മിഷന​റി​മാർ—വെളി​ച്ച​ത്തി​ന്റെ ഏജൻറൻമാ​രോ അതോ ഇരുളി​ന്റേ​തോ? ഭാഗം 6

ഇന്നു യഥാർഥ ശിഷ്യരെ ഉളവാക്കൽ

യേശു​ക്രി​സ്‌തു ഇങ്ങനെ കൽപ്പിച്ചു: ‘ആകയാൽ നിങ്ങൾ പുറ​പ്പെട്ടു, സ്‌നാനം കഴിപ്പിച്ച്‌ സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ.’ (മത്തായി 28:19, 20) “എല്ലാ കാലഘ​ട്ട​ത്തി​ലു​മുള്ള ക്രിസ്‌ത്യാ​നി​കൾ” ഈ നിയോ​ഗം “നിറ​വേ​റ​റി​യി​ട്ടുണ്ട്‌” എന്ന്‌ എവരി​മാൻസ്‌ എൻ​സൈ​ക്ലോ​പീ​ഡിയ പറയുന്നു. എന്നിരു​ന്നാ​ലും അതിങ്ങ​നെ​യും കൂട്ടി​ച്ചേർക്കു​ന്നു, “പക്ഷേ ചില​പ്പോ​ഴെ​ല്ലാം അതിനു തീക്ഷ്‌ണത വളരെ കുറവാ​യി​രു​ന്നു.” ദ മിഷനറി മിത്ത്‌ എന്ന പുസ്‌തകം ഇങ്ങനെ​യൊ​രു ചോദ്യം തൊടു​ത്തു​വി​ടു​ന്നു: “മിഷനറി യുഗം അവസാ​നി​ച്ചു​ക​ഴി​ഞ്ഞു​വോ?”

ഈ വർഷം ജനുവ​രി​യിൽ ന്യൂസ്‌വീക്ക്‌ മാഗസിൻ ഇപ്രകാ​രം റിപ്പോർട്ടു ചെയ്‌തു: “ജോൺ പോൾ രണ്ടാമൻ മാർപ്പാ​പ്പാ റോമൻ കത്തോ​ലി​ക്കാ​മ​തത്തെ തെരു​വി​ലി​റ​ക്കു​ന്നു.” ആ മാഗസിൻ ഇങ്ങനെ വിശദീ​ക​രി​ച്ചു: “ആളുകളെ മതപരി​വർത്തനം ചെയ്യി​ക്കു​ന്ന​തി​നു വേണ്ടി പുരോ​ഹി​തേതര സുവി​ശേ​ഷ​ക​രായ 350 പേരെ അദ്ദേഹം റോമി​ലെ നിശാ​ശാ​ല​ക​ളി​ലേ​ക്കും സൂപ്പർ മാർക്ക​റ​റു​ക​ളി​ലേ​ക്കും ഭൂഗർഭ റെയിൽവേ സ്‌റേ​റ​ഷ​നു​ക​ളി​ലേ​ക്കും അയയ്‌ക്കു​ക​യാണ്‌. പരീക്ഷ​ണാ​ടി​സ്ഥാ​ന​ത്തിൽ നടത്തുന്ന ഈ പരിപാ​ടി തുടങ്ങു​ന്നത്‌ കുരി​ശു​വ​ര​പ്പെ​രു​ന്നാൾ ദിവസ​മാണ്‌ (ഫെബ്രു. 16). അതു വിജയി​ക്കു​ന്ന​പക്ഷം പാപ്പാ അത്‌ ആഗോള അടിസ്ഥാ​ന​ത്തിൽ നടത്താൻ പോകു​ക​യാണ്‌—എങ്കിൽ അത്‌ ബ്യൂണസ്‌ അയേഴ്‌സ്‌ മുതൽ ടോക്കി​യോ വരെ കത്തോ​ലി​ക്കാ മിഷന​റി​മാർ വീടു​കൾതോ​റും പോകുന്ന ഒരു നീക്കമാ​യി​രി​ക്കും.”

നേരേ​മ​റിച്ച്‌, സുവി​ശേ​ഷ​വേല ചെയ്യണ​മെന്ന തങ്ങളുടെ ഉത്തരവാ​ദി​ത്വം യഹോ​വ​യു​ടെ സാക്ഷികൾ ദീർഘ​കാ​ല​മാ​യി മനസ്സി​ലാ​ക്കി​യി​ട്ടുണ്ട്‌. (2 തിമൊ​ഥെ​യൊസ്‌ 4:5) എല്ലാവ​രും മിഷന​റി​മാ​രെ​പ്പോ​ലെ വിദേ​ശ​രാ​ജ്യ​ങ്ങ​ളിൽ പ്രസം​ഗ​വേല നടത്തു​ന്നില്ല എന്നതു ശരിയാണ്‌. എന്നാൽ തങ്ങൾ എവിടെ ആയിരു​ന്നാ​ലും അവർക്കു പ്രസം​ഗി​ക്കാൻ കഴിയും—അവർ അങ്ങനെ ചെയ്യു​ന്നു​മുണ്ട്‌. അങ്ങനെ​യൊ​രു അർഥത്തിൽ അവരെ​ല്ലാ​വ​രും മിഷന​റി​മാ​രാണ്‌.

ഒരു പ്രത്യേ​ക​തരം സ്‌കൂൾ

സഹായം അടിയ​ന്തി​ര​മാ​യി ആവശ്യ​മാ​യി​രുന്ന വിദേ​ശ​രാ​ജ്യ​ങ്ങ​ളിൽ മിഷന​റി​മാ​രാ​യി സേവി​ക്കാൻ അനുഭ​വ​സ​മ്പ​ന്ന​രായ ശുശ്രൂ​ഷ​കരെ പരിശീ​ലി​പ്പി​ക്കു​ന്ന​തിന്‌ 1940-കളുടെ ആരംഭ​ത്തിൽ വാച്ച്‌ ടവർ സൊ​സൈ​ററി ഒരു സ്‌കൂൾ സ്ഥാപിച്ചു. കാല​ക്ര​മേണ പാഠ്യ​പ​ദ്ധ​തി​ക്കു ഭേദഗതി വരുത്തി​യി​ട്ടുണ്ട്‌, എന്നാൽ ബൈബിൾ പഠനത്തി​നും സുവി​ശേ​ഷ​വ​ത്‌ക​രണം എന്ന മർമ​പ്ര​ധാ​ന​മായ വേല നിർവ​ഹി​ക്കു​ന്ന​തി​നും ഊന്നൽ നൽകുക എന്ന അടിസ്ഥാന ലക്ഷ്യത്തിൽനിന്ന്‌ അതൊ​രി​ക്ക​ലും വ്യതി​ച​ലി​ച്ചി​ട്ടില്ല.

ഈ പുതിയ സ്‌കൂ​ളി​നു വേണ്ടി തിര​ഞ്ഞെ​ടുത്ത നാമ​ധേയം ഗിലെ​യാദ്‌ എന്നായി​രു​ന്നു, എബ്രായ ഭാഷയിൽ അതിന്റെ അർഥം “സാക്ഷ്യ​ക്കൂ​മ്പാ​രം” എന്നാണ്‌. യഹോ​വ​യു​ടെ മഹത്ത്വ​ത്തി​നാ​യി ഒരു സാക്ഷ്യ​ക്കൂ​മ്പാ​രം കൂട്ടാൻ സഹായി​ക്കു​ക​വഴി, നമ്മുടെ നാളു​ക​ളിൽ നടക്കു​മെന്ന്‌ യേശു മുൻകൂ​ട്ടി​പ്പറഞ്ഞ ഗോള​വ്യാ​പക പ്രസം​ഗ​വേല നിറ​വേ​റ​റു​ന്ന​തിൽ ഗിലെ​യാദ്‌ മർമ​പ്ര​ധാ​ന​മായ ഒരു പങ്കു വഹിച്ചി​ട്ടുണ്ട്‌.—മത്തായി 24:14.

1943-ൽ ആദ്യ ഗിലെ​യാദ്‌ സ്‌കൂ​ളി​ലെ അംഗങ്ങ​ളോ​ടു സംസാ​രി​ക്കവേ വാച്ച്‌ ടവർ സൊ​സൈ​റ​റി​യു​ടെ അന്നത്തെ പ്രസി​ഡൻറാ​യി​രുന്ന നേഥൻ എച്ച്‌. നോർ ഇപ്രകാ​രം പറഞ്ഞു: “രാജ്യ​സ​ന്ദേശം പ്രഖ്യാ​പി​ച്ചു​കൊണ്ട്‌ റോമൻ സാമ്രാ​ജ്യ​ത്തി​ന്റെ എല്ലാ ഭാഗങ്ങ​ളി​ലും യാത്ര ചെയ്‌ത അപ്പോ​സ്‌ത​ല​നായ പൗലോസ്‌, മർക്കോസ്‌, തിമോ​ത്തി, അങ്ങനെ മററു പലരും ചെയ്‌ത​തി​നോ​ടു സമാന​മായ വേലയ്‌ക്കു വേണ്ടി നിങ്ങൾക്കു കൂടു​ത​ലായ പരിശീ​ലനം നൽകു​ക​യാണ്‌. . . . നിങ്ങളു​ടെ പ്രധാന വേല യേശു​വും അപ്പോ​സ്‌ത​ലൻമാ​രും ചെയ്‌ത​തു​പോ​ലെ വീടു​തോ​റും രാജ്യ​ത്തെ​ക്കു​റി​ച്ചുള്ള സുവി​ശേഷം പ്രസം​ഗി​ക്കുക എന്നതാണ്‌.”

ആദ്യ ക്ലാസ്സ്‌ പരിശീ​ലനം പൂർത്തി​യാ​ക്കി​യ​പ്പോൾ അതിലെ ബിരു​ദ​ധാ​രി​കളെ ലാററി​ന​മേ​രി​ക്കൻ രാജ്യ​ങ്ങ​ളി​ലേ​ക്കാണ്‌ അയച്ചത്‌. ഇന്നുവ​രെ​യും 110-ലധികം രാജ്യ​ങ്ങ​ളിൽനി​ന്നുള്ള 6,500-ലധികം വിദ്യാർഥി​കൾ ഗിലെ​യാദ്‌ സ്‌കൂ​ളിൽ പരിശീ​ലി​പ്പി​ക്ക​പ്പെ​ട്ടി​ട്ടുണ്ട്‌. മിഷന​റി​മാ​രെന്ന നിലയിൽ അവരെ 200-ലധികം ദേശങ്ങ​ളി​ലേ​ക്കും ദ്വീപ​സ​മൂ​ഹ​ങ്ങ​ളി​ലേ​ക്കും അയച്ചി​ട്ടു​മുണ്ട്‌.

പല തരത്തി​ലുള്ള മിഷന​റി​മാർ

ഈ പരമ്പര​യി​ലെ മുൻലേ​ഖ​നങ്ങൾ ക്രൈ​സ്‌ത​വ​ലോ​ക​ത്തി​ലെ മിഷന​റി​മാ​രു​ടെ കഴിഞ്ഞ​കാല പ്രവർത്ത​ന​ത്തെ​ക്കു​റി​ച്ചു പറയു​ക​യു​ണ്ടാ​യി. അവരിൽ ഗ്രീൻലൻഡി​ലേക്ക്‌ അയയ്‌ക്ക​പ്പെ​ട്ട​വ​രെ​പ്പോ​ലുള്ള പലരും ബൈബി​ളോ അതിന്റെ ഭാഗങ്ങ​ളോ പ്രാ​ദേ​ശിക ഭാഷയി​ലേക്കു വിവർത്തനം ചെയ്‌തു. എങ്കിൽപ്പോ​ലും ആളുകളെ ബൈബിൾ പഠിപ്പി​ക്കണം എന്നതിനു പകരം പലപ്പോ​ഴും മററു പല താത്‌പ​ര്യ​ങ്ങ​ളാണ്‌ ആ ആദ്യകാല മിഷന​റി​മാർക്കു​ണ്ടാ​യി​രു​ന്നത്‌.

ഉദാഹ​ര​ണ​ത്തിന്‌, ജപ്പാനി​ലേക്ക്‌ അയയ്‌ക്ക​പ്പെട്ട ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ “വിദ്യാ​ഭ്യാ​സ​പ​ര​മായ സ്ഥാപന​ങ്ങ​ളി​ലും സ്‌കൂ​ളു​ക​ളി​ലും” ഉൾപ്പെട്ടു എന്ന്‌ കൊഡാൻഷാ എൻ​സൈ​ക്ലോ​പീ​ഡിയ ഓഫ്‌ ജപ്പാൻ അഭി​പ്രാ​യ​പ്പെ​ടു​ന്നു. അതിങ്ങനെ പറയുന്നു: “ധാരാളം മിഷന​റി​മാർ തങ്ങളുടെ പാണ്ഡി​ത്യ​ത്തി​ലൂ​ടെ സ്വയം പ്രസി​ദ്ധ​രാ​യി​ത്തീർന്നി​ട്ടുണ്ട്‌.” അവർ സാഹി​ത്യം, ഭാഷ, ചരിത്രം, തത്ത്വശാ​സ്‌ത്രം, പൂർവേ​ഷ്യൻ മതങ്ങൾ, ജാപ്പനീസ്‌ ജനകീ​യ​വി​ജ്ഞാ​നം എന്നിവ പോലുള്ള വിഷയങ്ങൾ പഠിപ്പി​ക്കുന്ന ഭാഷാ​പ​ണ്ഡി​തൻമാ​രോ പ്രൊ​ഫ​സർമാ​രോ ആയിത്തീർന്നു. “മാത്രമല്ല ധർമസ്ഥാ​പ​ന​ങ്ങ​ളും സാമൂ​ഹിക ക്ഷേമത്തി​നാ​യുള്ള സ്ഥാപന​ങ്ങ​ളും മിഷനറി പ്രവർത്ത​ന​ത്തി​ന്റെ ഒരു പ്രധാ​ന​പ്പെട്ട ഭാഗമാ​യി​ത്തീർന്നു” എന്ന്‌ ആ വിജ്ഞാ​ന​കോ​ശം കൂട്ടി​ച്ചേർക്കു​ന്നു.

പൊതു​വേ പറയു​ക​യാ​ണെ​ങ്കിൽ സുവി​ശേ​ഷ​പ്ര​സം​ഗ​ത്തി​നു മിഷന​റി​മാർ മുന്തിയ സ്ഥാനം കൊടു​ത്തില്ല. ആത്മീയ ആവശ്യ​ങ്ങ​ളെ​ക്കാൾ ശാരീ​രിക ആവശ്യ​ങ്ങളെ തൃപ്‌തി​പ്പെ​ടു​ത്തു​ന്ന​തി​നാണ്‌ അവർ ഏറിയ​പ​ങ്കും ഊന്നൽ കൊടു​ത്തത്‌. വ്യക്തി​പ​ര​മായ താത്‌പ​ര്യ​ങ്ങ​ളു​ടെ അനുധാ​വനം അവരുടെ മുഖ്യ ശ്രദ്ധാ​വി​ഷ​യ​മാ​യി​ത്തീർന്നു. അങ്ങനെ, 1889-ൽ ജപ്പാനി​ലേക്ക്‌ അയയ്‌ക്ക​പ്പെട്ട ആംഗ്ലിക്കൻ സഭയിലെ ഒരു മിഷനറി ഇന്ന്‌ “ജാപ്പനീസ്‌ പർവതാ​രോ​ഹ​ണ​ത്തി​ന്റെ പിതാവ്‌” എന്നാണ്‌ ഏററവു​മ​ധി​കം അറിയ​പ്പെ​ടു​ന്നത്‌.

ഗിലെ​യാദ്‌ പരിശീ​ലനം നേടിയ മിഷന​റി​മാർ ക്രൈ​സ്‌ത​വ​ലോ​ക​ത്തി​ലെ മിഷന​റി​മാ​രിൽനി​ന്നു പ്രമു​ഖ​മായ വിധങ്ങ​ളിൽ വിഭി​ന്ന​രാ​യി​രു​ന്നു. യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ (ഇംഗ്ലീഷ്‌) എന്ന പുസ്‌തകം അതിന്റെ 23-ാം അധ്യാ​യ​ത്തിൽ ഇങ്ങനെ അഭി​പ്രാ​യ​പ്പെ​ടു​ന്നു: “ഗിലെ​യാദ്‌ സ്‌കൂ​ളി​ലെ മിഷനറി ബിരു​ദ​ധാ​രി​കൾ ആളുകളെ ബൈബിൾ പഠിപ്പി​ക്കു​ന്നു. പള്ളികൾ സ്ഥാപി​ച്ചിട്ട്‌ ആളുകൾ അവിട​ങ്ങ​ളി​ലേക്കു വരാൻ പ്രതീ​ക്ഷി​ക്കു​ന്ന​തി​നു പകരം അവർ വീടു​തോ​റും സന്ദർശനം നടത്തുന്നു . . . , ശുശ്രൂ​ഷി​ക്ക​പ്പെ​ടാ​നല്ല, പിന്നെ​യോ ശുശ്രൂ​ഷി​ക്കാൻ.”

ഉളവാ​യി​രി​ക്കുന്ന ഫലം എന്ത്‌?

യൂറോ​പ്പിൽ ക്രിസ്‌തീയ ശിഷ്യരെ ഉളവാ​ക്കാൻ അനേക നൂററാ​ണ്ടു​കൾ ഉണ്ടായി​രുന്ന ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ എത്രമാ​ത്രം വിജയ​പ്ര​ദ​രാ​യി​രു​ന്നു? ക്രിസ്‌തീയ മിഷന​റി​പ്ര​വർത്ത​നങ്ങൾ സംബന്ധിച്ച ഒരു ആഗോള വീക്ഷണം (ഇംഗ്ലീഷ്‌) എന്ന പുസ്‌തകം ഇങ്ങനെ മറുപടി നൽകുന്നു: “യൂറോ​പ്പിൽ ഏതാണ്ട്‌ 16 കോടി ആളുകൾ യാതൊ​രു മതവും അവകാ​ശ​പ്പെ​ടു​ന്നില്ല. ഇപ്പോ​ഴും ക്രിസ്‌ത്യാ​നി​ത്വ​ത്തോ​ടു കൂറു പുലർത്തു​ന്നു എന്ന്‌ അവകാ​ശ​പ്പെ​ടു​ന്ന​വ​രു​ടെ ഇടയിൽപ്പോ​ലും തങ്ങളുടെ മതത്തെ ഗൗരവ​പൂർവം വീക്ഷി​ക്കു​ന്നവർ വിരള​മാണ്‌. . . . എങ്ങനെ​യെ​ല്ലാം വിഭാവന ചെയ്‌താ​ലും യൂറോ​പ്പി​നെ ഒരു ക്രിസ്‌തീയ ഭൂഖണ്ഡം എന്നു വിളി​ക്കാ​നാ​വില്ല.”

ഏഷ്യയി​ലെ അവസ്ഥ സംബന്ധി​ച്ചോ? കൊഡാൻഷാ എൻ​സൈ​ക്ലോ​പീ​ഡിയ ഓഫ്‌ ജപ്പാൻ ഇങ്ങനെ ഉത്തരം നൽകുന്നു: “ആളുക​ളു​ടെ പൊതു അഭി​പ്രാ​യ​ത്തിൽ ക്രിസ്‌ത്യാ​നി​ത്വം ഇപ്പോ​ഴും ഒരു ‘വിദേശ’ വിശ്വാ​സ​മാണ്‌, . . . സാധാ​ര​ണ​ക്കാ​രായ ജപ്പാൻകാർക്കു പററി​യതല്ല. . . . ക്രിസ്‌തീയ പ്രസ്ഥാനം നില​കൊ​ള്ളു​ന്നത്‌ ജാപ്പനീസ്‌ സമൂഹ​ത്തി​ന്റെ പുറം​വ​ക്ക​ത്താണ്‌.” തീർച്ച​യാ​യും ജപ്പാനിൽ ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്നവർ 4 ശതമാ​ന​ത്തിൽ കുറവാണ്‌. ഇന്ത്യയിൽ 3 ശതമാ​ന​ത്തിൽ കുറവും പാകി​സ്ഥാ​നിൽ 2 ശതമാ​ന​ത്തിൽ കുറവും ചൈന​യിൽ 0.5 ശതമാ​ന​ത്തിൽ കുറവു​മാണ്‌.

ആഫ്രി​ക്ക​യിൽ നൂററാ​ണ്ടു​കൾ നീണ്ടു​നിന്ന ക്രൈ​സ്‌ത​വ​ലോ​ക​ത്തി​ന്റെ മിഷനറി പ്രവർത്ത​ന​ത്തി​നു​ശേഷം അവിടത്തെ അവസ്ഥ ഇപ്പോൾ എന്താണ്‌? ഈ വർഷം വസന്തത്തിൽ റോമിൽവച്ചു നടന്ന ആഫ്രിക്കൻ ബിഷപ്പു​മാ​രു​ടെ ഒരു യോഗ​ത്തെ​ക്കു​റിച്ച്‌ ഫോക്കസ്‌ എന്ന ജർമൻ മാഗസിൻ ഒരു റിപ്പോർട്ടിൽ ഇങ്ങനെ പ്രസ്‌താ​വി​ച്ചു: “പുറജാ​തീയ വിഗ്ര​ഹാ​രാ​ധന എന്നനി​ല​യിൽ ആഫ്രിക്കൻ മതങ്ങളെ മേലാൽ കുററ​പ്പെ​ടു​ത്തേ​ണ്ട​തില്ല. ഇനിയും പ്രസി​ദ്ധീ​ക​രി​ക്ക​പ്പെ​ടാത്ത ഔദ്യോ​ഗിക രേഖ ‘പരമ്പരാ​ഗത ആഫ്രിക്കൻ മതങ്ങ’ളെ യോഗ്യ​വും പ്രധാ​ന​വു​മായ മററു മതങ്ങളു​ടെ തലത്തിൽ നിർത്തു​ന്നു. അവരുടെ അംഗങ്ങൾ ആദരവ്‌ അർഹി​ക്കു​ന്നു. പ്രാകൃ​ത​മ​തങ്ങൾ എന്നനി​ല​യിൽ മുൻപ്‌ കുററം​വി​ധി​ക്ക​പ്പെ​ട്ടി​രുന്ന മതങ്ങൾ ‘ഏററവു​മ​ധി​കം ബോധ്യ​മുള്ള കത്തോ​ലി​ക്കന്റെ ജീവി​ത​രീ​തി​യെ​പ്പോ​ലും മിക്ക​പ്പോ​ഴും നിർണ​യി​ക്കു​ക​യു​ണ്ടാ​യി’ എന്ന്‌ കർദി​നാൾസഭ അംഗീ​ക​രി​ച്ചു.”a

അമേരി​ക്ക​ക​ളിൽ ക്രിസ്‌തീയ ശിഷ്യരെ ഉളവാ​ക്കാൻ നൂററാ​ണ്ടു​കൾതന്നെ ഉണ്ടായി​രു​ന്നി​ട്ടു പോലും ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ എത്രമാ​ത്രം വിജയി​ച്ചി​രി​ക്കു​ന്നു? ലോക​ത്തി​ലേ​ക്കുള്ള ദൗത്യം (ഇംഗ്ലീഷ്‌) എന്ന പുസ്‌തകം ഇങ്ങനെ ഉത്തരം നൽകുന്നു: “സമീപ ദശകങ്ങ​ളിൽ മിഷനറി പ്രവർത്ത​ന​ത്തിൽ വലിയ മുന്നേ​ററം ഉണ്ടെങ്കിൽപ്പോ​ലും ‘അവഗണി​ക്ക​പ്പെട്ട ഭൂഖണ്ഡം’ എന്ന വിശേ​ഷണം ‘ലാററി​ന​മേ​രിക്ക’യ്‌ക്ക്‌ ഇപ്പോ​ഴും യോജി​ക്കു​ന്നു.” “അമേരി​ക്കൻ മണ്ണി​ലെ​ല്ലാം മതം വ്യാപി​ച്ചു​കി​ട​ക്കു​ന്നെ​ങ്കിൽപ്പോ​ലും ഒരു ന്യൂന​പക്ഷം മാത്രമേ അതു കാര്യ​ഗൗ​ര​വ​ത്തോ​ടെ എടുക്കു​ന്നു​ള്ളൂ . . .” എന്ന്‌ അടുത്ത കാലത്തെ സർവേകൾ “പ്രകട​മാ​ക്കുന്ന”തായി ന്യൂസ്‌വീക്ക്‌ ഐക്യ​നാ​ടു​കളെ സംബന്ധിച്ച്‌ അഭി​പ്രാ​യ​പ്പെ​ടു​ന്നു. “ഞായറാ​ഴ്‌ചകൾ തങ്ങൾ പള്ളിയിൽ ചെലവ​ഴി​ക്കു​ന്ന​താ​യി സർവേ നടത്തു​ന്ന​വ​രോ​ടു പറയു​ന്ന​വ​രിൽ പകുതി​യും സത്യമല്ല പറയു​ന്നത്‌. . . . 18 വയസ്സും അതിൽ കൂടു​ത​ലും പ്രായ​മു​ള്ള​വ​രായ അമേരി​ക്ക​ക്കാ​രിൽ ഏതാണ്ട്‌ മൂന്നി​ലൊ​ന്നു പേർ തികച്ചും മതേത​ര​വീ​ക്ഷ​ണ​മു​ള്ള​വ​രാണ്‌ . . . 19 ശതമാനം മാത്രമേ . . . തങ്ങളുടെ മതം ക്രമമാ​യി ആചരി​ക്കു​ന്നു​ള്ളൂ.”

ചുരു​ക്കി​പ്പ​റ​ഞ്ഞാൽ, ദാരി​ദ്ര്യം, മോശ​മായ ആരോ​ഗ്യം, വിദ്യാ​ഭ്യാ​സ​മി​ല്ലായ്‌മ എന്നീ പ്രശ്‌നങ്ങൾ കുറയ്‌ക്കാ​നുള്ള തങ്ങളുടെ ശ്രമങ്ങ​ളിൽ ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ മൊത്ത​ത്തിൽ മാനുഷ പദ്ധതി​ക​ളെ​യാ​ണു ശുപാർശ ചെയ്‌തി​ട്ടു​ള്ളത്‌, ഏററവും മെച്ചമാ​യി​രു​ന്ന​പ്പോൾ പോലും താത്‌കാ​ലി​ക​വും ഭാഗി​ക​വു​മായ ആശ്വാസം മാത്രമേ അവ കൈവ​രു​ത്തി​യു​ള്ളൂ. നേരേ​മ​റിച്ച്‌, യഥാർഥ ക്രിസ്‌തീയ മിഷന​റി​മാർ ആളുക​ളു​ടെ ശ്രദ്ധയെ ദൈവ​ത്തി​ന്റെ സ്ഥാപിത രാജ്യ​ത്തി​ലേക്കു തിരി​ച്ചു​വി​ടു​ന്നു, ആ രാജ്യ​മാ​ണു നിലനിൽക്കുന്ന സമ്പൂർണ ആശ്വാസം കൈവ​രു​ത്തു​ന്നത്‌. അതു പ്രശ്‌ന​ങ്ങളെ കേവലം കുറയ്‌ക്കു​കയല്ല ചെയ്യു​ന്നത്‌; പിന്നെ​യോ അവയ്‌ക്കു പരിഹാ​രം വരുത്തു​ക​യാ​ണു ചെയ്യു​ന്നത്‌. അതേ, ദൈവ​രാ​ജ്യം മാനവ​രാ​ശി​ക്കു പൂർണാ​രോ​ഗ്യ​വും യഥാർഥ സാമ്പത്തിക ഭദ്രത​യും സകലർക്കും ഉത്‌പാ​ദ​ന​ക്ഷ​മ​മായ ജോലി​ക്കുള്ള അനന്തമായ അവസര​ങ്ങ​ളും അന്തമി​ല്ലാത്ത ജീവൻത​ന്നെ​യും കൈവ​രു​ത്തും!—സങ്കീർത്തനം 37:9-11, 29; യെശയ്യാ​വു 33:24; 35:5, 6; 65:21-23; വെളി​പ്പാ​ടു 21:3, 4.

‘സ്‌നാനം കഴിപ്പിച്ച്‌ സകലജാ​തി​ക​ളെ​യും ശിഷ്യ​രാ​ക്കി’ എന്നതിന്റെ തെളി​വാ​യി ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ വല്ലപ്പോ​ഴും മതപര​മായ കാര്യ​ങ്ങ​ളിൽ സംബന്ധി​ക്കു​ന്ന​വരെ, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വരെ, കാട്ടി​ത്ത​ന്നേ​ക്കാം. എന്നാൽ, മാമ്മോ​ദീസ മുങ്ങിയ ഇവരെ യേശു ‘കല്‌പി​ച്ചത്‌ ഒക്കെയും പ്രമാ​ണി​ക്കു​ന്ന​തിന്‌’ പഠിപ്പി​ക്കാൻ ഈ മിഷന​റി​മാർ പരാജ​യ​പ്പെ​ട്ടി​രി​ക്കു​ന്നു​വെന്നു വസ്‌തു​തകൾ പ്രകട​മാ​ക്കു​ന്നു.—മത്തായി 28:19, 20.

എന്നിരു​ന്നാൽത്ത​ന്നെ​യും സത്യ​ക്രി​സ്‌ത്യാ​നി​ക​ളു​ടെ പഠിപ്പി​ക്കൽ വേല ദൈവ​ത്തി​ന്റെ പുതിയ ലോക​ത്തി​ലും തുടരും. ദൈവ​ത്തി​ന്റെ വഴികൾ സംബന്ധി​ച്ചു പ്രബോ​ധനം ആവശ്യ​മാ​യി വരുന്ന പുനരു​ത്ഥാ​നം പ്രാപിച്ച ലക്ഷക്കണ​ക്കി​നാ​ളു​ക​ളി​ലേക്ക്‌ അത്‌ എത്തി​ച്ചേ​രും. അപ്പോൾ മേലാൽ സാത്താന്റെ ഇടപെടൽ ഇല്ലാതി​രി​ക്കെ തുടർന്നും ശിഷ്യരെ ഉളവാ​ക്കു​ന്ന​തി​നുള്ള സന്തോ​ഷ​ഭ​രി​ത​മായ പദവി ക്രിസ്‌ത്യാ​നി​കൾക്ക്‌ ഉണ്ടായി​രി​ക്കും—ദശകങ്ങ​ളാ​യി അവർ ചെയ്‌തു​കൊ​ണ്ടി​രി​ക്കു​ന്ന​തു​പോ​ലെ​തന്നെ.

[അടിക്കു​റി​പ്പു​കൾ]

[24-ാം പേജിലെ ചതുരം]

അവർ ആളുകളെ സഹായി​ച്ചി​രി​ക്കുന്ന വിധം

ഗിലെ​യാദ്‌ പരിശീ​ലനം നേടിയ മിഷന​റി​മാ​രു​ടെ സഹായ​ത്തിൽനി​ന്നു പ്രയോ​ജ​ന​മ​നു​ഭ​വി​ച്ചി​ട്ടു​ള്ള​വ​രു​ടെ അഭി​പ്രാ​യ​ങ്ങ​ളാ​ണു പിൻവ​രു​ന്നവ.

“അവരുടെ ദൃഢനി​ഷ്‌ഠ​യി​ലും തങ്ങളുടെ മാതൃ​രാ​ജ്യ​ത്തി​ലേ​തിൽനി​ന്നു തികച്ചും ഭിന്നമായ കാലാവസ്ഥ, ഭാഷകൾ, ആചാര​രീ​തി​കൾ, ഭക്ഷണം, മതങ്ങൾ എന്നിവ​യോട്‌ അവർ പൊരു​ത്ത​പ്പെട്ട വിധത്തി​ലും ഞാൻ അതിശയം കൂറി. എങ്കിലും അവർ തങ്ങളുടെ നിയമ​ന​ങ്ങ​ളിൽ നില​കൊ​ണ്ടു, ചിലർ മരണം​വരെ പോലും. അവരുടെ നല്ല പഠനശീ​ല​ങ്ങ​ളും ശുശ്രൂ​ഷ​യി​ലെ ശുഷ്‌കാ​ന്തി​യും അത്തരം കാര്യങ്ങൾ നട്ടുവ​ളർത്താൻ എന്നെ സഹായി​ച്ചു.”—ജെ. എ., ഇന്ത്യ.

“എന്നോ​ടൊ​ത്തു പഠിക്കുന്ന കാര്യ​ത്തിൽ ആ മിഷനറി പുലർത്തിയ സമയനിഷ്‌ഠ എന്നിൽ വളരെ മതിപ്പു​ള​വാ​ക്കി. എന്റെ മുൻവി​ധി​ക​ളെ​യും അജ്ഞത​യെ​യും സഹിച്ചു​നിൽക്കു​ന്ന​തിൽ അദ്ദേഹം വലിയ ആത്മനി​യ​ന്ത്ര​ണ​മാ​ണു കാട്ടി​യത്‌.”—പി. ററി., തായ്‌ലണ്ട്‌.

“മിഷനറി സാക്ഷികൾ പ്രകട​മാ​ക്കിയ നിർമ​ല​തയെ ഞാനും ഭാര്യ​യും വിലമ​തി​ച്ചു. മുഴു​സമയ ശുശ്രൂഷ ഞങ്ങളുടെ ലാക്കാ​ക്കി​ത്തീർക്കാൻ അവരുടെ പ്രവർത്തനം ഞങ്ങളെ സ്വാധീ​നി​ച്ചു, ഇന്നു ഞങ്ങൾക്കു​തന്നെ മിഷന​റി​മാ​രാ​യി​രി​ക്കു​ന്ന​തി​ന്റെ സന്തോ​ഷ​മുണ്ട്‌.”—എ. സി., മൊസാ​മ്പിക്ക്‌.

“എന്റെ ജീവിതം സ്വാർഥത നിറഞ്ഞ​താ​യി​രു​ന്നു. മിഷന​റി​മാ​രെ കണ്ടുമു​ട്ടി​യത്‌ അതു മാററി​യെ​ടു​ക്കു​ന്ന​തി​നാ​വ​ശ്യ​മായ പ്രചോ​ദനം നൽകി. ഞാൻ അവരിൽ കണ്ടത്‌ ഉപരി​പ്ല​വ​മായ സന്തുഷ്ടി​യല്ല, യഥാർഥ സന്തുഷ്ടി​യാണ്‌.”—ജെ. കെ., ജപ്പാൻ.

“ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ വളരെ സുഖ​പ്ര​ദ​മായ ജീവി​ത​മാ​ണു നയിച്ചി​ട്ടു​ള്ളത്‌. വീടു വൃത്തി​യാ​ക്കി​യ​തും പാചകം ചെയ്‌ത​തും തുണി കഴുകി​യ​തും പൂന്തോ​ട്ടം നോക്കി​യ​തും കാറോ​ടി​ച്ച​തും വേലക്കാ​രാ​യി​രു​ന്നു. ദൈവ​രാ​ജ്യ​ത്തെ​ക്കു​റി​ച്ചു പഠിക്കാൻ പ്രാ​ദേ​ശിക ആളുകളെ സഹായി​ക്കു​മ്പോൾത്തന്നെ ഗിലെ​യാദ്‌ മിഷന​റി​മാർ തങ്ങളുടെ ഗൃഹ​ജോ​ലി കാര്യ​ക്ഷ​മ​മാ​യി ചെയ്യു​ന്നതു കണ്ടതിൽ ഞാൻ അമ്പരന്നു​പോ​യി.”—എസ്‌. ഡി., തായ്‌ലണ്ട്‌.

“താപനില 115 ഡിഗ്രി ഫാരൻഹീ​റ​റി​ലും അധിക​മാ​യി​രു​ന്ന​പ്പോൾ പോലും ആളുകളെ സന്ദർശി​ക്കു​ന്ന​തി​നു വേണ്ടി മിഷനറി സഹോ​ദ​രി​മാർ സൈക്കിൾ ചവിട്ടി. അവരുടെ അതിഥി​പ്രി​യ​വും മുഖപ​ക്ഷ​മി​ല്ലാ​യ്‌മ​യും അതു​പോ​ലെ​തന്നെ സഹിഷ്‌ണു​ത​യും സത്യം തിരി​ച്ച​റി​യാൻ എന്നെ സഹായി​ച്ചു.”—വി. എച്ച്‌., ഇന്ത്യ.

“തങ്ങൾ ശ്രേഷ്‌ഠ​രാ​ണെന്നു മിഷന​റി​മാർ വിചാ​രി​ച്ചില്ല. പ്രാ​ദേ​ശിക ആളുക​ളോ​ടും താഴ്‌ന്ന​തരം ജീവി​താ​വ​സ്ഥ​ക​ളോ​ടും അവർ പൊരു​ത്ത​പ്പെട്ടു. അവർ വന്നത്‌ സേവന​മ​നു​ഷ്‌ഠി​ക്കാ​നാ​യി​രു​ന്നു, അതു​കൊ​ണ്ടു​തന്നെ അവർ ഒരിക്ക​ലും പരാതി പറഞ്ഞില്ല, പിന്നെ​യോ സദാ സന്തോ​ഷ​വും സംതൃ​പ്‌തി​യും ഉള്ളവരാ​യി കാണ​പ്പെട്ടു.”—സി. പി., തായ്‌ലണ്ട്‌.

“അവർ ബൈബിൾ സത്യത്തിൽ വെള്ളം ചേർത്തില്ല. എന്നാൽ പ്രാ​ദേ​ശിക ആളുക​ളു​ടെ പരമ്പരാ​ഗ​ത​മായ സംസ്‌കാ​ര​ത്തി​ന്റെ എല്ലാ വശങ്ങളും തെററാ​യി​രു​ന്നു​വെ​ന്നോ അവർ പാശ്ചാത്യ വഴികൾ സ്വീക​രി​ക്ക​ണ​മെ​ന്നോ ഉള്ള തോന്നൽ അവർ ആളുക​ളിൽ ഉളവാ​ക്കി​യില്ല. മററു​ള്ളവർ തങ്ങളെ​ക്കാൾ താഴ്‌ന്ന​വ​രാ​ണെ​ന്നോ വേണ്ടത്ര യോഗ്യത ഇല്ലാത്ത​വ​രാ​ണെ​ന്നോ തോന്നാൻ അവർ ഒരിക്ക​ലും ഇടയാ​ക്കി​യില്ല.”—എ. ഡി., പാപ്പുവ ന്യൂ ഗിനി.

“ക്രൈ​സ്‌ത​വ​ലോ​ക​ത്തി​ലെ മിഷന​റി​മാ​രിൽനി​ന്നു വ്യത്യ​സ്‌ത​മാ​യി ഞങ്ങൾ ബൈബി​ള​ധ്യ​യനം നടത്തി​യ​പ്പോൾ കൊറി​യൻ രീതി​യിൽ നിലത്തു ചമ്രം പടിഞ്ഞി​രി​ക്കാൻ അവർ സന്നദ്ധയാ​യി​രു​ന്നു. ഞങ്ങളുടെ കൊറി​യൻ ഭക്ഷണങ്ങൾ പോലും കഴിക്കാൻ അവർ ഒരുക്ക​മാ​യി​രു​ന്നു. എനിക്ക്‌ അവരോ​ടു തോന്നിയ പ്രീതി പുരോ​ഗതി പ്രാപി​ക്കാൻ എന്നെ സഹായി​ച്ചു.”—എസ്‌. കെ., കൊറിയ.

“എനിക്കന്ന്‌ പത്തു വയസ്സു​ണ്ടാ​യി​രു​ന്നു, ഉച്ചയ്‌ക്കു സ്‌കൂൾ വിടു​മാ​യി​രു​ന്നു. ഉച്ചകഴിഞ്ഞ സമയങ്ങ​ളിൽ തന്നോ​ടൊ​പ്പം വയൽശു​ശ്രൂ​ഷ​യ്‌ക്കു പോകാൻ ഒരു മിഷനറി എന്നെ ക്ഷണിച്ചു. അദ്ദേഹം എന്നെ അനേകം ബൈബിൾ തത്ത്വങ്ങൾ പഠിപ്പി​ച്ചു, യഹോ​വ​യു​ടെ സ്ഥാപന​ത്തോ​ടുള്ള യഥാർഥ​മായ ഒരു വിലമ​തി​പ്പും എന്നിൽ നട്ടുവ​ളർത്തി.”—ആർ. ജി., കൊളം​ബിയ.

“ചെയ്യേണ്ട കാര്യം പരാതി കൂടാതെ ചെയ്‌തു​കൊ​ണ്ടു നിയമ​ന​ങ്ങ​ളോ​ടു പററി​നിൽക്കാൻ അവർ എന്നെ പഠിപ്പി​ച്ചു. മിഷന​റി​മാ​രെ ഞങ്ങളുടെ പക്കലേക്ക്‌ അയച്ചതിന്‌ ഞാൻ യഹോ​വ​ക്കും യേശു​ക്രി​സ്‌തു​വി​നും എന്റെ ഉള്ളിന്റെ ഉള്ളിൽനി​ന്നു നന്ദി പറയുന്നു.”—കെ. എസ്‌., ജപ്പാൻ.

[23-ാം പേജിലെ ചിത്രം]

ഗിലെയാദ്‌ പരിശീ​ലനം നേടിയ 16 രാജ്യ​ങ്ങ​ളിൽനി​ന്നുള്ള മിഷന​റി​മാർ അടുത്ത​കാ​ലത്തെ ഒരു കൺ​വെൻ​ഷ​നിൽ അനുഭ​വങ്ങൾ പറയുന്നു