സാത്താ​ന്യാ​രാ​ധ​ന​യു​ടെ ഉയർച്ച​യും വീഴ്‌ച​യും

ഇരുട്ടറകളിൽ, ചുവരു​ക​ളിൽ ബീഭത്സ നിഴലു​കൾ പരത്തി പാളി​ക്ക​ത്തുന്ന മെഴു​കു​തി​രി​വെ​ളി​ച്ച​ത്തിൽ തങ്ങളുടെ ദൈവ​മായ സാത്താന്റെ ആരാധന അരങ്ങേ​റു​മ്പോൾ, കരിങ്കു​പ്പാ​യ​ങ്ങ​ള​ണിഞ്ഞ പുരോ​ഹി​തൻമാർ ഒരു ബലിപീ​ഠ​ത്തിൽ ബന്ധിച്ചിട്ട ഇരകളു​ടെ​മേൽ പ്രാർഥ​നാ​മ​ന്ത്രങ്ങൾ ഉരുവി​ട്ടു​കൊ​ണ്ടു സാത്താ​ന്യ​കർമങ്ങൾ അനുഷ്‌ഠി​ക്കു​ക​യാണ്‌. പ്രകൃ​ത്യാ​തീ​ത​മാ​യ​തി​ന്റെ സ്‌പർശ​ത്തോ​ടെ ഏതോ ഗൂഢമർമം​സം​ബ​ന്ധി​ച്ചു തങ്ങൾ പൊതു​വിൽ പങ്കിടുന്ന അറിവിൻപ്ര​കാ​രം ഒരുമി​ച്ചു​കൂ​ടി, ഗൂഢവി​ദ്യ​യി​ലേ​ക്കുള്ള ഈ ഊളി​യി​ട​ലിൽ പങ്കുപ​റ​റുന്ന ചെറു​പ്പ​ക്കാർ അന്തരീ​ക്ഷ​ത്തിൽ അലയടി​ക്കുന്ന ആവേശ​ത്തി​മർപ്പ്‌ ആസ്വദി​ക്കു​ന്നു. അവരു​ടേ​തു​മാ​ത്ര​മായ ഏതോ സ്വകാ​ര്യ​ത​യു​ടെ അഭൗമ​മായ അനുഭൂ​തി​യോ​ടെ അവർ ബലിപീ​ഠ​ത്തോട്‌ അടുക്കു​ക​യാണ്‌.

നിരുപദ്രവകരമായ ഒരു ക്ഷണിക ഭ്രമമോ? അതോ ഇന്നത്തെ സമൂഹ​ത്തിൽ വ്യാപി​ച്ചി​രി​ക്കുന്ന ഒരു പൈശാ​ചിക തിൻമ​യോ?

സാത്താ​ന്യാ​രാ​ധ​നാ​പ്ര​സ്ഥാ​ന​ങ്ങ​ളു​ടെ ഭയജന​ക​മായ കർമങ്ങ​ളെ​സം​ബ​ന്ധി​ച്ചു വർത്തമാ​ന​പ്പ​ത്ര​ങ്ങ​ളി​ലും മാസി​ക​ക​ളി​ലും പുസ്‌ത​ക​ങ്ങ​ളി​ലും ഒട്ടേറെ എഴുത​പ്പെ​ട്ടി​ട്ടുണ്ട്‌. അക്രമാ​സക്ത സാത്താ​ന്യ​സം​ഘ​ങ്ങ​ളു​ടെ വിപു​ല​വ്യാ​പ​ക​മായ പ്രവർത്ത​ന​ത്തി​ന്റെ വിശദാം​ശങ്ങൾ അമേരി​ക്ക​യി​ലെ ദേശീയ ടെലി​വി​ഷ​നി​ലും റേഡി​യോ​യി​ലും പ്രക്ഷേ​പ​ണം​ചെ​യ്‌തി​ട്ടുണ്ട്‌. അമേരി​ക്ക​യി​ലും കാനഡ​യി​ലും യൂറോ​പ്പി​ലു​മുള്ള ചെറു​തും വലുതു​മായ നഗരങ്ങ​ളിൽ ഇതു പോലീ​സിന്‌ ഒരു വലിയ പ്രശ്‌ന​മാ​യി​ത്തീർന്നി​രി​ക്കു​ക​യാണ്‌.

സാത്താ​ന്യാ​രാ​ധ​ന​യോട്‌ ഇന്നത്തെ യുവാ​ക്കൾക്ക്‌ ഒരു പ്രത്യേക ആകർഷ​ണ​മുണ്ട്‌. 1993 ജൂണിലെ ററീൻ മാസി​ക​യിൽ റിപ്പോർട്ടു ചെയ്‌ത​പ്ര​കാ​രം “അംഗങ്ങൾ ശാരീ​രിക ദുരാ​ശ​യും പ്രതി​കാ​ര​മോ​ഹ​വും ഭൗതി​ക​സ്വ​ത്തു​ക്ക​ളി​ലുള്ള താത്‌പ​ര്യ​വും ഉൾപ്പെ​ടുന്ന തങ്ങളുടെ സ്വാഭാ​വിക അഭിനി​വേ​ശ​ങ്ങളെ അടിച്ച​മർത്താൻ കല്‌പി​ക്കു​ന്ന​തി​നു​പ​കരം അവർ അവയെ പ്രകട​മാ​ക്ക​ണ​മെന്നു ഞങ്ങൾ പഠിപ്പി​ക്കു​ന്നത്‌ എന്തു​കൊണ്ട്‌” എന്നു സാത്താൻസ​ഭ​യു​ടെ സ്ഥാപകൻ വിശദീ​ക​രി​ക്കു​ന്നു.

ഈ പിശാ​ച​നി​ശ്വസ്‌ത ആശയശാ​സ്‌ത്രം ദൈവ​നി​ശ്വസ്‌ത ക്രിസ്‌തീയ തത്ത്വങ്ങൾക്കു വിപരീ​ത​മാ​ക​യാൽ സാത്താൻ ഇതിൽ എത്ര സന്തുഷ്ട​നാ​യി​രി​ക്കണം!

സാത്താ​ന്യാ​രാ​ധന വർദ്ധി​ക്കു​ക​യാണ്‌. അതു വളർന്നു​വ​രുന്ന ഒരു ഭീഷണി​യാണ്‌. എന്നാൽ അതിന്റെ ചരമം ആസന്നമാ​യി​രി​ക്കു​ന്നു. അതിന്റെ ദൈവം മരണവി​ധി​യിൻകീ​ഴി​ലാണ്‌. സാത്താന്റെ ലോക​വും അതിന്റെ പിന്തു​ണ​ക്കാ​രും അങ്ങനെ​തന്നെ, എന്തു​കൊ​ണ്ടെ​ന്നാൽ “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19; റോമർ 6:16) സാത്താന്റെ ആരാധ​ക​രോ​ടും അറിഞ്ഞോ അറിയാ​തെ​യോ അവന്റെ ഉദ്ദേശ്യ​ങ്ങൾക്കു സേവന​മ​നു​ഷ്‌ഠി​ക്കുന്ന മറെറ​ല്ലാ​വ​രോ​ടു​മുള്ള യഹോ​വ​യു​ടെ സന്ദേശം ഇതാണ്‌: “സമാധാ​ന​ത്തി​ന്റെ ദൈവ​മോ വേഗത്തിൽ സാത്താനെ നിങ്ങളു​ടെ കാൽക്കീ​ഴെ ചതെച്ചു​ക​ള​യും.”—റോമർ 16:20.

അപ്പോൾ, കഷ്ടപ്പെ​ടുന്ന മനുഷ്യ​രാ​ശി​ക്കു “സമാധാ​നം നൽകുന്ന ദൈവ”ത്തിൽനിന്ന്‌ എന്തു ഭാവി കൈവ​രും? തുടർന്നു​വ​രുന്ന മൂന്നു ലേഖനങ്ങൾ സാത്താ​ന്യാ​രാ​ധ​ന​യു​ടെ ഉയർച്ച​യും വീഴ്‌ച​യും അതിനു പകരം​വ​രുന്ന ഭൂമി​യി​ലെ അവസ്ഥക​ളും എടുത്തു​കാ​ണി​ക്കും.