ദിവാ​സ്വ​പ്‌ന​പ്ര​കൃ​തി—കുഴപ്പി​ക്കുന്ന ഒരു ക്രമ​ക്കേ​ടി​ന്റെ വെല്ലു​വി​ളി​കളെ നേരിടൽ

സുന്ദര​നായ, സദ്‌സ്വ​ഭാ​വ​മുള്ള ഒരു കുട്ടി​യാ​യി​രു​ന്നു ക്രിസ്‌റ​റഫർ. എന്നാൽ 18 മാസം പ്രായ​മാ​യ​പ്പോൾ പേരു വിളി​ച്ചാൽ അവൻ പ്രതി​ക​രി​ക്കാ​താ​യി. അവൻ ബധിര​നാ​യി​രു​ന്ന​തു​പോ​ലെ​യാണ്‌ ആദ്യം തോന്നി​യത്‌, പക്ഷേ മിഠാ​യി​ക്ക​ട​ലാ​സി​ന്റെ മർമര​ശബ്ദം അവൻ എപ്പോ​ഴും തിരി​ച്ച​റി​ഞ്ഞി​രു​ന്നു.

കാല​ക്ര​മേണ, വിഷമി​പ്പി​ക്കുന്ന മററു സ്വഭാ​വ​ങ്ങ​ളും തന്നെത്താൻ കണ്ടു തുടങ്ങി. സാധാരണ ചെയ്യാ​റു​ള്ള​തു​പോ​ലെ തന്റെ കളി​ക്കോ​പ്പു​കൾക്കൊണ്ട്‌ കളിക്കു​ന്ന​തി​നു​പ​കരം അവൻ അവയുടെ ചക്രങ്ങൾ കറക്കു​മാ​യി​രു​ന്നു, വീണ്ടും വീണ്ടും. ദ്രാവ​ക​ങ്ങ​ളോട്‌ അസാധാ​ര​ണ​മായ ഒരു താത്‌പ​ര്യം അവനിൽ കണ്ടുതു​ടങ്ങി, ഏതവസ​ര​ത്തി​ലും അവനതു കോരി​യൊ​ഴി​ക്കു​മാ​യി​രു​ന്നു. ഇതും എവി​ടെ​യും വലിഞ്ഞു​കേ​റു​ന്ന​തി​നുള്ള അവന്റെ പ്രിയ​വും ആപത്‌ക​ര​മായ പല സാഹച​ര്യ​ങ്ങ​ളി​ലേ​ക്കും നയിച്ചു, അവന്റെ അമ്മയ്‌ക്ക്‌ വളരെ​യ​ധി​കം ഉത്‌ക​ണ്‌ഠ​യു​മു​ണ്ടാ​യി.

ഏററവും അസ്വസ്ഥ​മാ​ക്കുന്ന കാര്യം അവൻ ആളുകളെ മറന്നു​പോ​കു​ന്നു എന്ന കാര്യ​മാ​യി​രു​ന്നു, ആളുകൾ ഉള്ളപ്പോൾ പോലും അവരുടെ അസ്‌തി​ത്വം സംബന്ധിച്ച്‌ അവനു യാതൊ​രു ബോധ​വും ഇല്ലാത്ത​തു​പോ​ലെ തോന്നി. രണ്ടു വയസ്സാ​യ​പ്പോ​ഴേ​ക്കും അവൻ സംസാരം പാടേ നിർത്തി​ക്ക​ളഞ്ഞു. മുന്നോ​ട്ടും പിന്നോ​ട്ടും ആടി​ക്കൊണ്ട്‌ അവൻ തന്റെ സമയത്തി​ല​ധി​ക​വും ചെലവ​ഴി​ച്ചു. അവന്‌ അക്രമ സ്വഭാ​വങ്ങൾ ഉണ്ടാകാൻ തുടങ്ങി, അവയുടെ കാരണങ്ങൾ മിക്ക​പ്പോ​ഴും അവന്റെ മാതാ​പി​താ​ക്കൾക്കു ദുർഗ്രാ​ഹ്യ​മാ​യി​രു​ന്നു. ചകിത​രായ അവർ പരിഹാ​ര​മാർഗ​ങ്ങൾക്കു വേണ്ടി പരതാൻ തുടങ്ങി.

എന്തായി​രു​ന്നു ക്രിസ്‌റ​റ​ഫ​റി​ന്റെ പ്രശ്‌നം? അവൻ ചീത്തയാ​ക്ക​പ്പെ​ട്ടോ, അവഗണി​ക്ക​പ്പെ​ട്ടോ, മാനസി​ക​മാ​യി മുരടി​ച്ചു​പോ​യോ, അതോ അവനു സ്‌കി​സോ​ഫ്രീ​നിയ ബാധി​ച്ചോ? ഇല്ല. ഐക്യ​നാ​ടു​ക​ളിൽ ദിവാ​സ്വ​പ്‌ന​പ്ര​കൃ​തി​യുള്ള 3,60,000 പേരിൽ ഒരാളാ​ണു ക്രിസ്‌റ​റഫർ. വിഷമി​പ്പി​ക്കുന്ന ഈ ക്രമ​ക്കേടു ലോക​വ്യാ​പ​ക​മാ​യി 10,000 കുട്ടി​ക​ളിൽ 4-ഓ 5-ഓ പേരിൽ ഉണ്ടാകു​ന്നു. അത്‌ ഒരായു​ഷ്‌കാ​ലത്തെ വെല്ലു​വി​ളി​കൾ ഉയർത്തു​ക​യും ചെയ്യുന്നു.

എന്താണു ദിവാ​സ്വ​പ്‌ന​പ്ര​കൃ​തി?

ദിവാ​സ്വ​പ്‌ന​പ്ര​കൃ​തി മസ്‌തി​ഷ്‌ക​ത്തി​ന്റെ ഒരു ക്രമ​ക്കേ​ടാണ്‌, ഇതുള്ള​വർക്കു സാമൂ​ഹിക പെരു​മാ​റ​റ​വും ആശയവി​നി​യമം നടത്താ​നുള്ള കഴിവു​ക​ളും ചിന്താ​പ്രാ​പ്‌തി​യും സാധാ​ര​ണ​പോ​ലെ വികസി​ക്കാ​റില്ല. വിവരങ്ങൾ പഞ്ചേ​ന്ദ്രി​യ​ത്തി​ലൂ​ടെ തലച്ചോ​റി​ലേക്ക്‌ എത്തുന്ന പ്രക്രി​യയെ ബാധി​ക്കു​ന്നു, അവർ ചില പ്രത്യേക അനുഭൂ​തി​ക​ളോട്‌ (കാഴ്‌ചകൾ, ശബ്ദങ്ങൾ, മണങ്ങൾ തുടങ്ങി​യ​വ​യോട്‌) അമിത​മാ​യി പ്രതി​ക​രി​ക്കാൻ ഇത്‌ ഇടയാ​ക്കു​ന്നു. എന്നാൽ മററു ചിലവ​യോ​ടു സാധാ​ര​ണ​പോ​ലെ പ്രതി​ക​രി​ക്കാ​റു​മില്ല. ദിവാ​സ്വ​പ്‌ന​പ്ര​കൃ​തി വരുത്തുന്ന വൈക​ല്യ​ങ്ങൾ അസാധാ​ര​ണ​മായ പലതരം സ്വഭാ​വ​രീ​തി​കൾ ഉളവാ​ക്കു​ന്നു. മൂന്നു വയസ്സിനു മുമ്പു പ്രത്യ​ക്ഷ​പ്പെ​ട്ടു​തു​ട​ങ്ങുന്ന അതിന്റെ ലക്ഷണങ്ങൾ ഓരോ കുട്ടി​യെ​യും സംബന്ധി​ച്ചു വ്യത്യാ​സ​പ്പെ​ട്ടി​രി​ക്കാം. പിൻവ​രുന്ന ഉദാഹ​ര​ണങ്ങൾ പരിചി​ന്തി​ക്കുക.

നിങ്ങളു​ടെ അഴകുള്ള കുട്ടി​യോ​ടു വളരെ സ്‌നേ​ഹ​ത്തോ​ടെ പെരു​മാ​റാൻ ശ്രമി​ച്ചിട്ട്‌ യാതൊ​രു പ്രതി​ക​ര​ണ​വും ലഭിക്കു​ന്നില്ല എന്നു സങ്കൽപ്പി​ക്കുക. ഇതു മിക്ക​പ്പോ​ഴും സംഭവി​ക്കു​ന്നത്‌ ഒരു കുട്ടിക്കു ദിവാ​സ്വ​പ്‌ന​പ്ര​കൃ​തി ഉള്ളപ്പോ​ഴാണ്‌. ആളുക​ളു​മാ​യി ഇടപഴ​കു​ന്ന​തി​നു​പ​കരം ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ തനിച്ചാ​യി​രി​ക്കാൻ ഇഷ്ടപ്പെ​ടു​ന്നു. കെട്ടി​പ്പി​ടി​ക്കു​ന്ന​തോ ദൃഷ്ടി​സ​മ്പർക്കം പുലർത്തു​ന്ന​തോ അവർക്കി​ഷ്ട​മ​ല്ലാ​യി​രി​ക്കാം, അവർ ആളുകളെ ഉപകര​ണ​ങ്ങൾപോ​ലെ ഉപയോ​ഗി​ക്കു​ക​യും ചെയ്‌തേ​ക്കാം—അവരുടെ വികാ​ര​ങ്ങളെ അവർ ഒട്ടും​തന്നെ മാനി​ക്കാ​റില്ല. ഈ അവസ്ഥ ഏററവും കൂടു​ത​ലാ​യു​ള്ളവർ കുടും​ബാം​ഗ​ങ്ങ​ളും അപരി​ചി​ത​രും തമ്മിൽ യാതൊ​രു വ്യത്യാ​സ​വും കാണു​ന്നില്ല. ആളുക​ളെ​യും അവർക്കു ചുററും നടക്കുന്ന സംഭവ​ങ്ങ​ളെ​യും മറന്നു​കൊണ്ട്‌ അവരു​ടേ​തായ ഒരു ലോകത്തു ജീവി​ക്കാൻ അവർ ഇഷ്ടപ്പെ​ടു​ന്നു. “ദിവാ​സ്വ​പ്‌ന​പ്ര​കൃ​തി” എന്നതിന്റെ ഇംഗ്ലീഷ്‌ പദം (“autism”) “സ്വയം” എന്നർഥ​മുള്ള ഓട്ടോസ്‌ എന്ന ഗ്രീക്കു പദത്തിൽനി​ന്നാ​ണു വരുന്നത്‌. സ്വയം മുഴു​കി​യി​രി​ക്കുന്ന ഗുണത്തെ അതു പരാമർശി​ക്കു​ന്നു.

ആളുക​ളോ​ടു​ള്ള അവരുടെ നിസ്സം​ഗ​ത​യ്‌ക്കു വിപരീ​ത​മാ​യി ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ ഏതെങ്കി​ലും പ്രത്യേക വസ്‌തു​വി​ലോ പ്രവർത്ത​ന​ത്തി​ലോ വലിയ താത്‌പ​ര്യം കാട്ടി​യേ​ക്കാം. അവരതിൽ അനേകം മണിക്കൂ​റു​ക​ളോ​ളം അസാധാ​ര​ണ​മാ​യി, ആവർത്തി​ച്ചാ​വർത്തിച്ച്‌ ഏർപ്പെ​ട്ടേ​ക്കാം. ഉദാഹ​ര​ണ​ത്തിന്‌, കളിക്കാ​റു​കൾ യഥാർഥ കാറു​ക​ളാ​ണെന്നു സങ്കൽപ്പി​ക്കു​ന്ന​തി​നു പകരം അവർ അവയെ നേരെ വരിവ​രി​യാ​യി വെച്ചേ​ക്കാം, അല്ലെങ്കിൽ നിരന്തരം അവയുടെ ചക്രങ്ങൾ കറക്കി​യേ​ക്കാം. മററു വിധങ്ങ​ളി​ലും അവർ ആവർത്ത​ന​സ്വ​ഭാ​വം കാണി​ക്കു​ന്നു. പലരും അവരുടെ ദിനച​ര്യ​യി​ലെ ഒരു മാററം പൊറു​ക്കു​ക​യില്ല, ഒരേ വിധത്തിൽത്തന്നെ എപ്പോ​ഴും കാര്യങ്ങൾ ചെയ്യാൻ അവർ നിർബന്ധം പിടി​ക്കും.

തങ്ങൾ നേരി​ടുന്ന സംഭവ​ങ്ങ​ളോ​ടും സാഹച​ര്യ​ങ്ങ​ളോ​ടും ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ വിചി​ത്ര​മായ വിധങ്ങ​ളിൽ പ്രതി​ക​രി​ക്കു​ക​യും ചെയ്‌തേ​ക്കാം. അവരുടെ പ്രതി​ക​ര​ണങ്ങൾ കുഴപ്പി​ക്കു​ന്ന​താ​യി​രി​ക്കാം, കാരണം അവർക്ക്‌ അനുഭ​വ​പ്പെ​ട്ടു​കൊ​ണ്ടി​രി​ക്കു​ന്നതു വിശദീ​ക​രി​ക്കാൻ അവരിൽ മിക്കവർക്കും സാധ്യമല്ല. ഏതാണ്ട്‌ പകുതി പേരും ഊമരാണ്‌; മിക്ക​പ്പോ​ഴും സംസാ​രി​ക്കാൻ കഴിയു​ന്ന​വർതന്നെ അസാധാ​രണ വിധങ്ങ​ളിൽ വാക്കുകൾ ഉപയോ​ഗി​ക്കു​ന്നു. ഒരു ചോദ്യ​ത്തിന്‌ ഉവ്വ്‌ എന്നു പറയു​ന്ന​തി​നു​പ​കരം അവർ ആ ചോദ്യം കേവലം ആവർത്തി​ച്ചേ​ക്കാം (ഈ പ്രതി​ഭാ​സത്തെ വാക്കു​ക​ളു​ടെ അർഥശൂ​ന്യ​മായ ആവർത്തനം (echolalia) എന്നു വിളി​ക്കു​ന്നു). തികച്ചും ചേർച്ച​യ​ല്ലാത്ത പദങ്ങളാ​ണു ചിലർ ഉപയോ​ഗി​ക്കു​ന്നത്‌, കുട്ടി​യു​ടെ “കോഡു​ഭാഷ” പരിച​യ​മു​ള്ള​വർക്കു മാത്രമേ അതു മനസ്സി​ലാ​വു​ക​യു​ള്ളു. ഉദാഹ​ര​ണ​ത്തിന്‌, ഒരു കുട്ടി “ജനാല”യ്‌ക്കു വേണ്ടി ഉപയോ​ഗിച്ച പദപ്ര​യോ​ഗം “പുറത്ത്‌ ഇരുട്ടാണ്‌” എന്നാണ്‌. പലർക്കും ആംഗ്യങ്ങൾ ഉപയോ​ഗി​ക്കാൻ ബുദ്ധി​മു​ട്ടുണ്ട്‌, ഒരാവ​ശ്യം അറിയി​ക്കു​ന്ന​തി​നു പലരും നിലവി​ളി​ക്കു​ക​യോ ആക്രോ​ശി​ക്കു​ക​യോ ചെയ്‌തേ​ക്കാം.

ഉചിത​മായ ചികിത്സ നേടൽ

മറെറല്ലാ കാര്യ​ങ്ങ​ളി​ലും സാധാരണ സ്വഭാ​വ​മുള്ള ഒരു കുട്ടി​യി​ലെ വൈകാ​രിക അഭാവ​മാണ്‌ ദിവാ​സ്വ​പ്‌ന​പ്ര​കൃ​തി എന്ന്‌ ’40-കളിലും ’50-കളിലും ’60-കളിലും വിദഗ്‌ധർ കരുതി​പ്പോ​ന്നു. തങ്ങളുടെ കുട്ടി​യു​ടെ പ്രശ്‌ന​ങ്ങ​ളു​ടെ കുററ​മേ​റെ​യും ചുമത്ത​പ്പെ​ട്ടി​രു​ന്നതു മാതാ​പി​താ​ക്ക​ളു​ടെ​മേ​ലാണ്‌, പ്രത്യേ​കി​ച്ചും അമ്മമാ​രു​ടെ​മേൽ. കുഴപ്പി​ക്കും വിധത്തി​ലുള്ള മസ്‌തിഷ്‌ക കേടു​പാ​ടി​ന്റെ ഫലമാ​യാണ്‌ ദിവാ​സ്വ​പ്‌ന​പ്ര​കൃ​തി ഉണ്ടാകു​ന്ന​തെന്നു ശക്തമായി സൂചി​പ്പിച്ച തെളി​വു​കൾ ’60-കളിൽ കുന്നു​കൂ​ടാൻ തുടങ്ങി (ഇവ എന്താ​ണെന്ന്‌ ഇപ്പോ​ഴും കൃത്യ​മാ​യി അറിയില്ല). മനോ​രോ​ഗ​ചി​കിത്സ ഉപയോ​ഗിച്ച്‌ ഇതു ചികി​ത്സി​ക്കു​ന്ന​തിൽനി​ന്നും വിദ്യാ​ഭ്യാ​സ​ത്തി​ലൂ​ടെ ഇതു ചികി​ത്സി​ക്കു​ന്ന​തിന്‌ ഊന്നൽ നൽകു​ന്ന​തി​ലേ​ക്കുള്ള ഒരു മാററ​ത്തി​ലേക്ക്‌ ഇതു നയിച്ചു. പ്രത്യേക അധ്യാപന വിദ്യകൾ വികസി​പ്പി​ക്ക​പ്പെട്ടു, പെരു​മാ​ററ സംബന്ധ​മായ പ്രശ്‌നങ്ങൾ കുറയ്‌ക്കു​ന്ന​തി​നും ആവശ്യ​മായ കഴിവു​കൾ പഠിപ്പി​ക്കു​ന്ന​തി​നും അവ ഫലപ്ര​ദ​മെന്നു തെളി​ഞ്ഞി​രി​ക്കു​ന്നു. ഇവയു​ടെ​യും മററു നേട്ടങ്ങ​ളു​ടെ​യും ഫലമായി, ദിവാ​സ്വ​പ്‌ന​പ്ര​കൃ​തി​യുള്ള പലരും നല്ല പുരോ​ഗതി കൈവ​രി​ച്ചി​ട്ടുണ്ട്‌, വേണ്ടത്ര സഹായ​വും പിന്തു​ണ​യും ലഭിക്കു​മ്പോൾ ജോലി ചെയ്യു​ന്ന​തി​നും അർധ-സ്വതന്ത്ര ജീവിതം നയിക്കു​ന്ന​തി​നും ചിലർക്കു കഴിയു​ന്നുണ്ട്‌.

എന്നിരു​ന്നാ​ലും, ദിവാ​സ്വ​പ്‌ന​പ്ര​കൃ​തി​യുള്ള ഒരു കുട്ടിക്കു പററിയ ചികിത്സ നേടുക എന്നതു ദുഷ്‌ക​ര​മാ​യി​രി​ക്കാൻ കഴിയും. പല കാരണ​ങ്ങ​ളാൽ ദിവാ​സ്വ​പ്‌ന​പ്ര​കൃ​തി തിരി​ച്ച​റി​യാൻ കഴിയാ​തെ വന്നേക്കാം, അല്ലെങ്കിൽ മാസങ്ങ​ളോ​ളം അഥവാ ചില കേസു​ക​ളിൽ വർഷങ്ങ​ളോ​ളം പോലും ഈ രോഗത്തെ തെററി​ദ്ധ​രി​ച്ചേ​ക്കാം. മററു വൈക​ല്യ​ങ്ങ​ളു​ള്ള​വർക്കു വേണ്ടി ആവിഷ്‌ക​രി​ച്ചി​ട്ടുള്ള വിദ്യാ​ഭ്യാ​സ പരിപാ​ടി​കൾ ദിവാ​സ്വ​പ്‌ന​പ്ര​കൃ​തി​യുള്ള കുട്ടി​ക​ളു​ടെ പ്രത്യേക ആവശ്യ​ങ്ങൾക്കു മതിയാ​കാ​തി​രു​ന്നേ​ക്കാം. അതു​കൊണ്ട്‌, തങ്ങളുടെ കുട്ടിക്ക്‌ ആവശ്യ​മായ സേവനങ്ങൾ ലഭ്യമാ​ക്കാൻ ശ്രമി​ക്കു​മ്പോൾ ഡോക്ടർമാ​രും അധ്യാ​പ​ക​രും സാമൂ​ഹിക ഏജൻസി​ക​ളു​മ​ട​ങ്ങുന്ന അപരി​ചിത ലോക​ത്തേക്കു മാതാ​പി​താ​ക്കൾ ആവർത്തി​ച്ചാ​വർത്തി​ച്ചു കടന്നു ചെല്ലേ​ണ്ടി​വ​രു​ന്ന​താ​യി കണ്ടെത്തു​ന്നു.

അനുദിന ജീവിതം

മിക്ക ചെറു​പ്പ​ക്കാ​രിൽനി​ന്നും വ്യത്യ​സ്‌ത​മാ​യി ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ തങ്ങളുടെ ചുററു​പാ​ടു​ക​ളിൽനി​ന്നും വിവരങ്ങൾ എളുപ്പ​ത്തിൽ ഉൾക്കൊ​ള്ളു​ന്നില്ല. വീട്ടി​ലോ സമൂഹ​ത്തി​ലോ ആവശ്യ​മായ അടിസ്ഥാന വൈദ​ഗ്‌ധ്യ​ങ്ങൾ അവരെ പഠിപ്പി​ക്കുക എന്നത്‌ വെല്ലു​വി​ളി​നി​റഞ്ഞ, സാവധാ​ന​മായ, പടിപ​ടി​യായ ഒരു പ്രക്രി​യ​യാണ്‌. ദിനചര്യ ഒരു പിതാ​വി​നെ​യോ മാതാ​വി​നെ​യോ വളരെ തിരക്കു​ള്ള​താ​യി നിർത്തി​യേ​ക്കാം; വസ്‌ത്രം ധരിക്കാൻ സഹായി​ക്കൽ, ആഹാരം കൊടു​ക്കൽ, കക്കൂസിൽ കൊണ്ടു​പോ​കൽ; അലങ്കോ​ല​പ്പെ​ടു​ത്തു​ന്ന​തോ അനുചി​ത​മോ ആയ സ്വഭാ​വ​ങ്ങളെ തിരി​ച്ചു​വി​ടൽ; അപകട​ങ്ങൾക്കു ശേഷം വൃത്തി​യാ​ക്കൽ എന്നിങ്ങനെ. “[എന്റെ മകനു] പത്തു വയസ്സാ​കു​ന്ന​തു​വരെ ഓരോ ദിവസ​വും കഴിച്ചു​കൂ​ട്ടാൻ ഞാൻ പാടു​പെ​ടു​ക​യാ​യി​രു​ന്നു,” ഒരു മാതാവ്‌ ഓർമി​ക്കു​ന്നു.

കുട്ടിക്കു നിരന്തര മേൽനോ​ട്ടം ആവശ്യ​മാണ്‌, അതു സമ്മർദം വർധി​പ്പി​ക്കു​ന്നു. “ടോമി​യെ നിരന്തരം നോക്കി​ക്കൊ​ണ്ടി​രി​ക്കണം, കാരണം അവന്‌ അപകട​ത്തെ​ക്കു​റി​ച്ചു യാതൊ​രു ബോധ​വു​മില്ല,” അവന്റെ അമ്മ റീററ പറയുന്നു. ദിവാ​സ്വ​പ്‌ന​പ്ര​കൃ​തി​യുള്ള പല കുട്ടി​കൾക്കും ക്രമര​ഹി​ത​മായ ഉറക്ക രീതി​ക​ളാ​ണു​ള്ളത്‌, മിക്ക​പ്പോ​ഴും രാത്രി​യിൽ ഉണർന്നി​രി​ക്കും. തുടക്ക​ത്തിൽ പരാമർശിച്ച ക്രിസ്‌റ​റ​ഫ​റി​ന്റെ മാതാ​വാണ്‌ ഫ്‌ളോ​റൻസ്‌, അവൾ അഭി​പ്രാ​യ​പ്പെ​ടു​ന്നു: “ഞാൻ ഒരു കണ്ണ്‌ തുറന്നു പിടി​ച്ചാണ്‌ ഉറങ്ങി​യത്‌.”

കുട്ടികൾ വളരു​ന്ന​തോ​ടെ ഈ ആവശ്യ​ങ്ങ​ളിൽ പലതും വേണ്ടാതെ വരുന്നു, ചിലത്‌ ശക്തി​പ്പെ​ട്ടേ​ക്കാം. പുരോ​ഗതി കൈവ​രി​ക്കു​മ്പോൾ പോലും ദിവാ​സ്വ​പ്‌ന​പ്ര​കൃ​തി​യുള്ള എല്ലാവർക്കും​തന്നെ അവരുടെ ജീവി​ത​ത്തി​ലൊ​ട്ടാ​കെ ഒരളവി​ലുള്ള മേൽനോ​ട്ടം ആവശ്യ​മു​ള്ള​താ​യി തുടരു​ന്നു. ദിവാ​സ്വ​പ്‌ന​പ്ര​കൃ​തി​യുള്ള മുതിർന്ന​വർക്കു ചേർന്ന പാർപ്പിട സൗകര്യ​ങ്ങൾ വിരള​മാ​യ​തു​കൊണ്ട്‌ ദിവാ​സ്വ​പ്‌ന​പ്ര​കൃ​തി​യുള്ള കുട്ടി​ക​ളു​ടെ മാതാ​പി​താ​ക്കൾ അവർക്കു വീട്ടിൽവെ​ച്ചു​തന്നെ ആജീവ​നാന്ത പരിപാ​ലനം കൊടു​ക്കേണ്ട അല്ലെങ്കിൽ അത്‌ അസാധ്യ​മാ​യി​ത്തീ​രു​ക​യാ​ണെ​ങ്കിൽ തങ്ങളുടെ മുതിർന്ന കുട്ടി​കളെ ഏതെങ്കി​ലും സ്ഥാപന​ങ്ങ​ളിൽ ആക്കേണ്ട ഒരവസ്ഥ അഭിമു​ഖീ​ക​രി​ക്കു​ന്നു.

പൊതു​ജ​നത്തെ നേരിടൽ

റോസ്‌മേരി അഭി​പ്രാ​യ​പ്പെ​ടു​ന്നു: “ജോയിക്ക്‌ ഇപ്പോൾ 18 വയസ്സുണ്ട്‌, ഞങ്ങളെ സംബന്ധി​ച്ചി​ട​ത്തോ​ളം ഏററവും ദുഷ്‌ക​ര​മായ കാര്യം അവനെ വെളി​യിൽ കൊണ്ടു​പോ​കു​ന്ന​താണ്‌. ദിവാ​സ്വ​പ്‌ന​പ്ര​കൃ​തി​യുള്ള മിക്ക കുട്ടി​ക​ളെ​യും പോലെ, അവനെ കണ്ടാൽ യാതൊ​രു കുഴപ്പ​വു​മില്ല, എന്നാൽ അവന്റെ പെരു​മാ​ററം നിമിത്തം ആളുകൾ തുറി​ച്ചു​നോ​ക്കു​ക​യും ചിരി​ക്കു​ക​യും അഭി​പ്രാ​യങ്ങൾ പറയു​ക​യും ചെയ്യുന്നു. ചില​പ്പോൾ അവൻ തെരു​വി​ന്റെ നടുവിൽ നിന്നു​കൊണ്ട്‌ വിരലു​പ​യോ​ഗി​ച്ചു വായു​വിൽ എഴുതാൻ തുടങ്ങും. കാറിന്റെ ഹോണോ ആളുക​ളു​ടെ ചിരി​യോ പോലെ ഉച്ചത്തി​ലുള്ള ശബ്ദം കേട്ടാൽ വളരെ അസ്വസ്ഥ​നാ​യി, ‘വേണ്ട! വേണ്ട! വേണ്ട!’ എന്നവൻ ഒച്ചയി​ടും. അതു ഞങ്ങളെ വളരെ അസ്വസ്ഥ​രാ​ക്കും, കാരണം അത്‌ ഏതു സമയത്തും സംഭവി​ക്കാം.” മറെറാ​രു മാതാവ്‌ ഇങ്ങനെ കൂട്ടി​ച്ചേർക്കു​ന്നു: “ആളുകൾക്കു വിശദീ​ക​രി​ച്ചു കൊടു​ക്കുക എന്നത്‌ ദുഷ്‌ക​ര​മായ ഒരു സംഗതി​യാണ്‌. ‘അവൻ ദിവാ​സ്വ​പ്‌ന​പ്ര​കൃ​തി​യു​ള്ള​വ​നാണ്‌’ എന്നു പറഞ്ഞാൽ അവർക്ക്‌ ഒന്നും മനസ്സി​ലാ​കില്ല.”

ഈ കഷ്ടപ്പാ​ടു​കൾ നിമിത്തം മുഖ്യ-ശുശ്രൂഷ ചെയ്യുന്ന മാതാ​വോ പിതാ​വോ (സാധാ​ര​ണ​മാ​യി മാതാവ്‌) എളുപ്പം ഒററ​പ്പെ​ട്ടേ​ക്കാം. “അടിസ്ഥാ​ന​പ​ര​മാ​യി ഞാനൊ​രു നാണം​കു​ണു​ങ്ങി​യാണ്‌, ആളുക​ളു​ടെ പരിഹാ​സ​ത്തി​നു വിധേ​യ​മാ​കു​ന്നത്‌ ഞാൻ ഇഷ്ടപ്പെ​ടു​ന്നില്ല. അതു​കൊണ്ട്‌ കളിസ്ഥ​ലത്ത്‌ ആളുകൾ സാധാ​ര​ണ​മാ​യി ഇല്ലാതി​രുന്ന സമയങ്ങ​ളിൽ ഞാൻ ജിമ്മിയെ അവിടെ കൊണ്ടു​പോ​കു​മാ​യി​രു​ന്നു, അതിരാ​വി​ലെ​യോ ഭക്ഷണ​വേ​ള​ക​ളി​ലോ” എന്നു മേരി ആൻ പറയുന്നു. (താരത​മ്യം ചെയ്യുക: സങ്കീർത്തനം 22:6, 7.) മററു ചില മാതാ​പി​താ​ക്കളെ സംബന്ധി​ച്ചാ​ണെ​ങ്കിൽ കുട്ടിയെ വീട്ടിൽനി​ന്നു പുറത്തു കൊണ്ടു​പോ​കുക എന്നതു​തന്നെ ഒരു വെല്ലു​വി​ളി​യാണ്‌. ഷീല ഇങ്ങനെ പറയുന്നു: “ചില​പ്പോൾ ഞാൻ എന്റെ വീട്ടിൽത്തന്നെ ഒരു തടവു​കാ​രി​യാ​യി​രി​ക്കു​ന്ന​തു​പോ​ലെ എനിക്കു തോന്നി​യി​രു​ന്നു.”

കുടും​ബത്തെ ഒററ​ക്കെ​ട്ടാ​യി നിർത്തൽ

ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ (ഇംഗ്ലീഷ്‌) എന്ന ഗ്രന്ഥത്തിൽ മൈക്കൽ ഡി. പവേഴ്‌സ്‌ ഇങ്ങനെ എഴുതു​ന്നു: “ദിവാ​സ്വ​പ്‌ന​പ്ര​കൃ​തി​യുള്ള ഒരു കുട്ടിയെ സംബന്ധി​ച്ചി​ട​ത്തോ​ളം ഏററവും പ്രധാ​ന​പ്പെട്ട ഒരൊററ സംഗതി . . . ആ കുട്ടി​യു​ടെ കുടും​ബം ഒററ​ക്കെ​ട്ടാ​യി നിൽക്കുക എന്നതാണ്‌.” ഇതു കടുത്ത വെല്ലു​വി​ളി നിറഞ്ഞ ഒരു സംഗതി​യാണ്‌. ദിവാ​സ്വ​പ്‌ന​പ്ര​കൃ​തി​യുള്ള ഒരു കുട്ടിയെ വളർത്തി​ക്കൊ​ണ്ടു​വ​രു​ന്ന​തി​ന്റെ ബുദ്ധി​മു​ട്ടു​കൾക്കു പുറമേ സങ്കൽപ്പി​ക്കാൻ പോലും കഴിയാത്ത വൈകാ​രിക ആഘാതം ഉണ്ടാകു​ന്നു. കടുത്ത, വേദനാ​ക​ര​മായ, ഭയപ്പെ​ടു​ത്തുന്ന, വികാ​രങ്ങൾ ഉടലെ​ടു​ക്കു​ന്നു, അവയ്‌ക്കു വിവാഹ പങ്കാളി​കൾ തമ്മിലുള്ള ആശയവി​നി​മ​യത്തെ പോലും തകരാ​റി​ലാ​ക്കാൻ കഴിയും. ഇരുവർക്കും കൂടു​ത​ലായ സ്‌നേ​ഹ​വും പിന്തു​ണ​യും ആവശ്യ​മാ​യി​രി​ക്കുന്ന ഒരു സമയത്ത്‌ അവരി​ലാർക്കും കൂടു​ത​ലൊ​ന്നും കൊടു​ക്കാ​നി​ല്ലാ​തി​രു​ന്നേ​ക്കാം. ഈ അസാധാ​രണ സമ്മർദങ്ങൾ ഉണ്ടെങ്കിൽപോ​ലും ആയിര​ക്ക​ണ​ക്കി​നു ദമ്പതികൾ ഈ വെല്ലു​വി​ളി​യെ വിജയ​പ്ര​ദ​മാ​യി തരണം ചെയ്‌തി​ട്ടുണ്ട്‌.

അത്തരം വിജയ​പ്ര​ദ​രായ ദമ്പതി​ക​ളു​ടെ അനുഭ​വ​ങ്ങ​ളിൽനിന്ന്‌ പിൻവ​രുന്ന മൂന്നു നിർദേ​ശങ്ങൾ, റോബിൻ സൈമൺസി​ന്റെ കണ്ണുനീ​രി​നു​ശേഷം (ഇംഗ്ലീഷ്‌) എന്ന പുസ്‌തകം പ്രദാനം ചെയ്യുന്നു. പ്രഥമ​മായ കാര്യം, “ഏററവും വേദനാ​ക​ര​മായ വികാ​ര​ങ്ങളെ പരി​ശോ​ധിച്ച്‌ അവ പങ്കു​വെ​ക്കാ​നുള്ള” ഒരു മാർഗം കണ്ടെത്തുക എന്നതാണ്‌. രണ്ടാമ​താ​യി, ജോലി​ഭാ​രം ന്യായ​മായ വിധത്തിൽ പങ്കുവ​യ്‌ക്ക​ത്ത​ക്ക​വണ്ണം വീട്ടിലെ ധർമങ്ങ​ളും ക്രമീ​ക​ര​ണ​ങ്ങ​ളും പുനഃ​പ​രി​ശോ​ധി​ക്കുക എന്നതാണ്‌. മൂന്നാ​മ​താ​യി, നിങ്ങൾ രണ്ടു​പേ​രും തനിച്ച്‌ കാര്യങ്ങൾ ഒത്തൊ​രു​മി​ച്ചു ചെയ്യാൻ ക്രമമായ സമയം പട്ടിക​പ്പെ​ടു​ത്തുക. ഡോ. പവേഴ്‌സ്‌ കൂടു​ത​ലാ​യി ഇങ്ങനെ പ്രസ്‌താ​വി​ക്കു​ന്നു: “മുൻഗ​ണ​നകൾ വയ്‌ക്കു​ക​യും സമയം പട്ടിക​പ്പെ​ടു​ത്തു​ക​യും എല്ലാവ​രു​ടെ​യും ആവശ്യ​ങ്ങളെ സമനി​ല​യിൽ വരുത്തു​ക​യും നിങ്ങൾക്ക്‌ എത്ര​ത്തോ​ളം വഹിക്കാൻ കഴിയു​മെന്നു തീരു​മാ​നി​ക്കു​ക​യും ചെയ്യു​മ്പോൾ നിങ്ങളു​ടെ കുടും​ബ​ജീ​വി​തത്തെ അപകട​പ്പെ​ടു​ത്താൻ നിങ്ങളു​ടെ കുട്ടി​യു​ടെ ആവശ്യ​ങ്ങ​ളെ​യോ ആ കുട്ടി​യോ​ടുള്ള നിങ്ങളു​ടെ അർപ്പണ​ബോ​ധ​ത്തെ​യോ അനുവ​ദി​ക്ക​രുത്‌.”—താരത​മ്യം ചെയ്യുക: ഫിലി​പ്പി​യർ 1:10; 4:5.

ദിവാ​സ്വ​പ്‌ന​പ്ര​കൃ​തി​യു​ടെ ഫലങ്ങൾ ആഴമു​ള്ള​താ​ണെ​ങ്കി​ലും അതു ബാധി​ക്കുന്ന വ്യക്തി​കൾക്കു സഹായം സ്വീക​രി​ക്കാൻ കഴിയും. നേര​ത്തെ​തന്നെ തിരി​ച്ച​റിഞ്ഞ്‌ അനു​യോ​ജ്യ​മായ ചികിത്സ നടത്തു​ന്ന​താണ്‌ ഒരു പ്രധാന ഘടകം. അപ്പോൾ ശ്രമങ്ങളെ ഫലപ്ര​ദ​മായ പ്രവർത്ത​ന​ഗ​തി​യി​ലേക്കു തിരി​ച്ചു​വി​ടാൻ കഴിയും. നല്ല ആശയവി​നി​മ​യ​വും വിഭവ​ങ്ങ​ളു​ടെ സമനി​ല​യുള്ള ഉപയോ​ഗ​വും ഉണ്ടെങ്കിൽ കുടും​ബം അനാവ​ശ്യ​മാ​യി അവശമാ​യി​ത്തീ​രു​ക​യില്ല. (താരത​മ്യം ചെയ്യുക: സദൃശ​വാ​ക്യ​ങ്ങൾ 15:22.) ബന്ധുക്ക​ളു​ടെ​യും സ്‌നേ​ഹി​ത​രു​ടെ​യും ധാരണ​യും അവരുടെ സജീവ​മായ സഹായ​വും മാതാ​പി​താ​ക്കൾക്ക്‌ ഏറെ ആവശ്യ​മായ പിന്തുണ നൽകുന്നു. ദിവാ​സ്വ​പ്‌ന​പ്ര​കൃ​തി​യെ​ക്കു​റി​ച്ചുള്ള ആളുക​ളു​ടെ അറിവും സമൂഹ​ത്തിൽ അതുള്ള വ്യക്തി​കളെ അവർ അംഗീ​ക​രി​ക്കു​ന്ന​തും അവർ ഈ കുടും​ബ​ങ്ങ​ളു​ടെ ഭാരങ്ങൾ ചിന്താ​ര​ഹി​ത​മാ​യി വർധി​പ്പി​ക്കു​ന്നതു തടയും. അതു​കൊണ്ട്‌ ദിവാ​സ്വ​പ്‌ന​പ്ര​കൃ​തി​യു​ടെ വെല്ലു​വി​ളി​കളെ നേരി​ടാൻ നമു​ക്കെ​ല്ലാ​വർക്കും ഒരു പങ്കു വഹിക്കാൻ കഴിയും.—താരത​മ്യം ചെയ്യുക: 1 തെസ്സ​ലൊ​നീ​ക്യർ 5:14.

[21-ാം പേജിലെ ആകർഷ​ക​വാ​ക്യം]

“[എന്റെ മകനു] പത്തു വയസ്സാ​കു​ന്ന​തു​വരെ ഓരോ ദിവസ​വും കഴിച്ചു​കൂ​ട്ടു​വാൻ ഞാൻ പാടു​പെ​ടു​ക​യാ​യി​രു​ന്നു,” ഒരു മാതാവ്‌ അനുസ്‌മ​രി​ക്കു​ന്നു.

[22-ാം പേജിലെ ചതുരം]

പ്രത്യേക കഴിവു​കൾ

ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ വിശദാം​ശ​ങ്ങ​ളും ചെറിയ കാര്യ​ങ്ങ​ളും അത്ഭുത​ക​ര​മാ​യി ഓർത്തി​രി​ക്കു​ന്ന​തു​പോ​ലുള്ള പ്രത്യേക കഴിവു​കൾ ചില​പ്പോൾ കാണി​ക്കാ​റുണ്ട്‌. ചിലർ സംഗീത നൈപു​ണ്യം വളർത്തി​യെ​ടു​ത്തി​ട്ടുണ്ട്‌, അവർക്കു സംഗീ​ത​നോ​ട്ടു​കൾ വായി​ക്കാൻ കഴിയി​ല്ലെ​ങ്കിൽ പോലും സങ്കീർണ​മായ ഗാനം അവർക്കു സംഗീ​തോ​പ​ക​ര​ണ​ങ്ങ​ളിൽ വായി​ക്കാൻ കഴിയും. ഭൂതകാ​ല​ത്തെ​യോ ഭാവി​കാ​ല​ത്തെ​യോ തീയതി​ക്കു തത്തുല്യ​മായ ആഴ്‌ച​യി​ലെ ദിവസം അവർക്കു താമസം​വി​നാ പറയാൻ കഴിയും. ചിലർ ഗണിത​ശാ​സ്‌ത്ര​ത്തിൽ നല്ല കഴിവു​ള്ള​വ​രാണ്‌.

[23-ാം പേജിലെ ചതുരം]

മററുള്ളവർക്കു സഹായി​ക്കാൻ കഴിയുന്ന വിധം

സമ്പർക്കം നിലനിർത്തുക: തങ്ങളുടെ വികാ​രങ്ങൾ മററു​ള്ള​വ​രു​മാ​യി പങ്കുവ​യ്‌ക്കാൻ കഴിയാ​ത്ത​വണ്ണം ഒരു കുടും​ബം ആദ്യ​മൊ​ക്കെ വളരെ ആകുല​ത​യു​ള്ള​താ​യി​രു​ന്നേ​ക്കാം. ക്ഷമയും വിവേ​ക​വും സ്ഥിരത​യും കാട്ടി​ക്കൊണ്ട്‌ അവരെ സഹായി​ക്കാൻ ശ്രമി​ക്കുക. അവർ അതി​നെ​ക്കു​റി​ച്ചു സംസാ​രി​ക്കാൻ തയ്യാറാ​കു​മ്പോൾ സമ്മർദം ചെലു​ത്താ​തെ​യി​രു​ന്നു കേൾക്കുക.

ബുദ്ധ്യു​പ​ദേശം കൊടു​ക്കാൻ ധൃതി​പ്പെ​ടാ​തി​രി​ക്കുക: ദിവാ​സ്വ​പ്‌ന​പ്ര​കൃ​തി​യുള്ള കുട്ടികൾ വഷളാ​യ​വ​രും ഏറെ ഫലപ്ര​ദ​മായ ശിക്ഷണ​ത്തി​ന്റെ ആവശ്യ​മു​ള്ള​വ​രു​മാ​യി കാണ​പ്പെ​ട്ടേ​ക്കാം, മാതാ​പി​താ​ക്കൾക്കു മിക്ക​പ്പോ​ഴും സദു​ദേ​ശ്യ​പൂർവ​ക​വും എന്നാൽ തെററി​ദ്ധ​രി​ക്ക​പ്പെ​ട്ട​തു​മായ ബുദ്ധ്യു​പ​ദേശം മററു​ള്ള​വ​രിൽനി​ന്നു ലഭിക്കു​ന്നു. അത്തരം ‘ലളിത​മായ പരിഹാ​ര​മാർഗങ്ങൾ’ കഷ്ടപ്പെ​ടുന്ന മാതാ​പി​താ​ക്കളെ സംബന്ധി​ച്ചി​ട​ത്തോ​ളം ഹൃദയ​ഭേ​ദ​ക​മാ​യി​രി​ക്കാൻ കഴിയും, അത്‌ ആരും മനസ്സി​ലാ​ക്കു​ന്നില്ല എന്നൊരു തോന്നൽ അവരിൽ അവശേ​ഷി​പ്പി​ച്ചേ​ക്കാം.

പ്രവർത്ത​ന​ങ്ങ​ളിൽ കുടും​ബത്തെ ഉൾപ്പെ​ടു​ത്തുക: ദിവാ​സ്വ​പ്‌ന​പ്ര​കൃ​തി​യുള്ള കുട്ടി​ക​ളുള്ള കുടും​ബങ്ങൾ, മററു കുടും​ബങ്ങൾ ആസ്വദി​ക്കുന്ന സാമൂ​ഹി​ക​വും വിനോ​ദ​പ​ര​വു​മായ പ്രവർത്ത​ന​ങ്ങ​ളിൽനിന്ന്‌ ഒഴിവാ​ക്ക​പ്പെ​ട്ട​താ​യി പലപ്പോ​ഴും തോന്നാ​റുണ്ട്‌. നിങ്ങളു​ടെ കുടും​ബ​ത്തോ​ടൊ​ത്തു സഹവസി​ക്കാൻ അവരെ ക്ഷണിക്കുക. പ്രത്യേക പരിഗണന അർഹി​ക്കുന്ന ആവശ്യ​ങ്ങ​ളു​ണ്ടെ​ങ്കിൽ അവ നടത്തി​ക്കൊ​ടു​ക്കാൻ ശ്രമി​ക്കുക. ഒരു പ്രത്യേക ക്ഷണം സ്വീക​രി​ക്കാൻ ആ കുടും​ബ​ത്തി​നു കഴിയു​ന്നി​ല്ലെ​ങ്കിൽപോ​ലും നിങ്ങളു​ടെ ക്ഷണത്തെ അവർ വിലമ​തി​ക്കും.

കുട്ടിയെ നോക്കി​ക്കൊ​ള്ളാ​മെന്നു വാഗ്‌ദാ​നം ചെയ്യുക: കുടും​ബ​ത്തി​ന്റെ ഏററവും വലിയ ആവശ്യ​ങ്ങ​ളി​ലൊന്ന്‌ ദിവാ​സ്വ​പ്‌ന​പ്ര​കൃ​തി​യു​ടെ ഒരിക്ക​ലും അവസാ​നി​ക്കാത്ത ആവശ്യ​ങ്ങ​ളിൽനിന്ന്‌ ഒന്നു വിട്ടു​നിൽക്കുക എന്നതാണ്‌. തുടക്ക​ത്തിൽ ഒരു നേരത്ത്‌ ഏതാനും മിനി​റ​റു​കൾ കുട്ടിയെ നോക്കി​ക്കൊ​ള്ളാ​മെന്നു വാഗ്‌ദാ​നം ചെയ്യുക. ക്രമേണ ഒരു വൈകു​ന്നേരം പുറത്തു​പോ​കാ​നോ ഒരു വാരാന്തം അവധി​ക്കാ​ല​മാ​യി ഉപയോ​ഗി​ക്കാ​നോ ആ കുടും​ബത്തെ അനുവ​ദി​ക്കു​ന്ന​തി​നു നിങ്ങൾക്കു കഴി​ഞ്ഞേ​ക്കും. തങ്ങളുടെ ഊർജം പുതു​ക്കു​ന്ന​തിൽ അത്തരം ഇടവേ​ളകൾ ഒരു കുടും​ബത്തെ വളരെ​യ​ധി​കം സഹായി​ക്കും.

കുടും​ബ​ത്തി​നു ലഭിക്കുന്ന പ്രത്യേക സേവന​ങ്ങ​ളെ​ക്കാൾ കൂടുതൽ പ്രധാ​ന​പ്പെ​ട്ടത്‌ മററു​ള്ളവർ സ്‌നേ​ഹി​ക്കു​ക​യും മതിക്കു​ക​യും ചെയ്യുന്നു എന്ന ബോധ്യ​മാണ്‌. ചുരു​ക്കി​പ്പ​റ​ഞ്ഞാൽ, ദിവാ​സ്വ​പ്‌ന​പ്ര​കൃ​തി​യുള്ള ഒരു കുട്ടി​യുള്ള കുടും​ബ​ത്തി​നു വേണ്ടി നിങ്ങൾക്കു ചെയ്യാൻ കഴിയുന്ന ഏററവും ഉത്തമ സംഗതി തുടർന്നും അവരുടെ സുഹൃ​ത്താ​യി​രി​ക്കുക എന്നതാണ്‌.