വികസ്വ​ര​രാ​ജ്യ​ങ്ങ​ളിൽ തൊഴിൽ സൃഷ്ടിക്കൽ

സെനഗലിലെ ഉണരുക! ലേഖകൻ

ഈ കൗമാ​ര​പ്രാ​യ​ക്കാ​രി​യു​ടെ പിതാവ്‌ മരിച്ച​പ്പോൾ അവൾ ഒരു കുട്ടി​യാ​യി​രു​ന്നു. അവളുടെ അമ്മ എട്ടു മക്കളട​ങ്ങിയ ഒരു വലിയ കുടും​ബ​ത്തോ​ടെ അവശേ​ഷി​ച്ചു. ഇപ്പോൾ അവളുടെ അമ്മയ്‌ക്കു പ്രായം കൂടി​വ​രു​ന്ന​തി​നാൽ കൗമാ​ര​പ്രാ​യ​ക്കാ​രി ഒരു ജോലി കണ്ടെത്തി​ക്കൊ​ണ്ടു കുടും​ബത്തെ പോറ​റാൻ സഹായി​ക്കണം. സ്‌കൂൾപ​ഠനം തുടരാ​നുള്ള അവളുടെ സ്വപ്‌നം പൊലി​ഞ്ഞു. അവൾക്കു തൊഴിൽ​വൈ​ദ​ഗ്‌ധ്യ​മോ ഔപചാ​രിക വിദ്യാ​ഭ്യാ​സ​മോ ഇല്ലെങ്കി​ലും അവൾ പണി​യെ​ടു​ക്കണം.

വികസ്വര രാജ്യ​ങ്ങ​ളിൽ ഇതു​പോ​ലുള്ള സ്ഥിതി​വി​ശേഷം സാധാ​ര​ണ​മാണ്‌. ജോലി​കൾ വിരള​മാണ്‌, സർവക​ലാ​ശാ​ലാ​ബി​രു​ദങ്ങൾ ഉള്ളവർക്കു പോലും. എന്നിരു​ന്നാ​ലും, നിശ്ചയ​ദാർഢൃ​വും നല്ല സൃഷ്ടി​പ​ര​ത​യു​മുള്ള അനേകർ സ്വയം തൊഴിൽ കണ്ടെത്താൻ പ്രാപ്‌ത​രാ​യി​ട്ടുണ്ട്‌. അത്തരം തൊഴി​ലു​കൾ ഒരുവനെ ധനിക​നാ​ക്കാ​തി​രു​ന്നേ​ക്കാം. എന്നാൽ 1 തിമൊ​ഥെ​യോസ്‌ 6:8-ൽ “ഉൺമാ​നും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക” എന്നു ബൈബിൾ പറയുന്നു.

സമനില പാലി​ക്കാൻ ഒരുവനെ സഹായി​ക്കുന്ന ആ ബുദ്ധ്യു​പ​ദേ​ശ​വാക്ക്‌ ഓർത്തു​കൊ​ണ്ടു നമുക്കു വികസ്വ​ര​രാ​ജ്യ​ങ്ങ​ളിൽ ക്രിസ്‌ത്യാ​നി​കൾ അതിജീ​വി​ക്കു​ക​യും തഴയ്‌ക്കു​ക​യും ചെയ്‌തു​കൊ​ണ്ടി​രി​ക്കുന്ന ചില വിദഗ്‌ധ മാർഗങ്ങൾ പരിചി​ന്തി​ക്കാം.

ഭക്ഷണവ്യാ​പാ​രം—ആഫ്രി​ക്കൻരീ​തി

ഭക്ഷണത്തി​ന്റെ ആവശ്യം എപ്പോ​ഴു​മുണ്ട്‌. ഇവിടെ പശ്ചിമാ​ഫ്രി​ക്ക​യിൽ പരി​ശ്ര​മ​ശാ​ലി​ക​ളായ സ്‌ത്രീ​കൾ ഈ വസ്‌തു​ത​യിൽനി​ന്നു ലാഭമു​ണ്ടാ​ക്കാൻ ആകർഷ​ക​മായ വിവിധ മാർഗങ്ങൾ കണ്ടെത്തി​യി​രി​ക്കു​ന്നു. ദൃഷ്ടാ​ന്ത​ത്തിന്‌, നിർമാ​ണ​പ്ര​വർത്തനം നടക്കുന്ന സ്ഥലത്തു ചിലർ ഒരു ചെറിയ ഷെഡ്ഡു കെട്ടി ജോലി​ക്കാർക്കു​വേണ്ടി ഉച്ചഭക്ഷണം തയ്യാറാ​ക്കു​ന്നു. മററു ചിലർ രാവിലെ ജോലി​ക്കു​പോ​കു​ന്ന​വർക്കു​വേണ്ടി ഭക്ഷണം പ്രദാ​നം​ചെ​യ്യു​ന്നു. അവർ ഒരു ചെറിയ മേശയും ബഞ്ചുക​ളും ഇട്ട്‌ ഒരു കൽക്കരി​യ​ടു​പ്പിൽ വെള്ളം തിളപ്പി​ക്കു​ക​യും ലളിത​മായ ഒരു പ്രഭാ​ത​ഭ​ക്ഷണം—ചൂടു​കാ​പ്പി​യും പുതിയ റൊട്ടി​യും വെണ്ണയും—വിളമ്പു​ക​യും ചെയ്യുന്നു. വൈകു​ന്നേ​രത്ത്‌ അവർ വീണ്ടും കട തുറക്കു​ക​യും ദിവസാ​ന്ത്യ​ത്തിൽ ജോലി​ക്കാർക്ക്‌ ഒരു ലഘുഭ​ക്ഷണം വിളമ്പു​ക​യും ചെയ്യുന്നു. ഇത്തരം ഭക്ഷ്യശാ​ലകൾ നടത്തു​ന്ന​തിന്‌, പ്രയാ​സ​മുള്ള ഒരു പ്രവർത്ത​ന​പ്പ​ട്ടിക പാലി​ക്കേ​ണ്ടി​യി​രി​ക്കു​ന്നു, എന്നാൽ അത്‌ ഉത്സാഹ​മു​ള്ള​വർക്കു ജീവി​ക്കാ​നുള്ള പണം ഉണ്ടാക്കി​ക്കൊ​ടു​ക്കു​ന്നു.

ലഘുഭ​ക്ഷ​ണ​ങ്ങൾ വിൽക്കു​ന്ന​തി​നുള്ള അവസര​വും ഉണ്ട്‌. ചില സ്‌ത്രീ​കൾ ഒരു ചന്തക്കടുത്ത്‌ ആൾകൂ​ട്ട​മുള്ള സ്ഥലം കണ്ടെത്തു​ക​യും നിലക്കടല വറുക്കു​ക​യും ചെയ്യുന്നു. ഫാററാ​യ​യും—എരിവുള്ള സോസ്‌ കൂട്ടി വിളമ്പുന്ന ചെറിയ മാംസ​വ​ടകൾ—അനായാ​സം വിൽക്ക​പ്പെ​ടു​ന്നു. സുഗന്ധ ഇറച്ചി​മ​സാല ചേർത്തു​ണ്ടാ​ക്കിയ മാംസ സാൻഡ്‌വി​ച്ചു​ക​ളും അങ്ങനെ​തന്നെ. ഇവ ഗാംബിയ, മാലി മുതലായ ആഫ്രിക്കൻ രാജ്യ​ങ്ങ​ളിൽ അനായാ​സം വിൽക്കുന്ന ഇനങ്ങളാണ്‌.

ഗിനിയ-ബിസ്സോ​യി​ലും സെനഗ​ലി​ലും യഹോ​വ​യു​ടെ സാക്ഷി​ക​ളായ ഒട്ടേറെ യുവജ​നങ്ങൾ ജനപ്രീ​തി​യുള്ള മറെറാ​രു ഐററം—ചെറിയ കേക്കുകൾ—ഉണ്ടാക്കി വിററു​കൊ​ണ്ടു തങ്ങളേ​ത്തന്നെ മുഴു​സമയ ശുശ്രൂ​ഷ​യിൽ നിലനിർത്തു​ന്നു. സെനഗ​ലി​ന്റെ തലസ്ഥാന നഗരമായ ഡാക്കാ​റി​ലെ ഒരു നിവാ​സി​യായ മോസസ്‌ ഇങ്ങനെ വിശദീ​ക​രി​ക്കു​ന്നു: “ഞാനും എന്റെ ഭാര്യ​യും പ്രത്യേക പയനി​യർമാ​രാ​യി [മുഴു​സമയ സുവി​ശേ​ഷകർ] സേവി​ക്കു​ക​യാ​യി​രു​ന്നു. അപ്പോൾ ഞങ്ങൾക്കു കുട്ടികൾ ഉണ്ടാകാൻ തുടങ്ങി. ഇപ്പോൾ അവരെ പോറ​റു​ന്ന​തി​നു ഞാൻ ഒരു മാർഗം കണ്ടെ​ത്തേ​ണ്ടി​യി​രു​ന്നു. അങ്ങനെ ചെറിയ കേക്കുകൾ ഉണ്ടാക്കി വിൽക്കു​ക​യെന്ന ആശയം എനിക്കു തോന്നി.

“എനിക്ക്‌ തുടങ്ങു​ന്ന​തി​നു വളരെ കുറച്ചു​പ​ണമേ ഉണ്ടായി​രു​ന്നു​ള്ളു. അതു​കൊണ്ട്‌, ലാഭമാ​യി എനിക്ക്‌ എടുക്കാൻ കഴിയുന്ന പണവും, മാവും മുട്ടയും പോലെ സാധനങ്ങൾ വീണ്ടും വാങ്ങാൻ മുടക്കു​ന്ന​തി​നാ​വ​ശ്യ​മുള്ള പണവും തമ്മിൽ വേർതി​രി​ച്ചു​കാ​ണു​ന്ന​തി​നു ഞാൻ ശ്രദ്ധാ​ലു​വാ​യി​രി​ക്കേ​ണ്ടി​യി​രു​ന്നു. ഇപ്പോൾ എന്റെ ചെറിയ കുടും​ബ​ത്തി​ന്റെ മിക്ക ആവശ്യ​ങ്ങ​ളും സാധി​ക്കു​ന്ന​തി​നു വേണ്ടത്ര കേക്കുകൾ വിൽക്കാൻ എനിക്കു കഴിയു​ന്നുണ്ട്‌.

“സാമ്പത്തിക കാര്യ​ങ്ങ​ളിൽ സഹായി​ക്കു​ന്ന​തിന്‌, എന്റെ ഭാര്യ​യായ എസ്ഥേർ വീട്ടി​ലി​രു​ന്നു വസ്‌ത്രങ്ങൾ തുന്നുന്നു. ഇതു ഞങ്ങളുടെ രണ്ടു കൊച്ചു​കു​ട്ടി​ക​ളു​മൊ​ത്തു വീട്ടിൽ കഴിയാൻ അവളെ അനുവ​ദി​ക്കു​ന്നു. നാം വിഷമം​പി​ടിച്ച കാലത്താ​ണു ജീവി​ക്കു​ന്ന​തെ​ങ്കി​ലും, ഞങ്ങൾ രണ്ടു​പേ​രും​കൂ​ടെ​യാ​കു​മ്പോൾ അങ്ങനെ കുടും​ബ​ത്തി​നു​വേണ്ടി നന്നായി​ത്തന്നെ കരുതാൻ ഞങ്ങൾക്കു കഴിയു​ന്നു.”

ഒരു ചെറിയ തൊഴി​ലി​നുള്ള മറെറാ​രു ആശയം: ജോലി​ക്കാർക്കു തിരക്കാ​യ​തു​കൊ​ണ്ടും ചന്തയി​ലേക്കു ദീർഘ​യാ​ത്ര നടത്താൻ മിക്ക​പ്പോ​ഴും സമയമി​ല്ലാ​ത്ത​തു​കൊ​ണ്ടും അവർ പഴമോ പച്ചക്കറി​യോ വിൽക്കുന്ന സ്ഥലത്തെ ചെറിയ കടകളി​ലെ പററു​പ​ടി​ക്കാ​രാ​കും. ചില കടക്കാർക്കു വീടു​ക​ളിൽ സാധനങ്ങൾ എത്തിച്ചു​കൊ​ടു​ക്കുന്ന സേവനം​പോ​ലു​മുണ്ട്‌, കേടാ​കാത്ത പച്ചക്കറി​കൾ പതിവു​കാ​രു​ടെ വീടു​ക​ളിൽത്തന്നെ കൊണ്ടു​കൊ​ടു​ക്കു​ന്നു. നിങ്ങൾ സത്യസ​ന്ധ​നാ​ണെ​ന്നും ഗുണ​മേൻമ​യുള്ള സാധന​ങ്ങ​ളാ​ണു വിൽക്കു​ന്ന​തെ​ന്നു​മുള്ള വാർത്ത പെട്ടെന്നു പരന്നേ​ക്കാം. എന്നിരു​ന്നാ​ലും, വളരെ കൂടിയ വില വാങ്ങാ​തി​രി​ക്കാൻ സൂക്ഷി​ക്കുക, അല്ലാത്ത​പക്ഷം ആളുകൾ കേവലം സാധാരണ ചന്തയി​ലേക്കു മടങ്ങി​പ്പോ​കും.

സേവന വ്യവസാ​യ​ങ്ങൾ

ഉത്‌പ​ന്ന​ങ്ങ​ളു​ടെ വില്‌പന നിങ്ങൾക്ക്‌ ഇഷ്ടമി​ല്ലെ​ങ്കിൽ, വിവിധ സേവനങ്ങൾ വാഗ്‌ദാ​നം​ചെ​യ്യു​ന്നതു പരിഗ​ണി​ക്കുക. ശുചീ​ക​രണം, പാചകം, തുണി​യ​ലക്ക്‌, ഇസ്‌തി​രി​യി​ടൽ എന്നിവ​ക്കെ​ല്ലാം എല്ലായ്‌പോ​ഴും ആവശ്യ​മുണ്ട്‌. നിരവധി മററവ​സ​ര​ങ്ങ​ളു​മുണ്ട്‌.

ഉദാഹ​ര​ണ​ത്തിന്‌, നിങ്ങൾ സമു​ദ്ര​ത്തോ​ട​ടു​ത്തോ ഒരു മീൻച​ന്ത​ക്ക​ടു​ത്തോ ആണോ താമസി​ക്കു​ന്നത്‌? മീൻ വെട്ടി കഴുകു​ന്ന​തി​നു മുതി​രാൻ പാടി​ല്ല​യോ—പെട്ടെ​ന്നും കുറഞ്ഞ ചെലവി​ലും? നിങ്ങൾക്ക്‌ ആവശ്യ​മു​ള്ളത്‌ ഒരു തടിക്ക​ഷ​ണ​വും ഒരു നല്ല മീൻക​ത്തി​യു​മാണ്‌. കാറു​ക​ഴു​കൽ ലാഭക​ര​മായ മറെറാ​രു സംരം​ഭ​മാണ്‌. ആവശ്യ​മായ ഉപകരണം എന്താണ്‌? ഒരു തൊട്ടി​യും കുറെ വെള്ളവും ഒരു ചെറിയ സോപ്പും ഒരു നല്ല തുണി​യും. ഡാക്കാ​റിൽ തൊഴിൽമ​നഃ​സ്ഥി​തി​ക്കാ​രായ ചെറു​പ്പ​ക്കാർ എല്ലാ പാർക്കിംഗ്‌ സ്ഥലങ്ങളി​ലും തണലുള്ള തെരു​വു​ക​ളി​ലും ഈ സേവനം അനുഷ്‌ഠി​ക്കു​ന്നതു കാണാം.

ലോക​ത്തിൽ നിങ്ങൾ പാർക്കു​ന്നി​ടത്തു പൈപ്പു​വെള്ളം കുറവാ​ണോ? ചില​പ്പോൾ സ്‌ത്രീ​കൾ ഒരു പൊതു കിണറ​റി​ങ്കൽ തങ്ങളുടെ പാത്രങ്ങൾ നിറയ്‌ക്കാൻ മണിക്കൂ​റു​ക​ളോ​ളം നിരന്നു​നിൽക്കു​ന്നു. പിന്നെ അവർ തങ്ങളുടെ ഭവനങ്ങ​ളി​ലേ​ക്കുള്ള വഴിമു​ഴു​വൻ ഭാരിച്ച പാത്രങ്ങൾ തലയിൽ വഹിച്ചു​കൊ​ണ്ടു​പോ​കണം. അതു​കൊണ്ട്‌ തങ്ങൾക്കു വെള്ളം എത്തിച്ചു​ത​രുന്ന ഒരാൾക്കു പണം കൊടു​ക്കാൻ അനേകർ തയ്യാറാണ്‌. നിങ്ങളു​ടെ പാത്രങ്ങൾ നിറച്ച്‌ അവ ഒരു ഉന്തുവ​ണ്ടി​യി​ലോ കഴുത​പ്പു​റ​ത്തോ കയററി​വെ​ക്കാൻ കഴിയു​ന്ന​തി​നു കിണറ​റു​ങ്കൽ അതിരാ​വി​ലെ എത്തുന്ന​താ​ണു വിജയ​ര​ഹ​സ്യം. ഇപ്പോൾ വെള്ളം വീടു​ക​ളി​ലോ ജോലി​സ്ഥ​ല​ങ്ങ​ളി​ലോ എത്തിച്ചു​കൊ​ടു​ക്കാൻ നിങ്ങൾ തയ്യാർ.

നിങ്ങൾക്കു കുറേ ലൗകിക വിദ്യാ​ഭ്യാ​സം ഉണ്ടോ? ഒരുപക്ഷേ വാരാ​ന്ത​ങ്ങ​ളിൽ കൊച്ചു​കു​ട്ടി​കൾക്കു ട്യൂഷൻ കൊടു​ക്കാൻ നിങ്ങൾക്കു കഴി​ഞ്ഞേ​ക്കും. വികസ്വര രാജ്യ​ങ്ങ​ളിൽ ക്ലാസ്‌ മുറികൾ തിങ്ങി​നി​റ​യു​ക​യാണ്‌. തങ്ങളുടെ കുട്ടിക്കു കുറെ വ്യക്തി​പ​ര​മായ ശ്രദ്ധ കിട്ടു​ന്ന​തി​നു​വേണ്ടി പണം മുടക്കാൻ മാതാ​പി​താ​ക്കൾ മനസ്സു​ള്ള​വ​രാ​യി​രി​ക്കാം.

നിങ്ങൾക്കി​പ്പോൾത്തന്നെ ഉള്ള പ്രയോ​ജ​ന​ക​ര​മായ മറെറാ​രു വൈദ​ഗ്‌ധ്യം തലമു​ടി​പി​ന്നൽ കല ആയിരി​ക്കാം. ആഫ്രി​ക്ക​യി​ലെ സ്‌ത്രീ​ക​ളു​ടെ ഇടയിൽ മുടി പിന്നി​യി​ടുന്ന രീതി വളരെ പ്രചാ​ര​ത്തി​ലു​ള്ള​തു​കൊണ്ട്‌ ഈ കരകൗ​ശ​ല​ത്തിൽ വിദഗ്‌ധ​രാ​യ​വർക്കു പണമു​ണ്ടാ​ക്കാ​നുള്ള സാധ്യ​ത​യുണ്ട്‌.

വൈദ​ഗ്‌ധ്യം ഉപയോ​ഗി​ക്കൽ

ബൈബിൾ കാലങ്ങ​ളിൽ പ്രാപ്‌തി​യുള്ള ഒരു ഭാര്യക്ക്‌ ആദായ​മു​ണ്ടാ​ക്കു​ന്ന​തി​നു സമർഥ​മായ മാർഗങ്ങൾ കണ്ടെത്താൻ കഴിഞ്ഞി​രു​ന്നു. സദൃശ​വാ​ക്യ​ങ്ങൾ 31:24 ഇങ്ങനെ പറയുന്നു: “അവൾ ശണവസ്‌ത്രം ഉണ്ടാക്കി വിൽക്കു​ന്നു; അരക്കച്ച ഉണ്ടാക്കി കച്ചവട​ക്കാ​രനെ ഏല്‌പി​ക്കു​ന്നു.” അതു​പോ​ലെ​തന്നെ, വികസ്വര രാജ്യ​ങ്ങ​ളി​ലെ അനേകർ സ്വന്തം കുടിൽവ്യ​വ​സാ​യങ്ങൾ അല്ലെങ്കിൽ ചെറു​വ്യ​വ​സാ​യങ്ങൾ നടത്തു​ന്ന​തിൽ വിജയം കണ്ടെത്തി​യി​രി​ക്കു​ന്നു. ഉദാഹ​ര​ണ​ത്തിന്‌, ഒരു ആശാരിക്ക്‌ ചെറിയ പണിശാല സ്ഥാപിച്ചു ലളിത​മായ സ്‌ററൂ​ളു​ക​ളും ബഞ്ചുക​ളും മററു ഗൃഹോ​പ​ക​ര​ണ​ങ്ങ​ളും ഉണ്ടാക്കാ​വു​ന്ന​താണ്‌. ഏററവും അടിസ്ഥാ​ന​പ​ര​മായ പണിയാ​യു​ധങ്ങൾ മാത്രമേ ആവശ്യ​മാ​യി​രി​ക്കു​ന്നു​ള്ളു. നിങ്ങൾക്ക്‌ എന്തെങ്കി​ലും കാർഷിക വൈദ​ഗ്‌ധ്യം ഉണ്ടെങ്കിൽ ഒരുപക്ഷേ നിങ്ങൾക്കു കോഴി​വ​ളർത്തൽ തുടങ്ങി മുട്ടയും കോഴി​ക​ളും വിൽക്കാൻ കഴിയും.

ചെറു വ്യവസാ​യങ്ങൾ തുടങ്ങു​ന്ന​തി​നു പ്രധാ​ന​മാ​യി ആവശ്യ​മാ​യി​രി​ക്കുന്ന ഒരു സംഗതി​യാ​ണു വൈദ​ഗ്‌ധ്യം. ചിലയാ​ളു​കൾ തള്ളിക്കളഞ്ഞ തകരപ്പാ​ത്രങ്ങൾ വർണഭം​ഗി​യുള്ള സൂട്ട്‌കേ​സു​ക​ളോ ട്രങ്കു​ക​ളോ ആക്കി മാററി​യി​ട്ടുണ്ട്‌. മററു ചിലർ മോ​ട്ടോർവാ​ഹ​ന​ങ്ങ​ളു​ടെ ടയറു​കൾകൊ​ണ്ടു ചെരു​പ്പു​കൾ ഉണ്ടാക്കി​യി​ട്ടുണ്ട്‌. വേറേ ചിലർ പഴയ അകംറ​റ്യൂ​ബു​കൾകൊ​ണ്ടു ബക്കററു​കൾ നിർമി​ച്ചി​ട്ടുണ്ട്‌. സാധ്യ​തകൾ കുറയു​ന്നതു നിങ്ങളു​ടെ സങ്കല്‌പ​ത്താൽ മാത്ര​മാ​യി​രി​ക്കും.

വികസ്വര രാജ്യ​ങ്ങ​ളിൽ അതിജീ​വി​ക്കു​ന്ന​തി​നു വൈദ​ഗ്‌ധ്യ​വും ഭാവന​യും ആവശ്യ​മാണ്‌. എന്നാൽ നിങ്ങൾക്കു ക്ഷമയും ക്രിയാ​ത്മ​ക​മ​നോ​ഭാ​വ​വും കൂടെ ആവശ്യ​മുണ്ട്‌. അനായാ​സം ശ്രമം നിർത്തി​ക്ക​ള​യ​രുത്‌. ആവശ്യ​മെ​ങ്കിൽ തൊഴി​ലി​നു മാററം വരുത്ത​ത്ത​ക്ക​വണ്ണം വഴക്കമു​ള്ള​വ​രാ​യി​രി​ക്കുക. ഒരു ബിസി​നസ്‌ തുടങ്ങു​ക​യോ ഒരു സേവനം ചെയ്യു​ക​യോ ചെയ്യു​ന്നു​വെ​ങ്കിൽ തീർച്ച​യാ​യും സ്ഥലപര​മായ നിയമ​ങ്ങ​ളും നിബന്ധ​ന​ക​ളും പരി​ശോ​ധി​ക്കുക. ദേശത്തെ നിയമ​ങ്ങളെ ആദരി​ക്കാൻ ക്രിസ്‌ത്യാ​നി​ക​ളോട്‌ ആവശ്യ​പ്പെ​ട്ടി​രി​ക്കു​ന്നു.—റോമർ 13:1-7.

ഒരു ഉത്‌പ​ന്ന​മോ സേവന​മോ വാഗ്‌ദാ​നം​ചെ​യ്യാൻ ശ്രമി​ക്കു​ന്ന​തി​നു​മു​മ്പു നിങ്ങ​ളോ​ടു​തന്നെ ചോദി​ക്കുക: ‘സ്ഥലപര​മായ ആവശ്യ​ങ്ങ​ളും ആചാര​ങ്ങ​ളും എന്താണ്‌? തദ്ദേശീയ സമ്പദ്‌വ്യ​വ​സ്ഥി​തി​യു​ടെ അവസ്ഥ എന്താണ്‌? ഞാൻ വാഗ്‌ദാ​നം ചെയ്യു​ന്ന​തി​നു പണം മുടക്കാൻ പതിവു​കാർക്കു നിർവാ​ഹ​മു​ണ്ടോ? വേറെ എത്രപേർ സമാന​മായ ഉത്‌പ​ന്ന​മോ സേവന​മോ വാഗ്‌ദാ​നം​ചെ​യ്യു​ന്നുണ്ട്‌? എനിക്കു യഥാർഥ​ത്തിൽ ഈ സംരംഭം തുടരു​ന്ന​തി​നാ​വ​ശ്യ​മായ വൈദ​ഗ്‌ധ്യ​ങ്ങ​ളും ഊർജ​വും കർമ​ശേ​ഷി​യും ആത്മശി​ക്ഷ​ണ​വും സംഘാ​ട​ന​ബോ​ധ​വും ഉണ്ടോ? എത്രമാ​ത്രം മുതൽമു​ടക്ക്‌ ആവശ്യ​മുണ്ട്‌? ഞാൻ പണം കടംവാ​ങ്ങേ​ണ്ടി​വ​രു​മോ? ലോൺ വീട്ടാൻ എനിക്കു സാധി​ക്കു​മോ?’

ലൂക്കോസ്‌ 14:28-ലെ യേശു​വി​ന്റെ ചോദ്യം ഉചിത​മാണ്‌: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ?”

സ്വയം​തൊ​ഴിൽ കണ്ടെത്തു​ന്ന​തിന്‌ എല്ലാവർക്കും വൈദ​ഗ്‌ധ്യ​മോ നിശ്ചയ​ദാർഢ്യ​മോ ഇല്ലെന്നു​ള്ളതു സത്യം​തന്നെ. എന്നിരു​ന്നാ​ലും നിങ്ങളു​ടെ കർമ​ശേ​ഷി​യും ആത്മാർഥ​ശ്ര​മ​വും ശരിയായ ആന്തര​ത്തോ​ടെ പ്രയോ​ഗി​ക്ക​പ്പെ​ടു​മ്പോൾ യഹോ​വ​യാം ദൈവ​ത്തിന്‌ അതിനെ അനു​ഗ്ര​ഹി​ക്കാൻ കഴിയും. (2 പത്രൊസ്‌ 1:5 താരത​മ്യം ചെയ്യുക.) നിങ്ങൾതന്നെ ജോലി സൃഷ്ടി​ക്കേ​ണ്ടി​വ​ന്നാ​ലും അതു കണ്ടെത്താൻ നിങ്ങളു​ടെ പരമാ​വധി പ്രവർത്തി​ക്കുക!

[16, 17 പേജു​ക​ളി​ലെ ചിത്രങ്ങൾ]

വസ്‌ത്രങ്ങൾ തുന്നൽ, കാറുകൾ കഴുകൽ, നല്ല വെള്ളം എത്തിച്ചു​കൊ​ടു​ക്കൽ, മത്സ്യം വെട്ടി​ക്ക​ഴു​കൽ എന്നിവ ആളുക​ളു​ടെ ചില ഉപജീ​വ​ന​മാർഗ​ങ്ങ​ളാണ്‌