പിടി​കൊ​ടു​ക്കാത്ത ഒരു ജീവി—സ്‌നേ​ഹ​ത്തി​നും വെറു​പ്പി​നും പാത്ര​മാ​കു​ന്നത്‌

കാനഡയിലെ ഉണരുക! ലേഖകൻ

കാനിസ്‌ ലൂപ്പസ്‌. നിലാ​വുള്ള രാത്രി​യിൽ പർവത​പ്ര​ദേ​ശത്തെ ചെങ്കു​ത്തായ പാറ​ക്കെ​ട്ടി​ന്റെ ഉന്തിനിൽക്കുന്ന ഭാഗത്ത്‌ അതാ അവിടെ അതിന്റെ രൂപരേഖ കാണാം, രോമങ്ങൾ തഴച്ചു​വ​ള​രുന്ന നീണ്ട വാല്‌ കാലു​കൾക്കി​ട​യിൽ തിരുകി, ചെവികൾ പിന്നി​ലേക്കു കൂർപ്പിച്ച്‌, വാ തുറന്നു​പി​ടിച്ച്‌ നിൽക്കു​ന്നത്‌—അതിന്റെ ഓരി​യി​ടൽ നിശയി​ലെ അന്തരീ​ക്ഷ​ത്തിൽ മുഴങ്ങി​ക്കേൾക്കാം. എന്തിന്‌, അതിന്റെ ഓരി​യി​ട​ലി​നെ​ക്കു​റി​ച്ചുള്ള ചിന്തതന്നെ ഭയവും വിഭ്രാ​ന്തി​യും ജനിപ്പി​ക്കു​ന്നു!

മനോ​ഹ​ര​മെ​ങ്കി​ലും പിടി​കൊ​ടു​ക്കാത്ത ഈ ജീവിയെ വനത്തിൽവെച്ചു കാണു​ന്ന​തി​നുള്ള പദവി അധികം പേർക്കു ലഭിച്ചി​ട്ടില്ല—ഇതു സാധാ​ര​ണ​മാ​യി തവിട്ടു​നി​റ​മുള്ള ചെന്നായ്‌ അല്ലെങ്കിൽ കാട്ടു​ചെ​ന്നായ്‌ എന്നറി​യ​പ്പെ​ടു​ന്നു. എന്നിരു​ന്നാ​ലും, മനോ​ജ്ഞ​മായ ഈ മൃഗം വൈവി​ധ്യ​മാർന്ന പ്രതി​ബിം​ബ​ങ്ങ​ളാ​ണു മനസ്സി​ലേക്കു കൊണ്ടു​വ​രു​ന്നത്‌.

സ്‌നേ​ഹ​ത്തി​നും വെറു​പ്പി​നും പാത്ര​മാ​കു​ന്നത്‌

ഉളവാ​കുന്ന ധാരണ എന്തുത​ന്നെ​യാ​യി​രു​ന്നാ​ലും “ചെന്നായ്‌” എന്ന പദം ജനിപ്പി​ക്കുന്ന വികാ​രങ്ങൾ ആഴമു​ള്ള​വ​യാണ്‌. തെററി​ദ്ധാ​ര​ണ​യു​ടെ​യും മുൻവി​ധി​യു​ടെ​യും ഭയത്തി​ന്റെ​യും ഉറവി​ട​മാ​യി​രു​ന്നി​ട്ടു​മുണ്ട്‌ അത്‌. ചെന്നായ്‌ ഒരു ഇരപി​ടി​യ​നാ​യ​തു​കൊ​ണ്ടു ചിലർ അതിനെ വെറു​ക്കു​ന്നു. ആടുക​ളെ​യും കന്നുകാ​ലി​ക​ളെ​യും മററു വളർത്തു​മൃ​ഗ​ങ്ങ​ളെ​യും ഇരപി​ടി​ക്കു​ന്ന​തു​വഴി ചെന്നാ​യ്‌ക്കൾ കൃഷി​ക്കാർക്കും മൃഗങ്ങളെ വളർത്തു​ന്ന​വർക്കും ഒരു നിരന്തര ശല്യമാ​യി​ത്തീർന്നി​ട്ടുണ്ട്‌. കെട്ടു​ക​ഥ​ക​ളും നാടോ​ടി​ക്ക​ഥ​ക​ളും അതിന്റെ ദുഷ്‌കീർത്തി വർധി​പ്പി​ച്ചി​ട്ടുണ്ട്‌. “ആട്ടിൻതോ​ല​ണിഞ്ഞ ചെന്നായ്‌” എന്ന പ്രയോ​ഗം ആരാണ്‌ കേൾക്കാ​ത്തത്‌? കെട്ടു​ക​ഥകൾ “ദുഷ്ടനായ വമ്പൻ ചെന്നായ്‌” ആയി അതിനെ ചിത്രീ​ക​രി​ക്കു​ന്നു. അത്തര​മൊ​രു കഥ, ഒരു കൊച്ചു​പെൺകു​ട്ടി​യെ തിന്നു​ക​ള​യു​മെന്നു ഭീഷണി​പ്പെ​ടു​ത്തുന്ന ഒരു ചെന്നാ​യെ​ക്കു​റി​ച്ചു പറയുന്നു. ചെന്നാ​യ്‌ക്കൾ ആളുകളെ ആക്രമി​ക്കു​മെന്ന ധാരണ ഇത്‌ ആളുക​ളിൽ ഉളവാ​ക്കി​യി​രി​ക്കു​ന്നു.

എന്നിരു​ന്നാ​ലും, ശാസ്‌ത്ര​ജ്ഞ​രും ജീവശാ​സ്‌ത്ര​ജ്ഞ​രും ചെന്നാ​യ്‌ക്കളെ മറെറാ​രു വിധത്തി​ലാ​ണു വീക്ഷി​ക്കു​ന്നത്‌. മനുഷ്യ​രെ കഴിയു​ന്നത്ര ഒഴിവാ​ക്കാൻ ശ്രമി​ക്കുന്ന, അങ്ങേയ​ററം നാണം​കു​ണു​ങ്ങി ജീവി​ക​ളാ​യി അവർ അവയെ കരുതു​ന്നു. വാസ്‌ത​വ​ത്തിൽ, ജിയോ മാഗസി​നിൽ ഈ അടുത്ത കാലത്തു വന്ന ഒരു ലേഖനം പറയു​ന്ന​ത​നു​സ​രിച്ച്‌, ചെന്നാ​യ്‌ക്കൾ മനുഷ്യ​നെ ശരിക്കും ഭയപ്പെ​ടു​ന്നു. ചെന്നാ​യ്‌ക്ക​ളു​ടെ ബാഹ്യാ​കാ​രം ഭയദ്യോ​ത​ക​മാ​ണെ​ങ്കി​ലും വടക്കേ അമേരി​ക്ക​യി​ലെ ആരോ​ഗ്യ​മുള്ള കാട്ടു​ചെ​ന്നാ​യ്‌ക്കൾ മനുഷ്യന്‌ അപകട​മാണ്‌ എന്ന വിശ്വാ​സ​ത്തിൽ എന്തെങ്കി​ലും കഴമ്പു​ള്ള​താ​യി തോന്നു​ന്നില്ല.

വ്യാപ​ക​മാ​യി ചെന്നാ​യ്‌ക്ക​ളെ​ക്കു​റി​ച്ചു ഗവേഷണം നടത്തി​യി​ട്ടുള്ള ജീവശാ​സ്‌ത്ര​ജ്ഞ​നായ പോൾ പാക്കററ്‌ തന്റെ ബാല്യ​കാ​ലം മുതൽ ഈ വന്യജീ​വി​കളെ സ്‌നേ​ഹി​ച്ചു​പോ​ന്ന​താ​യി സമ്മതി​ക്കു​ന്നു. അദ്ദേഹം തന്റെ നിരീ​ക്ഷ​ണ​ങ്ങ​ളിൽ ചിലതു രേഖ​പ്പെ​ടു​ത്തു​ക​യും ചെയ്‌തി​ട്ടുണ്ട്‌. ചെന്നാ​യ്‌ക്കൾ സന്തോഷം, ഏകാന്തത, നർമരസം എന്നിവ പ്രകടി​പ്പി​ക്കു​ന്നതു കണ്ടിട്ടു​ള്ള​താ​യി അദ്ദേഹം അവകാ​ശ​പ്പെ​ടു​ന്നു. ഒരിക്കൽ വയസ്സു​ചെന്ന, അംഗ​വൈ​ക​ല്യം ബാധിച്ച ഒരു ചെന്നായെ അദ്ദേഹം കണ്ടു. അതിനു വേട്ടയാ​ടാൻ കഴിയു​മാ​യി​രു​ന്നില്ല. ചെന്നാ​യ്‌ക്ക​ളു​ടെ കൂട്ടത്തി​ലെ മററം​ഗങ്ങൾ അതിനു വേണ്ടി ആഹാരം കൊണ്ടു​വന്നു കൊടു​ത്തു. ഈ ചെന്നാ​യെ​ക്കൊണ്ട്‌ വലിയ നേട്ട​മൊ​ന്നും ഇല്ലായി​രു​ന്നെ​ങ്കി​ലും കൂട്ടത്തി​ലുള്ള ചെന്നാ​യ്‌ക്കൾ അതിന്റെ ജീവനെ വിലയു​ള്ള​താ​യി കരുതു​ക​യും അതിനെ ജീവ​നോ​ടെ പരിപാ​ലി​ക്കു​ക​യും ചെയ്‌തു​പോ​ന്നു. എന്നാൽത്ത​ന്നെ​യും, ചെന്നാ​യ്‌ക്ക​ളു​ടെ കൂട്ടം​ചേർന്നു വേട്ടയാ​ടുന്ന ഈ സ്വഭാ​വ​വി​ശേഷത അവയുടെ അസ്‌തി​ത്വ​ത്തി​നു​തന്നെ ഭീഷണി​യാ​യി​രി​ക്കു​ന്നു.

കൂട്ടം​ചേർന്നുള്ള വേട്ടയാ​ടൽ

കൂട്ടം​ചേർന്നു വേട്ടയാ​ടി​യാണ്‌ ചെന്നാ​യ്‌ക്കൾ സ്വന്തം വിശപ്പ​ട​ക്കു​ന്ന​തും തങ്ങളുടെ കുഞ്ഞു​ങ്ങളെ പോറ​റു​ന്ന​തും. എന്നിരു​ന്നാ​ലും, ചെന്നാ​യ്‌ക്കൾ ആടി​നെ​യോ കന്നുകാ​ലി​യെ​യോ കൊല്ലു​ന്നതു കർഷകർക്കു ശല്യമു​ള​വാ​ക്കുന്ന ഒരു പ്രശ്‌ന​മാ​ണെന്നു സമ്മതി​ക്കേ​ണ്ടി​യി​രി​ക്കു​ന്നു. സൂക്ഷ്‌മ​മായ കാഴ്‌ച​ശ​ക്തി​യും ഘ്രാണ​ശ​ക്തി​യും നല്ല കേൾവി​ശ​ക്തി​യും അവിശ്വ​സ​നീ​യ​മാം​വി​ധം ശക്തിയാ​യി കടിക്കാൻ കഴിവു​മുള്ള ഒരു ഇരപി​ടി​യൻ എന്നനി​ല​യിൽ ചെന്നായ്‌ വേട്ടയ്‌ക്ക്‌ നന്നായി സജ്ജനാണ്‌—അതു​പോ​ലെ അതിന്‌ ഓടാ​നും ശക്തിയാ​യി കുതി​ക്കാ​നും കഴിവുണ്ട്‌. അത്‌ ഒരു അവസര​വാ​ദി​യും കൂടി​യാണ്‌. എളുപ്പം പിടി​ക്കാ​നോ തട്ടി​യെ​ടു​ക്കാ​നോ കഴിയുന്ന ഇരയെ—പ്രത്യേ​കിച്ച്‌ തടിച്ചു​കൊ​ഴുത്ത ആടി​നെ​യോ കന്നുകാ​ലി​യെ​യോ—ഈ കുടില ജീവി വിട്ടു​ക​ള​യു​മെന്നു കരുതു​ന്നത്‌ വിഡ്‌ഢി​ത്ത​മാ​യി​രി​ക്കും. എളുപ്പം കൊല്ലാൻ കഴിയുന്ന, ആരോ​ഗ്യ​മി​ല്ലാത്ത, ദുർബ​ല​മായ മൃഗത്തെ ചെന്നാ​യ്‌ക്കൾ തിര​ഞ്ഞെ​ടു​ക്കു​ന്നു, അങ്ങനെ ആരോ​ഗ്യ​മു​ള്ള​വ​യ്‌ക്ക്‌ ഏറെ തീററ കിട്ടാൻ ഇടയാ​ക്കി​ക്കൊണ്ട്‌ മനഃപൂർവ​മ​ല്ലാ​തെ​യാ​ണെ​ങ്കി​ലും ചെന്നാ​യ്‌ക്കൾ അവയുടെ ഇരയ്‌ക്കു “പ്രയോ​ജനം ചെയ്യുന്നു” എന്നു വേണ​മെ​ങ്കിൽ പറയാം.

ചെന്നാ​യ്‌ക്ക​ളു​ടെ ആശയവി​നി​മ​യം

മൈലു​ക​ളോ​ളം ദൂരെ കേൾക്കാൻ കഴിയു​ന്ന​തും അതു ശ്രദ്ധി​ക്കു​ന്ന​വ​നിൽ ഭയപ്പാ​ടു​ണ്ടാ​ക്കു​ന്ന​തു​മായ അതിന്റെ നീണ്ട ഓരി​യി​ടൽ സംബന്ധി​ച്ചെന്ത്‌? ചെന്നായെ സംബന്ധി​ച്ചി​ട​ത്തോ​ളം ഇതു കൂട്ടമായ ഒരു സാമൂ​ഹിക പ്രവർത്തനം മാത്ര​മാണ്‌—ഒരുതരം ആശയവി​നി​മയം. വേട്ടയാ​ടു​ന്ന​തി​നി​ട​യിൽ ഒററ​പ്പെ​ട്ടു​പോയ ഒരു ചെന്നായ്‌ കൂട്ടത്തിൽപ്പെട്ട മററം​ഗ​ങ്ങളെ ആകർഷി​ക്കാൻ വേണ്ടി ഏതെങ്കി​ലും പാറമേൽ കയറി​നിന്ന്‌ ഓരി​യി​ടാ​റുണ്ട്‌. അല്ലെങ്കിൽ ഓരി​യി​ടൽ ഒരു ചെന്നാ​യു​ടെ അധീന​ത​യി​ലുള്ള പ്രദേ​ശത്തെ വിളി​ച്ച​റി​യി​ക്കു​ന്ന​തി​നാ​യി​രി​ക്കാം. ചില​പ്പോൾ കേവലം സന്തോഷം പ്രകടി​പ്പി​ക്കാ​നും ചെന്നാ​യ്‌ക്കൾ ഓരി​യി​ടാ​റു​ള്ള​താ​യി തോന്നു​ന്നു. ഒരു കൂട്ടം ചെന്നാ​യ്‌ക്കൾ ഓരി​യി​ടാ​നാ​യി ഒന്നിച്ചു​കൂ​ടു​മ്പോൾ അവർ ഒരു സംഗീ​ത​വി​രുന്ന്‌ ആസ്വദി​ക്കു​ക​യാ​ണെന്നു നിങ്ങൾ വിചാ​രി​ച്ചേ​ക്കാം. അവർ ഐക്യ​ത്തിൽ പാടു​ക​യാ​യി​രു​ന്നെ​ങ്കിൽ അതു നമുക്കു കൂടുതൽ മെച്ചമാ​യി തോന്നു​മാ​യി​രു​ന്നു, എന്നാൽ അവ വ്യത്യസ്‌ത ഈണങ്ങൾ കൂടുതൽ ഇഷ്ടപ്പെ​ടു​ന്ന​താ​യി തോന്നു​ന്നു. തീർച്ച​യാ​യും അവയ്‌ക്കു മററ്‌ ആശയവി​നി​മ​യ​മാർഗ​ങ്ങ​ളു​മുണ്ട്‌. ചിണുങ്ങൽ, മുരളൽ, കുരയ്‌ക്കൽ, ഒന്നിച്ചുള്ള കിണുങ്ങൽ, ഗുഹയ്‌ക്കു​ള്ളി​ലെ ചെന്നാ​യ്‌ക്കു​ട്ടി​ക​ളു​ടെ തുടർച്ച​യായ കുരയ്‌ക്കൽ എന്നിങ്ങനെ വർണി​ക്ക​പ്പെ​ടു​ന്ന​വ​യു​മുണ്ട്‌. കൂട്ടത്തി​നി​ട​യിൽ തങ്ങളുടെ സ്ഥാനവും ഉററബ​ന്ധ​വും സ്ഥാപി​ക്കാൻ ശരീര​നി​ല​യാ​ലുള്ള ആശയവി​നി​മ​യ​വും ഉപയോ​ഗി​ക്ക​പ്പെ​ടു​ന്നു.

മനോ​ഹ​ര​മായ ഒരു ജീവി

വളരെ മനോ​ഹ​ര​മായ ഈ ജീവിയെ അടു​ത്തൊ​ന്നു വീക്ഷി​ക്കുക. രോമം തിങ്ങി​വ​ള​രുന്ന അതിന്റെ ആവരണം ഒന്ന്‌ നിരീ​ക്ഷി​ക്കുക. അധിക​വും ചാരനി​റ​ത്തി​ലു​ള്ള​താണ്‌ (ചിലത്‌ ശരിക്കും കറുത്ത​തും), ഇടയ്‌ക്കി​ട​യ്‌ക്കു വെള്ളയും കറുപ്പും തവിട്ടും നിറങ്ങ​ളി​ലുള്ള രോമ​ങ്ങ​ളു​മുണ്ട്‌. തുളച്ചു​ക​യ​റുന്ന അതിന്റെ മഞ്ഞക്കണ്ണു​ക​ളു​ടെ നോട്ടം ശ്രദ്ധി​ക്കുക. അതിന്റെ മുഖത്തെ വരകൾ നോക്കുക. ഇതെല്ലാം ഈ വിശിഷ്ട മൃഗത്തെ കാഴ്‌ച​യ്‌ക്കു ഭംഗി​യു​ള്ള​താ​ക്കി​ത്തീർക്കു​ന്നു. എന്നാൽ, അതിന്റെ ഭാവി സംബന്ധിച്ച്‌ ഉത്‌ക​ണ്‌ഠകൾ ഉയർന്നു​വ​ന്നി​ട്ടുണ്ട്‌. ഉത്‌ക​ണ്‌ഠ​യ്‌ക്ക്‌ എന്തെങ്കി​ലും കാരണ​മു​ണ്ടോ?

കൊള്ളാം, ഒരു കാലത്തു യൂറോപ്പ്‌, ഏഷ്യ, വടക്കേ അമേരിക്ക എന്നിവി​ട​ങ്ങ​ളിൽ ചെന്നായെ കണ്ടെത്തുക സാധാ​ര​ണ​മാ​യി​രു​ന്നു, എന്നാൽ ഇപ്പോൾ കാനഡ​യി​ലും അലാസ്‌ക​യി​ലും ഐക്യ​നാ​ടു​കൾ, യൂറോപ്പ്‌, റഷ്യ എന്നിവി​ട​ങ്ങ​ളി​ലെ ആളുകൾ അധികം വസിക്കാത്ത പ്രദേ​ശ​ങ്ങ​ളി​ലും അതു വിരള​മാണ്‌. തിര​ഞ്ഞെ​ടുത്ത വനപ്ര​ദേ​ശ​ങ്ങ​ളിൽ കുറെ ചെന്നാ​യ്‌ക്കൾക്കു വേണ്ടി സ്ഥലമു​ണ്ടാ​ക്ക​ണ​മെന്ന്‌ ആളുകൾ പറയു​ന്നുണ്ട്‌. കഴുകൻമാർ, കരടികൾ, പുള്ളി​പ്പു​ലി​കൾ തുടങ്ങിയ ഇരപി​ടി​യൻമാ​രോ​ടൊ​ത്തു ജീവി​ക്കാൻ മനുഷ്യർ പഠിച്ചി​രി​ക്കു​ന്ന​തു​കൊണ്ട്‌ ഇങ്ങനെ ചോദി​ക്കു​ന്ന​വ​രു​മുണ്ട്‌, “എന്തു​കൊണ്ട്‌ ചെന്നാ​യ്‌ക്ക​ളോ​ടൊ​ത്തു ജീവി​ച്ചു​കൂ​ടാ?”

സ്വാഭാ​വിക അവസ്ഥയി​ലേക്കു മടങ്ങാൻ പ്രകൃ​തി​യെ അനുവ​ദി​ക്കൽ

നിർമൂ​ല​ന​മോ നിയ​ന്ത്ര​ണ​മോ അല്ല സംരക്ഷ​ണ​മാണ്‌ ആവർത്തി​ച്ചു പറയുന്ന വാക്ക്‌. പാർക്കു​കൾ ആളുകൾക്കു കളിക്കാ​നുള്ള കേവലം വനഭൂ​മി​യാ​യല്ല, പിന്നെ​യോ മൃഗങ്ങ​ളു​ടെ സുരക്ഷി​ത​മേ​ഖ​ല​ക​ളാ​യാണ്‌ ഇപ്പോൾ കരുത​പ്പെ​ടു​ന്നത്‌. കനേഡി​യൻ ജിയോ​ഗ്ര​ഫിക്‌ മാഗസിൻ പറയു​ന്ന​ത​നു​സ​രിച്ച്‌, പ്രകൃ​ത്യാ നിയ​ന്ത്രി​ക്ക​പ്പെ​ടുന്ന ഒരു ആവാസ​വ്യ​വസ്ഥ കാണാൻ പാർക്കി​ലെ മാനേ​ജർമാർ ആഗ്രഹി​ക്കു​ന്നു. കാനഡ​യി​ലെ ബാൻഫ്‌ ദേശീയ പാർക്കിൽ 40 വർഷ​ത്തേക്ക്‌ ഇല്ലാതി​രുന്ന പ്രമുഖ ഇരപി​ടി​യ​നായ ചെന്നായ്‌ 1980-കളിൽ തനിയെ റോക്കി പർവത​നി​ര​ക​ളു​ടെ തെക്കൻ ഭാഗ​ത്തേക്കു മടങ്ങി​വന്നു—അവ 65 എണ്ണമേ ഉള്ളു​വെ​ങ്കി​ലും ഇതിനെ അനേക​രും ഒരു നല്ല സംഗതി​യാ​യി വീക്ഷി​ക്കു​ന്നു. 50 വർഷ​ത്തേക്ക്‌ ഇല്ലാതി​രുന്ന ചെന്നായ്‌ മടങ്ങി​വ​ന്നി​രി​ക്കു​ന്ന​താ​യി ഫ്രാൻസ്‌ റിപ്പോർട്ടു ചെയ്യുന്നു.a ഇററലി​യി​ലും ചെന്നാ​യ്‌ക്കൾ തിരി​ച്ചു​വ​രവ്‌ നടത്തു​ക​യാണ്‌, അതിന്റെ ഓരി​യി​ടൽ റോമി​ന​ടുത്ത്‌ ററിവ​ളീ​യിൽ വീണ്ടും കേൾക്കാൻ കഴിയു​ന്നുണ്ട്‌.

അപകട​ത്തി​ലാ​യ ഒരു ജീവി​വർഗം എന്നനി​ല​യിൽ ചെന്നാ​യ്‌ക്കളെ വീണ്ടും ഐക്യ​നാ​ടു​ക​ളി​ലെ യെല്ലോ​സ്‌റേ​റാൺ നാഷണൽ പാർക്കി​ലേക്കു കൊണ്ടു​വ​രു​ന്ന​തി​നെ​ക്കു​റി​ച്ചു പരിചി​ന്തി​ക്കു​ക​യാണ്‌. 40 വർഷം മുമ്പ്‌ ചെന്നാ​യ്‌ക്കൾ ആ പ്രദേ​ശത്തെ ആവാസ​വ്യ​വ​സ്ഥ​യു​ടെ ഭാഗമാ​യി​രു​ന്നു, പിന്നീട്‌ അവ ഉൻമൂ​ല​ന​ത്തിന്‌ ഇരയാ​കു​ക​യാ​ണു​ണ്ടാ​യത്‌. ഇപ്പോൾ പല ആളുക​ളും, പ്രത്യേ​കി​ച്ചു പാർക്ക്‌ സന്ദർശി​ക്കാ​നെ​ത്തു​ന്നവർ അവയെ വീണ്ടും അവിടെ കൊണ്ടു​വ​രാൻ ആവശ്യ​പ്പെ​ടു​ക​യാണ്‌. എന്നിരു​ന്നാ​ലും, തങ്ങളുടെ പ്രദേ​ശത്തു ചെന്നാ​യ്‌ക്കളെ വീണ്ടും കൊണ്ടു​വ​രു​ന്നതു സംബന്ധി​ച്ചു മൃഗവ​ളർത്തൽ വ്യവസാ​യം വല്ലാതെ ഉത്‌ക​ണ്‌ഠ​പ്പെ​ടു​ന്നു. “ചെന്നാ​യ്‌ക്കൾ യെല്ലോ​സ്‌റേ​റാ​ണി​ലേക്കു മടങ്ങി​വ​രു​മ്പോൾ പാർക്കി​നു വെളി​യിൽ ചെന്നാ​യ്‌ക്കളെ കൈകാ​ര്യം ചെയ്യൽ അനുദി​ന​ജീ​വി​ത​ത്തി​ന്റെ ഒരു ഭാഗമാ​യി മാറും” എന്നു ചെന്നാ​യെ​ക്കു​റി​ച്ചു പഠിക്കുന്ന ജീവശാ​സ്‌ത്ര​ജ്ഞ​നായ എൽ. ഡേവിഡ്‌ മെക്ക്‌ പറയുന്നു.

മനുഷ്യർ ഭാഗി​ക​മാ​യി മാത്രം കണ്ടിട്ടുള്ള ഒരു ലോകത്തു ജീവി​ക്കുന്ന ഈ ജീവിക്ക്‌ ഭാവി എന്താണു കൈവ​രു​ത്താ​നി​രി​ക്കു​ന്നത്‌?

ചെന്നാ​യു​ടെ ഭാവി

ദീർഘ​കാ​ല​മാ​യി മമനു​ഷ്യ​ന്റെ സഹിഷ്‌ണു​ത​കൊണ്ട്‌ കഷ്ടിച്ച്‌ അതിജീ​വി​ച്ചു​പോന്ന ഈ മൃഗത്തി​ന്റെ പുനരാ​വിർഭാ​വത്തെ പിന്തു​ണ​യ്‌ക്കുന്ന ആളുക​ളു​ടെ സംഖ്യ, മനോ​ഭാ​വ​ത്തി​ലെ ഒരു സ്‌പഷ്ട​മായ മാററത്തെ സൂചി​പ്പി​ക്കു​ന്നു. ചെന്നായ്‌—പരിസ്ഥി​തി​യും അപകട​ത്തി​ലായ ഒരു ജീവി​വർഗ​ത്തി​ന്റെ സ്വഭാ​വ​വും (ഇംഗ്ലീഷ്‌) എന്ന പുസ്‌തകം ഇപ്രകാ​രം പ്രസ്‌താ​വി​ക്കു​ന്നു: “ഈ ജീവി​വർഗത്തെ അതിന്റെ ദുരവ​സ്ഥ​യിൽനി​ന്നു രക്ഷിക്കാൻ ഇനിയും സമയം ശേഷി​ച്ചി​ട്ടുണ്ട്‌. ഇതു ചെയ്യു​ന്നു​ണ്ടോ ഇല്ലയോ എന്നത്‌ പരിസ്ഥി​തി​യും ചെന്നാ​യു​ടെ സ്വഭാ​വ​വും സംബന്ധിച്ച മമനു​ഷ്യ​ന്റെ അറിവി​നെ​യും ചെന്നാ​യു​ടെ വിവിധ രീതികൾ സംബന്ധിച്ച തുടർന്നുള്ള അവന്റെ ഗവേഷ​ണ​ത്തെ​യും ചെന്നായെ ഒരു മത്സരി​യാ​യല്ല പിന്നെ​യോ ഭൂഗ്ര​ഹത്തെ പങ്കിടേണ്ട ഒരു സഹജീ​വി​യാ​യി ചിന്തി​ക്കാൻ അവൻ പഠിക്കു​ന്ന​തി​നെ​യും ആശ്രയി​ച്ചി​രി​ക്കു​ന്നു.”

സമാധാ​ന​ത്തിൽ ജീവിക്കൽ

കഴിഞ്ഞ ചുരുക്കം ചില വർഷങ്ങ​ളിൽ ആളുക​ളും ചെന്നാ​യ്‌ക്ക​ളും തമ്മിലുള്ള സമാധാ​ന​പൂർവ​ക​മായ സഹവർത്തി​ത്വം അഭിവൃ​ദ്ധി​പ്പെ​ട്ടി​ട്ടു​ണ്ടാ​യി​രി​ക്കാം, എന്നാൽ പോരാ​ട്ടം ഉള്ളിടത്തു സമാധാ​നം നേടാൻ സാധ്യമല്ല. സമീപ​ഭാ​വി​യി​ലെ ഒരു സമയ​ത്തേ​ക്കാ​യി അതു വിടേ​ണ്ട​തുണ്ട്‌, അപ്പോൾ സ്രഷ്ടാ​വി​ന്റെ രാജ്യ​ഭ​ര​ണ​ത്തിൻ കീഴിൽ ബലിഷ്‌ഠ​നും എന്നാൽ സംവേ​ദ​ക​ത്വ​വും നാണവു​മുള്ള ഈ ജീവി​യോ​ടുള്ള എല്ലാത്തരം വൈര​ത്തി​ന്റെ​യും ഭയത്തി​ന്റെ​യും സ്ഥാനത്ത്‌ അതിനെ വിശ്വ​സി​ക്കുന്ന, അതുമാ​യി പങ്കിടാ​നുള്ള ഒരു മനോ​ഭാ​വ​മാ​യി​രി​ക്കും ഉണ്ടാവുക.

രസാവ​ഹ​മെ​ന്നു പറയട്ടെ, ചെന്നായെ നേർ വിപരീത മനോ​ഭാ​വ​ത്തോ​ടെ വീക്ഷി​ക്കാൻ ഇടയാ​ക്കും​വി​ധം ബൈബിൾ അതിനെ പലതരം പ്രാവ​ച​നിക രംഗങ്ങ​ളിൽ ചിത്രീ​ക​രി​ക്കു​ന്നുണ്ട്‌. പ്രവൃ​ത്തി​കൾ 20:29, 30-ൽ ചെമ്മരി​യാ​ടു​തു​ല്യ ക്രിസ്‌തീയ സഭയെ ആക്രമി​ക്കു​ക​യും ആട്ടിൻകൂ​ട്ട​ത്തിൽനിന്ന്‌ ഒററപ്പെട്ട ചില വ്യക്തി​കളെ തിരി​പ്പി​ച്ചു​ക​ള​ക​യും ചെയ്യുന്ന വിശ്വാ​സ​ത്യാ​ഗി​ക​ളായ പുരു​ഷൻമാ​രെ “കൊടിയ ചെന്നായ്‌ക്ക”ളായി പ്രതീ​കാ​ത്‌മക ഭാഷയിൽ വർണി​ച്ചി​രി​ക്കു​ന്നു.

യെശയ്യാ​വു എന്ന ബൈബിൾ പുസ്‌ത​ക​ത്തി​ലെ ഇനിയും നിവൃ​ത്തി​യാ​കാ​നി​രി​ക്കുന്ന പ്രവച​നങ്ങൾ ഇന്നു പരസ്‌പരം ശത്രു​ക്ക​ളാ​യി കഴിയു​ന്ന​തെന്നു നമുക്ക​റി​യാ​വുന്ന മൃഗങ്ങൾ സമാധാ​ന​ത്തോ​ടെ ഒത്തൊ​രു​മി​ച്ചു വസിക്കു​ന്ന​താ​യി വർണി​ക്കു​ന്നു. യെശയ്യാ​വു 65:25-ൽ ഇര-ഇരപി​ടി​യൻ ബന്ധത്തെ​ക്കു​റി​ച്ചു പറഞ്ഞി​ട്ടി​ല്ലെ​ന്നതു ശ്രദ്ധി​ക്കുക: “ചെന്നാ​യും കുഞ്ഞാ​ടും ഒരുമി​ച്ചു മേയും; സിംഹം കാള എന്നപോ​ലെ വൈ​ക്കോൽ തിന്നും . . . എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല എന്നു യഹോവ അരുളി​ച്ചെ​യ്യു​ന്നു.”

മമനു​ഷ്യ​ന്റെ ശ്രമങ്ങൾ അവൻ ചെന്നാ​യോ​ടു സഹിഷ്‌ണുത കാട്ടാൻ ശ്രമി​ക്കു​ന്നു​വെന്നു പ്രകട​മാ​ക്കവേ, ദൈവ​ത്തി​ന്റെ പുതിയ വ്യവസ്ഥി​തി​യിൽ അവൻ അതിന്‌ ഒരു സ്ഥാനം കൽപ്പി​ച്ചി​രി​ക്കു​ന്നു​വെന്ന്‌ ഇപ്പോൾ ഉദ്ധരിച്ച തിരു​വെ​ഴു​ത്തു നമുക്ക്‌ ഉറപ്പു നൽകുന്നു. ഭൂഗ്രഹം കാനിസ്‌ ലൂപ്പസ്‌ ഉൾപ്പെടെ എല്ലാത്തരം ജീവജാ​ല​ങ്ങൾക്കും വേണ്ടി​യുള്ള ഒരു ഭവനമാ​യി​രി​ക്കും.

[അടിക്കു​റി​പ്പു​കൾ]

[25-ാം പേജിലെ ചിത്ര​ത്തിന്‌ കടപ്പാട്‌]

Thomas Kitchin/Victoria Hurst

[26-ാം പേജിലെ ചിത്ര​ത്തിന്‌ കടപ്പാട്‌]

Thomas Kitchin