യുവജ​നങ്ങൾ ചോദി​ക്കു​ന്നു. . .

ആരോ​ടെ​ങ്കി​ലും പ്രേമം തോന്നു​ന്നത്‌ എനി​ക്കെ​ങ്ങനെ നിർത്താ​നാ​കും?

“ഞാൻ 20 വയസ്സുള്ള ഒരു സ്‌നാ​പ​ന​മേററ യഹോ​വ​യു​ടെ സാക്ഷി​യാണ്‌. എന്നാൽ ഞാൻ 28 വയസ്സുള്ള ഒരു [അവിശ്വാ​സി​യു​മാ​യി] ഡേററി​ങ്ങി​ലേർപ്പെ​ടാൻ തുടങ്ങി. ഞാൻ അയാളെ സ്‌നേ​ഹി​ച്ചു, അയാൾ എന്നെ സ്‌നേ​ഹി​ക്കു​ന്നു​വെന്നു ഞാൻ വിശ്വ​സി​ക്കു​ക​യും ചെയ്‌തു. എന്റെ മാതാ​പി​താ​ക്കൾ അതി​നെ​ക്കു​റിച്ച്‌ അറിഞ്ഞി​രു​ന്നില്ല, കാരണം അവർ അതിനെ അംഗീ​ക​രി​ക്കു​ക​യി​ല്ലെന്ന്‌ എനിക്ക​റി​യാ​മാ​യി​രു​ന്നു. എന്നാൽ അവർ അതു കണ്ടുപി​ടി​ച്ച​പ്പോൾ അത്‌ അവർക്കു വേദന​യും ഞെട്ടലു​മു​ള​വാ​ക്കി. ഒരു ലോക​ക്കാ​ര​നു​മാ​യി വൈകാ​രി​ക​മാ​യി ഉൾപ്പെ​ടാൻ എനി​ക്കെ​ങ്ങനെ കഴിഞ്ഞു​വെന്ന്‌ അവർക്കു മനസ്സി​ലാ​യില്ല.”

ഒരു ക്രിസ്‌തീയ യുവതി എഴുതി​യത്‌ അപ്രകാ​ര​മാണ്‌. അവളെ നമുക്കു മോണീക്ക്‌ എന്നു വിളി​ക്കാം.a ദുഃഖ​ക​ര​മെന്നു പറയട്ടെ, തങ്ങൾ സമാന​മായ വിഷമാ​വ​സ്ഥ​യി​ലാ​ണെന്നു ധാരാളം യുവജ​നങ്ങൾ കണ്ടെത്തി​യി​ട്ടുണ്ട്‌. അതായത്‌ തങ്ങളുടെ ക്രിസ്‌തീയ വിശ്വാ​സ​ങ്ങ​ളും ധാർമിക നിലവാ​ര​ങ്ങ​ളും പങ്കു​വെ​ക്കാത്ത ആരോ​ടെ​ങ്കി​ലും പ്രേമം തോന്നു​ക​യോ പ്രണയ​പൂർവ​ക​മായ ഒരു അടുപ്പം തോന്നു​ക​യോ ചെയ്യുന്ന അവസ്ഥ. അത്തര​മൊ​രു ബന്ധം ദൈവത്തെ അപ്രീ​തി​പ്പെ​ടു​ത്തു​ന്നു​വെന്നു മാത്രമല്ല, ഒരുവന്റെ സന്തുഷ്ടി​ക്കും ക്ഷേമത്തി​നും ഗുരു​ത​ര​മായ ഒരു ഭീഷണി​യും കൂടെ​യാ​ണെന്ന്‌ ഈ പരമ്പര​യി​ലെ മുൻ ലേഖനം (ഉണരുക! മേയ്‌ 22, 1994) പ്രകട​മാ​ക്കി. യുവതി​യായ രൂത്ത്‌ ഈ വസ്‌തുത തിരി​ച്ച​റി​യാ​നി​ട​യാ​യി. “അവിശ്വാ​സി​യായ ഒരാളു​മാ​യി ഞാൻ വളരെ അടുപ്പ​ത്തി​ലാ​യി. എന്നാൽ യഹോ​വ​യു​മാ​യി എനിക്ക്‌ എന്തെങ്കി​ലും തരത്തി​ലുള്ള ഒരു ബന്ധമു​ണ്ടാ​യി​രി​ക്ക​ണ​മെ​ങ്കിൽ അയാളു​മാ​യുള്ള ബന്ധം വിച്‌ഛേ​ദി​ക്കേ​ണ്ട​താ​ണെന്നു ഞാൻ മനസ്സി​ലാ​ക്കി” എന്ന്‌ അവൾ തുറന്നു പറയുന്നു.

നിങ്ങൾ ഒരു ക്രിസ്‌ത്യാ​നി​യാ​ണെ​ങ്കിൽ, യാക്കോബ്‌ 4:4-ലെ ബൈബിൾ വാക്കുകൾ നിങ്ങൾക്കു മനഃപാ​ഠ​മാ​യി​രി​ക്കാം: “ലോക​സ്‌നേഹം ദൈവ​ത്തോ​ടു ശത്രു​ത്വം ആകുന്നു എന്നു നിങ്ങൾ അറിയു​ന്നി​ല്ല​യോ? ആകയാൽ ലോക​ത്തി​ന്റെ സ്‌നേ​ഹി​തൻ ആകുവാൻ ഇച്ഛിക്കു​ന്ന​വ​നെ​ല്ലാം ദൈവ​ത്തി​ന്റെ ശത്രു​വാ​യി​ത്തീ​രു​ന്നു.” എന്നാൽ നിങ്ങൾ ഒരു അവിശ്വാ​സി​യു​മാ​യി വൈകാ​രി​ക​മായ ഒരു വിധത്തിൽ ഉൾപ്പെ​ട്ടി​രി​ക്കു​ന്നു​വെ​ങ്കിൽ, ഈ വാക്കുകൾ ബാധക​മാ​ക്കുക അത്ര എളുപ്പ​മുള്ള സംഗതി ആയിരി​ക്കില്ല. ആ ബന്ധം വിച്‌ഛേ​ദി​ക്കുക എന്ന ആശയം പോലും നിങ്ങളെ ആകുല​പ്പെ​ടു​ത്തി​യേ​ക്കാം. ഫലത്തിൽ നിങ്ങൾ തകർന്നു​പോ​യ​താ​യി ഉള്ളിൽ തോന്നി​യേ​ക്കാം. ‘ഒരാ​ളോ​ടു പ്രേമം തോന്നു​ന്നത്‌ എനി​ക്കെ​ങ്ങനെ ഒഴിവാ​ക്കാ​നാ​കും?’ എന്നു നിങ്ങൾ ചോദി​ച്ചേ​ക്കാം.

അപ്പോ​സ്‌ത​ല​നാ​യ പൗലോസ്‌ ഒരിക്കൽ ഇപ്രകാ​രം പറഞ്ഞു: “ഉള്ളം​കൊ​ണ്ടു ഞാൻ ദൈവ​ത്തി​ന്റെ ന്യായ​പ്ര​മാ​ണ​ത്തിൽ രസിക്കു​ന്നു. എങ്കിലും എന്റെ ബുദ്ധി​യു​ടെ പ്രമാ​ണ​ത്തോ​ടു പോരാ​ടുന്ന വേറൊ​രു പ്രമാണം ഞാൻ എന്റെ അവയവ​ങ്ങ​ളിൽ കാണുന്നു; അതു എന്റെ അവയവ​ങ്ങ​ളി​ലുള്ള പാപ​പ്ര​മാ​ണ​ത്തി​ന്നു എന്നെ ബദ്ധനാ​ക്കി​ക്ക​ള​യു​ന്നു. അയ്യോ, ഞാൻ അരിഷ്ട​മ​നു​ഷ്യൻ!” (റോമർ 7:22-24) പൗലോ​സി​നെ​പ്പോ​ലെ, നിങ്ങളു​ടെ വികാ​ര​ങ്ങ​ളോ​ടുള്ള ഒരു പോരാ​ട്ടം നിങ്ങൾ അനുഭ​വി​ക്കു​ന്നു​ണ്ടാ​യി​രി​ക്കാം. എന്നാൽ, അനേകം ക്രിസ്‌തീയ യുവജ​നങ്ങൾ ഈ പോരാ​ട്ട​ത്തിൽ വിജയം വരിച്ചി​ട്ടുണ്ട്‌, അവരെ “തീയിൽനി​ന്നു വലി​ച്ചെടു”ക്കേണ്ടി​വ​ന്നി​ട്ടുണ്ട്‌. (താരത​മ്യം ചെയ്യുക: യൂദാ 23.) എങ്ങനെ? തീർത്താൽ തീരാത്ത നഷ്ടം ഉണ്ടാകു​ന്ന​തി​നു മുമ്പ്‌ നാശക​ര​മായ ബന്ധങ്ങൾ അവസാ​നി​പ്പി​ച്ചു​കൊണ്ട്‌.

സഹായം നേടൽ

ഉദാഹ​ര​ണ​ത്തിന്‌, 14 വയസ്സു​ള്ള​പ്പോൾ തനിക്ക്‌ ഒരു അവിശ്വാ​സി​യിൽ “കടുത്ത മതി​മോ​ഹം” തോന്നി​യെന്ന്‌ മാർക്ക്‌ പറയുന്നു. സഹായം തേടു​ന്ന​തി​നു പകരം തന്റെ വികാ​രങ്ങൾ രഹസ്യ​മാ​യി സൂക്ഷി​ക്കാ​നാണ്‌ അവൻ ശ്രമി​ച്ചത്‌. എന്നാൽ ആ പെൺകു​ട്ടി​യോ​ടുള്ള അവന്റെ വികാ​രങ്ങൾ കൂടുതൽ ശക്തമാ​യി​ത്തീ​രുക മാത്രമേ ചെയ്‌തു​ള്ളൂ. താമസി​യാ​തെ അവൻ അവൾക്കു രഹസ്യ​മാ​യി ഫോൺ ചെയ്യാൻ തുടങ്ങി. ആ പെൺകു​ട്ടി തിരിച്ചു ഫോൺ ചെയ്‌തു​തു​ട​ങ്ങി​യ​പ്പോൾ താമസി​യാ​തെ​തന്നെ അവന്റെ മാതാ​പി​താ​ക്കൾ എന്താണു നടക്കു​ന്ന​തെന്നു കണ്ടുപി​ടി​ച്ചു.

പ്രശ്‌നം തന്നെത്താൻ പരിഹ​രി​ക്കു​ക​യെന്ന അതേ പിശക്‌ ആവർത്തി​ക്ക​രുത്‌. സദൃശ​വാ​ക്യ​ങ്ങൾ 28:26 ഇങ്ങനെ പറയുന്നു: “സ്വന്തഹൃ​ദ​യ​ത്തിൽ ആശ്രയി​ക്കു​ന്നവൻ മൂഢൻ; ജ്ഞാന​ത്തോ​ടെ നടക്കു​ന്ന​വ​നോ രക്ഷിക്ക​പ്പെ​ടും.” വാസ്‌ത​വ​ത്തിൽ നിങ്ങളു​ടെ ന്യായ​ബോ​ധം ആദ്യം​തന്നെ അൽപ്പം വികല​ത​യു​ള്ള​ത​ല്ലാ​യി​രു​ന്നെ​ങ്കിൽ നിങ്ങൾ ഈ സാഹച​ര്യ​ത്തിൽ ആയിരി​ക്കു​മാ​യി​രു​ന്നോ? ചിലയ​വ​സ​ര​ങ്ങ​ളിൽ നമ്മുടെ വികാ​രങ്ങൾ വിവേ​കത്തെ മറിക​ട​ക്കു​ന്നു. അതു​കൊണ്ട്‌ നമ്മെക്കാൾ സൂക്ഷ്‌മ​ഗ്രാ​ഹ്യ​വും വാസ്‌ത​വി​ക​ബോ​ധ​വു​മുള്ള ആരു​ടെ​യെ​ങ്കി​ലും സഹായം നമുക്ക്‌ ആവശ്യ​മാണ്‌. മാതാ​പി​താ​ക്ക​ളാ​യി​രി​ക്കാം നിങ്ങളെ സഹായി​ക്കാ​നുള്ള ഉത്തമസ്ഥാ​ന​ത്താ​യി​രി​ക്കു​ന്നത്‌, പ്രത്യേ​കി​ച്ചും അവർ ദൈവ​ഭ​യ​മു​ള്ള​വ​രാ​ണെ​ങ്കിൽ. മററാ​രെ​ക്കാ​ളും മെച്ചമാ​യി അവർ നിങ്ങളെ അറിയാ​നി​ട​യുണ്ട്‌. അവർ ഒരിക്കൽ ചെറു​പ്പ​മാ​യി​രു​ന്നു, അതു​കൊണ്ട്‌ നിങ്ങൾ അനുഭ​വി​ക്കു​ന്നതു മനസ്സി​ലാ​ക്കാൻ അവർക്ക്‌ എളുപ്പം കഴിയും. സദൃശ​വാ​ക്യ​ങ്ങൾ 23:26-ൽ ബൈബി​ളെ​ഴു​ത്തു​കാ​ര​നായ ശലോ​മോൻ ഇങ്ങനെ ഉദ്‌ബോ​ധി​പ്പി​ക്കു​ന്നു: “മകനേ, നിന്റെ ഹൃദയം എനിക്കു തരിക; എന്റെ വഴി നിന്റെ കണ്ണിന്നു ഇമ്പമാ​യി​രി​ക്കട്ടെ.” നിങ്ങളു​ടെ ഹൃദയം മാതാ​പി​താ​ക്ക​ളി​ലേക്കു പകർന്നു​കൊണ്ട്‌ നിങ്ങൾക്കു സഹായം ആവശ്യ​മു​ണ്ടെന്ന്‌ എന്തു​കൊണ്ട്‌ അവരെ അറിയി​ച്ചു​കൂ​ടാ?

യുവാ​വാ​യ ജിം ചെയ്‌തത്‌ അതാണ്‌. സ്‌കൂ​ളിൽ ഒരു പെൺകു​ട്ടി​യോട്‌ അവനു തീവ്ര​മായ പ്രേമം തോന്നി. തന്റെ വികാ​ര​ങ്ങളെ കൈകാ​ര്യം ചെയ്യാൻ അവൻ കഷ്ടപ്പെ​ടു​ക​യു​മാ​യി​രു​ന്നു. അവൻ പറയുന്നു: “ഒടുവിൽ ഞാൻ എന്റെ മാതാ​പി​താ​ക്ക​ളോ​ടു സഹായ​മ​ഭ്യർഥി​ച്ചു. ഈ വികാ​ര​ങ്ങളെ തരണം ചെയ്യു​ന്ന​തി​ന്റെ താക്കോൽ അതായി​രു​ന്നു. അവർ എന്നെ ഒരുപാ​ടു സഹായി​ച്ചു.” മാതാ​പി​താ​ക്ക​ളു​ടെ സ്‌നേ​ഹ​പു​ര​സ്സ​ര​മായ പിന്തുണ അനുഭ​വി​ച്ച​റി​ഞ്ഞ​ശേഷം ജിം ഈ ബുദ്ധ്യു​പ​ദേശം നൽകുന്നു: “എനിക്കു തോന്നു​ന്നത്‌ ഇങ്ങനെ​യാണ്‌, മററു യുവ​ക്രി​സ്‌ത്യാ​നി​കൾ മാതാ​പി​താ​ക്ക​ളോ​ടു സംസാ​രി​ക്കാൻ വിമുഖത കാട്ടരുത്‌. അവരു​മാ​യി ആശയവി​നി​യമം നടത്തുക. അവർ നിങ്ങളെ മനസ്സി​ലാ​ക്കും.”

സമാന​മാ​യ ഒരു സാഹച​ര്യ​ത്തിൽ ആൻഡ്രൂ എന്നു പേരുള്ള ഒരു യുവാവ്‌ മറെറാ​രു​തരം സഹായം പ്രയോ​ജ​ന​പ്പെ​ടു​ത്തി. യഹോ​വ​യു​ടെ സാക്ഷി​ക​ളു​ടെ ഒരു പ്രാ​ദേ​ശിക സർക്കിട്ട്‌ സമ്മേള​ന​ത്തിൽ പങ്കുപ​റ​റി​യ​തി​നെ​ക്കു​റിച്ച്‌ അവൻ പറയു​ന്നത്‌ ഇങ്ങനെ​യാണ്‌: “ഒരു പ്രസംഗം എനിക്കു ശരിക്കും കൊണ്ടു. ക്രിസ്‌ത്യാ​നി​ക​ള​ല്ലാത്ത വിപരീ​ത​ലിം​ഗ​വർഗ​ത്തിൽപ്പെ​ട്ട​വ​രു​മാ​യി ബന്ധങ്ങൾ വളർത്തി​യെ​ടു​ക്കു​ന്ന​തി​നെ​തി​രെ സർക്കിട്ടു മേൽവി​ചാ​രകൻ ശക്തമായ ബുദ്ധ്യു​പ​ദേശം നൽകി. എന്റെ ചിന്താ​രീ​തി തിരു​ത്തേണ്ട ആവശ്യ​മു​ണ്ടെന്ന്‌ അപ്പോൾത്തന്നെ എനിക്കു മനസ്സി​ലാ​യി.” അതു​കൊണ്ട്‌ അവൻ എന്തു ചെയ്‌തു? ആദ്യം അവൻ ഏകാകി​നി​യായ തന്റെ അമ്മയോ​ടു സംസാ​രി​ച്ചു. അവർ നൽകിയ ബുദ്ധ്യു​പ​ദേ​ശ​ത്തിൽനിന്ന്‌ അവൻ പ്രയോ​ജനം നേടു​ക​യും ചെയ്‌തു. പിന്നീട്‌ യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക സഭയിലെ ഒരു മൂപ്പനെ അവൻ സമീപി​ച്ചു. തുടർന്നുള്ള സഹായം നൽകാൻ അദ്ദേഹ​ത്തി​നു കഴിഞ്ഞു. യാതന അനുഭ​വി​ക്കു​ന്ന​വരെ സംബന്ധി​ച്ചി​ട​ത്തോ​ളം സഭാമൂ​പ്പൻമാർ “കാററി​ന്നു ഒരു മറവും പിശറി​ന്നു ഒരു സങ്കേത​വും” ആയിരി​ക്കാ​വു​ന്ന​താണ്‌. (യെശയ്യാ​വു 32:2) എന്തു​കൊണ്ട്‌ അവരി​ലൊ​രാ​ളെ സമീപി​ച്ചു നിങ്ങളെ വിഷമി​പ്പി​ക്കു​ന്നത്‌ എന്താ​ണെന്ന്‌ അറിയി​ച്ചു​കൂ​ടാ?

ബന്ധം പൂർണ​മാ​യി വിച്‌ഛേ​ദി​ക്കൽ

മാർക്കി​ന്റെ മാതാ​പി​താ​ക്കൾ അവന്റെ രഹസ്യ​ബന്ധം കണ്ടുപി​ടി​ച്ച​പ്പോൾ താമസം​വി​നാ അവർ പ്രതി​ക​രി​ച്ചു. അതി​നെ​ക്കു​റി​ച്ചു മാർക്ക്‌ ഇപ്രകാ​ര​മാ​ണു പറയു​ന്നത്‌: “ആ ബന്ധം അവസാ​നി​പ്പി​ക്കാൻ അവർ എന്നോടു തീർത്തു പറഞ്ഞു. ഞാൻ ആദ്യം മത്സരസ്വ​ഭാ​വ​ത്തോ​ടെ പ്രതി​ക​രി​ച്ചു. ഞങ്ങൾ അന്യോ​ന്യം ചൂടു​പി​ടിച്ച്‌ ഉച്ചത്തിൽ സംസാ​രി​ച്ചു. ഞാൻ എന്റെ മുറി​യിൽ കയറി വാതി​ല​ടച്ചു. പെട്ടെ​ന്നു​തന്നെ ഞാൻ യാഥാർഥ്യം തിരി​ച്ച​റി​ഞ്ഞു. ആ പെൺകു​ട്ടി​ക്കും എനിക്കും വ്യത്യസ്‌ത ലാക്കു​ക​ളാ​ണ​ല്ലോ ഉള്ളത്‌. അതത്ര ശരിയാ​കില്ല.” അതേ, സാഹച​ര്യ​ത്തി​ന്റെ യഥാർഥ​വ​ശ​ങ്ങ​ളെ​ക്കു​റി​ച്ചു ധ്യാനി​ക്കു​ന്നതു നിങ്ങളു​ടെ വികാ​ര​ങ്ങളെ തണുപ്പി​ക്കാൻ സഹായി​ച്ചേ​ക്കാം. നിങ്ങ​ളോ​ടു​തന്നെ ഇപ്രകാ​രം ചോദി​ക്കുക: ‘ഈ വ്യക്തിക്ക്‌ എന്റെ ലക്ഷ്യങ്ങ​ളും വിശ്വാ​സ​ങ്ങ​ളും ധാർമിക നിലവാ​ര​ങ്ങ​ളു​മാ​ണോ ഉള്ളത്‌? ഞങ്ങൾ വിവാഹം കഴിച്ചാൽ ദൈവത്തെ ആരാധി​ക്കാ​നുള്ള എന്റെ ശ്രമങ്ങളെ ഈ വ്യക്തി പിന്തു​ണ​യ്‌ക്കു​മോ? ആത്മീയ കാര്യ​ങ്ങ​ളി​ലുള്ള എന്റെ ഉത്സാഹം ഈ വ്യക്തി​ക്കു​ണ്ടോ? വാസ്‌ത​വ​ത്തിൽ, ഈ ബന്ധത്തിൽ എന്തു ചേർച്ച​യാ​യി​രി​ക്കും ഉണ്ടായി​രി​ക്കുക?’—താരത​മ്യം ചെയ്യുക: 2 കൊരി​ന്ത്യർ 6:14-18.

എന്നാൽ, ബന്ധം പൂർണ​മാ​യി വിച്‌ഛേ​ദി​ക്കു​ന്നത്‌ അത്ര എളുപ്പ​മാ​യി​രി​ക്കില്ല. തുടക്ക​ത്തിൽ പരാമർശിച്ച മോണീക്ക്‌ ഇപ്രകാ​രം സമ്മതി​ച്ചു​പ​റ​യു​ന്നു: “രണ്ടു സന്ദർഭ​ത്തിൽ ആ ബന്ധം വിച്‌ഛേ​ദി​ക്കാൻ ഞാൻ ശ്രമിച്ചു, എന്നാൽ അതിനു കഴിഞ്ഞില്ല. അയാളെ പൂർണ​മാ​യി അകററി​നിർത്താൻ ഞാൻ ആഗ്രഹി​ച്ചില്ല. ഞാൻ അയാ​ളോ​ടു സാക്ഷീ​ക​രി​ച്ചു​നോ​ക്കി. എന്റെ വിചാരം അയാൾ യഹോ​വയെ സ്വീക​രി​ക്കു​മെ​ന്നാ​യി​രു​ന്നു. ഒരിക്കൽ ഒരു ഞായറാഴ്‌ച യോഗ​ത്തിന്‌ അയാൾ വരിക​പോ​ലും ചെയ്‌തു. എന്നാൽ അയാൾക്ക്‌ യഹോ​വ​യിൽ യഥാർഥ​മായ ഒരു താത്‌പ​ര്യം ഉണ്ടായി​രു​ന്നില്ല. അയാളെ പൂർണ​മാ​യും വിട്ടു​ക​ള​യു​ന്ന​താ​യി​രി​ക്കും ശരിയായ ഗതി​യെന്നു ഞാൻ തിരി​ച്ച​റി​ഞ്ഞു.”

മത്തായി 5:30-ലെ യേശു​വി​ന്റെ വാക്കു​കളെ ഇതു നമ്മുടെ മനസ്സി​ലേക്കു കൊണ്ടു​വ​രു​ന്നു. ദൈവ​രാ​ജ്യ​ത്തി​ലേ​ക്കുള്ള ഒരുവന്റെ പ്രവേ​ശ​നത്തെ തടഞ്ഞേ​ക്കാ​വുന്ന കാര്യ​ങ്ങ​ളെ​ക്കു​റിച്ച്‌—ഒരുവന്റെ വലതു​കരം പോലെ പ്രിയ​മുള്ള കാര്യ​ങ്ങ​ളെ​ക്കു​റിച്ച്‌—ആ ഭാഗത്തു യേശു സംസാ​രി​ച്ചു. അങ്ങനെ​യാ​യി​രി​ക്കു​മ്പോൾ ഇപ്രകാ​രം ചെയ്യാൻ യേശു ഉപദേ​ശി​ച്ചു: “അതിനെ വെട്ടി എറിഞ്ഞു​കളക; നിന്റെ ശരീരം മുഴു​വ​നും [നിത്യ​നാ​ശ​ത്തി​ന്റെ ഒരു പ്രതീ​ക​മായ] നരകത്തിൽ [“ഗീഹെ​ന്ന​യിൽ,” NW] വീഴു​ന്ന​തി​നെ​ക്കാൾ നിന്റെ അവയവ​ങ്ങ​ളിൽ ഒന്നു നശിക്കു​ന്നതു നിനക്കു പ്രയോ​ജ​ന​മ​ത്രേ.” ഈ തത്ത്വത്തി​നു ചേർച്ച​യിൽനി​ന്നു​കൊണ്ട്‌, നിങ്ങൾ ഉൾപ്പെ​ട്ടി​രി​ക്കുന്ന വ്യക്തിയെ ധൈര്യ​സ​മേതം സമീപിച്ച്‌ ‘സത്യം സംസാ​രി​ക്കുക.’ (എഫെസ്യർ 4:25) ഒരു പൊതു സ്ഥലത്തു​വെച്ച്‌—ഒററയ്‌ക്കോ പ്രേമ​പു​ര​സ്സ​ര​മായ ഒരു സാഹച​ര്യ​ത്തി​ലോ അല്ല—ബന്ധം അവസാ​നി​ച്ചി​രി​ക്കു​ന്നു​വെന്ന്‌ അവനെ അല്ലെങ്കിൽ അവളെ സുവ്യ​ക്ത​മായ ഭാഷയിൽ അറിയി​ക്കുക. യുവതി​യായ ഷീല ഇപ്രകാ​രം അനുസ്‌മ​രി​ക്കു​ന്നു: “എന്റെ കാര്യ​ത്തിൽ പ്രാ​യോ​ഗി​ക​മാ​യത്‌ സുനി​ശ്ചിത നടപടി​യെ​ടു​ക്കുക എന്നതാ​യി​രു​ന്നു. ഇനി​യൊ​രി​ക്ക​ലും ഒന്നിച്ച്‌ ഉച്ചഭക്ഷ​ണ​മില്ല. പഠിക്കുന്ന പിരി​യ​ഡു​ക​ളിൽ മേലാൽ തമ്മിൽ കാണുന്ന പ്രശ്‌ന​മില്ല. ഞാൻ എന്റെ നിലപാട്‌ അയാൾക്ക്‌ വ്യക്തമാ​ക്കി​ക്കൊ​ടു​ത്തു.” പാം എന്നു പേരുള്ള ഒരു ക്രിസ്‌തീയ പെൺകു​ട്ടി​യും സമാന​മാ​യി തുറന്നു​പ​റഞ്ഞു: “എന്നെ ഒററയ്‌ക്കു വിടാൻ ഞാൻ ഒടുവിൽ അയാ​ളോ​ടു പറഞ്ഞു. ഞാൻ അയാളെ തീരെ അവഗണി​ച്ചു​ക​ളഞ്ഞു.”

വേദന തരണം ചെയ്യൽ

അത്തരം ഒരു വേർപാ​ടി​നെ​ത്തു​ടർന്ന്‌, സങ്കീർത്ത​ന​ക്കാ​രൻ പറഞ്ഞതു​പോ​ലെ നിങ്ങൾക്കു തോന്നി​യേ​ക്കാം: “ഞാൻ കുനിഞ്ഞു ഏററവും കൂനി​യി​രി​ക്കു​ന്നു; ഞാൻ ഇടവി​ടാ​തെ ദുഃഖി​ച്ചു​ന​ട​ക്കു​ന്നു.” (സങ്കീർത്തനം 38:6) കുറച്ചു നാൾ ദുഃഖ​മു​ണ്ടാ​കു​മെ​ന്നതു തികച്ചും സ്വാഭാ​വി​ക​മാണ്‌. “കരവാൻ ഒരു കാലം” ഉണ്ടെന്നു ബൈബിൾ സമ്മതി​ക്കു​ന്നു​ണ്ട​ല്ലോ. (സഭാ​പ്ര​സം​ഗി 3:4) എന്നാൽ നിങ്ങൾ എന്നേക്കും ദുഃഖി​ച്ചു​ന​ട​ക്കേ​ണ്ട​യാ​വ​ശ്യ​മില്ല. ക്രമേണ വേദന ഇല്ലാതാ​യി​ത്തീർന്നു​കൊ​ള്ളും. മാർക്ക്‌ ഇപ്രകാ​രം സമ്മതി​ച്ചു​പ​റ​യു​ന്നു: “അതേ, ഞാൻ ദുഃഖ​ത്തി​ന്റെ ഒരു കാലയ​ള​വി​ലൂ​ടെ കടന്നു​പോ​യി. എന്റെ മാതാ​പി​താ​ക്കൾ ഇതു തിരി​ച്ച​റി​യു​ക​യും മററു ക്രിസ്‌തീയ യുവജ​ന​ങ്ങ​ളു​മാ​യുള്ള എന്റെ സഹവാ​സങ്ങൾ വർധി​പ്പി​ക്കു​ക​യും ചെയ്‌തു. അതു വളരെ സഹായ​ക​മാ​യി​രു​ന്നു.” വേർപാ​ടി​നു​ശേഷം സമാന​മാ​യി വിഷാദം തോന്നിയ ആൻഡ്രൂ പറയു​ന്നത്‌ ഇങ്ങനെ​യാണ്‌: “മൂപ്പൻമാർ എന്നെ സഹായി​ച്ചു. ഞാൻ പ്രസം​ഗ​പ്ര​വർത്ത​ന​ത്തിൽ കൂടുതൽ ഏർപ്പെട്ടു. കൂടാതെ എനിക്കു നല്ല ബന്ധമു​ണ്ടാ​യി​രുന്ന ക്രിസ്‌തീയ സഹോ​ദ​ര​ങ്ങ​ളു​മാ​യി ഞാൻ കൂടുതൽ അടുത്തു.” അതേ, ആത്മീയ പ്രവർത്ത​ന​ങ്ങ​ളിൽ തിര​ക്കോ​ടെ വ്യാപൃ​ത​രാ​കുക. (1 കൊരി​ന്ത്യർ 15:58) ചിലതരം ശാരീ​രിക പ്രവർത്ത​ന​മോ വ്യായാ​മ​മോ നിങ്ങളെ സഹായി​ച്ചേ​ക്കാം. ഏകാന്തത ഒഴിവാ​ക്കുക. (സദൃശ​വാ​ക്യ​ങ്ങൾ 18:1) സന്തോ​ഷ​ക​ര​വും പരിപു​ഷ്ടി​പ്പെ​ടു​ത്തു​ന്ന​തു​മായ കാര്യ​ങ്ങ​ളിൽ നിങ്ങളു​ടെ മനസ്സിനെ വ്യാപൃ​ത​മാ​ക്കി​നിർത്തുക.—ഫിലി​പ്പി​യർ 4:8.

കൂടാതെ, നിങ്ങളു​ടെ ധീരമായ നിലപാ​ടിൽ യഹോവ സന്തോ​ഷി​ക്കു​മെന്ന്‌ ഓർക്കുക. സഹായ​ത്തി​നും പിന്തു​ണ​യ്‌ക്കു​മാ​യി അവനെ പ്രാർഥ​ന​യിൽ സമീപി​ക്കാൻ മടി വിചാ​രി​ക്കാ​തി​രി​ക്കുക. (സങ്കീർത്തനം 55:22; 65:2) “ഞാൻ വളരെ​യ​ധി​കം പ്രാർഥി​ച്ചു,” യുവതി​യായ ഷീല ഓർമി​ക്കു​ന്നു. ഹാനി​ക​ര​മായ ഒരു ബന്ധം വിച്‌ഛേ​ദി​ക്കുക എളുപ്പമല്ല. ഷീല ഇപ്രകാ​രം സമ്മതി​ക്കു​ന്നു: “അത്‌ അവസാ​നി​ച്ചെ​ങ്കിൽപ്പോ​ലും ചില​പ്പോൾ ഞാൻ അയാ​ളെ​ക്കു​റി​ച്ചു ചിന്തി​ക്കു​ക​യും അയാൾ എന്തു ചെയ്‌തു​കൊ​ണ്ടി​രി​ക്കു​ക​യാ​ണെന്ന്‌ ആശ്ചര്യ​പ്പെ​ടു​ക​യും ചെയ്യാ​റുണ്ട്‌. എന്നാൽ നാം യഹോ​വയെ സന്തോ​ഷി​പ്പി​ക്കു​ക​യാണ്‌ എന്നറി​ഞ്ഞു​കൊണ്ട്‌ നമ്മുടെ തീരു​മാ​ന​ത്തോ​ടു പററി​നിൽക്കണം.”

[അടിക്കു​റി​പ്പു​കൾ]

[18-ാം പേജിലെ ചിത്രം]

ബന്ധം അവസാ​നി​ച്ചി​രി​ക്കു​ന്നു​വെന്ന്‌ സുവ്യ​ക്ത​മായ ഭാഷയിൽത്തന്നെ ആ വ്യക്തിയെ അറിയി​ക്കു​ക