അവൾ അനേകം ജീവി​ത​ങ്ങളെ സ്‌പർശി​ച്ചു

കാത്തി റോ​ബേ​ഴ്‌സൺ 1994, നവംബർ 19-ന്‌ തന്റെ 26-ാമത്തെ വയസ്സിൽ മരണമ​ടഞ്ഞു. അവൾ തന്റെ മരണത്തി​ന്റെ ആ ആഴ്‌ച​വരെ ക്രിസ്‌തീയ യോഗ​ങ്ങ​ളിൽ വിശ്വ​സ്‌ത​മാ​യി പങ്കെടു​ത്തി​രു​ന്നു. ഒൻപതാ​മത്തെ വയസ്സു മുതലുള്ള അവളുടെ കാൻസ​റി​നോ​ടുള്ള പോരാ​ട്ടം 1994, ആഗസ്റ്റ്‌ 22-ലെ ഉണരുക!യിൽ “ജീവിതം ദുഷ്‌കരം ആയിരി​ക്കു​മ്പോൾ” എന്ന തലക്കെ​ട്ടിൻ കീഴിൽ രേഖ​പ്പെ​ടു​ത്തി​യി​രു​ന്നു. ആ ലേഖനം വായി​ച്ച​തി​നു​ശേഷം, ലോക​ത്തി​നു ചുറ്റു​നി​ന്നും അനേകർ തപാൽവഴി പ്രതി​ക​രി​ക്കു​ക​യും കാത്തി​യു​ടെ ധീര മാതൃക തങ്ങളെ ആഴത്തിൽ സ്‌പർശിച്ച വിധം വർണി​ക്കു​ക​യും ചെയ്‌തു.

ദൈവത്തെ സേവി​ക്കാൻ പ്രോ​ത്സാ​ഹി​ത​രാ​യി​ത്തീർന്ന യുവജ​ന​ങ്ങൾ

സ്‌പെ​യി​നിൽനി​ന്നുള്ള ലോയ്‌ഡ ഇപ്രകാ​രം എഴുതി: “എനിക്ക്‌ 16 വയസ്സു പ്രായ​മുണ്ട്‌. കാത്തി​യു​ടെ സഹിഷ്‌ണു​ത​യെ​പ്പ​റ്റി​യുള്ള അനുഭവം വായി​ച്ച​പ്പോൾ ഞാൻ കരഞ്ഞു​പോ​യി. ഞാൻ മരണ​ത്തെ​ക്കു​റി​ച്ചു പേടി​യു​ള്ള​വ​ളാ​യി​രു​ന്നു. എന്നാൽ ഈ ലേഖന​ത്തി​ന്റെ സഹായ​ത്തോ​ടെ, അവൾ പറഞ്ഞതു​പോ​ലെ, ‘നാമി​പ്പോൾ ജീവി​ക്കു​ന്നു​വോ മരിക്കു​ന്നു​വോ എന്നതല്ല യഥാർഥ​ത്തിൽ പ്രധാനം, പിന്നെ​യോ നിത്യ​ജീ​വൻ നൽകാൻ പ്രാപ്‌തി​യുള്ള യഹോ​വ​യാം ദൈവ​ത്തി​ന്റെ അനു​ഗ്രഹം നാം നേടു​മോ എന്നതാ​ണെന്ന്‌’ ഞാൻ മനസ്സി​ലാ​ക്കു​ന്നു.”

ജപ്പാനിൽനി​ന്നു​ള്ള മാരി ഇപ്രകാ​രം എഴുതി: “എനിക്ക്‌ കാത്തി​യു​ടെ അടുത്ത പ്രായ​മാ​യ​തു​കൊ​ണ്ടും ഞങ്ങൾ ഒരേ ദിവസം സ്‌നാ​പ​ന​മേ​റ്റ​തു​കൊ​ണ്ടും അവളുടെ അനുഭവം വായി​ച്ച​പ്പോൾ ഒരു അടുത്ത സുഹൃ​ത്തി​ന്റെ പ്രോ​ത്സാ​ഹ​ജ​ന​ക​മായ കത്ത്‌ വായി​ക്കു​ന്ന​തു​പോ​ലെ തോന്നി. തങ്ങളുടെ ആരോ​ഗ്യം വൃഥാ​വായ അനുധാ​വ​ന​ങ്ങ​ളിൽ ഉപയോ​ഗി​ക്കു​ന്ന​തി​നു പകരം യഹോ​വ​യു​ടെ സേവന​ത്തിൽ ജ്ഞാനപൂർവം ഉപയോ​ഗി​ക്കു​ന്ന​തിന്‌ തന്റെ കഥ അനേകരെ പ്രോ​ത്സാ​ഹി​പ്പി​ക്കു​മെന്ന അവളുടെ വിശ്വാ​സം, നിരന്തര പയനി​യ​റിങ്‌ [മുഴു​സ​മ​യ​സേ​വനം] ഉടൻതന്നെ ആരംഭി​ക്കാൻ പോകു​ക​യാ​യി​രുന്ന എന്റെ ഹൃദയത്തെ ആവേശം​കൊ​ള്ളി​ച്ചു.”

യുവജ​ന​ങ്ങൾ തങ്ങളുടെ ആരോ​ഗ്യം വൃഥാ അനുധാ​വ​ന​ങ്ങ​ളിൽ ഉപയോ​ഗി​ക്കു​ന്ന​തി​നു​പ​കരം യഹോ​വ​യു​ടെ സേവന​ത്തിൽ ജ്ഞാനപൂർവം ഉപയോ​ഗി​ക്ക​ണ​മെ​ന്നുള്ള കാത്തി​യു​ടെ ആഗ്രഹം “ഞാനുൾപ്പെ​ടെ​യുള്ള ആയിര​ക്ക​ണ​ക്കി​നു ചെറു​പ്പ​ക്കാർക്ക്‌ ഒരു പ്രോ​ത്സാ​ഹ​ന​മാ​യി​രി​ക്കും” എന്നു പറഞ്ഞു​കൊണ്ട്‌ ഇറ്റലി​യിൽനി​ന്നുള്ള നൊ​യേ​മി​യും സമാന​മാ​യി എഴുതി. നൊ​യേമി ഇപ്രകാ​രം കൂട്ടി​ച്ചേർത്തു: “ഇക്കാര്യ​ങ്ങ​ളെ​ല്ലാം കഴിഞ്ഞ​കാല സംഗതി​ക​ളാ​യി​ത്തീ​രുന്ന പുതിയ ലോക​ത്തിൽ അവളെ കാണാ​നാ​യി എനിക്കു കാത്തി​രി​ക്കാൻ വയ്യ. ഹൈസ്‌കൂൾ പഠനം പൂർത്തി​യാ​ക്കി​യാ​ലു​ടൻതന്നെ ഞാൻ പയനി​യ​റിങ്‌ ആരംഭി​ക്കാൻ പോകു​ക​യാണ്‌.”

യു.എസ്‌.എ.,യിലെ ഫ്‌ളോ​റി​ഡാ​യിൽനി​ന്നുള്ള റഷെൽ ഇപ്രകാ​രം എഴുതി: “എനിക്ക്‌ 18 വയസ്സുണ്ട്‌. ഇപ്പോൾ കുറച്ച​ധി​കം നാളാ​യിട്ട്‌ ഞാൻ പയനിയർ വേല​യെ​ക്കു​റി​ച്ചു പരിചി​ന്തി​ച്ചു​കൊ​ണ്ടി​രി​ക്കു​ക​യാണ്‌. ‘ജീവിതം ദുഷ്‌കരം ആയിരി​ക്കു​മ്പോൾ’ എന്ന ലേഖനം വായി​ച്ച​പ്പോൾ എന്നെ​പ്പോ​ലെ​യുള്ള ഒരു ചെറു​പ്പ​ക്കാ​രി അത്തരം കഷ്ടത സഹിക്കു​ന്നതു കാണു​ന്നത്‌ വലിയ പ്രോ​ത്സാ​ഹ​ന​മാ​യി എനിക്കു തോന്നി. അവൾ പറഞ്ഞതു​പോ​ലെ, എന്റെ ആരോ​ഗ്യം ‘വൃഥാ​വായ അനുധാ​വ​ന​ങ്ങ​ളിൽ ഉപയോ​ഗി​ക്കു​ന്ന​തി​നു പകരം യഹോ​വ​യു​ടെ സേവന​ത്തിൽ ജ്ഞാനപൂർവം ഉപയോ​ഗി​ക്കു​ന്ന​തിന്‌’ കാത്തി എന്നെ പ്രേരി​പ്പി​ച്ചു.”

മൈ​ക്രോ​നേ​ഷ്യ​യി​ലെ ചൂക്ക്‌ ദ്വീപി​ലുള്ള ചില മിഷന​റി​മാർ ഇപ്രകാ​രം എഴുതി: “ഇവി​ടെ​യുള്ള ഞങ്ങളുടെ പയനി​യർമാർ ഭൗതി​ക​മാ​യി പാപ്പരാണ്‌. എന്നിരു​ന്നാ​ലും, റോ​ബേ​ഴ്‌സൺ സഹോ​ദ​രി​യു​ടെ അനുഭവം തങ്ങൾക്കു​ള്ളതു വിലമ​തി​ക്കാൻ അവരെ സഹായി​ച്ചു. തങ്ങൾ ഭൗതി​ക​മാ​യി പാപ്പരാ​ണെ​ങ്കി​ലും യഹോ​വയെ മുഴു​സ​മയം സേവി​ക്കാൻ തങ്ങളെ പ്രാപ്‌ത​രാ​ക്കുന്ന ആരോ​ഗ്യ​മുള്ള ശരീര​ങ്ങ​ളാൽ തങ്ങൾ അനുഗൃ​ഹീ​ത​രാ​ണെന്ന്‌ അവർ തിരി​ച്ച​റി​ഞ്ഞു. തങ്ങൾക്കു​ള്ള​തിൽ നന്ദിയു​ള്ള​വ​രാ​യി​രി​ക്കു​ന്ന​തി​നും തങ്ങളുടെ ശക്തി യഹോ​വ​യു​ടെ സേവന​ത്തിൽ ഉപയോ​ഗി​ക്കു​ന്ന​തി​നും അത്‌ അവർക്കൊ​രു നല്ല ഓർമി​പ്പി​ക്ക​ലാ​യി​രു​ന്നു.”

ഫ്രാൻസി​ലെ പയനിയർ സ്‌കൂ​ളിൽ പങ്കെടു​ക്കുന്ന 16 വിദ്യാർഥി​ക​ളു​ടെ ഒരു സംഘം ഈ പ്രോ​ത്സാ​ഹ​ന​വാ​ക്കു സഹിതം കാത്തിക്ക്‌ ലില്ലി പൂക്കളു​ടെ ഒരു ഫോട്ടോ അയച്ചു​കൊ​ടു​ക്കാൻ നിർബ​ന്ധി​ത​രാ​യി: “നമ്മുടെ സമയം നമ്മുടെ മഹദ്‌ സ്രഷ്ടാ​വി​നു​വേണ്ടി ഉപയോ​ഗി​ക്കാ​നുള്ള നിങ്ങളു​ടെ ഉദ്‌ബോ​ധനം ഞങ്ങൾ മറക്കില്ല.”

ഫ്രാൻസിൽനി​ന്നുള്ള മറ്റൊരു യുവതി എഴുതി: “ചെറു​പ്പ​ക്കാ​രും സാത്താന്റെ മുഖ്യ ലക്ഷ്യസ്ഥാ​ന​ങ്ങ​ളു​മാ​യി​രി​ക്കുന്ന നമുക്ക്‌ യഹോ​വ​യോ​ടു വിശ്വ​സ്‌ത​മാ​യി നിൽക്കാൻ ചില​പ്പോൾ ബുദ്ധി​മു​ട്ടു തോന്നു​ന്നു. പക്ഷേ അത്തരം മികച്ചു​നിൽക്കു​ന്ന​തും പ്രേര​ണാ​ത്മ​ക​വു​മായ കഥകൾ നാം വായി​ക്കു​മ്പോൾ കാത്തി​യെ​പ്പോ​ലുള്ള മറ്റു യുവാക്കൾ കഷ്ടപ്പാ​ടി​നെ ഗണ്യമാ​ക്കാ​തെ തങ്ങളുടെ നിർമലത നിലനിർത്തു​ന്നു എന്നറി​യവേ നമുക്ക്‌ പുതുക്കം പ്രാപിച്ച ശക്തിയും ഉത്സാഹ​വും ലഭിക്കു​ന്നു. എന്തോരു മനോഹര ദൃഷ്ടാന്തം!”

“യു.എസ്‌.എ. ഒഹാ​യോ​യിൽ നിന്നുള്ള നെയ്‌ഡിൻ ഇപ്രകാ​രം എഴുതി: “ഏകദേശം നിങ്ങളു​ടെ പ്രായ​മുള്ള ഞാൻ നല്ല ആരോ​ഗ്യ​വ​തി​യാണ്‌. നിസ്സാ​ര​മായ കാര്യങ്ങൾ യഹോ​വ​യ്‌ക്കുള്ള എന്റെ സേവനത്തെ തടസ്സ​പ്പെ​ടു​ത്താൻ ഞാൻ പലതവണ അനുവ​ദി​ച്ചു. എന്റെ ജീവി​തത്തെ നന്നാ​യൊ​ന്നു പരി​ശോ​ധി​ക്കാ​നും എത്രയോ സമയം ഞാൻ പാഴാ​ക്കി​ക്ക​ള​ഞ്ഞു​വെന്നു മനസ്സി​ലാ​ക്കാ​നും നിങ്ങളു​ടെ കഥയുടെ വായന എന്നെ സഹായി​ച്ചു. നിങ്ങൾ എനിക്ക്‌ ഒരു പ്രചോ​ദ​ന​മാ​യി​രു​ന്നി​ട്ടുണ്ട്‌.”

ബ്രസീ​ലിൽനി​ന്നുള്ള ഒരു ചെറു​പ്പ​ക്കാ​രി ഇപ്രകാ​രം പറഞ്ഞു: “അവളെന്റെ ഹൃദയത്തെ സ്‌പർശി​ക്കു​ക​യും ദൈവത്തെ കൂടുതൽ തിക​വോ​ടെ സേവി​ക്കു​ന്ന​തി​നുള്ള എന്റെ ആഗ്രഹത്തെ വർധി​പ്പി​ക്കു​ക​യും ചെയ്‌തു.”

കാനഡ​യിൽനി​ന്നുള്ള ഒരു ചെറു​പ്പ​ക്കാ​രി ഇപ്രകാ​ര​മെ​ഴു​തി: “എനിക്ക്‌ 15 വയസ്സുണ്ട്‌. സ്വയം പ്രതി​രോ​ധ​ശ​ക്തി​യുള്ള ഹെപ്പ​റ്റൈ​റ്റിസ്‌ എന്നെ ബാധി​ച്ചി​രി​ക്കു​ക​യാ​ണെന്ന്‌ രണ്ടു വർഷങ്ങൾക്കു മുമ്പ്‌ ഞാൻ മനസ്സി​ലാ​ക്കി. കാത്തി റോ​ബേ​ഴ്‌സ​ണി​ന്റെ അനുഭവം നിമിത്തം പൂർണ സുഖ​പ്പെ​ട​ലി​നാ​യി ദൈവ​ത്തി​ന്റെ വാഗ്‌ദാ​നം ചെയ്യപ്പെട്ട പുതിയ വ്യവസ്ഥി​തി​ക്കു​വേണ്ടി കാത്തി​രി​ക്കവേ ശേഷിച്ച സമയത്ത്‌ ആരോ​ഗ്യാ​വസ്ഥ ഗണ്യമാ​ക്കാ​തെ എനിക്കും യഹോ​വയെ വിശ്വ​സ്‌ത​മാ​യി സേവി​ക്കാൻ കഴിയു​മെന്നു ഞാൻ തിരി​ച്ച​റി​ഞ്ഞു.”

യു.എസ്‌.എ., ന്യൂ ജേഴ്‌സി​യിൽനി​ന്നുള്ള ജെന്നെറ്റ്‌ ഇപ്രകാ​രം എഴുതി: “അവൾ അനുഭ​വിച്ച പ്രതി​ബ​ന്ധ​ങ്ങ​ളും അവൾ പ്രകട​മാ​ക്കിയ വിശ്വാ​സ​വും നമുക്കു​ണ്ടാ​യേ​ക്കാ​വുന്ന ഏതു വൈഷ​മ്യ​ങ്ങ​ളെ​യും ഗണ്യമാ​ക്കാ​തെ യഹോ​വ​യു​ടെ സേവന​ത്തിൽ കൂടുതൽ ചെയ്യു​ന്ന​തിന്‌ തുടർച്ച​യാ​യി യത്‌നി​ക്കാൻ ദൃഢതീ​രു​മാ​ന​മെ​ടു​ക്കു​ന്ന​തി​നു ഞങ്ങളെ​യെ​ല്ലാം സഹായി​ക്കു​ന്നു. സ്‌കൂൾ ബിരുദം പൂർത്തി​യാ​ക്കു​മ്പോൾ പയനിയർ സേവന​മെന്ന ലക്ഷ്യം​വെ​ക്കാൻ എന്റെ ചില ബൈബിൾ വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്ന​തിന്‌ അവളുടെ അനുഭവം ഉപയോ​ഗി​ക്കാൻ ഞാൻ പദ്ധതി​യി​ടു​ക​യാണ്‌.”

മുതിർന്ന​വ​രും പ്രോ​ത്സാ​ഹി​പ്പി​ക്ക​പ്പെട്ടു

യു.എസ്‌.എ., കാലി​ഫോർണി​യ​യി​ലുള്ള ഒരു സ്‌ത്രീ ഇപ്രകാ​ര​മെ​ഴു​തി: “നീ ഞങ്ങളുടെ ജീവി​ത​ത്തി​ലെ എല്ലാ നിസ്സാര പ്രശ്‌ന​ങ്ങ​ളെ​യും അപ്രധാ​ന​മാ​യി തള്ളി, ജീവി​ത​ത്തിൽ അടിസ്ഥാ​ന​പ​ര​മാ​യി മുഖ്യ പ്രാധാ​ന്യ​മർഹി​ക്കു​ന്ന​തെ​ന്താ​ണെന്ന്‌—യഹോ​വ​യു​മാ​യുള്ള നമ്മുടെ ബന്ധം—നിശ്ചയ​മാ​യും കാണി​ച്ചു​ത​ന്നി​രി​ക്കു​ന്നു.” അവൾ ഇപ്രകാ​രം കൂട്ടി​ച്ചേർത്തു: “ഞാൻ യൗവനം പിന്നി​ട്ടിട്ട്‌ വളരെ​യാ​യെ​ങ്കി​ലും നിന്റെ അനുഭ​വ​ങ്ങ​ളും വീക്ഷണ​ഗ​തി​യും എന്നെ ആഴത്തിൽ സ്‌പർശി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്‌തു. എന്റെ മുൻഗ​ണ​നകൾ പുനഃ​പ​രി​ശോ​ധി​ക്കാൻ അതെന്നെ സഹായി​ച്ചു.”

കാലി​ഫോർണി​യ​യിൽനി​ന്നുള്ള മറ്റൊരു കത്ത്‌ ഇപ്രകാ​രം പറഞ്ഞു: “ജർമനി​യി​ലെ​യും മലാവി​യി​ലെ​യും ഞാൻ വായി​ച്ചി​ട്ടുള്ള മറ്റു സ്ഥലങ്ങളി​ലെ​യും സഹോ​ദ​രീ​സ​ഹോ​ദ​രൻമാർ അനുഭ​വി​ച്ചി​ട്ടുള്ള ഏതൊരു പരി​ശോ​ധ​ന​യോ​ളം തന്നെ വലുതാണ്‌ നീ അനുഭ​വി​ച്ചി​രി​ക്കുന്ന പരി​ശോ​ധ​ന​യും. ഇപ്പോൾ 68 വയസ്സുള്ള ഞാൻ വളരെ​യ​ധി​കം അനുഭ​വങ്ങൾ കാണു​ക​യും കേൾക്കു​ക​യും വായി​ച്ച​റി​യു​ക​യും ചെയ്‌തി​ട്ടുണ്ട്‌. നിന്റെ കഥ ചെറു​പ്പ​ക്കാർക്കും പ്രായ​മാ​യ​വർക്കു​മൊ​രു​പോ​ലെ ഒരു അനു​ഗ്ര​ഹ​മാ​യി​രി​ക്കും.”

യു.എസ്‌.എ., സൗത്ത്‌ കരോ​ളി​ന​യി​ലെ ഒരു സ്‌ത്രീ ഇപ്രകാ​രം സമ്മതി​ച്ചു​പ​റഞ്ഞു: “ഞാനൊ​രു കൊച്ചു​കു​ട്ടി​യല്ല. എനിക്ക്‌ ഏതാണ്ട്‌ 70 വയസ്സ്‌ പ്രായ​മുണ്ട്‌.” അവർ വിലമ​തി​പ്പോ​ടെ ഇങ്ങനെ​യെ​ഴു​തി: “നീ മറ്റൊരു ഇയ്യോ​ബാണ്‌. നിന്റെ സഹിഷ്‌ണുത ചെറു​പ്പ​ക്കാ​രും പ്രായ​മാ​യ​വ​രു​മായ എല്ലാവ​രാ​ലും ശ്രദ്ധി​ക്ക​പ്പെ​ടു​മെന്നു ഞാൻ പ്രത്യാ​ശി​ക്കു​ന്നു.”

മറ്റൊരു കത്ത്‌ ഇപ്രകാ​രം പറഞ്ഞു: “കാത്തി​യു​ടെ വിശ്വാ​സ​വും ദൃഢനി​ശ്ച​യ​വും എന്റെ ഹൃദയത്തെ സ്‌പർശി​ച്ചു. എനിക്ക്‌ ഏകദേശം 57 വയസ്സുണ്ട്‌. ജോലി​യിൽനി​ന്നു വിരമി​ക്കു​മ്പോൾ യഹോ​വ​യു​ടെ സേവന​ത്തിൽ കൂടുതൽ സമയം ചെലവ​ഴി​ക്കു​ക​യെ​ന്നത്‌ എന്റെ ലക്ഷ്യങ്ങ​ളി​ലൊ​ന്നാ​യി​രു​ന്നു. എന്നാൽ എനിക്ക്‌ കാൻസ​റാ​ണെന്ന്‌ അടുത്ത​യി​ടെ രോഗ​നിർണയം വെളി​പ്പെ​ടു​ത്തി. കൂടുതൽ ചെറു​പ്പ​വും ആരോ​ഗ്യ​വു​മു​ണ്ടാ​യി​രു​ന്ന​പ്പോൾ യഹോ​വ​യു​ടെ സേവന​ത്തിൽ അധികം ചെയ്യാ​തി​രു​ന്ന​തിൽ ഞാൻ എത്ര ഖേദി​ക്കു​ന്നു! ഗുരു​ത​ര​മായ ഒരു രോഗം വന്ന്‌ എപ്പോ​ഴാണ്‌ ആ പദവി എടുത്തു​കൊ​ണ്ടു പോകു​ന്ന​തെന്ന്‌ നമുക്കാർക്കും മുൻകൂ​ട്ടി​പ്പ​റ​യാൻ കഴിയില്ല.”

ഒരു ക്രിസ്‌തീയ മൂപ്പൻ ഇപ്രകാ​രം എഴുതി: “വിശ്വാ​സത്തെ പരീക്ഷി​ച്ചേ​ക്കാ​വുന്ന അപ്രതീ​ക്ഷി​ത​മായ കാര്യങ്ങൾ ജീവി​ത​ത്തിൽ സംഭവി​ക്കു​മ്പോൾ വായി​ക്കാൻ വേണ്ടി ഞാൻ ഈ ലേഖനം ഒരു പ്രത്യേക ഫയലിൽ സൂക്ഷി​ക്കാൻ പോകു​ക​യാണ്‌. ഞാൻ ഈ ലേഖനം ഇടയസ​ന്ദർശ​ന​ത്തി​നു​പ​യോ​ഗി​ക്കുന്ന ഫയലി​ലും വെക്കാൻ പോകു​ക​യാണ്‌, ഈ വ്യവസ്ഥി​തി അതിന്റെ അവസാ​ന​ത്തോ​ട​ടു​ക്കവേ ബുദ്ധി​മു​ട്ടു​ക​ളാൽ ഞെരു​ങ്ങുന്ന പ്രിയ​പ്പെട്ട സുഹൃ​ത്തു​ക്കളെ പ്രോ​ത്സാ​ഹി​പ്പി​ക്കാൻ അത്‌ ഉപയോ​ഗ​പ്ര​ദ​മാ​കും.”

വാസ്‌ത​വ​ത്തിൽ, നമ്മുടെ ലോക​വ്യാ​പക സഹോ​ദ​ര​വർഗ​ത്തി​ലെ എല്ലാ അംഗങ്ങ​ളു​ടെ​യും വിശ്വാ​സ​ത്താ​ലും ധൈര്യ​ത്താ​ലും നാം ശക്തീക​രി​ക്ക​പ്പെ​ടു​ന്നു. (1 പത്രൊസ്‌ 5:9) “ഇനി മരണം ഉണ്ടാ”യിരി​ക്കു​ക​യി​ല്ലാത്ത ഒരു സമയ​ത്തെ​ക്കു​റി​ച്ചുള്ള ബൈബിൾ വാഗ്‌ദാ​ന​ത്തി​ന്റെ നിവൃ​ത്തി​ക്കു​വേണ്ടി കാത്തി​യെ​പ്പോ​ലെ നാമെ​ല്ലാ​വ​രും നോക്കി​പ്പാർത്തി​രി​ക്കു​ക​യാണ്‌. (വെളി​പ്പാ​ടു 21:3, 4) “എനിക്കു ദീനം എന്നു യാതൊ​രു നിവാ​സി​യും പറകയി”ല്ലാത്ത​പ്പോൾ അതെ​ന്തൊ​രു മഹത്തായ സമയമാ​യി​രി​ക്കും.—യെശയ്യാ​വു 33:24.

[20-ാം പേജിലെ ചിത്രം]

കാത്തി റോ​ബേ​ഴ്‌സൺ