യുവജ​നങ്ങൾ ചോദി​ക്കു​ന്നു. . .

പശ കത്തിച്ചു മൂക്കിൽ വലിക്കൽ—അതു വാസ്‌ത​വ​ത്തിൽ എനിക്കു ദോഷം ചെയ്യു​മോ?

“അത്‌ ഉഗ്രനാണ്‌—കാർട്ടൂ​ണു​കൾ കാണു​ന്ന​തു​പോ​ലെ.” അങ്ങനെ പറയു​ന്നത്‌ റഷ്യയി​ലെ മോസ്‌കോ​യി​ലുള്ള 13 വയസ്സു​കാ​രി​യായ സ്‌വീററ എന്ന പെൺകു​ട്ടി​യാണ്‌.a എന്നാൽ സ്‌വീററ വാചാ​ല​യാ​വു​ന്നത്‌ ഏററവും പുതിയ സിനി​മ​യെ​ക്കു​റി​ച്ചോ വീഡി​യോ​യെ​ക്കു​റി​ച്ചോ അല്ല, മറിച്ച്‌ ഒരുതരം മയക്കു​മ​രു​ന്നു ദുരു​പ​യോ​ഗ​ത്തിൽ അവൾക്കുള്ള അനുഭ​വ​ത്തെ​ക്കു​റി​ച്ചാണ്‌. അതു ലോക​ത്തി​നു ചുററു​മുള്ള അനേകം ചെറു​പ്പ​ക്കാ​രു​ടെ ഇടയിൽ ജനപ്രീ​തി​യാർജി​ച്ചു കഴിഞ്ഞി​രി​ക്കു​ന്നു. അതാണ്‌ പശ കത്തിച്ചു വലിക്കൽ.

എന്നിരു​ന്നാ​ലും, ചില യുവാക്കൾ വലിക്കുന്ന അനേകം പദാർഥ​ങ്ങ​ളിൽ ഒന്നു മാത്ര​മാണ്‌ പശ. ഉദാഹ​ര​ണ​ത്തിന്‌, ബ്രിട്ട​നിൽ ദുർഗ​ന്ധ​മ​ക​റ​റാ​നും വായു ശുദ്ധീ​ക​രി​ക്കാ​നും ഉപയോ​ഗി​ക്കുന്ന രാസപ​ദാർഥ​ങ്ങ​ളും തീ കത്തിക്കാ​നു​പ​യോ​ഗി​ക്കുന്ന ഇന്ധനവും കൂടാതെ “പത്തു-മുപ്പ​തോ​ളം സാധാരണ ഗൃഹോ​ത്‌പ​ന്ന​ങ്ങ​ളും . . . ദുരു​പ​യോ​ഗി​ക്കു​ന്നു.” അങ്ങനെ പറയു​ന്നത്‌ ഇപ്പോ​ഴത്തെ യുവജ​നങ്ങൾ [ഇംഗ്ലീഷ്‌] എന്ന മാഗസി​നാണ്‌. “വേദന​യിൽനിന്ന്‌ ആശ്വാസം കിട്ടാ​നുള്ള സ്‌​പ്രേകൾ, ഫർണീച്ചർ പോളീ​ഷു​കൾ, പഞ്ചറായ ടയറുകൾ നന്നാക്കു​ന്ന​തി​നുള്ള വസ്‌തു​ക്കൾ തുടങ്ങി​യവ ഇതിൽ ഉൾപ്പെ​ടു​ന്നു.” എന്തിന്‌, ചില യുവജ​നങ്ങൾ തീകെ​ടു​ത്താൻ ഉപയോ​ഗി​ക്കുന്ന ഉപകര​ണ​ത്തി​ലുള്ള (fire-extinguisher) ഹൈ​ഡ്രോ​കാർബ​ണി​ന്റെ പുക പോലും വലിക്കു​ന്നു! അതു​കൊണ്ട്‌ ദുഷി​ച്ച​തെ​ങ്കി​ലും വ്യാപ​ക​മാ​യുള്ള ഈ ശീലത്തെ “ലായക ദുരു​പ​യോ​ഗം” അഥവാ “ബാഷ്‌പീ​ക​രി​ക്കുന്ന വസ്‌തു​ക്ക​ളു​ടെ ദുരു​പ​യോ​ഗം” എന്നു വിളി​ക്കു​ന്ന​താ​യി​രി​ക്കും കൂടുതൽ ശരി. ചില വിദഗ്‌ധർ ഇതിനെ അങ്ങനെ​യാ​ണു വിളി​ക്കു​ന്നത്‌.

അവർ ദുരു​പ​യോ​ഗം ചെയ്യു​ന്നത്‌ പശയാ​യാ​ലും ഫർണീച്ചർ പോളീ​ഷാ​യാ​ലും, അവ കത്തിച്ചു വലിക്കു​ന്നവർ ഒരേ ഫലങ്ങൾ തന്നെയാ​ണു തേടു​ന്നത്‌. ഒരു ഉറവ്‌ പറയും​പ്ര​കാ​രം “ലഹരി​പ​ദാർഥം ഉളവാ​ക്കുന്ന മത്തുപി​ടിച്ച അവസ്ഥ​യോ​ടു സമാന​മാ​യി ‘മത്തുപി​ടി​ക്കാൻ’ അല്ലെങ്കിൽ ‘പൂസാ​കാൻ’” അവർ ആഗ്രഹി​ക്കു​ന്നു. ലായകങ്ങൾ വില കുറഞ്ഞ​തും കൊ​ക്കെ​യ്‌ൻപോ​ലെ വീര്യം​കൂ​ടിയ മയക്കു​മ​രു​ന്നു​ക​ളെ​ക്കാൾ സുലഭ​വു​മാണ്‌. ബ്രിട്ട​നി​ലെ ന്യൂ സയൻറി​സ്‌ററ്‌ മാഗസിൻ ഇപ്രകാ​രം പറഞ്ഞു: “കൂടു​ത​ലും, ഗ്വാട്ടി​മാ​ലാ​യി​ലെ തെരുവു കുട്ടികൾ, വടക്കേ അമേരി​ക്ക​യി​ലെ ആദിവാ​സി​കൾ, അതു​പോ​ലെ​തന്നെ ബ്രിട്ട​നി​ലെ ഹോസ്‌റ​റ​ലു​ക​ളി​ലും നിശാ​സ​ങ്കേ​ത​ങ്ങ​ളി​ലു​മുള്ള യുവജ​നങ്ങൾ തുടങ്ങി വീടോ സ്വത്തു​ക്ക​ളോ ഇല്ലാത്ത ദരി​ദ്ര​രു​ടെ​യും യുവജ​ന​ങ്ങ​ളു​ടെ​യും മയക്കു​മ​രു​ന്നാ​ണു ലായകങ്ങൾ.” ബ്രിട്ട​നി​ലെ പെൺകു​ട്ടി​ക​ളി​ലും ആൺകു​ട്ടി​ക​ളി​ലും പത്തി​ലൊ​ന്നു പേർ ലായകങ്ങൾ വലിച്ചി​ട്ടു​ള്ള​താ​യി ചില അധികാ​രി​കൾ വിശ്വ​സി​ക്കു​ന്നു. അതിന്റെ ഫലങ്ങൾ തീർച്ച​യാ​യും ദോഷ​മു​ള്ള​തു​ത​ന്നെ​യാണ്‌.

“ഉള്ളി​ലേക്കു വലി​ച്ചെ​ടു​ക്കുന്ന ലായക​ബാ​ഷ്‌പം ശ്വാസ​കോ​ശ​ങ്ങ​ളി​ലൂ​ടെ ആഗിരണം ചെയ്യ​പ്പെ​ടു​ന്നു. തുടർന്ന്‌ അവ വളരെ വേഗം തലച്ചോ​റി​ലെ​ത്തു​ന്നു” എന്ന്‌ ഡ്രഗ്ഗ്‌ മിസ്‌യൂസ്‌ എന്ന ചെറു​പു​സ്‌തകം വിശദീ​ക​രി​ക്കു​ന്നു. ലായകങ്ങൾ കേന്ദ്ര നാഡീ​വ്യ​വ​സ്ഥയെ ബാധി​ക്കു​ന്നു. ലഹരി​പ​ദാർഥം​പോ​ലെ സുഖാ​നു​ഭൂ​തി​യു​ടെ ഒരു താത്‌കാ​ലിക തോന്ന​ലു​ള​വാ​ക്കാൻ അവയ്‌ക്കു കഴിയും. ചിലരിൽ അവയ്‌ക്ക്‌ അൽപ്പസ​മ​യ​ത്തേക്കു മാത്രം നീണ്ടു​നിൽക്കുന്ന പലതരം വിഭ്രാ​ന്തി​കൾ ഉളവാ​ക്കാ​നാ​കും. തുടക്ക​ത്തിൽ സ്‌വീററ വിവരി​ച്ച​തു​പോ​ലെ അത്ര സുഖക​ര​മാ​യി​രി​ക്കില്ല അവയെ​ല്ലാം. 14 വയസ്സിൽ പശ കത്തിച്ചു വലിച്ച ഒരു യുവാ​വായ ഡേവിഡ്‌ ഇപ്രകാ​രം പറയുന്നു: “ഞാൻ ധാരാളം എലികളെ കണ്ടു. അവ ആയിര​ക്ക​ണ​ക്കി​നു​ണ്ടാ​യി​രു​ന്നു—വലിപ്പം കൂടി​യ​വ​യിൽനി​ന്നു വലിപ്പം കുറഞ്ഞവ പുറത്തു​വന്നു. അവ എന്റെ കൂട്ടു​കാ​രനെ തിന്നു​ക​യാ​ണെന്നു ഞാൻ വിചാ​രി​ച്ചു.” ഒരു ജാപ്പനീസ്‌ യുവാ​വായ കാസൂ​ഹീ​ക്കോ പശ കത്തിച്ചു വലിക്കാൻ തുടങ്ങി​യത്‌ അവന്‌ 17 വയസ്സു​ള്ള​പ്പോ​ഴാണ്‌. അവൻ അനുസ്‌മ​രി​ക്കു​ന്നത്‌ ഇപ്രകാ​ര​മാണ്‌: “നിലം വിണ്ടു​കീ​റു​ന്ന​തും മൃഗങ്ങൾ എന്നെ ആക്രമി​ക്കു​ന്ന​തും ഞാൻ കണ്ടു.”

അങ്ങനെ​യെ​ങ്കിൽ, ലായക​ബാ​ഷ്‌പം വലിക്കു​ന്നത്‌ ചില യുവാ​ക്കൾക്കു വളരെ ഇഷ്ടമാ​യി​രി​ക്കു​ന്നത്‌ എന്തു​കൊ​ണ്ടാണ്‌? 13 വയസ്സു​ള്ള​പ്പോ​ഴാണ്‌ ലീ പശ കത്തിച്ചു വലിക്കാൻ തുടങ്ങി​യത്‌, അവൻ ഇപ്രകാ​രം പറയുന്നു: “അടിസ്ഥാ​ന​പ​ര​മാ​യി, ആളുകൾ ഇതു ചെയ്യു​ന്നതു യാഥാർഥ്യ​ത്തിൽനി​ന്നു രക്ഷപെ​ടാ​നാണ്‌.” അതേ, ചില യുവാക്കൾ ലായക​ങ്ങ​ള​ടിച്ച്‌ മത്തുപി​ടി​ക്കു​ന്നതു പ്രശ്‌നങ്ങൾ മറക്കാ​നാണ്‌. മററു ചിലർ ഒരുതരം ഉൻമാ​ദാ​വസ്ഥ കിട്ടാൻ അതിയാ​യി വാഞ്‌ഛി​ക്കു​ന്നു; ഞെട്ടി​ക്കുന്ന ഒരു വിഭ്രാ​ന്തി വിനോ​ദി​പ്പി​ക്കുന്ന ഒരു ഭീകര വിനോദ ചലച്ചി​ത്രം പോ​ലെ​യാ​ണെന്ന്‌ അവർ വിചാ​രി​ക്കു​ന്നു. “ജിജ്ഞാസ, സമപ്രാ​യ​ക്കാ​രു​ടെ സമ്മർദ​ത്തോ​ടുള്ള പ്രതി​ക​രണം, അവർക്കി​ട​യിൽ സ്ഥാനം കിട്ടാ​നുള്ള ശ്രമങ്ങൾ, ആത്മാഭി​മാ​ന​ക്കു​റ​വി​നും അപര്യാ​പ്‌തത സംബന്ധിച്ച വികാ​ര​ങ്ങൾക്കും പരിഹാ​രം കാണൽ തുടങ്ങി​യ​വ​യാ​ണു മററു കാരണങ്ങൾ” എന്ന്‌ അയർലൻഡി​ലെ ആരോ​ഗ്യ​വ​കു​പ്പു പറയുന്നു.

തത്‌ക്ഷണ മരണം

എത്രതന്നെ ആകർഷ​ക​മാ​യി​രു​ന്നാ​ലും ലായകങ്ങൾ വലിക്കു​ന്നത്‌ മാരക​മായ ഒരു ശീലമാണ്‌! 1990-ൽ അതു ബ്രിട്ട​നിൽ 149 മരണങ്ങൾക്കു കാരണ​മാ​യി. ചില​പ്പോൾ അത്‌ ഏതാനും മിനി​റ​റു​കൾക്കു​ള്ളിൽ ആളുകളെ കൊല്ലു​ന്നു. “വലി​കൊ​ണ്ടുള്ള തത്‌ക്ഷണ മരണം” എന്നാണ്‌ അതു വിളി​ക്ക​പ്പെ​ടു​ന്നത്‌. ഉദാഹ​ര​ണ​ത്തിന്‌, റെയ്‌ച്ചൽ ടൈപ്പ്‌റെ​ററർ കറക്‌ഷൻ ഫ്‌ളൂ​യിഡ്‌ അവളുടെ ഉടുപ്പി​ന്റെ കയ്യിൽ ഒഴിച്ച്‌ സ്‌കൂ​ളിൽവെച്ചു മണക്കു​മാ​യി​രു​ന്നു. ഒരു ദിവസം ബസ്സിൽ യാത്ര ചെയ്യു​മ്പോൾ അവൾ അതു മണത്തു. ബസ്സിൽനി​ന്നി​റ​ങ്ങി​യ​പ്പോൾ അവൾ നിലത്തു വീണു. ഒരു നിമി​ഷ​നേ​ര​ത്തേക്ക്‌ അവൾ എണീററു നിന്നു, പിന്നെ​യും കുഴഞ്ഞു​വീ​ണു—പ്രാണ​ന​റ​റ​വ​ളാ​യി! റെയ്‌ച്ച​ലി​നു 15 വയസ്സേ ഉണ്ടായി​രു​ന്നു​ള്ളൂ.

പ്രത്യേ​കി​ച്ചും ഞെട്ടി​ക്കുന്ന വസ്‌തുത ചില ലായക​ങ്ങൾക്ക്‌ അവ ദുർവി​നി​യോ​ഗം ചെയ്യുന്ന ആദ്യ അവസര​ത്തിൽതന്നെ നിങ്ങളെ കൊല്ലാ​നാ​കും എന്നതാണ്‌! “1971-നും 1989-നും ഇടയിൽ ലായകം ദുരു​പ​യോ​ഗം ചെയ്‌ത​തു​നി​മി​ത്ത​മു​ണ്ടായ മൊത്തം മരണങ്ങ​ളിൽ 18% ആദ്യമാ​യി ‘വലിച്ച​വ​രു​ടേ​താ​യി​രു​ന്നു’” എന്ന്‌ ലായക​ദു​രു​പ​യോ​ഗത്തെ ചെറു​ക്കാൻ സ്ഥാപി​ത​മായ ഒരു ബ്രിട്ടീഷ്‌ ധർമസ്ഥാ​പ​ന​മായ റീ-സോൾവ്‌ റിപ്പോർട്ടു ചെയ്യുന്നു. മരിച്ച​വ​രിൽ ഏററവും പ്രായം കുറഞ്ഞ​യാൾക്ക്‌ ഒമ്പതു വയസ്സേ ഉണ്ടായി​രു​ന്നു​ള്ളൂ. ലഹരി​പ​ദാർഥ ദുരു​പ​യോ​ഗ​ത്തെ​പോ​ലെ തന്നെ “അതു സർപ്പം​പോ​ലെ കടിക്കും; അണലി​പോ​ലെ കൊത്തും” എന്ന്‌ ലായക​ദു​രു​പ​യോ​ഗത്തെ സംബന്ധി​ച്ചും പറയാ​വു​ന്ന​താണ്‌.—സദൃശ​വാ​ക്യ​ങ്ങൾ 23:32.

ലായക​ത്തി​ന്റെ സ്വാധീ​ന​ത്തിൻ കീഴി​ലാ​യി​രി​ക്കു​മ്പോൾ ഉണ്ടാകുന്ന അത്യാ​ഹി​ത​ങ്ങ​ളു​ടെ ഫലമാ​യും അതു വലിക്കു​ന്നവർ മരി​ച്ചേ​ക്കാം. ചിലർ കെട്ടി​ട​ങ്ങ​ളു​ടെ മുകളിൽനി​ന്നു വീഴു​ക​യോ വെള്ളത്തിൽ മുങ്ങി​മ​രി​ക്കു​ക​യോ ചെയ്‌തി​ട്ടുണ്ട്‌. മററു ചിലർ അബോ​ധാ​വ​സ്ഥ​യി​ലാ​യി സ്വന്തം ഛർദി​യാൽ ശ്വാസം​മു​ട്ടി മരിച്ചി​ട്ടുണ്ട്‌. തലയ്‌ക്കു മീതെ പ്ലാസ്‌റ​റിക്‌ ബാഗുകൾ പിടിച്ച്‌ ലായകങ്ങൾ മൂക്കിൽ വലിച്ച​തി​ന്റെ ഫലമായി ചിലർ മൃതി​യ​ട​ഞ്ഞി​ട്ടുണ്ട്‌; ബാഗു നീക്കം ചെയ്യാൻ കഴിയാ​ത്ത​വണ്ണം അവർ മത്തുപി​ടി​ച്ചു​പോ​യി​രു​ന്നു. അവർ ശ്വാസം​മു​ട്ടി മരിച്ചു. ഇനിയും മററു ചിലർ, ലായക​ങ്ങൾക്കു തീ പിടി​ച്ച​പ്പോൾ പൊള്ള​ലേ​ററു മരിച്ചി​ട്ടുണ്ട്‌.

ശരീര​മ​ലി​നീ​ക​ര​ണ​വും മററപ​ക​ട​ങ്ങ​ളും

അത്തരം കൊടിയ പരിണ​ത​ഫ​ലങ്ങൾ എല്ലാവ​രും അനുഭ​വി​ക്കു​ന്നില്ല. എന്നിരു​ന്നാ​ലും ഒരു വിദഗ്‌ധൻ എഴുതു​ന്നത്‌ ഇപ്രകാ​ര​മാണ്‌: “ക്രമമാ​യി ദുരു​പ​യോ​ഗം ചെയ്യു​ന്ന​യാൾക്കു താൻ സ്വന്തം ശരീരത്തെ ‘മലിന​മാ​ക്കുക’യാണെന്ന്‌ അറിയാം. നെഞ്ചു​വേദന, ശരീര​ത്തി​ന്റെ സമനി​ല​നഷ്ടം, തലവേദന, ഓർമ​ക്കു​റവ്‌, കൂടാതെ മററ​നേകം രോഗ​ല​ക്ഷ​ണ​ങ്ങ​ളും അയാൾക്ക്‌ അനുഭ​വ​പ്പെ​ടു​ന്നു. അവയൊ​ന്നും അയാൾ അംഗീ​ക​രി​ക്കാ​റില്ല.” (നേരത്തെ ഉദ്ധരിച്ച) ലീ അനുസ്‌മ​രി​ക്കു​ന്നു: “ഇതു​പോ​ലൊ​രു ഭയങ്കര തലവേദന എനിക്കു ജീവി​ത​ത്തിൽ ഉണ്ടായി​ട്ടില്ല.” ലായകങ്ങൾ വലിച്ചാൽ അതിനു വൃക്കകൾക്കും കരളി​നും കുഴപ്പം വരുത്തി​വെ​ക്കാൻ കഴിയും, മാനസിക വൈക​ല്യ​വും വിഷാ​ദ​വും ഉളവാ​ക്കാ​നാ​കും എന്ന്‌ റീ-സോൾവ്‌ എന്ന സംഘടന പറയുന്നു.

കൂടാതെ ധാർമിക അപകട​ങ്ങ​ളു​മുണ്ട്‌. തങ്ങളുടെ ശീലം തുടരാൻ ചില വലിക്കാർ മോഷ്ടാ​ക്ക​ളാ​യി​ത്തീർന്നി​ട്ടുണ്ട്‌. അല്ലെങ്കിൽ ഡെയ്‌ലി യോമി​യു​രി ദിനപ​ത്ര​ത്തിൽ റിപ്പോർട്ടു ചെയ്യ​പ്പെ​ട്ടത്‌ എന്തെന്നു നോക്കുക: “ഒരു കൗമാ​ര​പ്രാ​യ​ക്കാ​രി​യെ കൊന്നു​വെന്ന്‌ ആരോ​പി​ക്ക​പ്പെട്ട മൂന്നു യുവാ​ക്ക​ളിൽ ഒരുവന്‌ പെൺകു​ട്ടി​യെ കൊല്ലുന്ന സമയത്ത്‌ യാതൊ​രു കുററ​ബോ​ധ​വും തോന്നി​യില്ല എന്നു അവൻ [പറഞ്ഞു]. കാരണം ആ സമയത്ത്‌ അവൻ [ലായക​ങ്ങ​ളു​ടെ] സ്വാധീ​ന​ത്തിൻ കീഴി​ലാ​യി​രു​ന്നു.”

അന്തിമ​മാ​യി, ലായകങ്ങൾ ദുരു​പ​യോ​ഗി​ക്കു​ന്ന​തി​ന്റെ ഫലമായി അവയു​ടെ​മേ​ലുള്ള ഒരു വൈകാ​രിക ആശ്രയ​ത്വം—ആസക്തി—ഉടലെ​ടു​ത്തേ​ക്കാം. “ലായക​ങ്ങളെ ദുരു​പ​യോ​ഗം ചെയ്‌ത​വ​രിൽ 10% പേർ അത്തരം ശീലമു​ള്ള​വ​രാ​യി​ത്തീർന്നു,” സ്‌കോ​ട്ട്‌ലൻഡി​ലെ ഗ്ലാസ്‌ഗോ ഹെറാൾഡ്‌ പറയുന്നു. അത്‌ ഒരുവന്റെ വൈകാ​രി​ക​വും ആത്മീയ​വു​മായ വളർച്ചയെ തടസ്സ​പ്പെ​ടു​ത്തു​കയേ ഉള്ളൂ. 1 കൊരി​ന്ത്യർ 14:20-ലെ [NW] ബൈബിൾ വാക്കുകൾ പരിചി​ന്തി​ക്കുക: “ഗ്രഹണ​പ്രാ​പ്‌തി​ക​ളിൽ കൊച്ചു കുട്ടികൾ ആകരുത്‌, എന്നാൽ ഗ്രഹണ​പ്രാ​പ്‌തി​ക​ളിൽ വളർച്ച​യെ​ത്തി​യവർ ആയിത്തീ​രു​വിൻ.” ഈ കാര്യ​ത്തിൽ ഒരുവൻ എങ്ങനെ​യാ​ണു വളർച്ച പ്രാപി​ക്കു​ന്നത്‌? എബ്രായർ 5:14-ൽ ബൈബിൾ ഇപ്രകാ​രം വിശദീ​ക​രി​ക്കു​ന്നു: “കട്ടിയാ​യുള്ള ആഹാരം നൻമതിൻമ​കളെ തിരി​ച്ച​റി​വാൻ തഴക്കത്താൽ അഭ്യസിച്ച ഇന്ദ്രി​യ​ങ്ങ​ളു​ള്ള​വ​രാ​യി [“ഗ്രഹണ​ശ​ക്തി​കൾ,” NW] പ്രായം തികഞ്ഞ​വർക്കേ പററു​ക​യു​ള്ളു.” തന്റെ ഗ്രഹണ​ശ​ക്തി​കളെ വികസി​പ്പി​ച്ചെ​ടു​ക്കാൻ ആസക്തനായ ഒരുവൻ പരാജ​യ​പ്പെ​ടു​ന്നു. പ്രശ്‌ന​ങ്ങളെ അഭിമു​ഖീ​ക​രി​ക്കു​ന്ന​തി​നു പകരം മയക്കു​മ​രുന്ന്‌ ഉളവാ​ക്കുന്ന മന്ദതയുള്ള ഒരവസ്ഥ​യി​ലേക്കു പൊയ്‌ക്കൊണ്ട്‌ അവയിൽനി​ന്നു രക്ഷപെ​ടാൻ അവൻ ശ്രമി​ക്കു​ന്നു. പശ കത്തിച്ചു വലിക്കു​ന്നതു ശീലമാ​യി​ത്തീർന്നവർ “കൗമാ​ര​പ്രാ​യ​ക്കാ​രെ​ന്ന​നി​ല​യിൽ കുരു​ക്കി​ലാ​ക്ക​പ്പെ​ട്ട​വ​രാണ്‌—പ്രായ​പൂർത്തി​യായ ഘട്ടത്തി​ലേക്കു നീങ്ങാൻ അവർക്കു കഴിയില്ല” എന്ന്‌ ഇന്നത്തെ യുവജ​നങ്ങൾ എന്ന മാഗസിൻ പറഞ്ഞു.

അത്‌ ഉപയോ​ഗി​ച്ചു നോക്ക​രുത്‌!

ലായകങ്ങൾ വലിച്ചു​നോ​ക്കി​യി​ട്ടുള്ള ചില സമപ്രാ​യ​ക്കാ​രെ നിങ്ങൾക്ക്‌ അറിയാ​മാ​യി​രി​ക്കാം, ജിജ്ഞാസ തോന്നു​ന്നതു തികച്ചും സ്വാഭാ​വി​കം മാത്ര​മാണ്‌. എന്നാൽ ബൈബിൾ ഇപ്രകാ​രം പറയുന്നു: “നാം ജഡത്തി​ലെ​യും ആത്മാവി​ലെ​യും സകല കൻമഷ​വും നീക്കി നമ്മെത്തന്നേ വെടി​പ്പാ​ക്കി ദൈവ​ഭ​യ​ത്തിൽ വിശു​ദ്ധി​യെ തികെ​ച്ചു​കൊൾക.” (2 കൊരി​ന്ത്യർ 7:1) നിങ്ങളു​ടെ ശരീരത്തെ മലിന​മാ​ക്കുന്ന അല്ലെങ്കിൽ നിങ്ങളു​ടെ മനസ്സിന്റെ നിയ​ന്ത്രണം നഷ്ടമാ​കാൻ ഇടയാ​ക്കുന്ന എന്തെങ്കി​ലും കൊണ്ട്‌ എന്തിനു താത്‌കാ​ലി​ക​മാ​യി​ട്ടെ​ങ്കി​ലും പരീക്ഷണം നടത്തി​നോ​ക്കണം? നമ്മോ​ടുള്ള ബൈബി​ളി​ന്റെ ഉപദേശം ‘സുബോ​ധ​മു​ള്ള​വ​രാ​യി​രി​ക്കാ’നാണ്‌. (1 തെസ്സ​ലൊ​നീ​ക്യർ 5:6) ഈ പദപ്ര​യോ​ഗ​ത്തി​ന്റെ അക്ഷരീയ അർഥം “നമുക്കു സമചി​ത്ത​ത​യു​ള്ള​വ​രാ​യി​രി​ക്കാം” എന്നാണ്‌. ഒരു ക്രിസ്‌ത്യാ​നി തന്റെ വിലപ്പെട്ട ചിന്താ​പ്രാ​പ്‌തി​കളെ മലിന​മാ​ക്കു​ന്ന​തി​നു പകരം അതു ജ്ഞാനപൂർവം കാത്തു​സൂ​ക്ഷി​ക്കു​ന്നു.—സദൃശ​വാ​ക്യ​ങ്ങൾ 2:11; 5:2.

കസൂഹി​ക്കോ ഇപ്രകാ​രം പറയുന്നു: “ആ ശീലം തുടങ്ങി​വെ​ച്ച​തിൽ ഞാൻ ദുഃഖി​ക്കു​ന്നു.” “അതു ഭ്രാന്താണ്‌. അതു ചെയ്യുക വളരെ വളരെ അപകട​ക​ര​മായ ഒരു കാര്യ​മാണ്‌” എന്നു പറഞ്ഞു​കൊണ്ട്‌ ലീ അതി​നോ​ടു യോജി​ക്കു​ന്നു. വളരെ​യേറെ വേദന​യും ദുഃഖ​വും ഒഴിവാ​ക്കുക. ലായക​രസം ഉപയോ​ഗി​ച്ചു​നോ​ക്കു​ന്ന​തി​നെക്കു​റി​ച്ചു ചിന്തി​ക്കു​ക​പോ​ലും ചെയ്യരുത്‌. “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു” എന്നു ബൈബിൾ പറയു​ന്ന​തു​പോ​ലെ പ്രവർത്തി​ക്കുക.—സദൃശ​വാ​ക്യ​ങ്ങൾ 22:3.

എന്നിരു​ന്നാ​ലും, ഈ ബുദ്ധ്യു​പ​ദേശം ബാധക​മാ​ക്കുക അത്ര എളുപ്പ​മാ​യി​രി​ക്കില്ല. ലായക​ങ്ങ​ളു​ടെ ദുരു​പ​യോ​ഗ​മെന്ന കെണി​യിൽ യുവാക്കൾ വീഴു​ന്ന​തി​ന്റെ സർവസാ​ധാ​ര​ണ​മായ കാരണ​ങ്ങ​ളി​ലൊ​ന്നു “സമപ്രാ​യ​ക്കാ​രു​ടെ സമ്മർദ”മാണെന്നു പറയ​പ്പെ​ടു​ന്നു. യുവാ​വായ ഡേവിഡ്‌ ഇപ്രകാ​രം പറയുന്നു: “പശ കത്തിച്ചു വലിക്കാ​നുള്ള താത്‌പ​ര്യം എന്റെ സഹോ​ദരൻ എന്നിൽ ഉളവാക്കി.” “എനിക്ക്‌ അതു പരിച​യ​പ്പെ​ടു​ത്തി​ത്ത​ന്നത്‌ എന്റെ സ്‌നേ​ഹി​ത​രാണ്‌,” എന്ന്‌ കസൂഹി​ക്കോ കൂട്ടി​ച്ചേർക്കു​ന്നു. അതേ, “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു” എന്ന്‌ 1 കൊരി​ന്ത്യർ 15:33 [NW] പറയുന്നു. നിങ്ങളു​ടെ ജീവി​തത്തെ നശിപ്പി​ക്കാൻ എന്തിന്‌ സമപ്രാ​യ​ക്കാ​രെ അനുവ​ദി​ക്കണം? നമ്മുടെ സ്വർഗീയ പിതാ​വായ യഹോ​വ​യാം ദൈവം ഇപ്രകാ​രം ഉദ്‌ബോ​ധി​പ്പി​ക്കു​ന്നു: “മകനേ, പാപികൾ നിന്നെ വശീക​രി​ച്ചാൽ വഴി​പ്പെ​ട്ടു​പോ​ക​രു​തു.”—സദൃശ​വാ​ക്യ​ങ്ങൾ 1:10.

മയക്കു​മ​രു​ന്നു​കൾ ഉപയോ​ഗി​ക്കാൻ മററു​ള്ളവർ നിങ്ങളു​ടെ​മേൽ സമ്മർദം ചെലു​ത്തു​ന്നെ​ങ്കിൽ ജ്ഞാനപൂർവം അതു നിങ്ങളു​ടെ മാതാ​പി​താ​ക്കളെ അറിയി​ക്കുക. ഇല്ല എന്നു പറയാ​നുള്ള നിങ്ങളു​ടെ ദൃഢതീ​രു​മാ​നത്തെ ബലിഷ്‌ഠ​മാ​ക്കാൻ അവർക്കു സഹായി​ക്കാ​നാ​കും. മറുവ​ശത്ത്‌, ലായകം വലിച്ചു​നോ​ക്കാൻ നിങ്ങൾക്കു പ്രലോ​ഭനം തോന്നി​യേ​ക്കാം, കാരണം നിങ്ങൾക്കു പ്രശ്‌ന​ങ്ങ​ളിൽനി​ന്നു വളരെ സമ്മർദ​മോ ആകുല​ത​യോ തോന്നി​യേ​ക്കാം. സമ്മർദ​ത്തിൽനി​ന്നു വളരെ​യ​ധി​കം ആശ്വാസം കിട്ടു​ന്ന​തി​നു നിങ്ങളു​ടെ പ്രശ്‌നങ്ങൾ മാതാ​പി​താ​ക്ക​ളോ​ടോ പക്വത​യും സമാനു​ഭാ​വ​വു​മുള്ള ഏതെങ്കി​ലും മുതിർന്ന വ്യക്തി​യോ​ടോ തുറന്നു സംസാ​രി​ക്കു​ന്നത്‌ ഏറെ നല്ലതാ​യി​രി​ക്കാം. നിങ്ങൾക്കു വേണ്ടത്‌ മാർഗ​നിർദേ​ശ​മാണ്‌, മയക്കു​മ​രുന്ന്‌ ഉപയോ​ഗി​ച്ചു​കൊ​ണ്ടുള്ള രക്ഷപെ​ടലല്ല. തരണം ചെയ്യാൻ നിങ്ങളെ സഹായി​ക്കു​ന്ന​തി​നു പ്രാർഥന എന്ന സഹായ​ത്തി​ന്റെ പ്രയോ​ജ​ന​വും നിങ്ങൾക്കു നേടാ​നാ​കും. “എല്ലാകാ​ല​ത്തും അവനിൽ ആശ്രയി​പ്പിൻ; നിങ്ങളു​ടെ ഹൃദയം അവന്റെ മുമ്പിൽ പകരു​വിൻ” എന്നു സങ്കീർത്ത​ന​ക്കാ​രൻ പറയുന്നു.—സങ്കീർത്തനം 62:8.

ലായകം കത്തിച്ചു വലിക്കു​ന്നത്‌ ആവേശ​ക​ര​മാ​ണെന്നു തോന്നി​യേ​ക്കാം, എന്നാൽ അതു നിങ്ങളു​ടെ പ്രശ്‌ന​ങ്ങളെ പരിഹ​രി​ക്കു​ക​യില്ല. തീർച്ച​യാ​യും, അതിനു നിങ്ങളു​ടെ ജീവി​തത്തെ നശിപ്പി​ക്കാ​നാ​കും. വിവേ​ക​മു​ള്ള​വ​നാ​യി​രി​ക്കുക. ഒരിക്ക​ലും അതു പരീക്ഷി​ച്ചു​നോ​ക്കാ​തി​രി​ക്കുക.

[അടിക്കു​റി​പ്പു​കൾ]

[13-ാം പേജിലെ ചിത്രം]

സമപ്രായക്കാരിൽനിന്നുള്ള സമ്മർദം മാരക​മായ ഒരു ശീലത്തി​ലേക്കു നിങ്ങളെ വശീക​രി​ക്കാൻ അനുവ​ദി​ക്കാ​തി​രി​ക്കുക