മിഷന​റി​മാർ—വെളി​ച്ച​ത്തി​ന്റെ ഏജൻറൻമാ​രോ അതോ ഇരുട്ടി​ന്റേ​തോ? ഭാഗം 2

പടിഞ്ഞാ​റോ​ട്ടു യൂറോ​പ്പി​ലേക്കു നീങ്ങുന്നു

യേശു​വി​ന്റെ മിഷനറി ദൗത്യം നിറ​വേ​റ​റു​ന്ന​തിന്‌, ക്രിസ്‌ത്യാ​നി​ത്വ​ത്തി​ന്റെ സന്ദേശ​വു​മാ​യി ലോക​ത്തെ​മ്പാ​ടു​മുള്ള ആളുകളെ സമീപി​ക്കേ​ണ്ടി​വ​രു​മാ​യി​രു​ന്നു. (മത്തായി 28:19; പ്രവൃ​ത്തി​കൾ 1:8) അപ്പോ​സ്‌ത​ല​നായ പൗലോസ്‌ തന്റെ മൂന്നു മിഷന​റി​പ​ര്യ​ട​ന​ങ്ങ​ളി​ലെ രണ്ടാമ​ത്തേ​തിൽ “മക്കെ​ദോ​ന്യെ​ക്കു കടന്നു​വന്നു ഞങ്ങളെ സഹായിക്ക” എന്നു തന്നോട്‌ അഭ്യർഥിച്ച ഒരു ദർശനം കണ്ടപ്പോൾ ഈ വസ്‌തുത ദൃഢീ​ക​രി​ക്ക​പ്പെട്ടു.—പ്രവൃ​ത്തി​കൾ 16:9, 10.

പൗലോസ്‌ ആ ക്ഷണം സ്വീക​രി​ച്ചു. പൊ.യു. ഏതാണ്ട്‌ 50-ൽ അദ്ദേഹം ഫിലിപ്പി എന്ന യൂറോ​പ്യൻ നഗരത്തിൽ പ്രസം​ഗി​ക്കു​ന്ന​തി​നു കടന്നു​ചെന്നു. ലുദി​യ​യും അവളുടെ കുടും​ബ​വും വിശ്വാ​സി​ക​ളാ​യി​ത്തീർന്നു. ഒരു സഭ സ്ഥാപി​ക്ക​പ്പെ​ടു​ക​യും ചെയ്‌തു. അതു മുഴു യൂറോ​പ്പി​ലൂ​ടെ​യു​മുള്ള ക്രിസ്‌ത്യാ​നി​ത്വ​ത്തി​ന്റെ വിജയ​ശ്രീ​ലാ​ളി​ത​മായ അഭിഗ​മ​ന​ത്തി​ന്റെ ആദ്യ ഇടത്താ​വളം മാത്ര​മാ​യി​രു​ന്നു. പൗലോ​സ്‌തന്നെ പിന്നീട്‌ ഇററലി​യിൽ പ്രസം​ഗി​ച്ചു, ഒരുപക്ഷേ സ്‌പെ​യി​നിൽപോ​ലും.—പ്രവൃ​ത്തി​കൾ 16:9-15; റോമർ 15:23, 24.

ഏതായാ​ലും പൗലോസ്‌ ക്രിസ്‌ത്യാ​നി​ത്വ​ത്തി​ന്റെ ഏക മിഷന​റി​യാ​യി​രു​ന്നില്ല. ഗ്രന്ഥകാ​ര​നായ ജെ. ഹേർബർട്ട്‌ കാൻ ഇങ്ങനെ രേഖ​പ്പെ​ടു​ത്തു​ന്നു: “മററു നിരവധി പേർ ഉണ്ടായി​രു​ന്നി​രി​ക്കണം, അവരുടെ പേരുകൾ ചരി​ത്ര​ത്തിൽ രേഖ​പ്പെ​ടു​ത്തി​യി​ട്ടില്ല. . . . അപ്പോ​സ്‌ത​ലൻമാ​രു​ടെ പ്രവൃ​ത്തി​കൾ മുഴു​ക​ഥ​യും പറയു​ന്നില്ല.”—പെന്തെ​ക്കോ​സ്‌തു​മു​തൽ ഇക്കാലം​വ​രെ​യുള്ള ക്രിസ്‌തീയ ദൗത്യ​ങ്ങ​ളു​ടെ ഒരു ആഗോള വീക്ഷണം (ഇംഗ്ലീഷ്‌).

എന്നിരു​ന്നാ​ലും, യേശു​വി​ന്റെ മററനു​ഗാ​മി​കൾ വിദേശ രാജ്യ​ങ്ങ​ളിൽ മിഷന​റി​മാ​രാ​യി സേവി​ച്ചത്‌ എത്ര​ത്തോ​ള​മെന്നു നാം അറിയു​ന്നില്ല. തോമസ്‌ ഇൻഡ്യ​യി​ലേക്കു വന്നു​വെ​ന്നും സുവി​ശേ​ഷ​ക​നായ മർക്കോസ്‌ ഈജി​പ്‌തി​ലേക്കു പോയി എന്നുമുള്ള പരമ്പരാ​ഗത വിശ്വാ​സം സ്ഥിരീ​ക​രി​ക്കാൻ കഴിയില്ല. ക്രിസ്‌തു​വി​ന്റെ യഥാർഥ ശിഷ്യൻമാർക്കെ​ല്ലാം മിഷനറി ആത്മാവു​ണ്ടാ​യി​രു​ന്നു​വെ​ന്നും അവരെ​ല്ലാം സ്വദേ​ശ​ത്തെ​ങ്കി​ലും മിഷന​റി​വേല നടത്തി​യെ​ന്നും നമുക്കു തീർച്ച​യാ​യും അറിയാം. കാൻ സൂചി​പ്പി​ക്കുന്ന പ്രകാരം: “ചരി​ത്ര​പ്ര​ധാ​ന​മായ ആ സംഭവം [പെന്തെ​ക്കോ​സ്‌ത്‌] ക്രിസ്‌തീയ സഭയുടെ തുടക്ക​ത്തെ​യും മിഷന​റി​പ്ര​സ്ഥാ​ന​ത്തി​ന്റെ ഉത്‌ഘാ​ട​ന​ത്തെ​യും കുറിച്ചു, കാരണം ആ നാളു​ക​ളിൽ സഭയെ തിരി​ച്ച​റി​യി​ച്ചതു ദൗത്യം​തന്നെ ആയിരു​ന്നു.”

യൂറോ​പ്പി​ന്റെ വിദൂ​ര​കോ​ണു​ക​ളി​ലേക്ക്‌

യഹൂദൻമാർ ഏക സത്യ​ദൈ​വ​ത്തി​ന്റെ ആരാധ​ന​യിൽ വിശ്വ​സി​ച്ചു. അവർ ഒരു വാഗ്‌ദത്ത മിശി​ഹാ​യിൽ പ്രത്യാശ അർപ്പിച്ചു. അവർ എബ്രായ തിരു​വെ​ഴു​ത്തു​കളെ സത്യമായ ദൈവ​വ​ച​ന​മാ​യി അംഗീ​ക​രി​ച്ചു. അതു​കൊണ്ട്‌, യഹൂദൻമാർ ചിതറി​പ്പോ​യി പാർത്തി​രുന്ന രാജ്യ​ങ്ങ​ളി​ലെ പൗരൻമാർ ഈ വിശ്വാ​സ​ങ്ങ​ളു​മാ​യി കുറെ​യൊ​ക്കെ പരിചി​ത​രാ​യി​രി​ക്കാ​നി​ട​യു​ണ്ടാ​യി​രു​ന്നു. ഇവ ക്രിസ്‌ത്യാ​നി​കൾക്കും യഹൂദൻമാർക്കും പൊതു​വി​ലുള്ള ആരാധനാ വശങ്ങളാ​യി​രു​ന്ന​തു​കൊ​ണ്ടു ക്രിസ്‌ത്യാ​നി​ത്വ​ത്തി​ന്റെ സന്ദേശം രംഗത്തു​വ​ന്ന​പ്പോൾ അതു തികച്ചും പുതു​താ​യി​രു​ന്നില്ല. കാൻ പറയു​ന്ന​പ്ര​കാ​രം, “ഈ വസ്‌തു​തകൾ റോമൻലോ​ക​ത്തു​ട​നീ​ളം സുവി​ശേഷം പ്രസം​ഗി​ച്ചു​കൊ​ണ്ടും സഭകൾ സ്ഥാപി​ച്ചു​കൊ​ണ്ടും സഞ്ചരി​ക്കവേ ക്രിസ്‌തീയ മിഷന​റി​മാർക്കു വലിയ സഹായ​മാ​യി​രു​ന്നു.”

അങ്ങനെ യഹൂദ ചിതറൽ ക്രിസ്‌ത്യാ​നി​ത്വ​ത്തി​നു വഴി​യൊ​രു​ക്കി. ക്രിസ്‌ത്യാ​നി​ത്വ​ത്തി​ന്റെ സത്വര​വ്യാ​പനം നടന്നതു ക്രിസ്‌ത്യാ​നി​കൾക്കു മിഷനറി ആത്മാവു​ണ്ടാ​യി​രു​ന്ന​തു​കൊ​ണ്ടാണ്‌. “അൽമാ​യ​ക്കാർ സുവി​ശേഷം പ്രസം​ഗി​ച്ചു,” കാൻ പറയുന്നു, “അവർ പോയ​ട​ത്തെ​ല്ലാം തങ്ങളുടെ പുതു​താ​യി കണ്ടെത്തിയ വിശ്വാ​സം സുഹൃ​ത്തു​ക്കൾക്കും അയൽക്കാർക്കും അപരി​ചി​തർക്കും സന്തോ​ഷ​പൂർവം പങ്കു​വെച്ചു” എന്നു സൂചി​പ്പി​ച്ചു​കൊ​ണ്ടു​തന്നെ. ചരി​ത്ര​കാ​ര​നായ വിൽ ഡൂറൻറ്‌ ഇങ്ങനെ വിശദീ​ക​രി​ക്കു​ന്നു: “മിക്കവാ​റും ഓരോ പുതു പരിവർത്തി​ത​നും ഒരു വിപ്ലവ​കാ​രി​യു​ടെ തീവ്ര​ത​യോ​ടെ പ്രചാ​ര​ണ​ത്തിന്‌ ഉത്തരവാ​ദി​ത്വം വഹിച്ചു.”

പൊ.യു. 300 ആയതോ​ടെ, ക്രിസ്‌ത്യാ​നി​ത്വ​ത്തി​ന്റെ ഒരു ദുഷിച്ച രൂപം റോമാ​സാ​മ്രാ​ജ്യ​ത്തു​ട​നീ​ളം വിപു​ല​മാ​യി വ്യാപി​ച്ചി​രു​ന്നു. അങ്ങനെ​യുള്ള ദുഷിപ്പ്‌, നിർമ​ലാ​രാ​ധ​ന​യിൽനി​ന്നുള്ള ഒരു വീഴ്‌ച, ഉണ്ടാകു​മെന്നു മുൻകൂ​ട്ടി​പ്പ​റ​ഞ്ഞി​രു​ന്നു. (2 തെസ്സ​ലൊ​നീ​ക്യർ 2:3-10) ഒരു വിശ്വാ​സ​ത്യാ​ഗം യഥാർഥ​മാ​യി സംഭവി​ച്ചു. ഡൂറൻറ്‌ ഇങ്ങനെ വിശദീ​ക​രി​ക്കു​ന്നു: “ക്രിസ്‌ത്യാ​നി​ത്വം പുറജാ​തീ​യ​ചി​ന്തയെ നശിപ്പി​ച്ചില്ല; അത്‌ അതിനെ സ്വീക​രി​ച്ചു.”

ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്നവർ സത്യ​ക്രി​സ്‌ത്യാ​നി​ത്വ​ത്തിൽനിന്ന്‌ അകന്നക​ന്നു​പോ​യ​പ്പോൾ അവരിൽ മിക്കവർക്കും മിഷനറി ആത്മാവു നഷ്ടപ്പെട്ടു. എന്നിരു​ന്നാ​ലും, മിഷനറി ആത്മാവ്‌ ഉണ്ടായി​രുന്ന ഒരാൾ നാലാം നൂററാ​ണ്ടി​ന്റെ അവസാ​ന​ത്തോ​ട​ടു​ത്തു ബ്രിട്ട​നിൽ കത്തോ​ലി​ക്കാ​മാ​താ​പി​താ​ക്കൾക്കു പിറന്ന ഒരു കുട്ടി​യാ​യി​രു​ന്നു. പാട്രിക്‌ എന്നു പേരു​ണ്ടാ​യി​രുന്ന അയാൾ യൂറോ​പ്പി​ന്റെ പടിഞ്ഞാ​റെ വക്കോളം—അയർല​ണ്ടി​ലേക്ക്‌—ക്രിസ്‌തു​വി​ന്റെ സന്ദേശം എത്തിച്ച​തിൽ പ്രസി​ദ്ധ​നാണ്‌. ഐതി​ഹ്യ​പ്ര​കാ​രം, അദ്ദേഹം ആയിര​ക്ക​ണ​ക്കി​നാ​ളു​കളെ പരിവർത്തി​പ്പി​ക്കു​ക​യും നൂറു​ക​ണ​ക്കി​നു സഭകൾ സ്ഥാപി​ക്കു​ക​യും ചെയ്‌തു.

പെട്ടെ​ന്നു​ത​ന്നെ അയർലണ്ട്‌ മിഷന​റി​വേ​ല​യിൽ നേതൃ​ത്വം വഹിച്ചു​തു​ടങ്ങി. കാൻ പറയു​ന്ന​പ്ര​കാ​രം “അവിടത്തെ മിഷന​റി​മാർ ഉജ്ജ്വല​മായ തീക്ഷ്‌ണ​ത​യോ​ടെ പുറജാ​തീയ മതത്തി​നെ​തി​രെ​യുള്ള പോരാ​ട്ട​ത്തിൽ പാഞ്ഞു​ന​ടന്നു.” ഈ മിഷന​റി​മാ​രിൽ ഒരാൾ കൊളംബ ആയിരു​ന്നു. അദ്ദേഹം പ്രത്യ​ക്ഷ​ത്തിൽ സ്‌കോ​ട്ട്‌ല​ണ്ടി​നെ പരിവർത്തി​പ്പി​ക്കു​ന്ന​തിൽ ഒരു മുഖ്യ പങ്കു വഹിച്ചു. പൊ.യു. ഏതാണ്ട്‌ 563-ൽ അദ്ദേഹ​വും 12 സഹപ്ര​വർത്ത​ക​രും സ്‌കോ​ട്ട്‌ല​ണ്ടി​ന്റെ പടിഞ്ഞാ​റേ തീരത്തു​നി​ന്നു വേർപെ​ട്ടു​കി​ട​ന്നി​രുന്ന ഒരു ദ്വീപായ ലോണ​യിൽ ഒരു സന്യാ​സി​മഠം സ്ഥാപിച്ചു. അതു മിഷന​റി​പ്ര​വർത്ത​ന​ത്തി​ന്റെ കേന്ദ്ര​മാ​യി​ത്തീർന്നു. കൊളംബ പൊ.യു. 600-നു തൊട്ടു​മുമ്പ്‌ മരിച്ചു, എന്നാൽ അടുത്ത 200 വർഷങ്ങ​ളിൽ മിഷന​റി​മാർ ലോണാ​യിൽനി​ന്നു ബ്രിട്ടീ​ഷ്‌ദ്വീ​പു​ക​ളു​ടെ​യും യൂറോ​പ്പി​ന്റെ​യും എല്ലാ ഭാഗങ്ങ​ളി​ലേ​ക്കും തുടർന്ന്‌ അയക്ക​പ്പെ​ട്ടു​കൊ​ണ്ടി​രു​ന്നു.

നാമധേയ ക്രിസ്‌ത്യാ​നി​ത്വം ഇംഗ്ലണ്ടി​ലേക്കു വ്യാപിച്ച ശേഷം, ചില ഇംഗ്ലീഷ്‌ പരിവർത്തി​തർ അയർല​ണ്ടു​കാ​രു​ടെ മിഷനറി ആത്മാവ്‌ പകർത്തു​ക​യും അവർതന്നെ മിഷന​റി​മാ​രാ​യി​ത്തീ​രു​ക​യും ചെയ്‌തു. ദൃഷ്ടാ​ന്ത​ത്തിന്‌, പൊ.യു. 692-ൽ വടക്കൻ ഇംഗ്ലണ്ടി​ലെ ഒരു പുരാതന ആംഗ്ലോ-സാക്‌സൺ രാജ്യ​മായ നോർത്തം​ബ്രി​യാ​യിൽനി​ന്നുള്ള വിലി​ബ്രോർഡും 11 സഹപ്ര​വർത്ത​ക​രും നെതർലാൻഡ്‌സ്‌, ബെൽജി​യം, ലക്‌സം​ബർഗ്‌ എന്നിവി​ട​ങ്ങ​ളി​ലേ​ക്കുള്ള ആദ്യ ഇംഗ്ലീഷ്‌ മിഷന​റി​മാ​രാ​യി​ത്തീർന്നു.

എട്ടാം നൂററാ​ണ്ടി​ന്റെ പ്രാരം​ഭ​കാ​ലത്ത്‌, ഒരു ഇംഗ്ലീഷ്‌ ബെനഡി​ക്‌ടൈൻ സന്യാ​സി​യായ ബോണി​ഫെസ്‌ ജർമനി​യി​ലേക്കു തന്റെ ശ്രദ്ധ തിരിച്ചു. ബോണി​ഫെ​സി​ന്റെ “ഊർജിത മിഷനറി പ്രവർത്തനം നാല്‌പതു വർഷം നീളു​ക​യും ജർമനി​യു​ടെ അപ്പോ​സ്‌തലൻ” എന്ന സ്ഥാനപ്പേർ അദ്ദേഹ​ത്തി​നു നേടി​ക്കൊ​ടു​ക്കു​ക​യും “അന്ധകാ​ര​യു​ഗ​ത്തി​ലെ ഏററവും വലിയ മിഷനറി” ആയിത്തീ​രാൻ അദ്ദേഹത്തെ സഹായി​ക്കു​ക​യും ചെയ്‌തു എന്നു കാൻ പറയുന്നു. ബോണി​ഫെ​സിന്‌ 70-ൽപരം വയസ്സാ​യ​പ്പോൾ അദ്ദേഹ​വും 50 സഹപ്ര​വർത്ത​ക​രും ഫ്രിസി​യൻ അവിശ്വാ​സി​ക​ളാൽ കൊല്ല​പ്പെട്ടു.

മതവി​ജ്ഞാ​ന​കോ​ശം (ഇംഗ്ലീഷ്‌) കത്തോ​ലി​ക്കാ​മ​ത​ത്തി​ലേക്കു പുതു​വി​ശ്വാ​സി​കളെ ഉളവാ​ക്കു​ന്ന​തി​നു ബോണി​ഫെസ്‌ വിജയ​പ്ര​ദ​മാ​യി ഉപയോ​ഗിച്ച ഒരു രീതി വർണി​ക്കു​ന്നു: “ജിസ്‌മാ​റിൽ [ജർമനി​യി​ലെ ഗോട്ടിം​ഗനു സമീപം] അദ്ദേഹം തോറി​ലെ വിശുദ്ധ ഓക്കു​മരം വെട്ടി​യി​ടാൻ മുതിർന്നു. . . . ജർമൻ കുല​ദൈ​വ​ത്തിൽനി​ന്നുള്ള പ്രതി​കാ​രം ഉണ്ടാകാ​തി​രു​ന്ന​പ്പോൾ അദ്ദേഹം പ്രസം​ഗിച്ച ദൈവം ആരാധി​ക്ക​പ്പെ​ടു​ക​യും വന്ദിക്ക​പ്പെ​ടു​ക​യും ചെയ്യേണ്ട ഏക സത്യ​ദൈവം ആണെന്നു വ്യക്തമാ​യി.”

ചില മിഷന​റി​മാർ പ്രത്യ​ക്ഷ​ത്തിൽ ലക്ഷ്യം മാർഗത്തെ സാധൂ​ക​രി​ക്കു​ന്നു​വെന്നു വിചാ​രി​ച്ചു​കൊ​ണ്ടു മററു രീതികൾ സ്വീക​രി​ച്ചു. ജർമാ​നിക്‌ സാക്‌സൻമാ​രു​ടെ പരിവർത്തനം “സാധി​ച്ചതു ധാർമി​ക​മോ മതപര​മോ ആയ പ്രേര​ണ​യാ​ലല്ല, പിന്നെ​യോ സൈനി​ക​വി​ജ​യ​ത്താൽ” ആയിരു​ന്നെന്നു കാൻ സമ്മതി​ക്കു​ന്നു. അദ്ദേഹം ഇങ്ങനെ കൂട്ടി​ച്ചേർക്കു​ന്നു: “സഭയും സംസ്ഥാ​ന​വു​മാ​യുള്ള അവിശുദ്ധ കൂട്ടു​കെട്ട്‌ ആത്മീയ​ല​ക്ഷ്യ​ങ്ങൾ നേടാൻ ജഡിക ആയുധങ്ങൾ ഉപയോ​ഗി​ക്കു​ന്ന​തി​നു സഭയെ പ്രേരി​പ്പി​ച്ചു. ഈ നയം വിശേ​ഷി​ച്ചു സാക്‌സൺമാ​രു​ടെ ഇടയിലെ ക്രിസ്‌തീയ മിഷൻപ്ര​വർത്ത​ന​ത്തി​ലേ​തി​ലു​മ​ധി​കം മറെറാ​രി​ട​ത്തും അപകട​ക​ര​മാ​യി​രു​ന്നി​ട്ടില്ല. . . . ക്രൂര​തകൾ കാട്ട​പ്പെട്ടു.” മിഷന​റി​മാർ സ്‌കാൻഡി​നേ​വ്യ​യി​ലേക്കു നീങ്ങി​യ​പ്പോൾ “പരിവർത്തനം ഏറെയും സമാധാ​ന​പ​ര​മാ​യി​രു​ന്നു; നോർവേ​യിൽ മാത്രമേ ബലം പ്രയോ​ഗി​ക്ക​പ്പെ​ട്ടു​ള്ളു എന്നു നമ്മോടു പറയുന്നു.”

ബലപ്ര​യോ​ഗ​മോ? ക്രൂരത കാട്ടലോ? ആത്മീയ ലക്ഷ്യങ്ങൾ നേടാ​നുള്ള ജഡികാ​യു​ധ​ങ്ങ​ളു​ടെ ഉപയോ​ഗ​മോ? വെളി​ച്ച​ത്തി​ന്റെ ഏജൻറു​മാ​രാ​യി സേവി​ക്കുന്ന മിഷന​റി​മാ​രിൽനി​ന്നു നാം പ്രതീ​ക്ഷി​ക്കേ​ണ്ടത്‌ ഇതാണോ?

ഒരു വിഭജിത ഭവനത്തി​ലെ മിഷന​റി​മാർ

റോമി​ലും കോൺസ്‌റ​റാൻറി​നോ​പ്പി​ളി​ലും ആചരി​ച്ചു​വന്ന നാമധേയ ക്രിസ്‌ത്യാ​നി​ത്വ​ത്തി​ന്റെ രണ്ടു ശാഖകൾ വേറിട്ട മിഷന​റി​പ്ര​സ്ഥാ​നങ്ങൾ നടത്തി. ബൾഗേ​റി​യയെ “ക്രിസ്‌തീ​യ​വൽക്ക​രി​ക്കാ​നുള്ള” അവരുടെ ശ്രമങ്ങൾ മതപര​മാ​യി വിയോ​ജി​പ്പുള്ള ഒരു ഭവനത്തിൽ സാധാ​ര​ണ​മായ കലക്കത്തി​ലേക്കു നയിച്ചു. ബൾഗേ​റി​യ​യി​ലെ ഭരണാ​ധി​കാ​രി​യായ ബോറിസ്‌ ഗ്രീക്ക്‌ ഓർത്ത​ഡോ​ക്‌സ്‌ സഭയി​ലേക്കു പരിവർത്തനം ചെയ്‌തു. എന്നിരു​ന്നാ​ലും, ബൾഗേ​റി​യൻ സഭയുടെ സ്വാത​ന്ത്ര്യ​ത്തെ കോൺസ്‌റ​റാൻറി​നോ​പ്പിൾ കഠിന​മാ​യി നിയ​ന്ത്രി​ച്ച​താ​യി മനസ്സി​ലാ​ക്കി​യ​തോ​ടെ അദ്ദേഹം റോമി​നെ പ്രതി​നി​ധാ​നം​ചെ​യ്യുന്ന ജർമൻ മിഷന​റി​മാ​രു​ടെ ക്രിസ്‌തീയ മതഭേദം ആനയി​ക്കാൻ അനുവ​ദി​ച്ചു​കൊ​ണ്ടു പടിഞ്ഞാ​റോ​ട്ടു തിരിഞ്ഞു. പൊ.യു. 870 ആയപ്പോ​ഴേക്കു പാശ്ചാ​ത്യ​സഭ പൗരസ്‌ത്യ​സ​ഭ​യെ​ക്കാൾ നിയ​ന്ത്രണം ചെലു​ത്തു​ന്ന​താ​ണെന്നു സ്‌പഷ്ട​മാ​യി. തന്നിമി​ത്തം ജർമൻകാർ പുറത്താ​ക്ക​പ്പെ​ടു​ക​യും ബൾഗേ​റി​യാ പൗരസ്‌ത്യ ഓർത്ത​ഡോ​ക്‌സ്‌സ​ഭ​യു​ടെ ആശ്ലേഷ​ത്തി​ലേക്കു മടങ്ങി​പ്പോ​കു​ക​യും ചെയ്‌തു. മതപര​മാ​യി പറഞ്ഞാൽ അത്‌ അവിടെ പിന്നീ​ടെ​ക്കാ​ല​വും സ്ഥിതി​ചെ​യ്‌തി​രി​ക്കു​ന്നു.

അതേസ​മ​യം പാശ്ചാത്യ മിഷന​റി​മാർ ഹംഗറി​യിൽ “ക്രിസ്‌ത്യാ​നി​ത്വം” അവതരി​പ്പി​ക്കു​ക​യാ​യി​രു​ന്നു. ഇതിനി​ട​യിൽ പോള​ണ്ടിൽ “ക്രിസ്‌ത്യാ​നി​ത്വ”ത്തിന്റെ രണ്ടു ശാഖക​ളും പിന്തുണ നേടി. മതവി​ജ്ഞാ​ന​കോ​ശം (ഇംഗ്ലീഷ്‌) പറയു​ന്ന​ത​നു​സ​രിച്ച്‌, “പോള​ണ്ടു​കാ​രു​ടെ സഭ പൊതു​വേ പടിഞ്ഞാ​റി​ന്റെ നിയ​ന്ത്ര​ണ​ത്തി​ലാ​യി​രു​ന്നു. അതേസ​മയം ഗണ്യമായ പൗരസ്‌ത്യ സ്വാധീ​നം പ്രകട​മാ​ക്കു​ക​യും ചെയ്‌തു.” ലിത്വാ​നി​യാ​യും ലാത്വി​യാ​യും എസ്‌റേ​റാ​ണി​യാ​യും “പാശ്ചാ​ത്യ​ശ​ക്തി​ക​ളും പൗരസ്‌ത്യ​ശ​ക്തി​ക​ളും തമ്മിലുള്ള മാത്സര്യ​ത്തിൽ അകപ്പെട്ടു, സഭാപ​ര​മായ സകല പരിണ​ത​ഫ​ല​ങ്ങ​ളോ​ടും​കൂ​ടെ.” 11-ാം നൂററാ​ണ്ടി​ന്റെ ഒടുവി​ലും 12-ാം നൂററാ​ണ്ടി​ന്റെ പ്രാരം​ഭ​കാ​ല​ത്തും ഫിൻലണ്ട്‌ “ക്രിസ്‌ത്യാ​നി​ത്വം” സ്വീക​രിച്ച ശേഷം അതും പൗരസ്‌ത്യ പാശ്ചാത്യ വടംവ​ലി​യിൽ ഉൾപ്പെട്ടു.

ഒൻപതാം നൂററാ​ണ്ടിൽ, തെസ്സ​ലോ​നീ​ക്യ​യി​ലെ ഒരു പ്രമുഖ ഗ്രീക്ക്‌ കുടും​ബ​ത്തിൽനി​ന്നുള്ള രണ്ടു സഹോ​ദ​രൻമാർ യൂറോ​പ്പി​ലെ​യും ഏഷ്യയി​ലെ​യും സ്ലാവു​വി​ഭാ​ഗ​ങ്ങ​ളി​ലേക്കു ബൈസൻറയ്‌ൻ “ക്രിസ്‌ത്യാ​നി​ത്വം” ആനയിച്ചു. കോൺസ്‌റ​റൻറയ്‌ൻ എന്നും വിളി​ക്ക​പ്പെ​ടുന്ന സിറി​ലും മെതോ​ഡി​യ​സും “സ്ലാവു​ക​ളു​ടെ അപ്പോ​സ്‌ത​ലൻമാർ” എന്നറി​യ​പ്പെട്ടു.

സിറി​ലി​ന്റെ നേട്ടങ്ങ​ളി​ലൊന്ന്‌, സ്ലാവു​കൾക്കു​വേ​ണ്ടി​യുള്ള ഒരു ലിഖി​ത​ഭാ​ഷ​യു​ടെ വികസി​പ്പി​ക്ക​ലാ​യി​രു​ന്നു. എബ്രായ, ഗ്രീക്ക്‌ അക്ഷരങ്ങ​ളിൽ അധിഷ്‌ഠി​ത​മായ അതിന്റെ അക്ഷരമാല സിറി​ലിക്‌ അക്ഷരമാല എന്നറി​യ​പ്പെ​ടു​ന്നു. ഇപ്പോ​ഴും അതു റഷ്യൻ, ഉക്രേ​നി​യൻ, ബൾഗേ​റി​യൻ, സെർബി​യൻ എന്നിങ്ങ​നെ​യുള്ള ഭാഷക​ളിൽ ഉപയോ​ഗി​ക്ക​പ്പെ​ടു​ന്നു. ഈ രണ്ടു സഹോ​ദ​രൻമാർ ബൈബി​ളി​ന്റെ ഒരു ഭാഗം പുതിയ ലിഖിത ഭാഷയി​ലേക്കു വിവർത്ത​നം​ചെ​യ്യു​ക​യും സ്ലാവി​ക്കിൽ ആരാധ​നാ​ക്രമം അവതരി​പ്പി​ക്കു​ക​യും ചെയ്‌തു. ഇതു പാശ്ചാ​ത്യ​സ​ഭ​യു​ടെ നയത്തിനു വിരു​ദ്ധ​മാ​യി​രു​ന്നു; അവർ ആരാധ​നാ​ക്രമം ലത്തീനി​ലും ഗ്രീക്കി​ലും എബ്രാ​യ​യി​ലും നിലനിർത്താൻ ആഗ്രഹി​ച്ചു. ഗ്രന്ഥകാ​ര​നായ കാൻ പറയുന്നു: “കോൺസ്‌റ​റാൻറി​നോ​പ്പിൾ പ്രോ​ത്സാ​ഹി​പ്പി​ച്ച​തും എന്നാൽ റോം കുററം​വി​ധി​ച്ച​തു​മായ ഒരു ആചാര​മായ, ആരാധ​ന​യി​ലെ മാതൃ​ഭാ​ഷ​യു​ടെ ഉപയോ​ഗം ഒരു പുതിയ വ്യതി​യാ​ന​മാ​യി​രു​ന്നു, അതു പത്തൊ​മ്പ​തും ഇരുപ​തും നൂററാ​ണ്ടു​ക​ളി​ലെ ആധുനിക മിഷനറി ഉദ്യമ​ത്തിൽ പൂർണ​വി​ക​സി​ത​മായ ഒരു വഴക്കമാ​യി​ത്തീ​രു​ക​യും ചെയ്‌തു.”

ഇപ്പോൾ മുൻ സോവ്യ​ററ്‌ യൂണിയൻ എന്നറി​യ​പ്പെ​ടുന്ന പ്രദേ​ശ​ങ്ങ​ളിൽ, പത്താം നൂററാ​ണ്ടി​ന്റെ അവസാ​ന​മാ​യ​തോ​ടെ നാമധേയ ക്രിസ്‌ത്യാ​നി​ത്വം അവതരി​പ്പി​ക്ക​പ്പെട്ടു. ഉക്രേ​യ്‌നി​ലെ കീവി​ലുള്ള വ്‌ളാ​ഡി​മിർ രാജകു​മാ​രൻ പൊ.യു. 988-ൽ സ്‌നാ​പനം ഏററു​വെ​ന്നാ​ണു പാരമ്പ​ര്യം. അദ്ദേഹം യഹൂദ​മ​ത​ത്തെ​യും ഇസ്ലാമി​നെ​യും അപേക്ഷി​ച്ചു “ക്രിസ്‌തീയ” മതത്തിന്റെ ബൈസൻറയ്‌ൻ രൂപത്തെ പ്രത്യാ​ശ​യു​ടെ​യോ സത്യത്തി​ന്റെ​യോ ഏതെങ്കി​ലും സന്ദേശം നിമി​ത്തമല്ല, പിന്നെ​യോ അതിന്റെ ഗംഭീ​ര​മായ കർമാ​നു​ഷ്‌ഠാ​നങ്ങൾ നിമിത്തം ഇഷ്ടപ്പെ​ട്ടു​വെന്നു പറയ​പ്പെ​ടു​ന്നു.

യഥാർഥ​ത്തിൽ, “വ്‌ളാ​ഡി​മി​റി​ന്റെ പരിവർത്ത​ന​ത്തി​ന്റെ കാലം, തന്റെ രാഷ്‌ട്രീയ താത്‌പ​ര്യ​ങ്ങൾക്കു​വേ​ണ്ടി​യാണ്‌ അദ്ദേഹം പുതിയ മതം സ്വീക​രി​ച്ച​തെന്നു സൂചി​പ്പി​ക്കു​ന്നു, അങ്ങനെ റഷ്യൻ ഓർത്ത​ഡോ​ക്‌സ്‌ സഭയുടെ ചരി​ത്ര​ത്തി​ലു​ട​നീ​ളം ഫലത്തിൽ ഇടമു​റി​യാ​തെ ഉണ്ടായി​രുന്ന ഒരു പാരമ്പ​ര്യ​ത്തി​നു തുടക്ക​മി​ട്ടു” എന്നു വിശ്വാ​സങ്ങൾ കാക്കൽ—സോവ്യ​ററ്‌ യൂണി​യ​നി​ലെ മതവും പ്രത്യ​യ​ശാ​സ്‌ത്ര​വും (ഇംഗ്ലീഷ്‌) എന്ന പുസ്‌തകം പറയുന്നു. അനന്തരം ഈ പുസ്‌തകം ഗൗരവ​മായ പിൻവ​രുന്ന ആശയം കൂട്ടി​ച്ചേർക്കു​ന്നു: “സഭ പൊതു​വേ, ഗവൺമെൻറി​ന്റെ താത്‌പ​ര്യ​ങ്ങളെ സേവി​ക്കാൻ സന്നദ്ധമാ​യി​രു​ന്നി​ട്ടുണ്ട്‌, ഗവൺമെൻറ്‌ സഭയുടെ താത്‌പ​ര്യ​ങ്ങ​ളിൽ കൈ​യേ​ററം നടത്തി​യ​പ്പോൾപോ​ലും.”

തന്റെ പ്രജകൾ ക്രിസ്‌ത്യാ​നി​ക​ളാ​യി സ്‌നാ​പനം ഏൽക്കണ​മെന്നു വ്‌ളാ​ഡി​മിർ കല്‌പി​ച്ചു; അവർക്ക്‌ ഈ കാര്യ​ത്തിൽ തെര​ഞ്ഞെ​ടു​പ്പു​സ്വാ​ത​ന്ത്ര്യം ഇല്ലായി​രു​ന്നു. “അദ്ദേഹം ഓർത്ത​ഡോ​ക്‌സ്‌സ​ഭയെ സംസ്ഥാ​ന​മ​ത​മാ​യി അംഗീ​ക​രിച്ച ഉടനെ നാടൻ സ്ലാവ്‌ഗോ​ത്ര​ങ്ങ​ളു​ടെ പാരമ്പ​ര്യ​മ​താ​ചാ​ര​ങ്ങളെ പിഴു​തു​മാ​റ​റുന്ന ഒരു കർമപ​രി​പാ​ടി നടപ്പി​ലാ​ക്കി” എന്നു പോൾ സ്‌ററീ​വ്‌സ്‌ പറയുന്നു. ദൃഷ്ടാ​ന്ത​ത്തിന്‌, ആളുകൾ മുമ്പു പുറജാ​തീയ വിഗ്ര​ഹ​ങ്ങൾക്കു ബലി ചെയ്‌ത സ്ഥാനങ്ങ​ളിൽ അദ്ദേഹം പള്ളികൾ പണിതു. സ്‌ററീ​വ്‌സ്‌ ഇങ്ങനെ കൂട്ടി​ച്ചേർക്കു​ന്നു: “എന്നിരു​ന്നാ​ലും പുറജാ​തി​മ​ത​ത്തി​ന്റെ ശേഷിപ്പു പല നൂററാ​ണ്ടു​ക​ളോ​ളം അതിജീ​വി​ക്കു​ക​യും ഒടുവിൽ അതു നീക്കം​ചെ​യ്യ​പ്പെ​ടു​ന്ന​തി​നു പകരം റഷ്യൻ മതജീ​വി​ത​ത്തി​ലേക്കു സ്വീക​രി​ക്ക​പ്പെ​ടു​ക​യും ചെയ്‌തു.”

ഈ ഇളകുന്ന അടിത്തറ ഗണ്യമാ​ക്കാ​തെ, റഷ്യൻ ഓർത്ത​ഡോ​ക്‌സ്‌ സഭ തീക്ഷ്‌ണ​ത​യോ​ടെ മിഷന​റി​വേ​ലയെ പിന്താങ്ങി. സെയിൻറ്‌ വ്‌ളാ​ഡി​മിർസ്‌ ഓർത്ത​ഡോ​ക്‌സ്‌ തിയൊ​ളോ​ജി​ക്കൽ സെമി​നാ​രി​യി​ലെ തോമസ്‌ ഹോപ്‌ക്കോ ഇങ്ങനെ പറയുന്നു: “സാമ്രാ​ജ്യ​ത്തി​ന്റെ കിഴക്കൻ പ്രദേ​ശ​ങ്ങ​ളിൽ കുടി​പാർപ്പാ​രം​ഭി​ക്കു​ക​യും അവിടെ സുവി​ശേ​ഷീ​ക​രി​ക്ക​യും ചെയ്‌ത​പ്പോൾ തിരു​വെ​ഴു​ത്തു​ക​ളും സഭാശു​ശ്രൂ​ഷ​ക​ളും അനേകം സൈബീ​രി​യൻ ഭാഷക​ളി​ലേ​ക്കും അലാസ്‌കൻ ഉപഭാ​ഷ​ക​ളി​ലേ​ക്കും വിവർത്ത​നം​ചെ​യ്യ​പ്പെട്ടു.”

തീവ്ര മിഷന​റി​പ്ര​വർത്തനം

16-ാം നൂററാ​ണ്ടി​ലെ നവീക​രണം യൂറോ​പ്പി​ലു​ട​നീ​ളം ആത്മീയ തീ ജ്വലി​പ്പി​ക്കു​ക​യു​ണ്ടാ​യി. പ്രോ​ട്ട​സ്‌റ​റൻറ്‌ നേതാ​ക്കൻമാർ, ഓരോ​രു​ത്ത​രും അവനവന്റെ മാർഗ​ത്തിൽ മതത്തി​ലുള്ള പൊതു​ജന താത്‌പ​ര്യം പുനരു​ജ്ജീ​വി​പ്പി​ക്കവേ തീവ്ര​മായ “ക്രിസ്‌തീയ” മിഷന​റി​പ്ര​വർത്ത​ന​ത്തിന്‌ അടിസ്ഥാ​ന​മി​ട​പ്പെട്ടു. ജർമൻഭാ​ഷ​യി​ലേ​ക്കുള്ള ലൂഥറി​ന്റെ ബൈബിൾവി​വർത്തനം സുപ്ര​ധാ​ന​മാ​യി​രു​ന്നു, ഇംഗ്ലീ​ഷി​ലേ​ക്കുള്ള വില്യം ററിൻഡേ​യ്‌ലി​ന്റെ​യും മൈൽസ്‌ കവർഡേ​യ്‌ലി​ന്റെ​യും ഭാഷാ​ന്ത​ര​ങ്ങ​ളും അങ്ങനെ​തന്നെ.

പിന്നീട്‌, 17-ാം നൂററാ​ണ്ടിൽ, ഭക്തി​പ്ര​സ്ഥാ​നം എന്നപേ​രിൽ ജർമനി​യിൽ ഒരു പ്രസ്ഥാനം ഉയർന്നു​വന്നു. അതു ബൈബിൾപ​ഠ​ന​ത്തി​നും വ്യക്തി​പ​ര​മായ മതാനു​ഭ​വ​ത്തി​നും ഊന്നൽ കൊടു​ത്തു. മതവി​ജ്ഞാ​ന​കോ​ശം ഇങ്ങനെ വിശദീ​ക​രി​ക്കു​ന്നു: “ക്രിസ്‌തു​വിൻ സുവി​ശേ​ഷ​ത്തി​ന്റെ ആവശ്യ​മുള്ള മനുഷ്യ​രാ​ശി​യെ​സം​ബ​ന്ധിച്ച അതിന്റെ ദർശനം വിദേ​ശീ​യ​വും സ്വദേ​ശീ​യ​വു​മായ മിഷനറി സംരം​ഭ​ങ്ങ​ളു​ടെ ആവിർഭാ​വ​ത്തി​നും സത്വര വികസ​ന​ത്തി​നും ഇടയാക്കി.”

ഇന്ന്‌, നമ്മുടെ 20-ാം നൂററാ​ണ്ടി​ലെ നിരീ​ശ്വര കമ്മ്യു​ണി​സ​ത്തി​ന്റെ​യും സമഗ്രാ​ധി​പത്യ പ്രത്യ​യ​ശാ​സ്‌ത്ര​ങ്ങ​ളു​ടെ​യും ഉയർച്ചയെ തടയാൻ തക്ക ശക്തമായ ക്രിസ്‌തീയ വിശ്വാ​സ​വും പ്രത്യാ​ശ​യും തങ്ങളുടെ യൂറോ​പ്യൻ പുതു​വി​ശ്വാ​സി​ക​ളിൽ ജനിപ്പി​ക്കു​ന്ന​തിൽ ക്രൈ​സ്‌ത​വ​ലോ​ക​ത്തി​ന്റെ മിഷന​റി​മാർ സങ്കടക​ര​മാ​യി പരാജ​യ​പ്പെ​ട്ടു​വെന്നു കാണാൻ കഴിയും. ചില രാജ്യ​ങ്ങ​ളി​ലെ കമ്മ്യു​ണി​സ​ത്തി​ന്റെ ചരമം​മു​തൽ മിഷന​റി​മാർ തങ്ങളുടെ പ്രവർത്തനം പുനരു​ജ്ജീ​വി​പ്പി​ച്ചി​രി​ക്കു​ന്നു. എന്നാൽ റോമൻ കത്തോ​ലി​ക്ക​രും ഓർത്ത​ഡോ​ക്‌സ്‌ കത്തോ​ലി​ക്ക​രും പ്രോ​ട്ട​സ്‌റ​റൻറു​കാ​രും തങ്ങൾ പങ്കു​വെ​ക്കു​ന്ന​താ​യി അവകാ​ശ​പ്പെ​ടുന്ന ക്രിസ്‌തീയ വിശ്വാ​സ​ത്തിൽ ഏകീകൃ​തരല്ല.

റോമൻ കത്തോ​ലി​ക്കാ ക്രോ​ട്ടു​ക​ളും ഓർത്ത​ഡോ​ക്‌സ്‌ സെർബു​ക​ളും ക്രൈ​സ്‌ത​വ​ലോ​ക​ത്തി​ന്റെ മിഷന​റി​ഫ​ല​ത്തി​ന്റെ ഭാഗമാണ്‌. ഒരു വിയോ​ജി​പ്പുള്ള ഭവനത്തി​ന്റെ അപകീർത്തി​യെ ക്രൈ​സ്‌ത​വ​ലോ​ക​ത്തി​ന്റേ​തി​നെ​ക്കാൾ മെച്ചമാ​യി മറെറ​ന്താ​ണു വിശദ​മാ​ക്കു​ന്നത്‌? ആദ്യം പരസ്‌പരം തോക്കു​യർത്തു​ന്ന​തും അനന്തരം അവ ക്രിസ്‌തീ​യേതര അയൽക്കാർക്കെ​തി​രെ തിരി​ക്കു​ന്ന​തിൽ ഒത്തു​ചേ​രു​ന്ന​തും ഏതുതരം ക്രിസ്‌തീയ “സഹോ​ദ​രൻമാ​രാ”ണ്‌? കപട ക്രിസ്‌ത്യാ​നി​കൾക്കു​മാ​ത്രമേ അത്തരം ക്രിസ്‌തീയ വിരുദ്ധ നടത്തസം​ബ​ന്ധി​ച്ചു കുററ​ക്കാ​രാ​യി​രി​ക്കാൻ കഴിയൂ.—മത്തായി 5:43-45; 1 യോഹ​ന്നാൻ 3:10-12.

ക്രൈ​സ്‌ത​വ​ലോ​ക​ത്തി​ലെ എല്ലാ മിഷന​റി​മാ​രും തക്ക യോഗ്യ​ത​യു​ണ്ടാ​യി​രി​ക്കു​ന്ന​തിൽ പരാജ​യ​പ്പെ​ട്ടു​പോ​യോ? അവർ ഏഷ്യയിൽ എന്തു സാധി​ച്ചു​വെന്നു മനസ്സി​ലാ​ക്കി​ക്കൊ​ണ്ടു നമുക്കു നമ്മുടെ പരി​ശോ​ധന തുടരാം. “ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ സകലതും ഉത്ഭവി​ച്ചി​ട​ത്തേക്കു തിരി​ച്ചു​പോ​കു​ന്നു” എന്ന ശീർഷ​ക​ത്തിൽ ഞങ്ങളുടെ അടുത്ത ലക്കത്തി​ലുള്ള ലേഖനം വായി​ക്കുക.

[21-ാം പേജിലെ ചിത്രം]

പുറജാതിദൈവങ്ങൾ അശക്തരാ​ണെന്നു ബോണി​ഫെസ്‌ പ്രകട​മാ​ക്കി​യ​താ​യി പറയ​പ്പെ​ടു​ന്നു

[കടപ്പാട്‌]

Picture from the book Die Geschichte der deutschen Kirche und kirchlichen Kunst im Wandel der Jahrhunderte