ഒരു തുരങ്ക​ത്തി​നു വേണ്ടി​യുള്ള പോരാ​ട്ടം

ബ്രിട്ടനിലെ ഉണരുക! ലേഖകൻ

“ഈ നൂററാ​ണ്ടി​ലെ പദ്ധതി.” ഇപ്പോൾ ഇംഗ്ലണ്ടി​നെ​യും യൂറോപ്പ്‌ ഭൂഖണ്ഡ​ത്തെ​യും തമ്മിൽ ബന്ധിപ്പി​ക്കുന്ന തുരങ്ക​ത്തി​ന്റെ നിർമാ​ണം സംബന്ധി​ച്ചു ചിലർ അങ്ങനെ​യാ​ണു വിചാ​രി​ക്കു​ന്നത്‌.

സിവിൽ എഞ്ചിനി​യ​റി​ങ്ങി​ന്റെ ശ്രദ്ധേ​യ​മായ ഒരു യത്‌ന​ത്തിൽ ബ്രിട്ടീ​ഷു​കാ​രും ഫ്രഞ്ചു​കാ​രും അടങ്ങിയ ഏതാണ്ട്‌ 15,000 ജോലി​ക്കാർ തുരങ്കം നിർമി​ക്കുന്ന കൂററൻ യന്ത്രങ്ങൾക്കു പിന്നിൽ അണിനി​രന്നു. അവയ്‌ക്കിട്ട രസികൻ പേരു​ക​ളാ​യി​രു​ന്നു ബ്രീഷീ​ററ്‌, കാതറീൻ, പാസ്‌കാ​ലീൻ, വീർഷീ​നീ, യൂറോ​പ്പാ എന്നിവ. അവയെ​ല്ലാം ഒത്തു​ചേർന്ന്‌, ബ്രിട്ടീ​ഷു​കാർ ചാനൽ എന്നും ഫ്രഞ്ചു​കാർ ലാ മാൻഷ്‌ എന്നും വിളി​ക്കുന്ന വെള്ളത്തി​ന​ടി​യി​ലൂ​ടെ​യുള്ള ലോക​ത്തി​ലെ ഏററവും നീളമുള്ള ജലാന്തര തുരങ്കം നിർമി​ച്ചു.a എന്നാൽ അവരുടെ വിജയം പ്രശ്‌ന​ങ്ങ​ളോ തിരി​ച്ച​ടി​ക​ളോ ഇല്ലാ​തെ​യാ​യി​രു​ന്നില്ല. ഈ പദ്ധതി​കാ​ലത്ത്‌ ഒമ്പതു പേർക്കു അവരുടെ ജീവ​നൊ​ടു​ക്കേ​ണ്ടി​വന്നു.

അനേകം വിഫല ഉദ്യമങ്ങൾ

“ഡോവ​റി​നും കലെയ്‌സി​നും ഇടയി​ലുള്ള റെയിൽവേ ടണലിന്റെ നിർമാ​ണ​ത്തോ​ടു​ള്ള​ത്ര​യും ആഴമാ​യ​തും നിലനിൽക്കു​ന്ന​തു​മായ മുൻവി​ധി മറെറാ​രു പദ്ധതി​ക്കും ഉണ്ടാവില്ല” എന്നു ബ്രിട്ടീഷ്‌ രാജ്യ​ത​ന്ത്ര​ജ്ഞ​നായ വിൻസ്‌ററൺ ചർച്ചിൽ 1936-ൽ പ്രസ്‌താ​വി​ച്ചു. ചാനലി​ന​ടി​യി​ലൂ​ടെ ഒരു ടണൽ നിർമി​ക്കു​ന്ന​തി​നുള്ള നിർദ്ദേശം 1858-ൽ ബ്രിട്ടീഷ്‌ പാർല​മെൻറ്‌ സമക്ഷം സമർപ്പി​ക്ക​പ്പെട്ടു, അപ്പോൾ ലോർഡ്‌ പാൽമെർസ്‌ററൺ ഇങ്ങനെ പറഞ്ഞതാ​യി റിപ്പോർട്ടു ചെയ്യ​പ്പെ​ടു​ന്നു: “എന്ത്‌! ഇപ്പോൾത്തന്നെ കുറവായ ദൂരം വീണ്ടും കുറയ്‌ക്കാൻ വേണ്ടി ഞങ്ങളോ​ടു പണം ചോദി​ക്കാൻ നിങ്ങൾ ധൈര്യം കാട്ടു​ന്നു​വോ?”

അതിനും കുറെ​ക്കാ​ലം മുമ്പ്‌, 1802-ൽ ഫ്രഞ്ച്‌ ഖനന എഞ്ചിനി​യ​റായ ആൽബർട്ട്‌ മാത്യു-ഫാവ്യെ വിളക്കു​വെ​ട്ട​ത്തിൽ പ്രകാ​ശി​ക്കുന്ന ഒരു തുരങ്ക​മു​ണ്ടാ​ക്കാ​നുള്ള നിർദേശം മുന്നോ​ട്ടു​വെച്ചു. അതിലൂ​ടെ പോകുന്ന കുതി​ര​വ​ണ്ടി​കൾക്കു വായൂ​സ​ഞ്ചാ​രം പ്രദാനം ചെയ്യു​ന്ന​തി​നു തിരമാ​ല​കൾക്കു​മീ​തെ ഉയർന്നു​നിൽക്കുന്ന ചിമ്മി​നി​കൾ ഈ തുരങ്ക​ത്തി​നു വേണമാ​യി​രു​ന്നു. എന്നാൽ, ഈ പദ്ധതി സാങ്കേ​തി​ക​മാ​യി അപ്രാ​യോ​ഗി​ക​മെന്നു തെളി​യു​ക​യാ​ണു​ണ്ടാ​യത്‌.

1856-ൽ മറെറാ​രു ഫ്രഞ്ചു​കാ​ര​നായ റേറാമേ ഡാ ഗമോൺ എന്ന എഞ്ചിനി​യർ ഫ്രാൻസി​നെ​യും ഇംഗ്ലണ്ടി​നെ​യും ബന്ധിപ്പി​ക്കാൻ ഒരു റെയിൽവേ തുരങ്കം നിർമി​ക്കാൻ ശുപാർശ ചെയ്‌തു. ഈ നിർദേശം ഫ്രഞ്ചു​കാർ സ്വീക​രി​ച്ചെ​ങ്കി​ലും ബ്രിട്ടീ​ഷു​കാർ അതി​നോട്‌ അത്ര ഉത്സാഹം കാട്ടി​യില്ല. പിന്തി​രി​യാൻ കൂട്ടാ​ക്കാഞ്ഞ ഡാ ഗമോൺ, അടുത്ത​താ​യി വില്യം ലോ എന്ന ഒരു ബ്രിട്ടീഷ്‌ ഖനന എഞ്ചിനി​യ​റു​മാ​യി കൂടി​ക്കണ്ടു. 1872-ൽ ഈ ചാനൽ തുരങ്ക​ത്തി​നാ​വ​ശ്യ​മായ പണം സ്വരൂ​പി​ക്കാൻ ലോയും സഹ എഞ്ചിനി​യ​റായ സർ ജോൺ ഹോക്‌ഷോ​യും ചേർന്ന്‌ ഒരു കമ്പനി സ്ഥാപിച്ചു. കേണൽ ബ്യൂ​മോൺട്‌ രൂപകൽപ്പന ചെയ്‌ത പാറതു​രപ്പൻ യന്ത്രങ്ങൾ 1880-ൽ ഡോവ​റി​ന​ടു​ത്തുള്ള ഷേക്‌സ്‌പി​യർ ക്ലിഫിൽനി​ന്നും ഫ്രഞ്ചു തീരത്തു സാൻഗാ​റ​റ​യിൽനി​ന്നും തുരങ്ക​നിർമാ​ണം തുടങ്ങി. 1,000 മീററർ പിന്നി​ട്ട​പ്പോൾ പണി സ്‌തം​ഭി​ച്ചു, കാരണം ഒരു സൈനി​കാ​ക്രമണ ഭീതി​യു​ണ്ടാ​യ​പ്പോൾ ബ്രിട്ടീഷ്‌ ഗവൺമെൻറ്‌ ഈ പദ്ധതി വിട്ടു​ക​ളഞ്ഞു.

1920-കളിൽ വീണ്ടും അടുത്ത ശ്രമം നടന്നു. ഇംഗ്ലണ്ടി​ലെ ഫോക്‌സ്‌റേ​റാ​ണി​ന​ടു​ത്തു പരീക്ഷ​ണാ​ടി​സ്ഥാ​ന​ത്തിൽ ഒരു 130-മീററർ തുരങ്കം നിർമി​ച്ചു. ബ്രിട്ടീ​ഷു​കാ​രു​ടെ ആക്രമ​ണ​ഭയം നിമിത്തം നിർമാ​ണം വീണ്ടും മുടങ്ങി. 1970-കളിൽ തുരങ്ക​നിർമാ​ണം വീണ്ടു​മാ​രം​ഭി​ച്ചു. എന്നാൽ ബ്രിട്ടീഷ്‌ ഗവൺമെൻറ്‌ പിന്തുണ പിൻവ​ലി​ച്ച​പ്പോൾ അതു വീണ്ടും നിലയ്‌ക്കു​ക​യാ​ണു​ണ്ടാ​യത്‌.

പിന്നീട്‌, 1986-ൽ ചാനൽ തുരങ്ക ഉടമ്പടി​യു​ടെ ഒപ്പുവ​യ്‌ക്കൽ നടന്നു. തുടർന്നു​വന്ന വർഷം ഫ്രാൻസും ബ്രിട്ട​നും യോജി​ച്ച​പ്പോൾ അതിന്റെ പണി ആത്മാർഥ​മാ​യി ആരംഭി​ക്കാൻ കഴിഞ്ഞു.

സാമ്പത്തിക പോരാ​ട്ടം

ഫ്രഞ്ചു​കാ​രു​ടെ​യും ബ്രിട്ടീ​ഷു​കാ​രു​ടെ​യും ഒരു കൂട്ടം സ്വകാര്യ കമ്പനികൾ (അവ മൊത്ത​മാ​യി യൂറോ​ടണൽ എന്ന്‌ അറിയ​പ്പെ​ടു​ന്നു) ചേർന്ന്‌ തുരങ്ക​ത്തി​ന്റെ രൂപകൽപ്പന നടത്താ​നും അതു പണിയാ​നും വേണ്ടി പത്തു കൺസ്‌ട്ര​ക്‌ഷൻ കമ്പനി​ക​ളു​ടെ ഒരു സംഘമായ ട്രാൻസ്‌മാൻഷ്‌-ലിങ്കിനെ (TML) നിയോ​ഗി​ച്ചു. മുഴു പദ്ധതി​ക്കും വേണ്ടി സ്വകാര്യ പണം മുടക്ക​ണ​മെ​ന്നാ​യി​രു​ന്നു സർക്കാ​രി​ന്റെ നിർബന്ധം.

പണി തുടങ്ങി വെറും രണ്ടു വർഷം കഴിഞ്ഞ​പ്പോൾ, യൂറോ​ട​ണ​ലിന്‌ അതിന്റെ സാമ്പത്തിക അടങ്കൽ 523 കോടി പൗണ്ടിൽനിന്ന്‌ 700 കോടി പൗണ്ടായി വർധി​പ്പി​ക്കേ​ണ്ടി​വന്നു. 1994 ആയപ്പോ​ഴേ​ക്കും ഈ പദ്ധതി​ക്കാ​യുള്ള സാമ്പത്തിക പ്രവചനം ഏതാണ്ട്‌ 1,000 കോടി പൗണ്ടായി വർധി​ച്ചി​രു​ന്നു.

ഉപരി​ത​ല​ത്തി​ന​ടി​യി​ലെ പോരാ​ട്ടം

വാസ്‌ത​വ​ത്തിൽ ഈ ചാനൽ തുരങ്കം ഒരു തുരങ്കമല്ല, പിന്നെ​യോ മൂന്നു തുരങ്ക​ങ്ങ​ളാണ്‌. 1987 ഡിസംബർ 15-ന്‌ ആദ്യത്തെ ടിബിഎം (തുരങ്ക​മു​ണ്ടാ​ക്കുന്ന യന്ത്രം) ഇംഗ്ലണ്ടിൽ അതിന്റെ പണിയാ​രം​ഭി​ച്ചു. അതിന്റെ ഫ്രഞ്ച്‌ കൂട്ടാ​ളി​യായ ബ്രീഷീ​ററ്‌ പിറേറ വർഷം ഫെബ്രു​വരി 28-നും പണിക്കു തുടക്ക​മി​ട്ടു. അററകു​റ​റ​പ്പ​ണി​കൾക്കും അടിയ​ന്തി​രാ​വ​ശ്യ​ങ്ങൾക്കും വേണ്ടി 4.8 മീററർ വ്യാസ​മുള്ള ഒരു സർവീസ്‌ തുരങ്കം നിർമി​ക്കു​ക​യാ​യി​രു​ന്നു അവയുടെ ജോലി. പാറ തുരന്നു മുന്നോ​ട്ടു​പോ​കുന്ന വലിപ്പം കൂടിയ ടിബി​എ​മ്മു​കൾ പണി തീർക്കു​മ്പോ​ഴേ​ക്കും 7.6 മീററർ വ്യാസ​മുള്ള രണ്ടു പ്രധാന തുരങ്കങ്ങൾ ഉണ്ടാക്കി​യി​രി​ക്കും.

“ഷേക്‌സ്‌പി​യർ ക്ലിഫിൽവച്ചു ഞങ്ങൾ ഒരു വലിയ ഷാഫ്‌റ​റിൽ താഴേക്കു പോയി” എന്നു തുരങ്ക​ത്തിൽ ജോലി ചെയ്‌ത പോൾ വിവരി​ക്കു​ന്നു. “താഴേക്കു പോയ​പ്പോൾ നല്ല തണുപ്പ​നു​ഭ​വ​പ്പെട്ടു, അടിയിൽ എത്തുന്ന​തു​വരെ നനവു​ണ്ടാ​യി​രു​ന്നു. അവിടെ എല്ലാ യന്ത്രങ്ങ​ളിൽനി​ന്നു​മുള്ള ഡീസൽ പുകനി​മി​ത്തം വായു കനത്തതാ​യി​രു​ന്നു. തുരങ്ക​ത്തി​ലൂ​ടെ കടന്നു​പോ​യ​പ്പോൾ അന്തരീക്ഷം കൂടുതൽ ഈർപ്പ​മു​ള്ള​തും ചൂടു​പി​ടി​ച്ച​തു​മാ​യി​ത്തീർന്നു.”

അങ്ങ്‌ താഴെ തുരങ്ക​ത്തി​നു​ള്ളിൽ 11 ടിബിഎം യന്ത്രങ്ങൾ തുരങ്ക​നിർമാ​ണ​ത്തിൽ ഏർപ്പെ​ട്ടി​രു​ന്നു. മൂന്നു യന്ത്രങ്ങൾ ഷേക്‌സ്‌പി​യർ ക്ലിഫിൽനി​ന്നു കരയെ ലക്ഷ്യമാ​ക്കി തുരങ്ക​മു​ണ്ടാ​ക്കി, ഫോക്‌സ്‌റേ​റാ​ണി​നു സമീപ​മുള്ള ബ്രിട്ടീഷ്‌ ടെർമി​ന​ലി​ലേക്ക്‌ അവ മുന്നേറി. സാങ്ക​റെ​റ​യി​ലുള്ള ഒരു ഷാഫ്‌റ​റിൽനി​ന്നു തുരങ്ക​നിർമാ​ണം ആരംഭിച്ച മൂന്നു ഫ്രഞ്ച്‌ യന്ത്രങ്ങ​ളു​മാ​യി സംഗമി​ക്കാൻ വേറൊ​രു മൂന്നെണ്ണം ചാനലി​ന​ടി​യി​ലൂ​ടെ സമുദ്രം ലക്ഷ്യമാ​ക്കി നീങ്ങി. അവശേ​ഷിച്ച രണ്ട്‌ ടിബിഎം യന്ത്രങ്ങൾ സാങ്ക​റെ​റ​യിൽനി​ന്നു കാലെ​യ്‌സി​ന​ടു​ത്തുള്ള കോക്കൽ ടെർമി​ന​ലി​ലേക്കു കരയെ ലക്ഷ്യമാ​ക്കി മൂന്നു തുരങ്കങ്ങൾ നിർമി​ച്ചു.

ബ്രീഷീ​ററ്‌ രണ്ടു രീതി​യിൽ പണി​യെ​ടു​ത്തു. തുളക​ളും വിള്ളലു​ക​ളും വീണ ചുണ്ണാ​മ്പു​ക​ല്ലി​ലൂ​ടെ തുളച്ചു​പോ​യ​പ്പോൾ ഒരു ചതുരശ്ര സെൻറി​മീ​റ​റ​റി​ലെ 11 കിലോ​ഗ്രാം ജലമർദത്തെ ചെറു​ത്തു​നിൽക്കാൻ കട്ടിങ്‌ ഹെഡും ബാക്കി യന്ത്രഭാ​ഗ​വും ആവരണം ചെയ്‌താണ്‌ അതു പ്രവർത്തി​ച്ചത്‌. ഈ സമ്മർദം സാധാരണ അന്തരീക്ഷ വായൂ​മർദ​ത്തി​ന്റെ പത്തിര​ട്ടി​യാണ്‌. എന്നാൽ ചുണ്ണാ​മ്പു​ക​ല്ലും കളിമ​ണ്ണും ചേർന്ന ഉരമണ്ണു​ള്ളി​ടത്ത്‌ എത്തിയ​പ്പോൾ അതു വേഗത ഇരട്ടി​യാ​ക്കി. അതിനു​ശേഷം, സമു​ദ്രാ​ടി​ത്ത​ട്ടി​നും കീഴെ 25 മീററ​റി​നും 40 മീററ​റി​നും ഇടയി​ലുള്ള ഈ അടുക്കും പിന്നിട്ട ബ്രീഷീ​ററ്‌ ബ്രിട്ടീഷ്‌ സൈഡി​ലുള്ള തന്റെ സഹകാ​രി​യു​ടെ നേർക്ക്‌ മുന്നേ​റു​ക​യാ​യി.

ബ്രീഷീ​റ​റി​നെ​പ്പോ​ലെ എല്ലാ ടിബിഎം യന്ത്രങ്ങ​ളും സഞ്ചരി​ക്കുന്ന ഫാക്ടറി​ക​ളാ​യി​രു​ന്നു. ടങ്‌സ്‌ററൺ കാർ​ബൈഡ്‌ അഗ്ര​ത്തോ​ടു​കൂ​ടിയ അതിന്റെ മുമ്പി​ലുള്ള കട്ടിങ്‌ ഹെഡ്‌ മുതൽ പിന്നി​ലുള്ള സർവീസ്‌ ട്രെയിൻവരെ ഏററവും വലുതിന്‌ 260 മീററർ നീളമു​ണ്ടാ​യി​രു​ന്നു! ഗ്രിപ്പർ ഷൂസുകൾ സഹിതം അതാതു സ്ഥാനങ്ങ​ളിൽ ഉറപ്പി​ച്ചി​രുന്ന ഹൈ​ഡ്രോ​ളിക്‌ പിസ്‌ററൺ റാമു​ക​ളാൽ ശക്തി ലഭിച്ച ഒരു ടിബിഎം മെഷീൻ ഒരാഴ്‌ച​കൊണ്ട്‌ 426 മീററർ നീളത്തിൽ തുരങ്ക​മു​ണ്ടാ​ക്കി. കൂടാതെ, അത്‌ അവശി​ഷ്ടങ്ങൾ നീക്കം ചെയ്യു​ക​യും ചെയ്‌തു. ആ സമയത്തു തുരങ്ക​മു​ണ്ടാ​ക്കുന്ന കട്ടറുകൾ മിനി​റ​റിൽ രണ്ടോ മൂന്നോ പ്രാവ​ശ്യം കറങ്ങി​ക്കൊ​ണ്ടി​രു​ന്നു.

നേർക്കു​നേർ വരുത്തൽ

ഈ യന്ത്രത്തെ മുന്നോ​ട്ടു പായി​ക്കു​ന്ന​തി​നു ടിബിഎം ഓപ്പ​റേ​ററർ കമ്പ്യൂട്ടർ സ്‌ക്രീ​നും ടെലി​വി​ഷൻ മോണി​റ​റ​റു​ക​ളും നിരീ​ക്ഷി​ച്ചു​കൊ​ണ്ടി​രു​ന്നു. തുരങ്ക​നിർമാ​ണം തുടങ്ങു​ന്ന​തി​നു മുമ്പ്‌ സാററ​ലൈ​ററ്‌ നിരീ​ക്ഷ​ണങ്ങൾ അതിന്റെ കൃത്യ​മായ വഴി സംബന്ധിച്ച പ്ലാൻ തയ്യാറാ​ക്കു​ന്ന​തി​നു സഹായ​മാ​യി. വണ്ണം കുറഞ്ഞ ഡ്രില്ലു​കൾ 150 മീററ​റി​ല​ധി​കം പാറ കുത്തി​ത്തു​ളച്ച്‌ മുന്നോ​ട്ടുള്ള വഴി ഏതെന്നു സൂചി​പ്പി​ക്കു​ന്ന​തി​നു വേണ്ടി ചുണ്ണാ​മ്പു​ക​ല്ലും കളിമ​ണ്ണും ചേർന്ന മിശ്രി​ത​ത്തി​ന്റെ സാമ്പി​ളു​കൾ പുറ​ത്തെ​ടു​ത്തു. യന്ത്രത്തി​ലെ പ്രകാ​ശ​സം​വേ​ദ​ക​ത്വ​മുള്ള ഒരു സ്ഥാന​ത്തേക്ക്‌ അടിപ്പിച്ച ഒരു പ്രകാ​ശ​വീ​ചി ശരിയായ മാർഗ​ത്തിൽ പോകാൻ ഡ്രൈ​വറെ പ്രാപ്‌ത​നാ​ക്കി.

കരയിൽനിന്ന്‌ ആറുമു​തൽ എട്ടുവരെ കിലോ​മീ​ററർ അകലെ ചാനലി​ന​ടി​യിൽ, കുറുകെ കടക്കാ​നുള്ള ഗുഹകൾ തുരങ്ക​നിർമാ​താ​ക്കൾ ഉണ്ടാക്കി. ആവശ്യ​മു​ള്ള​പ്പോൾ അവി​ടെ​വെച്ച്‌ തീവണ്ടി​യെ ഒരു തുരങ്ക​ത്തിൽനി​ന്നു മറെറാ​ന്നി​ലേക്കു തിരി​ച്ചു​വി​ടാൻ കഴിയും. ചെറിയ ഉപകര​ണ​ങ്ങൾകൊ​ണ്ടു പണി​യെ​ടു​ക്കുന്ന ജോലി​ക്കാർ ഓരോ 375 മീററ​റി​നി​ട​യി​ലും, വണ്ടി പോകുന്ന തുരങ്ക​വും സർവീസ്‌ തുരങ്ക​വും തമ്മിൽ ബന്ധിപ്പി​ക്കുന്ന വഴികൾ തുരന്നു​ണ്ടാ​ക്കി.

കൂടാതെ അവർ സർവീസ്‌ തുരങ്ക​ത്തി​ന്റെ മുകളി​ലാ​യി കമാനാ​കൃ​തി​യിൽ പ്രധാന തുരങ്ക​ങ്ങ​ളെ​ത്ത​മ്മിൽ ബന്ധിപ്പിച്ച്‌ വായൂ​മർദം കുറയ്‌ക്കാ​നുള്ള കുഴലു​കൾ ഉണ്ടാക്കി. “അത്‌ ഒരു പഴഞ്ചൻ സൈക്കിൾ പമ്പു​പോ​ലെ​യാണ്‌. വാൽവി​നു മുകളിൽ കയ്യുടെ പെരു​വി​രൽ വയ്‌ക്കു​മ്പോൾ, ചൂട്‌ അനുഭ​വ​പ്പെ​ടും. തീവണ്ടി​ക​ളും ധാരാളം താപം ഉത്‌പാ​ദി​പ്പി​ക്കു​ന്നുണ്ട്‌. കടന്നു​പോ​കുന്ന തീവണ്ടി​ക​ളു​ടെ മർദവും ചൂടും ലഘൂക​രി​ക്കാൻ പിസ്‌റ​റ​ണി​ന്റെ വാൽവു​കൾ തുറക്കു​ന്നു” എന്നു പോൾ വിശദീ​ക​രി​ക്കു​ന്നു.

ബ്രീഷീ​റ​റും അതിന്റെ ഇംഗ്ലീഷ്‌ ചങ്ങാതി​യും നൂറു മീററർ അടു​ത്തെ​ത്തി​യ​പ്പോൾ പണി​യൊ​ന്നു നിർത്തി. അപ്പോൾ ചുണ്ണാ​മ്പു​ക​ല്ലും കളിമ​ണ്ണും ചേർന്ന മിശ്രി​ത​ത്തി​ലൂ​ടെ അതീവ ശ്രദ്ധ​യോ​ടെ ഒരു ഡ്രിൽ ഉപയോ​ഗിച്ച്‌ 4 സെൻറി​മീ​ററർ വ്യാസ​മുള്ള ഒരു ദ്വാര​മു​ണ്ടാ​ക്കി. 1990 ഡിസംബർ 1-ന്‌ ഇംഗ്ലണ്ടിൽനിന്ന്‌ ഏതാണ്ട്‌ 22.3 കിലോ​മീ​റ​റ​റും ഫ്രാൻസിൽനിന്ന്‌ 15.6 കിലോ​മീ​റ​റ​റും അകലമു​ള്ള​ട​ത്തു​വെച്ച്‌ ആ വൻ നേട്ടം കൈവ​രി​ക്കു​ക​യു​ണ്ടാ​യി. അന്തിമ പരി​ശോ​ധന നടത്തി​യ​പ്പോൾ, രണ്ടു തുരങ്ക​ങ്ങ​ളും പരസ്‌പരം നേർക്കു​നേർ വന്നപ്പോ​ഴു​ണ്ടായ വ്യത്യാ​സം വെറും സെൻറി​മീ​റ​റ​റു​കൾ മാത്ര​മാ​ണെന്നു മനസ്സി​ലാ​ക്കി​യ​പ്പോ​ഴത്തെ ആശ്വാ​സ​ത്തെ​ക്കു​റിച്ച്‌ ഒന്നു ചിന്തി​ക്കുക! ബ്രിട്ടീഷ്‌ ടിബിഎം യന്ത്രത്തെ താഴെ ബ്രീഷീ​റ​റി​ന്റെ ഒരു വശത്ത്‌ ഉപേക്ഷി​ച്ചു കളയാ​നാ​യി ഒരു വളവി​ലേക്ക്‌ ഓടിച്ചു. ചെറിയ യന്ത്രങ്ങൾ ഉപയോ​ഗി​ച്ചു പണി ചെയ്‌തി​രു​ന്നവർ ജോലി പൂർത്തി​യാ​ക്കി. അതിനു​ശേഷം, തീവണ്ടി​കൾക്കു പോകാ​നുള്ള തുരങ്ക​ങ്ങളെ തമ്മിൽ കൂട്ടി​യോ​ജി​പ്പി​ച്ചു. എന്നിട്ട്‌ ബ്രിട്ടീഷ്‌ ടിബി​എ​മ്മു​കളെ ഭൂമി​ക്ക​ടി​യി​ലുള്ള അവയുടെ ശവക്കു​ഴി​ക​ളി​ലേക്കു തിരി​ച്ചു​വി​ട്ടു. ഫ്രഞ്ചു​കാ​രു​ടെ തുരങ്ക​നിർമാണ യന്ത്രങ്ങളെ അഴിച്ചു​മാ​ററി തുരങ്ക​ത്തിൽനി​ന്നു നീക്കം ചെയ്‌തു.

അരോ​ച​ക​മെ​ങ്കി​ലും വേഗം കൂടി​യത്‌

“ഇപ്പോൾ തുരങ്കം കണ്ടാൽ അത്‌ അധിക​വും കോൺക്രീ​ററ്‌ കൊണ്ട്‌ നിർമി​ച്ച​താ​ണെന്നു തോന്നും. അത്‌ വളരെ അരോ​ച​ക​മാണ്‌. ഈ ടണലി​ലൂ​ടെ സഞ്ചരി​ക്കു​മ്പോൾ പിസ്‌ററൺ മർദല​ഘൂ​കരണ കുഴലു​ക​ളും പൈപ്പു​ക​ളും ഒഴികെ ഒന്നും കാണാ​നില്ല,” പോൾ സൂചി​പ്പി​ക്കു​ന്നു. വൈകി​യാ​ണു തുരങ്കം പൊതു​ജ​ന​ങ്ങൾക്ക്‌ ഉപയോ​ഗി​ക്കാൻ കഴിഞ്ഞ​തെ​ങ്കി​ലും അതിന്റെ ഉദ്‌ഘാ​ടനം 1994 മേയ്‌ 6-നായി​രു​ന്നു. അതിലെ യാത്ര എങ്ങനെ​യി​രി​ക്കും?

ഇതു മനസ്സി​ലാ​ക്കാൻ ഫോക്‌സ്‌റേ​റാ​ണി​ലോ കലെയ്‌സി​ലോ വെച്ചു റോഡിൽനി​ന്നു മാറി ചാർജ്‌ (സീസണ​നു​സ​രിച്ച്‌ ഒരു കാറിന്‌ 200 പൗണ്ട്‌ [330 ഡോളർ] മുതൽ 310 പൗണ്ട്‌ [460 ഡോളർ] വരെ) കൊടു​ത്തിട്ട്‌ അതിന്റെ പ്രവേശന കവാട​ത്തിൽ കടക്കുക. കസ്‌റ​റംസ്‌ ചെക്ക്‌പോ​സ്‌റ​റു​ക​ളി​ലൂ​ടെ കടന്നു താഴേ​ക്കുള്ള വഴിയി​ലൂ​ടെ കാറോ​ടി​ച്ചു പോകുക. എന്നിട്ട്‌ പ്ലാററ്‌ഫോ​മും കടന്നു പ്രത്യേ​കം രൂപകൽപ്പന ചെയ്‌ത തീവണ്ടി​യായ ലാ ഷട്ടിലിൽ കടക്കുക. ഏതാണ്ട്‌ 35 മിനി​ററു കൊണ്ട്‌ 50 കിലോ​മീ​ററർ ദൂരം പിന്നിട്ടു കഴിയു​മ്പോൾ നിങ്ങൾ ചാനലി​ന്റെ അങ്ങേത്ത​ല​യ്‌ക്കൽ എത്തുന്നു. തീവണ്ടി​യിൽനി​ന്നു നേരെ ഹൈ​വേ​യി​ലേക്കു കാറോ​ടി​ച്ചു​പോ​കുക. നിങ്ങളു​ടെ യാത്ര ലളിത​മാ​യും സ്വൈ​ര്യ​മാ​യും പെട്ടെ​ന്നു​തന്നെ തുടരാൻ നിങ്ങളെ അനുവ​ദി​ക്കുന്ന ഒരു മാർഗം. അല്ലെങ്കിൽ ലണ്ടനി​ലേ​ക്കോ പാരീ​സി​ലേ​ക്കോ ഉള്ള ഒരു തീവണ്ടി​യിൽ തങ്ങുക. എന്നാൽ ഒരു വ്യത്യാ​സം, നിങ്ങൾ മണിക്കൂ​റിൽ 290 കിലോ​മീ​ററർ വേഗത​യിൽ പാരീ​സിൽ എത്തും. ലണ്ടനി​ലേ​ക്കാ​ണെ​ങ്കിൽ മണിക്കൂ​റിൽ 80 കിലോ​മീ​ററർ വേഗത​യി​ലും. ഫോക്‌സ്‌റേ​റാൺമു​തൽ ലണ്ടൻവ​രെ​യുള്ള എക്‌സ്‌പ്രസ്‌ ലൈൻ 2002-നു മുമ്പ്‌ സജ്ജമാ​കു​ക​യില്ല!

എന്നിരു​ന്നാ​ലും, പോരാ​ട്ടം ഇപ്പോ​ഴും തുടരു​ന്നു. ലണ്ടനെ തുരങ്ക​വു​മാ​യി ബന്ധിപ്പി​ക്കുന്ന ഹൈസ്‌പീഡ്‌ തീവണ്ടി​പ്പാ​ത​യെ​ച്ചൊ​ല്ലി ഇപ്പോ​ഴും തർക്കങ്ങ​ളുണ്ട്‌. അക്ഷീണം പണി​യെ​ടുത്ത ആ ടിബിഎം യന്ത്രങ്ങളെ നമുക്കു മറക്കാ​തി​രി​ക്കാം. അവയി​ലൊ​ന്നു ഫോക്‌സ്‌റേ​റാ​ണി​ലുള്ള ടണൽ എക്‌സി​ബി​ഷൻ കേന്ദ്ര​ത്തി​നു പുറത്തു പ്രദർശ​ന​ത്തി​നാ​യി വച്ചിട്ടുണ്ട്‌. അതിൻമേൽ ഈ എഴുത്തും കാണാം: “വിൽപ്പ​ന​യ്‌ക്ക്‌—സൂക്ഷ്‌മ​ത​യുള്ള ഒരു ഉടമസ്ഥൻ.” അതേ, അതു മറെറാ​രു മല്ലയു​ദ്ധ​ത്തി​നു സജ്ജമാണ്‌!

[അടിക്കു​റി​പ്പു​കൾ]

[15-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

ഇംഗ്ലണ്ട്‌

ഫോക്‌സ്‌റേറാൺ

കാലെയ്‌സ്‌

ഫ്രാൻസ്‌

[15-ാം പേജിലെ ചിത്രങ്ങൾ]

താഴെ: ലോക​ത്തി​ലെ ഏററവും നീളമുള്ള ജലാന്തര തുരങ്ക​ത്തി​ന്റെ പൂർത്തീ​ക​രണം ജോലി​ക്കാർ ആഘോ​ഷി​ക്കു​ന്നു

വലത്ത്‌: ഒരു ടിബിഎം യന്ത്രം

[കടപ്പാട്‌]

Workers: Eurotunnel Ph. DEMAIL; TBM: Eurotunnel