ഇതു നിങ്ങൾക്കു​വേ​ണ്ടി​യുള്ള കളിയാ​ണോ?

“ഒരുവന്റെ ഗ്രഹണ​പ്രാ​പ്‌തി​യെ ആശ്രയിച്ച്‌, ഡൂം ഒന്നുകിൽ കമ്പ്യൂട്ടർ കളികളെ സാങ്കേ​തിക സങ്കീർണ​ത​യു​ടെ ഒരു പുതിയ നിലവാ​ര​ത്തിൽ എത്തിക്കു​ന്ന​തും ഒരുവന്റെ ഹൃദയ​മി​ടിപ്പ്‌ കൂട്ടു​ന്ന​തു​മായ വെടി​വെ​പ്പു​കൾ അടങ്ങു​ന്ന​താണ്‌, അല്ലെങ്കിൽ കമ്പ്യൂട്ടർ കളികളെ ഒരു പുതിയ അധമാ​വ​സ്ഥ​യിൽ എത്തിക്കുന്ന അക്രമ ചിത്രീ​ക​ര​ണ​ത്തി​ന്റെ ഒരു കൂത്തര​ങ്ങാണ്‌.” ദ ന്യൂ​യോർക്ക്‌ ടൈം​സി​ന്റെ “സ്വകാര്യ കമ്പ്യൂട്ടർ” കോള​ത്തിൽ പീറ്റർ ലൂയിസ്‌ അപ്രകാ​രം എഴുതി. പല കമ്പ്യൂട്ടർ കളിക​ളും ലോല​മാ​യി മറച്ച അക്രമ​മോ രക്തരൂ​ക്ഷി​ത​മായ കൂട്ട​ക്കൊ​ല​ക​ളോ പച്ചയായ അശ്ലീലം പോലു​മോ ആണ്‌. പുതിയ ആവേശ​മായ ഡൂം II ഏറ്റവും കൂടുതൽ വില്‌പ​ന​യു​ള്ള​താ​യി​ത്തീ​രു​മെന്നു പ്രതീ​ക്ഷി​ക്ക​പ്പെ​ടു​ന്നു. അതിന്റെ വില 69.95 ഡോളർ ആയിരു​ന്നി​ട്ടും. ഇത്തരം കളി സമാധാ​ന​പ്രി​യ​രായ ക്രിസ്‌ത്യാ​നി​കൾക്ക്‌ ഉചിത​മാ​ണോ? ലൂയി​സി​ന്റെ തുടർന്നുള്ള വർണന തീരു​മാ​ന​മെ​ടു​ക്കാൻ നിങ്ങളെ സഹായി​ച്ചേ​ക്കാം.

“കളിക്കാ​രൻ ചൊവ്വാ​ഗ്ര​ഹ​ത്തി​ന്റെ ഉപഗ്ര​ഹ​ങ്ങ​ളി​ലൊ​ന്നിൽ നിലയു​റ​പ്പി​ച്ചി​രി​ക്കുന്ന ഒരു നാവിക ഭടനാണു താൻ എന്നു സങ്കൽപ്പി​ക്കു​ന്നു, അപ്പോൾ ഒരു വ്യാവ​സാ​യിക അപകടം നരകത്തി​ലേ​ക്കുള്ള ഒരു ഇടനാഴി തുറക്കു​ന്നു. . . . നാവി​കന്‌ മിക്കവാ​റും എല്ലാ വളവി​ലും നിൽക്കുന്ന ഭൂതങ്ങ​ളെ​യും മുൻ മനുഷ്യ​രെ​യും ഇടിച്ചി​ട്ടു​കൊ​ണ്ടും വെടി​വെ​ച്ചു​കൊ​ണ്ടും വറത്തു​പൊ​രി​ച്ചു​കൊ​ണ്ടും അറത്തു​മു​റി​ച്ചു​കൊ​ണ്ടും വളഞ്ഞു​പു​ളഞ്ഞ വഴിക​ളി​ലൂ​ടെ പോരാ​ടി കടന്നു പോ​കേ​ണ്ട​തുണ്ട്‌. . . .

“ഡൂം II-ലെ പുരോ​ഗ​മ​നങ്ങൾ ഇപ്രകാ​രം എളുപ്പം ക്രോ​ഡീ​ക​രി​ച്ചി​രി​ക്കു​ന്നു: കൂടുതൽ ഭൂതങ്ങ​ളും കൂടുതൽ ഏകാന്ത​മായ ഇടനാ​ഴി​ക​ളും കൂടുതൽ ആയുധ​ങ്ങ​ളും കൂടുതൽ രക്തച്ചൊ​രി​ച്ചി​ലും.”

നെവേ​ദ​യി​ലെ ലാസ്‌ വെഗാ​സിൽ നടന്ന ഒരു കമ്പ്യൂട്ടർ കൺ​വെൻ​ഷ​നെ​ക്കു​റിച്ച്‌ അഭി​പ്രാ​യം​പ​റ​ഞ്ഞു​കൊണ്ട്‌ ദ ന്യൂ​യോർക്ക്‌ ടൈംസ്‌ ഇപ്രകാ​രം പ്രസ്‌താ​വി​ച്ചു: “ഈ വർഷത്തെ ഏറ്റവും പ്രകട​മായ പുതുമ ബഹുമാ​ധ്യമ അശ്ലീല​മാണ്‌ . . . അതു കോൺഫ​റൻസി​ലെ വലിയ ജനക്കൂ​ട്ട​ത്തിൽ കുറേ​പേരെ ആകർഷി​ച്ചു.”

ബൈബി​ളെ​ഴു​ത്തു​കാ​ര​നായ യാക്കോബ്‌ പറഞ്ഞു: “ഉയരത്തിൽനി​ന്നുള്ള ജ്ഞാനമോ ഒന്നാമതു നിർമ്മ​ല​വും പിന്നെ സമാധാ​ന​വും ശാന്തത​യും അനുസ​ര​ണ​വു​മു​ള്ള​തും കരുണ​യും സൽഫല​വും നിറഞ്ഞ​തും” ആകുന്നു. (യാക്കോബ്‌ 3:17) മാതാ​പി​താ​ക്കളേ, നിങ്ങളു​ടെ മക്കൾ രാത്രി​വൈകി ഉപയോ​ഗി​ക്കുന്ന സ്വകാര്യ കമ്പ്യൂട്ടർ കളികൾ നിങ്ങൾ പരി​ശോ​ധി​ച്ചി​ട്ടു​ണ്ടോ? ഞങ്ങൾ കൂടുതൽ പറയേ​ണ്ട​തു​ണ്ടോ?