വല്ല്യമ്മ​വ​ല്ല്യ​പ്പൻമാർക്ക്‌ എന്തു സംഭവി​ച്ചു​കൊ​ണ്ടി​രി​ക്കു​ന്നു?

ഇറ്റലിയിലെ ഉണരുക! ലേഖകൻ

“ഒരു വല്ല്യപ്പൻ എന്നനി​ല​യിൽ എന്നോട്‌ പേരക്കി​ടാ​ങ്ങൾ ഇത്രയ​ധി​കം അലിവു കാണി​ക്കു​ന്നത്‌ എനിക്കു വിശ്വ​സി​ക്കാൻ കഴിഞ്ഞില്ല. അവർ ഒരു സമ്മാന​മാണ്‌—സ്‌നേ​ഹ​ബ​ന്ധ​ങ്ങളെ ഊട്ടി​യു​റ​പ്പി​ക്കു​ന്ന​തി​നുള്ള ഓമന​ത്വ​മുള്ള, നിഷ്‌ക​ള​ങ്ക​രായ പ്രതി​നി​ധി​കൾ.”—വല്ല്യപ്പ​നായ എറ്റോറെ.

മേൽ പരാമർശിച്ച ആരോ​ഗ്യ​ക​ര​മായ ബന്ധം ഉണ്ടെങ്കി​ലും ഈ നാളു​ക​ളിൽ വല്ല്യമ്മ​വ​ല്ല്യ​പ്പൻമാ​രും മാതാ​പി​താ​ക്ക​ളും പേരക്കി​ടാ​ങ്ങ​ളും എല്ലായ്‌പോ​ഴും ഒത്തു​പോ​കു​ന്നില്ല. സഹകരി​ച്ചു​പോ​കു​ന്ന​തി​നു പകരം ഈ മൂന്നു തലമു​റ​ക​ളും മിക്ക​പ്പോ​ഴും ഏറ്റുമു​ട്ടു​ന്നു. ഫലമോ? പ്രായം​ചെ​ന്ന​വ​രു​ടെ, അതായത്‌ വല്ല്യമ്മ​വ​ല്ല്യ​പ്പൻമാ​രു​ടെ ഇടയിലെ വർധി​ച്ചു​വ​രുന്ന ഏകാന്ത​ത​യും അസന്തു​ഷ്ടി​യും. മിക്ക​പ്പോ​ഴും ഏറ്റവു​മ​ധി​കം വ്രണ​പ്പെ​ടു​ന്ന​വ​രും ഒറ്റപ്പെ​ടു​ന്ന​വ​രും ഈ കുടും​ബാം​ഗ​ങ്ങ​ളാണ്‌, സാമ്പത്തിക പരാധീ​ന​തകൾ ഉണ്ടാകു​മ്പോൾ കുടും​ബാം​ഗങ്ങൾ സഹായം ചോദി​ക്കു​ന്ന​തും ഇവരോ​ടു​തന്നെ. നിങ്ങളു​ടെ കുടും​ബ​ത്തി​ലെ സ്ഥിതി എന്താണ്‌? വല്ല്യമ്മ​വ​ല്ല്യ​പ്പൻമാർ യഥാർഥ​ത്തിൽ വിലമ​തി​ക്ക​പ്പെ​ടു​ന്നു​വോ?

ലോക​വ്യാ​പ​ക​മാ​യി ഉണ്ടായ ശ്രദ്ധേ​യ​മായ പരിവർത്ത​നങ്ങൾ കഴിഞ്ഞ ഏതാനും ദശകങ്ങ​ളാ​യി കുടും​ബ​ത്തെ​യും അതിലെ ബന്ധങ്ങ​ളെ​യും ബാധി​ച്ചി​രി​ക്കു​ന്നു. ഇത്‌ ഗോ​ത്ര​പി​താ​ക്കൻമാ​രു​ടെ കുടും​ബം മിക്കവാ​റും പൂർണ​മാ​യി അപ്രത്യ​ക്ഷ​മാ​കു​ന്ന​തിന്‌ ഇടയാ​ക്കി​യി​രി​ക്കു​ന്നു. യൂറോ​പ്പിൽ പ്രായം​ചെ​ന്ന​വ​രു​ടെ വെറും 2 ശതമാ​നമേ മക്കളോ​ടൊ​പ്പം പാർക്കു​ന്നു​ള്ളൂ. എന്നാൽ, ശരാശരി ആയുർ​ദൈർഘ്യം ഇപ്പോൾ വർധി​ച്ചി​രി​ക്കു​ന്നതു നിമി​ത്ത​വും ജനനങ്ങൾ കുറഞ്ഞതു നിമി​ത്ത​വും വ്യവസാ​യ​വ​ത്‌കൃത രാഷ്ട്ര​ങ്ങ​ളിൽ സാധാരണ ജനസം​ഖ്യ​യോ​ടുള്ള അനുപാ​ത​ത്തിൽ വല്ല്യമ്മ​വ​ല്ല്യ​പ്പൻമാ​രു​ടെ എണ്ണം സ്ഥിരം വർധി​ച്ചു​കൊ​ണ്ടി​രി​ക്ക​യാണ്‌. യൂറോ​പ്പി​ലെ ജനസം​ഖ്യ​യു​ടെ 26 ശതമാ​ന​വും വല്യമ്മ​മാ​രും വല്യപ്പൻമാ​രും ഉൾക്കൊ​ള്ളു​ന്ന​താണ്‌. യൂറോ​പ്യൻ യൂണിയൻ പ്രസി​ദ്ധീ​ക​രിച്ച ഒരു സർവേ അനുസ​രിച്ച്‌ ഈ സംഖ്യ “തീർച്ച​യാ​യും വർധി​ക്കാ​നാ​ണു സാധ്യത.” “പ്രായം​ചെന്ന പൗരൻമാ​രെ പരിപാ​ലി​ക്കു​ന്നതു സംബന്ധി​ച്ചുള്ള അതിന്റെ പാരമ്പ​ര്യ​ത്തിൽ” ജപ്പാൻ “അഭിമാ​നം കൊള്ളു​ന്നു” എന്ന്‌ ആസാഹി ഈവനിങ്‌ ന്യൂസ്‌ പറയുന്നു. എന്നിരു​ന്നാ​ലും, അവിടെ കൂടുതൽ വ്യാപ​ക​മാ​യി​ക്കൊ​ണ്ടി​രി​ക്കുന്ന ഒരു ശീലമുണ്ട്‌, പ്രത്യേ​കി​ച്ചു നഗരങ്ങ​ളിൽ. ആശുപ​ത്രി​യിൽ ആക്കേണ്ട യഥാർഥ ആവശ്യ​മൊ​ന്നു​മി​ല്ലാ​ത്ത​പ്പോൾപ്പോ​ലും വല്ല്യമ്മ​വ​ല്ല്യ​പ്പൻമാ​രെ ആശുപ​ത്രി​ക​ളി​ലും പ്രത്യേക ക്ലിനി​ക്കു​ക​ളി​ലും മറ്റും ഉപേക്ഷി​ക്കുന്ന രീതി. പരമ്പരാ​ഗ​ത​മാ​യി പ്രായം​ചെ​ന്ന​വ​രോ​ടു മാന്യ​മാ​യി ഇടപെ​ടുന്ന ദക്ഷിണാ​ഫ്രി​ക്ക​യി​ലും ഇപ്പോൾ പ്രായം​ചെ​ന്ന​വരെ ഉപേക്ഷി​ക്കു​ന്ന​തി​നുള്ള നികൃ​ഷ്ട​മായ പ്രവണ​ത​യു​ണ്ടെന്നു കേപ്പ്‌ ടൗണിലെ പത്രമായ ദ കേപ്പ്‌ ടൈംസ്‌ പറയുന്നു. കുടും​ബങ്ങൾ “ജീവിതം പരമാ​വധി ആസ്വദി​ക്കാൻ” ആഗ്രഹി​ക്കു​ന്നു. “വല്യമ്മയെ ഒരു സംരക്ഷണ സ്ഥാപന​ത്തിൽ സുരക്ഷി​ത​മാ​യി ആക്കിയ​ശേഷം അവർ തങ്ങളുടെ കടമ നിറ​വേ​റ്റി​യെന്നു ധരിച്ചു​കൊ​ണ്ടു സ്വയം വഞ്ചിക്കു​ക​യാണ്‌,” റിപ്പോർട്ടു ചൂണ്ടി​ക്കാ​ട്ടു​ന്നു.

മൂന്നു മക്കൾ “സഹായ​വും നിരന്തര സന്ദർശ​ന​വും വാഗ്‌ദാ​നം ചെയ്‌തു​കൊണ്ട്‌” വൃദ്ധയായ വല്യമ്മയെ പ്രായ​മാ​യ​വർക്കു​വേ​ണ്ടി​യുള്ള ഒരു മികച്ച വിശ്ര​മ​മ​ന്ദി​ര​ത്തിൽ ആക്കിയ ഒരു പ്രത്യേക സംഭവ​ത്തെ​ക്കു​റിച്ച്‌ അതേ പത്രം പറയുന്നു. എന്നാൽ അവർക്ക്‌ എന്തു സംഭവി​ക്കു​ന്നു? “ആദ്യ​മൊ​ക്കെ എന്നും സന്ദർശി​ക്കു​ന്നു. ഏതാനും ആഴ്‌ചകൾ കഴിയു​മ്പോൾ സന്ദർശനം ആഴ്‌ച​യിൽ മൂന്നു പ്രാവ​ശ്യ​മാ​കു​ന്നു. പിന്നെ ആഴ്‌ച​യിൽ ഒന്ന്‌. ഒരു വർഷം കഴിയു​മ്പോൾ മാസത്തിൽ രണ്ടോ മൂന്നോ, ക്രമേണ വർഷത്തിൽ അഞ്ചോ ആറോ ആകുന്നു. ഒടുവിൽ സന്ദർശ​നമേ ഇല്ല.” അന്തമി​ല്ലാത്ത തന്റെ നാളുകൾ ഈ വല്ല്യമ്മ എങ്ങനെ​യാ​ണു ചെലവ​ഴി​ച്ചത്‌? ഹൃദയ​ഭേ​ദ​ക​മായ വിവരണം ഇങ്ങനെ പറയുന്നു: “അവളുടെ മുറി​യിൽ ഒരു ജനലു​ണ്ടാ​യി​രു​ന്നു. അതിന്റെ നേരെ ഒരു മരവും. അവളുടെ ആകെയുള്ള ജീവനുള്ള കൂട്ടു​കാർ അതിൽ വന്നിരി​ക്കുന്ന പ്രാവു​ക​ളും മൈന​ക​ളു​മാ​യി​രു​ന്നു. ഉറ്റ ബന്ധുക്ക​ളെ​യെ​ന്ന​പോ​ലെ അവൾ അവയുടെ വരവി​നാ​യി ആകാം​ക്ഷ​യോ​ടെ കാത്തി​രി​ക്കു​ന്നു.”

നഗരങ്ങ​ളിൽ ജോലി​തേ​ടാൻ അനേകരെ പ്രേരി​പ്പി​ക്കുന്ന ദക്ഷിണാ​ഫ്രി​ക്കൻ ജീവി​ത​ശൈ​ലി​ക​ളു​ടെ പാശ്ചാ​ത്യ​വൽക്ക​ര​ണ​ത്തി​ന്റെ ഫലമായി ഗോത്ര കുടും​ബ​ങ്ങ​ളി​ലും ഇതുതന്നെ സംഭവി​ക്കു​ന്നു. മാറി​ക്കൊ​ണ്ടി​രി​ക്കുന്ന സാമൂ​ഹി​കാ​വ​സ്ഥകൾ കൂടാതെ മറ്റു കാരണ​ങ്ങ​ളും വല്ല്യമ്മ​വ​ല്ല്യ​പ്പൻമാ​രു​ടെ ഉപേക്ഷ​ണ​ത്തി​ലേക്കു നയിക്കു​ന്നു. സാമൂ​ഹി​ക​വും കുടും​ബ​പ​ര​വു​മായ സന്തുഷ്ട ജീവി​തത്തെ പ്രോ​ത്സാ​ഹി​പ്പി​ക്കുന്ന മനുഷ്യ​ത്വ​പ​ര​മായ ഗുണങ്ങ​ളായ നന്മ, അയൽക്കാ​ര​നോ​ടുള്ള ആദരവ്‌, കുടും​ബ​സ്‌നേഹം എന്നിവ​യു​ടെ തിരോ​ധാ​ന​വും സ്വാർഥത, ആന​ന്ദൈ​ക​വാ​ദം, അഹന്ത, മത്സരം എന്നിവ​യു​ടെ വ്യാപ​ന​വു​മാണ്‌ അവ. തിരു​വെ​ഴു​ത്തു​കൾ പറയു​ന്ന​ത​നു​സ​രിച്ച്‌, ഇത്തരത്തി​ലുള്ള ധാർമിക അധഃപ​തനം നാം “അവസാന നാളു​ക​ളിൽ” ആണു ജീവി​ക്കു​ന്നത്‌ എന്നതിന്റെ ഒരു അടയാ​ള​മാണ്‌. (2 തിമോ​ത്തി 3:1-5, NW) അതു​കൊണ്ട്‌, വല്ല്യമ്മ​വ​ല്ല്യ​പ്പൻമാ​രെ പരിപു​ഷ്ടി​യു​ടെ​യും സ്ഥിരത​യു​ടെ​യും ഒരു ഉറവായി ആദരി​ക്കു​ന്ന​തി​നു പകരം മക്കളും പേരക്കു​ട്ടി​ക​ളും മിക്ക​പ്പോ​ഴും അവരെ ദ്രുത​ഗ​തി​യി​ലുള്ള സാമൂ​ഹിക മാറ്റത്തി​നൊ​ത്തു മുന്നേ​റാത്ത ഒരു വൻ പ്രതി​ബ​ന്ധ​മാ​യി കണക്കാ​ക്കു​ന്നു.a

തലമു​റ​വി​ടവ്‌ കൂടുതൽ കൂടുതൽ വലുതാ​യി​ക്കൊ​ണ്ടി​രി​ക്കു​ക​യാണ്‌. ഇത്‌ ഗണ്യമായ പിരി​മു​റു​ക്ക​ത്തിന്‌ ഇടയാ​ക്കു​ന്നു. പ്രായം​ചെ​ന്നവർ തങ്ങളുടെ കുടും​ബ​ങ്ങ​ളോ​ടൊ​ത്തു താമസി​ക്കു​മ്പോൾ ഇത്‌ വർധി​ക്കാൻ ഇടയാ​കു​ന്നു. എന്നാൽ വല്ല്യമ്മ​വ​ല്ല്യ​പ്പൻമാ​രു​ടെ സംഭാവന വളരെ​യ​ധി​കം പ്രയോ​ജ​ന​ക​ര​മാ​യി​രി​ക്കാൻ കഴിയും! അങ്ങനെ​യെ​ങ്കിൽ, വല്ല്യമ്മ​വ​ല്ല്യ​പ്പൻമാ​രും മക്കളും പേരക്കു​ട്ടി​ക​ളും തമ്മിലുള്ള സ്‌നേ​ഹ​പൂർവ​ക​മായ ബന്ധങ്ങളെ തടസ്സ​പ്പെ​ടു​ത്തുന്ന തലമു​റ​ക​ളു​ടെ ഇടയി​ലുള്ള ചില മുഖ്യ പ്രശ്‌നങ്ങൾ എന്തെല്ലാ​മാണ്‌? വല്ല്യമ്മ​വ​ല്ല്യ​പ്പൻമാർക്കു കുടും​ബ​വൃ​ത്ത​ത്തി​നു​ള്ളി​ലെ തങ്ങളുടെ മൂല്യ​വ​ത്തായ പങ്ക്‌ എങ്ങനെ പുനഃ​സ്ഥാ​പി​ക്കാൻ കഴിയും?

[അടിക്കു​റി​പ്പു​കൾ]