നിങ്ങ​ളൊ​രു സുരക്ഷിത ഡ്രൈ​വ​റാ​ണോ?

ഒരു കാറിന്റെ സ്‌ററി​യ​റിങ്‌ വളയത്തി​നു പിന്നി​ലാ​യി​രി​ക്കു​മ്പോ​ഴത്തെ നിങ്ങളു​ടെ മനോ​ഭാ​വ​ത്തി​നു ഡ്രൈവു ചെയ്യാ​നുള്ള നിങ്ങളു​ടെ പ്രാപ്‌തി​യെ ശക്തമായി സ്വാധീ​നി​ക്കാൻ കഴിയും. 17-നും 20-നും ഇടയ്‌ക്കു പ്രായ​മുള്ള ബ്രിട്ടീ​ഷു​കാ​രായ ആണുങ്ങ​ളിൽ 22 ശതമാനം പേർ ഓരോ വർഷവും ചുരു​ങ്ങി​യത്‌ ഒരു റോഡ​പ​ക​ട​ത്തി​ലെ​ങ്കി​ലും അകപ്പെ​ടു​ന്നു​വെന്ന്‌ ബ്രിട്ടീഷ്‌ ഓട്ടോ​മൊ​ബൈൽ അസ്സോ​സി​യേഷൻ നടത്തിയ ഒരു പഠനം വെളി​പ്പെ​ടു​ത്തി.

സുരക്ഷി​ത​ത്ത്വ​മി​ല്ലാത്ത അവരുടെ ഡ്രൈ​വിങ്‌ ശീലങ്ങ​ളി​ലെ പ്രമുഖ ഘടകങ്ങൾ എന്തെല്ലാ​മാണ്‌? മദ്യം, മാനസി​കാ​വ​സ്ഥ​യി​ലെ വ്യതി​യാ​നങ്ങൾ, ഉച്ചത്തി​ലുള്ള സംഗീതം ഇവയ്‌ക്കു പുറമേ, ഓട്ടോ​മൊ​ബൈൽ അസ്സോ​സി​യേ​ഷന്റെ ഡെപ്യൂ​ട്ടി ഡയറക്ടർ ജനറലായ കെന്നത്ത്‌ ഇങ്ങനെ അഭി​പ്രാ​യ​പ്പെ​ടു​ന്നു: “അപകട​ക​ര​മാം​വി​ധം ഡ്രൈവു ചെയ്യാൻ വളരെ​യ​ധി​കം പേരെ തരപ്പടി​ക്കാർ സ്വാധീ​നി​ക്കു​ന്നു.” തത്‌ഫ​ല​മാ​യി, പരിശീ​ലനം നൽകു​മ്പോൾ ശ്രദ്ധ കേന്ദ്രീ​ക​രി​ക്കേ​ണ്ടത്‌ ഡ്രൈ​വിങ്‌ രീതി​ക​ളെ​ക്കാ​ളും ഡ്രൈ​വ​റു​ടെ മനോ​ഭാ​വ​ത്തി​ലാ​യി​രി​ക്ക​ണ​മെന്ന്‌ ഓട്ടോ​മൊ​ബൈൽ അസ്സോ​സി​യേഷൻ ശുപാർശ ചെയ്യുന്നു.

ഉദാഹ​ര​ണ​ത്തിന്‌, നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഒന്നി​നെ​യും വകവെ​ക്കാ​തെ സാഹസ​ങ്ങ​ളിൽ ഏർപ്പെ​ട്ടു​കൊണ്ട്‌ എന്റെ കാറിലെ യാത്ര​ക്കാ​രിൽ മതിപ്പു​ള​വാ​ക്കാൻ ഞാൻ ശ്രമി​ക്കു​ന്നു​വോ? സ്‌ററി​യ​റിങ്‌ വളയത്തി​നു പിന്നിലെ എന്റെ സ്വഭാ​വത്തെ എന്റെ മാനസി​കാ​വസ്ഥ സ്വാധീ​നി​ക്കു​ന്നു​വോ? റോഡി​ലെ മററു ഡ്രൈ​വർമാ​രെ കടത്തി​വെ​ട്ടേണ്ട തടസ്സങ്ങ​ളാ​യി മാത്രം ഞാൻ കാണു​ന്നു​വോ?’ അത്തരം ചോദ്യ​ങ്ങൾക്കുള്ള ഉത്തരങ്ങൾ നിങ്ങൾ ഏതുതരം ഡ്രൈ​വ​റാ​ണെന്നു വെളി​പ്പെ​ടു​ത്തും.

പുരു​ഷ​നോ സ്‌ത്രീ​യോ, ചെറു​പ്പ​ക്കാ​ര​നോ പ്രായ​മു​ള്ള​വ​നോ, ആയിരു​ന്നാ​ലും ഡ്രൈവു ചെയ്യു​മ്പോൾ മററു​ള്ള​വ​രോട്‌ അയൽസ്‌നേ​ഹ​ത്തോ​ടു കൂടിയ ഒരു മനോ​ഭാ​വം വളർത്തി​യെ​ടു​ക്കുക. “മററാ​ളു​കൾ നിങ്ങ​ളോട്‌ എങ്ങനെ പെരു​മാ​റാൻ നിങ്ങൾ ആഗ്രഹി​ക്കു​ന്നു​വോ അതു​പോ​ലെ​തന്നെ അവരോ​ടു പെരു​മാ​റുക.” (മത്തായി 7:12, ഫിലി​പ്‌സ്‌) അങ്ങനെ ചെയ്യു​മ്പോൾ സുരക്ഷി​ത​മാ​യി ഡ്രൈവു ചെയ്യാൻ അതു നിങ്ങളെ സഹായി​ക്കും.