നമ്മുടെ അന്തരീക്ഷം സംരക്ഷി​ക്ക​പ്പെ​ടുന്ന വിധം

നമ്മുടെ ആകാശത്തെ മാലി​ന്യം​കൊ​ണ്ടു നിറയ്‌ക്കു​ന്നത്‌ മനുഷ്യർ മനസ്സോ​ടെ നിർത്തി​ക്കൊ​ള്ളു​മോ? നമ്മുടെ അന്തരീക്ഷം സംരക്ഷി​ക്ക​പ്പെ​ടാൻ പോകു​ന്നത്‌ അങ്ങനെ​യാ​യി​രി​ക്കു​മോ?

അല്ല, നമ്മുടെ അമൂല്യ അന്തരീ​ക്ഷ​ത്തി​ന്റെ സംരക്ഷണം മലിനീ​ക​ര​ണ​വി​രുദ്ധ മാർഗ​ങ്ങൾക്കു മനുഷ്യൻ വഴങ്ങു​ന്ന​തി​നെ ആശ്രയി​ച്ചി​രി​ക്കു​ന്നില്ല. പകരം, ശുദ്ധമായ ഒരു അന്തരീ​ക്ഷ​ത്തെ​യും ഭൂമി​യെ​യും ആനയി​ക്കു​ന്നത്‌ പരമോ​ന്നത അധികാ​രം കൈമു​ത​ലാ​യുള്ള ഒരുവന്റെ ഇടപെ​ട​ലാ​യി​രി​ക്കും.

നമ്മുടെ ഭൂമി​ക്കും അതു​പോ​ലെ​തന്നെ അതിലെ ജീവനും വേണ്ടി സ്രഷ്ടാവ്‌ കരുതു​ന്നു​വെ​ന്നു​ള്ളത്‌ അവൻ അതിനെ രൂപകൽപ്പന ചെയ്‌തി​രി​ക്കുന്ന അത്ഭുത​ക​ര​മായ വിധത്തിൽനി​ന്നു പ്രകട​മാണ്‌. അനിശ്ചിത കാല​ത്തോ​ളം, എന്നെന്നും നിലനിൽക്കാ​നാണ്‌ അവൻ അതിനെ ഉണ്ടാക്കി​യത്‌.—സങ്കീർത്തനം 104:5, 24.

സംരക്ഷ​ണ​ത്തി​നുള്ള ഏർപ്പാ​ടു​കൾ

ഉദാഹ​ര​ണ​ത്തിന്‌, തന്നെത്താൻ കേടു​പോ​ക്കു​ക​യും ശുദ്ധമാ​കു​ക​യും ചെയ്യത്ത​ക്ക​വി​ധ​മാണ്‌ അന്തരീക്ഷം സൃഷ്ടി​ക്ക​പ്പെ​ട്ടി​രി​ക്കു​ന്നത്‌. മേലന്ത​രീ​ക്ഷ​ത്തി​ലെ ഓസോ​ണി​ന്റെ കാര്യം പരിഗ​ണി​ക്കുക. ഭൂമി​യി​ലെ മനുഷ്യർക്കു മാരക​മാ​യി​രി​ക്കുന്ന അൾട്രാ​വ​യ​ല​ററ്‌ കിരണ​ങ്ങളെ ആഗിരണം ചെയ്യത്ത​ക്ക​വി​ധം വിദഗ്‌ധ​മായ രീതി​യി​ലാണ്‌ ഓസോൺ കവചം നിർമി​ക്ക​പ്പെ​ട്ടി​രി​ക്കു​ന്നത്‌. അതേസ​മയം അത്‌ ഭൂമി​യി​ലെ ജീവന്‌ ആവശ്യ​മായ സുരക്ഷിത വെളിച്ചം കടന്നു​പോ​കാൻ അനുവ​ദി​ക്കു​ക​യും ചെയ്യുന്നു.

മേലന്ത​രീ​ക്ഷ​ത്തി​ലേക്ക്‌ ഉയരുന്ന മനുഷ്യ​നിർമിത ക്ലോ​റോ​ഫ്‌ളൂ​റോ​കാർബ​ണു​ക​ളാൽ ഓസോൺ കവചത്തി​നു വല്ലാതെ ഹാനി​ത​ട്ടി​ക്കൊ​ണ്ടി​രി​ക്ക​യാ​ണെന്നു നാം നേരത്തെ കണ്ടു. ഓസോൺ സംരക്ഷ​ണ​ക​വ​ച​ത്തി​ലെ കുറവു വീണ്ടും നികത്തു​ന്ന​തെ​ങ്ങനെ? അത്ഭുത​ക​ര​മെന്നു പറയട്ടെ, സ്വയം കേടു​പോ​ക്ക​ത്ത​ക്ക​വ​ണ്ണ​മാ​ണു സ്രഷ്ടാവ്‌ അതു രൂപകൽപ്പന ചെയ്‌തി​രി​ക്കു​ന്നത്‌. അതേ, മേലന്ത​രീ​ക്ഷ​ത്തിൽ ഓസോൺ നിരന്തരം സൃഷ്ടി​ക്ക​പ്പെ​ട്ടു​കൊ​ണ്ടി​രി​ക്കു​ന്നു—സത്യത്തിൽ ഓസോൺ അരിച്ചു​വി​ടുന്ന അതേ അപകട​കാ​രി​ക​ളായ കിരണ​ങ്ങ​ളിൽനി​ന്നു തന്നെ! അങ്ങനെ മമനു​ഷ്യ​ന്റെ മലിനീ​ക​രണം ഓസോ​ണി​നെ വേഗത്തിൽ നശിപ്പി​ച്ചു​കൊ​ണ്ടി​രി​ക്കു​മ്പോൾത്തന്നെ കുറെ ഓസോൺ വീണ്ടും ഉണ്ടായി​ക്കൊ​ണ്ടി​രി​ക്കു​ക​യാണ്‌.

50 കോടി കോടി ടണ്ണില​ധി​കം വരുന്ന വായു​വി​ന്റെ അധിക​ഭാ​ഗ​വു​മുള്ള താഴത്തെ അന്തരീ​ക്ഷ​ത്തി​ലും സാഹച​ര്യം സമാന​മാണ്‌. പ്രകൃതി പരിവൃ​ത്തി​കൾ ഈ വായു​വിൽനി​ന്നു മാലി​ന്യ​ങ്ങളെ അത്ഭുത​ക​ര​മായ വിധങ്ങ​ളിൽ നീക്കം​ചെ​യ്‌ത്‌ അതിനെ വേഗത്തിൽ ശുദ്ധീ​ക​രി​ക്കു​ന്നു. ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം അഭി​പ്രാ​യ​പ്പെ​ടു​ന്നു: “കാററ്‌ മാലി​ന്യ​ങ്ങളെ ചിതറി​ക്കു​ന്നു. മഴയും മഞ്ഞും അവയെ നില​ത്തേക്ക്‌ ഒഴുക്കി​ക്കൊ​ണ്ടു​പോ​കു​ന്നു.”

അപ്പോൾ, മനുഷ്യർ വായു​വി​നെ മലിനീ​ക​രി​ക്കു​ന്നതു നിർത്തി​യാൽ, അല്ലെങ്കിൽ അത്തരം മലിനീ​ക​ര​ണത്തെ വലിയ അളവിൽ പരിമി​ത​പ്പെ​ടു​ത്തി​യാൽ എല്ലായി​ട​ത്തെ​യും വായു പെട്ടെന്ന്‌ മാധു​ര്യ​വും സൗരഭ്യ​വു​മു​ള്ള​താ​യി​ത്തീ​രും എന്നതു സ്‌പഷ്ടം. എന്നാൽ ഇപ്രകാ​രം വിശദീ​ക​രി​ച്ചു​കൊണ്ട്‌ പരാമർശ ഗ്രന്ഥം പ്രശ്‌നത്തെ തിരി​ച്ച​റി​യി​ക്കു​ന്നു: “പല സ്ഥലങ്ങളി​ലും, കാലാ​വ​സ്ഥ​കൾക്ക്‌ മാലി​ന്യ​ങ്ങളെ നീക്കം ചെയ്യാൻ കഴിയു​ന്ന​തി​നെ​ക്കാൾ വേഗത്തിൽ അവ വായു​വിൽ നിക്ഷേ​പി​ക്ക​പ്പെ​ടു​ന്നു.”

അപ്പോൾപ്പി​ന്നെ മമനു​ഷ്യ​ന്റെ സ്വാർഥ​മായ അന്തരീക്ഷ മലിനീ​ക​രണം എങ്ങനെ അവസാ​നി​ക്കും?

ഒരു ശുദ്ധീ​ക​രി​ക്ക​പ്പെട്ട ഭൂമി സമീപം

ദൈവ​ത്താൽ മാത്രമേ, അവനി​ട​പെ​ടു​മ്പോൾ മാത്രമേ, മലിനീ​ക​രണം നിലയ്‌ക്കൂ. അവൻ “ഭൂമിയെ നശിപ്പി​ക്കു​ന്ന​വരെ നശിപ്പി”ക്കുമെന്നു ബൈബിൾ മുന്നറി​യി​പ്പു നൽകുന്നു. (വെളി​പ്പാ​ടു 11:18) മനോ​ഹ​ര​മായ ഈ ഭൂമി​യെ​യും ജീവൻ പരിര​ക്ഷി​ക്കുന്ന അതിന്റെ അന്തരീ​ക്ഷ​ത്തെ​യും മലിന​മാ​ക്കാൻ അവൻ അത്യാർത്തി​പൂണ്ട മനുഷ്യ​രെ അനിശ്ചി​ത​കാ​ല​ത്തോ​ളം അനുവ​ദി​ക്കില്ല. അവൻ ഇപ്രകാ​രം വാഗ്‌ദാ​നം ചെയ്യുന്നു: “ദുഷ്‌പ്ര​വൃ​ത്തി​ക്കാർ ഛേദി​ക്ക​പ്പെ​ടും; യഹോ​വയെ പ്രത്യാ​ശി​ക്കു​ന്ന​വ​രോ ഭൂമിയെ കൈവ​ശ​മാ​ക്കും.”—സങ്കീർത്തനം 37:9.

ദുഷ്‌പ്ര​വൃ​ത്തി​ക്കാ​രു​ടെ നാശം എങ്ങനെ​യാ​യി​രി​ക്കും? അത്‌ മമനു​ഷ്യ​ന്റെ അപര്യാ​പ്‌ത​മായ ഗവൺമെൻറു​കളെ മാററി​സ്ഥാ​പി​ക്കുന്ന ദൈവ​ത്തി​ന്റെ സ്വർഗീയ ഗവൺമെൻറ്‌, അവന്റെ രാജ്യം, മുഖാ​ന്ത​ര​മാ​യി​രി​ക്കും. ബൈബിൾ ഇപ്രകാ​രം വാഗ്‌ദാ​നം ചെയ്യുന്നു: “ഈ രാജാ​ക്കൻമാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം . . . ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” (ദാനീ​യേൽ 2:44) ഈ ദൈവ​രാ​ജ്യ ഗവൺമെൻറി​നു​വേ​ണ്ടി​യാണ്‌ യേശു തന്റെ അനുഗാ​മി​കളെ പ്രാർഥി​ക്കാൻ പഠിപ്പി​ച്ചത്‌: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:10.

മനുഷ്യ​രു​ടെ​മേൽ തന്റെ രാജ്യം ഭരണം നടത്തണ​മെ​ന്നും അതുവഴി മാലി​ന്യ​ര​ഹി​ത​മായ ഒരു ചുററു​പാ​ടിൽ അവർ ജീവിതം ആസ്വദി​ക്ക​ണ​മെ​ന്നും ഉള്ളതാണു ഭൂമിയെ സംബന്ധിച്ച ദൈവ​ത്തി​ന്റെ ഇഷ്ടം. “ഭൂമിയെ നശിപ്പി​ക്കു​ന്ന​വരെ നശിപ്പി”ക്കാൻ ദൈവം തീരു​മാ​നി​ച്ചി​രി​ക്കു​ന്ന​തും അതു​കൊ​ണ്ടാണ്‌. (വെളി​പ്പാ​ടു 11:18) അത്‌ വിടു​ത​ലി​ന്റെ എന്തോരു ഗംഭീര കൃത്യ​മാ​യി​രി​ക്കും!

സ്വാർഥ​മ​തി​ക​ളായ മനുഷ്യർ ഭൂമി​യു​ടെ​മേൽ കുന്നു​കൂ​ട്ടി​യി​രി​ക്കുന്ന എല്ലാ മലിനീ​ക​ര​ണ​ത്തിൽനി​ന്നും സ്വത​ന്ത്ര​മാ​യി അതിൽ ജീവി​ക്കു​ന്ന​തി​നെ​ക്കു​റിച്ച്‌ സങ്കൽപ്പി​ക്കുക! അന്ന്‌ നമ്മുടെ അമൂല്യ അന്തരീക്ഷം ആരോ​ഗ്യ​ക​ര​മായ ഒരു അവസ്ഥയി​ലേക്കു പുനഃ​സ്ഥാ​പി​ക്ക​പ്പെ​ടും. ഈ ബൈബിൾ വാഗ്‌ദാ​നം നിവൃ​ത്തി​യേ​റു​മ്പോൾ ഇതു സംഭവി​ക്കും: “ഇതാ, മനുഷ്യ​രോ​ടു കൂടെ ദൈവ​ത്തി​ന്റെ കൂടാരം; അവൻ അവരോ​ടു​കൂ​ടെ വസിക്കും; അവർ അവന്റെ ജനമാ​യി​രി​ക്കും; ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3, 4; 2 പത്രൊസ്‌ 3:13.

ദൈവം വാഗ്‌ദാ​നം ചെയ്യുന്ന നീതി​വ​സി​ക്കുന്ന പുതിയ ലോക​ത്തി​ലേക്ക്‌ അതിജീ​വി​ക്ക​ണ​മെ​ങ്കിൽ നിങ്ങ​ളെ​ന്തു​ചെ​യ്യണം? ദൈവം തന്റെ പ്രതി​നി​ധി​യാ​യി ഭൂമി​യി​ലേ​ക്കയച്ച ആ ഒരുവന്റെ പഠിപ്പി​ക്ക​ലു​കൾ നിങ്ങൾ മനസ്സി​ലാ​ക്കി അവ അനുസ​രി​ക്കേ​ണ്ടി​യി​രി​ക്കു​ന്നു. (യോഹ​ന്നാൻ 3:16; 7:29) ഈ ഒരുവ​നായ യേശു​ക്രി​സ്‌തു പ്രാർഥ​ന​യിൽ ദൈവ​ത്തോട്‌ ഇപ്രകാ​രം പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

[10-ാം പേജിലെ ചിത്രം]

ശുദ്ധവും മാലി​ന്യ​ര​ഹി​ത​വു​മായ ഒരു പറുദീ​സാ ഭൂമി സമീപം