യുവജ​നങ്ങൾ ചോദി​ക്കു​ന്നു. . .

എനിക്കു യഥാർഥ​ത്തിൽ ദൈവ​ത്തി​ന്റെ ഒരു സുഹൃ​ത്താ​യി​രി​ക്കാൻ കഴിയു​മോ?

ദൈവ​ത്തി​ന്റെ ഒരു സുഹൃ​ത്താ​യി​രി​ക്കു​ക​യോ? അസാധ്യം. അതാണ്‌ 20 വയസ്സു​കാ​രി ഡോറി​സി​ന്റെ വിശ്വാ​സം. ഈ ചെറു​പ്പ​ക്കാ​രി ഇപ്രകാ​രം വിലപി​ക്കു​ന്നു: “ആർക്കെ​ങ്കി​ലും എന്നോട്‌ ഇഷ്ടം​തോ​ന്നാൻ കഴിയാ​ത്ത​വി​ധം ഞാൻ അത്രമാ​ത്രം നിസ്സാ​ര​യും അയോ​ഗ്യ​യു​മാ​യി​രി​ക്കു​ന്ന​താ​യി എനിക്കു തോന്നു​ന്നു. യഹോ​വ​യാം ദൈവ​ത്തോ​ടു പ്രാർഥി​ക്കു​ന്ന​തു​പോ​ലും ഞാൻ ഒഴിവാ​ക്കു​ന്നു. എന്തു​കൊ​ണ്ടെ​ന്നാൽ അവന്റെ സന്നിധി​യിൽ ആയിരി​ക്കു​ന്ന​തിന്‌ എനിക്ക്‌ അർഹത​യു​ണ്ടെന്നു ഞാൻ വിചാ​രി​ക്കു​ന്നില്ല.” തങ്ങൾ ദൈവ​ത്തി​ന്റെ സൗഹൃ​ദ​ത്തി​നു തീർത്തും അയോ​ഗ്യ​രാ​ണെന്നു ചില ചെറു​പ്പ​ക്കാർക്ക്‌ ഉള്ളിന്റെ ഉള്ളിൽ അനുഭ​വ​പ്പെ​ടു​ന്നു. ദൈവ​ത്തി​ന്റെ സുഹൃ​ത്താ​യി​രി​ക്കുക എന്ന ആശയത്തെ അവർ താലോ​ലി​ച്ചേ​ക്കാ​മെ​ങ്കി​ലും അങ്ങനെ​യൊ​ന്നു തങ്ങൾക്ക്‌ അപ്രാ​പ്യ​മാ​ണെന്ന്‌ അവർ വിചാ​രി​ക്കു​ന്നു. നിങ്ങൾക്ക്‌ എപ്പോ​ഴെ​ങ്കി​ലും ഇങ്ങനെ തോന്നി​യി​ട്ടു​ണ്ടോ?

ചില​പ്പോൾ, സ്വന്തം ബലഹീ​ന​തകൾ താൻ ദൈവത്തെ സമീപി​ക്കു​ന്ന​തി​നു​പോ​ലും അയോ​ഗ്യ​നാ​ണെ​ന്നുള്ള തോന്നൽ ഒരു യുവാ​വിന്‌ ഉളവാ​ക്കി​യേ​ക്കാം. ഉദാഹ​ര​ണ​ത്തിന്‌, യുവാ​വായ മൈക്കി​ളി​ന്റെ കാര്യ​മെ​ടു​ക്കുക. ദൈവ​ത്തി​ന്റെ വഴികൾ വിലമ​തി​ക്കാ​നി​ട​യാ​കു​ന്ന​തി​നു മുമ്പ്‌ താൻ “പാപപൂർണ​വും ഉപദ്ര​വ​ക​ര​വു​മായ മിക്കവാ​റും എല്ലാത്തരം ചിന്തയാ​ലും പ്രവർത്ത​ന​ത്താ​ലും ബാധി​ക്ക​പ്പെട്ടി”രുന്നു​വെന്ന്‌ അവൻ പറയുന്നു. എന്നാൽ, ബൈബി​ളി​ന്റെ പഠനത്തിൽനി​ന്നു മനസ്സി​ലാ​ക്കിയ കാര്യങ്ങൾ താൻ ദൈവത്തെ എത്രമാ​ത്രം ദുഃഖി​പ്പി​ക്കു​ക​യും നിരാ​ശ​പ്പെ​ടു​ത്തു​ക​യും ചെയ്യു​ന്നു​വെന്നു തിരി​ച്ച​റി​യാൻ അവനെ സഹായി​ച്ചു. അവൻ ഇങ്ങനെ വിശദീ​ക​രി​ച്ചു: “ഓരോ സഭാ​യോ​ഗ​വും കുറഞ്ഞത്‌ എന്റെ ഓരോ​രോ കുറ്റങ്ങളെ എനിക്കു കാണി​ച്ചു​തന്നു. . . . എനിക്കു​തന്നെ എന്നോടു ക്ഷമിക്കാൻ കഴിയാ​ത്ത​പ്പോൾ അവസാ​ന​മി​ല്ലാ​ത്ത​താ​യി കാണ​പ്പെ​ടുന്ന എന്റെ പാപങ്ങൾ യഹോവ ക്ഷമിച്ചു​ത​രു​മെന്ന്‌ എനിക്കു മുൻകൂ​ട്ടി​ക്കാ​ണാൻ കഴിഞ്ഞില്ല.”

മറ്റുചില കേസു​ക​ളിൽ, മറ്റുള്ളവർ ഒരു യുവാ​വി​നോട്‌ ഇടപെ​ടുന്ന വിധം താൻ യഹോ​വ​യു​ടെ സൗഹൃ​ദ​ത്തി​നു യോഗ്യ​നല്ല എന്ന തോന്നൽ അയാളി​ലു​ള​വാ​ക്കു​ന്നു. ഉദാഹ​ര​ണ​ത്തിന്‌, മുൻപ്‌ ഉദ്ധരിച്ച ഡോറിസ്‌ ഒരു കൊച്ചു കുട്ടി​യാ​യി​രു​ന്ന​പ്പോൾ അവളുടെ അമ്മ അവളെ ഉപേക്ഷി​ച്ച​താണ്‌. അവൾ ഇപ്രകാ​രം വെളി​പ്പെ​ടു​ത്തി: “എന്നെ ആരെങ്കി​ലും സ്‌നേ​ഹി​ക്കു​ന്നു​ണ്ടെന്ന്‌ എനിക്കു തോന്നു​ന്നില്ല. എന്റെ സ്വന്തം അമ്മയും കുടും​ബ​വും എന്നെ ഉപേക്ഷി​ച്ചെ​ങ്കിൽപ്പി​ന്നെ മറ്റാ​രെ​ങ്കി​ലും എന്നെക്കു​റി​ച്ചു ചിന്തി​ക്കാൻ എന്തു സാധ്യ​ത​യാ​ണു​ള്ളത്‌?” ദൈവ​ത്തി​നു തന്നെ ഒരിക്ക​ലും സുഹൃ​ത്താ​യി ആവശ്യ​മി​ല്ലെന്ന്‌, ബാല്യം​മു​തൽ നിന്ദ്യ​വും ദ്രോ​ഹ​പൂർവ​ക​വു​മായ പെരു​മാ​റ്റം അനുഭ​വി​ച്ചി​രി​ക്കുന്ന ഒരു യുവാവ്‌ വിചാ​രി​ച്ചേ​ക്കാം.

അതേസ​മ​യം​ത​ന്നെ, മുൻപ്‌ ദൈവ​വു​മാ​യി സൗഹൃദം ഉണ്ടായി​രുന്ന ഒരാൾ ബലഹീ​ന​ത​മൂ​ലം ഗുരു​ത​ര​മായ പാപത്തി​ലേക്കു വഴുതി​വീ​ണേ​ക്കാം. ഇതാണ്‌ ട്രേസി​ക്കു സംഭവി​ച്ചത്‌. “എനിക്കു വല്ലാത്ത ലജ്ജ തോന്നു​ന്നു. എന്റെ വേദന​യും കുറ്റ​ബോ​ധ​വും അസഹനീ​യ​മാണ്‌. ഞാൻ എന്റെ പിതാ​വായ യഹോ​വയെ വളരെ​യ​ധി​കം മുറി​പ്പെ​ടു​ത്തി​യി​രി​ക്കു​ന്നു” എന്ന്‌ ഈ 21 വയസ്സു​കാ​രി വിലപി​ക്കു​ന്നു.

മേൽപ​രാ​മർശി​ച്ച ഏതെങ്കി​ലു​മൊ​ന്നി​നോ​ടു സമാന​മായ ഒരു സാഹച​ര്യ​ത്തിൽ ഒരുപക്ഷേ നിങ്ങൾ നിങ്ങ​ളെ​ത്തന്നെ കണ്ടെത്തു​ന്നു​ണ്ടാ​വും. എന്നാൽ ആശക്കു വകയുണ്ട്‌: നിങ്ങൾക്കു ദൈവത്തെ നിങ്ങളു​ടെ സുഹൃ​ത്താ​ക്കാൻ കഴിയും!

നിങ്ങൾക്കു ദൈവ​ത്തി​ന്റെ സുഹൃ​ത്താ​യി​രി​ക്കാൻ കഴിയു​ന്ന​തി​ന്റെ കാരണം

പാപപൂർണ​മായ പ്രവൃ​ത്തി​കൾ ദൈവ​ത്തി​ന്റെ സുഹൃ​ത്താ​യി​രി​ക്കു​ന്ന​തിൽനിന്ന്‌ ഒരുവനെ തടയു​മെ​ന്നതു സത്യമാണ്‌. അനു​ഗ്ര​ഹ​ക​ര​മെന്നു പറയട്ടെ, നമ്മുടെ സ്‌നേ​ഹ​വാ​നായ പിതാവ്‌ നമ്മെ സഹായി​ക്കാൻ മുൻകൈ എടുത്തി​രി​ക്കു​ന്നു. “ക്രിസ്‌തു​വോ നാം പാപികൾ ആയിരി​ക്കു​മ്പോൾ തന്നേ നമുക്കു വേണ്ടി മരിക്ക​യാൽ ദൈവം തനിക്കു നമ്മോ​ടുള്ള സ്‌നേ​ഹത്തെ പ്രദർശി​പ്പി​ക്കു​ന്നു” എന്ന്‌ അപ്പോ​സ്‌ത​ല​നായ പൗലോസ്‌ എഴുതി. (റോമർ 5:8) മരണത്തി​ലൂ​ടെ യേശു പാപത്തി​ന്റെ പൂർണ അധീന​ത​യിൽനി​ന്നു വിലമ​തി​പ്പു​ള്ള​വരെ വിടു​വി​ക്കു​ന്ന​തി​നുള്ള മറുവില അർപ്പിച്ചു. (മത്തായി 20:28) അതു​കൊണ്ട്‌ അപ്പോ​സ്‌തലൻ ഇങ്ങനെ കൂട്ടി​ച്ചേർക്കു​ന്നു: “നാം ദൈവ​ത്തി​ന്റെ ശത്രു​ക്ക​ളാ​യി​രു​ന്നു, എന്നാൽ തന്റെ പുത്രന്റെ മരണം മുഖേന അവൻ നമ്മെ തന്റെ സുഹൃ​ത്തു​ക്ക​ളാ​ക്കി.”—റോമർ 5:10, റ്റുഡേ​യ്‌സ്‌ ഇംഗ്ലീഷ്‌ വേർഷൻ.

യഹോ​വ​യു​ടെ നിലവാ​ര​ങ്ങളെ മനസ്സി​ലാ​ക്കാൻ ഇടയാ​കു​ന്ന​തി​നു​മുമ്പ്‌, നേരത്തെ പരാമർശിച്ച മൈക്കി​ളി​നെ​പ്പോ​ലെ​യുള്ള ചില യുവജ​നങ്ങൾ ഘോര​മായ തെറ്റിൽ ഏർപ്പെ​ട്ടി​രു​ന്നി​രി​ക്കാം. എന്നാൽ, ഒരുവന്റെ മുൻകാല പാപങ്ങൾ എത്ര ഗുരു​ത​ര​മാ​യി​രു​ന്നാ​ലും യേശു​വി​ന്റെ മറുവില യാഗം മുഖേന അവ അവനോ​ടു ക്ഷമിക്കും. ബൈബിൾ പിൻവ​രുന്ന ഹൃദ​യോ​ഷ്‌മ​ള​മായ ഉറപ്പു നൽകുന്നു: “നമ്മുടെ പാപങ്ങളെ ഏറ്റുപ​റ​യു​ന്നു എങ്കിൽ അവൻ നമ്മോടു പാപങ്ങളെ ക്ഷമിച്ചു സകല അനീതി​യും പോക്കി നമ്മെ ശുദ്ധീ​ക​രി​പ്പാൻ തക്കവണ്ണം വിശ്വ​സ്‌ത​നും നീതി​മാ​നും ആകുന്നു.” (1 യോഹ​ന്നാൻ 1:9) എന്നാൽ അത്തരം ശുദ്ധീ​ക​ര​ണത്തെ താൻ വിലമ​തി​ക്കു​ന്നു എന്നു ദൈവത്തെ കാണി​ക്കാ​നാ​യി ഒരു വ്യക്തി പടികൾ സ്വീക​രി​ക്കേ​ണ്ട​തുണ്ട്‌. ബാധക​മാ​ക്കാൻ കഴിയുന്ന ഒരു തത്ത്വം അപ്പോ​സ്‌ത​ല​നായ പൗലോസ്‌ പ്രസ്‌താ​വി​ക്കു​ന്നു: ‘“അശുദ്ധ​മാ​യതു ഒന്നും തൊട​രു​തു; എന്നാൽ ഞാൻ നിങ്ങളെ കൈ​ക്കൊ​ണ്ടു നിങ്ങൾക്കു പിതാ”വ്‌ “ആയിരി​ക്കും”’ എന്നു യഹോവ പറയുന്നു. (2 കൊരി​ന്ത്യർ 6:17, 18) ഒരു വ്യക്തി അത്തരം തെറ്റു വിട്ടു​തി​രി​യു​ക​യും ആത്മാർഥ​മാ​യി അനുത​പി​ക്കു​ക​യും ചെയ്യു​ന്നെ​ങ്കിൽ അവനെ ഒരു സുഹൃ​ത്തെ​ന്ന​നി​ല​യി​ലുള്ള തന്റെ പ്രീതി​യി​ലേക്കു സ്വീക​രി​ക്കാൻ ദൈവം മനസ്സൊ​രു​ക്ക​മു​ള്ള​വ​നാ​ണെ​ന്ന​റി​യു​ന്നത്‌ എത്ര ഹൃദയ​സ്‌പർശി​യാണ്‌.

ദ്രോ​ഹ​പൂർവ​ക​മായ ചുറ്റു​പാ​ടിൽ വളർന്നു​വന്ന യുവജ​ന​ങ്ങളെ സംബന്ധി​ച്ചെന്ത്‌? തങ്ങളുടെ ഇഷ്ടത്തിനു വിരു​ദ്ധ​മാ​യി കാര്യങ്ങൾ സംഭവി​ച്ചി​ട്ടുള്ള ആളുകളെ ദൈവം കുറ്റക്കാ​രാ​യി കണക്കാ​ക്കു​ക​യി​ല്ലെന്നു മനസ്സി​ലാ​ക്കുക. പാപത്തിൽ ഭാഗഭാ​ക്കു​ക​ളാ​യി​രു​ന്ന​തി​നു പകരം അത്തരക്കാർ പാപത്തിന്‌ ഇരകളാ​യി​രു​ന്നു. ഒരു വ്യക്തി​യെ​ന്ന​നി​ല​യി​ലുള്ള നിങ്ങളു​ടെ യോഗ്യത മറ്റൊ​രാൾ എന്തു വിധി​ക്കു​ന്നു എന്നതി​നെയല്ല ആശ്രയി​ച്ചി​രി​ക്കു​ന്ന​തെ​ന്നും ഓർമി​ക്കുക. നിങ്ങളു​ടെ സാഹച​ര്യ​ങ്ങൾ എന്തായി​രു​ന്നാ​ലും യഹോ​വക്കു നിങ്ങളു​ടെ സുഹൃ​ത്താ​യി​രി​ക്കാൻ കഴിയും. തന്റെ കുടി​യ​നായ പിതാവു മൂലം അക്രമം നിറഞ്ഞ ഒരു ഭവനത്തിൽ ക്രിസ്‌തീയ മാതാ​വി​നാ​ലാണ്‌ മോറീൻ വളർത്ത​പ്പെ​ട്ടത്‌. അവൾ ഇങ്ങനെ പറഞ്ഞു: “ഈ കുഴപ്പ​ങ്ങ​ളു​ടെ​യെ​ല്ലാം നടുവിൽ യഹോ​വ​യു​മാ​യി ഒരു ബന്ധം വളർത്തി​യെ​ടു​ക്കാൻ എങ്ങനെ​യോ എനിക്കു കഴിഞ്ഞു. എന്നെ ഒരിക്ക​ലും ഉപേക്ഷി​ക്കാത്ത ഒരുവ​നാണ്‌ അവനെന്നു ഞാൻ തിരി​ച്ച​റി​ഞ്ഞു.”

നിങ്ങൾ ഗുരു​ത​ര​മായ പാപത്തി​ലേക്കു വഴുതി​വീ​ഴു​ന്നെ​ങ്കി​ലെന്ത്‌?

ദൈവ​ഭ​യ​മുള്ള മാതാ​പി​താ​ക്ക​ളാൽ വളർത്ത​പ്പെട്ട ഡഗ്‌ 18-ാമത്തെ വയസ്സിൽ ലൈം​ഗിക അധാർമി​ക​ത​യിൽ ഏർപ്പെട്ടു. ഇത്‌ അവന്റെ മോശ​മായ സഹവാ​സങ്ങൾ മൂലമാ​യി​രു​ന്നു. “അത്‌ തെറ്റാ​ണെന്ന്‌ എനിക്ക​റി​യാ​മാ​യി​രു​ന്നു, എന്നാൽ ഞാൻ അത്‌ ചെയ്‌തു​കൊ​ണ്ടേ​യി​രു​ന്നു, എന്തു​കൊ​ണ്ടെ​ന്നാൽ ഞാൻ രസിക്കാൻ ആഗ്രഹി​ച്ചു,” ഡഗ്‌ സമ്മതി​ച്ചു​പ​റഞ്ഞു. കുറേ​നാൾ കഴിഞ്ഞ​പ്പോൾ ഡഗ്‌ തന്റെ ഗതിയു​ടെ വ്യർഥത മനസ്സി​ലാ​ക്കി. അവൻ ഇപ്രകാ​രം സമ്മതി​ച്ചു​പ​റഞ്ഞു: “എന്റെ കൂട്ടു​കാ​രെ​ന്നും​പ​റഞ്ഞു നടന്നവ​രെ​ല്ലാം കേവലം പണത്തി​നും സുഖത്തി​നും വേണ്ടി എന്നെ ഉപയോ​ഗി​ക്കു​ക​യാ​യി​രു​ന്നു​വെന്നു ഞാൻ മനസ്സി​ലാ​ക്കി തുടങ്ങി.” യഹോ​വ​യു​മാ​യുള്ള സൗഹൃദം പുനഃ​സ്ഥാ​പി​ക്കു​ന്ന​തിന്‌ അപ്പോൾ അവൻ പടികൾ സ്വീക​രി​ച്ചു തുടങ്ങി. എന്നാൽ ഒരു വൻതടസ്സം അവന്റെ പുരോ​ഗ​തി​ക്കു വിലങ്ങു​ത​ടി​യാ​യി​രു​ന്നു.

“മടങ്ങി​വ​രു​ന്നതു വളരെ​യ​ധി​കം വിഷമ​മാ​ക്കി​ത്തീർത്ത മുഖ്യ സംഗതി എനിക്കു തീരെ യോഗ്യ​ത​യി​ല്ലെന്നു തോന്നി​യ​താ​യി​രു​ന്നു. ഞാൻ ചെയ്‌ത​തെ​ല്ലാം യഹോ​വ​യു​ടെ ദൃഷ്ടി​യിൽ മോശ​മാ​യി​രു​ന്നു എന്ന്‌ എനിക്കു തോന്നി. അവൻ എത്ര നല്ലവനാ​ണെ​ന്നും എന്നോട്‌ എത്രമാ​ത്രം സഹനം പ്രകട​മാ​ക്കി​യി​രി​ക്കു​ന്നു​വെ​ന്നും അറിഞ്ഞ​പ്പോൾ അവൻ എന്നോടു ക്ഷമിക്കു​ന്ന​തി​നുള്ള ഒരു സാധ്യ​ത​യും ഞാൻ കണ്ടില്ല. എന്തു​കൊ​ണ്ടെ​ന്നാൽ ഞാൻ അത്രയ്‌ക്കു മോശ​മാ​യി​രു​ന്നു,” ഡഗ്‌ തുറന്നു​പ​റഞ്ഞു. എന്നാൽ, ഒരു സഭാമൂ​പ്പന്റെ സഹായ​ത്താ​ലും മനശ്ശെ​യു​ടെ ബൈബിൾ വിവരണം ശ്രദ്ധാ​പൂർവം പരിചി​ന്തി​ച്ച​തി​നാ​ലും ഡഗിന്‌ ഈ പ്രതി​ബന്ധം തരണം ചെയ്യാൻ കഴിഞ്ഞു.

ആരായി​രു​ന്നു മനശ്ശെ? പുരാതന യഹൂദ്യ​യി​ലെ ഒരു രാജാ​വാ​യി​രു​ന്നു അദ്ദേഹം. തന്റെ ദൈവ​ഭ​ക്ത​നായ പിതാവ്‌ യെഹി​സ്‌കീ​യാ​വി​നാൽ അദ്ദേഹം യഹോ​വയെ സ്‌നേ​ഹി​ക്കാൻ പഠിപ്പി​ക്ക​പ്പെ​ട്ടി​രു​ന്നു​വെന്നു ബൈബിൾ സൂചി​പ്പി​ക്കു​ന്നു. എന്നാൽ പിതാവു മരിച്ചു​പോ​ക​യും 12-ാമത്തെ വയസ്സിൽ രാജാ​വാ​യി​ത്തീ​രു​ക​യും ചെയ്‌ത​തോ​ടെ തന്റെ ഇഷ്ടം​പോ​ലെ നടക്കാ​മെന്ന്‌ അദ്ദേഹം വിചാ​രി​ച്ചു. അദ്ദേഹം യഹോ​വയെ ഉപേക്ഷി​ച്ചു ബാലിനെ ആരാധി​ച്ചു. അങ്ങേയറ്റം അധാർമി​ക​വും അനിയ​ന്ത്രി​ത​വു​മായ ലൈം​ഗിക മദ്യക്കൂ​ത്തു​കൾ അത്തരം ആരാധ​ന​യു​ടെ പ്രത്യേ​ക​ത​യാ​യി​രു​ന്നു. മനശ്ശെ “യഹോ​വെക്കു അനിഷ്ട​മാ​യു​ള്ളതു പലതും ചെയ്‌തു അവനെ കോപി​പ്പി​ച്ചു.” വിശ്വ​സ്‌ത​രായ വക്താക്കൾമു​ഖേന “യഹോവ മനശ്ശെ​യോ​ടും അവന്റെ ജനത്തോ​ടും സംസാ​രി​ച്ചു; എങ്കിലും അവർ ശ്രദ്ധി​ച്ചില്ല.” അങ്ങനെ​യി​രി​ക്കെ യഹോ​വ​യു​ടെ ന്യായ​വി​ധി​യു​ടെ ഒരു പ്രകട​ന​മെ​ന്ന​നി​ല​യിൽ മനശ്ശെയെ ബാബി​ലോ​നി​ലേക്കു വിലങ്ങു​വെച്ചു കൊണ്ടു​പോ​യി.—2 ദിനവൃ​ത്താ​ന്തം 31:20, 21; 33:1-6, 10, 11.

മനശ്ശെ തന്റെ കഴിഞ്ഞ​കാല പ്രവൃ​ത്തി​ക​ളെ​ക്കു​റിച്ച്‌ ഓർക്കു​ക​യും യഹോ​വ​യു​ടെ നിയമ​ങ്ങ​ളെ​ക്കു​റിച്ച്‌ ഓർമ​യിൽവ​ന്ന​തു​മാ​യി അവയെ താരത​മ്യ​പ്പെ​ടു​ത്തു​ക​യും ചെയ്‌ത​പ്പോൾ കുറ്റ​ബോ​ധം അവനെ അടി​പ്പെ​ടു​ത്തി, അവൻ ക്ഷമക്കായി കെഞ്ചി​യ​പേ​ക്ഷി​ച്ചു. അവൻ ദൈവ​ത്തി​ന്റെ മുമ്പിൽ തന്നെത്താൻ താഴ്‌ത്തു​ക​യും “അവനോ​ടു പ്രാർത്ഥി”ച്ചുകൊ​ണ്ടേ​യി​രി​ക്കു​ക​യും ചെയ്‌തു. ദൈവം അവനെ “കൈ​ക്കൊ​ണ്ടു അവന്റെ യാചന കേട്ടു അവനെ വീണ്ടും യെരൂ​ശ​ലേ​മിൽ അവന്റെ രാജത്വ​ത്തി​ന്നു തിരിച്ചു വരുത്തി.” അതെ, ‘മനസ്സലി​വുള്ള പിതാവ്‌’ മനസ്‌താ​പ​മുള്ള ഈ പാപിയെ തന്റെയ​ടു​ത്തേക്കു വീണ്ടും അടുത്തു​വ​രാൻ അനുവ​ദി​ക്കു​ന്ന​തി​നു തയ്യാറാ​യി​രു​ന്നു. ഇങ്ങനെ ദയ ലഭിച്ച​പ്പോൾ വ്യക്തി​പ​ര​മായ അനുഭ​വ​ത്തിൽനിന്ന്‌, “യഹോ​വ​തന്നേ ദൈവം എന്നു മനശ്ശെക്കു ബോധ​മാ​യി.”—2 ദിനവൃ​ത്താ​ന്തം 33:12, 13; 2 കൊരി​ന്ത്യർ 1:3.

യഹോ​വ​യ്‌ക്കു മനശ്ശെയെ തിരി​ച്ചെ​ടു​ക്കാ​മെ​ങ്കിൽ വഴി​തെ​റ്റി​പ്പോയ ഒരു യുവാ​വി​നെ​യും, അവൻ മനസ്‌താ​പം പ്രകട​മാ​ക്കു​ന്ന​പക്ഷം, തന്നോടു വീണ്ടും ബന്ധംപു​ലർത്താൻ യഹോവ തീർച്ച​യാ​യും അനുവ​ദി​ക്കും. സഭയിലെ ആത്മീയ ഇടയൻമാ​രു​ടെ സഹായ​ത്തോട്‌ ഡെഗ്‌ പ്രതി​ക​രി​ച്ചു. ദൈവം “എല്ലായ്‌പോ​ഴും ഭർത്സി​ക്ക​യില്ല; എന്നേക്കും കോപം സംഗ്ര​ഹി​ക്ക​യു​മില്ല” എന്നു വ്യക്തമാ​യി മനസ്സി​ലാ​ക്കാൻ അവൻ സഹായി​ക്ക​പ്പെട്ടു.—സങ്കീർത്തനം 103:9.

ദൈവ​ത്തി​ന്റെ സുഹൃ​ത്താ​യി നിലനിൽക്കു​ക

ദൈവം നിങ്ങളു​ടെ സുഹൃ​ത്താ​യി കഴിഞ്ഞാൽപ്പി​ന്നെ അതു നിലനിർത്താൻ തക്കവണ്ണം നിങ്ങൾ ആ ബന്ധത്തെ താലോ​ലി​ക്കേ​ണ്ട​തുണ്ട്‌. സ്‌നാ​പ​ന​മേറ്റ ഒരു 18 വയസ്സു​കാ​രി ഒരു അവിവാ​ഹിത മാതാ​വാ​യി​ത്തീർന്നു. എന്നിട്ടും, യഹോ​വ​യു​മാ​യി കാര്യങ്ങൾ നേരെ​യാ​ക്കാൻ അവൾക്കു സഹായം ലഭിച്ചു. (കാണുക: യെശയ്യാ​വു 1:18.) അവളുടെ സുഖം​പ്രാ​പി​ക്ക​ലി​ലെ വഴിത്തി​രിവ്‌ എന്തായി​രു​ന്നു? “യഹോവ സ്‌നേ​ഹ​വാ​നായ ഒരു പിതാ​വാ​യി​രു​ന്നെ​ന്നും ഒരു വധനിർവാ​ഹകൻ അല്ലായി​രു​ന്നു​വെ​ന്നും ഞാൻ മനസ്സി​ലാ​ക്കി. ഞാൻ ചെയ്‌തത്‌ അവനെ മുറി​പ്പെ​ടു​ത്തി​യെന്നു ഞാൻ തിരി​ച്ച​റി​ഞ്ഞു. ഭക്തി ആവശ്യ​പ്പെ​ടു​ന്ന​തെ​ങ്കി​ലും ഒരിക്ക​ലും യഥാർഥ സ്‌നേഹം പ്രകടി​പ്പി​ക്കാത്ത വെറും ഒരു ആത്മാവ്‌ ആയല്ലാതെ ഒരു സുഹൃ​ത്താ​യി, വികാ​രങ്ങൾ ഉള്ള ഒരാളാ​യി ദൈവ​ത്തി​ലേക്കു നോ​ക്കേ​ണ്ടതു പ്രധാ​ന​മാണ്‌,” അവൾ വിശദീ​ക​രി​ച്ചു. യഹോ​വ​യു​ടെ സേവന​ത്തിൽ പൂർണ​മാ​യും ഉൾപ്പെ​ടാൻ മനശ്ശെ​യെ​പ്പോ​ലെ അവളും പ്രേരി​ത​യാ​യി. (2 ദിനവൃ​ത്താ​ന്തം 33:14-16) ഇത്‌ അവൾക്കൊ​രു സംരക്ഷ​ണ​മാ​ണെന്നു തെളിഞ്ഞു. അവൾ മറ്റു യുവജ​ന​ങ്ങളെ ഇങ്ങനെ ഉപദേ​ശി​ക്കു​ന്നു: “സാഹച​ര്യം മോശ​മാ​യി​ത്തീ​രു​ന്നെ​ങ്കി​ലും യഹോ​വയെ സ്‌തു​തി​ക്കാൻ കഠിന​ശ്രമം ചെയ്യു​ന്ന​തിൽ തുടരുക. ഒരിക്കൽക്കൂ​ടെ യഹോവ നിങ്ങളു​ടെ പാതകളെ സ്‌നേ​ഹ​പൂർവം നേരെ​യാ​ക്കും.”

ദൈവ​ത്തി​ന്റെ സുഹൃ​ത്തു​ക്ക​ളാ​യി​രി​ക്കു​ന്ന​വ​രു​മാ​യി സൗഹൃദം സ്ഥാപി​ക്കു​ന്ന​തും പ്രധാ​ന​മാണ്‌. എന്നാൽ, ദൈവി​ക​ത​ത്ത്വ​ങ്ങ​ളോ​ടു തീർത്തും ബഹുമാ​ന​മി​ല്ലാ​ത്ത​വരെ ഒരു മഹാവ്യാ​ധി​പോ​ലെ ഒഴിവാ​ക്കുക. (സദൃശ​വാ​ക്യ​ങ്ങൾ 13:20) യുവതി​യായ ലിൻഡ ഒരു യുവാ​വു​മാ​യി ലൈം​ഗിക അധാർമി​ക​ത​യിൽ ഏർപ്പെട്ടു. അയാളു​ടെ സൗഹൃദം അവൾക്ക്‌ “മറ്റെന്തി​നെ​ക്കാ​ളും പ്രധാ​ന​മാ​യി​രു​ന്നു.” ആത്മീയ സുഖം​പ്രാ​പി​ക്ക​ലി​നു​ശേഷം ലിൻഡ ഇപ്രകാ​രം സമ്മതി​ച്ചു​പ​റഞ്ഞു: “യഹോ​വ​യു​മാ​യുള്ള ആ വ്യക്തി​പ​ര​മായ ബന്ധം ഇല്ലാതി​രി​ക്കു​ന്ന​തി​നാൽ നിങ്ങൾക്ക്‌ നിങ്ങളു​ടെ മുഴു ജീവി​ത​വും നശിപ്പി​ക്കാൻ കഴിയും.”

നിങ്ങൾക്ക്‌ അങ്ങനെ​യൊ​രു ബന്ധമു​ണ്ടോ? ഇല്ലെങ്കിൽ, അതു നേടു​ന്ന​തി​നു കഠിന​ശ്രമം ചെയ്യുക. ഇങ്ങനെ പറഞ്ഞു​കൊണ്ട്‌ ലിൻഡ ദൈവ​വു​മാ​യുള്ള സൗഹൃ​ദ​ത്തി​ന്റെ മൂല്യം ചുരുക്കി അവതരി​പ്പി​ക്കു​ന്നു: “മുഴു ലോക​ത്തി​ലും​വെച്ച്‌ ഏറ്റവും പ്രധാ​ന​മായ സംഗതി യഹോ​വ​യു​മാ​യുള്ള ഒരു വ്യക്തി​പ​ര​മായ ബന്ധമാണ്‌. ഒരു പെൺകു​ട്ടി​യോ ആൺകു​ട്ടി​യോ ലോക​ത്തി​ലെ മറ്റെന്തു​മോ അതി​നെ​ക്കാൾ പ്രധാ​നമല്ല. യഹോ​വ​യു​മാ​യുള്ള സൗഹൃദം ഇല്ലെങ്കിൽ മറ്റെ​ന്തെ​ല്ലാ​മു​ണ്ടെ​ങ്കി​ലും കാര്യ​മില്ല.”

[15-ാം പേജിലെ ചിത്രം]

ദൈവത്തിന്റെ സുഹൃ​ത്താ​യി​രി​ക്കാൻ തങ്ങൾക്കു യോഗ്യ​ത​യി​ല്ലെന്നു ചില യുവജ​ന​ങ്ങൾക്കു തോന്നി​യേ​ക്കാം