ഇന്നത്തെ നമ്മുടെ ലോക​ത്തി​ന്റെ സ്ഥിതി​യെന്ത്‌?

നിങ്ങൾക്ക്‌ 1945-ലെ സംഭവങ്ങൾ ഓർക്കാൻമാ​ത്രം പ്രായ​മു​ണ്ടെ​ങ്കിൽ നിലവാ​ര​ങ്ങൾക്കും ധാർമി​ക​ത​ത്ത്വ​ങ്ങൾക്കും എന്തെങ്കി​ലും മാറ്റം വന്നിരി​ക്കു​ന്ന​താ​യി നിങ്ങൾ കണ്ടിട്ടു​ണ്ടോ? ഏറെ സ്വാത​ന്ത്ര്യം വാഗ്‌ദാ​നം ചെയ്യു​ന്ന​താ​യി കരുത​പ്പെ​ടുന്ന “പുത്തൻ ധാർമി​കത”യെ ലക്ഷങ്ങൾ ആശ്ലേഷി​ച്ചി​രി​ക്കു​ന്നു. എന്നാൽ എന്തു വില​യൊ​ടു​ക്കി​ക്കൊണ്ട്‌?

രണ്ടാം ലോക​മ​ഹാ​യു​ദ്ധ​കാ​ലത്ത്‌ യു.എസ്‌. നാവി​ക​സേ​ന​യിൽ സേവിച്ച ഒരു 70-കാരൻ ഇങ്ങനെ പ്രസ്‌താ​വി​ച്ചു: “1940-കളിൽ ആളുകൾക്ക്‌ ഇന്നത്തെ​ക്കാ​ള​ധി​കം ആശ്രയ​ത്വ​മു​ണ്ടാ​യി​രു​ന്നു. അന്ന്‌ അയൽവാ​സി​കൾ പരസ്‌പരം സഹായി​ച്ചി​രു​ന്നു. കാലി​ഫോർണി​യ​യിൽ ഞങ്ങൾ താമസി​ച്ചി​രു​ന്നി​ടത്ത്‌ ഞങ്ങൾക്കു വാതി​ലു​കൾ പൂട്ടു​ക​പോ​ലും വേണ്ടാ​യി​രു​ന്നു. തെരുവു കുറ്റകൃ​ത്യ​മി​ല്ലാ​യി​രു​ന്നു, സ്‌കൂ​ളു​ക​ളിൽ സായുധ അക്രമ​ത്തെ​ക്കു​റി​ച്ചു കേട്ടു​കേൾവി പോലു​മി​ല്ലാ​യി​രു​ന്നു. അക്കാല​ത്തി​നു​ശേഷം ആശ്രയ​ത്വം തീർത്തും അപ്രത്യ​ക്ഷ​മാ​യി​രി​ക്കു​ക​യാണ്‌.” നിങ്ങളു​ടെ സ്ഥലത്തെ സ്ഥിതി​യെ​ന്താണ്‌? ന്യൂ​യോർക്കു നഗരത്തിൽ 14 വയസ്സിനു മേലുള്ള കൗമാ​ര​പ്രാ​യ​ക്കാ​രിൽ പാതി​പ്പേർ ആയുധങ്ങൾ കൊണ്ടു​ന​ട​ക്കു​ന്നു​വെന്നു റിപ്പോർട്ടുണ്ട്‌. ചില സ്‌കൂ​ളു​ക​ളിൽ കത്തികൾ, കാർട്ടൺ മുറി​ക്കുന്ന ബ്ലെയ്‌ഡു​കൾ, തോക്കു​കൾ എന്നിവ കൊണ്ടു​വ​രു​ന്നതു തടയാൻ മെറ്റൽ ഡിറ്റക്‌റ്റ​റു​കൾ ഉപയോ​ഗി​ക്കു​ന്നു. വർഷം​തോ​റും ഐക്യ​നാ​ടു​ക​ളിൽ പത്തു ലക്ഷം കൗമാ​ര​പ്രാ​യ​ക്കാ​രാ​ണു ഗർഭി​ണി​ക​ളാ​കു​ന്നത്‌, അതിൽ മൂന്നി​ലൊ​ന്നു ഗർഭച്ഛി​ദ്രം നടത്തുന്നു. ചെറു​പ്പ​ക്കാ​രായ കൗമാ​ര​പ്രാ​യ​ക്കാ​രി​കൾ ഇപ്പോൾത്തന്നെ അമ്മമാ​രാ​യി​രി​ക്കു​ക​യാണ്‌—ശിശു​ക്ക​ളുള്ള കുട്ടികൾ.

സ്‌ത്രീ, പുരുഷ സ്വവർഗ​സം​ഭോ​ഗി​ക​ളു​ടെ ശക്തമായ ഒരു വിഭാഗം തങ്ങളു​ടേ​തായ ജീവി​ത​രീ​തി വളരെ ഫലപ്ര​ദ​മാ​യി വളർത്തി​യെ​ടു​ത്തി​രി​ക്കു​ക​യാണ്‌, തൻമൂലം അധിക​മ​ധി​കം ആളുകൾ അതിനു മൗനാ​നു​വാ​ദം നൽകു​ക​യും അതു പകർത്തു​ക​യും ചെയ്‌തി​രി​ക്കു​ക​യാണ്‌. എന്നാൽ എയ്‌ഡ്‌സു​പോ​ലെ ലൈം​ഗി​ക​മാ​യി പകരുന്ന രോഗങ്ങൾ കാരണം മറ്റുള്ള​വ​രോ​ടൊ​പ്പം അവരും രോഗ​ത്തി​ലൂ​ടെ​യും മരണത്തി​ലൂ​ടെ​യും വലിയ വില​യൊ​ടു​ക്കി​യി​രി​ക്കു​ക​യാണ്‌. ഈ എയ്‌ഡ്‌സു ബാധ സ്വാഭാ​വിക ഭോഗി​ക​ളു​ടെ​യും മയക്കു​മ​രു​ന്നു ദുരു​പ​യോ​ഗം നടത്തു​ന്ന​വ​രു​ടെ​യും ഇടയി​ലേ​ക്കും പടർന്നു​പി​ടി​ച്ചി​രി​ക്കു​ക​യാണ്‌. അത്‌ ആഫ്രി​ക്ക​യി​ലൂ​ടെ​യും യൂറോ​പ്പി​ലൂ​ടെ​യും വടക്കേ അമേരി​ക്ക​യി​ലൂ​ടെ​യും ഒരു മാരക​മായ ചാലു കീറി​യി​രി​ക്കു​ക​യാണ്‌, അതിന്റെ അവസാ​ന​മൊ​ട്ടു കാണു​ന്നു​മില്ല.

രഹസ്യ​ജീ​വി​ത​ത്തി​ന്റെ ഒരു ചരിത്രം ഇങ്ങനെ പറയുന്നു: “അക്രമം, മദ്യപാ​നം, മയക്കു​മ​രുന്ന്‌: ഇവയാണു സ്വീഡിഷ്‌ സമൂഹ​ത്തി​ന്റെ വിലക്ഷണ പെരു​മാ​റ്റ​ത്തി​ന്റെ പ്രമുഖ രൂപങ്ങൾ.” ആ പ്രസ്‌താ​വന പാശ്ചാത്യ ലോക​ത്തി​ലെ മിക്ക രാജ്യ​ങ്ങ​ളു​ടെ​യും കാര്യ​ത്തിൽ സത്യമാണ്‌. മതപര​മായ മൂല്യങ്ങൾ തകർന്ന​ടി​ഞ്ഞ​തോ​ടെ ധാർമിക അധഃപ​ത​ന​ത്തി​ന്റെ ഒരു തിരത്തള്ളൽ ഉണ്ടായി, അനേകം പുരോ​ഹി​തർക്കി​ട​യിൽപ്പോ​ലും.

മയക്കു​മ​രു​ന്നു ദുരു​പ​യോ​ഗം—അന്നും ഇന്നും

1940-കളിൽ പാശ്ചാത്യ ലോകത്തെ സാമാന്യ ജനത്തിനു മയക്കു​മ​രു​ന്നു ദുരു​പ​യോ​ഗ​ത്തെ​ക്കു​റിച്ച്‌ അത്ര​യൊ​ന്നും അറിവു​ണ്ടാ​യി​രു​ന്നില്ല. ഉവ്വ്‌, മോർഫീ​നെ​ക്കു​റി​ച്ചും കറുപ്പി​നെ​ക്കു​റി​ച്ചും കൊ​ക്കെ​യി​നെ​ക്കു​റി​ച്ചു​മൊ​ക്കെ ആളുകൾ കേട്ടി​രു​ന്നു, എന്നാൽ താരത​മ്യേന വളരെ കുറച്ചു പേരേ അതു ദുരു​പ​യോ​ഗം ചെയ്‌തി​രു​ന്നു​ള്ളൂ. ഇന്നുള്ള​തു​പോ​ലെ മയക്കു​മ​രു​ന്നു രാജാ​ക്കൻമാ​രോ മയക്കു​മ​രു​ന്നു കച്ചവട​ക്കാ​രോ ഒന്നും അന്നില്ലാ​യി​രു​ന്നു. തെരു​ക്കോ​ണു​ക​ളിൽ മയക്കു​മ​രു​ന്ന​ടിച്ച്‌ ആരും കിടക്കാ​റി​ല്ലാ​യി​രു​ന്നു. എന്നാൽ ഇന്ന്‌, 1995-ൽ, സ്ഥിതി​യെ​ന്താണ്‌? ഞങ്ങളുടെ വായന​ക്കാ​രി​ല​നേ​കർക്കും തങ്ങളുടെ അയൽവ​ക്ക​ങ്ങ​ളി​ലെ അനുഭ​വ​ങ്ങ​ളിൽനിന്ന്‌ അതിന്റെ ഉത്തരമ​റി​യാം. മയക്കു​മ​രു​ന്നി​നോ​ടു ബന്ധപ്പെട്ട കൊല​പാ​ത​കങ്ങൾ ലോക​ത്തി​ലെ പ്രമുഖ നഗരങ്ങ​ളി​ലെ നിത്യ​സം​ഭ​വ​മാ​യി മാറി​യി​രി​ക്കു​ക​യാണ്‌. ശക്തരായ മയക്കു​മ​രു​ന്നു രാജാ​ക്ക​ന്മാ​രു​ടെ സ്വാധീ​ന​ത്തി​ലാ​ണു രാഷ്ട്രീ​യ​ക്കാ​രും ന്യായാ​ധി​പൻമാ​രും. തൻമൂലം തങ്ങളോ​ടു സഹകരി​ക്കാത്ത, സ്വാധീ​ന​മുള്ള ഏതു വ്യക്തി​യെ​യും കൊന്നു​ക​ള​യാൻ മയക്കു​മ​രു​ന്നു രാജാ​ക്കൻമാർക്കു കഴിയും. കൊളം​ബി​യ​യു​ടെ​യും അവിടത്തെ മയക്കു​മ​രു​ന്നു ബന്ധങ്ങളു​ടെ​യും അടുത്ത കാലത്തെ ചരിത്രം ഇതിനുള്ള തെളി​വാണ്‌.

ഐക്യ​നാ​ടു​ക​ളിൽ മാത്രം വർഷം​തോ​റും ഏതാണ്ടു 40,000 ജീവനാ​ണു മയക്കു​മ​രു​ന്നു​കൾ കൊയ്‌തെ​ടു​ക്കു​ന്നത്‌. ആ പ്രശ്‌നം തീർച്ച​യാ​യും 1945-ൽ ഉണ്ടായി​രു​ന്നില്ല. മയക്കു​മ​രു​ന്നു ദുരു​പ​യോ​ഗം ഇല്ലാതാ​ക്കാൻ ഗവൺമെ​ന്റു​കൾ പതിറ്റാ​ണ്ടു​ക​ളോ​ളം ശ്രമി​ച്ച​തി​നു​ശേ​ഷ​വും ന്യൂ​യോർക്കു നഗരത്തി​ലെ ഒരു മുൻ പൊലീസ്‌ കമ്മിഷ​ണ​റായ പാട്രിക്‌ മർഫി വാഷി​ങ്‌ടൺ പോസ്റ്റി​നു വേണ്ടി “മയക്കു​മ​രു​ന്നി​നെ​തി​രെ​യുള്ള യുദ്ധം അവസാ​നി​ച്ചി​രി​ക്കു​ന്നു—മയക്കു​മ​രു​ന്നു ജയിച്ചു” എന്ന തലക്കെ​ട്ടിൽ ഒരു ലേഖന​മെ​ഴു​തി​യ​തിൽ അതിശ​യി​ക്കാ​നില്ല! “മയക്കു​മ​രു​ന്നു കച്ചവട​മാണ്‌ [ഐക്യ​നാ​ടു​ക​ളി​ലെ] ഏറ്റവും ലാഭക​ര​മായ ബിസി​ന​സു​ക​ളിൽ ഒന്ന്‌, കാരണം, ഈ വർഷത്തെ ലാഭം 15,000 കോടി വരെ​യെ​ത്തി​യേ​ക്കാം.” ഈ പ്രശ്‌നം അതിഭ​യ​ങ്ക​ര​വും അപരി​ഹാ​ര്യ​വു​മാ​യി കാണ​പ്പെ​ടു​ന്നു. മയക്കു​മ​രു​ന്നു ദുരു​പ​യോ​ഗ​ത്തി​നു​മു​ണ്ടു വർധി​ച്ചു​വ​രുന്ന കക്ഷിഗ​ണങ്ങൾ. മറ്റനേകം ദുർഗു​ണ​ങ്ങ​ളു​ടെ​യും കാര്യ​ത്തി​ലെ​ന്ന​പോ​ലെ അതി​ന്റെ​യും കാര്യ​ത്തിൽ അവർ ആസക്തരാണ്‌. അനവധി രാഷ്ട്ര​ങ്ങ​ളു​ടെ സമ്പദ്‌വ്യ​വ​സ്ഥയെ പിന്താ​ങ്ങുന്ന ഒരു വ്യവസാ​യ​മാണ്‌ ഇത്‌.

സാമ്പത്തി​ക​ശാ​സ്‌ത്ര പ്രൊ​ഫസർ ജോൺ കെ. ഗാൾ​ബ്രെ​യ്‌ത്‌ സംതൃ​പ്‌തി​യു​ടെ സംസ്‌കാ​രം (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഇങ്ങനെ​യെ​ഴു​തി: “മയക്കു​മ​രു​ന്നി​ട​പാട്‌, വിവേ​ച​നാ​ര​ഹി​ത​മായ വെടി​വെ​യ്‌പ്‌, മറ്റു കുറ്റകൃ​ത്യ​ങ്ങൾ, ക്ഷയിക്കുന്ന കുടും​ബ​ബ​ന്ധങ്ങൾ, കുടും​ബ​ശി​ഥി​ലീ​ക​രണം എന്നിവ​യെ​ല്ലാം ദൈനം​ദിന ജീവി​ത​ത്തി​ന്റെ ഘടകങ്ങ​ളാ​യി​ത്തീർന്നി​രി​ക്കു​ക​യാണ്‌.” നിരവധി പ്രമുഖ അമേരി​ക്കൻ നഗരങ്ങ​ളി​ലെ ന്യൂനപക്ഷ സമുദാ​യങ്ങൾ “ഭീകര​ത​യു​ടെ​യും നിരാ​ശ​യു​ടെ​യും കേന്ദ്ര​മാ​യി മാറി​യി​രി​ക്കു​ക​യാണ്‌.” അദ്ദേഹം ഇങ്ങനെ തുടർന്നു, “ഇതിലും കൂടുതൽ വിദ്വേ​ഷ​വും സാമൂ​ഹിക അശാന്തി​യും പ്രതീ​ക്ഷി​ക്കാ​വു​ന്ന​തേ​യു​ള്ളൂ.” അതെന്തു​കൊണ്ട്‌? കാരണം അദ്ദേഹം പറയുന്നു. സമ്പത്തു​ള്ളവർ സമ്പന്നരാ​കു​ന്നു, പെരുകി വരുന്ന “താഴെ​ക്കി​ട​യി​ലു​ള്ളവർ,” പാവങ്ങൾ, പിന്നെ​യും പാപ്പരാ​കു​ന്നു.

സാർവ​ദേ​ശീയ കുറ്റകൃ​ത്യ​ത്തി​ന്റെ നീരാ​ളി​പ്പി​ടു​ത്തം

കുറ്റകൃ​ത്യ​സം​ഘങ്ങൾ തങ്ങളുടെ സ്വാധീ​നം ലോക​ത്തൊ​ട്ടാ​കെ വ്യാപി​പ്പി​ക്കു​ക​യാ​ണെ​ന്ന​തി​നുള്ള തെളിവു വർധി​ച്ചു​വ​രി​ക​യാണ്‌. വർഷങ്ങ​ളാ​യി, “ഉപവി​ഭാ​ഗങ്ങ”ളോടു​കൂ​ടിയ സംഘടിത കുറ്റകൃ​ത്യ സംഘങ്ങൾക്ക്‌ ഇറ്റലി​ക്കും ഐക്യ​നാ​ടു​കൾക്കു​മി​ട​യിൽ ബന്ധങ്ങളു​ണ്ടാ​യി​രു​ന്നു. “അന്താരാ​ഷ്ട്രീയ അളവി​ലെ​ത്തിയ . . . സംഘടിത കുറ്റകൃ​ത്യ​ങ്ങൾ അതിരു​കളെ ഭേദിച്ച്‌ ഒരു സാർവ​ത്രിക ശക്തിയാ​യി​ത്തീ​രു​ക​യാ​ണെന്നു യുഎൻ സെക്ര​ട്ടറി ജനറൽ ബൂ​ട്രോസ്‌ ബൂ​ട്രോസ്‌-ഖാലി മുന്നറി​യി​പ്പു നൽകി​യി​രി​ക്കു​ക​യാണ്‌. യൂറോ​പ്പി​ലും ഏഷ്യയി​ലും ആഫ്രി​ക്ക​യി​ലും അമേരി​ക്ക​യി​ലും അന്ധകാ​ര​ത്തി​ന്റെ ശക്തികൾ സജീവ​മാണ്‌, ഒരു സമൂഹ​വും അതിൽനി​ന്നു വിമു​ക്തമല്ല.” അദ്ദേഹം ഇങ്ങനെ​യും കൂട്ടി​ച്ചേർത്തു: “അന്താരാ​ഷ്ട്രീയ കുറ്റകൃ​ത്യം . . . സാർവ​ദേ​ശീയ ജനാധി​പത്യ ക്രമത്തി​ന്റെ അടിത്ത​റ​കൾക്കു​തന്നെ തുരങ്കം വയ്‌ക്കു​ക​യാണ്‌. [അതു] ബിസി​നസ്‌ രംഗത്തെ വിഷലി​പ്‌ത​മാ​ക്കു​ന്നു, രാഷ്ട്രീയ നേതാ​ക്കളെ ദുഷി​പ്പി​ക്കു​ന്നു, മനുഷ്യാ​വ​കാ​ശ​ങ്ങളെ കാറ്റിൽ പറത്തുന്നു.”

ഭൂപട​ത്തി​നു മാറ്റം വന്നിരി​ക്കു​ന്നു

20-ാം നൂറ്റാ​ണ്ടി​ന്റെ രണ്ടാം പകുതി​യിൽ ഉണ്ടായ ഏറ്റവും വലിയ രണ്ടു സംഭവങ്ങൾ കോളനി വാഴ്‌ച​യു​ടെ തകർച്ച​യും കിഴക്കൻ യൂറോ​പ്പി​ലെ കമ്മ്യു​ണി​സ​ത്തി​ന്റെ വീഴ്‌ച​യും ആയിരു​ന്നെന്നു ചെക്ക്‌ റിപ്പബ്ലിക്ക്‌ പ്രസി​ഡൻറ്‌ വക്ലാവ്‌ ഹാവെൽ യു.എസ്‌.എ.-യിലെ ഫില​ഡെൽഫി​യാ​യിൽവച്ചു നടത്തിയ ഒരു പ്രസം​ഗ​ത്തിൽ പറഞ്ഞു. 1945-ലെ ഒരു ഭൂപട​വും 1995-ലെ ഒരു ഭൂപട​വും തമ്മിൽ താരത​മ്യം ചെയ്‌താൽ ലോക​രം​ഗ​ത്തു​ണ്ടായ സംക്ഷോ​ഭങ്ങൾ പെട്ടെന്നു മനസ്സി​ലാ​കും, പ്രത്യേ​കി​ച്ചും ആഫ്രി​ക്ക​യി​ലും ഏഷ്യയി​ലും യൂറോ​പ്പി​ലും.

ഈ രണ്ടു കാലഘ​ട്ട​ത്തി​ലെ​യും രാഷ്ട്രീയ സ്ഥിതി ഒന്നു താരത​മ്യം ചെയ്‌തു​നോ​ക്കൂ. ഇവയ്‌ക്കി​ട​യി​ലെ 50 വർഷങ്ങൾക്കു​ള്ളിൽ കമ്മ്യു​ണി​സം അതിന്റെ ഉച്ചകോ​ടി​യി​ലെ​ത്തി​യെ​ങ്കി​ലും മിക്ക മുൻ കമ്മ്യു​ണി​സ്റ്റു രാജ്യ​ങ്ങ​ളി​ലും അവർ അധികാ​ര​ഭ്ര​ഷ്ട​രാ​കു​ക​യാ​ണു​ണ്ടാ​യത്‌. ആ രാഷ്ട്ര​ങ്ങ​ളിൽ ഏകാധി​പ​ത്യ​ത്തി​ന്റെ സ്ഥാനത്ത്‌ ഏതെങ്കി​ലും തരത്തി​ലുള്ള “ജനാധി​പത്യ”മാണി​പ്പോൾ. എന്നിരു​ന്നാ​ലും, അനേകം ജനങ്ങൾ തങ്ങളുടെ സമൂഹം വാണി​ജ്യാ​ധി​ഷ്‌ഠിത സമ്പദ്‌വ്യ​വ​സ്ഥ​യി​ലേക്കു മാറി​യ​തി​ന്റെ ഫലങ്ങൾ അനുഭ​വി​ക്കു​ക​യാണ്‌. തൊഴി​ലി​ല്ലായ്‌മ വ്യാപ​ക​മാണ്‌, മിക്ക​പ്പോ​ഴും പണത്തിനു മൂല്യ​വു​മില്ല. 1989-ൽ റഷ്യൻ റൂബി​ളി​ന്റെ മൂല്യം 1.61 (യു.എസ്‌.) ഡോള​റി​നു തുല്ല്യ​മാ​യി​രു​ന്നു. ഇതെഴു​തുന്ന സമയത്ത്‌, 4,300-ലധികം റൂബിൾ വേണം ഒരു ഡോള​റി​നു തുല്യ​മാ​കാൻ!

ഇന്ന്‌, ഏതാണ്ടു നാലു കോടി​യോ​ളം റഷ്യാ​ക്കാർ ദാരി​ദ്ര്യ രേഖയ്‌ക്കു താഴെ​യാ​ണു ജീവി​ക്കു​ന്നത്‌ എന്ന്‌ ആധുനിക പക്വത (ഇംഗ്ലീഷ്‌) എന്ന മാസിക റിപ്പോർട്ടു ചെയ്‌തു. “ഞങ്ങൾക്കൊ​ന്നു മരിക്കാൻപോ​ലും വകയില്ല. കാരണം, ഞങ്ങൾക്കു ശവസം​സ്‌കാ​രം നടത്താൻ കഴിവില്ല” എന്ന്‌ ഒരു റഷ്യാ​ക്കാ​രി പറഞ്ഞു. ചുരു​ങ്ങിയ ചെലവി​ലുള്ള ഒരു ശവസം​സ്‌കാ​ര​ത്തി​നു​പോ​ലും ഏതാണ്ടു 4,00,000 റൂബിൾ മുടക്കു വരും. സംസ്‌ക​രി​ക്ക​പ്പെ​ടാത്ത ശവങ്ങൾ മൃതഗൃ​ഹ​ത്തിൽ കുന്നു​കൂ​ടു​ക​യാണ്‌. അതേസ​മ​യം​തന്നെ, ഐക്യ​നാ​ടു​ക​ളിൽ 3.6 കോടി​യി​ല​ധി​കം അമേരി​ക്ക​ക്കാർ ദാരി​ദ്ര്യ രേഖയ്‌ക്കു താഴെ​യാ​ണു ജീവി​ക്കു​ന്ന​തെ​ന്നോർക്കണം!

ഗാർഡി​യൻ വീക്ക്‌ലി​യു​ടെ ധനകാര്യ എഴുത്തു​കാ​രൻ വിൽ ഹട്ടൻ കിഴക്കൻ യൂറോ​പ്പി​ന്റെ പ്രശ്‌ന​ങ്ങ​ളെ​ക്കു​റി​ച്ചെ​ഴു​തി. “ഉത്‌ക​ണ്‌ഠ​യു​ടെ യുഗത്തി​ലേക്കു പ്രവേ​ശി​ക്കു​വിൻ” എന്ന തലക്കെ​ട്ടിൻ കീഴെ അദ്ദേഹം ഇങ്ങനെ പ്രസ്‌താ​വി​ച്ചു: “കമ്മ്യു​ണി​സ​ത്തി​ന്റെ തകർച്ച​യും 18-ാം നൂറ്റാണ്ടു മുതൽ റഷ്യ അതിന്റെ ഏറ്റവും കുറഞ്ഞ വലിപ്പ​ത്തി​ലേക്കു ചുരു​ങ്ങി​യ​തും രണ്ടു വൻ സംഭവ​ങ്ങ​ളാണ്‌, അവ സൂചി​പ്പിച്ച വസ്‌തു​തകൾ ഇന്നും സ്‌പഷ്ട​മാ​യി മനസ്സി​ലാ​കു​ന്നില്ല.” മുൻ സോവി​യറ്റു സാമ്രാ​ജ്യ​ത്തി​ന്റെ സ്ഥാനത്ത്‌ 25 പുതിയ രാഷ്ട്ര​ങ്ങ​ളാ​ണി​പ്പോൾ. “കമ്മ്യു​ണി​സ​ത്തി​ന്റെ തകർച്ചയെ അഭിവാ​ദനം ചെയ്‌തു നടത്തിയ ആ വിജയാ​ഘോ​ഷം ഇപ്പോൾ ഭാവി​യെ​ക്കു​റി​ച്ചുള്ള വർധി​ച്ചു​കൊ​ണ്ടി​രി​ക്കുന്ന ഉത്‌ക​ണ്‌ഠ​യാ​യി മാറി​യി​രി​ക്കു​ക​യാണ്‌. . . . സാമ്പത്തിക, രാഷ്ട്രീയ അരാജ​ക​ത്വ​ത്തി​ലേ​ക്കുള്ള വീഴ്‌ചക്ക്‌ എന്നത്തെ​ക്കാ​ളും സാധ്യത ഏറെയാണ്‌—അപ്പോൾ പാശ്ചാത്യ യൂറോ​പ്പി​നെ അതു ബാധി​ക്കി​ല്ലെന്നു പറയാൻ വയ്യ” എന്ന്‌ അദ്ദേഹം പറയുന്നു.

ഇത്ര അശുഭ​ക​ര​മായ ഒരു വീക്ഷണ​മു​ള്ള​പ്പോൾ “ജനാധി​പ​ത്യ​വും വാണി​ജ്യാ​ധി​ഷ്‌ഠിത സമ്പദ്‌വ്യ​വ​സ്ഥ​യും നടപ്പി​ലാ​ക്കാ​നുള്ള കേവല ആഹ്വാ​ന​ത്തെ​ക്കാൾ മെച്ചമായ ഒരു മാർഗ​നിർദേ​ശ​മാ​ണു ലോക​ത്തി​നാ​വ​ശ്യം—പക്ഷേ അങ്ങനെ​യൊ​ന്നു കിട്ടാ​നില്ല” എന്നും പറഞ്ഞു ഹട്ടൻ തന്റെ ലേഖനം അവസാ​നി​പ്പി​ക്കു​ന്ന​തിൽ ഒട്ടും അതിശ​യ​മില്ല. അതു​കൊണ്ട്‌, പരിഹാ​ര​ത്തി​നാ​യി രാഷ്ട്ര​ങ്ങൾക്ക്‌ എങ്ങോട്ടു തിരി​യാൻ കഴിയും? അടുത്ത ലേഖനം ഉത്തരം നൽകും.

[10-ാം പേജിലെ ചതുരം/ചിത്രം]

യുഎൻ—1945 മുതൽ

1945-ൽ രൂപം​കൊണ്ട യുഎൻ ഇത്രയും യുദ്ധങ്ങ​ളു​ണ്ടാ​യി​ട്ടും അവയെ തടയാൻ അശക്തരാ​യി​രു​ന്നത്‌ എന്തു​കൊണ്ട്‌? “സമാധാ​ന​ത്തി​നുള്ള ഒരു അജണ്ട” എന്ന തന്റെ പ്രസം​ഗ​ത്തിൽ സെക്ര​ട്ടറി-ജനറൽ ബൂ​ട്രോസ്‌ ബൂ​ട്രോസ്‌-ഖാലി ഇങ്ങനെ പ്രസ്‌താ​വി​ച്ചു: “രക്ഷാസ​മി​തി​യിൽ ചെയ്യപ്പെട്ട വീറ്റോ വോട്ടു​ക​ളു​ടെ ആധിക്യം കാരണം—279 എണ്ണം—ഈ പ്രതി​സ​ന്ധി​കൾ കൈകാ​ര്യം ചെയ്യു​ന്ന​തിൽ ഐക്യ​രാ​ഷ്ട്രങ്ങൾ അശക്തരാ​ക്ക​പ്പെട്ടു. ഈ വീറ്റോ വോട്ടു​ക​ളു​ടെ ആധിക്യം വ്യക്തമാ​യി കാണി​ക്കു​ന്നത്‌ ആ കാലഘ​ട്ട​ത്തി​ലെ [മുതലാ​ളിത്ത ഗവൺമെ​ന്റു​ക​ളും കമ്മ്യു​ണി​സ്റ്റു ഗവൺമെ​ന്റു​ക​ളും തമ്മിലു​ണ്ടാ​യി​രുന്ന ശീതസമര കാലത്തെ] വിഭജി​താ​വ​സ്ഥ​യെ​യാണ്‌.”

രാഷ്ട്ര​ങ്ങൾക്കി​ട​യിൽ സമാധാ​നം നിലനിർത്താൻ യുഎൻ ശ്രമി​ക്കാ​ഞ്ഞി​ട്ടാ​ണോ? അതു ശ്രമി​ച്ചി​ട്ടുണ്ട്‌, എന്നാൽ അതു വലിയ വില​യൊ​ടു​ക്കി​ക്കൊ​ണ്ടാ​യി​രു​ന്നു. “1945-നും 1987-നുമി​ട​യിൽ പതിമൂ​ന്നു സമാധാന യജ്ഞങ്ങൾ നടത്തി​യി​രു​ന്നു; അതിനു​ശേ​ഷ​വും 13 എണ്ണം നടന്നു. 1992 ജനുവരി വരെ ഐക്യ​രാ​ഷ്ട്ര​ങ്ങ​ളു​ടെ കൊടി​ക്കൂ​റ​യ്‌ക്കു കീഴിൽ പട്ടാള​ക്കാ​രാ​യും പൊലീ​സു​കാ​രാ​യും സാധാ​ര​ണ​ക്കാ​രാ​യും ഏകദേശം 5,28,000 പേർ സേവന​മർപ്പി​ച്ചു. സംഘട​ന​യ്‌ക്കുള്ള ഈ സേവന​ത്തി​നി​ട​യിൽ 43 രാജ്യ​ങ്ങ​ളിൽ നിന്നുള്ള അവരിൽ 800-ലധികം പേർ മരണമ​ടഞ്ഞു. ഈ യജ്ഞങ്ങൾക്കു വേണ്ടിവന്ന ചെലവ്‌ 1992 ആയപ്പോ​ഴേ​ക്കും 830 കോടി വരെ​യെത്തി.”

[കടപ്പാട്‌]

Tank and missile: U.S. Army photo

[11-ാം പേജിലെ ചതുരം]

ടെലിവിഷൻ

ഉദ്‌ബോധിപ്പിക്കുന്നതോ അതോ വഴിപി​ഴ​പ്പി​ക്കു​ന്ന​തോ?

1945-ൽ താരത​മ്യേന വളരെ​ക്കു​റച്ചു വീടു​ക​ളി​ലേ ടിവി ഉണ്ടായി​രു​ന്നു​ള്ളൂ. അതും അതിന്റെ ആരംഭ​ദ​ശ​യി​ലെ ബ്ലാക്ക്‌ ആൻറ്‌ വൈറ്റ്‌ ചിത്ര​ങ്ങ​ളി​ലാ​യി​രു​ന്നു. ടി വി ഇന്നു വികസിത ലോകത്തെ എല്ലാ ഭവനങ്ങ​ളി​ലും വികസ്വര ലോകത്തെ എല്ലാ ഗ്രാമ​ങ്ങ​ളി​ലും അന്യാ​യ​മാ​യി കടന്നു​വ​രുന്ന, ആരും ഗൗനി​ക്കാ​തെ​വി​ടുന്ന, ഒരു കള്ളനാണ്‌. കുറച്ചു പരിപാ​ടി​ക​ളൊ​ക്കെ വിദ്യാ​ഭ്യാ​സ​പ​ര​വും കെട്ടു​പണി ചെയ്യു​ന്ന​തു​മാ​ണെ​ങ്കി​ലും അധിക​പ​ങ്കും ധാർമിക മൂല്യ​ങ്ങളെ തരംതാ​ഴ്‌ത്തു​ന്ന​തും പൊതു​ജ​ന​ത്തി​ന്റെ ഏറ്റവും അധമമായ അഭിരു​ചി​കളെ തൃപ്‌തി​പ്പെ​ടു​ത്തു​ന്ന​വ​യു​മാണ്‌. വീഡി​യോ​യിൽ വരുന്ന സിനി​മ​ക​ളു​ടെ ജനസമ്മതി പരി​ശോ​ധി​ച്ചാൽ അശ്ലീല​ത്തെ​യും എ-പടങ്ങ​ളെ​യും മുത​ലെ​ടു​ക്കു​ന്ന​താ​യി കാണാം. അതാ​ണെ​ങ്കി​ലോ, നല്ല അഭിരു​ചി​ക​ളു​ടെ​യും ആരോ​ഗ്യാ​വ​ഹ​മായ ധാർമി​ക​ത​ത്ത്വ​ങ്ങ​ളു​ടെ​യും ശവപ്പെ​ട്ടി​ക്കു വയ്‌ക്കുന്ന മറ്റൊരു ആണിയും.

[9-ാം പേജിലെ ചിത്രം]

വിയറ്റ്‌നാമിലേതുപോലത്തെ യുദ്ധങ്ങൾ 1945-നു ശേഷം രണ്ടു കോടി ജനങ്ങളു​ടെ ജീവ​നൊ​ടു​ക്കി​യി​രി​ക്കു​ന്നു

[8-ാം പേജിലെ ചിത്ര​ത്തിന്‌ കടപ്പാട്‌]

Patrick Frilet/Sipa Press

[8-ാം പേജിലെ ചിത്ര​ത്തിന്‌ കടപ്പാട്‌]

Luc Delahaye/Sipa Press