വിപത്ത്‌ ആഞ്ഞടി​ക്കു​മ്പോൾ

വൻ വിപത്തു​കൾ 20-ാം നൂറ്റാ​ണ്ടി​ന്റെ മുഖമു​ദ്ര​യാ​യി​രു​ന്നി​ട്ടുണ്ട്‌. അവയിൽ മിക്കവ​യും മനുഷ്യ​നു​ണ്ടാ​ക്കി​യ​താ​യി​രു​ന്നു. എന്നാൽ ചിലത്‌ അങ്ങനെ​യാ​യി​രു​ന്നില്ല. നമ്മുടെ നാളു​ക​ളെ​ക്കു​റി​ച്ചു മുൻകൂ​ട്ടി​പ്പ​റ​യവേ യേശു പറഞ്ഞു: “ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും; ക്ഷാമവും ഭൂകമ്പ​വും അവിട​വി​ടെ ഉണ്ടാകും.” (മത്തായി 24:7) യുദ്ധങ്ങ​ളു​ടെ​യും ഭക്ഷ്യദൗർല​ഭ്യ​ങ്ങ​ളു​ടെ​യും ഉത്തരവാ​ദി മനുഷ്യ​നാ​ണെ​ന്നു​ള്ളതു സത്യം​തന്നെ. എന്നാൽ ഭൂകമ്പ​ങ്ങൾക്ക്‌ ഉത്തരവാ​ദി അവനല്ല. സമാന​മാ​യി, വിപത്‌ക്ക​ര​ങ്ങ​ളായ ചില വെള്ള​പ്പൊ​ക്ക​ങ്ങൾക്കു കാരണം മനുഷ്യ​ന്റെ പ്രവർത്ത​ന​മാ​യി​രു​ന്നി​ട്ടു​ണ്ടെ​ങ്കി​ലും ഭൂകമ്പ​ങ്ങൾക്ക്‌ ഉത്തരവാ​ദി അവനല്ല. കൊടു​ങ്കാ​റ്റു​ക​ളോ അഗ്നിപർവ​ത​സ്‌ഫോ​ട​ന​ങ്ങ​ളോ ഉണ്ടാകു​ന്ന​തും മനുഷ്യ​ന്റെ കുഴപ്പം​കൊ​ണ്ടല്ല.

അവയുടെ കാരണ​മെ​ന്താ​യാ​ലും പ്രകൃതി വിപത്തു​കൾ മനുഷ്യ​ന്റെ ഒന്നുമി​ല്ലാ​യ്‌മ​യെ​യും ഭയാന​ക​മായ പ്രകൃതി ശക്തികളെ നേരി​ടു​മ്പോ​ഴുള്ള അവന്റെ കഴിവി​ല്ലാ​യ്‌മ​യെ​യും കാണി​ക്കു​ന്നു. നമ്മുടെ ഭവനമായ ഈ ഭൂമി സാധാ​ര​ണ​ഗ​തി​യിൽ വളരെ ഭദ്രവും ശക്തവു​മാ​യി കാണ​പ്പെ​ടു​ന്നു. എന്നാൽ, അത്‌ ഒരു ഭൂകമ്പ​ത്താൽ ആടിയു​ല​യു​മ്പോൾ, പ്രളയം​മൂ​ലം വെള്ളത്തി​ന​ടി​യിൽ ആകു​മ്പോൾ, സ്‌ഫോ​ട​ന​ത്തി​ന്റെ ശക്തിയാ​ലെ​ന്ന​പോ​ലെ ക്രൂര​മായ കാറ്റുകൾ അതിൻമേൽ നിർദ​യ​മാ​യി ആഞ്ഞുവീ​ശു​മ്പോൾ, ആ സുരക്ഷി​ത​ത്വ​ബോ​ധം നമ്മിൽനിന്ന്‌ അപ്രത്യ​ക്ഷ​മാ​കു​ന്നു.

പ്രകൃതി വിപത്തു​കൾ 20-ാം നൂറ്റാ​ണ്ടിൽ വൻനാ​ശ​ത്തി​നും വമ്പിച്ച നഷ്ടത്തി​നും ഇടയാ​ക്കി​യി​രി​ക്കു​ന്നു. ഇത്‌ ഒഴിവാ​ക്കാൻ കഴിയു​മാ​യി​രു​ന്നോ? വിപത്‌ക​ര​മായ ഫലങ്ങൾ കുറയ്‌ക്കാൻ എന്തെങ്കി​ലും ചെയ്യാൻ കഴിയു​മോ? വ്യക്തി​ക​ളെ​ന്ന​നി​ല​യിൽ, നമ്മെത്തന്നെ സംരക്ഷി​ക്കാൻ നമുക്ക്‌ എന്തു ചെയ്യാൻ കഴിയും? വിപത്ത്‌ ആഞ്ഞടി​ക്കു​മ്പോൾ നാം തീർത്തും നിസ്സഹാ​യ​രാ​ണോ? ഈ രീതി​യിൽ മനുഷ്യ​വർഗം എല്ലായ്‌പോ​ഴും ഇരയാ​യി​രി​ക്കു​മോ? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ ചർച്ച​ചെ​യ്യും.