വിദ്യാ​ഭ്യാ​സത്തെ അതിന്റെ സ്ഥാനത്തു നിർത്തൽ

ഒരു വിദഗ്‌ധ ചിത്ര​മെ​ഴു​ത്തു​കാ​രന്‌ യഥാർഥ ദൃശ്യ​പ്ര​തീ​തി (depth) ഉളവാ​ക്കാ​ന​റി​യാം. മധ്യത​ല​ത്തി​ലും പശ്ചാത്ത​ല​ത്തി​ലു​മുള്ള കാര്യ​ങ്ങ​ളെ​ക്കാൾ പൂർവ​ത​ല​ത്തി​ലെ ഓരോ അംശത്തി​നു​മാ​ണു പ്രാമു​ഖ്യത കൊടു​ക്കു​ന്നത്‌. ജീവി​ത​ത്തി​ലെ മുൻഗ​ണ​നകൾ സംബന്ധി​ച്ചും അത്‌ ഏതാ​ണ്ടൊ​ക്കെ അതു​പോ​ലെ​ത​ന്നെ​യാണ്‌. ചില കാര്യങ്ങൾ മററു​ള്ള​വ​യെ​ക്കാൾ പ്രാമു​ഖ്യത അർഹി​ക്കു​ന്നു.

യേശു​ക്രി​സ്‌തു ഇപ്രകാ​രം പറഞ്ഞു: “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു, കാരണം സ്വർഗ​രാ​ജ്യം അവർക്കു​ള്ള​താ​കു​ന്നു.” (മത്തായി 5:3, NW) അതു​കൊണ്ട്‌ ആത്മീയ മൂല്യ​ങ്ങൾക്കാ​യി​രി​ക്കണം അതി​പ്ര​ധാന സ്ഥാനം നൽകേ​ണ്ടത്‌. നേരേ​മ​റിച്ച്‌ ഭൗതി​ക​വ​സ്‌തു​ക്കൾക്ക്‌ അത്ര​യേറെ പ്രാധാ​ന്യം നൽകരുത്‌.

ഈ ചിത്ര​ത്തിൽ വിദ്യാ​ഭ്യാ​സ​ത്തി​ന്റെ സ്ഥാനം എവി​ടെ​യാണ്‌? ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം അത്‌ അപ്രധാ​ന​മായ ഒരു സംഗതി​യല്ല. അപ്പോ​സ്‌ത​ല​നായ പൗലോസ്‌ നൽകിയ തിരു​വെ​ഴു​ത്തു​പ​ര​മായ കടപ്പാടു നിർവ​ഹി​ക്കാൻ ഒരളവു​വരെ ലൗകിക വിദ്യാ​ഭ്യാ​സം സാധാ​ര​ണ​ഗ​തി​യിൽ ആവശ്യ​മാണ്‌: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” (1 തിമൊ​ഥെ​യൊസ്‌ 5:8) മാത്ര​വു​മല്ല, ‘[യേശു] കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചു​കൊണ്ട്‌’ ശിഷ്യരെ ഉളവാ​ക്കാൻ അവൻ തന്റെ അനുഗാ​മി​കൾക്കു നൽകിയ നിയോ​ഗം ഒരുവൻ ‘അറിവ്‌ ഉൾക്കൊ​ള്ളു​ന്ന​തും’ ഫലപ്ര​ദ​മാ​യി മററു​ള്ള​വരെ പഠിപ്പി​ക്കു​ന്ന​തും ആവശ്യ​മാ​ക്കി​ത്തീർക്കു​ന്നു.—മത്തായി 28:19, 20; യോഹ​ന്നാൻ 17:3, NW; പ്രവൃ​ത്തി​കൾ 17:11; 1 തിമൊ​ഥെ​യൊസ്‌ 4:13.

എന്നിരു​ന്നാ​ലും, വിദ്യാ​ഭ്യാ​സത്തെ അതിന്റെ സ്ഥാനത്തു നിർത്തേ​ണ്ട​തുണ്ട്‌. അറിവി​ന്റെ കാര്യ​ത്തിൽ ശോഭി​ച്ചു​നിൽക്കു​ന്ന​തി​നോ മതിപ്പു​ള​വാ​ക്കുന്ന തരത്തി​ലുള്ള ഡിഗ്രി​കൾ സമ്പാദി​ക്കു​ന്ന​തി​നോ വേണ്ടി​യാ​യി​രി​ക്ക​രുത്‌ വിദ്യാ​ഭ്യാ​സം. വിദ്യാ​ഭ്യാ​സ​ത്തിന്‌ അനുചി​ത​മായ പ്രാമു​ഖ്യത കൊടു​ക്കു​ന്ന​പക്ഷം അതു നിരാ​ശ​യി​ലേ കലാശി​ക്കു​ക​യു​ള്ളൂ. അതു ചില താത്‌കാ​ലിക ഭൗതിക നേട്ടങ്ങൾ കൈവ​രു​ത്തി​യേ​ക്കാം എന്നതു സമ്മതി​ക്കു​ന്നു. എന്നാൽ ജ്ഞാനി​യായ ശലോ​മോൻ രാജാവ്‌ ഇപ്രകാ​രം പറഞ്ഞു: “നിന്റെ സകല ജ്ഞാന​ത്തോ​ടും അറിവി​നോ​ടും വൈദ​ഗ്‌ധ്യ​ത്തോ​ടും കൂടെ എന്തി​നെ​ങ്കി​ലും വേണ്ടി പ്രവർത്തി​ക്കുക, അതിനു വേണ്ടി അധ്വാ​നി​ച്ചി​ട്ടി​ല്ലാത്ത ഒരുവനു വേണ്ടി നീ അതെല്ലാം പിന്നീട്‌ ഉപേക്ഷി​ച്ചു പോ​കേ​ണ്ടി​വ​രും.”—സഭാ​പ്ര​സം​ഗി 2:21, ററു​ഡേ​യ്‌സ്‌ ഇംഗ്ലീഷ്‌ വേർഷൻ.

വിദ്യാ​ഭ്യാ​സ കാര്യ​ത്തിൽ തത്‌പ​ര​രാണ്‌ യഹോ​വ​യു​ടെ സാക്ഷികൾ. കേവലം വിദ്യ നേടാൻ വേണ്ടിയല്ല, പിന്നെ​യോ ദൈവ​സേ​വ​ന​ത്തി​ലെ തങ്ങളുടെ ഉപയു​ക്ത​തയെ വർധി​പ്പി​ക്കു​ന്ന​തി​നും സാമ്പത്തി​ക​മാ​യി തങ്ങളെ പോറ​റു​ന്ന​തി​നും വേണ്ടി. അവരുടെ ശുശ്രൂഷ ലാഭര​ഹി​ത​മായ ഒരു പ്രവർത്ത​ന​മാ​യ​തു​കൊണ്ട്‌ ഒരു ഉപജീ​വനം തേടു​ന്ന​തി​നു പലർക്കും ലൗകിക ജോലി​യെ ആശ്രയി​ക്കേ​ണ്ട​തുണ്ട്‌. യഹോ​വ​യു​ടെ സാക്ഷി​ക​ളി​ലെ പയനി​യർമാർ എന്നു വിളി​ക്ക​പ്പെ​ടുന്ന മുഴു​സമയ ശുശ്രൂ​ഷ​കർക്ക്‌ ഇതു പ്രത്യേ​കി​ച്ചും വെല്ലു​വി​ളി​പ​ര​മാ​യി​രു​ന്നേ​ക്കാം. തങ്ങൾക്കു വേണ്ടി​യും വിവാ​ഹി​ത​രെ​ങ്കിൽ തങ്ങളുടെ കുടും​ബ​ങ്ങൾക്കു വേണ്ടി​യും വേണ്ടത്ര സാമ്പത്തിക കരുതൽ അവർ ചെയ്യു​മ്പോൾതന്നെ ശുശ്രൂ​ഷ​യിൽ നല്ല തിരക്കുള്ള ഒരു പട്ടിക അവർ നിലനിർത്തു​ക​യും വേണം.a—സദൃശ​വാ​ക്യ​ങ്ങൾ 10:4.

ഉൾപ്പെ​ട്ടി​രി​ക്കു​ന്ന പല ഘടകങ്ങൾ വിലയി​രു​ത്തി​യ​ശേഷം, അനുബന്ധ വിദ്യാ​ഭ്യാ​സം നടത്താൻ യഹോ​വ​യു​ടെ സാക്ഷി​ക​ളിൽ ചിലർ തീരു​മാ​നി​ച്ചി​ട്ടുണ്ട്‌. തീർച്ച​യാ​യും, വിദ്യാ​ഭ്യാ​സത്തെ അതിന്റെ സ്ഥാനത്തു നിർത്തു​ന്ന​തിന്‌ അവർ സൂക്ഷ്‌മത പുലർത്തേ​ണ്ടി​യി​രു​ന്നു. ഇതു ചെയ്യു​ന്ന​തിൽ അവരെ എന്താണു സഹായി​ച്ചി​ട്ടു​ള്ളത്‌? “അനേക ഘടകങ്ങൾ എന്നെ സഹായി​ച്ചു,” ജോൺ എന്നു പേരുള്ള ഒരു യുവ ബ്രസീ​ലു​കാ​രൻ പറയുന്നു. “രാത്രി​യി​ലി​രുന്ന്‌ പഠി​ക്കേ​ണ്ടി​വ​ന്ന​പ്പോൾ പോലും ഞാൻ ക്രിസ്‌തീയ യോഗങ്ങൾ മുടക്കി​യില്ല. ഞാൻ യഹോ​വ​യു​ടെ സാക്ഷി​ക​ളിൽ ഒരുവ​നാ​ണെന്ന കാര്യം തുടക്കം മുത​ലേ​തന്നെ എന്റെ സഹപാ​ഠി​കൾക്കു വ്യക്തമാ​ക്കി​ക്കൊ​ടു​ക്കു​ക​യും ചെയ്‌തു.”

ബ്രസീ​ലിൽനി​ന്നു തന്നെയുള്ള എറിക്ക്‌, തന്റെ പഠനകാ​ല​യ​ളവ്‌ കുറേ​ക്കൂ​ടെ നീട്ടി​യ​പ്പോൾ തന്റെ വിശ്വാ​സ​ങ്ങ​ളെ​ക്കു​റിച്ച്‌ മററു​ള്ള​വ​രോ​ടു സംസാ​രി​ക്കാ​നുള്ള അവസരങ്ങൾ പ്രയോ​ജ​ന​പ്പെ​ടു​ത്തി. അവൻ പറയുന്നു: “സ്‌കൂൾ എന്റെ പ്രത്യേക പ്രസം​ഗ​പ്ര​ദേ​ശ​മാ​ണെന്നു ഞാൻ കരുതി. പല അധ്യാ​പ​ക​രും വിദ്യാർഥി​ക​ളു​മൊ​ത്തു ബൈബി​ള​ധ്യ​യ​നങ്ങൾ നടത്താൻ എനിക്കു കഴിഞ്ഞു. അവരിൽ അഞ്ചുപേർ ഇപ്പോൾ സ്‌നാ​പ​ന​മേ​റ​റ​വ​രാണ്‌. രണ്ടുപേർ മൂപ്പൻമാ​രാ​യും സേവി​ക്കു​ന്നു.”

ഡ്രാഫ്‌റ​റ്‌സ്‌മാൻഷി​പ്പിൽ ഒരു ബിരുദം നേടാൻ റിച്ചാർഡ്‌ അംശകാ​ലാ​ടി​സ്ഥാ​ന​ത്തിൽ വീണ്ടും സ്‌കൂ​ളിൽ പോയി. അദ്ദേഹം ഇപ്രകാ​രം പറയുന്നു: “എന്റെ വിദ്യാ​ഭ്യാ​സം എന്റെയും ഭാര്യ​യു​ടെ​യും സാമ്പത്തി​കാ​വ​ശ്യ​ങ്ങൾ നിറ​വേ​റ​റാൻ പററിയ ഒരു ജോലി കണ്ടെത്താൻ എന്നെ സഹായി​ച്ചു, എന്നാൽ അത്‌ അവസര​ത്തി​ന്റെ ഒരു കവാടം തുറന്നു​ത​രി​ക​യും ചെയ്‌തു. ശീഘ്ര​നിർമിത രാജ്യ​ഹാൾ പ്രോ​ജ​ക്‌റ​റു​കൾ സന്ദർശിച്ച്‌ അവി​ടെ​യു​ണ്ടാ​യി​രുന്ന മേൽവി​ചാ​ര​കൻമാ​രോ​ടു സംസാ​രി​ച്ച​പ്പോൾ പ്ലാൻ വരയ്‌ക്കുന്ന ഒരാളു​ടെ ആവശ്യം അവർക്കു​ണ്ടെന്നു ഞാൻ മനസ്സി​ലാ​ക്കി, ഞാൻ പഠിച്ച വിദ്യ ഇപ്പോൾ ഈ പ്രോ​ജ​ക്‌റ​റു​ക​ളിൽ നന്നായി ഉപയോ​ഗി​ക്ക​പ്പെ​ടു​ന്നുണ്ട്‌.b മാത്രമല്ല, ഞാനും ഭാര്യ​യും യഹോ​വ​യു​ടെ സാക്ഷി​ക​ളു​ടെ ലോകാ​സ്ഥാ​ന​ത്തോ അന്തർദേ​ശീയ നിർമാണ പ്രോ​ജ​ക്‌റ​റു​ക​ളി​ലോ സേവി​ക്കാൻ പ്രത്യാ​ശി​ക്കു​ക​യാണ്‌.”

അതേസ​മ​യം, കൂടു​ത​ലായ വിദ്യാ​ഭ്യാ​സം കൂടാ​തെ​തന്നെ തങ്ങൾക്കും തങ്ങളുടെ കുടും​ബ​ങ്ങൾക്കും വേണ്ടി സാമ്പത്തി​ക​മാ​യി കരുതുക എന്ന വെല്ലു​വി​ളി​യെ​യും യഹോ​വ​യു​ടെ സാക്ഷി​ക​ളിൽ പലരും നേരി​ട്ടി​ട്ടുണ്ട്‌. മേരി വിശദീ​ക​രി​ക്കു​ന്നു: “വാരത്തിൽ രണ്ടു ദിവസം ഗൃഹ​ജോ​ലി ചെയ്‌തു​കൊ​ണ്ടാ​ണു ഞാൻ എന്റെ സാമ്പത്തിക ചെലവു​കൾ നടത്തു​ന്നത്‌. വിരോ​ധാ​ഭാ​സ​മെന്നു പറയട്ടെ, ഞാൻ ജോലി ചെയ്‌തു​കൊ​ടു​ക്കുന്ന ചില വ്യക്തി​ക​ളെ​ക്കാൾ കൂടുതൽ പണം ഞാൻ ഓരോ മണിക്കൂ​റി​ലും ഉണ്ടാക്കു​ന്നുണ്ട്‌. അഹോ​വൃ​ത്തി തേടാ​നുള്ള ഒരു മാർഗ​മാ​യേ ഞാൻ എന്റെ ജോലി​യെ വീക്ഷി​ക്കു​ന്നു​ള്ളൂ. അതാണ്‌ എന്നെ പയനി​യർവേ​ല​യിൽ നിലനിർത്തു​ന്നത്‌. എന്റെ തീരു​മാ​ന​ത്തിൽ എനിക്കു ഖേദം തോന്നു​ന്നില്ല.”

അതു​പോ​ലെ​ത​ന്നെ​യാണ്‌ സ്‌ററീ​വും വിചാ​രി​ക്കു​ന്നത്‌. അദ്ദേഹം ഇപ്രകാ​രം പറയുന്നു: “ഞാൻ പയനി​യ​റിങ്‌ തുടങ്ങി​യ​പ്പോൾ ചിലർ എന്നോ​ടി​ങ്ങനെ പറഞ്ഞു: ‘വിവാഹം കഴിച്ച്‌ ഒരു കുടും​ബ​മാ​യി​ക്ക​ഴി​യു​മ്പോൾ നീ എന്തു ചെയ്യും? അഹോ​വൃ​ത്തി തേടാൻ നിനക്കാ​കു​മോ?’ ഒടുവിൽ ഫലമോ, നിങ്ങൾക്കു സങ്കൽപ്പി​ക്കാൻ കഴിയുന്ന ഏതു കാര്യ​ത്തി​ലും അനുഭ​വ​പ​രി​ചയം സിദ്ധി​ക്ക​ത്ത​ക്ക​വണ്ണം ഞാൻ ഒട്ടനവ​ധി​തരം ജോലി​കൾ ചെയ്‌തി​ട്ടുണ്ട്‌. ഇപ്പോൾ ഞാൻ ഭാര്യയെ പോ​റേ​റ​ണ്ട​തുണ്ട്‌, ഞങ്ങളുടെ ഏജൻസി​യിൽ ജോലി ചെയ്യുന്ന ചില കോ​ളെജ്‌ ബിരു​ദ​ധാ​രി​ക​ളെ​ക്കാൾ കൂടുതൽ പണം എനിക്കു കിട്ടു​ന്നുണ്ട്‌.”

അനുബന്ധ വിദ്യാ​ഭ്യാ​സം ഏറെറ​ടു​ക്കാൻ അവിശ്വാ​സി​ക​ളായ പിതാ​ക്കൻമാർ പ്രായ​പൂർത്തി​യാ​കാത്ത കുട്ടി​ക​ളോട്‌ ആവശ്യ​പ്പെ​ട്ടേ​ക്കാം, അങ്ങനെ ചെയ്യു​ന്ന​തി​നുള്ള തിരു​വെ​ഴു​ത്തു​പ​ര​മായ അധികാ​രം അവർക്കുണ്ട്‌. എന്നിരു​ന്നാ​ലും, അത്തരം കേസു​ക​ളിൽ മത്തായി 6:33-ന്റെ ചേർച്ച​യിൽ, യഹോ​വ​യു​ടെ സേവന​ത്തിൽ കൂടുതൽ ഉപയോ​ഗ​പ്ര​ദ​രാ​യി​ത്തീ​രാൻ തങ്ങളെ സഹായി​ക്കു​ക​യോ സ്‌കൂ​ളിൽ പോകു​മ്പോൾതന്നെ മുഴു​സമയ സേവന​ത്തിൽ ഏർപ്പെ​ടാൻ തങ്ങളെ അനുവ​ദി​ക്കു​ക​യോ ചെയ്യുന്ന കോഴ്‌സു​കൾ യുവജ​നങ്ങൾ ഏറെറ​ടു​ത്തേ​ക്കാം.

ഏററവും മഹത്തര​മായ വിദ്യാ​ഭ്യാ​സം

തങ്ങളുടെ വിദ്യാ​ഭ്യാ​സ​നി​ല​വാ​രം എന്തുത​ന്നെ​യാ​യി​രു​ന്നാ​ലും യഹോ​വ​യു​ടെ സാക്ഷി​കൾക്കെ​ല്ലാം പൊതു​വാ​യി ഒന്നുണ്ട്‌. ഇന്നു ലഭ്യമാ​യ​തിൽ ഏററവും പ്രധാ​ന​പ്പെട്ട വിദ്യാ​ഭ്യാ​സ​ത്തി​ന്റെ ഉറവ്‌ ദൈവ​വ​ച​ന​മായ ബൈബി​ളാ​ണെന്ന്‌ അവർ തിരി​ച്ച​റി​യു​ന്നു. യോഹ​ന്നാൻ 17:3 ഇപ്രകാ​രം പറയുന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” ഒരു ക്രിസ്‌ത്യാ​നി​ക്കു ലഭിക്കുന്ന ലൗകിക വിദ്യാ​ഭ്യാ​സം എന്തുത​ന്നെ​യാ​യി​രു​ന്നാ​ലും യഹോ​വ​യെ​യും അവന്റെ പുത്ര​നായ യേശു​വി​നെ​യും കുറി​ച്ചുള്ള പരിജ്ഞാ​നം ഉൾക്കൊ​ള്ളു​ന്ന​തി​നാ​യി​രി​ക്കണം മുൻഗണന.

ഈ മാതൃക വെച്ചത്‌ ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളാണ്‌. “ഡിസ്‌ട്രി​ക്‌ററ്‌ ഭരണാ​ധി​പ​നായ ഹെരോ​ദാ​വി​നോ​ടു​കൂ​ടെ പഠിച്ച”യാളാ​യി​രു​ന്നു മനായേൻ, എന്നിട്ടും അന്ത്യോ​ക്യ സഭയിലെ പ്രവാ​ച​കൻമാ​രു​ടെ​യും പ്രബോ​ധ​ക​രു​ടെ​യും ഇടയിൽ അദ്ദേഹം ഉണ്ടായി​രു​ന്നു​വെന്നു മാത്രമല്ല സജീവ​മാ​യി പ്രവർത്തി​ക്കു​ക​യും ചെയ്‌തി​രു​ന്നു. (പ്രവൃ​ത്തി​കൾ 13:1, NW) സമാന​മാ​യി, പൗലോ​സി​നു ലഭിച്ചത്‌ ഇന്ന്‌ ഒരു യൂണി​വേ​ഴ്‌സി​ററി വിദ്യാ​ഭ്യാ​സ​ത്തോ​ടു തുലനം ചെയ്യാ​വുന്ന വിദ്യാ​ഭ്യാ​സ​മാ​യി​രു​ന്നു. എങ്കിൽപ്പോ​ലും ഒരു ക്രിസ്‌ത്യാ​നി​യാ​യി​ത്തീർന്ന​ശേഷം അദ്ദേഹം തന്റെ പരിശീ​ല​നത്തെ അതിന്റെ സ്ഥാനത്തു നിർത്തി. മററു​ള്ള​വരെ വിറപ്പി​ക്കാൻ അത്‌ ഉപയോ​ഗി​ക്കു​ന്ന​തി​നു പകരം എല്ലാത്ത​ര​ത്തി​ലുള്ള ആളുക​ളോ​ടും പ്രസം​ഗി​ക്കാൻ സാമൂ​ഹി​ക​ശാ​സ്‌ത്രം, നിയമം, ചരിത്രം തുടങ്ങിയ കാര്യങ്ങൾ സംബന്ധിച്ച തന്റെ അറിവ്‌ അദ്ദേഹം ഉപയോ​ഗ​പ്പെ​ടു​ത്തി.—പ്രവൃ​ത്തി​കൾ 16:37-40; 22:3; 25:11, 12; 1 കൊരി​ന്ത്യർ 9:19-23; ഫിലി​പ്പി​യർ 1:7.

ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ പ്രമു​ഖ​മാ​യി തങ്ങളുടെ വിദ്യാ​ഭ്യാ​സ നിലവാ​ര​ത്തി​നു പേരു​കേ​ട്ട​വ​രാ​യി​രു​ന്നില്ല. പലരും റബ്ബിമാ​രു​ടെ സ്‌കൂ​ളു​ക​ളിൽ പരിശീ​ലനം നേടാത്ത “പഠിപ്പി​ല്ലാ​ത്ത​വ​രും സാമാ​ന്യ​രു​മായ” മനുഷ്യ​രാ​യി​രു​ന്നു. അവർ വിദ്യാ​ഭ്യാ​സ​മി​ല്ലാ​ത്ത​വ​രാ​യി​രു​ന്നു എന്നല്ല ഇതിന്റെ അർഥം. മറിച്ച്‌, ഈ സ്‌ത്രീ​പു​രു​ഷൻമാർ തങ്ങളുടെ വിശ്വാ​സ​ത്തി​നു വേണ്ടി പ്രതി​വാ​ദം ചെയ്യാൻ സജ്ജരാ​യി​രു​ന്നു—നല്ല പഠിപ്പി​ന്റെ തെളിവ്‌ നൽകിയ ഒരു പ്രാപ്‌തി​തന്നെ.—പ്രവൃ​ത്തി​കൾ 4:13.

അതു​കൊണ്ട്‌ എല്ലാ ക്രിസ്‌ത്യാ​നി​ക​ളും വിദ്യാ​ഭ്യാ​സ​ത്തിൽ അതീവ താത്‌പ​ര്യ​മു​ള്ള​വ​രാണ്‌. അതേസ​മയം, “കൂടുതൽ പ്രാധാ​ന്യ​മുള്ള കാര്യ​ങ്ങളെ തിട്ട​പ്പെ​ടു​ത്താൻ” അവർ പരി​ശ്ര​മി​ക്കു​ക​യും ചെയ്യുന്നു, വിദ്യാ​ഭ്യാ​സത്തെ—മറേറ​തൊ​രു പ്രവർത്ത​ന​ത്തെ​യും പോലെ—അതിന്റെ സ്ഥാനത്തു നിർത്തി​ക്കൊണ്ട്‌.—ഫിലി​പ്യർ 1:9, 10, NW.

[അടിക്കു​റി​പ്പു​കൾ]

[7-ാം പേജിലെ ചതുരം]

അർഹമായ ഒരു ശുപാർശ

യഹോ​വ​യു​ടെ സാക്ഷി​ക​ളു​ടെ ഒരു മുഴു​സമയ ശുശ്രൂ​ഷ​ക​നെന്ന നിലയി​ലുള്ള ജീവി​ത​വൃ​ത്തി കൈ​ക്കൊ​ള്ളു​മ്പോൾ സ്വന്തം സാമ്പത്തിക ചെലവു​കൾ എങ്ങനെ നടത്താൻ കഴിയു​മെ​ന്ന​തി​നെ​ക്കു​റി​ച്ചു തന്റെ സ്‌കൂൾ വിദ്യാ​ഭ്യാ​സം പൂർത്തി​യാ​ക്കു​ന്ന​തിന്‌ ഒരു വർഷം മുമ്പു​തന്നെ മാത്യു ചിന്തി​ച്ചി​രു​ന്നു. ഈ വിഷയം പ്രാർഥ​നാ​പൂർവം പരിചി​ന്തി​ച്ച​ശേഷം അവന്റെ ലക്ഷ്യത്തിൽ എത്തി​ച്ചേ​രു​ന്ന​തി​നു കൂടു​ത​ലായ വിദ്യാ​ഭ്യാ​സം ഒരു മുതൽക്കൂ​ട്ടാ​യി​രി​ക്കു​മെന്ന്‌ മാത്യു​വി​നും അവന്റെ മാതാ​പി​താ​ക്കൾക്കും തോന്നി. അതു​കൊണ്ട്‌ അവൻ ഒരു സ്‌കോ​ളർഷി​പ്പിന്‌ അപേക്ഷി​ച്ചു. മാത്യു​വി​ന്റെ സ്‌കൂൾ ഉപദേ​ഷ്ടാവ്‌ സ്‌കോ​ളർഷി​പ്പി​നുള്ള അപേക്ഷ​യോ​ടൊ​പ്പം ഒരു ശുപാർശ​ക്ക​ത്തും ഉൾപ്പെ​ടു​ത്തി​യി​രു​ന്നു. അതിൽ ഇപ്രകാ​രം പ്രസ്‌താ​വി​ച്ചി​രു​ന്നു:

“കഴിഞ്ഞ രണ്ടര വർഷക്കാ​ല​മാ​യി മാത്യു​വി​ന്റെ ഉപദേ​ഷ്ടാ​വും സ്‌നേ​ഹി​ത​നു​മാ​യി​രി​ക്കാൻ കഴിഞ്ഞ​തിൽ ഞാൻ സന്തോ​ഷി​ക്കു​ന്നു. ഉറച്ച നിലപാ​ടുള്ള ഒരു വ്യക്തി​യാണ്‌ മാത്യു . . . അവൻ ആഴമായ വിശ്വാ​സ​മു​ള്ള​വ​നും ഉറച്ച ബോധ്യ​മു​ള്ള​വ​നു​മാണ്‌. അത്‌ അവന്റെ ബന്ധങ്ങളി​ലും പ്രവർത്ത​ന​ങ്ങ​ളി​ലു​മെ​ല്ലാം പ്രകട​മാണ്‌.

“വർഷങ്ങ​ളാ​യി മാത്യു ശുശ്രൂ​ഷ​യ്‌ക്കു വേണ്ടി ഒരുങ്ങു​ക​യാ​യി​രു​ന്നു. അവന്റെ വിശ്വാ​സ​ത്തിൽപ്പെട്ട ശുശ്രൂ​ഷ​കർക്കു സാമ്പത്തി​ക​മായ യാതൊ​രു പ്രതി​ഫ​ല​വും കിട്ടു​ന്നില്ല. അതു തീർച്ച​യാ​യും സ്‌നേഹം നിമി​ത്ത​മുള്ള ഒരു പ്രവർത്ത​ന​മാണ്‌. നിസ്വാർഥ​മ​തി​യായ മാത്യു വളരെ ചിന്തയും പരിഗ​ണ​ന​യും ഉള്ളവനു​മാണ്‌. തന്റെ പരിശീ​ല​ന​വും സ്വമേ​ധയാ സേവന​വും തുടരു​ന്ന​തിന്‌ ഈ സ്‌കോ​ളർഷിപ്പ്‌ ദൈവ​സേ​വ​ന​ത്തിന്‌ അർപ്പി​ക്ക​പ്പെട്ട ഈ മനുഷ്യന്‌ വക നൽകും.

“സ്വമേ​ധ​യാ​യുള്ള വേല​യെ​യും സമുദാ​യ​സേ​വ​ന​ത്തെ​യും കുറിച്ചു സംസാ​രി​ക്കു​ക​യാ​ണെ​ങ്കിൽ, വാരാ​ന്ത​ങ്ങ​ളി​ലും സ്‌കൂൾ കഴിഞ്ഞുള്ള സമയത്തും വേനല​വ​ധി​ക്കാ​ല​ങ്ങ​ളി​ലും വീടു​തോ​റും പ്രസം​ഗി​ച്ചു​കൊണ്ട്‌ മാത്യു അനേകം മണിക്കൂ​റു​കൾ ചെലവ​ഴി​ച്ചി​രി​ക്കു​ന്നു. അവൻ ജനസമു​ദാ​യ​ത്തി​നു​ള്ളിൽ പലതര​ത്തിൽപ്പെട്ട ആളുക​ളോ​ടൊ​ത്തു പ്രവർത്തി​ക്കു​ന്നു. മാത്യു ചെറു​പ്പ​ക്കാ​രോ​ടും പ്രായ​മു​ള്ള​വ​രോ​ടു​മൊത്ത്‌ ഒരു​പോ​ലെ ബൈബി​ള​ധ്യ​യ​നങ്ങൾ നടത്തി​ക്കൊണ്ട്‌ നായക​ത്വം വഹിക്കാ​നുള്ള തന്റെ പ്രാപ്‌തി​യും വൈദ​ഗ്‌ധ്യ​വും പ്രകട​മാ​ക്കി​യി​രി​ക്കു​ന്നു. . . . ആളുകളെ പ്രചോ​ദി​പ്പി​ക്കാ​നും അവരുടെ യഥാർഥ പ്രാപ്‌തി​യി​ലേക്ക്‌ എത്തി​ച്ചേ​രാൻ അവരെ സഹായി​ക്കാ​നും അവൻ പ്രാപ്‌ത​നാണ്‌. ക്ലാസ്സ്‌മു​റി​യിൽ അവൻ നല്ല ഒരു പ്രചോ​ദ​ന​മാ​യി​രു​ന്നു​വെന്ന്‌ അധ്യാ​പകർ അഭി​പ്രാ​യ​പ്പെ​ട്ടി​ട്ടുണ്ട്‌. ക്ലാസ്സ്‌ ചർച്ചകൾക്കു നേതൃ​ത്വം വഹിക്കാ​റുള്ള അവൻ പ്രാപ്‌ത​നായ ഒരു താർക്കി​ക​നു​മാണ്‌. . . .

“മാർഗ​നിർദേശം കൊടു​ക്കാൻ എനിക്ക്‌ അവസരം ലഭിച്ചി​ട്ടുള്ള ഏററവും നല്ല യുവാ​ക്ക​ളിൽ ഒരുവ​നാണ്‌ മാത്യു. സഹപാ​ഠി​ക​ളും അധ്യാ​പ​ക​രും അവനെ വളരെ ഇഷ്ടപ്പെ​ടു​ക​യും ആദരി​ക്കു​ക​യും ചെയ്യുന്നു. അവന്റെ നിർമലത ഏററവും ഉയർന്ന ഗുണമു​ള്ള​താണ്‌.”

[9-ാം പേജിലെ ചിത്രങ്ങൾ]

യഹോവയുടെ സാക്ഷികൾ വിദ്യാ​ഭ്യാ​സ കാര്യ​ത്തിൽ തത്‌പ​ര​രാണ്‌, പ്രാഥ​മി​ക​മാ​യി ദൈവ​ത്തി​ന്റെ ഫലപ്ര​ദ​രായ ദാസൻമാ​രാ​യി​ത്തീ​രു​ന്ന​തി​നു വേണ്ടി