ഒന്നര നൂറ്റാ​ണ്ടെ​ത്തിയ ഭൂഗർഭ​റെ​യിൽപ്പാത

ഹംഗറി​യി​ലെ ഉണരുക! ലേഖകൻ

തുരങ്ക​മു​ണ്ടാ​ക്കു​ന്നവർ തങ്ങൾ കണ്ടുപി​ടി​ച്ച​തി​ലേക്ക്‌ അവിശ്വാ​സ​ത്തോ​ടെ ഉറ്റു​നോ​ക്കി. വർഷം 1912. ന്യൂ​യോർക്കു നഗരത്തി​ലെ തെരു​വു​കൾക്കു വളരെ അടിയി​ലൂ​ടെ, പുതു​താ​യി പണിത ഭൂഗർഭ റെയിൽപ്പാത ദീർഘി​പ്പി​ക്കാ​നാ​യി തുരന്നു​കൊ​ണ്ടി​രു​ന്ന​പ്പോൾ അവർ, മറഞ്ഞി​രുന്ന ഒരു വലിയ അറയി​ലേക്കു കുഴി​ച്ചി​റങ്ങി. ആ മുറി അതിശ​യ​ക​ര​മാം​വണ്ണം അലങ്കരി​ച്ചി​രു​ന്നു—ഒരു കൊട്ടാ​രം​പോ​ലെ! അതിലു​ട​നീ​ളം കണ്ണാടി​കൾ, ബഹുശാ​ഖാ തൂക്കു​വി​ള​ക്കു​കൾ, ചുവർചി​ത്രങ്ങൾ എന്നിവ​യു​ണ്ടാ​യി​രു​ന്നു. കാലപ്പ​ഴ​ക്കം​കൊ​ണ്ടു പൊട്ടി​പ്പൊ​ളിഞ്ഞ പലകകൾ അപ്പോ​ഴും ഭിത്തി​കളെ അലങ്കരി​ച്ചി​രു​ന്നു. അറയുടെ ഒത്തനടു​വിൽ അലംകൃ​ത​മായ ഒരു നീരു​റ​വ​യു​ണ്ടാ​യി​രു​ന്നു, എന്നാൽ അതിൽ വെള്ളം നുരഞ്ഞു​പൊ​ന്തുന്ന ശബ്ദം നിലച്ചു​പോ​യി​ട്ടു വളരെ​ക്കാ​ല​മാ​യി​രു​ന്നു.

ആ അറയുടെ ഒരറ്റം ചെന്നവ​സാ​നി​ച്ചത്‌ ഒരു തുരങ്ക​ത്തി​ലാ​യി​രു​ന്നു. തൊഴി​ലാ​ളി​കളെ ആശ്ചര്യ​പ്പെ​ടു​ത്തി​ക്കൊണ്ട്‌, 22 യാത്ര​ക്കാർക്കി​രി​ക്കാ​വുന്ന, ഭംഗി​യാ​യി അലങ്കരിച്ച ഒരു ഭൂഗർഭ കമ്പാർട്ടു​മെൻറ്‌ പാളത്തിൽ ഉണ്ടായി​രു​ന്നു. ന്യൂ​യോർക്കി​നു കീഴെ, അവർ കുഴി​ച്ചു​കൊ​ണ്ടി​രുന്ന ഭൂഗർഭ റെയിൽപ്പാ​ത​യ്‌ക്കു മുമ്പു മറ്റൊ​രെണ്ണം ഉണ്ടായി​രു​ന്നു​വോ? ആരായി​രി​ക്കാം ഈ സ്ഥലം നിർമി​ച്ചത്‌?

തുരങ്ക​ങ്ങ​ളും ഭൂഗർഭ റെയിൽപ്പാ​ത​യും

ഖനനം ചെയ്യു​ന്ന​തി​നും ജലവി​ത​ര​ണ​ത്തി​നും സൈനിക പ്രവർത്ത​ന​ങ്ങൾക്കു​മാ​യി ആയിര​ക്ക​ണ​ക്കി​നു വർഷങ്ങ​ളാ​യി ഭൂഗർഭ​പാ​തകൾ ഉപയോ​ഗ​ത്തി​ലുണ്ട്‌. എന്നാൽ യാത്ര​ക്കാർക്കു വേണ്ടി യന്ത്രവ​ത്‌കൃത ഭൂഗർഭ ഗതാഗതം ആരംഭി​ച്ചതു വളരെ അടുത്ത​കാ​ല​ത്താണ്‌. 1800-കളുടെ ആരംഭ​ത്തിൽ, സങ്കൽപ്പി​ക്കാ​വുന്ന എല്ലാത്തരം സമകാ​ലീന വാഹന​ങ്ങ​ളും​കൊണ്ട്‌ ഇംഗ്ലണ്ടി​ലെ ലണ്ടനി​ലുള്ള പ്രധാന നിരത്തു​കൾ നിറഞ്ഞി​രു​ന്നു, കാൽന​ട​യാ​ത്ര​ക്കാ​രു​ടെ കാര്യം പറയാ​നു​മില്ല. ദിവസേന ആയിരങ്ങൾ ലണ്ടൻ പാലത്തി​ലൂ​ടെ​യോ കടത്തു​വ​ഴി​യോ തേംസ്‌ കുറു​കെ​ക്ക​ട​ന്നി​രു​ന്നു. ഗതാഗതം വളരെ സാവധാ​ന​ത്തി​ലാ​കുന്ന ചില സന്ദർഭ​ങ്ങ​ളിൽ, ചന്തയി​ലേക്കു കൊണ്ടു​പോ​കുന്ന പച്ചക്കറി​ക​ളും മറ്റും വെയി​ലത്തു വാടി​പ്പോ​കു​ന്നതു നിസ്സഹാ​യ​രാ​യി നോക്കി​നിൽക്കാൻ മാത്രമേ വ്യാപാ​രി​കൾക്കു കഴിഞ്ഞി​രു​ന്നു​ള്ളൂ.

ഇംഗ്ലണ്ടിൽ ജീവി​ച്ചി​രുന്ന ഒരു ഫ്രഞ്ച്‌ എൻജി​നീ​യ​റായ മാർക്ക്‌ ഇസെം​ബാർഡ്‌ ബ്രൂ​നെ​ലിന്‌ ലണ്ടനിലെ ഗതാഗത പ്രശ്‌ന​ങ്ങ​ളിൽ ചിലതു കാല​ക്ര​മ​ത്തിൽ നീക്കം​ചെ​യ്യാൻ സഹായ​ക​മാ​യി​രുന്ന ഒരു ആശയം ഉണ്ടായി​രു​ന്നു. കട്ടിയുള്ള ഒരു ഓക്കു​മ​ര​ക്ക​ഷ​ണ​ത്തി​ലൂ​ടെ ഒരു കപ്പൽപ്പു​ഴു തുരന്നു​പോ​കു​ന്നതു ബ്രൂനെൽ ഒരിക്കൽ നിരീ​ക്ഷി​ച്ചു. ആ കൊച്ചു കക്കാജീ​വി​യു​ടെ തലമാ​ത്രം തോടു​കൊ​ണ്ടു സംരക്ഷി​ക്ക​പ്പെ​ട്ടി​രി​ക്കു​ന്ന​താ​യി അദ്ദേഹം ശ്രദ്ധിച്ചു. തടിയി​ലൂ​ടെ തുളച്ചു​ക​യ​റു​ന്ന​തി​നു കപ്പൽപ്പു​ഴു അതിന്റെ തോടി​ന്റെ പല്ലു​പോ​ലുള്ള അഗ്രമാണ്‌ ഉപയോ​ഗി​ച്ചത്‌. ദ്വാര​മു​ണ്ടാ​ക്കി മുന്നോ​ട്ടു നീങ്ങവെ, ചുണ്ണാ​മ്പു​കൊ​ണ്ടുള്ള മൃദു​വായ ഒരു സംരക്ഷ​ണ​പ​ടലം അതു പിന്നിൽ നിക്ഷേ​പി​ച്ചു. ഈ തത്ത്വം ബാധക​മാ​ക്കി​ക്കൊണ്ട്‌, പച്ചിരു​മ്പു​കൊ​ണ്ടുള്ള ഒരു വലിയ തുരങ്ക​നിർമാണ കവചം ജാക്കി​കൾകൊ​ണ്ടു മണ്ണിലൂ​ടെ മുന്നോ​ട്ടു തള്ളിനീ​ക്കാ​നുള്ള പേറ്റൻറ്‌ ബ്രൂനെൽ നേടി. കവചത്തി​നു​ള്ളിൽനി​ന്നു തൊഴി​ലാ​ളി​കൾ മണ്ണുനീ​ക്കു​മ്പോൾ പ്രസ്‌തുത കവചം മണ്ണിടി​ച്ചിൽ തടയു​മാ​യി​രു​ന്നു. കവചം മണ്ണിലൂ​ടെ മുന്നോ​ട്ടു നീങ്ങവെ പുതിയ തുരങ്ക​ത്തി​നു താങ്ങു​നൽകു​ന്ന​തിന്‌ മറ്റു തൊഴി​ലാ​ളി​കൾ തുരങ്ക​ത്തി​നു​ള്ളിൽ ഇഷ്ടിക പാകി​യി​രു​ന്നു.

തന്റെ കവചം ഉപയോ​ഗി​ച്ചു​കൊണ്ട്‌, തേംസിന്‌ അടിയി​ലെ മൃദു​വായ മണ്ണിലൂ​ടെ, 1843-ൽ ബ്രൂനെൽ ലോക​ത്തി​ലെ ആദ്യത്തെ അന്തർജല തുരങ്കം വിജയ​ക​ര​മാ​യി പൂർത്തീ​ക​രി​ച്ചു. അപ്രകാ​രം ചെയ്‌തു​കൊണ്ട്‌ തുരങ്ക​നിർമാ​ണം സാധ്യ​മാ​ണെന്ന്‌ അദ്ദേഹം തെളി​യി​ക്കു​ക​യും ആധുനിക ഭൂഗർഭ റെയിൽപ്പാ​ത​യു​ടെ വികസ​ന​ത്തി​നു വഴി​യൊ​രു​ക്കു​ക​യും ചെയ്‌തു. 1863-ൽ, ലണ്ടനിലെ പ്രമുഖ റയിൽവേ സ്റ്റേഷനു​കൾക്കി​ട​യിൽ ലോക​ത്തി​ലെ ആദ്യത്തെ ഭൂഗർഭ റെയിൽപ്പാ​താ​സം​വി​ധാ​നം തുറന്നു. അതു ദീർഘി​പ്പി​ക്കു​ന്ന​തി​നു​വേണ്ടി 1865-ൽ ബ്രൂ​നെ​ലി​ന്റെ തുരങ്കം വാങ്ങിച്ചു. ആ തുരങ്കം ഇപ്പോ​ഴും ലണ്ടൻ ഭൂഗർഭ റെയിൽപ്പാ​ത​യു​ടെ ഭാഗമാണ്‌.

ഭീതികൾ—ന്യായ​മാ​യ​തും അല്ലാത്ത​തും

ഭൂഗർഭ ഗതാഗ​ത​ത്തിന്‌ ഒരിക്ക​ലും വിരോ​ധി​കൾ ഇല്ലാതി​രു​ന്നി​ട്ടില്ല. ഭൂമി​ക്കു​ള്ളിൽ എവി​ടെ​യോ ഒരു അഗ്നിന​ര​ക​മു​ണ്ടെന്നു വിശ്വ​സിച്ച അനേകർ 1800-കളിൽ ഭൂമി​ക്ക​ടി​യി​ലേക്കു പോകാൻ ഭയപ്പെട്ടു. അതിനു​പു​റമേ, ഇരുണ്ട, ഈർപ്പ​മുള്ള തുരങ്ക​ങ്ങളെ അനേകർ രോഗ​സം​ക്ര​മ​ണ​ത്തോ​ടും വിഷലി​പ്‌ത​മായ വായു​വി​നോ​ടും ബന്ധപ്പെ​ടു​ത്തി.

നേരേ​മ​റിച്ച്‌, തിങ്ങി​നി​റഞ്ഞ നഗരഗ​താ​ഗ​ത​ത്തോ​ടുള്ള ബന്ധത്തിൽ എന്തെങ്കി​ലും ചെയ്യാൻ നഗരാ​സൂ​ത്രണം നടത്തു​ന്ന​വർക്ക്‌ അതിയായ ആഗ്രഹ​മു​ണ്ടാ​യി​രു​ന്നു. ഭൂഗർഭ റെയിൽപ്പാ​തകൾ രാഷ്‌ട്രീയ വാദ​പ്ര​തി​വാ​ദ​ത്തി​ലെ ഒരു മുഖ്യ വിഷയ​മാ​യി​ത്തീർന്നു. ഭൂഗർഭ റെയിൽപ്പാ​ത​യി​ലെ വായു​വി​ന്റെ ഗുണനി​ല​വാ​രം സംബന്ധി​ച്ചു തീർച്ച​യാ​യും ആകുല​ത​യ്‌ക്കു കാരണ​മു​ണ്ടാ​യി​രു​ന്നു. ശുദ്ധവാ​യു കടത്താ​നുള്ള ഒട്ടനവധി പദ്ധതികൾ പരീക്ഷി​ച്ചു​നോ​ക്കി, അവയെ​ല്ലാം വിജയ​പ്ര​ദ​മാ​യി​രു​ന്നില്ല. ചിലത്‌, ട്രെയി​നു​കൾ ഉളവാ​ക്കുന്ന വായൂ​ച​ല​നങ്ങൾ പ്രയോ​ജ​ന​പ്പെ​ടു​ത്തി; മറ്റുള്ള​വ​യ്‌ക്ക്‌, ഇടയ്‌ക്കി​ടെ ലംബമാ​യി സ്ഥാപി​ച്ചി​രുന്ന, നഗര നിരപ്പിൽ അരിപ്പ​വാ​തി​ലു​ക​ളുള്ള സ്‌തം​ഭ​ങ്ങ​ളോ ശക്തമായ പങ്കകളോ പലരീ​തി​കൾ കൂടി​ച്ചേർന്ന സംവി​ധാ​ന​ങ്ങ​ളോ ഉണ്ടായി​രു​ന്നു. ഇരുണ്ട ഭൂഗർഭ റെയിൽപ്പാ​ത​ക​ളിൽ പ്രവേ​ശി​ക്കു​ന്ന​തി​ലെ മാനസിക വൈഷ​മ്യം നികത്താൻ സ്റ്റേഷനു​കൾ ഗ്യാസ്‌​ലൈ​റ്റു​കൾകൊണ്ട്‌ അലങ്കരി​ച്ചു. അത്തര​മൊ​രു പശ്ചാത്ത​ല​ത്തി​ലാണ്‌ 1912-ൽ തൊഴി​ലാ​ളി​കൾ ആകസ്‌മി​ക​മാ​യി കണ്ടെത്തിയ, വിസ്‌മ​രി​ക്ക​പ്പെട്ട ന്യൂ​യോർക്ക്‌ ഭൂഗർഭ റെയിൽപ്പാത വെളിച്ചം കണ്ടത്‌.

ന്യൂ​യോർക്കി​ലെ ആദ്യത്തെ ഭൂഗർഭ റെയിൽപ്പാ​ത

ലണ്ടനിൽനിന്ന്‌ അറ്റ്‌ലാൻറി​ക്കി​ന​പ്പു​റം, തത്തുല്യ​മായ അടിയ​ന്തിര പ്രാധാ​ന്യ​മുള്ള ന്യൂ​യോർക്കി​ലെ ഗതാഗത സാഹച​ര്യം പരിഹ​രി​ക്കാൻ, കണ്ടുപി​ടി​ത്ത​ത്തിൽ പ്രവീ​ണ​നായ ആൽ​ഫ്രെഡ്‌ ഇലി ബീച്ച്‌ ശ്രമിച്ചു. സയൻറി​ഫിക്ക്‌ അമേരി​ക്കൻ എന്ന ജേർണ​ലി​ന്റെ പ്രസാ​ധ​ക​നാ​യി​രുന്ന ബീച്ച്‌, അതിയാ​യി തിങ്ങി​നി​റഞ്ഞ തെരു​വു​കൾപോ​ലുള്ള പഴയ പ്രശ്‌ന​ങ്ങ​ളു​ടെ ആധുനിക പരിഹാ​രത്തെ പ്രോ​ത്സാ​ഹി​പ്പി​ക്കുന്ന ഒരുവ​നാ​യി​രു​ന്നു. 1849-ൽ അദ്ദേഹം വിപ്ലവ​ക​ര​മായ ഒരു പദ്ധതി മുന്നോ​ട്ടു​വെച്ചു: “ഓരോ മൂലയി​ലും പുറ​ത്തേക്കു വഴിക​ളും നടകളും ഉള്ള,” ഏറ്റവു​മ​ധി​കം തിങ്ങി​നി​റഞ്ഞ തെരു​വു​ക​ളി​ലൊ​ന്നായ, “ടണൽ ബ്രോ​ഡ്‌വേ. ഒരു വശത്ത്‌ കാൽന​ട​യാ​ത്ര​ക്കാർക്കുള്ള പാത ഉൾപ്പെടെ ഈ ഭൂഗർഭ റെയിൽപ്പാത ഇരട്ട ട്രാക്കു​ക​ളോ​ടു​കൂ​ടി​യ​താ​യിരി​ക്കണം.”

തുടർന്നു​വന്ന രണ്ടു ദശകങ്ങ​ളിൽ മറ്റു ഗതാഗ​ത​വി​കസന പ്രവർത്ത​ക​രും ന്യൂ​യോർക്കി​നു​വേണ്ടി ത്വരിത-ഗതാഗത നിർദേ​ശങ്ങൾ അവതരി​പ്പി​ച്ചു. ഇവയെ​ല്ലാം അന്തിമ​മാ​യി തള്ളപ്പെട്ടു. രാഷ്‌ട്രീ​യ​മാ​യി ശക്തനാ​യി​രുന്ന, അഴിമ​തി​ക്കാ​ര​നായ ബോസ്‌ റ്റ്വീഡ്‌ തന്റെ ഭൂരി​ഭാ​ഗം നിയമ​വി​രുദ്ധ വരുമാ​ന​ത്തി​ന്റെ​യും ഉറവായ ഉപരിതല ഗതാഗ​ത​ക്ക​മ്പ​നി​കൾ തമ്മിൽ യാതൊ​രു മത്സരവും ആഗ്രഹി​ച്ചില്ല. എന്നാൽ തന്റെ ആശയം ഒരിക്ക​ലും വിട്ടു​ക​ള​യാ​തി​രുന്ന പ്രഗത്ഭ​നായ ശ്രീ. ബീച്ച്‌ ശക്തനായ ബോസി​നെ കടത്തി​വെട്ടി.

യാത്ര​ക്കാ​രെ കയറ്റി​യി​റ​ക്കു​ന്ന​തി​നു തികച്ചും അപര്യാ​പ്‌ത​മായ, സമീപ​സ്ഥ​ങ്ങ​ളായ ഒരു ജോഡി തുരങ്കങ്ങൾ ബ്രോ​ഡ്‌വേക്ക്‌ അടിയി​ലൂ​ടെ നിർമി​ക്കു​ന്ന​തി​നു ബീച്ച്‌ നിയമാം​ഗീ​കാ​രം നേടി. “കത്തുക​ളും മറ്റു തപാൽ ഉരുപ്പ​ടി​ക​ളും വ്യാപാ​ര​സാ​ധ​ന​ങ്ങ​ളും” മുഖ്യ പോ​സ്റ്റോ​ഫീ​സി​ലേക്കു “കൊണ്ടു​പോ​കാൻ” വേണ്ടി​യാ​യി​രു​ന്നു ഇവ. പിന്നീട്‌ അദ്ദേഹം ചെലവു​കു​റ​യ്‌ക്കാൻ എന്ന പേരിൽ ഒരു വലിയ തുരങ്കം മാത്രം നിർമി​ക്കാൻ തന്നെ അനുവ​ദി​ക്കുന്ന ഒരു ഭേദഗ​തി​ക്കാ​യി അപേക്ഷി​ച്ചു. എങ്ങനെ​യോ അദ്ദേഹ​ത്തി​ന്റെ തന്ത്രം ആരു​ടെ​യും ശ്രദ്ധയിൽപ്പെ​ട്ടില്ല. ഭേദഗ​തിക്ക്‌ അംഗീ​കാ​രം ലഭിച്ചു. ബീച്ച്‌ ഉടൻതന്നെ രഹസ്യ​മാ​യി പണിയാ​രം​ഭി​ച്ചു. ശബ്ദം കേൾക്കാ​തി​രി​ക്കാൻവേണ്ടി കവചിത ചക്രങ്ങ​ളോ​ടു​കൂ​ടിയ വണ്ടിക​ളിൽ രാത്രി​യിൽ മണ്ണുനീ​ക്കം ചെയ്‌തു​കൊണ്ട്‌ അദ്ദേഹം ഒരു തുണി​ക്ക​ട​യു​ടെ അടിത്ത​റ​യിൽനി​ന്നു കുഴി​ച്ചു​തു​ടങ്ങി. വെറും 58 രാത്രി​കൊണ്ട്‌ 312 അടിയുള്ള തുരങ്കം പൂർത്തി​യാ​യി.

ഒരു “വായു വടം”

കൽക്കരി കത്തിച്ചുള്ള ആവി എൻജി​നു​കൾ ഉപയോ​ഗി​ക്കു​ന്ന​തി​ന്റെ ഫലമാ​യുള്ള, ലണ്ടൻ ഭൂഗർഭ റെയിൽപ്പാ​ത​ക​ളി​ലെ മലിനീ​ക​രണം ഒഴിവാ​ക്കു​ന്നതു സംബന്ധി​ച്ചു ബീച്ച്‌ തികച്ചും ബോധ​വാ​നാ​യി​രു​ന്നു. ഒരു “വായു വടം”കൊണ്ട്‌—തുരങ്ക​ത്തി​ന്റെ ഒരറ്റത്തുള്ള മൂലയിൽ നിർമി​ച്ചു​വെച്ച ഒരു വലിയ പങ്കയിൽനി​ന്നുള്ള സമ്മർദം​കൊണ്ട്‌—അദ്ദേഹം തീവണ്ടി കമ്പാർട്ടു​മെൻറ്‌ മുന്നോട്ട്‌ ഓടിച്ചു. പ്രസ്‌തുത വായു, വാഹനത്തെ മണിക്കൂ​റിൽ പത്തു കിലോ​മീ​റ്റർ വേഗത്തിൽ സാവധാ​നം മുന്നോ​ട്ടു തള്ളി, എന്നാൽ അതിനു പത്തിരട്ടി വേഗത്തിൽ പോകാൻ കഴിയു​മാ​യി​രു​ന്നു. തീവണ്ടി കമ്പാർട്ടു​മെൻറ്‌ ലൈനി​ന്റെ മറ്റേ അറ്റത്തെ​ത്തി​യ​പ്പോൾ കമ്പാർട്ടു​മെൻറി​നെ പിന്നോ​ട്ടു വലിക്കാൻവേണ്ടി പങ്ക വിപരീത ദിശയിൽ കറങ്ങി! ഭൂമി​ക്ക​ടി​യി​ലൂ​ടെ യാത്ര​ചെ​യ്യു​ന്ന​തിൽ ആളുകൾക്കുള്ള അപകട​ഭീ​തി തരണം ചെയ്യു​ന്ന​തിന്‌, അന്നു ലഭ്യമാ​യി​രുന്ന ഏറ്റവും പ്രകാ​ശ​മാ​ന​വും തെളി​ഞ്ഞ​തു​മായ സിർക്കോൺ വിളക്കു​കൾകൊ​ണ്ടു വിസ്‌താ​ര​മേ​റിയ കാത്തി​രി​പ്പു​മു​റി നന്നായി പ്രകാ​ശി​ക്കു​ന്നു​വെന്നു ബീച്ച്‌ ഉറപ്പു​വ​രു​ത്തി. ആഡംബ​ര​പൂർണ​മായ കസേരകൾ, പ്രതി​മകൾ, കർട്ടനുള്ള അനുകരണ ജനാലകൾ, തിരശ്ചീന തന്ത്രി​ക​ളോ​ടു​കൂ​ടിയ ഒരു പിയാ​നോ, ഒരു സ്വർണ​മത്സ്യ ടാങ്ക്‌ തുടങ്ങി​യ​വ​കൊണ്ട്‌ അദ്ദേഹം അതിനെ അലങ്കരി​ച്ചു. നിസ്സ​ന്ദേ​ഹി​ക​ളായ പൊതു​ജ​ന​ങ്ങൾക്കു വേണ്ടി 1870 ഫെബ്രു​വ​രി​യിൽ ഒരു ചെറിയ റെയിൽപ്പാത തുറന്നതു പെട്ടെ​ന്നുള്ള, അമ്പരപ്പി​ക്കുന്ന വിജയ​മാ​യി​രു​ന്നു. ഒരു വർഷം​കൊണ്ട്‌ 4,00,000 ആളുകൾ ആ ഭൂഗർഭ റെയിൽപ്പാത സന്ദർശി​ച്ചു.

ബോസ്‌ റ്റ്വീഡ്‌ കോപാ​കു​ല​നാ​യി. രാഷ്‌ട്രീയ ഉപജാ​പ​മാ​യി​രു​ന്നു ഫലം. ബീച്ച്‌ നിർദേ​ശിച്ച, അപമർദി​ത​വാ​യു​വി​നാൽ ചലിക്കുന്ന ഭൂഗർഭ സംവി​ധാ​ന​ത്തി​ന്റെ 16 ഇരട്ടി ചെലവു​വ​രുന്ന, തൂണു​ക​ളിൽ സ്ഥാപിച്ച റെയിൽപ്പാ​ത​യി​ലൂ​ടെ​പോ​കുന്ന തീവണ്ടി​ക്കു​വേ​ണ്ടി​യുള്ള ഒരു എതിർ പദ്ധതി അംഗീ​ക​രി​ക്കാൻ റ്റ്വീഡ്‌ ഗവർണറെ പ്രേരി​പ്പി​ച്ചു. അതേത്തു​ടർന്ന്‌ അധികം താമസി​യാ​തെ, റ്റ്വീഡി​ന്റെ​മേൽ കുറ്റം ചുമത്തി അദ്ദേഹത്തെ ജീവപ​ര്യ​ന്തം തടവി​ലാ​ക്കി. എന്നാൽ 1873-ലെ സ്റ്റോക്ക്‌ വിപണി സംഭ്രാ​ന്തി പണനി​ക്ഷേ​പ​ക​രു​ടെ​യും അധികൃ​ത​രു​ടെ​യും ശ്രദ്ധയെ ഭൂഗർഭ റെയിൽപ്പാ​ത​യിൽനിന്ന്‌ അകറ്റി​ക്ക​ളഞ്ഞു. ഒടുവിൽ ബീച്ച്‌ പ്രസ്‌തുത തുരങ്കം അടച്ചു​പൂ​ട്ടി. അങ്ങനെ, നിലവി​ലുള്ള ന്യൂ​യോർക്ക്‌ ഭൂഗർഭ റെയിൽപ്പാത 1904-ൽ തുറന്ന്‌ ഏഴിൽപ്പരം വർഷം​ക​ഴിഞ്ഞ്‌ 1912-ൽ യാദൃ​ച്ഛി​ക​മാ​യി കണ്ടെത്തു​ന്ന​തു​വരെ അതു വിസ്‌മ​രി​ക്ക​പ്പെ​ട്ടു​കി​ടന്നു. ബീച്ചിന്റെ യഥാർഥ തുരങ്ക​ത്തി​ന്റെ ഒരു ഭാഗം പിന്നീട്‌, വാണി​ജ്യ​കേ​ന്ദ്ര​മായ മാൻഹാ​റ്റ​നി​ലുള്ള ഇപ്പോ​ഴത്തെ സിറ്റി ഹാൾ സ്റ്റേഷന്റെ ഭാഗമാ​യി​ത്തീർന്നു.

സഹസ്രാബ്ദ ഭൂഗർഭ റെയിൽപ്പാ​ത

ഏതാണ്ട്‌ ഒരു നൂറ്റാണ്ട്‌ മുമ്പ്‌ ഹംഗറി​യിൽ ആകാം​ക്ഷാ​നിർഭ​ര​മായ ഒരു അന്തരീ​ക്ഷ​മു​ണ്ടാ​യി​രു​ന്നു. 1896-ൽ ഹംഗറി, അത്‌ സ്ഥാപി​ത​മാ​യ​തി​ന്റെ 1,000-മത്‌ വാർഷി​കം ആഘോ​ഷി​ക്കാ​നി​രി​ക്കു​ക​യാ​യി​രു​ന്നു. 19-ാം നൂറ്റാ​ണ്ടി​ന്റെ അവസാ​ന​ത്തോ​ടെ അതിന്റെ തലസ്ഥാ​ന​മായ ബുഡാ​പെസ്റ്റ്‌ യൂറോ​പ്പിൽ ഏറ്റവും വലിയ നഗരങ്ങ​ളിൽ ഒന്നാകു​മാ​യി​രു​ന്നു. അതിലെ തെരു​വു​കൾ അപ്പോൾത്തന്നെ ജനസാ​ന്ദ്ര​മാ​യി​രു​ന്നു. ഗതാഗ​ത​ക്കു​രുക്ക്‌ കുറയ്‌ക്കു​ന്ന​തിന്‌, സഹസ്രാബ്ദ ആഘോ​ഷ​ക്കാ​ല​ത്തേ​ക്കു​വേണ്ടി ഉപരിതല ഇലക്‌ട്രിക്‌ റെയിൽപ്പാത നിർദേ​ശി​ക്ക​പ്പെട്ടു. എന്നാൽ മുനി​സി​പ്പൽ അധികൃ​തർ തേടി​ക്കൊ​ണ്ടി​രുന്ന ആശയമാ​യി​രു​ന്നില്ല അത്‌, ആ നിർദേശം നിരസി​ക്ക​പ്പെട്ടു. അതിനി​ട​യിൽ, ലണ്ടൻ ഭൂഗർഭ റെയിൽപ്പാത മറ്റു രാജ്യ​ങ്ങ​ളി​ലെ ഗതാഗത ആസൂ​ത്ര​ക​രു​ടെ സങ്കൽപ്പ​ങ്ങൾക്ക്‌ ഉണർവേകി. ഹംഗറി​യി​ലെ അത്തര​മൊ​രു വിദഗ്‌ധ​നാ​യി​രുന്ന ശ്രീ. മോർ ബലാഴ്‌സ്‌ ഇലക്‌ട്രിക്‌ ഭൂഗർഭ റെയിൽപ്പാ​ത​യെന്ന ആശയം മുന്നോ​ട്ടു​വെച്ചു. അംഗീ​കാ​രം ലഭിച്ച അതിന്റെ പണി 1894 ആഗസ്റ്റിൽ ആരംഭി​ച്ചു.

കുഴി​ക്കു​ക​യും മൂടു​ക​യും ചെയ്യുക എന്ന രീതി ഉപയോ​ഗി​ച്ചു ഭൂഗർഭ റെയിൽപ്പാത നിർമി​ച്ചു, നിലവി​ലുള്ള ഒരു പാത കുഴി​ച്ചി​ട്ടു തെരുവു നിരപ്പി​നു താഴെ പാളങ്ങൾ പിടി​പ്പി​ച്ചു. എന്നിട്ട്‌, കിടങ്ങി​നു മീതെ ഒരു പരന്ന മേൽക്കൂര നിർമി​ച്ചു നിലവി​ലുള്ള പാത പുനഃ​സ്ഥാ​പി​ച്ചു. 1896 മേയ്‌ 2-ന്‌ 3.7 കിലോ​മീ​റ്റ​റുള്ള ഭൂഗർഭ റെയിൽപ്പാത ഉദ്‌ഘാ​ടനം ചെയ്‌തു. ആദ്യത്തെ ലണ്ടൻ ഭൂഗർഭ റെയിൽപ്പാ​ത​യി​ലെ യാത്ര​ക്കാർ സഹിച്ച ദുരി​താ​നു​ഭ​വ​ങ്ങ​ളോ​ടു താരത​മ്യ​പ്പെ​ടു​ത്തു​മ്പോൾ, ഇതിലെ, വൈദ്യു​തി​കൊ​ണ്ടു മുന്നോ​ട്ടു​കു​തി​ക്കുന്ന വ്യക്തിഗത തീവണ്ടി കമ്പാർട്ടു​മെൻറി​ലെ യാത്ര ഒരു വലിയ പുരോ​ഗ​തി​യാ​യി​രു​ന്നു! തുറന്ന്‌ ഏതാനും ദിവസങ്ങൾ കഴിഞ്ഞു ഫ്രാൻസിസ്‌ ജോസഫ്‌ ഒന്നാമൻ രാജാവ്‌ പുതിയ ഭൂഗർഭ​സം​വി​ധാ​നം സന്ദർശി​ക്കു​ക​യും അതിനു തന്റെ പേരു നൽകാൻ അനുവ​ദി​ക്കു​ക​യും ചെയ്‌തു. എന്നാൽ പിന്നീ​ടു​ണ്ടായ രാഷ്‌ട്രീയ പ്രക്ഷുബ്ധ നാളു​ക​ളിൽ ആ ഭൂഗർഭ റെയിൽപ്പാത സഹസ്രാബ്ദ ഭൂഗർഭ റെയിൽപ്പാത എന്നു പുനഃ​നാ​മ​ക​രണം ചെയ്യ​പ്പെട്ടു. യൂറോ​പ്യൻ ഭൂഖണ്ഡ​ത്തി​ലെ ആദ്യത്തെ ഭൂഗർഭ റെയിൽപ്പാ​ത​യാ​യി​രു​ന്നു അത്‌. പെട്ടെ​ന്നു​തന്നെ മറ്റുള്ളവ നിർമി​ത​മാ​യി. 1900-ത്തിൽ പാരീസ്‌ മെട്രോ പ്രവർത്ത​ന​മാ​രം​ഭി​ച്ചു. 1902-ൽ ബെർലിൻ ഭൂഗർഭ റെയിൽപ്പാത പ്രവർത്തനം തുടങ്ങി.

ഭൂഗർഭ റെയിൽപ്പാത 100 വർഷത്തി​നു​ശേ​ഷം

1996-ൽ, ഹംഗറി​യു​ടെ 1,100-മത്തെ വാർഷി​ക​ത്തി​നു​വേണ്ടി ഭൂഗർഭ റെയിൽപ്പാ​ത​യു​ടെ യഥാർഥ സൗന്ദര്യ​വും ശൈലി​യും പുനഃ​സ്ഥി​തീ​ക​രി​ച്ചു. ചെറിയ വെള്ള ടൈൽസും നീലാ​രു​ണ​വർണ​ത്തിൽ അലംകൃ​ത​മായ അരികു​ക​ളും സ്റ്റേഷനി​ലെ ഭിത്തി​കളെ അലങ്കരി​ക്കു​ന്നു. ഭിത്തി​യിൽ ടൈൽസു​കൊ​ണ്ടു ഫ്രെയിം ചെയ്‌ത, സ്റ്റേഷനു​ക​ളു​ടെ പേരുകൾ എടുത്തു​നിൽക്കു​ന്നു. കഴിഞ്ഞ നൂറ്റാ​ണ്ടി​ന്റെ ഓർമ​യു​ണർത്താൻ ഇരുമ്പു തൂണുകൾ പുനർനിർമി​ച്ചു പച്ച പെയിൻറ​ടി​ച്ചി​രി​ക്കു​ന്നു. ബുഡാ​പെസ്റ്റ്‌ സെൻട്രൽ സ്റ്റേഷനിൽ ഒരു റെയിൽവേ മ്യൂസി​യ​വു​മുണ്ട്‌. 100 വർഷത്തി​ല​ധി​കം പഴക്കമുള്ള ആദിമ ഭൂഗർഭ തീവണ്ടി​ക​ളിൽ ഒന്ന്‌ നിങ്ങൾക്ക​വി​ടെ കാണാ​വു​ന്ന​താണ്‌! സഹസ്രാബ്ദ ഭൂഗർഭ റെയിൽപ്പാ​ത​യു​ടെ നിർമാ​ണ​ത്തോ​ടും കൂടുതൽ ആധുനി​ക​മായ ബുഡാ​പെസ്റ്റ്‌ മെ​ട്രോ​യോ​ടും ബന്ധപ്പെട്ട കാര്യ​ങ്ങ​ളും പ്രദർശ​ന​ത്തി​നുണ്ട്‌.

ഇവിടെ ജീവി​ച്ചി​രുന്ന ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം ഭൂഗർഭ റെയിൽപ്പാ​ത​യ്‌ക്കു കുറെ​ക്കാ​ലം മുമ്പു തികച്ചും വ്യത്യ​സ്‌ത​മായ ഒരു ഉപയോ​ഗ​മു​ണ്ടാ​യി​രു​ന്നു​വെന്ന്‌, പ്രസ്‌തുത മ്യൂസി​യം സന്ദർശി​ക്കു​മ്പോൾ ഹംഗറി​യി​ലെ യഹോ​വ​യു​ടെ സാക്ഷി​കൾക്ക്‌ ഓർമി​ക്കാ​തി​രി​ക്കാൻ കഴിയില്ല. ഹംഗറി​യിൽ അവരുടെ പ്രവർത്തനം നിരോ​ധി​ച്ചി​രുന്ന കാലത്തു​ട​നീ​ളം, മറ്റുള്ള​വ​രോ​ടു ദൈവ​രാ​ജ്യ​ത്തെ​ക്കു​റി​ച്ചു സംസാ​രി​ക്കാൻ ഈ വിഖ്യാ​ത​മായ റെയിൽവേ സ്റ്റേഷനു​കൾ സാക്ഷികൾ വിവേ​ക​പൂർവം ഉപയോ​ഗി​ച്ചി​രു​ന്നു. 1989 മുതൽ ഹംഗറി​യിൽ സാക്ഷികൾ പ്രസം​ഗ​സ്വാ​ത​ന്ത്ര്യം ആസ്വദി​ച്ചി​രി​ക്കു​ന്നു. എന്നാൽ, ബൈബി​ളിൽ വിവരി​ച്ചി​രി​ക്കുന്ന സഹസ്രാ​ബ്ദം, അതായത്‌ ക്രിസ്‌തു​വി​ന്റെ 1,000 വർഷ ഭരണം പെട്ടെന്നു വരു​മെ​ന്നുള്ള തങ്ങളുടെ വിശ്വാ​സം അവർ പങ്കു​വെ​ക്കു​ന്നതു സഹസ്രാബ്ദ ഭൂഗർഭ റെയിൽപ്പാ​ത​യിൽ നിങ്ങൾക്കി​പ്പോ​ഴും കാണാം.

ആദ്യത്തെ ഭൂഗർഭ റെയിൽപ്പാ​ത​ക​ളു​ടെ പൈതൃ​കം

ലോക​ത്തു​ട​നീ​ള​മുള്ള പ്രമുഖ നഗരങ്ങ​ളിൽ ഇന്നു ഭൂഗർഭ റെയിൽപ്പാ​തകൾ യാത്ര​ക്കാ​രെ ഭൂമി​ക്ക​ടി​യി​ലൂ​ടെ കൊണ്ടു​പോ​കു​ന്നു. ചിലയി​ട​ങ്ങ​ളിൽ, പഴയ പ്രശ്‌ന​ങ്ങ​ളായ ശബ്ദ-വായു മലിനീ​ക​രണം മാത്രമല്ല ചുവ​രെ​ഴു​ത്തും കുറ്റകൃ​ത്യ​വു​മുണ്ട്‌. എന്നാൽ മിക്ക ഭൂഗർഭ റെയിൽസം​വി​ധാ​ന​ങ്ങ​ളും ആദ്യകാ​ലത്ത്‌ ഭൂഗർഭ റെയിൽപ്പാത രൂപകൽപ്പന ചെയ്‌ത​വ​രു​ടെ മനോ​ഹ​ര​മായ, കലാപ​ര​വും പ്രാ​യോ​ഗി​ക​വു​മായ ആശയങ്ങളെ പ്രതി​ഫ​ലി​പ്പി​ക്കു​ന്നു. പൊതു​ഗ​താ​ഗതം വികസി​പ്പി​ക്കാ​നും മെച്ച​പ്പെ​ടു​ത്താ​നു​മുള്ള ആഗ്രഹം ശക്തമായി നിലനിൽക്കു​ന്നു. ബാങ്കോക്ക്‌, സോൾ, ഷാൻഹാ​യി, തൈ​പേയ്‌, വാഴ്‌സോ എന്നീ നഗരങ്ങ​ളിൽ ഭൂഗർഭ റെയിൽപ്പാ​തകൾ അടുത്ത​യി​ടെ പൂർത്തി​യാ​യി​രി​ക്കു​ന്നു അല്ലെങ്കിൽ നിർമാ​ണ​ത്തി​ലി​രി​ക്കു​ന്നു. ആദ്യകാ​ലത്തു ഭൂഗർഭ റെയിൽപ്പാത രൂപകൽപ്പന ചെയ്‌തവർ ഇതെല്ലാം​കണ്ട്‌ അത്ഭുതം​കൂ​റു​മോ? ഒരുപക്ഷേ ഇല്ലായി​രി​ക്കാം—അത്തരം വ്യാപ​ക​മായ ഉപയോ​ഗം ഒന്നര നൂറ്റാണ്ടു മുമ്പ്‌ അവർ മുൻകൂ​ട്ടി​ക്ക​ണ്ട​തു​ത​ന്നെ​യാണ്‌.

[23-ാം പേജിലെ ചിത്രങ്ങൾ]

1. ബുഡാ​പെസ്റ്റ്‌ സഹസ്രാബ്ദ ഭൂഗർഭ റെയിൽവേ മ്യൂസി​യ​ത്തി​ലെ പുനഃ​സ്ഥി​തീ​ക​രിച്ച ഒരു സ്റ്റേഷൻ

2-4. 1896-ലെ സഹസ്രാബ്ദ ഭൂഗർഭ റെയിൽവേ​യു​ടെ ആദിമ ഇലക്‌ട്രിക്‌ ഭൂഗർഭ തീവണ്ടി കമ്പാർട്ടു​മെൻറു​കൾ