“ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും” മിഷന​റി​മാർ

“നിങ്ങൾ . . . ഭൂമി​യു​ടെ അതിവി​ദൂ​ര​ഭാ​ഗ​ങ്ങൾവ​രെ​യും എന്റെ സാക്ഷി​ക​ളാ​യി​രി​ക്കും” എന്നു യേശു തന്റെ ശിഷ്യ​ന്മാ​രോ​ടു പറഞ്ഞു. (പ്രവൃ. 1:8) ഇന്ന്‌ യഹോ​വ​യു​ടെ സാക്ഷികൾ ഉത്സാഹ​ത്തോ​ടെ ആ നിയമനം ചെയ്യുന്നു. എന്നാൽ ഭൂമി​യു​ടെ ചില ഭാഗങ്ങ​ളിൽ ഇതുവരെ പൂർണ​മാ​യി രാജ്യ​സ​ന്ദേശം എത്തിക്കാൻ കഴിഞ്ഞി​ട്ടില്ല. പ്രദേശം വലുതാ​യ​തു​കൊ​ണ്ടോ ആളുകൾ തിങ്ങി​പ്പാർക്കുന്ന ഇടമാ​യ​തു​കൊ​ണ്ടോ സാക്ഷി​ക​ളു​ടെ എണ്ണം കുറവാ​യ​തു​കൊ​ണ്ടോ ആണ്‌ അതിനു കഴിയാ​ത്തത്‌. (മത്താ. 9:37, 38) പരമാ​വധി ആളുകളെ കണ്ടെത്താൻ നമ്മൾ എന്താണു ചെയ്യു​ന്നത്‌?

യേശു നൽകിയ നിയമനം ചെയ്യു​ന്ന​തി​നു​വേണ്ടി യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ന്റെ സർവീസ്‌ കമ്മിറ്റി, ആവശ്യം അധിക​മുള്ള സ്ഥലത്ത്‌ വയൽമി​ഷ​ന​റി​മാ​രെ നിയമി​ക്കു​ന്നു. ഇപ്പോൾ ലോക​മെ​ങ്ങു​മാ​യി 3,090 വയൽമി​ഷ​ന​റി​മാ​രാ​ണു​ള്ളത്‌.a അവരിൽ മിക്കവർക്കും രാജ്യ​സു​വി​ശേ​ഷ​കർക്കുള്ള സ്‌കൂ​ളിൽനി​ന്നും മറ്റും പരിശീ​ലനം കിട്ടി​യി​ട്ടുണ്ട്‌. ഈ മിഷന​റി​മാർ സ്വന്തം നാടും വീടും വിട്ട്‌ മറ്റൊരു ദേശത്ത്‌ പോയി പ്രവർത്തി​ക്കാൻ തയ്യാറാ​യി​രി​ക്കു​ന്നു. അവരുടെ പക്വത​യും അവർക്കു കിട്ടിയ പരിശീ​ല​ന​വും അനുഭ​വ​പ​രി​ച​യ​വും ഒക്കെ പുതി​യ​പു​തിയ സ്ഥലങ്ങളി​ലേക്കു സന്തോ​ഷ​വാർത്ത എത്തിക്കാൻ സഹായി​ച്ചി​ട്ടുണ്ട്‌. കൂടാതെ, പുതു​താ​യി പഠിച്ചു​വ​രു​ന്ന​വർക്കു​വേണ്ടി നല്ലൊരു മാതൃക വെക്കാ​നും അവർക്കാ​കു​ന്നു.

മിഷന​റി​മാർക്കു വേണ്ട സഹായം നൽകുന്നു

ഓരോ ബ്രാ​ഞ്ചോ​ഫീ​സി​ലെ​യും സർവീസ്‌ ഡിപ്പാർട്ടു​മെ​ന്റി​നു കീഴി​ലുള്ള ഫീൽഡ്‌ മിനി​സ്റ്റേ​ഴ്‌സ്‌ ഡെസ്‌ക്ക്‌ മിഷന​റി​മാർക്കു വേണ്ട സഹായം ചെയ്‌തു​കൊ​ടു​ക്കാൻ ബ്രാഞ്ച്‌ കമ്മിറ്റി​യോ​ടൊ​പ്പം പ്രവർത്തി​ക്കു​ന്നു. മിഷന​റി​മാർക്കു വേണ്ട താമസ​സൗ​ക​ര്യം, അവരുടെ ആരോ​ഗ്യ​പ​രി​പാ​ലനം, ജീവി​താ​വ​ശ്യ​ങ്ങൾക്കു​വേ​ണ്ടി​യുള്ള ചെറി​യൊ​രു അലവൻസ്‌ എന്നിവ​യൊ​ക്കെ നോക്കു​ന്നത്‌ ഈ ഡെസ്‌ക്കാണ്‌. 2020 സേവന​വർഷ​ത്തിൽത്തന്നെ യഹോ​വ​യു​ടെ സാക്ഷികൾ ഏകദേശം 200 കോടി രൂപയാ​ണു മിഷന​റി​മാർക്കാ​യി ചെലവ​ഴി​ച്ചത്‌. ഈ രീതി​യിൽ അവർക്കു​വേണ്ടി കരുതു​ന്ന​തു​കൊണ്ട്‌ അവർക്കു ശുശ്രൂ​ഷ​യിൽ പൂർണ​മാ​യി ശ്രദ്ധി​ക്കാ​നാ​കു​ന്നു. കൂടാതെ സഭയിലെ സഹോ​ദ​ര​ങ്ങളെ വിശ്വാ​സ​ത്തിൽ ബലപ്പെ​ടു​ത്താ​നും അവർക്കു കഴിയു​ന്നു.

ഈ മിഷന​റി​മാ​രു​ടെ പ്രവർത്തനം സുവി​ശേ​ഷ​വേ​ലയെ എങ്ങനെ​യാ​ണു പിന്തു​ണ​യ്‌ക്കു​ന്നത്‌? മലാവി ബ്രാഞ്ച്‌ കമ്മിറ്റി അംഗമായ ഫ്രാങ്ക്‌ മാഡ്‌സൺ സഹോ​ദരൻ പറയുന്നു: “അവർ നല്ല ധൈര്യ​വും വൈദ​ഗ്‌ധ്യ​വും ഉള്ളവരാണ്‌. അതു​കൊ​ണ്ടു​തന്നെ എളുപ്പം കയറി​ച്ചെ​ല്ലാൻ പറ്റാത്ത, വലിയ സുരക്ഷാ​സ​ന്നാ​ഹ​ങ്ങ​ളുള്ള സ്ഥലങ്ങളി​ലും മറ്റു ഭാഷക്കാ​രായ ആളുകൾ താമസി​ക്കുന്ന സ്ഥലങ്ങളി​ലും പ്രവർത്തി​ക്കാൻ അവർ സഭയെ സഹായി​ക്കു​ന്നു. ഇവിടു​ത്തെ ഭാഷ പഠിക്കാ​നും ഈ സംസ്‌കാ​ര​വു​മാ​യി ഇഴുകി​ച്ചേ​രാ​നും അവർ ചെയ്യുന്ന ശ്രമം മുഴു​സ​ഭ​യ്‌ക്കും നല്ലൊരു മാതൃ​ക​യാണ്‌, പ്രത്യേ​കി​ച്ചും ഞങ്ങളുടെ ചെറു​പ്പ​ക്കാർക്ക്‌. ഈ മിഷന​റി​മാ​രു​ടെ ഉത്സാഹം, മുഴു​സ​മ​യ​സേ​വനം ഏറ്റെടു​ക്കാൻ അവരെ പ്രോ​ത്സാ​ഹി​പ്പി​ക്കു​ന്നു. ഇത്തരത്തി​ലുള്ള മിഷന​റി​മാർ ഉണ്ടായി​രി​ക്കു​ന്ന​തിൽ ഞങ്ങൾ ഒരുപാ​ടു നന്ദിയു​ള്ള​വ​രാണ്‌.”

മറ്റൊരു രാജ്യ​ത്തു​നി​ന്നുള്ള ഒരു ബ്രാഞ്ച്‌ കമ്മിറ്റി​യം​ഗം പറയുന്നു: “ലോക​മെ​ങ്ങു​മുള്ള യഹോ​വ​യു​ടെ ജനം ഐക്യ​ത്തിൽ കഴിയു​ന്ന​വ​രാണ്‌ എന്നതിന്റെ നല്ലൊരു തെളി​വാ​ണു മിഷന​റി​മാർ. സംസ്‌കാ​ര​ങ്ങ​ളു​ടെ വ്യത്യാ​സ​മൊ​ന്നും നമുക്കി​ട​യിൽ ഒരു പ്രശ്‌നം സൃഷ്ടി​ക്കു​ന്നി​ല്ലെന്നു സാക്ഷി​ക​ള​ല്ലാ​ത്ത​വർപോ​ലും തിരി​ച്ച​റി​യു​ന്നു. ഒരു കുടും​ബ​ത്തി​ലെ അംഗങ്ങ​ളെ​പ്പോ​ലെ ഐക്യ​ത്തിൽ കഴിയാൻ നമ്മളെ സഹായി​ക്കു​ന്നതു നമ്മൾ പഠിക്കുന്ന ബൈബിൾസ​ത്യ​ങ്ങ​ളാ​ണെന്ന്‌ അവർക്കു മനസ്സി​ലാ​കു​ന്നു.”

വയൽമി​ഷ​ന​റി​മാർ സഭയിലെ പ്രചാ​ര​കരെ എങ്ങനെ​യാ​ണു സഹായി​ക്കു​ന്നത്‌? തന്റെ സഭയിൽ മിഷന​റി​മാ​രു​ള്ള​തിൽ ടിമോർ ലെസ്‌തെ​യിൽനി​ന്നുള്ള പൗലോസ്‌ സഹോ​ദരൻ ഒരുപാ​ടു നന്ദിയു​ള്ള​വ​നാണ്‌. അദ്ദേഹം പറയുന്നു: “ഞങ്ങളുടെ സഭയിലെ മിഷന​റി​മാർ വന്നിരി​ക്കു​ന്നതു നല്ല തണുപ്പുള്ള ദേശത്തു​നി​ന്നാണ്‌. ഇവി​ടെ​യാ​ണെ​ങ്കിൽ വല്ലാത്ത ചൂടും. പക്ഷേ അതൊ​ന്നും അവർ വകവെ​ക്കാ​റില്ല. എല്ലാ ദിവസ​വും രാവി​ലെ​തന്നെ അവർ വയൽസേവന യോഗ​ത്തിന്‌ എത്തും. ഇനി, ഉച്ചയ്‌ക്കു പൊരി​വെ​യി​ല​ത്താണ്‌ മിക്ക​പ്പോ​ഴും മടക്കസ​ന്ദർശ​നങ്ങൾ നടത്തു​ന്നത്‌. കൂടാതെ, വൈകു​ന്നേ​ര​ങ്ങ​ളി​ലും അവരെ കാണാം. ഞാൻ ഉൾപ്പെടെ ഒരുപാ​ടു പേരെ അവർ സത്യം പഠിപ്പി​ച്ചു. യഹോ​വയെ സേവി​ക്കു​ന്ന​തി​നു​വേണ്ടി അവർ തങ്ങളുടെ ജീവി​തം​തന്നെ വിട്ടു​കൊ​ടു​ത്തി​രി​ക്കു​ക​യാണ്‌. അവരുടെ ആ ഉത്സാഹ​വും തീക്ഷ്‌ണ​ത​യും യഹോ​വ​യു​ടെ സേവന​ത്തിൽ കൂടുതൽ ചെയ്യാൻ ഞങ്ങൾക്കെ​ല്ലാം വലി​യൊ​രു പ്രചോ​ദ​ന​മാണ്‌.”

ഒരു മിഷനറി ദമ്പതികൾ തന്റെ കുടും​ബത്തെ എങ്ങനെ സഹായി​ച്ചെന്ന്‌ മലാവി​യിൽനി​ന്നുള്ള സാധാരണ മുൻനി​ര​സേ​വി​ക​യായ കെറ്റി സഹോ​ദരി പറയുന്നു: “ഈ മിഷനറി ദമ്പതികൾ ഞങ്ങളുടെ സഭയിൽ വരു​മ്പോൾ എന്റെ വീട്ടിൽ ഞാൻ മാത്രമേ സാക്ഷി​യാ​യി​ട്ടു​ള്ളൂ. എന്നാൽ അവർ എന്നെ ഒരുപാ​ടു സഹായി​ച്ചു. അവർ ഞങ്ങളുടെ വീട്ടു​കാ​രു​മാ​യി നല്ല സ്‌നേ​ഹ​ത്തി​ലാ​യി. അവരുടെ ആ മാതൃക എന്റെ മക്കൾക്ക്‌ ഒത്തിരി പ്രയോ​ജനം ചെയ്‌തു. ശരിക്കും യഹോ​വയെ സേവി​ക്കു​മ്പോ​ഴാ​ണു സന്തോ​ഷ​വും സംതൃ​പ്‌തി​യും ഉള്ള ജീവിതം കിട്ടു​ന്ന​തെന്ന്‌ അവർ തിരി​ച്ച​റി​ഞ്ഞു. ഈ മിഷന​റി​മാ​രു​ടെ പ്രോ​ത്സാ​ഹ​നം​കൊണ്ട്‌ ഇപ്പോൾ എന്റെ മൂന്നു പെൺമ​ക്ക​ളും സാധാരണ മുൻനി​ര​സേ​വ​ക​രാ​യി പ്രവർത്തി​ക്കു​ന്നു. ഭർത്താ​വാ​ണെ​ങ്കിൽ മീറ്റി​ങ്ങു​കൾക്കു വരുന്നു​മുണ്ട്‌.”

വയൽമി​ഷ​ന​റി​മാ​രെ സഹായി​ക്കാ​നുള്ള പണം എങ്ങനെ​യാ​ണു കണ്ടെത്തു​ന്നത്‌? ലോക​വ്യാ​പക പ്രവർത്ത​ന​ത്തി​നു​വേണ്ടി ചെയ്യുന്ന സംഭാ​വ​ന​ക​ളി​ലൂ​ടെ. ഇങ്ങനെ​യുള്ള സംഭാ​വ​നകൾ പലപ്പോ​ഴും donate.jw.org വഴിയാ​ണു സംഘട​ന​യ്‌ക്കു ലഭിക്കു​ന്നത്‌. ഇത്തരത്തി​ലുള്ള ഉദാര​മായ സംഭാ​വ​നകൾ സംഘടന ഒരുപാ​ടു വിലമ​തി​ക്കു​ന്നു.