ഈ ദുരന്തം എന്നവസാ​നി​ക്കും?

അപഹരണം, ദ്രോഹം, ചൂഷണം എന്നിവ​യ്‌ക്കും പലപ്പോ​ഴും തരപ്പടി​ക്കാ​രു​ടെ മോശ​മായ സ്വാധീ​ന​ത്തി​നും കുട്ടികൾ ഇരകളാ​കു​ന്നത്‌ എന്നവസാ​നി​ക്കും? കൂടുതൽ നിയമങ്ങൾ നടപ്പാ​ക്കു​ന്ന​തും കുട്ടി​കൾക്കെ​തി​രെ നടത്ത​പ്പെ​ടുന്ന കുററ​കൃ​ത്യ​ങ്ങൾക്കു കൂടുതൽ കർശന​മായ ശിക്ഷകൾ നൽകു​ന്ന​തും അവരെ സംരക്ഷി​ക്കു​മോ? ആഹാര​വും പാർപ്പി​ട​വും വിദ്യാ​ഭ്യാ​സ​വും നൽകാ​നുള്ള കൂടു​ത​ലായ സാമൂ​ഹിക പദ്ധതികൾ ദ്രോ​ഹ​വും ഒളി​ച്ചോ​ടി​പ്പോ​ക്കും അവസാ​നി​പ്പി​ക്കു​മോ? കുട്ടി​കൾക്കു​വേണ്ടി കരുതുന്ന മാതാ​പി​താ​ക്കളെ മെച്ചമായ ആശയവി​നി​മയ വൈദ​ഗ്‌ധ്യ​ങ്ങൾ പഠിപ്പി​ക്കു​ന്നത്‌ നാശക​ര​മായ സാഹച​ര്യ​ങ്ങ​ളി​ലേക്കു കുട്ടി​കളെ പ്രലോ​ഭി​പ്പി​ക്കുന്ന ആവേശ​ത്തി​ന്റെ മിഥ്യാ സങ്കൽപ്പ​ങ്ങളെ എതിരി​ടാൻ മാതാ​പി​താ​ക്കളെ സഹായി​ക്കു​മോ?

അത്തരം നടപടി​കൾ സഹായ​ക​ര​മാ​യി​രു​ന്നേ​ക്കാ​മെ​ങ്കി​ലും ഇത്തരം ദുരന്ത​ങ്ങ​ളു​ടെ മൂലകാ​ര​ണത്തെ പിഴു​തെ​റി​യു​ന്ന​തു​വരെ കുട്ടികൾ വളരെ​യ​ധി​കം കഷ്ടപ്പാ​ടി​നു വിധേ​യ​രാ​കു​ക​തന്നെ ചെയ്യും. ഭവനത്തി​ലെ ദ്രോ​ഹ​മോ അവഗണ​ന​യോ തടയാതെ, ഒളി​ച്ചോ​ടി​പ്പോ​കുന്ന കുട്ടി​ക​ളു​ടെ പ്രശ്‌നം കൈകാ​ര്യം ചെയ്യാ​നാ​യി സ്വീക​രി​ക്കുന്ന ഏതു നടപടി​യും വലിയ പ്രയോ​ജനം ചെയ്യാൻ സാധ്യ​ത​യില്ല. എന്തു​കൊ​ണ്ടെ​ന്നാൽ കുഴപ്പം സംഭവി​ച്ചു​ക​ഴി​ഞ്ഞു​വെന്ന്‌ ഒരു യുവാവു പറയുന്നു.

മൂലകാ​ര​ണം

ഈ പ്രശ്‌ന​ങ്ങ​ളു​ടെ​യെ​ല്ലാം മൂല​മെ​ന്താണ്‌? അവയെ എങ്ങനെ നീക്കം ചെയ്യാം? മൃഗീയത, ലൈം​ഗി​ക​ചൂ​ഷണം, ലൈം​ഗി​ക​വൈ​കൃ​തം എന്നിവ​യിൽ ആഹ്ലാദം കണ്ടെത്തുന്ന അദൃശ്യ ദുഷ്ടാത്മ ശക്തിക​ളായ സാത്താ​ന്റെ​യും അവന്റെ ഭൂതങ്ങ​ളു​ടെ​യും ആക്രമ​ണ​ത്തിൻ കീഴി​ലാണ്‌ കുടും​ബ​ഘ​ടകം എന്ന്‌ ബൈബിൾ വിശദീ​ക​രി​ക്കു​ന്നു. (ഉല്‌പത്തി 6:1-6; എഫെസ്യർ 6:12) യേശു ഭൂമി​യി​ലാ​യി​രു​ന്ന​പ്പോൾ കുട്ടികൾ ഈ ഭൂതങ്ങ​ളാൽ ആക്രമി​ക്ക​പ്പെട്ടു. ഒരു പയ്യൻ ഞെരി​പി​രി​കൊ​ള്ളു​ക​യും തീയി​ലേക്ക്‌ എറിയ​പ്പെ​ടു​ക​യും ചെയ്‌തു​കൊണ്ട്‌ ദണ്ഡനം അനുഭ​വി​ച്ചു.—മർക്കൊസ്‌ 9:20-22.

യേശു ഭൂമി​യി​ലാ​യി​രു​ന്ന​തിന്‌ നൂററാ​ണ്ടു​കൾക്കു മുമ്പു​മു​തലേ ഭൂതങ്ങൾ ദണ്ഡിപ്പി​ക്കു​ന്ന​തി​ലും ബാൽ, കെമോശ്‌, മോ​ലെക്ക്‌ തുടങ്ങിയ പുറജാ​തി കരാള ദൈവ​ങ്ങൾക്ക്‌ കൊച്ചു​കു​ട്ടി​കളെ ദഹനം കഴിക്കു​ന്ന​തി​ലും ആഹ്ലാദി​ച്ചു തിമിർത്തി​രു​ന്നു. (1 രാജാ​ക്കൻമാർ 11:7; 2 രാജാ​ക്കൻമാർ 3:26, 27; സങ്കീർത്തനം 106:37, 38; യിരെ​മ്യാവ്‌ 19:5; 32:35) അതു​കൊണ്ട്‌, കൂടുതൽ കൂടുതൽ വഷളാ​യി​ക്കൊ​ണ്ടി​രി​ക്കുന്ന ഇന്നത്തെ ലോക​ത്തിൽ അവമാ​ന​വും വേദന​യും മരണവും ചെറു​പ്പ​ക്കാ​രു​ടെ​മേൽ അടി​ച്ചേൽപ്പി​ക്കാൻ ഒരുങ്ങി​യി​രി​ക്കുന്ന മനുഷ്യ ഏജൻറു​മാ​രു​ടെ കരങ്ങളിൽ ഇരകളാ​ക്കാൻ ഭൂതങ്ങൾ കുട്ടി​കളെ ലക്ഷ്യമി​ടു​ന്ന​തിൽ അതിശ​യി​ക്കാ​നില്ല. പലപ്പോ​ഴും അത്തരം പൈശാ​ചിക കൃത്യ​ങ്ങ​ളു​ടെ കുററ​വാ​ളി​കൾ മനസ്സു വ്യാപ​രി​പ്പി​ക്കു​ന്നത്‌ തങ്ങളുടെ വൈകൃ​ത​ങ്ങൾക്ക്‌ ഇന്ധന​മേ​കുന്ന അശ്ലീല​മാണ്‌.

ഭൂതങ്ങൾ മനുഷ്യ​വർഗ​ത്തിൻമേൽ ഏൽപ്പി​ക്കുന്ന സമ്മർദം നമ്മുടെ നാളിൽ വർധി​ച്ചി​രി​ക്കു​ന്നു. എന്തു​കൊ​ണ്ടെ​ന്നാൽ ചരി​ത്ര​ത്തി​ന്റെ ഈ കാലഘ​ട്ടത്തെ ബൈബിൾ വിളി​ക്കു​ന്നത്‌ ഇന്നത്തെ ദുഷ്ട വ്യവസ്ഥി​തി​യു​ടെ “അന്ത്യകാല”മെന്നാണ്‌. ഇവ “ഇടപെ​ടാൻ പ്രയാ​സ​മേ​റിയ ദുർഘട സമയങ്ങളാ”യിരി​ക്കും എന്ന്‌ അതു മുൻകൂ​ട്ടി​പ്പ​റഞ്ഞു. ഭൂതങ്ങ​ളു​ടെ സ്വാധീന ഫലമായി മനുഷ്യർ ഇന്ന്‌ എന്നെ​ത്തേ​തി​ലു​മ​ധി​ക​മാ​യി ഈ ദുഷ്ടാ​ത്മ​ശ​ക്തി​ക​ളു​ടെ വഷളത്തത്തെ പ്രതി​ഫ​ലി​പ്പി​ക്കു​ന്നു. നമ്മുടെ നാളിലെ ആളുകൾ ഉഗ്രൻമാ​രും ആത്മനി​യ​ന്ത്ര​ണ​മി​ല്ലാ​ത്ത​വ​രും സ്വാഭാ​വിക പ്രിയ​മി​ല്ലാ​ത്ത​വ​രും നൻമ​പ്രി​യ​മി​ല്ലാ​ത്ത​വ​രും ആയിരി​ക്കു​മെന്നു ബൈബിൾ മുൻകൂ​ട്ടി​പ്പ​റഞ്ഞു.—2 തിമൊ​ഥെ​യൊസ്‌ 3:1-5, 13.

വ്യഭി​ചാ​രം, മയക്കു​മ​രു​ന്നു​കൾ, ആത്മഹത്യ, കൊല​പാ​തകം, ബലാൽസം​ഗം, അഗമ്യ​ഗ​മനം, അടിമത്തം, ദണ്ഡനം എന്നിവയെ പ്രകീർത്തി​ക്കുന്ന ഫിലി​മു​ക​ളും റെക്കോർഡു​ക​ളും മാഗസി​നു​ക​ളും പുസ്‌ത​ക​ങ്ങ​ളും ഉത്‌പാ​ദി​പ്പി​ക്കുന്ന പണക്കൊ​തി​യൻമാ​രെ ഇതു നന്നായി വർണി​ക്കു​ന്നു. ഇവയി​ലൂ​ടെ​യും മററു മാർഗ​ങ്ങ​ളി​ലൂ​ടെ​യും ഭൂതങ്ങൾ ഒരു സംസ്‌കാ​ര​ത്തിന്‌ പ്രചോ​ദ​ന​മേ​കി​യി​രി​ക്കു​ന്നു. ഈ സംസ്‌കാ​രം ദുഷിച്ച വായു​പോ​ലെ കുടുംബ മൂല്യ​ങ്ങ​ളെ​യും ദൈവിക ധാർമി​ക​ത​യെ​യും പിഴു​തെ​റി​ഞ്ഞു​കൊണ്ട്‌ ചെറു​പ്പ​ക്കാ​രെ​ന്നോ പ്രായ​മാ​യ​വ​രെ​ന്നോ വ്യത്യാ​സ​മി​ല്ലാ​തെ ആളുക​ളു​ടെ മനസ്സു​ക​ളെ​യും ഹൃദയ​ങ്ങ​ളെ​യും മലിന​മാ​ക്കി​യി​രി​ക്കു​ന്നു.

കുട്ടി​ക​ളെ അപഹരി​ക്കൽ, ഉപദ്ര​വി​ക്കൽ, കൊല​ചെയ്യൽ എന്നിവ​യി​ലെ വർധനവ്‌ അന്ത്യനാ​ളു​ക​ളു​ടെ അടയാ​ള​ത്തി​ന്റെ ഭാഗമാണ്‌. കൂടാതെ, ‘മനുഷ്യർ സ്വസ്‌നേ​ഹി​ക​ളും യോജി​പ്പി​ലെ​ത്താൻ മനസ്സി​ല്ലാ​ത്ത​വ​രും അവിശ്വ​സ്‌ത​രും ദ്രോ​ഹി​ക​ളും ആയിരി​ക്കു​മെന്ന്‌’ ബൈബിൾ പറഞ്ഞു. ആയതി​നാൽ ഈ നാളു​ക​ളിൽ വിവാഹ ബന്ധങ്ങൾ അവ സ്ഥാപി​ക്ക​പ്പെട്ട ഉടൻതന്നെ പലപ്പോ​ഴും തകരു​ക​യാണ്‌. വിവാ​ഹ​മോ​ചനം വർധി​ക്കു​ന്ന​തോ​ടെ മാതാ​പി​താ​ക്ക​ളാ​ലുള്ള തട്ടി​ക്കൊ​ണ്ടു​പോ​ക്കും വർധി​ക്കു​ന്നു. ഇപ്പോ​ഴ​ത്തേ​തോ മുമ്പ​ത്തേ​തോ ആയ ഇണകളു​ടെ മർദന​വും കൊല​യും വർധി​ക്കു​ന്നു. ഇതിനി​ര​ക​ളാ​കു​ന്ന​വ​രു​ടെ വൻ ഭൂരി​പക്ഷം സ്‌ത്രീ​ക​ളാണ്‌. അങ്ങനെ, അവഗണി​ച്ചു​കൊ​ണ്ടും ദ്രോ​ഹി​ച്ചു​കൊ​ണ്ടും മാതാ​പി​താ​ക്കൾ ഒളി​ച്ചോ​ടി​പ്പോ​കാൻ പ്രോ​ത്സാ​ഹി​പ്പി​ക്കുന്ന കുട്ടി​ക​ളു​ടെ ഒരു തലമു​റയെ നാം കാണുന്നു. കൂടാതെ, നമ്മുടെ കാലം “മാതാ​പി​താ​ക്കളെ അനുസ​രി​ക്കാ​ത്ത​വ​രും . . . വഴങ്ങാ​ത്ത​വ​രും” ദൈവിക മൂല്യ​ങ്ങളെ ആദരി​ക്കു​ന്ന​തി​നു പകരം തങ്ങളുടെ തരപ്പടി​ക്കാ​രോ​ടൊ​പ്പം ഇറങ്ങി​യോ​ടാൻ ഇഷ്ടപ്പെ​ടു​ന്ന​വ​രു​മായ കുട്ടി​ക​ളാൽ അടയാ​ള​പ്പെ​ടു​ത്ത​പ്പെ​ടു​ന്നു.—2 തിമോ​ത്തി 3:2-4 NW.

ദുരന്തം പെട്ടെ​ന്നു​തന്നെ അവസാ​നി​ക്കും

എന്നിരു​ന്നാ​ലും, സാത്താ​ന്റെ​യും ഭൂതങ്ങ​ളു​ടെ​യും സ്വാധീ​നം പെട്ടെ​ന്നു​തന്നെ അവസാ​നി​ക്കും. (വെളി​പ്പാ​ടു 12:12) ദൈവം സാത്താ​നെ​യും അവന്റെ ഭൂതങ്ങ​ളെ​യും നീക്കം ചെയ്യു​മെന്ന്‌ വെളി​പ്പാ​ടു 20:1-3 പ്രസ്‌താ​വി​ക്കു​ന്നു. അതിനു ശേഷം, നീതി നടപ്പാ​ക്കി​ക്കൊ​ണ്ടും എല്ലാവർക്കും സുരക്ഷി​ത​ത്വം ഉറപ്പു​നൽകി​ക്കൊ​ണ്ടും യേശു​ക്രി​സ്‌തു​വി​ന്റെ കൈക​ളി​ലെ ദൈവ​ത്തി​ന്റെ സ്വർഗീയ രാജ്യം ഈ ഭൂമിയെ നീതി​യിൽ ഭരണം നടത്തും. (സങ്കീർത്തനം 72:7, 8; ദാനീ​യേൽ 2:44; മത്തായി 6:9, 10) ലാഭത്തി​നു​വേണ്ടി പാവ​പ്പെ​ട്ട​വരെ ഞെരു​ക്കു​ക​യും മനുഷ്യ ദൗർബ​ല്യ​ങ്ങളെ ചൂഷണം ചെയ്യു​ക​യും ചെയ്യുന്ന അത്യാർത്തി​പൂണ്ട വ്യാപാര പദ്ധതികൾ പൊയ്‌പോ​യി​രി​ക്കും. എന്തു​കൊ​ണ്ടെ​ന്നാൽ “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു.” (1 യോഹ​ന്നാൻ 2:17) സദൃശ​വാ​ക്യ​ങ്ങൾ 2:22 മുൻകൂ​ട്ടി​പ്പ​റ​യു​ന്ന​ത​നു​സ​രിച്ച്‌ ദുഷ്ടത പ്രവർത്തി​ക്കുന്ന ഏവരും ഛേദി​ക്ക​പ്പെ​ടും: ‘ദുഷ്ടൻമാർ . . . ഭൂമി​യിൽ നിന്നു​തന്നെ ഛേദി​ക്ക​പ്പെ​ടും.’

ദൈവ​ത്തി​ന്റെ പുതിയ ലോക​ത്തിൽ എല്ലാവർക്കും സുരക്ഷി​ത​ത്വ​വും സമാധാ​ന​വും ഉണ്ടായി​രി​ക്കു​മെന്ന്‌ മീഖാ 4:4 വിശദീ​ക​രി​ക്കു​ന്നു: “ആരും അവരെ ഭയപ്പെ​ടു​ത്തു​ക​യില്ല.” അതെങ്ങനെ സാധ്യ​മാ​കും? സ്‌നേ​ഹ​ത്തി​ന്റെ രാജകീയ നിയമം വഴി. ആ പരമോ​ന്നത നിയമം എല്ലാ ചിന്തക​ളെ​യും പ്രവർത്ത​ന​ങ്ങ​ളെ​യും ഭരിക്കും. അന്നു ജീവി​ച്ചി​രി​ക്കു​ന്നവർ യേശു​വി​ന്റെ​യും അവന്റെ പിതാ​വായ യഹോ​വ​യാം ദൈവ​ത്തി​ന്റെ​യും വ്യക്തി​ത്വം പ്രതി​ഫ​ലി​പ്പി​ക്കാൻ പഠിച്ചി​രി​ക്കും. എന്തെന്നാൽ അങ്ങനെ ചെയ്യാ​ത്ത​പക്ഷം അവരെ തുടർന്നു ജീവി​ക്കാൻ അനുവ​ദി​ക്കില്ല. അവർ തന്നെ ‘അനുക​മ്പ​യു​ടെ മൃദു​ല​വാ​ത്സ​ല്യ​ങ്ങ​ളും ദയയും മനസ്സിന്റെ എളിമ​യും സൗമ്യ​ത​യും’ ധരിക്കു​ന്ന​തു​വഴി സ്വാർഥത മനുഷ്യ​സ്വ​ഭാ​വ​ത്തിൽനി​ന്നു മാഞ്ഞു​പോ​കും. (കൊ​ലോ​സ്യർ 3:12, NW) ജീവിതം ആഹ്ലാ​ദോ​ജ്ജ്വ​ല​മാ​യി​രി​ക്കും; വീടു​ക​ളി​ലെ​ല്ലാം ഊഷ്‌മളത വിളയാ​ടും; സ്‌നേഹം ഭൂമി​യി​ലെ​മ്പാ​ടും പ്രമാ​ണ​മാ​യി​ത്തീ​രും.

യെശയ്യാ​വു 65:21-23 എല്ലാവർക്കും ഇഷ്ടം​പോ​ലെ ആഹാര​വും നല്ല ഭവനങ്ങ​ളും വാഗ്‌ദാ​നം ചെയ്യുന്നു: “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. . . . അവർ വൃഥാ അദ്ധ്വാ​നി​ക്ക​യില്ല; ആപത്തി​ന്നാ​യി​ട്ടു പ്രസവി​ക്ക​യു​മില്ല.” മേലാൽ ദ്രോ​ഹ​മില്ല. കുട്ടി​കൾക്കാ​കട്ടെ മാതാ​പി​താ​ക്കൾക്കാ​കട്ടെ മേലാൽ കഷ്ടതയു​മില്ല.

ഇപ്പോൾ പ്രയോ​ജ​ന​മ​നു​ഭ​വി​ക്കൽ

ഇപ്പോൾ, ഈ ദുഷ്ട വ്യവസ്ഥി​തി​യു​ടെ അന്ത്യ നാഴി​ക​ക​ളിൽപ്പോ​ലും യഹോ​വ​യെ​ക്കു​റി​ച്ചും ഈ ഭൂമിയെ ഒരു പറുദീ​സ​യാ​യി പുനഃ​സ്ഥാ​പി​ക്കാ​നുള്ള അവന്റെ ഉദ്ദേശ്യ​ത്തെ​ക്കു​റി​ച്ചും ഉള്ള അറിവു പ്രയോ​ജ​നങ്ങൾ കൈവ​രു​ത്തു​ന്നു. ഇത്‌ നമ്മുടെ നാളു​ക​ളിൽ പ്രശ്‌ന​ങ്ങൾക്ക്‌ ഇരകളാ​യി​രു​ന്നി​ട്ടും പല ചെറു​പ്പ​ക്കാർക്കും മാതാ​പി​താ​ക്കൾക്കും പ്രത്യാ​ശ​യും സന്തോ​ഷ​ത്തി​നുള്ള കാരണ​വും നൽകി​യി​രി​ക്കു​ന്നു. ഉദാഹ​ര​ണ​ത്തിന്‌, നമ്മുടെ മുൻ ലേഖന​ത്തിൽ പരാമർശി​ക്ക​പ്പെട്ട തമാര അവളുടെ ജീവി​ത​ത്തിൽ എന്തു സംഭവി​ച്ചെന്നു വിശദീ​ക​രി​ക്കു​ന്നു.

“18 വയസ്സാ​യ​പ്പോൾ ഞാൻ വിവാ​ഹി​ത​യാ​യി, ‘കൂട്ടു​കാ​രു’ടെ വലയം ഏറെക്കു​റെ ഉപേക്ഷി​ക്കു​ക​യും ചെയ്‌തു. അവരിൽ ചിലർ ജയിലി​ലും മയക്കു​മ​രു​ന്നു​ക​ളു​ടെ​യും വേശ്യാ​വൃ​ത്തി​യു​ടെ​യും പിടി​യി​ലും ചെന്നു​പെട്ടു. എന്നാൽ എന്റെ വ്യക്തി​ത്വം അപ്പോ​ഴും പഴയതു​ത​ന്നെ​യാ​യി​രു​ന്ന​തി​നാൽ ഭർത്താ​വു​മാ​യി ഞാൻ ലഹളയാ​രം​ഭി​ച്ചു. എന്നിരു​ന്നാ​ലും ഞങ്ങളുടെ മകന്റെ ജനന​ശേഷം ഉടൻതന്നെ ഒരുകാ​ര്യം സംഭവി​ച്ചു. അത്‌ എന്റെ ജീവി​തത്തെ പാടേ മാററി. ഞാനൊ​രു ബൈബിൾ കണ്ടെത്തി വായന തുടങ്ങി. ‘ജ്ഞാനം കണ്ടെത്തു​ന്നത്‌ ഒളിഞ്ഞി​രി​ക്കുന്ന നിക്ഷേ​പങ്ങൾ കണ്ടെത്തു​ന്ന​തു​പോ​ലെ​യാ​ണെ’ന്നു പറയുന്ന സദൃശ​വാ​ക്യ​ങ്ങ​ളി​ലെ അധ്യായം ഒരു വൈകു​ന്നേരം ഞാൻ വായിച്ചു. (സദൃശ​വാ​ക്യ​ങ്ങൾ 2:1-6) അന്നു വൈകു​ന്നേരം ഉറങ്ങു​ന്ന​തി​നു മുമ്പ്‌ ഞാൻ ആ ജ്ഞാനത്തി​നു​വേണ്ടി പ്രാർഥി​ച്ചു. പിറേറ ദിവസം യഹോ​വ​യു​ടെ സാക്ഷികൾ എന്റെ വാതിൽക്കൽ മുട്ടി. ഞാൻ അവരോ​ടൊത്ത്‌ ബൈബിൾ പഠിക്കാൻ തുടങ്ങി. എന്നാൽ ബൈബി​ളിൽനി​ന്നു പഠിക്കു​ന്നതു പ്രാ​യോ​ഗി​ക​മാ​ക്കാൻ എനിക്കു കുറച്ചു സമയം ആവശ്യ​മാ​യി​രു​ന്നു. ഒടുവിൽ, ക്രിസ്‌തീയ ജീവി​ത​രീ​തി പിന്തു​ട​രാൻ ഞാൻ തീരു​മാ​ന​മെ​ടു​ക്കു​ക​യും സ്‌നാ​പ​ന​മേൽക്കു​ക​യും ചെയ്‌തു. ദൈവം പ്രദാനം ചെയ്യുന്ന ആശ്വാസം കൈവ​ശ​മാ​ക്കാൻ ഇപ്പോൾ ഞാൻ ഭർത്താ​വി​നോ​ടൊ​പ്പം മററു​ള്ള​വരെ സഹായി​ക്കു​ക​യാണ്‌.”

അതേ, തമാര സകല ആശ്വാ​സ​ത്തി​ന്റെ​യും ഉറവിടം കണ്ടെത്തി, യഹോ​വ​യാം ദൈവത്തെ. തന്നോടു പററി​ച്ചേ​രു​ന്ന​വരെ ഒരിക്ക​ലും ഉപേക്ഷി​ക്കു​ക​യി​ല്ലാത്ത ഒരു സ്വർഗീയ പിതാ​വാണ്‌ അവൻ. സങ്കീർത്തനം 27:10 നമ്മോട്‌ ഇപ്രകാ​രം പറയുന്നു: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.”

നേരത്തെ പരാമർശിച്ച ഡോമി​ങ്ങോ​സും ആശ്വാ​സ​വും പ്രോ​ത്സാ​ഹ​ന​വും പിന്തു​ണ​യും പ്രദാ​നം​ചെയ്‌ത ഒരു യഥാർഥ കുടും​ബത്തെ കണ്ടെത്തി. അവൻ ഇപ്രകാ​രം വിശദീ​ക​രി​ക്കു​ന്നു: “ഒരു ദിവസം മഹദ്‌ഗു​രു​വി​നെ ശ്രദ്ധിക്കൽ എന്ന പുസ്‌ത​ക​ത്തി​ന്റെ ഒരു പ്രതി എനിക്കു ലഭിച്ചു. ദൈവ​ത്തിന്‌ യഹോ​വ​യെന്ന നാമമു​ണ്ടെന്നു മനസ്സി​ലാ​ക്കി​യ​പ്പോൾ ഞാൻ അമ്പരന്നു​പോ​യി.a ഞാൻ യഹോ​വ​യു​ടെ സാക്ഷി​ക​ളു​ടെ യോഗ​ങ്ങ​ളി​ലൊ​ന്നിൽ പങ്കെടു​ത്തു. അവിടെ തരംതി​രി​വു​കൾ ഇല്ലെന്നു മനസ്സി​ലാ​ക്കിയ ഞാൻ അന്തംവി​ട്ടു​പോ​യി. എന്റെ വസ്‌ത്രം മോശ​മാ​യി​രു​ന്നി​ട്ടും എന്റെ രീതികൾ സംസ്‌കാ​ര​ശൂ​ന്യ​മാ​യി​രു​ന്നി​ട്ടും എല്ലാവ​രും എന്നെ അവിശ്വ​സി​ച്ചി​ട്ടും അതൊ​ന്നും ഗണ്യമാ​ക്കാ​തെ അവർ എന്നോ​ടൊ​ത്തു ബൈബിൾ പഠിക്കാൻ തുടങ്ങി. മുൻ ജീവി​ത​രീ​തി ഉപേക്ഷി​ക്കാൻ ക്രമേണ അവരെന്നെ സഹായി​ച്ചു. ജോലി കിട്ടാൻ പോലും അവർ എന്നെ സഹായി​ച്ചു. ഒടുവിൽ സ്‌നാ​പ​ന​ത്തി​ലേക്കു പുരോ​ഗതി പ്രാപി​ക്കാൻ ഞാൻ സഹായി​ക്ക​പ്പെട്ടു.”

യഹോ​വ​യു​ടെ സാക്ഷി​ക​ളു​ടെ സഭകൾ യുവജ​ന​ങ്ങളെ സംബന്ധി​ച്ചി​ട​ത്തോ​ളം ഒരു സുരക്ഷി​തവല പോ​ലെ​യാണ്‌. മുമ്പി​ലുള്ള അത്ഭുത പ്രത്യാ​ശ​യെ​ക്കു​റി​ച്ചു പഠിക്കാൻ ആഗ്രഹി​ക്കുന്ന ഏതൊ​രാ​ളെ​യും സഹായി​ക്കാൻ സാക്ഷികൾ സന്തോ​ഷ​മു​ള്ള​വ​രാണ്‌. സാക്ഷികൾ ബുദ്ധ്യു​പ​ദേ​ശ​വും മാർഗ​ദർശ​ന​വും ദൈവ​വ​ച​ന​മായ ബൈബി​ളിൽനി​ന്നു നൽകാൻ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്ന​തി​നാൽ തങ്ങളുടെ സ്വർഗീയ പിതാ​വു​മാ​യി ഒരു ബന്ധമു​ണ്ടാ​യി​രി​ക്കാൻ ആഗ്രഹി​ക്കു​ന്ന​വർക്കു കൈവ​രുന്ന ആശ്വാസം വലിയ​താണ്‌. തങ്ങൾക്കു​തന്നെ വെറു​പ്പു​ള​വാ​ക്കുന്ന ഒരു സാഹച​ര്യം യഹോ​വ​യ്‌ക്കും വെറു​പ്പാ​ണെന്ന്‌ യുവജ​ന​ങ്ങളെ കാണി​ച്ചു​കൊ​ടു​ക്കേ​ണ്ട​താ​ണെന്ന്‌ ഒരു സാക്ഷി വിശദീ​ക​രി​ക്കു​ന്നു. സാക്ഷി ഇപ്രകാ​രം പ്രസ്‌താ​വി​ക്കു​ന്നു: “കുട്ടികൾ ദ്രോ​ഹി​ക്ക​പ്പെ​ടാൻ യഹോവ ആഗ്രഹി​ക്കു​ന്നില്ല. അവർ അസന്തു​ഷ്ട​രാ​യി​രി​ക്കാ​നും അവൻ ആഗ്രഹി​ക്കു​ന്നില്ല. എന്നാൽ ഒരു രൂപത്തി​ലുള്ള ദ്രോ​ഹ​ത്തിൽനി​ന്നു രക്ഷനേടി മറെറാ​രു രൂപത്തി​ലുള്ള ദ്രോ​ഹ​ത്തിന്‌, അതായത്‌ തെരു​വു​ക​ളിൽ കിട്ടു​ന്ന​തു​പോ​ലെ​യു​ള്ള​തിന്‌, അവർ ഇരകളാ​യി​ത്തീ​രാൻ അവൻ ആഗ്രഹി​ക്കു​ന്നില്ല. തങ്ങളുടെ പ്രശ്‌ന​ങ്ങ​ളെ​ക്കു​റിച്ച്‌ സംസാ​രി​ക്കു​ന്ന​തി​നും പരിഹാ​രം കണ്ടെത്തു​ന്ന​തി​നു​മാ​യി അവർക്ക്‌ യഹോ​വ​യു​ടെ സ്ഥാപന​ത്തി​ലെ പക്വത​യുള്ള വ്യക്തി​ക​ളു​മാ​യി ആലോ​ചി​ക്കാൻ കഴിയും.

സ്വീകാ​ര്യ മനോ​ഭാ​വ​മുള്ള കുട്ടി​കൾക്കു ദൈവ​വ​ചനം സമപ്രാ​യ​ക്കാ​രിൽനി​ന്നുള്ള സമ്മർദ​ത്തി​ന്റെ കെണി ഒഴിവാ​ക്കാ​നുള്ള ഒരു ശക്തമായ പ്രചോ​ദനം നൽകുന്നു. മാതാ​പി​താ​ക്ക​ളോ​ടു പറയാതെ ശീട്ടു​ക​ളി​ക്കാൻ 17 വയസ്സു​കാ​രി പെൺകു​ട്ടി ഫ്രാൻസി​സി​നെ അവളുടെ ഒരു സഹപാഠി അനേക തവണ പ്രേരി​പ്പി​ച്ചു. ഒടുവിൽ അവൾ വീട്ടിൽനിന്ന്‌ ഒളി​ച്ചോ​ടി​പ്പോ​യി. മാതാ​പി​താ​ക്കൾക്ക്‌ മണിക്കൂ​റു​ക​ളോ​ളം ഹൃദയ​വേദന ഉണ്ടാക്കി​യ​ശേഷം അവൾ മടങ്ങി​യെത്തി. പിന്നീട്‌ അവളുടെ സഭയിൽനി​ന്നുള്ള രണ്ടു സാക്ഷികൾ അവളെ സന്ദർശി​ച്ചു. പ്രശ്‌ന​ത്തി​ന്റെ കാരണം കുടും​ബാ​ന്ത​രീ​ക്ഷ​മ​ല്ലെന്ന്‌ അവർ മനസ്സി​ലാ​ക്കി. അവർ സ്‌നേ​ഹ​പു​ര​സ്സരം ബുദ്ധ്യു​പ​ദേശം നൽകി. മാതാ​പി​താ​ക്കളെ ബഹുമാ​നി​ക്കു​ന്ന​തി​നുള്ള യുവാ​ക്ക​ളു​ടെ കടമയും (എഫെസ്യർ 6:1, 2); മാതാ​പി​താ​ക്ക​ളോ​ടു പറയാതെ ശീട്ടു കളിച്ച​തു​കൊണ്ട്‌ സത്യസ​ന്ധ​ത​യി​ല്ലായ്‌മ മാററി​യെ​ടു​ക്കേ​ണ്ട​തി​ന്റെ ആവശ്യ​ക​ത​യും (എഫെസ്യർ 4:25); ചീത്ത സഹവാ​സങ്ങൾ ഒഴിവാ​ക്കേ​ണ്ട​തി​ന്റെ പ്രാധാ​ന്യ​വും (1 കൊരി​ന്ത്യർ 15:33) അവർ വിശദീ​ക​രി​ച്ചു കൊടു​ത്തു. അവൾ ക്രിയാ​ത്മ​ക​മാ​യി പ്രതി​ക​രി​ച്ചു.

ഉയരത്തിൽനി​ന്നുള്ള സഹായം

ഷെറി​ലും തന്റെ മുൻ ഭർത്താവ്‌ കുട്ടി​കളെ തട്ടി​ക്കൊ​ണ്ടു​പോ​യ​പ്പോ​ഴത്തെ പ്രശ്‌നം കൈകാ​ര്യം ചെയ്യു​ന്ന​തിൽ യഹോ​വ​യിൽനി​ന്നുള്ള സഹായം കണ്ടെത്തി.b ഈ പേക്കി​നാ​വി​നെ തരണം ചെയ്യാൻ അവളെ സഹായി​ച്ച​തെ​ന്താ​ണെന്നു ചോദി​ച്ച​പ്പോൾ അവൾ പറഞ്ഞു: “ഞാൻ ആദ്യം​തന്നെ സങ്കീർത്ത​നങ്ങൾ വായിച്ചു. പ്രത്യേ​കിച്ച്‌ സങ്കീർത്തനം 35. ഞാൻ അനുഭ​വി​ച്ചു​കൊ​ണ്ടി​രുന്ന അനീതി യഹോവ കാണു​ന്നു​ണ്ടാ​യി​രു​ന്നു എന്നറി​ഞ്ഞത്‌ ആശ്വാ​സ​പ്ര​ദ​മാ​യി​രു​ന്നു.” സങ്കീർത്തനം 35:22, 23 ഇപ്രകാ​രം പറയുന്നു: “യഹോവേ, നീ കണ്ടുവ​ല്ലോ; മൌന​മാ​യി​രി​ക്ക​രു​തേ; കർത്താവേ, എന്നോ​ട​ക​ന്നി​രി​ക്ക​രു​തേ; . . . ഉണർന്നു എന്റെ . . . ന്യായ​ത്തി​ന്നു ജാഗരി​ക്കേ​ണമേ.”

യഹോ​വ​യു​ടെ പിന്തു​ണ​യാ​ലും സാക്ഷി​ക​ളിൽനി​ന്നുള്ള സഹായ​ത്താ​ലും രണ്ടു വർഷത്തി​നു​ശേഷം ഷെറിൽ അവളുടെ മുൻ ഭർത്താ​വി​നെ അഭിമു​ഖീ​ക​രി​ച്ചു, അവൾ തന്റെ കുട്ടി​കളെ സന്ദർശി​ക്കു​ക​യും ചെയ്‌തു. അവർക്കി​തു സംഭവി​ച്ച​തി​ന്റെ കാരണം വിശദ​മാ​ക്കു​ന്ന​തും താൻ അവരെ ഉപേക്ഷി​ച്ചി​ട്ടി​ല്ലെന്ന്‌ ഉറപ്പു​നൽകു​ന്ന​തു​മായ ആശ്വാ​സ​പ്ര​ദ​മായ ഉത്തരങ്ങൾ നൽകാൻ അവൾക്കു കഴിഞ്ഞു. യഹോ​വയെ ബഹുമാ​നി​ക്കാൻ ഷെറിൽ തന്റെ കുട്ടി​കളെ പരിശീ​ലി​പ്പി​ച്ചി​രു​ന്ന​തു​കൊണ്ട്‌ അവൾക്ക്‌ അവരി​ലു​ണ്ടാ​യി​രുന്ന ആത്മവി​ശ്വാ​സ​ത്തെ​ക്കു​റിച്ച്‌ അവരോ​ടു പറയാൻ കഴിഞ്ഞു. അവൾ ഇപ്രകാ​രം വിശദീ​ക​രി​ച്ചു: “എന്റെ കുട്ടികൾ യഹോ​വയെ സ്‌നേ​ഹി​ക്കു​ന്നു​ണ്ടെന്ന്‌ എനിക്ക​റി​യാം. അവർക്ക്‌ നിലനിൽക്കുന്ന ഉപദ്രവം സംഭവി​ക്കാൻ അവൻ അവരെ അനുവ​ദി​ക്കില്ല.”

ആ പ്രശ്‌നം പരിഹ​രി​ക്ക​പ്പെ​ട്ടത്‌ അങ്ങനെ​യാണ്‌. വിദേശ കുടി​യേററ (immigration) ഉദ്യോ​ഗ​സ്ഥൻമാ​രു​മാ​യി ഇടപെ​ടു​ന്ന​തി​ലെ ഷെറി​ലി​ന്റെ സ്ഥിര​ശ്ര​മ​വും ഉള്ളുരു​കി​യുള്ള പ്രാർഥ​ന​യി​ലൂ​ടെ യഹോ​വ​യി​ലുള്ള അവളുടെ ആശ്രയ​വും നിമിത്തം അവൾക്കു കുട്ടി​കളെ തിരി​ച്ചു​കി​ട്ടി. ഷെറിൽ ഇപ്രകാ​രം പ്രസ്‌താ​വി​ച്ചു: “എനിക്ക്‌ അവരെ തിരിച്ചു കിട്ടി​യത്‌ യഹോ​വ​യു​ടെ കയ്യാൽ മാത്ര​മാ​ണെന്ന്‌ യഥാർഥ​ത്തിൽ പറഞ്ഞേ പററൂ.”

യഹോവ ആരാ​ണെ​ന്നും അവനെ ആരാധി​ക്കേണ്ട വിധവും നമ്മുടെ കുട്ടി​കളെ ഇപ്പോൾ പഠിപ്പി​ക്കേ​ണ്ടത്‌ എത്ര പ്രധാ​ന​മാണ്‌! യഹോ​വ​യു​ടെ കണ്ണുകൾ “നീതി​മാൻമാ​രു​ടെ മേലും അവന്റെ ചെവി അവരുടെ പ്രാർഥ​നെ​ക്കും തുറന്നി​രി​ക്കു​ന്നു” എന്ന്‌ 1 പത്രൊസ്‌ 3:12-ൽ ബൈബിൾ പ്രസ്‌താ​വി​ക്കു​ന്നു. യഹോവ തീർച്ച​യാ​യും നമ്മുടെ കുട്ടി​കൾക്ക്‌ ഒരു അഭയമാണ്‌. അവന്റെ നാമം “ബലമുള്ള ഗോപു​രം; നീതി​മാൻ അതി​ലേക്കു ഓടി​ച്ചെന്നു അഭയം പ്രാപി​ക്കു​ന്നു.”—സദൃശ​വാ​ക്യ​ങ്ങൾ 18:10.

തങ്ങളുടെ കുട്ടി​കൾക്ക്‌ എന്താണ്‌ പിണയാൻ പോകു​ന്ന​തെന്ന്‌ എല്ലായ്‌പോ​ഴും അറിയാൻ കഴിയാത്ത വളരെ ആപത്‌ക​ര​മായ നാളു​ക​ളി​ലാ​ണു നാം ജീവി​ക്കു​ന്ന​തെ​ങ്കി​ലും വിശ്വ​സ്‌ത​രായ തങ്ങളുടെ കുട്ടി​കൾക്ക്‌ നിലനിൽക്കുന്ന ദ്രോ​ഹ​മൊ​ന്നും സംഭവി​ക്കി​ല്ലെന്ന്‌ യഹോ​വയെ സേവി​ക്കുന്ന മാതാ​പി​താ​ക്കൾക്ക്‌ അറിയാം. നമ്മുടെ നാളു​ക​ളിൽ പ്രശ്‌ന​ങ്ങൾക്ക്‌ ഇരകളാ​ക്ക​പ്പെ​ട്ടി​രി​ക്കു​ന്ന​വരെ മരണത്തിൽനി​ന്നു തിരികെ കൊണ്ടു​വ​രാ​മെ​ന്നും അവരു​ടെ​മേൽ ഏൽപ്പി​ക്ക​പ്പെട്ട വേദന​യും കഷ്ടതയും തുടച്ചു​നീ​ക്കാ​മെ​ന്നു​പോ​ലും അവൻ വാഗ്‌ദാ​നം ചെയ്‌തി​രി​ക്കു​ന്നു.—യെശയ്യാ​വു 65:17, 18; യോഹ​ന്നാൻ 5:28, 29.

ദൈവ​ത്തി​ന്റെ പുതിയ ലോക​ത്തി​ന്റെ പ്രത്യാശ അത്ഭുത​ക​ര​മായ ഒന്നാണ്‌. സാത്താ​നെ​യും അവന്റെ ദുഷ്ട വ്യവസ്ഥി​തി​യെ​യും പെട്ടെ​ന്നു​തന്നെ ദൈവം ഭൂമി​യിൽനി​ന്നു തുടച്ചു​നീ​ക്കു​മെ​ന്നുള്ള തിരി​ച്ച​റി​വും അത്ഭുത​കരം തന്നെ. കുട്ടി​കൾക്കുള്ള ഏതു ഭീഷണി​യും പൊയ്‌പോ​യി​രി​ക്കും. യഹോ​വ​യു​ടെ സാക്ഷികൾ തങ്ങളുടെ സഭാ​യോ​ഗ​ങ്ങ​ളിൽ പാടുന്ന ഒരു ഗീതം ആ പുതിയ വ്യവസ്ഥി​തി​യെ ഈ വിധത്തിൽ വർണി​ക്കു​ന്നു: “ബാലകർ ഗീതം പാടു​മ്പോൾ,/സന്തോഷ ശാന്തി വ്യാപി​ക്കെ/കാണും പുനരു​ത്ഥാ​നം നീ,/ദൃഷ്ടി ലക്ഷ്യത്തിൽ നീ നട്ടാൽ”!

അടുത്ത​ത​വണ യഹോ​വ​യു​ടെ സാക്ഷി​ക​ളിൽ ആരെ​യെ​ങ്കി​ലും നിങ്ങൾ കണ്ടുമു​ട്ടു​മ്പോൾ, തൊട്ടു​മു​മ്പിൽ വരാനി​രി​ക്കുന്ന ദൈവ​ത്തി​ന്റെ നീതി​യുള്ള പുതിയ ലോക​ത്തി​ലെ സന്തോ​ഷ​ത്തെ​ക്കു​റിച്ച്‌ നിങ്ങൾക്കും കൂടു​ത​ലാ​യി പഠിക്കാൻ കഴിയുന്ന വിധം കാണി​ച്ചു​ത​രാൻ അവരോട്‌ ആവശ്യ​പ്പെ​ടുക. ഇപ്പോൾ വളരെ​യ​ധി​കം ആശ്വാ​സ​വും പിന്നീട്‌ അനന്തജീ​വ​നും ദൈവ​വ​ച​ന​ത്തി​നു പ്രദാനം ചെയ്യാൻ കഴിയുന്ന വിധം കണ്ടെത്തു​ന്ന​തിന്‌ നിങ്ങളെ സഹായി​ക്കാൻ അവർ സന്തോ​ഷ​മു​ള്ള​വ​രാ​യി​രി​ക്കും.—സങ്കീർത്തനം 37:29; വെളി​പ്പാ​ടു 21:4, 5.

[അടിക്കു​റി​പ്പു​കൾ]

[12-ാം പേജിലെ ആകർഷ​ക​വാ​ക്യം]

“കുട്ടികൾ ദ്രോ​ഹി​ക്ക​പ്പെ​ടാൻ യഹോവ ആഗ്രഹി​ക്കു​ന്നില്ല”