നിങ്ങൾ കൂർക്കം​വ​ലി​ക്കാ​റു​ണ്ടോ?

ഭയങ്കര​മാ​യി കൂർക്കം​വ​ലി​ക്കുന്ന ഒരാളാ​ണോ നിങ്ങൾ? ചിലർ അത്തരക്കാ​രാണ്‌, പക്ഷേ അവർ അത്‌ അറിയു​ന്നു​പോ​ലു​മി​ല്ലാ​യി​രി​ക്കാം. ആയതി​നാൽ, ഉണർന്നെ​ഴു​ന്നേൽക്കു​മ്പോൾ ക്ഷീണവും ഉദാസീ​ന​ത​യും തോന്നു​ന്ന​തി​ന്റെ കാരണം അവർക്ക​റി​യില്ല. അവരുടെ ഈ ക്രമ​ക്കേട്‌ ഉറക്കത്തി​ലെ ശ്വാസ​ത​ടസ്സം എന്നറി​യ​പ്പെ​ടു​ന്നു. ഈ ക്രമ​ക്കേ​ടുള്ള ഒരാൾ ഉറങ്ങു​മ്പോൾ, വായു​വി​ന്റെ സഞ്ചാര​പ​ഥത്തെ തുറക്കാൻ സഹായി​ക്കുന്ന തൊണ്ട​യി​ലെ പേശികൾ വായു​മാർഗം അടഞ്ഞു​പോ​കുന്ന ഘട്ടത്തോ​ളം അയയുന്നു. ഒരു മിനി​റേ​റാ​ളം വായു കിട്ടാതെ അയാൾക്കു ശ്വാസം​മു​ട്ടൽ ഉണ്ടാ​യേ​ക്കാം, ചെറു​താ​യി ഉണരു​ക​യും ചെയ്‌തേ​ക്കാം. ശ്വാസ​ത​ട​സ്സ​മു​ണ്ടാ​കു​ന്ന​വ​രിൽ മിക്കവ​രും ഉറക്കത്തി​നു വിഘ്‌നം നേരി​ട്ട​താ​യി അറിയാ​റില്ല. മുറി​യിൽ നിങ്ങ​ളോ​ടൊ​പ്പ​മുള്ള ആൾ കൂർക്കം​വലി കേട്ട്‌ ഇടയ്‌ക്കി​ടെ ഉണരു​ന്നെ​ങ്കിൽ ആ വ്യക്തി​യിൽനിന്ന്‌ എന്തെങ്കി​ലും സൂചന ലഭി​ച്ചേ​ക്കാം. ഉറക്കത്തി​ലു​ണ്ടാ​കുന്ന ശ്വാസ​ത​ടസ്സം, കാറപ​ക​ട​ങ്ങൾക്കും തൊഴി​ല​പ​ക​ട​ങ്ങൾക്കും കാരണ​മാ​ണെ​ന്നും പക്ഷാഘാ​ത​വും ഹൃദയ​സ്‌തം​ഭ​ന​വും ഉണ്ടാകു​ന്ന​തി​ലെ ഒരു ഘടകമാ​ണെ​ന്നും വിദഗ്‌ധർ വിശ്വ​സി​ക്കു​ന്നു.

ഇതിന്‌ എന്തെങ്കി​ലു​മൊ​രു പരിഹാ​ര​മു​ണ്ടോ? വീട്ടിലെ സമ്പൂർണ വൈദ്യ​ശാ​സ്‌ത്ര​വ​ഴി​കാ​ട്ടി (ഇംഗ്ലീഷ്‌) (ഡോക്ടർമാ​രു​ടെ​യും സർജൻമാ​രു​ടെ​യും കൊളം​ബിയ യൂണി​വേ​ഴ്‌സി​ററി കോ​ളെജ്‌) ഇങ്ങനെ ബുദ്ധ്യു​പ​ദേ​ശി​ക്കു​ന്നു: “ഇതു മിക്ക​പ്പോ​ഴും സ്‌ത്രീ​ക​ളെ​ക്കാൾ 20 ഇരട്ടി പുരു​ഷൻമാ​രെ​യാ​ണു ബാധി​ക്കു​ന്നത്‌. ഇതുള്ള​വ​രിൽ പകുതി​യി​ല​ധി​കം പേരും അമിത​വ​ണ്ണ​മു​ള്ള​വ​രാണ്‌, ഈ അമിത​വണ്ണം വായു​വി​ന്റെ സാധാ​ര​ണ​ഗ​തി​യി​ലുള്ള ഗമനാ​ഗ​മ​ന​ത്തി​നു കൂടുതൽ തടസ്സം സൃഷ്ടി​ക്കു​ന്നു. അതു​കൊണ്ട്‌, ചികി​ത്സ​യി​ലെ ഒരു പ്രധാന സംഗതി തൂക്കം കുറയ്‌ക്ക​ലാണ്‌.” ഈ പ്രശ്‌നം സാരമാ​യി​ട്ടു​ള്ള​വ​രിൽ ശ്വാസ​ത​ടസ്സം കുറയ്‌ക്കു​ന്ന​തിന്‌ ഓപ്പ​റേഷൻ അഭികാ​മ്യ​മാ​ണെന്ന്‌ അതേ പുസ്‌ത​കം​തന്നെ അഭി​പ്രാ​യ​പ്പെ​ടു​ന്നു.