ലോകാ​വ​സാ​ന​ത്തെ​ക്കു​റി​ച്ചുള്ള ഭാവി​ക​ഥ​ന​ങ്ങൾ

“ലോകം അവസാ​നി​ക്കാ​റാ​യി​രി​ക്കു​ന്നു​വെന്നു വിഷണ്ണ​ത​യു​ടെ പ്രവാ​ച​കൻമാർ ആയിര​ക്ക​ണ​ക്കി​നു വർഷങ്ങ​ളാ​യി പ്രവചി​ച്ചു​കൊ​ണ്ടാ​ണി​രി​ക്കു​ന്നത്‌.”—മുന്നറി​യി​പ്പു​കൾ: ഭാവി​യി​ലേ​ക്കുള്ള ഒരു കുതി​ച്ചു​ചാ​ട്ടം. (ഇംഗ്ലീഷ്‌)

യേശു​വി​ന്റെ മരണത്തി​നു​ശേഷം കൃത്യം 1,000 വർഷം പിന്നിട്ട്‌ 1033-ൽ വന്നെത്തി​യി​രു​ന്നു. ആ വർഷം ഫ്രാൻസി​ലെ ബർഗണ്ടി​യി​ലുള്ള നിവാ​സി​കൾ വളരെ ഭയാകു​ല​രാ​യി​രു​ന്നു, കാരണം ആ വർഷം ലോകം അവസാ​നി​ക്കു​മെന്നു മുൻകൂ​ട്ടി പറയ​പ്പെ​ട്ടി​രു​ന്നു. പതിവി​ല്ലാ​തെ കൂടുതൽ തവണ നാശക​ര​മായ ഇടിമി​ന്ന​ലോ​ടു​കൂ​ടിയ, ശക്തി​യേ​റിയ മഴയും കാറ്റും ഉണ്ടാകു​ക​യും കടുത്ത ക്ഷാമം ബാധി​ക്കു​ക​യും ചെയ്‌ത​പ്പോൾ ന്യായ​വി​ധി ഉണ്ടാകു​മെന്ന പ്രതീ​ക്ഷകൾ പ്രബല​പ്പെട്ടു. വലിയ ജനതതി​കൾ അനുതാ​പ​ത്തി​ന്റെ പരസ്യ​പ്ര​ക​ട​ന​ങ്ങ​ളിൽ ഏർപ്പെട്ടു.

ഏതാനും ദശകത്തി​നു മുമ്പ്‌, (അക്കാലത്തു സ്വീക​രി​ച്ചു​പോന്ന കാലഗ​ണ​ന​പ്ര​കാ​രം) യേശു ജനിച്ച​തു​മു​ത​ലുള്ള ആയിരം വർഷം അടുത്തു​വ​ന്ന​പ്പോൾ ലോകാ​വ​സാ​നം സമീപ​മാ​ണെന്നു പലരും വിശ്വ​സി​ച്ചു. യൂറോ​പ്പി​ലുള്ള സന്ന്യാസി മഠങ്ങളി​ലെ കലാപ​ര​വും സാംസ്‌കാ​രി​ക​വു​മായ പ്രവർത്തനം ഏതാ​ണ്ടൊ​ന്നു നിലച്ച​താ​യി പറയ​പ്പെ​ടു​ന്നു. ജ്യോ​തി​ഷ​വും ഭാവി​ക​ഥ​ന​വും (ഇംഗ്ലീഷ്‌) എന്ന തന്റെ ഗ്രന്ഥത്തിൽ എറിക്‌ റസ്സൽ ഇങ്ങനെ നിരീ​ക്ഷി​ച്ചു: “‘ലോകാ​വ​സാ​നം ഇപ്പോൾ അടുത്തു​വ​രി​ക​യാ​ണെന്നു കാണു​ന്ന​തു​കൊണ്ട്‌’ എന്ന പ്രയോ​ഗം, പത്താം നൂറ്റാ​ണ്ടി​ന്റെ രണ്ടാം പകുതി​യിൽ ഉണ്ടാക്ക​പ്പെട്ട വിൽപ്പ​ത്ര​ങ്ങ​ളിൽ തികച്ചും സാധാ​ര​ണ​മാ​യി​രു​ന്നു.”

16-ാം നൂറ്റാ​ണ്ടിൽ പ്രൊ​ട്ട​സ്റ്റൻറ്‌ നവോ​ത്ഥാ​ന​പ്ര​സ്ഥാ​നം ആരംഭിച്ച മാർട്ടിൻ ലൂഥർ തന്റെ നാളിൽ ലോകാ​വ​സാ​നം ആസന്നമാ​ണെന്നു മുൻകൂ​ട്ടി പറഞ്ഞു. ഒരു പ്രാമാ​ണി​കൻ പറയു​ന്ന​ത​നു​സ​രിച്ച്‌, അദ്ദേഹം ഇങ്ങനെ പ്രസ്‌താ​വി​ച്ചു: “എന്റെ അഭി​പ്രാ​യ​ത്തിൽ ന്യായ​വി​ധി​നാൾ വളരെ അടുത്തി​രി​ക്കു​ന്നു​വെന്ന്‌ എനിക്ക്‌ ഉറപ്പുണ്ട്‌.” മറ്റൊരു എഴുത്തു​കാ​രൻ ഇപ്രകാ​രം വിശദീ​ക​രി​ച്ചു: “ചരി​ത്ര​സം​ഭ​വ​ങ്ങ​ളും ബൈബിൾ പ്രവച​ന​ങ്ങ​ളും പരസ്‌പര ബന്ധമു​ള്ള​താ​ണെന്നു കാട്ടി​ക്കൊണ്ട്‌, അന്തിമ​വി​പ​ത്തി​ന്റെ സാമീ​പ്യ​ത്തെ​ക്കു​റി​ച്ചു പ്രസ്‌താ​വി​ക്കാൻ ലൂഥറി​നു കഴിഞ്ഞു.”

അഡ്‌വെൻറി​സ്‌റ്റ്‌ സഭ സ്ഥാപി​ച്ചു​വെന്നു പൊതു​വേ ബഹുമ​തി​യുള്ള വില്യം മില്ലർ, 1843 മാർച്ചി​നും 1844 മാർച്ചി​നും ഇടയിൽ എപ്പോ​ഴെ​ങ്കി​ലു​മൊ​രു സമയത്തു ക്രിസ്‌തു മടങ്ങി​വ​രു​മെന്ന്‌ 19-ാം നൂറ്റാ​ണ്ടിൽ മുൻകൂ​ട്ടി പറഞ്ഞു. തത്‌ഫ​ല​മാ​യി, അപ്പോൾ തങ്ങൾ സ്വർഗ​ത്തി​ലേക്ക്‌ എടുക്ക​പ്പെ​ടു​മെന്നു ചിലർ പ്രതീ​ക്ഷി​ക്കു​ക​യു​ണ്ടാ​യി.

കുറേ​ക്കൂ​ടെ അടുത്ത കാലത്ത്‌, ഉക്രെ​യി​നിൽ ആരംഭിച്ച ഗ്രേറ്റ്‌ വൈറ്റ്‌ ബ്രദർഹുഡ്‌ എന്ന ഒരു മതം, ലോകാ​വ​സാ​നം 1993 നവംബർ 14-ന്‌ ഉണ്ടാകു​മെന്നു മുൻകൂ​ട്ടി പറഞ്ഞു. ലോകാ​വ​സാ​നം 1994 സെപ്‌റ്റം​ബ​റിൽ വരു​മെന്ന്‌ യു.എസ്‌.എ.,യിൽ, ഒരു റേഡി​യോ സുവി​ശേ​ഷ​ക​നായ ഹാരോൾഡ്‌ ക്യാമ്പിങ്‌ പറഞ്ഞു. ലോകാ​ന്ത്യ​ത്തി​ന്റെ തീയതി​കൾ സംബന്ധിച്ച ഈ ഭാവി​ക​ഥ​നങ്ങൾ തെറ്റാ​യി​രു​ന്നു എന്നതു വളരെ വ്യക്തം.

ലോകം ഒരിക്ക​ലും അവസാ​നി​ക്കു​ക​യി​ല്ലെന്നു വിശ്വ​സി​ക്കാൻ ഇത്‌ ആളുകളെ പ്രേരി​പ്പി​ച്ചി​ട്ടു​ണ്ടോ? വാസ്‌തവം നേരേ​മ​റി​ച്ചാണ്‌. “2000 എന്ന വർഷത്തിൽ ഒരു പുതിയ സഹസ്രാ​ബ്ദ​ത്തി​ന്റെ സമീപനം ന്യായ​വി​ധി ദിവസ​ത്തെ​ക്കു​റി​ച്ചുള്ള പ്രവച​ന​ങ്ങ​ളു​ടെ ഒരു പ്രളയം​തന്നെ അഴിച്ചു​വി​ട്ടി​രി​ക്കു​ക​യാണ്‌,” 1994 ഡിസംബർ 19-ലെ യു.എസ്‌.ന്യൂസ്‌ ആൻഡ്‌ വേൾഡ്‌ റിപ്പോർട്ട്‌ അഭി​പ്രാ​യ​പ്പെട്ടു. “ഭാവി​യിൽ ഏതെങ്കി​ലു​മൊ​രു സമയത്തു ലോകം അവസാ​നി​ക്കു​മെന്ന്‌ ഏതാണ്ട്‌ 60 ശതമാനം അമേരി​ക്ക​ക്കാർ കരുതു​ന്നു; ഏതാനും ദശകങ്ങൾക്കു​ള്ളിൽ അത്‌ അവസാ​നി​ക്കു​മെന്ന്‌ അവരിൽ ഏറെക്കു​റെ മൂന്നി​ലൊ​ന്നു പേർ കരുതുന്ന”തായി ആ മാസിക റിപ്പോർട്ടു ചെയ്‌തു.

ലോകാ​വ​സാ​ന​ത്തെ​ക്കു​റിച്ച്‌ അനേകം ഭാവി​ക​ഥ​നങ്ങൾ ഉണ്ടായി​രു​ന്നി​ട്ടു​ള്ളത്‌ എന്തു​കൊ​ണ്ടാണ്‌? ലോകം അവസാ​നി​ക്കു​മെന്നു വിശ്വ​സി​ക്കാൻ സാധു​വായ കാരണ​മു​ണ്ടോ?