാസപ​ദാർഥങ്ങൾ നിർമി​ക്കു​ന്ന​തി​നുള്ള ആദ്യഘ​ട​ക​മാണ്‌. ജീവകം ഡി, (കോർട്ടി​സോൺ പോലുള്ള) ഹോർമോ​ണു​കൾ, പഴുപ്പി​നെ​തി​രാ​യുള്ള ബെറെ​റ​മ​ത്ത​സോൻ എന്നീ മരുന്നു​കൾ എല്ലാം സ്‌ററി​റോ​യി​ഡു​ക​ളിൽ അടങ്ങുന്നു. വായി​ലൂ​ടെ കഴിക്കാ​വുന്ന ഗർഭനി​രോ​ധന മരുന്നു നിർമാ​ണ​ത്തിൽ ഉപയോ​ഗി​ക്കുന്ന ഡൈ​യോ​ഷെ​നിൻ എന്ന സ്‌ററി​റോ​യ്‌ഡ്‌ ഉത്‌പാ​ദി​പ്പി​ക്കു​ന്നത്‌ ചിലയി​നം കാട്ടു​കി​ഴ​ങ്ങിൽനി​ന്നാണ്‌. എന്നാൽ ഹെക്കു​ഷെ​നി​നിൽനി​ന്നാണ്‌ കോർട്ടി​സോൺ നിർമി​ക്ക​പ്പെ​ടു​ന്നത്‌. പ്രകൃ​തി​ദ​ത്ത​മായ ഒരു സ്‌ററി​റോ​യി​ഡായ ഹെക്കു​ഷ​നിൻ വേർതി​രി​ച്ചെ​ടു​ക്കു​ന്നത്‌ നാരു​ണ്ടാ​ക്കി​യ​തി​നു​ശേ​ഷ​മുള്ള സൈസൽ ഇലയുടെ കുഴമ്പിൽനി​ന്നാണ്‌. സസ്യക​ല​ക​ളിൽനി​ന്നാണ്‌ ഇന്നത്തെ പല പുതിയ മരുന്നു​ക​ളും ആദ്യമാ​യി ലഭിച്ചത്‌.

സസ്യങ്ങ​ളും മനുഷ്യ​രും

മനുഷ്യൻ കൃത്രിമ മരുന്നു​കൾ ഉപയോ​ഗി​ക്കു​ന്നു എന്നത്‌ ഒരു ആധുനിക വൈദ്യ​ശാ​സ്‌ത്ര പുരോ​ഗ​തി​യാണ്‌. എങ്കിലും ആയിര​ക്ക​ണ​ക്കി​നു വർഷങ്ങ​ളാ​യി സാധാരണ രോഗ​ങ്ങൾക്കുള്ള പ്രതി​വി​ധി​യാ​യി സസ്യസ​ത്തു​കൾ ഉപയോ​ഗി​ച്ചു​പോ​ന്നി​ട്ടുണ്ട്‌. വേദന ശമിപ്പി​ക്കാൻ സർവസാ​ധാ​ര​ണ​മായ കാക്കച്ചു​വടി (anemone) ഉപയോ​ഗി​ച്ചി​രു​ന്ന​താ​യി പ്രാചീന അസീറി​യൻ രേഖാ​വി​വ​ര​ണ​ങ്ങ​ളി​ലുണ്ട്‌. ഈജി​പ്‌തി​ലെ ഫറവോൻമാ​രു​ടെ കാലം​തൊ​ട്ടുള്ള ചികിത്സാ പുൽച്ചു​രുൾഗ്ര​ന്ഥങ്ങൾ ഔഷധ​ച്ചെ​ടി​കൾ വ്യാപ​ക​മാ​യി ഉപയോ​ഗി​ച്ചി​രു​ന്ന​താ​യി വെളി​പ്പെ​ടു​ത്തു​ന്നു.

ലോക​വി​സ്‌തൃ​ത​മാ​യി ഏതാണ്ട്‌ 20,000 ഔഷധ​ച്ചെ​ടി​കൾ ഉപയോ​ഗി​ക്കു​ന്ന​താ​യി ലോകാ​രോ​ഗ്യ​സം​ഘടന രേഖ​പ്പെ​ടു​ത്തി​യി​ട്ടുണ്ട്‌. ബ്രിട്ട​നിൽ മാത്രം ഏതാണ്ട്‌ 5,500 വ്യത്യസ്‌ത ഔഷധ ഉത്‌പ​ന്ന​ങ്ങ​ളിൽ ചേരു​വ​ക​ളാ​യി 6,000 മുതൽ 7,000 വരെ ടൺ ഔഷധി​കൾ വർഷം​തോ​റും ഉപയോ​ഗി​ക്കു​ന്ന​താ​യി കണക്കാ​ക്ക​പ്പെ​ടു​ന്നു. ഐക്യ​നാ​ടു​ക​ളി​ലെ ഡോക്ടർമാ​രു​ടെ മരുന്നു​കു​റി​പ്പ​ടി​ക​ളിൽ പകുതി​യി​ല​ധി​ക​വും സസ്യങ്ങ​ളിൽനി​ന്നു വേർതി​രി​ച്ചെ​ടു​ക്കുന്ന മരുന്നു​കൾക്കു​വേ​ണ്ടി​യു​ള്ള​താണ്‌.

പുതിയ മരുന്നു​കൾ കണ്ടെത്തൽ

ലോക​ത്തിൽ 2,50,000-ത്തോളം സസ്യ വർഗങ്ങൾ ഉണ്ട്‌. ഓരോ​ന്നി​നും മിക്കവാ​റും അതി​ന്റേ​തായ അനുപമ രാസഘ​ട​ന​യുണ്ട്‌. പ്രയോ​ജ​ന​പ്ര​ദ​മായ മരുന്നു​കൾ കണ്ടെത്തു​ന്ന​തി​നുള്ള സൂചന​കൾക്കാ​യി ശാസ്‌ത്ര​ജ്ഞൻമാർ നിരന്തരം അന്വേ​ഷണം നടത്തി​ക്കൊ​ണ്ടി​രി​ക്കു​ക​യാണ്‌. തങ്ങളുടെ പ്രദേ​ശത്തു വളരുന്ന സസ്യങ്ങളെ ഉപയോ​ഗി​ച്ചു​കൊണ്ട്‌ ആളുകൾ എങ്ങനെ രോഗ​ചി​കിത്സ നടത്തുന്നു എന്നു പഠിക്കു​ക​യാണ്‌ വ്യക്തമായ മാർഗ​ങ്ങ​ളിൽ ഒന്ന്‌.

കൊ​ക്കെ​യി​നി​ന്റെ കണ്ടുപി​ടി​ത്തം ആരംഭി​ച്ചത്‌ നിരീ​ക്ഷ​ണ​ത്തിൽനി​ന്നാണ്‌. കോക​ച്ചെ​ടി​യു​ടെ ഇലകൾ ചവച്ച​പ്പോൾ അതു വിശപ്പ​ക​റ​റു​ക​യും ക്ഷീണമ​ക​റ​റു​ക​യും ചെയ്‌ത​താ​യി കണ്ടു. കൊ​ക്കെ​യിൻ തൻമാ​ത്രയെ വേർതി​രിച്ച്‌ അതിന്റെ ഘടനയ്‌ക്കു ചെറി​യൊ​രു മാററം വരുത്തി​ക്കൊണ്ട്‌ രസത​ന്ത്രജ്ഞർ ഒരു കൃത്രിമ കൂട്ടു​വ്യു​ത്‌പന്നം ഉണ്ടാക്കി​യെ​ടു​ത്തു. ഇതു ശരീര​ത്തി​ന്റെ ഏതെങ്കി​ലും ഒരു ഭാഗത്തു വേദന അകററാൻ ഉപയോ​ഗി​ക്കു​ന്നു. വേദന തോന്നാ​തി​രി​ക്കാൻ ദന്തഡോ​ക്ടർ നിങ്ങളു​ടെ താടി​യു​ടെ ഒരു ഭാഗം “മരവി​പ്പി​ക്കാൻ” ഒരു ഇൻജെക്ഷൻ തന്നിട്ടു​ണ്ടാ​കും. അപ്പോൾ ഈ ഗവേഷ​ണ​ത്തിൽനി​ന്നു നിങ്ങൾക്കും പ്രയോ​ജ​ന​മു​ണ്ടാ​യി എന്നർഥം.

സസ്യങ്ങ​ളു​ടെ ഉപയോ​ഗത്തെ സംബന്ധി​ച്ചുള്ള വില​യേ​റിയ പല വിവര​ങ്ങ​ളും ഇപ്പോ​ഴും സസ്യശാ​സ്‌ത്ര ഫയലു​ക​ളിൽത്ത​ന്നെ​യാണ്‌. ഹാർവാർഡ്‌ യൂണി​വേ​ഴ്‌സി​റ​റി​യു​ടെ ഗ്രേയ്‌ ഹെർഭാ​രി​യം ആൻഡ്‌ ആർനോൾഡ്‌ ആർബൊ​രി​റ​റ​മിൽ 25 ലക്ഷം സാമ്പി​ളു​കൾ പരി​ശോ​ധി​ച്ചു​കൊണ്ട്‌ നാലു വർഷത്തി​ല​ധി​കം ചെലവ​ഴിച്ച ശാസ്‌ത്ര​ജ്ഞൻമാർക്ക്‌ 5,000-ത്തിലധി​കം സസ്യ സ്‌പി​ഷീ​സു​കളെ ചൂണ്ടി​ക്കാ​ണി​ക്കാൻ കഴിഞ്ഞു. എന്നാൽ, മരുന്നി​നു കൊള്ളാ​വു​ന്ന​ത​ല്ലെ​ന്ന​മ​ട്ടിൽ മുമ്പ്‌ തള്ളിക്ക​ള​ഞ്ഞ​വ​യാ​യി​രു​ന്നു അവ.

അന്വേ​ഷ​ണ​ത്തി​ന്റെ മറെറാ​രു രീതി സസ്യങ്ങ​ളിൽ അടങ്ങി​യി​രി​ക്കുന്ന രാസഘ​ട​ക​ങ്ങളെ താരത​മ്യം ചെയ്യലാണ്‌. ഒരു സ്‌പി​ഷീ​സിൽ ഉപയോ​ഗ​പ്ര​ദ​മായ രാസസം​യു​ക്തങ്ങൾ ഉണ്ടെങ്കിൽ, ബന്ധപ്പെട്ട സ്‌പി​ഷീ​സു​ക​ളും വില​പ്പെ​ട്ട​താ​യേ​ക്കാം. ഒരു വടക്കേ ആസ്‌​ട്രേ​ലി​യൻ വൃക്ഷമായ മോർട്ടൺ ബേ ചെസ്‌റ​റ്‌ന​ട്ടി​നെ​ക്കു​റി​ച്ചു നടത്തിയ ഗവേഷണം വൈറ​സി​നെ​തി​രെ പ്രവർത്തി​ക്കുന്ന കസ്‌റ​റ​നോ​സ്‌പർമൈൻ എന്ന ഒരു തരം വിഷം വേർതി​രി​ച്ചെ​ടു​ത്തു. ബന്ധപ്പെട്ട വൃക്ഷങ്ങളെ തേടുന്ന സസ്യശാ​സ്‌ത്ര​ജ്ഞൻമാർ തെക്കേ അമേരി​ക്കൻ അലക്‌സാ​യെ കുറിച്ചു ഗവേഷണം നടത്തണ​മെന്നു നിർദേ​ശി​ക്കു​ക​യു​ണ്ടാ​യി.

അർബു​ദ​ത്തി​നെ​തി​രെ​യുള്ള ഗവേഷണം

ചില​പ്പോ​ഴൊ​ക്കെ സൂചനകൾ തെററി​ദ്ധ​രി​പ്പി​ക്കു​ന്ന​തും പ്രതീ​ക്ഷി​ക്കാത്ത ഫലങ്ങൾ ഉണ്ടാക്കു​ന്ന​തും ആയിരി​ക്കാം. ഉദാഹ​ര​ണ​ത്തിന്‌, മഡഗാ​സ്‌ക​റി​ലെ ഒരു ചെടി​യായ പെറി​വി​ങ്ക​ളി​ന്റെ സത്ത്‌ പ്രമേ​ഹ​ചി​കി​ത്സ​യ്‌ക്ക്‌ ഉപകരി​ക്കു​ന്നു എന്ന്‌ അവകാ​ശ​പ്പെ​ട്ടി​രു​ന്നു. കനേഡി​യൻ ഗവേഷ​ണ​വി​ഭാ​ഗം ജോലി​ക്കാർ അതു സംബന്ധി​ച്ചു പരീക്ഷണം ആരംഭി​ച്ചു. അവരെ അമ്പരപ്പി​ച്ചു​കൊണ്ട്‌ പെറി​വി​ങ്ക​ളി​ന്റെ സത്ത്‌ ശ്വേത​ര​ക്താ​ണു​ക്ക​ളു​ടെ ഉത്‌പാ​ദനം കുറച്ചു​കൊണ്ട്‌ രോഗ​പ്ര​തി​രോധ വ്യവസ്ഥയെ ഞെരു​ക്കി​ക്ക​ളഞ്ഞു. അങ്ങനെ​യാ​ണു ശ്വേത​ര​ക്താ​ണു​ക്കൾക്കു​ണ്ടാ​കുന്ന അർബു​ദ​മായ രക്താർബു​ദ​ത്തി​നെ​തി​രെ ഈ സത്ത്‌ പരീക്ഷി​ക്കാ​മെന്ന ആശയം ഡോക്ടർമാർക്കു പിടി​കി​ട്ടി​യത്‌.

അവസാനം ഏതാണ്ടു 90 പദാർഥങ്ങൾ വേർതി​രി​ച്ചെ​ടു​ത്തു. അവയിൽ വിൻക്രി​സ്‌​റൈറൻ, വിൻബ​സ്ല്‌റെറൻ എന്നിങ്ങനെ അറിയ​പ്പെ​ടുന്ന രണ്ടെണ്ണം ചികി​ത്സാർഥം പ്രയോ​ജ​ന​ക​ര​മാ​ണെന്നു തെളിഞ്ഞു. അവ സസ്യത്തിൽ വളരെ കുറ​ച്ചേ​യു​ള്ളൂ. 2 ഗ്രാം വിൻക്രി​സ്‌​റൈറൻ ഉണ്ടാക്കാൻ ഏകദേശം ഒരു ടൺ സസ്യപ​ദാർഥം വേണം. ഈ മിശ്ര​ണ​ങ്ങ​ളും അവയുടെ വ്യുത്‌പ​ന്ന​ങ്ങ​ളും പ്രദാനം ചെയ്യുന്ന ഒരു രാസചി​കി​ത്സ​യാണ്‌ ഇന്നു കുട്ടി​കൾക്കു​ണ്ടാ​കുന്ന രക്താർബു​ദ​ത്തി​നുള്ള ചികി​ത്സ​യിൽ ലോക​വ്യാ​പ​ക​മാ​യി ഉപയോ​ഗി​ച്ചു​വ​രു​ന്നത്‌.

1950-കളുടെ അവസാ​ന​ത്തിൽ യു.എസ്‌. നാഷണൽ ക്യാൻസർ ഇൻസ്‌റ​റി​റ​റ്യൂട്ട്‌ ഒരു 25-വർഷ-പരി​ശോ​ധനാ പരിപാ​ടി​ക്കു തുടക്ക​മി​ടു​ക​യു​ണ്ടാ​യി. ഈ കാലയ​ള​വിൽ ക്യാൻസർ വളർത്ത​ലു​ക​ളിൻമേൽ (cancer cultures) ട്യൂമർവി​രുദ്ധ പ്രവർത്ത​ന​ത്തി​നു​വേണ്ടി 40,000 വർഗങ്ങ​ളിൽനി​ന്നുള്ള 1,14,000 സസ്യ സത്തുകൾ പരി​ശോ​ധി​ക്ക​പ്പെ​ടു​ക​യു​ണ്ടാ​യി. ഇവയിൽ 4,500 സത്തുകൾ, ഇനിയും ഗവേഷ​ണ​ത്തി​നു വഴി​യൊ​രു​ക്കി​ക്കൊണ്ട്‌ ശ്രദ്ധേ​യ​മായ ഫലമു​ണ്ടാ​ക്കി. പക്ഷേ, അത്തരം ഗവേഷ​ണ​ത്തി​ന്റെ നേരി​ട്ടുള്ള ഫലമെ​ന്നോ​ണം “അർബു​ദ​ത്തി​നെ​തി​രായ ഫലപ്ര​ദ​മായ മരുന്നു​കൾ വാസ്‌ത​വ​ത്തിൽ കണ്ടുപി​ടി​ക്കാ​നുള്ള സാധ്യത തീരെ​യില്ല” എന്ന്‌ ഔഷധ​ശാ​സ്‌​ത്രോ​പ​ദേ​ഷ്ടാ​വായ ഡോ. ഡബ്ലിയു. ഇവൻസ്‌ ചൂണ്ടി​ക്കാ​ണി​ക്കു​ന്ന​തി​നും പ്രാധാ​ന്യ​മുണ്ട്‌. ഒട്ടനവധി തരത്തി​ലുള്ള അർബു​ദ​ങ്ങ​ളുണ്ട്‌. ശീഘ്ര​വ​ളർച്ച​യുള്ള ഏതാനും അർബുദ-കോശ വളർത്ത​ലു​കളേ ഈ പരീക്ഷ​ണ​ങ്ങ​ളിൽ ഉപയോ​ഗി​ച്ചി​ട്ടു​ള്ളൂ.

പഴയ സസ്യങ്ങ​ളിൽനി​ന്നു പുതിയ മരുന്നു​കൾ

സുപരി​ചിത സസ്യങ്ങൾ ഗവേഷ​കർക്കു ചിന്തയ്‌ക്കുള്ള കൂടു​ത​ലായ വക നൽകു​ന്നുണ്ട്‌. ഉദാഹ​ര​ണ​ത്തിന്‌, ഇപ്പോൾ ഇഞ്ചി ഛർദി​ശ​മ​നൗ​ഷ​ധ​മാ​യി ഉപയോ​ഗി​ക്കു​ന്നു. കൂടാതെ, ചലനസം​ബ​ന്ധ​മായ അസുഖ​ങ്ങൾക്കും ഇതു വിശേ​ഷാൽ ഫലപ്ര​ദ​മാണ്‌.a ഇനി, ഉഷ്‌ണ​മേ​ഖലാ പ്രദേ​ശ​ങ്ങ​ളിൽ പരാദ​ജീ​വി വരുത്തുന്ന രോഗ​മായ ഷിസ്‌റേ​റാ​സോ​മി​യാ​സിസ്‌ (ബിൽഹാർസിയ) പിടി​പെ​ട്ട​വർക്ക്‌ ആശ്വാ​സ​മേ​കുന്ന കാര്യ​ത്തിൽ ഇഞ്ചി വളരെ വിലപ്പെട്ട സഹായ​മാ​ണെന്നു തെളി​ഞ്ഞി​രി​ക്കു​ന്ന​തും വിശേ​ഷിച്ച്‌ എടുത്തു​പ​റ​യാ​വു​ന്ന​താണ്‌. രോഗ​ബാ​ധി​ത​രായ നൈജീ​രി​യൻ സ്‌കൂൾ കുട്ടി​കൾക്കു ചുക്കു​പൊ​ടി​ഗു​ളി​കകൾ പരീക്ഷ​ണാർഥം കൊടു​ത്ത​പ്പോൾ അവരുടെ മൂത്ര​ത്തി​ലൂ​ടെ​യുള്ള രക്തം​പോക്ക്‌ നിൽക്കു​ക​യും ഷിസ്‌റേ​റാ​സോം മുട്ടക​ളു​ടെ എണ്ണം കുറയു​ക​യും ചെയ്‌തു.

കൂടുതൽ മരുന്നു​കൾ ലഭിക്കാ​നുള്ള തിരച്ചി​ലു​മാ​യി ബന്ധപ്പെട്ട്‌ സസ്യ​ലോ​കത്തെ പരീക്ഷ​ണ​വി​ധേ​യ​മാ​ക്കുന്ന ഉദ്യമം ഗവേഷകർ കേവലം ആരംഭി​ച്ചി​ട്ടേ​യു​ള്ളൂ. ഏറെക്കു​റെ സുപരി​ചി​ത​മായ സസ്യങ്ങളെ സംബന്ധി​ച്ചു​പോ​ലും ഇനിയും എത്രയോ രഹസ്യങ്ങൾ അവശേ​ഷി​ക്കു​ന്നു. ഇരട്ടി​മ​ധു​ര​ത്തിന്‌ ഇപ്പോൾ വലിയ ഡിമാൻഡാണ്‌. കാരണം അതിൽ കണ്ടെത്തി​യി​രി​ക്കുന്ന രാസപ​ദാർഥങ്ങൾ പഴുപ്പി​നെ​തി​രെ ഫലപ്ര​ദ​മായ മരുന്നാണ്‌. ഇനി അതിന്റെ ഉപഉത്‌പ​ന്ന​ങ്ങ​ളു​ടെ കാര്യ​മെ​ടു​ക്കുക. അവയ്‌ക്കു രക്തവാതം ബാധി​ച്ച​വർക്ക്‌ ആശ്വാസം പ്രദാനം ചെയ്യാ​നാ​കും. ഫംഗസു​കൾക്കും സൂക്ഷ്‌മാ​ണു​ക്കൾക്കും എതി​രെ​യുള്ള ഫലങ്ങൾക്കാ​യി ശാസ്‌ത്ര​ജ്ഞൻമാർ സാധാരണ തോട്ട​പ്പ​യ​റും പരീക്ഷി​ക്കു​ന്നുണ്ട്‌.

സസ്യങ്ങ​ളെ​ക്കു​റി​ച്ചുള്ള രേഖ പൂർത്തീ​ക​രി​ക്കു​ന്ന​തി​നു മുമ്പായി ലോക​ത്തി​ന്റെ ചില ഭാഗങ്ങ​ളിൽ സസ്യ സ്‌പി​ഷീ​സു​കൾ അനിയ​ന്ത്രി​ത​മാ​യി നശിപ്പി​ക്ക​പ്പെ​ടു​ന്നു. ഇതിനർഥം പുതിയ മരുന്നു​കൾക്കാ​യുള്ള തിരച്ചിൽ അതി​വേഗം നടത്തണം എന്നാണ്‌. സസ്യങ്ങ​ളെ​യും അവയുടെ ജനിതക സംരക്ഷ​ണ​ത്തെ​യും പററി​യുള്ള ശ്രദ്ധാ​പൂർവ​ക​മായ രസത​ന്ത്രാ​പ​ഗ്ര​ഥ​ന​ത്തിന്‌ അങ്ങേയ​റ​റത്തെ മുൻഗണന ലഭിക്കണം. പരിചി​ത​മായ സസ്യങ്ങ​ളു​ടെ കാര്യ​ത്തിൽപ്പോ​ലും ഇതു വേണ്ടതാണ്‌. പക്ഷേ, പരിഹ​രി​ച്ചി​ട്ടി​ല്ലാത്ത ഒരു കുഴഞ്ഞ​പ്ര​ശ്‌നം ഇനിയും ബാക്കി​നിൽക്കു​ന്നു: ഈ അസാധാ​രണ രാസപ​ദാർഥ​ങ്ങ​ളിൽ മിക്കതി​നെ​ക്കൊ​ണ്ടും എന്ത്‌ ഉപയോ​ഗ​മാണ്‌ സസ്യങ്ങൾക്കു​ത​ന്നെ​യു​ള്ളത്‌? ഉദാഹ​ര​ണ​ത്തിന്‌, കോഴി​ച്ചീ​ര​യിൽ അടങ്ങി​യി​രി​ക്കുന്ന വൻതോ​തി​ലുള്ള നോർഅ​ഡ്രി​ന​ലിൻ. മനുഷ്യ​ക്ഷേ​മ​ത്തിന്‌ അത്യന്താ​പേ​ക്ഷി​ത​മായ ഈ ഹോർമോൺ അതിൽ ഇത്രയ​ധി​കം എന്തിനാണ്‌?

വാസ്‌ത​വ​ത്തിൽ, സസ്യജാ​ല​ങ്ങ​ളു​ടെ സങ്കീർണ​ത​ക​ളെ​ക്കു​റി​ച്ചുള്ള നമ്മുടെ അറിവ്‌ ഇപ്പോ​ഴും അങ്ങേയ​ററം പരിമി​ത​മാണ്‌. എന്നാൽ നാം അറിഞ്ഞി​ട​ത്തോ​ളം സംഗതി​കൾ വിരൽചൂ​ണ്ടു​ന്നത്‌ ഒരു ആകമാന രൂപസം​വി​ധാ​ന​ത്തി​ലേ​ക്കാണ്‌, ഒപ്പം ഒരു മഹാരൂ​പ​സം​വി​ധാ​യ​ക​നുള്ള ബഹുമ​തി​യി​ലേ​ക്കും.

[അടിക്കു​റി​പ്പു​കൾ]

[24-ാം പേജിലെ ചിത്രം]

ചലനരോഗങ്ങൾക്കുള്ള പ്രത്യൗ​ഷ​ധ​മാ​യി ഇഞ്ചി ഉപയോ​ഗി​ക്ക​പ്പെ​ടു​ന്നു