ബൈബി​ളി​ന്റെ വീക്ഷണം

ഏകാകി​ത്വം ഒരു വരമാ​യി​രി​ക്കു​മ്പോൾ

‘ഞാൻ ഏകാന്ത​യാണ്‌,’ അനേക വർഷങ്ങ​ളാ​യി ഒരു വിധവ​യാ​യി​രി​ക്കുന്ന ഒരു ക്രിസ്‌തീയ സ്‌ത്രീ വിലപി​ക്കു​ന്നു. ‘ഒരു ഇണയെ കിട്ടി​യി​രു​ന്നെ​ങ്കിൽ എന്നു ഞാൻ ആശിക്കു​ന്നു. തിരക്കു​ള്ള​വ​ളാ​യി​രി​ക്കു​ന്നതു ഗുണം ചെയ്യും. കൂട്ടു​കാ​രു​ണ്ടാ​യി​രി​ക്കു​ന്ന​തും ഗുണം ചെയ്യും. ഞാൻ വിവാഹം കഴിക്കാ​നാ​ഗ്ര​ഹി​ക്കു​ന്നു.’

നിങ്ങൾ വിവാഹം കഴിക്കാൻ ആത്മാർഥ​മാ​യി ആഗ്രഹി​ച്ചിട്ട്‌ ഒരിണയെ കണ്ടെത്താൻ കഴിയാ​തെ​വ​രു​മ്പോൾ ഏകാകി​ത്വം ഒരു വരമായി തോന്നാ​റേ​യില്ല—നിങ്ങളെ അവശനും വിഷാ​ദ​മ​ഗ്ന​നു​മാ​ക്കുന്ന നിഷേ​ധാ​ത്മക വികാ​ര​ങ്ങ​ളു​ടെ ഒരു തടവറ​യിൽ വിധി​ക്ക​പ്പെ​ട്ടി​രി​ക്കു​ന്ന​തു​പോ​ലെ​യാ​യി​രി​ക്കാം നിങ്ങൾക്ക്‌ ഏറെയും അനുഭ​വ​പ്പെ​ടുക. അല്ലെങ്കിൽ, നിലവിൽ നിങ്ങൾക്കു സ്വന്തമാ​യി ഒരു കുടും​ബ​മു​ണ്ടാ​യി​രു​ന്നി​ട്ടും ഏകനാ​യി​രി​ക്കു​ന്നെ​ങ്കിൽ നിങ്ങളു​ടെ കുട്ടി​ക​ളു​ടെ എല്ലാ ആവശ്യ​ങ്ങ​ളും നടത്തി​ക്കൊ​ടു​ക്കു​ന്ന​തി​നുള്ള സമ്പൂർണ ഉത്തരവാ​ദി​ത്വം നിങ്ങൾക്കു​ണ്ടാ​യി​രു​ന്നേ​ക്കാം.

അതു​കൊണ്ട്‌, നിങ്ങളു​ടെ ഏകാകി​ത്വ അവസ്ഥയെ ഒരു വരമായി നിങ്ങൾ വീക്ഷി​ക്കാ​തി​രു​ന്നേ​ക്കാം. എന്നാൽ, മററു ചിലർ ഏകാകി​ത്വ​ത്തെ വളരെ മൂല്യ​മുള്ള ഒന്നായി കരുതു​ന്നു, അവർ ഒററയ്‌ക്കുള്ള ജീവിതം തിര​ഞ്ഞെ​ടു​ക്കു​ക​യും ചെയ്യുന്നു. അതു​കൊണ്ട്‌, ഏകാകി​ത്വം ഒരു വരമാ​ണോ, എങ്കിൽ എപ്പോൾ, എന്തു​കൊണ്ട്‌? ബൈബിൾ എന്തു പറയുന്നു?

സന്തുഷ്ടി​ക്കു മാർഗ​ത​ട​സ്സ​മോ?

അത്യധി​കം ആനന്ദത്തി​ന്റെ ഒരുറ​വാ​യി​രി​ക്കാൻ കഴിയും വിവാഹം. (സദൃശ​വാ​ക്യ​ങ്ങൾ 5:18, 19) “ആ ഇടപ്പാ​ത​യി​ലൂ​ടെ​യുള്ള നടത്തം മാത്ര​മാ​ണു സന്തുഷ്ടി​ക്കും ചാരി​താർഥ്യ​ത്തി​നു​മുള്ള ഏകവഴി എന്നാണു ചിലരു​ടെ ബോധ്യം,” ലോസാ​ഞ്ച​ലസ്‌ ടൈംസ്‌ അഭി​പ്രാ​യ​പ്പെ​ടു​ന്നു. വിവാഹ ലൈസൻസാ​ണോ സന്തുഷ്ടി​ക്കുള്ള ഏക “ടിക്കററ്‌”?

ലോസാ​ഞ്ച​ലസ്‌ ടൈംസ്‌ പറയു​ന്ന​ത​നു​സ​രിച്ച്‌, ഒരു മാനസി​കാ​രോ​ഗ്യ വിദഗ്‌ധ​യായ രൂത്ത്‌ ലൂബാൻ ഇപ്രകാ​രം പറയുന്നു: “ഏകാകി​ത്വ ജീവി​ത​ത്തിൽനിന്ന്‌ ഒരു പുരു​ഷ​നോ [സ്‌ത്രീ​യോ] തങ്ങളെ രക്ഷിക്കു​മെ​ന്നുള്ള പ്രതീ​ക്ഷ​യിൽ അർഥപൂർണ​മായ ജീവി​ത​ത്തി​നു കടിഞ്ഞാ​ണി​ടു​ന്നതു നിർത്തു​മ്പോൾ കണ്ടെത്താൻ കഴിയുന്ന നിർവൃ​തി​യു​ടെ അളവിൽ സ്‌ത്രീ​ക​ളും [പുരു​ഷൻമാ​രും] അമ്പരന്നു​പോ​കും.” അതേ, സന്തുഷ്ട​വും അർഥപൂർണ​വു​മാ​യൊ​രു ജീവി​ത​ത്തിന്‌ ഒരു മാർഗ​ത​ട​സ്സമല്ല ഏകാകി​ത്വം. സന്തുഷ്ടി​യി​ലേക്കു യാന്ത്രി​ക​മാ​യി നയിക്കുന്ന ഒരു പാതയല്ല വിവാ​ഹ​മെന്നു വിവാ​ഹ​മോ​ചനം നേടിയ പലരും രഹസ്യ​മാ​യി പറയും. യഥാർഥ സന്തുഷ്ടി ദൈവ​വു​മാ​യുള്ള നല്ല ബന്ധത്തിൽനിന്ന്‌ ഉണ്ടാകു​ന്ന​താണ്‌. അതു​കൊണ്ട്‌, അവിവാ​ഹി​ത​നാ​യി​രു​ന്നാ​ലും വിവാ​ഹി​ത​നാ​യി​രു​ന്നാ​ലും ഒരു ക്രിസ്‌ത്യാ​നിക്ക്‌ സന്തുഷ്ട​നാ​യി​രി​ക്കാൻ കഴിയും.—സങ്കീർത്തനം 84:12; 119:1, 2.

സ്വയം വരുത്തി​വെ​ക്കുന്ന വൈത​ര​ണി​കളെ പരാമർശി​ക്കു​ന്ന​തി​നു പുറമേ സന്തുഷ്ടി​യി​ലേ​ക്കുള്ള മാർഗ​ത​ട​സ്സ​മാ​യി​രി​ക്കാൻ കഴിയുന്ന മറെറാ​രു സംഗതി മേരി എഡ്‌വേ​ഡ്‌സും എലനോർ ഹൂവറും ഏകാകി​യാ​യി​രി​ക്കു​ക​യെന്ന വെല്ലു​വി​ളി (ഇംഗ്ലീഷ്‌) എന്ന തങ്ങളുടെ ഗ്രന്ഥത്തിൽ എടുത്തു​കാ​ട്ടു​ന്നു. അതാണ്‌ സാമൂ​ഹിക സമ്മർദം. “വിവാ​ഹി​ത​ന​ല്ലെ​ങ്കിൽ അതി​ന്റെ​യർഥം ഏതോ കാര്യ​മായ വൈകാ​രിക രോഗ​മുണ്ട്‌, . . . തീർച്ച​യാ​യും, എന്തോ കുഴപ്പ​മുണ്ട്‌ എന്നാണു ധരിക്കുക” എന്നവർ പറയുന്നു.

‘നീ എന്നാണു കല്യാണം കഴിക്കു​ന്നത്‌?’ അല്ലെങ്കിൽ ‘നിന്നെ​പ്പോ​ലെ സുമു​ഖ​നായ ഒരാൾ ഇതുവ​രെ​യും ഒരു ഭാര്യയെ കണ്ടെത്താ​ത്തത്‌ എന്ത്‌?’ എന്നിങ്ങ​നെ​യുള്ള അലട്ടുന്ന ചോദ്യ​ങ്ങൾ ചോദി​ച്ചു​കൊണ്ട്‌ സദു​ദ്ദേ​ശ്യ​മുള്ള കൂട്ടു​കാർ പോലും ഏകാകി​ക​ളു​ടെ​മേൽ അറിയാ​തെ വലിയ സമ്മർദം ചെലു​ത്തി​യേ​ക്കാം. ഇതു​പോ​ലുള്ള അഭി​പ്രാ​യങ്ങൾ പറയു​ന്നത്‌ തമാശ​യാ​യി​ട്ടാ​യി​രി​ക്കാ​മെ​ങ്കി​ലും അവയ്‌ക്കു ‘വാളു​പോ​ലെ കുത്താൻ’ കഴിയും, ഫലമോ വ്രണിത വികാ​ര​ങ്ങ​ളും നാണ​ക്കേ​ടും.—സദൃശ​വാ​ക്യ​ങ്ങൾ 12:18.

ഓരോ​രു​ത്തന്റെ വരം

ഒരു മിഷന​റി​യെന്ന നിലയിൽ യാത്ര​ചെയ്‌ത സമയത്ത്‌ അപ്പോ​സ്‌ത​ല​നായ പൗലോസ്‌ അവിവാ​ഹി​ത​നാ​യി​രു​ന്നു. അദ്ദേഹ​ത്തി​നു വിവാ​ഹ​ത്തോട്‌ എതിർപ്പു​ണ്ടാ​യി​രു​ന്ന​തു​കൊ​ണ്ടാ​ണോ ഇത്‌? അശേഷമല്ല. അപ്പോ​സ്‌ത​ല​നായ പൗലോസ്‌ ഏകാകി​യാ​യി​രു​ന്നു, കാരണം “സുവി​ശേഷം നിമിത്തം” അവിവാ​ഹി​ത​നാ​യി നില​കൊ​ള്ളാൻ അദ്ദേഹം തീരു​മാ​നി​ച്ചു.—1 കൊരി​ന്ത്യർ 7:7; 9:23.

വിവാ​ഹ​ത്തിൽനിന്ന്‌ ഒഴിഞ്ഞി​രി​ക്കു​ന്ന​തി​നുള്ള ശക്തി പൗലോ​സി​നു​ണ്ടാ​യി​രു​ന്നു, എന്നാൽ എല്ലാവ​രും തന്നെ​പ്പോ​ലെ​യാ​ണെന്ന്‌ അവൻ കരുതി​യു​മില്ല. അവൻ ഇങ്ങനെ പറഞ്ഞു: “ഒരുവന്നു ഇങ്ങനെ​യും ഒരുവന്നു അങ്ങനെ​യും താന്താന്റെ കൃപാ​വരം ദൈവം നല്‌കി​യി​രി​ക്കു​ന്നു.”—1 കൊരി​ന്ത്യർ 7:7.

ഏകാകി​ത്വ​ത്തി​നു സന്തുഷ്ടി​യി​ലേ​ക്കുള്ള ഒരു പാതയാ​യി​രി​ക്കാൻ കഴിയും, നിങ്ങൾ സഞ്ചരി​ക്കാൻ ഉദ്ദേശിച്ച പാത അതല്ലെ​ങ്കിൽ പോലും. യഹോ​വ​യിൽനി​ന്നു ലഭിക്കുന്ന അനേകം വരങ്ങളു​ടെ കൂട്ടത്തിൽ പെടുന്നു വിവാഹം, തീർച്ച. എന്നാൽ ഏകാകി​ത്വ​വും ഒരു “വര”മായി​രി​ക്കാൻ കഴിയു​മെന്നു ബൈബിൾ സൂചി​പ്പി​ക്കു​ന്നു—“അതിന്‌ അവസര​മു​ണ്ടാ​ക്കാൻ” നിങ്ങൾക്കു കഴിയു​ന്ന​പക്ഷം. (മത്തായി 19:11, 12; 1 കൊരി​ന്ത്യർ 7:36-39) അങ്ങനെ​യെ​ങ്കിൽ ഏകാകി​ത്വ​ത്തി​ന്റെ ചില പ്രയോ​ജ​നങ്ങൾ എന്തെല്ലാ​മാണ്‌?

വിവാ​ഹ​ദ​മ്പ​തി​കൾ തങ്ങളുടെ ഇണകളെ എങ്ങനെ “പ്രസാ​ദി​പ്പി​ക്കും” എന്നു വിചാ​രിച്ച്‌ ഉത്‌ക​ണ്‌ഠാ​കു​ല​രാ​ണെന്ന്‌ പൗലോസ്‌ പറഞ്ഞു. എന്നാൽ അവിവാ​ഹി​തർ “കർത്താ​വി​ന്നു​ള്ളതു ചിന്തി​ക്കു​ന്നു.” ഏകാകി​ത്വ​ത്തി​ന്റെ ഏററവും വലിയ പ്രയോ​ജ​നത്തെ ഇത്‌ എടുത്തു​കാ​ട്ടു​ന്നു—“ശ്രദ്ധാ​ശൈ​ഥി​ല്യം കൂടാതെ” [NW] യഹോ​വയെ സേവി​ക്കാ​നുള്ള അവസരം.—1 കൊരി​ന്ത്യർ 7:32-35.

ഏകാകി​യു​ടെ ജീവിതം യാതൊ​രു ശ്രദ്ധാ​ശൈ​ഥി​ല്യ​ങ്ങ​ളു​മി​ല്ലാ​ത്തതാ​ണെന്നു ബൈബിൾ പറയു​ന്നില്ല. എന്നിരു​ന്നാ​ലും, ഒററയ്‌ക്കു താമസി​ക്കുന്ന ഒരു വ്യക്തിക്ക്‌ ഒരു കുടും​ബ​ത്തി​നു വേണ്ടി കരുതുന്ന ഒരുവ​നെ​ക്കാൾ കുറഞ്ഞ ശ്രദ്ധാ​ശൈ​ഥി​ല്യ​ങ്ങളേ ഉള്ളൂ. കാരണം അദ്ദേഹം ഒരു തീരു​മാ​നം ചെയ്യു​മ്പോൾ പരിഗ​ണ​ന​യി​ലെ​ടു​ക്കേണ്ട ഒരേ ഒരു വ്യക്തി അയാൾ മാത്ര​മാണ്‌. ഉദാഹ​ര​ണ​ത്തിന്‌, ഹാരാൻ വിട്ട്‌ കനാൻദേ​ശ​ത്തേക്കു പോകാൻ ദൈവം അബ്രഹാ​മി​നോ​ടു നിർദേ​ശി​ച്ച​പ്പോൾ ബൈബിൾ ഇങ്ങനെ പറയുന്നു: “അബ്രാം തന്റെ ഭാര്യ​യായ സാറാ​യി​യെ​യും സഹോ​ദ​രന്റെ മകനായ ലോത്തി​നെ​യും തങ്ങൾ ഉണ്ടാക്കിയ സമ്പത്തു​ക​ളെ​യൊ​ക്കെ​യും തങ്ങൾ ഹാരാ​നിൽവെച്ചു സമ്പാദിച്ച ആളുക​ളെ​യും കൂട്ടി​ക്കൊ​ണ്ടു കനാൻദേ​ശ​ത്തേക്കു പോകു​വാൻ പുറ​പ്പെട്ടു.” (ഉല്‌പത്തി 12:5) അബ്രഹാ​മി​ന്റെ കുടും​ബ​സാ​ഹ​ച​ര്യം അദ്ദേഹത്തെ പിന്തി​രി​പ്പി​ച്ചി​ല്ലെ​ങ്കി​ലും അത്തരം ഒരു ദൗത്യ​ത്തി​നു വേണ്ടി തന്റെ കുടും​ബത്തെ സംഘടി​പ്പി​ക്കു​ന്ന​തിൽ അദ്ദേഹം ഗണ്യമായ സമയം ചെലവ​ഴി​ച്ചു എന്നതിനു രണ്ടുപ​ക്ഷ​മില്ല.

അബ്രഹാ​മി​ന്റെ യാത്രയെ അപ്പോ​സ്‌ത​ല​നായ പൗലോ​സി​ന്റേ​തി​നോ​ടു താരത​മ്യം ചെയ്യുക. പൗലോ​സും ശീലാ​സും തെസ​ലോ​നി​ക്യ നഗരത്തിൽ സുവാർത്ത പ്രസം​ഗി​ച്ച​പ്പോൾ കോപം​പൂണ്ട ഒരു ജനക്കൂട്ടം അവരുടെ നേരെ തിരിഞ്ഞു. അന്നു രാത്രി​തന്നെ സഹോ​ദ​രൻമാർ പൗലോ​സി​നെ​യും ശീലാ​സി​നെ​യും ഉടൻതന്നെ ബെരോ​വ​യി​ലേക്ക്‌ അയച്ചു. മറെറാ​ര​വ​സ​ര​ത്തിൽ ത്രോ​വാ​സിൽവെച്ച്‌ “മക്കദോ​ന്യെ​ക്കു കടന്നു​വന്ന്‌ [അവരെ] സഹായിക്ക” എന്നൊരു ദർശനം പൗലോ​സി​നു ലഭിച്ചു. ദർശനം കണ്ടയു​ടനെ അദ്ദേഹം മക്കദോ​ന്യ​ക്കു പുറ​പ്പെട്ടു. ഭാര്യ ഇല്ലാതി​രു​ന്ന​തി​നാൽ ചുരു​ങ്ങിയ സമയത്തി​നു​ള്ളിൽ പൗലോ​സി​നു വളരെ​യ​ധി​കം സഞ്ചാര​സ്വാ​ത​ന്ത്ര്യം ലഭിച്ചു എന്നതു വ്യക്തം. ഒരു കുടും​ബ​മു​ണ്ടാ​യി​രു​ന്നെ​ങ്കിൽ അതു കൂടുതൽ ദുഷ്‌ക​ര​മാ​യി​രി​ക്കു​മാ​യി​രു​ന്നു.—പ്രവൃ​ത്തി​കൾ 16:8-10; 17:1-15.

ഏകാകി​ത്വം നൽകുന്ന മറെറാ​രു പ്രയോ​ജ​ന​മാണ്‌ വ്യക്തി​പ​ര​മായ തിര​ഞ്ഞെ​ടു​പ്പു സംബന്ധിച്ച വലിയ സ്വാത​ന്ത്ര്യം. നിങ്ങൾ ഒററയ്‌ക്കു താമസി​ക്കു​മ്പോൾ, എവിടെ താമസി​ക്കണം, എന്തു കഴിക്കണം, എപ്പോൾ കഴിക്കണം, അല്ലെങ്കിൽ എപ്പോൾ ഉറങ്ങണം എന്നീ കാര്യങ്ങൾ തീരു​മാ​നി​ക്കുക സാധാ​ര​ണ​മാ​യി കൂടുതൽ എളുപ്പ​മാണ്‌. ഈ സ്വാത​ന്ത്ര്യം ആത്മീയ പ്രവർത്ത​ന​ങ്ങൾക്കും ബാധക​മാ​കു​ന്നു. ദൈവ​വ​ചനം വ്യക്തി​പ​ര​മാ​യി പഠിക്കു​ന്ന​തി​നും പരസ്യ​ശു​ശ്രൂ​ഷ​യിൽ പങ്കുപ​റ​റു​ന്ന​തി​നും മററാ​ളു​കളെ സഹായി​ക്കു​ന്ന​തി​നുള്ള അവസരങ്ങൾ പ്രയോ​ജ​ന​പ്പെ​ടു​ത്തു​ന്ന​തി​നും കൂടുതൽ സമയം ലഭ്യമാ​കു​ന്നു.

അതു​കൊണ്ട്‌ തീരു​മാ​നി​ച്ചു​റച്ച ഏകാകി​യാ​യാ​ലും സാഹച​ര്യ​ങ്ങൾ നിമിത്തം ഏകാകി​യാ​യാ​ലും നിങ്ങളു​ടെ സമയം ജ്ഞാനപൂർവം ഉപയോ​ഗി​ക്കാൻ ദൃഢതീ​രു​മാ​നം ചെയ്യുക. മററു​ള്ള​വരെ സഹായി​ക്കാൻ നിങ്ങളു​ടെ ഏകാകി​ത്വം ചെലവ​ഴി​ക്കു​മ്പോൾ നിങ്ങളു​ടെ ജീവിതം കൂടുതൽ സന്തുഷ്ട​മാ​യി​ത്തീ​രും. (പ്രവൃ​ത്തി​കൾ 20:35) നിങ്ങൾ വിവാഹം കഴിക്കാൻ ആഗ്രഹി​ക്കു​ന്നെ​ങ്കിൽ, നിഷേ​ധാ​ത്മക വികാ​ര​ങ്ങ​ളാൽ നിങ്ങളെ തടവി​ലാ​ക്കു​ക​യോ ആ ‘വിശേ​ഷ​പ്പെട്ട ആൾ’ ഇതുവ​രെ​യും വന്നു​ചേ​രാ​ത്ത​തു​കൊണ്ട്‌ വ്യക്തി​യെന്ന നിലയിൽ പൂർണ​ന​ല്ലെന്നു വിചാ​രി​ച്ചു​കൊ​ണ്ടു ജീവി​ക്കു​ക​യോ ചെയ്യരുത്‌. ദൈവ​സേ​വ​ന​ത്തിൽ തിരക്കു​ള്ള​വ​രാ​യി​രി​ക്കുക, പൗലോസ്‌ പറഞ്ഞതു​പോ​ലെ അപ്പോൾ ഏകാകി​ത്വം ഒരു വരമാ​യി​രി​ക്കാൻ കഴിയു​മെന്നു നിങ്ങൾ കണ്ടെത്തും.