വിദ്യാ​ഭ്യാ​സം—അതു യഹോ​വയെ സ്‌തു​തി​ക്കാൻ ഉപയോ​ഗി​ക്കു​ക

“സ്വയമാ​യി പ്രസ്‌താ​വി​ക്കു​ന്നവൻ സ്വന്തമ​ഹ​ത്വം അന്വേ​ഷി​ക്കു​ന്നു; തന്നെ അയച്ചവന്റെ മഹത്വം അന്വേ​ഷി​ക്കു​ന്നവൻ സത്യവാൻ.”—യോഹ​ന്നാൻ 7:18.

1. എപ്പോൾ, എങ്ങനെ​യാ​ണു വിദ്യാ​ഭ്യാ​സ പ്രക്രി​യ​യ്‌ക്കു നാന്ദി കുറി​ച്ചത്‌?

വളരെ വളരെ നാളു​കൾക്കു മുമ്പ്‌ ആരംഭി​ച്ച​താ​ണു വിദ്യാ​ഭ്യാ​സം. വലിയ വിദ്യാ​ദാ​താ​വും പ്രബോ​ധ​ക​നു​മായ യഹോ​വ​യാം ദൈവം തന്റെ ആദ്യജാത പുത്രനെ സൃഷ്ടി​ച്ച​ശേഷം ഉടനെ​യാ​യി​രു​ന്നു വിദ്യാ​ഭ്യാ​സ പ്രക്രി​യ​യ്‌ക്കു നാന്ദി കുറി​ച്ചത്‌. (യെശയ്യാ​വു 30:20; കൊ​ലൊ​സ്സ്യർ 1:15) വലിയ വിദ്യാ​ദാ​താ​വിൽനി​ന്നു പഠിക്കാൻ സാധി​ക്കുന്ന ഒരുവ​നാണ്‌ ഇവിടെ ഉണ്ടായി​രു​ന്നത്‌! എണ്ണമറ്റ സഹസ്രാ​ബ്ദ​ങ്ങ​ളിൽ പിതാ​വു​മാ​യി അടുത്ത സഹവാ​സ​ത്തി​ലാ​യി​രുന്ന, യേശു​ക്രി​സ്‌തു എന്ന്‌ അറിയ​പ്പെ​ടാ​നി​ട​യായ, ആ പുത്രനു യഹോ​വ​യാം ദൈവ​ത്തി​ന്റെ ഗുണങ്ങ​ളെ​യും വേലക​ളെ​യും ഉദ്ദേശ്യ​ങ്ങ​ളെ​യും സംബന്ധിച്ച്‌ അമൂല്യ വിദ്യാ​ഭ്യാ​സം ലഭിച്ചു. പിന്നീട്‌, ഭൂമി​യിൽ മനുഷ്യ​നാ​യി​രു​ന്ന​പ്പോൾ, യേശു​വിന്‌ ഇങ്ങനെ പറയാൻ കഴിഞ്ഞു: “ഞാൻ സ്വയമാ​യി​ട്ടു ഒന്നും ചെയ്യാതെ പിതാവു എനിക്കു ഉപദേ​ശി​ച്ചു​ത​ന്ന​തു​പോ​ലെ [“എന്നെ പഠിപ്പി​ച്ച​തു​പോ​ലെ,” NW] ഇതു സംസാ​രി​ക്കു​ന്നു.”—യോഹ​ന്നാൻ 8:28.

2-4. (എ) യോഹ​ന്നാൻ 7-ാം അധ്യായം പറയു​ന്ന​ത​നു​സ​രിച്ച്‌, പൊ.യു. 32-ലെ കൂടാ​ര​പ്പെ​രു​ന്നാ​ളിൽ യേശു സംബന്ധി​ച്ച​തി​നോ​ടു ചുറ്റി​പ്പ​റ്റി​യുള്ള സാഹച​ര്യ​ങ്ങൾ എന്തെല്ലാ​മാ​യി​രു​ന്നു? (ബി) യേശു​വി​ന്റെ പഠിപ്പി​ക്കൽ പ്രാപ്‌തി​യിൽ യഹൂദർ അമ്പരന്നു​പോ​യത്‌ എന്തു​കൊ​ണ്ടാ​യി​രു​ന്നു?

² യേശു​വി​നു ലഭിച്ച വിദ്യാ​ഭ്യാ​സം അവൻ എങ്ങനെ​യാണ്‌ ഉപയോ​ഗി​ച്ചത്‌? തന്റെ മൂന്നര വർഷത്തെ ഭൗമിക ശുശ്രൂ​ഷ​ക്കാ​ലത്തു താൻ പഠിച്ചത്‌ അവൻ മറ്റുള്ള​വ​രു​മാ​യി അക്ഷീണം പങ്കു​വെച്ചു. എന്നാൽ, ഒരു പ്രാഥ​മിക ഉദ്ദേശ്യം മനസ്സിൽ പിടി​ച്ചു​കൊ​ണ്ടാ​യി​രു​ന്നു അതു ചെയ്‌തത്‌. എന്തായി​രു​ന്നു അത്‌? നമുക്കു യോഹ​ന്നാൻ 7-ാം അധ്യാ​യ​ത്തി​ലെ യേശു​വി​ന്റെ വാക്കുകൾ പരി​ശോ​ധി​ക്കാം, അവിടെ അവൻ തന്റെ പഠിപ്പി​ക്ക​ലി​ന്റെ ഉത്ഭവ​ത്തെ​യും ഉദ്ദേശ്യ​ത്തെ​യും വിശദീ​ക​രി​ച്ചു.

³ ആദ്യം പശ്ചാത്തലം പരിചി​ന്തി​ക്കുക. യേശു സ്‌നാ​പ​ന​മേ​റ്റിട്ട്‌ ഏതാണ്ട്‌ മൂന്നു വർഷം കഴിഞ്ഞുള്ള പൊ.യു. 32-ലെ ശരത്‌കാ​ലം. കൂടാ​ര​പ്പെ​രു​ന്നാ​ളി​നാ​യി യഹൂദ​ന്മാർ യെരു​ശ​ലേ​മിൽ കൂടി​യി​രി​ക്കു​ക​യാ​യി​രു​ന്നു. പെരു​ന്നാ​ളി​ന്റെ ആദ്യത്തെ ഏതാനും ചില ദിവസ​ങ്ങ​ളിൽ യേശു​വി​നെ​ക്കു​റി​ച്ചു കാര്യ​മായ സംസാരം നടന്നി​രു​ന്നു. പെരു​ന്നാൾ പകുതി​യാ​യ​പ്പോൾ, യേശു ആലയത്തി​ലെത്തി പഠിപ്പി​ക്കാൻ തുടങ്ങി. (യോഹ​ന്നാൻ 7:2, 10-14) എപ്പോ​ഴ​ത്തെ​യും പോലെ, അവൻ ഒരു മഹദ്‌ഗു​രു​വാ​ണെന്നു സ്വയം തെളി​യി​ച്ചു.—മത്തായി 13:54; ലൂക്കൊസ്‌ 4:22.

⁴ യോഹ​ന്നാൻ 7-ാം അധ്യാ​യ​ത്തി​ന്റെ 15-ാം വാക്യം പറയുന്നു: “വിദ്യാ​ഭ്യാ​സം ചെയ്യാത്ത ഇവൻ ശാസ്‌ത്രം അറിയു​ന്നതു എങ്ങനെ എന്നു യഹൂദ​ന്മാർ പറഞ്ഞു ആശ്ചര്യ​പ്പെട്ടു.” അവർ അമ്പരന്ന​തി​ന്റെ കാരണം നിങ്ങൾക്കു മനസ്സി​ലാ​യോ? റബിമാ​രു​ടെ സ്‌കൂ​ളു​ക​ളി​ലൊ​ന്നും യേശു പോയി​രു​ന്നില്ല, അതു​കൊണ്ട്‌, അവൻ വിദ്യാ​ഭ്യാ​സ​മി​ല്ലാ​ത്തവൻ ആയിരു​ന്നു—അഥവാ അതായി​രു​ന്നു അവരുടെ ധാരണ! എങ്കിലും, അനായാ​സേന തിരു​വെ​ഴു​ത്തു ഭാഗങ്ങൾ കണ്ടെത്തി വായി​ക്കാൻ യേശു​വി​നു സാധി​ച്ചി​രു​ന്നു. (ലൂക്കൊസ്‌ 4:16-21) എന്തിന്‌, ഗലീല​യിൽനി​ന്നുള്ള ഈ ആശാരി മോശ​യു​ടെ ന്യായ​പ്ര​മാ​ണ​ത്തെ​ക്കു​റിച്ച്‌ അവരെ പ്രബോ​ധി​പ്പി​ക്കുക പോലും ചെയ്‌തു! (യോഹ​ന്നാൻ 7:19-23) അതെങ്ങനെ സാധ്യ​മാ​യി?

5, 6. (എ) തന്റെ പഠിപ്പി​ക്ക​ലി​ന്റെ ഉറവി​നെ​ക്കു​റിച്ച്‌ യേശു എങ്ങനെ വിശദീ​ക​രി​ച്ചു? (ബി) ഏതു വിധത്തി​ലാണ്‌ യേശു തന്റെ വിദ്യാ​ഭ്യാ​സം ഉപയോ​ഗി​ച്ചത്‌?

⁵ 16-ഉം 17-ഉം വാക്യ​ങ്ങ​ളിൽ നാം വായി​ക്കു​ന്ന​തു​പോ​ലെ, യേശു ഇങ്ങനെ വിശദീ​ക​രി​ച്ചു: “എന്റെ ഉപദേശം [“ഞാൻ പഠിപ്പി​ക്കു​ന്നത്‌,” NW] എന്റേതല്ല, എന്നെ അയച്ചവ​ന്റേ​ത​ത്രേ. അവന്റെ ഇഷ്ടം ചെയ്‌വാൻ ഇച്ഛിക്കു​ന്നവൻ ഈ ഉപദേശം ദൈവ​ത്തിൽനി​ന്നു​ള്ള​തോ ഞാൻ സ്വയമാ​യി പ്രസ്‌താ​വി​ക്കു​ന്ന​തോ എന്നു അറിയും.” യേശു​വി​നു വിദ്യാ​ഭ്യാ​സം കൊടു​ത്തത്‌ ആരെന്ന​റി​യാൻ അവർ ആഗ്രഹി​ച്ചു. അതു​കൊണ്ട്‌, തനിക്കു വിദ്യാ​ഭ്യാ​സം ലഭിച്ചതു ദൈവ​ത്തിൽനി​ന്നാ​ണെന്ന്‌ അവൻ അവരോ​ടു വ്യക്തമാ​യി പറഞ്ഞു!—യോഹ​ന്നാൻ 12:49; 14:10.

⁶ യേശു തന്റെ വിദ്യാ​ഭ്യാ​സത്തെ ഉപയോ​ഗി​ച്ചത്‌ എങ്ങനെ​യാ​യി​രു​ന്നു? യോഹ​ന്നാൻ 7:18-ൽ രേഖ​പ്പെ​ടു​ത്തി​യി​രി​ക്കു​ന്ന​പ്ര​കാ​രം, അവൻ ഇങ്ങനെ ഉത്തരം പറഞ്ഞു: “സ്വയമാ​യി പ്രസ്‌താ​വി​ക്കു​ന്നവൻ സ്വന്തമ​ഹ​ത്വം അന്വേ​ഷി​ക്കു​ന്നു; തന്നെ അയച്ചവന്റെ മഹത്വം അന്വേ​ഷി​ക്കു​ന്നവൻ സത്യവാൻ ആകുന്നു; നീതി​കേടു അവനിൽ ഇല്ല.” (ചെരി​ച്ചെ​ഴു​ത്തു ഞങ്ങളു​ടേത്‌.) യേശു തന്റെ വിദ്യാ​ഭ്യാ​സം “ജ്ഞാനസ​മ്പൂർണ്ണ​നായ” യഹോ​വ​യ്‌ക്കു മഹത്ത്വം കരേറ്റാൻ ഉപയോ​ഗി​ച്ചത്‌ എത്ര ഉചിത​മാ​യി​രു​ന്നു!—ഇയ്യോബ്‌ 37:16.

7, 8. (എ) വിദ്യാ​ഭ്യാ​സത്തെ എങ്ങനെ​യാണ്‌ ഉപയോ​ഗി​ക്കേ​ണ്ടത്‌? (ബി) സന്തുലിത വിദ്യാ​ഭ്യാ​സ​ത്തി​ന്റെ നാല്‌ അടിസ്ഥാന ലക്ഷ്യങ്ങൾ എന്തൊ​ക്കെ​യാണ്‌?

⁷ നാം അങ്ങനെ യേശു​വിൽനിന്ന്‌ ഒരു മൂല്യ​വ​ത്തായ പാഠം പഠിക്കു​ക​യാണ്‌—വിദ്യാ​ഭ്യാ​സം ഉപയോ​ഗി​ക്കേ​ണ്ടതു നമുക്കു​തന്നെ മഹത്ത്വം കരേറ്റാ​നല്ല, മറിച്ച്‌ യഹോ​വ​യ്‌ക്കു സ്‌തുതി കൈവ​രു​ത്താ​നാണ്‌. അതിലും മെച്ചമായ വിധത്തിൽ വിദ്യാ​ഭ്യാ​സം ഉപയോ​ഗ​പ്പെ​ടു​ത്താൻ വേറെ മാർഗ​മില്ല. അങ്ങനെ​യെ​ങ്കിൽ, യഹോ​വ​യ്‌ക്കു സ്‌തുതി കരേറ്റാൻ നിങ്ങൾക്കു വിദ്യാ​ഭ്യാ​സം എങ്ങനെ ഉപയോ​ഗി​ക്കാൻ സാധി​ക്കും?

⁸ വിദ്യാ​ഭ്യാ​സം നൽകുക എന്നതിന്റെ അർഥം “ഔപചാ​രിക പ്രബോ​ധ​ന​ത്താ​ലും വിശേ[ഷിച്ചും] വൈദ​ഗ്‌ധ്യ​ത്തി​ലോ തൊഴി​ലി​ലോ ജീവി​ത​വൃ​ത്തി​യി​ലോ മേൽനോ​ട്ട​ത്തോ​ടു​കൂ​ടിയ അഭ്യസ​ന​ത്താ​ലും പരിശീ​ലി​പ്പി​ക്കുക” എന്നാണ്‌. സന്തുലിത വിദ്യാ​ഭ്യാ​സ​ത്തി​ന്റെ നാല്‌ അടിസ്ഥാന ലക്ഷ്യങ്ങ​ളും യഹോ​വയെ സ്‌തു​തി​ക്കാൻ ഇവ ഓരോ​ന്നും എപ്രകാ​രം ഉപയോ​ഗി​ക്കാ​മെ​ന്നും നമുക്കി​പ്പോൾ പരിചി​ന്തി​ക്കാം. (1) നന്നായി വായി​ക്കാ​നും (2) വ്യക്തമാ​യി എഴുതാ​നും (3) മാനസി​ക​മാ​യും ധാർമി​ക​മാ​യും വികാസം പ്രാപി​ക്കാ​നും (4) അനുദിന ജീവി​ത​വൃ​ത്തിക്ക്‌ ആവശ്യ​മായ പ്രാ​യോ​ഗിക പരിശീ​ലനം നേടാ​നും സന്തുലിത വിദ്യാ​ഭ്യാ​സം നമ്മെ സഹായി​ക്കണം.

നന്നായി വായി​ക്കാൻ പഠിക്കൽ

9. ഒരു നല്ല വായന​ക്കാ​ര​നാ​യി​രി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁹ ഒന്നാമ​താ​യി പട്ടിക​പ്പെ​ടു​ത്തി​യി​രി​ക്കു​ന്നത്‌ നന്നായി വായി​ക്കാൻ പഠിക്കൽ ആണ്‌. നല്ല വായന​ക്കാ​ര​നാ​യി​രി​ക്കു​ന്നതു വളരെ പ്രാധാ​ന്യ​മുള്ള സംഗതി​യാ​യി​രി​ക്കു​ന്നത്‌ എന്തു​കൊണ്ട്‌? ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ വിശദീ​ക​രി​ക്കു​ന്നു: “വായന . . . പഠനം സംബന്ധിച്ച്‌ അടിസ്ഥാ​ന​വും അനുദിന ജീവി​ത​ത്തി​ലെ ഏറ്റവും പ്രധാ​ന​പ്പെട്ട വൈദ​ഗ്‌ധ്യ​ങ്ങ​ളിൽ ഒന്നുമാണ്‌. . . . തഴച്ചു​വ​ള​രുന്ന, ഫലോ​ത്‌പാ​ദ​ക​മായ സമൂഹത്തെ വാർത്തെ​ടു​ക്കു​ന്ന​തി​നു വിദഗ്‌ധ വായന​ക്കാർ സഹായി​ക്കു​ന്നു. അതേസ​മയം, അവർതന്നെ തിക​വേ​റിയ, കൂടുതൽ തൃപ്‌തി​ക​ര​മായ ജീവിതം ആസ്വദി​ക്കു​ന്നു.”

10. തിക​വേ​റി​യ​തും ഏറെ സംതൃ​പ്‌തി​ദാ​യ​ക​വു​മായ ജീവിതം ആസ്വദി​ക്കാൻ ദൈവ​വ​ച​ന​ത്തി​ന്റെ വായന നമ്മെ എങ്ങനെ സഹായി​ക്കു​ന്നു?

¹⁰ “തിക​വേ​റിയ, കൂടുതൽ തൃപ്‌തി​ക​ര​മായ ജീവിതം” ആസ്വദി​ക്കാൻ പൊതു​വായ വായന നമ്മെ സഹായി​ക്കു​മെ​ങ്കിൽ, ദൈവ​വ​ച​ന​ത്തി​ന്റെ വായന​യു​ടെ കാര്യ​ത്തിൽ ഇത്‌ എത്രയ​ധി​കം സത്യമാ​യി​രി​ക്കും! അത്തരം വായന നമ്മുടെ മനസ്സു​ക​ളെ​യും ഹൃദയ​ങ്ങ​ളെ​യും യഹോ​വ​യു​ടെ ചിന്തക​ളി​ലേ​ക്കും ഉദ്ദേശ്യ​ങ്ങ​ളി​ലേ​ക്കും നയിക്കു​ന്നു. ഇവയെ വ്യക്തമാ​യി ഗ്രഹി​ക്കു​ന്നതു നമ്മുടെ ജീവി​ത​ത്തിന്‌ അർഥം പകരു​ക​യും ചെയ്യുന്നു. അതിലു​പരി, “ദൈവ​വ​ചനം ജീവനു​ള്ള​തും ശക്തി ചെലു​ത്തു​ന്ന​തും” ആകുന്നു​വെന്ന്‌ എബ്രായർ 4:12 [NW] പറയുന്നു. ദൈവ​വ​ചനം വായി​ക്കു​ക​യും അതേക്കു​റി​ച്ചു ധ്യാനി​ക്കു​ക​യും ചെയ്യു​മ്പോൾ, നാം അതിന്റെ ഗ്രന്ഥകർത്താ​വി​ലേക്ക്‌ ആകർഷി​ക്ക​പ്പെ​ടു​ന്നു, അവനെ കൂടുതൽ പ്രീതി​പ്പെ​ടു​ത്തു​ന്നവർ ആയിത്തീ​രാൻ നമ്മുടെ ജീവി​ത​ത്തിൽ മാറ്റങ്ങൾ വരുത്താൻ നാം പ്രേരി​ത​രാ​യി​ത്തീ​രു​ന്നു. (ഗലാത്യർ 5:22, 23; എഫെസ്യർ 4:22-24) നാം വായി​ക്കുന്ന അമൂല്യ സത്യങ്ങൾ മറ്റുള്ള​വ​രു​മാ​യി പങ്കു​വെ​ക്കാ​നും നാം പ്രേരി​ത​രാ​കു​ന്നു. ഇതെല്ലാം വലിയ വിദ്യാ​ദാ​താ​വിന്‌, യഹോ​വ​യാം ദൈവ​ത്തിന്‌, സ്‌തുതി കരേറ്റു​ന്നു. വായി​ക്കാ​നുള്ള നമ്മുടെ പ്രാപ്‌തി​യെ ഇതിലും മെച്ചമാ​യി ഉപയോ​ഗി​ക്കാൻ തീർച്ച​യാ​യും വേറൊ​രു മാർഗ​വു​മില്ല!

11. വ്യക്തിഗത പഠനത്തി​ന്റെ ഒരു സന്തുലിത പരിപാ​ടി​യിൽ എന്ത്‌ ഉൾപ്പെ​ട്ടി​രി​ക്കണം?

¹¹ യുവ​പ്രാ​യ​ക്കാ​രാ​യാ​ലും പ്രായ​മു​ള്ള​വ​രാ​യാ​ലും, നന്നായി വായി​ക്കാൻ പഠിക്കു​ന്ന​തി​നു നാം പ്രോ​ത്സാ​ഹി​പ്പി​ക്ക​പ്പെ​ട്ടി​രി​ക്കു​ന്നു, കാരണം നമ്മുടെ ക്രിസ്‌തീയ ജീവി​ത​ത്തിൽ വായന​യ്‌ക്ക്‌ ഒരു പ്രധാന പങ്കുണ്ട്‌. ദൈവ​വ​ചനം ക്രമമാ​യി വായി​ക്കു​ന്ന​തി​നു​പു​റമേ, വ്യക്തി​പ​ര​മായ പഠനത്തി​ന്റെ സന്തുലിത പരിപാ​ടി​യിൽ തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്ക​ലിൽ നിന്നുള്ള ബൈബിൾ വാക്യ​പ​രി​ചി​ന്ത​ന​വും വീക്ഷാ​ഗോ​പു​ര​വും ഉണരുക!യും വായി​ക്ക​ലും ക്രിസ്‌തീയ യോഗ​ങ്ങൾക്കു​വേ​ണ്ടി​യുള്ള തയ്യാറാ​ക​ലും ഉൾപ്പെ​ടു​ന്നു. ക്രിസ്‌തീയ ശുശ്രൂ​ഷ​യു​ടെ കാര്യ​മോ? വ്യക്തമാ​യും, പരസ്യ​മാ​യി പ്രസം​ഗി​ക്കൽ, താത്‌പ​ര്യ​ക്കാർക്കു മടക്കസ​ന്ദർശ​നങ്ങൾ നടത്തൽ, ഭവന ബൈബി​ള​ധ്യ​യ​നങ്ങൾ നടത്തൽ എന്നിവ​യ്‌ക്കെ​ല്ലാം നല്ല വായനാ​പ്രാ​പ്‌തി ആവശ്യ​മാണ്‌.

വ്യക്തമാ​യി എഴുതാൻ പഠിക്കൽ

12. (എ) വ്യക്തമാ​യി എഴുതാൻ പഠിച്ചി​രി​ക്കേ​ണ്ടതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) എക്കാല​ത്തെ​യും ഏറ്റവും വലിയ എഴുത്ത്‌ ഏതായി​രു​ന്നു?

¹² വ്യക്തമാ​യി എഴുതാൻ പഠിക്കു​ന്ന​തി​നു സമനി​ല​യുള്ള വിദ്യാ​ഭ്യാ​സം നമ്മെ സഹായി​ക്കണം എന്നതാണു രണ്ടാമത്തെ ഉദ്ദേശ്യം. നമ്മുടെ വാക്കു​ക​ളും ആശയങ്ങ​ളും മറ്റുള്ള​വ​രി​ലേക്കു പകരുക മാത്രമല്ല എഴുത്തു നിർവ​ഹി​ക്കു​ന്നത്‌, അത്‌ അവയെ കാത്തു​സൂ​ക്ഷി​ക്കു​ക​യും ചെയ്യുന്നു. അനേക​മ​നേകം നൂറ്റാ​ണ്ടു​കൾക്കു മുമ്പ്‌, നിശ്വസ്‌ത തിരു​വെ​ഴു​ത്തു​ക​ളാ​യി​ത്തീർന്ന വാക്കുകൾ ഏതാണ്ടു 40 യഹൂദ​പു​രു​ഷ​ന്മാർ പപ്പൈ​റ​സു​ക​ളി​ന്മേ​ലോ ആട്ടിൻചർമ​ത്തി​ലോ എഴുതി​വെച്ചു. (2 തിമൊ​ഥെ​യൊസ്‌ 3:16) തീർച്ച​യാ​യും എക്കാല​ത്തും നിർവ​ഹി​ച്ചി​ട്ടു​ള്ള​തിൽ വച്ച്‌ ഏറ്റവും മഹത്തായ എഴുത്താ​യി​രു​ന്നു ഇത്‌! ഇവ വിശ്വ​സ​നീ​യ​മായ രൂപത്തിൽ നമുക്കു ലഭിക്ക​ത്ത​ക്ക​വണ്ണം ഈ വിശുദ്ധ വചനങ്ങ​ളു​ടെ പകർപ്പെ​ഴു​ത്തി​നെ​യും പുനഃ​പ്പ​കർപ്പെ​ഴു​ത്തി​നെ​യും നൂറ്റാ​ണ്ടു​ക​ളി​ലൂ​ടെ യഹോവ നയിച്ചു​വെ​ന്ന​തി​നു സംശയ​മില്ല. വാമൊ​ഴി​യാ​യി കൈമാ​റു​ന്ന​തി​നെ ആശ്രയി​ക്കാ​തെ, തന്റെ വചനങ്ങൾ യഹോവ എഴുതി​ച്ച​തിൽ നാം നന്ദിയു​ള്ള​വ​രല്ലേ?—പുറപ്പാ​ടു 34:27, 28 താരത​മ്യം ചെയ്യുക.

13. ഇസ്രാ​യേ​ല്യർക്ക്‌ എഴുതാ​ന​റി​യാ​മാ​യി​രു​ന്നു​വെന്ന്‌ എന്തു സൂചി​പ്പി​ക്കു​ന്നു?

¹³ പുരാതന കാലങ്ങ​ളിൽ, മെസോ​പ്പൊ​ട്ടാ​മി​യ​യി​ലെ​യും ഈജി​പ്‌തി​ലെ​യും ശാസ്‌ത്രി​മാ​രെ​പ്പോ​ലെ​യുള്ള ചില പ്രത്യേക വർഗത്തിൽപ്പെ​ട്ട​വരേ സാക്ഷര​രാ​യി​രു​ന്നു​ള്ളൂ. ജനതക​ളു​ടേ​തിൽനി​ന്നു കടകവി​രു​ദ്ധ​മാ​യി ഇസ്രാ​യേ​ലിൽ സകലരും സാക്ഷര​രാ​യി​രി​ക്കാൻ പ്രോ​ത്സാ​ഹി​പ്പി​ക്ക​പ്പെ​ട്ടി​രു​ന്നു. പ്രത്യ​ക്ഷ​ത്തിൽ ആലങ്കാ​രി​ക​മാ​യി​രു​ന്നെ​ങ്കി​ലും, തങ്ങളുടെ വീടിന്റെ കട്ടിള​ക​ളി​ന്മേൽ എഴുതി​വെ​ക്ക​ണ​മെന്ന ഇസ്രാ​യേ​ല്യർക്കാ​യുള്ള ആവർത്ത​ന​പു​സ്‌തകം 6:8, 9-ലെ കൽപ്പന അവർക്ക്‌ എഴുതാൻ അറിയാ​മാ​യി​രു​ന്നു​വെന്നു സൂചി​പ്പി​ക്കു​ന്നു. നന്നേ ചെറു​പ്പ​ത്തിൽത്തന്നെ, കുട്ടി​കളെ എഴുതാൻ പഠിപ്പി​ച്ചി​രു​ന്നു. പുരാതന എബ്രായ എഴുത്തി​ന്റെ ഏറ്റവും പഴയ മാതൃ​ക​ക​ളിൽ ഒന്നായ ഗെസ്സർ കലണ്ടർ ഒരു സ്‌കൂൾകു​ട്ടി​യു​ടെ മനപ്പാഠ അഭ്യാ​സ​മാ​യി​രു​ന്നു എന്നാണു ചില പണ്ഡിത​ന്മാർ കരുതു​ന്നത്‌.

14, 15. എഴുതാ​നുള്ള പ്രാപ്‌തി ഉപയോ​ഗി​ക്കാൻ കഴിയുന്ന ക്രിയാ​ത്മ​ക​വും ആരോ​ഗ്യാ​വ​ഹ​വു​മായ ചില മാർഗങ്ങൾ ഏവയാണ്‌?

¹⁴ എന്നാൽ എഴുതാ​നുള്ള നമ്മുടെ പ്രാപ്‌തി​യെ പ്രയോ​ജ​ന​പ്ര​ദ​വും ആരോ​ഗ്യാ​വ​ഹ​വു​മായ വിധത്തിൽ നമുക്ക്‌ എങ്ങനെ ഉപയോ​ഗി​ക്കാൻ സാധി​ക്കും? തീർച്ച​യാ​യും, യോഗ​ങ്ങ​ളി​ലും സമ്മേള​ന​ങ്ങ​ളി​ലും കൺ​വെൻ​ഷ​നു​ക​ളി​ലും കുറി​പ്പു​ക​ളെ​ടു​ത്തു​കൊണ്ട്‌. “ഏതാനും വാക്കു​ക​ളിൽ” എഴുതി​യ​താ​ണെ​ങ്കിൽപ്പോ​ലും, ഒരെഴു​ത്തി​നു രോഗി​യാ​യി​രി​ക്കുന്ന ഒരുവനു പ്രോ​ത്സാ​ഹനം പ്രദാനം ചെയ്യാ​നാ​വും, അല്ലെങ്കിൽ നമ്മോടു ദയയോ അതിഥി​പ്രി​യ​മോ പ്രകട​മാ​ക്കിയ ഒരു സഹോ​ദ​ര​നോ​ടോ സഹോ​ദ​രി​യോ​ടോ നന്ദി പ്രകടി​പ്പി​ക്കാ​നാ​വും. (1 പത്രൊസ്‌ 5:12, NW) സഭയിൽ ആരു​ടെ​യെ​ങ്കി​ലും പ്രിയ​പ്പെ​ട്ടവർ മരിച്ചു​പോ​യെ​ങ്കിൽ, ഒരു ഹ്രസ്വ​മായ എഴുത്തി​നോ കാർഡി​നോ നമുക്കു​വേണ്ടി “സാന്ത്വ​ന​മേ​കും​വി​ധം സംസാരി”ക്കാൻ കഴിയും. (1 തെസ്സ. 5:14, NW) അർബുദം പിടി​പെട്ട്‌ അമ്മ മരിച്ചു​പോയ ഒരു സഹോ​ദരി ഇങ്ങനെ വിശദീ​ക​രി​ച്ചു: “ഒരു സുഹൃത്ത്‌ എനിക്ക്‌ ഹൃദ്യ​മായ ഒരെഴുത്ത്‌ എഴുതി. അത്‌ പലയാ​വർത്തി വായി​ക്കാൻ കഴിഞ്ഞ​തു​കൊണ്ട്‌ എനിക്ക്‌ അത്‌ വാസ്‌ത​വ​ത്തിൽ ഒരു സഹായ​മാ​യി.”

¹⁵ യഹോ​വ​യ്‌ക്കു സ്‌തുതി കരേറ്റു​ന്ന​തിന്‌ എഴുതാ​നുള്ള പ്രാപ്‌തി ഉപയോ​ഗി​ക്കു​ന്ന​തി​ന്റെ ഒരു ശ്രേഷ്‌ഠ​മായ വിധം രാജ്യ​സാ​ക്ഷ്യം കൊടു​ക്കാ​നുള്ള ഒരു എഴുത്ത്‌ എഴുതു​ക​യാണ്‌. വളരെ ഒറ്റപ്പെട്ട പ്രദേ​ശത്തു താമസി​ക്കുന്ന പുതു​താ​ത്‌പ​ര്യ​ക്കാ​രു​മാ​യി സമ്പർക്കം നിലനിർത്തേ​ണ്ടതു ചില​പ്പോൾ അത്യാ​വ​ശ്യ​മാ​യി​രി​ക്കാം. അസുഖം നിമിത്തം വീടു​തോ​റു​മുള്ള വേലയിൽ പങ്കെടു​ക്കു​ന്നതു നിങ്ങൾക്കു താത്‌കാ​ലി​ക​മാ​യെ​ങ്കി​ലും ബുദ്ധി​മു​ട്ടാ​യി​രി​ക്കാം. അപ്പോൾ നേരിട്ടു കാണു​മ്പോൾ സാധാ​ര​ണ​മാ​യി നിങ്ങൾക്കു പറയാ​നു​ള്ളത്‌ ഒരുപക്ഷേ ഒരു എഴുത്തി​നു പറയാ​നാ​വും.

16, 17. (എ) രാജ്യ​സാ​ക്ഷ്യം നൽകാൻ കത്തെഴു​തു​ന്ന​തി​ന്റെ മൂല്യം ഏത്‌ അനുഭവം കാട്ടി​ത്ത​രു​ന്നു? (ബി) നിങ്ങൾക്കു സമാന​മായ ഒരനു​ഭവം വിവരി​ക്കാൻ കഴിയു​മോ?

¹⁶ ഒരനു​ഭവം പരിചി​ന്തി​ക്കുക. അനേകം വർഷങ്ങൾക്കു​മുമ്പ്‌, പ്രാ​ദേ​ശിക പത്രത്തിൽ ഒരു മരണവാർത്ത കണ്ടപ്പോൾ ഒരു സഹോ​ദരി മരിച്ച​യാ​ളു​ടെ വിധവക്കു രാജ്യ​സാ​ക്ഷ്യം കൊടു​ത്തു​കൊണ്ട്‌ ഒരു എഴുത്ത്‌ എഴുതി. അതിനു മറുപ​ടി​യൊ​ന്നും ലഭിച്ചില്ല. പിന്നെ, 21-ൽപ്പരം വർഷം കഴിഞ്ഞ്‌, 1994 നവംബ​റിൽ, വർഷങ്ങൾക്കു മുമ്പു സഹോ​ദരി എഴുത്തയച്ച സ്‌ത്രീ​യു​ടെ മകളിൽനിന്ന്‌ ആ സാക്ഷിക്ക്‌ ഒരെഴു​ത്തു കിട്ടി. മകൾ ഇങ്ങനെ എഴുതി:

¹⁷ “എന്റെ പിതാവു മരിച്ച​തി​നു​ശേഷം എന്റെ അമ്മയെ ആശ്വസി​പ്പി​ച്ചു​കൊണ്ട്‌ 1973 ഏപ്രിൽ മാസം നിങ്ങൾ അവർക്ക്‌ എഴുതി. അന്ന്‌ എനിക്ക്‌ 9 വയസ്സാ​യി​രു​ന്നു. എന്റെ അമ്മ ബൈബിൾ പഠിച്ചു​വെ​ങ്കി​ലും ഇതുവരെ അവർ യഹോ​വ​യു​ടെ ഒരു ദാസി​യാ​യി​ത്തീർന്നി​ട്ടില്ല. എന്നിരു​ന്നാ​ലും, അമ്മയുടെ പഠനം അവസാനം ഞാൻ സത്യവു​മാ​യി ബന്ധപ്പെ​ടു​ന്ന​തി​ലേക്കു നയിച്ചു. 1988-ൽ, അതായത്‌ നിങ്ങളു​ടെ എഴുത്തു​കി​ട്ടി 15 വർഷത്തി​നു​ശേഷം, ഞാൻ ബൈബിൾ പഠനം തുടങ്ങി. 1990 മാർച്ച്‌ 9-നു ഞാൻ സ്‌നാ​പ​ന​മേറ്റു. അനേക വർഷങ്ങൾക്കു​മു​മ്പു നിങ്ങളയച്ച എഴുത്തിന്‌ എനിക്ക്‌ അങ്ങേയറ്റം നന്ദിയുണ്ട്‌, കൂടാതെ നിങ്ങൾ നട്ട ആ വിത്തു യഹോ​വ​യു​ടെ സഹായ​ത്താൽ വളർന്നു​വെന്നു നിങ്ങളെ അറിയി​ക്കാ​നും എനിക്ക്‌ അതീവ സന്തോ​ഷ​മുണ്ട്‌. സൂക്ഷി​ച്ചു​വെ​ക്കാൻവേണ്ടി നിങ്ങളു​ടെ എഴുത്ത്‌ അമ്മ എന്നെ ഏൽപ്പിച്ചു, എനിക്കു നിങ്ങൾ ആരാ​ണെന്ന്‌ അറിഞ്ഞാൽ കൊള്ളാ​മെ​ന്നുണ്ട്‌. ഈ എഴുത്തു നിങ്ങൾക്കു കിട്ടു​മെ​ന്നാണ്‌ എന്റെ പ്രതീക്ഷ.” തന്റെ അഡ്രസ്സും ഫോൺന​മ്പ​രും കുറി​ച്ചി​രുന്ന മകളുടെ എഴുത്ത്‌ അനേക വർഷങ്ങൾക്കു​മുമ്പ്‌ അവളുടെ അമ്മയ്‌ക്ക്‌ എഴുത്ത്‌ അയച്ച ആ സഹോ​ദ​രി​ക്കു തീർച്ച​യാ​യും കിട്ടി. സഹോ​ദരി ആ യുവതി​യെ ഫോണിൽ വിളി​ച്ച​പ്പോൾ അവളുടെ ആശ്ചര്യ​മൊ​ന്നു വിഭാവന ചെയ്യുക. രാജ്യ​പ്ര​ത്യാ​ശ മറ്റുള്ള​വ​രു​മാ​യി പങ്കു​വെ​ക്കാൻ ആ സഹോ​ദരി ഇപ്പോ​ഴും എഴുത്തു​കൾ എഴുതാ​റുണ്ട്‌!

മാനസി​ക​മാ​യും ധാർമി​ക​മാ​യും ആത്മീയ​മാ​യും വികാസം പ്രാപി​ക്കൽ

18. ബൈബിൾ കാലങ്ങ​ളിൽ, മാതാ​പി​താ​ക്കൾ തങ്ങളുടെ കുട്ടി​ക​ളു​ടെ മാനസി​ക​വും ധാർമി​ക​വു​മായ വിദ്യാ​ഭ്യാ​സ​ത്തി​നു വേണ്ടി എങ്ങനെ​യാ​ണു കരുതി​യത്‌?

¹⁸ മൂന്നാ​മത്തെ ലക്ഷ്യം സന്തുലിത വിദ്യാ​ഭ്യാ​സം മാനസി​ക​മാ​യും ധാർമി​ക​മാ​യും വികാസം പ്രാപി​ക്കാൻ നമ്മെ സഹായി​ക്കണം എന്നതാണ്‌. ബൈബിൾ കാലങ്ങ​ളിൽ, കുട്ടി​കൾക്കു മാനസി​ക​വും ധാർമി​ക​വു​മായ വിദ്യാ​ഭ്യാ​സം നൽകു​ന്നതു മാതാ​പി​താ​ക്ക​ളു​ടെ പ്രാഥ​മിക കടമക​ളി​ലൊ​ന്നാ​യി കരുതി​യി​രു​ന്നു. കുട്ടി​കളെ എഴുതാ​നും വായി​ക്കാ​നും മാത്രമല്ല പഠിപ്പി​ച്ചി​രു​ന്നത്‌, കൂടുതൽ പ്രധാ​ന​മാ​യി ദൈവ​ത്തി​ന്റെ ന്യായ​പ്ര​മാ​ണ​ത്തി​ലും അവർക്കു വിദ്യാ​ഭ്യാ​സം കൊടു​ത്തി​രു​ന്നു, അവരുടെ ജീവി​ത​ത്തി​ലെ മുഴു​പ്ര​വർത്ത​ന​ങ്ങ​ളും അതിലുൾക്കൊ​ണ്ടി​രു​ന്നു. അങ്ങനെ, തങ്ങളുടെ മതപര​മായ കടമകൾ, വിവാ​ഹ​ത്തെ​യും കുടും​ബ​ബ​ന്ധ​ങ്ങ​ളെ​യും ലൈം​ഗിക ധാർമി​ക​ത​യെ​യും ഭരിക്കുന്ന തത്ത്വങ്ങൾ, സഹമനു​ഷ്യ​രോ​ടുള്ള കടമകൾ എന്നിവ​യെ​ക്കു​റി​ച്ചുള്ള പ്രബോ​ധനം ഉൾപ്പെ​ടു​ന്ന​താ​യി​രു​ന്നു ആ വിദ്യാ​ഭ്യാ​സം. അത്തരം വിദ്യാ​ഭ്യാ​സം കേവലം മാനസി​ക​മാ​യും ധാർമി​ക​മാ​യും മാത്രമല്ല, ആത്മീയ​മാ​യും വികാസം പ്രാപി​ക്കാൻ അവരെ സഹായി​ച്ചു.—ആവർത്ത​ന​പു​സ്‌തകം 6:4-9, 20, 21; 11:18-21.

19. ജീവി​ത​ത്തിൽ ബാധക​മാ​ക്കാൻ പറ്റിയ​തും ആത്മീയ​മാ​യി വളരാൻ നമ്മെ സഹായി​ക്കു​ന്ന​തു​മായ ഏറ്റവും നല്ല ധാർമിക മൂല്യങ്ങൾ നമ്മെ കാട്ടി​ത്ത​രുന്ന വിദ്യാ​ഭ്യാ​സം നമുക്ക്‌ എവിടെ കണ്ടെത്താൻ കഴിയും?

¹⁹ ഇന്നോ? ലൗകി​ക​മായ നല്ല വിദ്യാ​ഭ്യാ​സം പ്രധാനപ്പെട്ട​താണ്‌. അതു മാനസി​ക​മാ​യി വികാസം പ്രാപി​ക്കാൻ നമ്മെ സഹായി​ക്കു​ന്നു, എന്നാൽ ജീവി​ത​ത്തിൽ ബാധക​മാ​ക്കാ​വുന്ന ഏറ്റവും നല്ല ധാർമിക മൂല്യങ്ങൾ നമ്മെ കാട്ടി​ത്ത​രുന്ന, ആത്മീയ​മാ​യി വികാസം പ്രാപി​ക്കാൻ നമ്മെ സഹായി​ക്കുന്ന വിദ്യാ​ഭ്യാ​സം നമുക്ക്‌ എവിടെ കണ്ടെത്താ​നാ​വും? ക്രിസ്‌തീയ സഭയ്‌ക്കു​ള്ളിൽ, ഭൂമി​യിൽ വേറൊ​രി​ട​ത്തും ലഭ്യമ​ല്ലാത്ത ദിവ്യാ​ധി​പത്യ വിദ്യാ​ഭ്യാ​സ പരിപാ​ടി നമുക്കു പ്രാപ്യ​മാണ്‌. ബൈബി​ളി​ന്റെ​യും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളു​ടെ​യും വ്യക്തി​പ​ര​മായ പഠനത്തി​ലൂ​ടെ​യും സഭാ​യോ​ഗങ്ങൾ, സമ്മേള​നങ്ങൾ, കൺ​വെൻ​ഷ​നു​കൾ എന്നിവ​യിൽനി​ന്നു ലഭിക്കുന്ന പ്രബോ​ധ​ന​ത്തി​ലൂ​ടെ​യും യാതൊ​രു ഫീസും കൂടാതെ തുടർച്ച​യാ​യി ലഭിക്കുന്ന ഈ അമൂല്യ വിദ്യാ​ഭ്യാ​സം—ദിവ്യ വിദ്യാ​ഭ്യാ​സം—നമുക്കു ലഭ്യമാണ്‌! അതു നമ്മെ എന്തു പഠിപ്പി​ക്കു​ന്നു?

20. ദിവ്യ വിദ്യാ​ഭ്യാ​സം നമ്മെ എന്തു പഠിപ്പി​ക്കു​ന്നു, അതിന്റെ ഫലമായി എന്തുണ്ടാ​കു​ന്നു?

²⁰ ബൈബിൾ പഠിക്കാൻ ആരംഭി​ക്കു​മ്പോൾ, നാം അടിസ്ഥാന തിരു​വെ​ഴു​ത്തു പഠിപ്പി​ക്ക​ലു​കൾ, ‘പ്രാഥ​മിക ഉപദേ​ശങ്ങൾ’ മനസ്സി​ലാ​ക്കു​ന്നു. (എബ്രായർ 6:1, NW) തുടർന്നു പഠിക്കു​മ്പോൾ, നാം “കട്ടിയാ​യുള്ള ആഹാരം”—അതായത്‌ കൂടുതൽ ആഴമായ സത്യങ്ങൾ ഉൾക്കൊ​ള്ളു​ന്നു. (എബ്രായർ 5:14) എന്നാൽ അതിലു​പരി, നാം എങ്ങനെ ജീവി​ക്കാ​നാ​ണു ദൈവം ആഗ്രഹി​ക്കു​ന്ന​തെന്നു നമ്മെ പഠിപ്പി​ക്കുന്ന ദൈവിക തത്ത്വങ്ങൾ നാം മനസ്സി​ലാ​ക്കു​ന്നു. ഉദാഹ​ര​ണ​ത്തിന്‌, ‘ശരീരത്തെ മലിന​മാ​ക്കുന്ന’ ശീലങ്ങ​ളും നടപടി​ക​ളും ഒഴിവാ​ക്കാ​നും അധികാ​ര​ത്തോ​ടും മറ്റുള്ള​വ​രു​ടെ ശരീര​ത്തോ​ടും സ്വത്തി​നോ​ടും ആദരവ്‌ ഉണ്ടായി​രി​ക്കാ​നും നാം പഠിക്കു​ന്നു. (2 കൊരി​ന്ത്യർ 7:1, NW; തീത്തൊസ്‌ 3:1, 2; എബ്രായർ 13:4) മാത്രമല്ല, നമ്മുടെ വേലയിൽ സത്യസ​ന്ധ​രും കഠിനാ​ധ്വാ​നി​ക​ളും ആയിരി​ക്കേ​ണ്ട​തി​ന്റെ പ്രാധാ​ന്യ​വും ലൈം​ഗിക ധാർമി​കത സംബന്ധിച്ച ബൈബിൾ കൽപ്പന​കൾക്കു ചേർച്ച​യിൽ ജീവി​ക്കു​ന്ന​തി​ന്റെ മൂല്യ​വും നാം വിലമ​തി​ക്കാ​നി​ട​യാ​കു​ന്നു. (1 കൊരി​ന്ത്യർ 6:9, 10; എഫെസ്യർ 4:28) നമ്മുടെ ജീവി​ത​ത്തിൽ ഈ തത്ത്വങ്ങൾ ബാധക​മാ​ക്കു​ന്ന​തിൽ നാം പുരോ​ഗ​മി​ക്കു​മ്പോൾ, നാം ആത്മീയ​മാ​യി വളരു​ക​യും ദൈവ​വു​മാ​യുള്ള നമ്മുടെ ബന്ധം ആഴമു​ള്ള​താ​യി​ത്തീ​രു​ക​യും ചെയ്യുന്നു. മാത്രമല്ല, നാം എവിടെ ജീവി​ച്ചാ​ലും നമ്മുടെ ദൈവിക നടത്ത നമ്മെ നല്ല പൗരന്മാ​രാ​യി മാറ്റുന്നു. അത്‌ ദിവ്യ വിദ്യാ​ഭ്യാ​സ​ത്തി​ന്റെ ഉറവായ യഹോ​വ​യാം ദൈവ​ത്തി​നു മഹത്ത്വം കരേറ്റാൻ മറ്റുള്ള​വരെ പ്രേരി​പ്പി​ക്കു​ക​യും ചെയ്‌തേ​ക്കാം.—1 പത്രൊസ്‌ 2:12.

അനുദിന ജീവി​ത​വൃ​ത്തി​ക്കാ​യുള്ള പ്രാ​യോ​ഗിക പരിശീ​ല​നം

21. ബൈബിൾ കാലങ്ങ​ളിൽ കുട്ടി​കൾക്ക്‌ എന്തു പ്രാ​യോ​ഗിക പരിശീ​ല​ന​മാ​ണു ലഭിച്ചത്‌?

²¹ സമനി​ല​യുള്ള വിദ്യാ​ഭ്യാ​സ​ത്തി​ന്റെ നാലാ​മത്തെ ലക്ഷ്യം ഒരു വ്യക്തിക്ക്‌ അനുദിന ജീവി​ത​വൃ​ത്തിക്ക്‌ ആവശ്യ​മായ പ്രാ​യോ​ഗിക പരിശീ​ലനം പ്രദാനം ചെയ്യുക ആണ്‌. ബൈബിൾ കാലങ്ങ​ളിൽ മാതാ​പി​താ​ക്കൾ കൊടു​ത്തി​രുന്ന വിദ്യാ​ഭ്യാ​സ​ത്തിൽ പ്രാ​യോ​ഗിക പരിശീ​ലനം ഉൾപ്പെ​ട്ടി​രു​ന്നു. പെൺകു​ട്ടി​കളെ വീട്ടു​ജോ​ലി​ക​ളിൽ വൈദ​ഗ്‌ധ്യം നേടാൻ പരിശീ​ലി​പ്പി​ച്ചി​രു​ന്നു. ഇതിൽ പല വ്യത്യസ്‌ത സംഗതി​കൾ ഉൾപ്പെ​ട്ടി​രി​ക്കാ​മെന്നു സദൃശ​വാ​ക്യ​ങ്ങ​ളു​ടെ അവസാന അധ്യായം പ്രകട​മാ​ക്കു​ന്നു; നൂൽനൂൽക്കൽ, നെയ്‌ത്ത്‌, പാചകം, വീട്ടു​കാ​ര്യ​ങ്ങ​ളു​ടെ പൊതു​വായ നടത്തി​പ്പി​ലും കച്ചവട​ത്തി​ലും സ്ഥാവര​വ​സ്‌തു ഇടപാ​ടു​ക​ളി​ലും ശ്രദ്ധിക്കൽ എന്നിവ​യി​ലെ​ല്ലാം പെൺകു​ട്ടി​കൾ സജ്ജരാ​യി​ത്തീർന്നു. കൃഷി​യോ മറ്റെ​ന്തെ​ങ്കി​ലും കൈ​ത്തൊ​ഴി​ലോ​പോ​ലുള്ള പിതാ​വി​ന്റെ ലൗകിക തൊഴിൽത​ന്നെ​യാ​യി​രു​ന്നു സാധാ​ര​ണ​മാ​യി ആൺകു​ട്ടി​കളെ പഠിപ്പി​ച്ചി​രു​ന്നത്‌. തന്റെ വളർത്തു​പി​താ​വായ യോ​സേ​ഫിൽനിന്ന്‌ യേശു ആശാരി​പ്പണി പഠിച്ചു; അങ്ങനെ അവൻ “തച്ചന്റെ മകൻ” എന്നു മാത്രമല്ല, ‘തച്ചൻ’ എന്നും വിളി​ക്ക​പ്പെ​ട്ടി​രു​ന്നു.—മത്തായി 13:55; മർക്കൊസ്‌ 6:3.

22, 23. (എ) വിദ്യാ​ഭ്യാ​സം കുട്ടി​കളെ എന്തിനാ​യി ഒരുക്കണം? (ബി) കൂടു​ത​ലായ വിദ്യാ​ഭ്യാ​സം അനിവാ​ര്യ​മാ​ണെന്നു തോന്നി​യേ​ക്കാ​വുന്ന സമയത്ത്‌, അതു തിര​ഞ്ഞെ​ടു​ക്കു​ന്ന​തി​ലുള്ള നമ്മുടെ പ്രചോ​ദനം എന്തായി​രി​ക്കണം?

²² ഇന്നും, ഒരുനാൾ ഒരു കുടും​ബ​ത്തി​ന്റെ ആവശ്യ​ങ്ങൾക്കാ​യി കരുതു​ന്ന​തി​നുള്ള ഒരുക്കം നല്ല സമനി​ല​യുള്ള വിദ്യാ​ഭ്യാ​സ​ത്തിൽ ഉൾപ്പെ​ട്ടി​രി​ക്കു​ന്നു. ഒരുവന്റെ കുടും​ബ​ത്തി​നു വേണ്ടി കരുതു​ന്നത്‌ ഒരു വിശുദ്ധ കടപ്പാ​ടാ​ണെന്ന്‌ 1 തിമൊ​ഥെ​യൊസ്‌ 5:8-ലെ പൗലോ​സി​ന്റെ വാക്കുകൾ സൂചി​പ്പി​ക്കു​ന്നു. അവൻ ഇങ്ങനെ എഴുതി: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” അപ്പോൾ, വിദ്യാ​ഭ്യാ​സം ജീവി​ത​ത്തിൽ കുട്ടികൾ ഏറ്റെടു​ക്കാൻ പോകുന്ന ഉത്തരവാ​ദി​ത്വ​ങ്ങൾക്കാ​യി അവരെ സജ്ജരാ​ക്കു​ക​യും സമൂഹ​ത്തി​ലെ കഠിനാ​ധ്വാ​നി​ക​ളായ അംഗങ്ങ​ളാ​യി​രി​ക്കാൻ അവരെ ഒരുക്കു​ക​യും ചെയ്യണം.

²³ നാം എത്രമാ​ത്രം ലൗകിക വിദ്യാ​ഭ്യാ​സം തേടണം? ഇത്‌ ഓരോ രാജ്യ​ത്തും വ്യത്യ​സ്‌ത​മാ​യി​രു​ന്നേ​ക്കാം. നിയമം ആവശ്യ​പ്പെ​ടുന്ന ചുരു​ങ്ങിയ വിദ്യാ​ഭ്യാ​സ​ത്തി​ലും കൂടുതൽ പരിശീ​ലനം തൊഴിൽ കമ്പോളം ആവശ്യ​പ്പെ​ടു​ന്നു​വെ​ങ്കിൽ, അനുബന്ധ വിദ്യാ​ഭ്യാ​സ​മോ പരിശീ​ല​ന​മോ സംബന്ധി​ച്ചു തീരു​മാ​നം ചെയ്യു​ന്ന​തിൽ, അത്തരം കൂടു​ത​ലായ പഠനങ്ങ​ളു​ടെ സാധ്യ​ത​യുള്ള നേട്ടങ്ങ​ളും കോട്ട​ങ്ങ​ളും കണക്കി​ലെ​ടു​ത്തു​കൊണ്ട്‌ തങ്ങളുടെ കുട്ടി​കൾക്കു വഴികാ​ട്ടാ​നുള്ള ഉത്തരവാ​ദി​ത്വം മാതാ​പി​താ​ക്കൾക്കാണ്‌. എന്നാൽ കൂടു​ത​ലായ വിദ്യാ​ഭ്യാ​സം ആവശ്യ​മെന്നു കണ്ടേക്കാ​വുന്ന സമയത്ത്‌, അതു തിര​ഞ്ഞെ​ടു​ക്കു​ന്ന​തിൽ ഒരുവന്റെ പ്രേര​ക​ഘ​ടകം എന്തായി​രി​ക്കണം? തീർച്ച​യാ​യും സമ്പത്തോ സ്വന്തം മഹിമ​യോ പുകഴ്‌ച​യോ ആയിരി​ക്ക​രുത്‌. (സദൃശ​വാ​ക്യ​ങ്ങൾ 15:25; 1 തിമൊ​ഥെ​യൊസ്‌ 6:17) യേശു​വി​ന്റെ ദൃഷ്ടാ​ന്ത​ത്തിൽനി​ന്നു നാം പഠിച്ച പാഠം ഓർമി​ക്കുക—വിദ്യാ​ഭ്യാ​സത്തെ ഉപയോ​ഗി​ക്കേ​ണ്ടത്‌ യഹോ​വ​യ്‌ക്കു മഹത്ത്വം കരേറ്റാ​നാ​യി​രി​ക്കണം. നാം കൂടു​ത​ലായ വിദ്യാ​ഭ്യാ​സം തിര​ഞ്ഞെ​ടു​ക്കു​ന്നു​വെ​ങ്കിൽ, സാധ്യ​മാ​യി​രി​ക്കു​ന്നി​ട​ത്തോ​ളം പൂർണ​മാ​യി ക്രിസ്‌തീയ ശുശ്രൂ​ഷ​യിൽ നമുക്കു യഹോ​വയെ സേവി​ക്കാൻ കഴിയു​മാറ്‌ നമ്മെത്തന്നെ സാമ്പത്തി​ക​മാ​യി പുലർത്താ​നുള്ള ആഗ്രഹ​മാ​യി​രി​ക്കണം നമ്മുടെ പ്രേര​ക​ഘ​ടകം.—കൊ​ലൊ​സ്സ്യർ 3:23, 24.

24. യേശു​വിൽനി​ന്നു പഠിച്ച ഏതു പാഠമാ​ണു നാം ഒരിക്ക​ലും മറക്കരു​താ​ത്തത്‌?

²⁴ അതു​കൊണ്ട്‌, നമുക്കു സമനി​ല​യുള്ള ഒരു ലൗകിക വിദ്യാ​ഭ്യാ​സം നേടാ​നുള്ള ശ്രമത്തിൽ ഉത്സാഹ​മു​ള്ള​വ​രാ​യി​രി​ക്കാം. യഹോ​വ​യു​ടെ സ്ഥാപന​ത്തി​നു​ള്ളിൽ നൽക​പ്പെ​ടുന്ന ദിവ്യ വിദ്യാ​ഭ്യാ​സ​ത്തി​ന്റെ തുടർച്ച​യായ പരിപാ​ടി നമുക്കു പൂർണ​മാ​യി പ്രയോ​ജ​ന​പ്പെ​ടു​ത്താം. ഈ ഭൂമി​യിൽ ജീവി​ച്ചി​രു​ന്നി​ട്ടു​ള്ള​തിൽ ഏറ്റവും വിദ്യാ​സ​മ്പ​ന്ന​നായ യേശു​ക്രി​സ്‌തു​വിൽനി​ന്നു പഠിച്ച വില​യേ​റിയ പാഠം നമുക്ക്‌ ഒരിക്ക​ലും മറക്കാ​തി​രി​ക്കാം—തന്നെത്താൻ മഹത്ത്വ​പ്പെ​ടു​ത്താ​നാ​യി​രി​ക്ക​രു​തു വിദ്യാ​ഭ്യാ​സത്തെ ഉപയോ​ഗി​ക്കേ​ണ്ടത്‌, പിന്നെ​യോ സകലരി​ലും​വെച്ച്‌ ഏറ്റവും വലിയ വിദ്യാ​ദാ​താ​വായ യഹോ​വ​യാം ദൈവ​ത്തി​നു മഹത്ത്വം കരേറ്റാ​നാ​യി​രി​ക്കണം!

എന്താണു നിങ്ങളു​ടെ ഉത്തരം?

◻ യേശു തന്റെ വിദ്യാ​ഭ്യാ​സത്തെ എങ്ങനെ ഉപയോ​ഗി​ച്ചു?

◻ നന്നായി വായി​ക്കാൻ പഠിക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ എഴുതാ​നുള്ള പ്രാപ്‌തി യഹോ​വയെ സ്‌തു​തി​ക്കാ​നാ​യി നമുക്ക്‌ ഉപയോ​ഗി​ക്കാൻ കഴിയു​ന്നത്‌ എങ്ങനെ?

◻ ധാർമി​ക​മാ​യും ആത്മീയ​മാ​യും വളരാൻ ദിവ്യ വിദ്യാ​ഭ്യാ​സം നമ്മെ എങ്ങനെ സഹായി​ക്കു​ന്നു?

◻ സമനി​ല​യുള്ള ഒരു വിദ്യാ​ഭ്യാ​സ​ത്തിൽ എന്തു പ്രാ​യോ​ഗിക പരിശീ​ലനം ഉൾപ്പെ​ട്ടി​രി​ക്കണം?

[13-ാം പേജിലെ ചതുരം]

വിദ്യാഭ്യാസപ്രവർത്തകർക്കുള്ള പ്രാ​യോ​ഗിക സഹായം

1995/96-ലെ “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ വാച്ച്‌ ടവർ സൊ​സൈറ്റി, യഹോ​വ​യു​ടെ സാക്ഷി​ക​ളും വിദ്യാ​ഭ്യാ​സ​വും (ഇംഗ്ലീഷ്‌) എന്ന ശീർഷ​ക​ത്തി​ലുള്ള ഒരു പുതിയ ലഘുപ​ത്രിക പ്രകാ​ശനം ചെയ്‌തു. 32 പേജുള്ള ഈ മുഴു​വർണ ലഘുപ​ത്രിക പ്രസി​ദ്ധീ​ക​രി​ച്ചി​രി​ക്കു​ന്നതു മുഖ്യ​മാ​യും വിദ്യാ​ഭ്യാ​സ​പ്ര​വർത്ത​കർക്കു വേണ്ടി​യാണ്‌. ഇതുവരെ അത്‌ 58 ഭാഷക​ളി​ലേക്കു പരിഭാ​ഷ​പ്പെ​ടു​ത്തി​ക്ക​ഴി​ഞ്ഞു.

എന്തിനാ​ണു വിദ്യാ​ഭ്യാ​സ​പ്ര​വർത്ത​കർക്ക്‌ ഒരു ലഘുപ​ത്രിക? യഹോ​വ​യു​ടെ സാക്ഷി​ക​ളു​ടെ കുട്ടി​ക​ളായ വിദ്യാർഥി​ക​ളു​ടെ വിശ്വാ​സ​ങ്ങ​ളെ​ക്കു​റി​ച്ചു കൂടുതൽ മെച്ചമാ​യി മനസ്സി​ലാ​ക്കാൻ അവരെ സഹായി​ക്കു​ന്ന​തി​നാ​ണത്‌. ആ ലഘുപ​ത്രി​ക​യിൽ എന്താണ്‌ അടങ്ങി​യി​രി​ക്കു​ന്നത്‌? അനുബന്ധ വിദ്യാ​ഭ്യാ​സം, ജന്മദി​നങ്ങൾ, ക്രിസ്‌മസ്‌, പതാകാ​വ​ന്ദനം തുടങ്ങിയ തർക്കവി​ഷ​യ​ങ്ങ​ളെ​ക്കു​റി​ച്ചുള്ള നമ്മുടെ വീക്ഷണം വ്യക്തവും ക്രിയാ​ത്മ​ക​വു​മായ ഒരു വിധത്തിൽ അതു വിശദീ​ക​രി​ക്കു​ന്നു. നമ്മുടെ കുട്ടികൾ അവരുടെ വിദ്യാ​ഭ്യാ​സ​ത്തിൽനി​ന്നു പരമാ​വധി പ്രയോ​ജനം നേടാൻ നാമാ​ഗ്ര​ഹി​ക്കു​ന്നു​വെ​ന്നും കുട്ടി​ക​ളു​ടെ വിദ്യാ​ഭ്യാ​സ​കാ​ര്യ​ത്തിൽ സജീവ​മായ ഒരു താത്‌പ​ര്യ​മെ​ടു​ത്തു​കൊണ്ട്‌ വിദ്യാ​ഭ്യാ​സ​പ്ര​വർത്ത​ക​രു​മാ​യി സഹകരി​ക്കാൻ നാം ആത്മാർഥ​മാ​യി ആഗ്രഹി​ക്കു​ന്നു​വെ​ന്നും ആ ലഘുപ​ത്രിക വിദ്യാ​ഭ്യാ​സ​പ്ര​വർത്ത​കർക്ക്‌ ഉറപ്പു നൽകുന്നു.

വിദ്യാ​ഭ്യാ​സം ലഘുപ​ത്രിക എങ്ങനെ ഉപയോ​ഗി​ക്കാ​വു​ന്ന​താണ്‌? അതു വിദ്യാ​ഭ്യാ​സ​പ്ര​വർത്ത​കർക്കാ​യി തയ്യാറാ​ക്കി​യി​രി​ക്കു​ന്ന​തു​കൊണ്ട്‌, അത്‌ നമുക്ക്‌ അധ്യാ​പ​കർക്കും പ്രിൻസി​പ്പൽമാർക്കും മറ്റു സ്‌കൂൾ ഉദ്യോ​ഗ​സ്ഥർക്കും കൊടു​ക്കാം. നമ്മുടെ വീക്ഷണ​ങ്ങ​ളും വിശ്വാ​സ​ങ്ങ​ളും, വ്യത്യ​സ്‌ത​രാ​യി​രി​ക്കാ​നുള്ള അവകാശം ചില​പ്പോൾ നാം എന്തു​കൊണ്ട്‌ അവകാ​ശ​പ്പെ​ടു​ന്നു​വെ​ന്നും മനസ്സി​ലാ​ക്കാൻ ഈ പുതിയ ലഘുപ​ത്രിക അത്തരം എല്ലാ വിദ്യാ​ഭ്യാ​സ​പ്ര​വർത്ത​ക​രെ​യും സഹായി​ക്കട്ടെ. തങ്ങളുടെ കുട്ടി​ക​ളു​ടെ വിദ്യാ​ഭ്യാ​സ​പ്ര​വർത്ത​ക​രു​മാ​യുള്ള വ്യക്തിഗത ചർച്ചയ്‌ക്കുള്ള ഒരു അടിസ്ഥാ​ന​മാ​യി ഈ ലഘുപ​ത്രിക ഉപയോ​ഗി​ക്കാൻ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ക​യാണ്‌.

[10-ാം പേജിലെ ചിത്രം]

പുരാതന ഇസ്രാ​യേ​ലിൽ വിദ്യാ​ഭ്യാ​സത്തെ വളരെ​യ​ധി​കം മൂല്യ​മു​ള്ള​താ​യി കരുതി​യി​രു​ന്നു