അഭി​പ്രായ ഐക്യ​മുള്ള ഒരു നാട്ടിൽ—ന്യൂന​പ​ക്ഷ​ത്തിന്‌ ഒരു വിജയം

ജപ്പാനിലെ ഉണരുക! ലേഖകൻ

വടർന്ന ചിരി​യു​മാ​യി 19-കാരനായ കുനി​ഹി​തോ കോ​ബോ​യോ​ഷി​യും അവന്റെ മാതാ​പി​താ​ക്ക​ളും ഒസാക്കാ ഹൈ​ക്കോ​ട​തി​യി​ലെ പ്രസ്‌ ക്ലബി​ലേക്കു കടന്നു വന്നപ്പോൾ ഏഴു ടെലി​വി​ഷൻ ക്യാമ​റ​ക​ളും ഡസൻ കണക്കിനു വാർത്താ​ലേ​ഖ​ക​രും ചെറു​പ്പ​ക്കാ​ര​നായ ആ ഹർജി​ക്കാ​രനെ കാത്തി​രി​ക്കു​ക​യാ​യി​രു​ന്നു. അവർ വാർത്താ​ലേ​ഖ​ക​രു​ടെ ചോദ്യ​ങ്ങൾക്ക്‌ ഉത്തരം കൊടു​ത്തു​കൊ​ണ്ടി​രി​ക്കവേ മുറി​ക്കു​ള്ളിൽ തുടർച്ച​യാ​യി ക്യാമറാ ഫ്‌ളാ​ഷു​കൾ മിന്നി.

“എന്റെ കേസിൽ പക്ഷപാ​ത​ര​ഹി​ത​മായ ഒരു വിധി ലഭിച്ച​തിൽ ഞാൻ സന്തുഷ്ട​നാണ്‌,” കുനി​ഹി​തോ പറഞ്ഞു. ആർക്കും, അവരുടെ മതവി​ശ്വാ​സത്തെ ഗണ്യമാ​ക്കാ​തെ ഏതു ഹൈസ്‌കൂ​ളി​ലും പ്രവേ​ശനം ലഭിക്കു​ക​യും എവി​ടേ​ക്കും ജയിപ്പി​ക്ക​പ്പെ​ടു​ക​യും എവി​ടെ​നി​ന്നും ബിരുദം നേടാൻ സാധി​ക്കു​ക​യും ചെയ്യുന്ന ഒരു ലോകം ഉണ്ടായി​ക്കാ​ണാൻ ഞാൻ ആഗ്രഹി​ക്കു​ന്നു.”

കീഴ്‌ക്കോ​ട​തി​യായ കോബെ ജില്ലാ കോട​തി​യു​ടെ വിധി ഒസാക്കാ ഹൈ​ക്കോ​ടതി മറിച്ചു വിധി​ക്കു​ക​യും കുനി​ഹി​തോ​യ്‌ക്ക്‌ അവന്റെ മതവി​ശ്വാ​സത്തെ ഗണ്യമാ​ക്കാ​തെ വിദ്യാ​ഭ്യാ​സം നേടാ​നുള്ള അവകാശം അനുവ​ദി​ച്ചു കൊടു​ക്കു​ക​യും ചെയ്‌തു. അതായി​രു​ന്നു അവൻ തേടി​ക്കൊ​ണ്ടി​രു​ന്ന​തും.

വിവാദം

മതപര​മായ കാരണ​ങ്ങ​ളാൽ കെൻഡോ (ജാപ്പനീസ്‌ വാൾപ്പ​യറ്റ്‌) പരിശീ​ല​ന​ത്തിൽ പങ്കെടു​ക്കാ​തി​രു​ന്ന​തി​നു കോബെ മുനി​സി​പ്പൽ ഇൻഡസ്‌ട്രി​യൽ ടെക്‌നി​ക്കൽ കോ​ളെ​ജിൽനിന്ന്‌ (ചുരു​ക്ക​ത്തിൽ കോബെ ടെക്‌ എന്നു പറയും) അവനെ പുറത്താ​ക്കി എന്നതാ​യി​രു​ന്നു ഈ വ്യവഹാ​ര​ത്തി​ലെ പ്രശ്‌നം. അവനു ക്ലാസു​ക​യറ്റം നിഷേ​ധി​ക്കു​ക​യും അവനെ സ്‌കൂ​ളിൽനി​ന്നു പുറത്താ​ക്കു​ക​യും ചെയ്‌തു​കൊ​ണ്ടുള്ള സ്‌കൂ​ളി​ന്റെ നടപടി​കൾ റദ്ദാക്കി​ക്കൊണ്ട്‌ ഒസാക്കാ ഹൈ​ക്കോ​ടതി തീരു​മാ​ന​മെ​ടു​ത്ത​തി​നു തൊട്ടു​പി​ന്നാ​ലെ ഇലക്ട്രി​ക്കൽ എൻജി​നീ​യ​റി​ങ്ങി​ലുള്ള തന്റെ പഠനം പുനരാ​രം​ഭി​ക്കാ​നുള്ള ആഗ്രഹം കുനി​ഹി​തോ പ്രകടി​പ്പി​ച്ചു. ഈ അഞ്ചു വർഷ കോ​ളെ​ജി​ലെ ആദ്യത്തെ മൂന്നു വർഷങ്ങൾ മൂന്നു വർഷത്തെ ഹൈസ്‌കൂൾ പഠനത്തി​നു തുല്യ​മാണ്‌.

തന്റെ കായിക വിദ്യാ​ഭ്യാ​സ ക്ലാസിന്റെ ഭാഗമാ​യി കുനി​ഹി​തോ കെൻഡോ പരിശീ​ല​ന​ത്തിൽ പങ്കെടു​ക്ക​ണ​മെന്നു കോബെ ടെക്‌ ശഠിച്ചു. എന്നാലും ഒരു യഹോ​വ​യു​ടെ സാക്ഷി ആയതു​കൊണ്ട്‌, അവന്റെ ബൈബിൾ പരിശീ​ലിത മനസ്സാക്ഷി ആയോ​ധ​ന​കലാ പരിശീ​ല​ന​ത്തിൽ പങ്കെടു​ക്കാൻ അവനെ അനുവ​ദി​ച്ചില്ല. വാർത്താ​സ​മ്മേ​ള​ന​ത്തി​ലെ വാർത്താ​ലേ​ഖ​കർക്കു വേണ്ടി കുനി​ഹി​തോ ബൈബിൾ തുറന്നു തന്റെ നിലപാ​ടു വിശദീ​ക​രി​ച്ചു കൊടു​ത്തു. “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്കു​ക​യും ഇല്ല.”—യെശയ്യാ​വു 2:4.

അങ്ങനെ​യെ​ങ്കിൽ, മതസ്വാ​ത​ന്ത്ര്യ​ത്തി​നും വിദ്യാ​ഭ്യാ​സം നേടാ​നുള്ള അവകാ​ശ​ത്തി​ന്റെ സംരക്ഷ​ണ​ത്തി​നും വേണ്ടി ഒരു യുവ വിദ്യാർഥി​ക്കു നിയമ​മാർഗം തേടേ​ണ്ടി​വ​ന്ന​തെ​ന്തു​കൊണ്ട്‌? റ്റ്‌സു​കൂ​ബാ സർവക​ലാ​ശാ​ല​യി​ലെ പ്രൊ​ഫസർ കോജി തോ​നോ​മി ഇങ്ങനെ അഭി​പ്രാ​യ​പ്പെ​ടു​ന്നു. “ഉദാസീ​ന​ത​യു​ടെ​യും ഗ്രാഹ്യ​ക്കു​റ​വി​ന്റെ​യും ഫലമായി മതവി​ശ്വാ​സി​ക​ളു​ടെ വിശ്വാ​സ​ത്തി​ന്മേൽ അപ്രതീ​ക്ഷി​ത​മായ നിയ​ന്ത്ര​ണ​ങ്ങ​ളു​ണ്ടാ​കാം.” ഗവണ്മെ​ന്റോ സമൂഹ​മോ മനപ്പൂർവം ഒരു മതത്തെ പീഡി​പ്പി​ക്കു​ക​യി​ല്ലെ​ങ്കി​ലും അപ്രതീ​ക്ഷി​ത​മാ​യി മതം അടിച്ച​മർത്ത​പ്പെ​ടുന്ന സാഹച​ര്യ​ങ്ങ​ളു​ണ്ടാ​കാം.

ന്യൂന​പ​ക്ഷ​ത്തി​ന്റെ അവകാ​ശ​ത്തി​ന്മേൽ അത്തരം “അപ്രതീ​ക്ഷിത നിയ​ന്ത്ര​ണങ്ങൾ” ഏർപ്പെ​ടു​ത്തി​യ​തെ​ന്തി​നാ​യി​രു​ന്നു? “കാരണം ജപ്പാനി​ലെ സമൂഹം ന്യൂന​പക്ഷം ഭൂരി​പ​ക്ഷ​ത്തി​നു വഴങ്ങാൻ നിർബ​ന്ധി​ത​മാ​കുന്ന ഒരു സാമൂ​ഹി​ക​വ്യ​വ​സ്ഥയെ താലോ​ലി​ച്ചു കൊണ്ടി​രു​ന്നു എന്നതാണ്‌,” ഏവോ​യാ​മാ ഗൊക്കൂ​യിൻ സർവക​ലാ​ശാ​ല​യി​ലെ പ്രൊ​ഫസർ ഹിതോ​ഷി സെരീ​സോവ നൽകുന്ന ഉത്തരമ​താണ്‌. സമൂഹ​ത്തോട്‌ അനുരൂ​പ​പ്പെ​ടാ​നുള്ള സമ്മർദം ജപ്പാനിൽ തീർച്ച​യാ​യും ശക്തമാണ്‌.

വ്യത്യ​സ്‌ത​രാ​യ​വർക്കു ഭ്രഷ്ടു കല്‌പി​ക്കുന്ന ഒരു വിദ്യാ​ലയ വ്യവസ്ഥ​യിൽ ആയിരി​ക്കുക എന്നതു ചെറു​പ്പ​ക്കാ​രെ സംബന്ധി​ച്ചി​ട​ത്തോ​ളം എളുപ്പമല്ല. എന്തായാ​ലും ഇത്‌ ഒരു മത ന്യൂന​പ​ക്ഷ​ത്തി​നു മാത്രം ഉത്‌കണ്‌ഠ ഉളവാ​ക്കുന്ന വിഷയമല്ല. നമുക്ക്‌ ഈ കേസ്‌ ആദ്യം മുതൽ പരിചി​ന്തിച്ച്‌ വിവാ​ദ​ത്തി​ലാ​യി​രു​ന്ന​തെ​ന്താ​ണെ​ന്നും ഈ തീരു​മാ​നങ്ങൾ പൊതു​ജ​ന​ങ്ങളെ എങ്ങനെ ബാധി​ക്കു​ന്നു​വെ​ന്നും നോക്കാം.

ന്യൂന​പ​ക്ഷ​ത്തി​ന്റെ അവകാ​ശങ്ങൾ സ്ഥാപി​ക്കു​ന്നു

1990 വരെ കോബെ ടെക്‌ അതിലെ വിദ്യാർഥി​കൾ ആയോ​ധ​ന​ക​ലകൾ പഠിക്ക​ണ​മെന്നു നിഷ്‌കർഷി​ച്ചി​രു​ന്നില്ല. എന്നാൽ ആയോ​ധ​ന​ക​ലാ​പ​രി​ശീ​ല​ന​ഹാൾ സഹിതം ഒരു ജിം​നേ​ഷ്യ​ത്തി​ന്റെ നിർമാ​ണം പൂർത്തി​യാ​യി​ക്ക​ഴി​ഞ്ഞ​പ്പോൾ ഈ വിദ്യാ​ലയം അതിലെ വിദ്യാർഥി​കൾക്ക്‌ കെൻഡോ പരിശീ​ലനം നിർബ​ന്ധി​ത​മാ​ക്കി. 1990-ൽ ഇവിടത്തെ കായിക വിദ്യാ​ഭ്യാ​സ വിഭാഗം 16-ാമത്തെ വയസ്സിൽ ഈ സ്‌കൂ​ളിൽ ചേർന്ന യഹോ​വ​യു​ടെ സാക്ഷി​കൾക്കു നേരെ തീരെ മയമി​ല്ലാത്ത ഒരു നിലപാ​ടു സ്വീക​രി​ച്ചു. കെൻഡോ പരിശീ​ല​ന​ത്തിൽനിന്ന്‌ ഒഴിവാ​ക്ക​ണ​മെന്ന അവരുടെ അപേക്ഷ​യ്‌ക്ക്‌ ഒരു അധ്യാ​പ​കന്റെ മറുപടി ഇതായി​രു​ന്നു: “സ്‌കൂൾ നിങ്ങ​ളോ​ടു ചെയ്യാൻ പറയു​ന്ന​തെ​ന്തോ അതു ചെയ്യാൻ കഴിയി​ല്ലെ​ങ്കിൽ സ്‌കൂൾ വിട്ടു പോവുക!”

തങ്ങളുടെ വിശ്വാ​സ​ത്തി​നു വേണ്ടി ഉറച്ചു​നിന്ന സാക്ഷി​ക​ളായ യുവാ​ക്കൾക്ക്‌ അടുത്ത ഗ്രേഡി​ലേക്കു ജയിക്കു​മെന്ന പ്രത്യാശ മങ്ങിയ​താ​യി​രു​ന്നു. “നിങ്ങൾ മറ്റുള്ള [കായി​കാ​ഭ്യാ​സ] ഇനങ്ങളിൽ കഠിന​പ്ര​യ​ത്‌നം ചെയ്‌താ​ലും നിങ്ങൾക്കു യാതൊ​രു അംഗീ​കാ​ര​വും കിട്ടു​ക​യില്ല” എന്നു മറ്റൊ​ര​ധ്യാ​പകൻ പറഞ്ഞു. മുള കൊണ്ടു​ള്ള​താ​ണെ​ങ്കിൽപോ​ലും വാളെ​ടു​ക്കാ​തെ അഞ്ചു വിദ്യാർഥി​കൾ ബൈബിൾ ഉപദേ​ശ​ത്തിൽ തങ്ങൾക്കുള്ള വിശ്വാ​സ​ത്തോ​ടു പറ്റിനി​ന്നു. അവരിൽ മൂന്നു പേർ യഹോ​വ​യു​ടെ സ്‌നാ​പ​ന​മേറ്റ സാക്ഷി​ക​ളാ​യി​രു​ന്നു, രണ്ടു പേർ സ്‌നാ​പ​ന​മേൽക്കാ​ത്ത​വ​രും. പക്ഷേ എല്ലാവ​രും ബൈബി​ളിൽ തങ്ങൾക്കുള്ള വിശ്വാ​സ​ത്തിൽ ഉറച്ചു​നി​ന്നു. അധ്യാ​പകർ തങ്ങളിൽനി​ന്നു പകരമാ​യി ആവശ്യ​പ്പെ​ടുന്ന മറ്റെന്തു സംഗതി​ക​ളും ചെയ്യാൻ അവർ സന്നദ്ധരാ​യി​രു​ന്നു.

ഈ നിലപാ​ടി​ന്റെ ഫലമായി അവർക്ക്‌ അടുത്ത ഗ്രേഡി​ലേ​ക്കുള്ള ക്ലാസു​ക​യറ്റം നിഷേ​ധി​ക്ക​പ്പെട്ടു. 1991-ൽ അടുത്ത അധ്യയന വർഷം തുടങ്ങി​യ​പ്പോൾ കായി​കാ​ധ്യാ​പകർ, കെൻഡോ പരിശീ​ല​ന​ത്തിൽ പങ്കെടു​ക്കാൻ വിസമ്മ​തിച്ച അഞ്ചു വിദ്യാർഥി​ക​ളെ​യും, അതേ വിശ്വാ​സ​മുള്ള പുതു​താ​യി വന്ന ഒൻപതു പേരെ​യും വിളിച്ചു വരുത്തി​യിട്ട്‌ ഇങ്ങനെ പറഞ്ഞു: “നിങ്ങൾക്ക്‌ ഒരു ഗ്രേ​ഡെ​ങ്കി​ലും മുകളി​ലേ​യ്‌ക്കു പോക​ണ​മെ​ന്നു​ണ്ടെ​ങ്കിൽ നിങ്ങൾ അസാമാ​ന്യ​മാം വിധം ഉയർന്ന മാർക്കു വാങ്ങേ​ണ്ട​താ​യി വരാൻ പോവു​ക​യാണ്‌. നിങ്ങളിൽ ആർക്കും തന്നെ അത്തരം മാർക്കു​കൾ കിട്ടു​ക​യില്ല.” അധ്യാ​പകർ വീണ്ടും പറഞ്ഞു: “ഇതു നിർബ​ന്ധിത വിദ്യാ​ഭ്യാ​സമല്ല. [ജപ്പാനിൽ നിർബ​ന്ധിത വിദ്യാ​ഭ്യാ​സം ഒന്നാം തരം മുതൽ ഒൻപതാം തരം വരെയാണ്‌.] ഞങ്ങൾക്കു നിങ്ങ​ളോട്‌ ‘ഇവിടെ നിന്നു പുറത്തു പോകാൻ’ പറയാ​നാ​കും.”

സ്‌കൂ​ളി​ന്റെ നടപടി തങ്ങളുടെ ആരാധനാ സ്വാത​ന്ത്ര്യം, വിദ്യാ​ഭ്യാ​സം നേടാ​നുള്ള സ്വാത​ന്ത്ര്യം എന്നീ ഭരണഘ​ട​നാ​പ​ര​മായ അവകാ​ശ​ങ്ങ​ളു​ടെ മേൽ കടന്നു​ക​യറ്റം നടത്തി​യി​രി​ക്കു​ന്നു എന്നു വാദി​ച്ചു​കൊണ്ട്‌ ഈ അഞ്ചു വിദ്യാർഥി​കൾ സ്‌കൂ​ളി​നെ​തി​രെ കോബെ ജില്ലാ കോട​തി​യിൽ ഒരു ഹർജി കൊടു​ത്തു. അതേ സമയം തന്നെ കേസു നടക്കു​മ്പോൾ തങ്ങളുടെ പഠനം തുടരു​ന്ന​തി​നു വേണ്ടി തങ്ങളുടെ ക്ലാസു​ക​യറ്റം നിഷേ​ധി​ച്ചു കൊണ്ടുള്ള സ്‌കൂ​ളി​ന്റെ നടപടി പ്രാബ​ല്യ​ത്തിൽ വരുന്നതു തടയണ​മെ​ന്നാ​വ​ശ്യ​പ്പെട്ടു കൊണ്ട്‌ അവർ കോബെ ജില്ലാ കോട​തി​യി​ലും പിന്നീട്‌ ഒസാക്കാ ഹൈ​ക്കോ​ട​തി​യി​ലും നിവേ​ദനം സമർപ്പി​ച്ചു. എന്നാൽ ഈ അപേക്ഷകൾ രണ്ടു കോട​തി​ക​ളും നിരസി​ച്ചു.

അഞ്ചു വിദ്യാർഥി​ക​ളിൽ രണ്ടു പേർക്കു വീണ്ടും അടുത്ത അധ്യയ​ന​വർഷ​ത്തേക്കു കായി​ക​വി​ദ്യാ​ഭ്യാ​സ​ത്തി​നുള്ള യോഗ്യ​തകൾ നിഷേ​ധി​ക്കു​ക​യും അവരെ സ്‌കൂ​ളിൽനി​ന്നു പുറത്താ​ക്കു​മെന്നു ഭീഷണി​പ്പെ​ടു​ത്തു​ക​യും ചെയ്‌തു. തത്‌ഫ​ല​മാ​യി അവരി​ലൊ​രാൾ സ്‌കൂ​ളി​ന്റെ നിർബ​ന്ധ​ത്തി​നു വഴങ്ങി സ്‌കൂൾ വിട്ടു. അടുത്ത​യാൾ വിട്ടു പോകാ​നുള്ള സ്‌കൂ​ളി​ന്റെ നിർദേശം സ്വീക​രി​ക്കാൻ വിസമ്മ​തി​ച്ചു. ആ വിദ്യാർഥി, കുനി​ഹി​തോ കൊ​ബോ​യോ​ഷി സ്‌കൂ​ളിൽനി​ന്നു പുറത്താ​ക്ക​പ്പെട്ടു.

ഒരു ഗ്രേഡിൽ രണ്ടു പ്രാവ​ശ്യം തോൽക്കു​ന്ന​വരെ “ബിരുദം നേടു​മെന്ന യാതൊ​രു പ്രതീ​ക്ഷ​യു​മി​ല്ലാത്ത പഠനത്തിൽ പിമ്പനാ​യവൻ” എന്ന പേരിൽ സ്‌കൂ​ളിൽനിന്ന്‌ ഉടനെ പുറത്താ​ക്കാൻ സ്‌കൂൾ നിയമം അനുശാ​സി​ക്കു​ന്നു. എന്നാൽ കുനി​ഹി​തോ “പഠിക്കാൻ പിമ്പനാ​യി​രു​ന്നോ”? കെൻഡോ പ്രശ്‌നം കാരണം കായി​ക​വി​ദ്യാ​ഭ്യാ​സ​ത്തിന്‌ 100-ൽ 48 പോയി​ന്റു മാത്രം ലഭിച്ച അവൻ പരാജ​യ​പ്പെട്ടു. എങ്കിലും എല്ലാ വിഷയ​ങ്ങ​ളി​ലും കൂടി അവന്റെ ശരാശരി പോയി​ന്റു നില 90.2 ആയിരു​ന്നു. 42 വിദ്യാർഥി​ക​ളുള്ള അവന്റെ ക്ലാസിൽ ഒന്നാമ​നാ​യി​രു​ന്നു അവൻ! അവൻ നന്നായി പെരു​മാ​റു​ന്ന​വ​നും പഠിക്കാൻ മനസ്സു​ള്ള​വ​നു​മാ​യി​രു​ന്നു.

ഈ പുറത്താ​ക്കൽ നടപടി പ്രാബ​ല്യ​ത്തിൽ വരുന്നതു തടയാൻ കോബെ ജില്ലാ കോട​തി​യി​ലും ഒസാക്കാ ഹൈ​ക്കോ​ട​തി​യി​ലും നിവേ​ദ​നങ്ങൾ കൊടു​ത്തെ​ങ്കി​ലും ഇരു കോട​തി​ക​ളും അതു നിരസി​ക്കു​ക​യാ​ണു​ണ്ടാ​യത്‌.

ജില്ലാ കോട​തി​യു​ടെ തീരു​മാ​നം

ഈ അഞ്ചു വിദ്യാർഥി​കൾ ഹർജി കൊടുത്ത്‌ ഏകദേശം രണ്ടു വർഷങ്ങൾക്കു ശേഷം 1993 ഫെബ്രു​വരി 22-ാം തീയതി, കോബെ ജില്ലാ കോടതി സ്‌കൂ​ളി​ന​നു​കൂ​ല​മാ​യി തീരു​മാ​ന​മെ​ടു​ത്തു. “കെൻഡോ പരിശീ​ല​ന​ത്തിൽ പങ്കെടു​ക്ക​ണ​മെന്ന സ്‌കൂ​ളി​ന്റെ ആവശ്യം ഒരുത​ര​ത്തിൽ ഹർജി​ക്കാ​രു​ടെ ആരാധനാ സ്വാത​ന്ത്ര്യ​ത്തെ തടയു​ന്നു​വെ​ന്നതു നിഷേ​ധി​ക്കാ​നാ​വില്ല” എന്ന്‌ അധ്യക്ഷം വഹിച്ച ജഡ്‌ജി​യായ തോഡാ​വോ സുജീ സമ്മതിച്ചു പറഞ്ഞു. പക്ഷേ “സ്‌കൂ​ളി​ന്റെ നടപടി​കൾ ഭരണഘ​ട​നയെ ലംഘി​ച്ചി​ല്ലെന്ന്‌” അദ്ദേഹം നിഗമനം ചെയ്‌തു.

വിദ്യാർഥി​കൾ ഉടൻ തന്നെ ഒസാക്കാ ഹൈ​ക്കോ​ട​തി​യിൽ അപ്പീൽ കൊടു​ത്തു. ജില്ലാ കോട​തി​യു​ടെ തീരു​മാ​നം ചിന്തി​ക്കുന്ന അനേക​രെ​യും അലോ​സ​ര​പ്പെ​ടു​ത്തി. മൈനീ​ച്ചി ഷിംബുൺ എന്ന പത്രത്തി​ലെ വായന​ക്കാ​രു​ടെ കോള​ത്തിൽ ഒരാൾ തന്റെ അഭി​പ്രാ​യം ഇങ്ങനെ വെളി​പ്പെ​ടു​ത്തി: “‘മതപര​മായ കാരണങ്ങൾ നിമിത്തം കെൻഡോ പാഠങ്ങ​ളിൽ പങ്കെടു​ക്കാ​തി​രി​ക്കു​ന്ന​തി​നെ അംഗീ​ക​രി​ച്ചു കൊടു​ക്കു​ന്നത്‌ മതനി​ര​പേ​ക്ഷ​ത​യു​ടെ മേലുള്ള കടന്നു കയറ്റ’മാണെന്ന ധാരണയെ കേന്ദ്രീ​ക​രി​ച്ചാണ്‌ ഇത്തവണത്തെ തീരു​മാ​നം. നിര​പേക്ഷത എന്നാൽ ഒരു പ്രശ്‌ന​ത്തിൽ ഇരുകൂ​ട്ട​രു​ടെ​യും പക്ഷം പിടി​ക്കാ​തി​രി​ക്കുക എന്നാണ്‌ അർഥം. എന്നാൽ മതനി​ര​പേ​ക്ഷ​ത​യു​ടെ കാര്യം വരു​മ്പോൾ ഭൂരി​പ​ക്ഷ​ത്തി​ന്റെ താത്‌പ​ര്യ​ങ്ങൾക്കെ​തി​രെ ന്യൂന​പ​ക്ഷ​ത്തി​ന്റെ വിശ്വാ​സം സംരക്ഷി​ക്കുക എന്നതാണു പ്രശ്‌നം. അതു​കൊണ്ട്‌ ഈ തീരു​മാ​നം വാസ്‌ത​വ​ത്തിൽ മതസ്വാ​ത​ന്ത്ര്യ​ത്തെ നിഷേ​ധി​ക്കു​ന്നു, കോടതി തന്നെ മതനി​ര​പേ​ക്ഷ​ത​യു​ടെ മേൽ കടന്നു​ക​യറ്റം നടത്തി​യി​രി​ക്കു​ന്നു.”

അനേകർ അതിശ​യി​ച്ചു പോയി. അവർക്കു തങ്ങളുടെ അഭി​പ്രാ​യങ്ങൾ പ്രകടി​പ്പി​ക്കാ​തി​രി​ക്കാൻ കഴിഞ്ഞില്ല. നാൻസാൻ സർവക​ലാ​ശാ​ല​യി​ലെ ഭരണഘ​ടനാ പ്രൊ​ഫ​സ​റായ ഡോ. തൊ​കേഷി കൊ​ബോ​യോ​ഷി തന്റെ അഭി​പ്രാ​യം ഒസാക്കാ ഹൈ​ക്കോ​ട​തി​യി​ലേ​ക്ക​യച്ചു കൊടു​ത്തു. അതിലി​ങ്ങനെ പറയുന്നു: “വിവാ​ദ​പ​ര​മാ​യി​രി​ക്കുന്ന ഈ കേസ്‌ തീർച്ച​യാ​യും നമ്മുടെ രാജ്യത്തെ കോട​തി​ക​ളോട്‌ ന്യൂന​പ​ക്ഷ​ത്തി​ന്റെ അവകാ​ശ​ങ്ങളെ സംരക്ഷി​ക്കുക എന്ന വെല്ലു​വി​ളി അവർ എങ്ങനെ കൈകാ​ര്യം ചെയ്യു​മെ​ന്നാ​രാ​യു​ക​യാണ്‌. . . .മതം, രാഷ്‌ട്രം എന്നിവ തമ്മിലുള്ള വേർതി​രിവ്‌, പൊതു വിദ്യാ​ഭ്യാ​സ​ത്തി​ലെ നിഷ്‌പക്ഷ നിലപാട്‌ എന്നിവ​യു​ടെ മറപി​ടിച്ച്‌, ഭൂരി​പ​ക്ഷ​ത്തി​ന്റെ പൊതു താത്‌പ​ര്യ​ത്തി​ന്റെ അടിസ്ഥാ​ന​ത്തിൽ, ഒരു ന്യൂന​പ​ക്ഷ​ത്തി​ന്റെ മതപര​മായ നിലപാ​ടി​നോ​ടു സഹിഷ്‌ണുത പുലർത്താൻ കോ​ളെജ്‌ വിസമ്മ​തി​ച്ചി​രി​ക്കു​ക​യാണ്‌. കീഴ്‌ക്കോ​ടതി ഇത്തരം നടപടി​കളെ നിയമ​പ​ര​വും ഭരണഘ​ട​നാ​പ​ര​വും എന്നു ചൊല്ലി ആശീർവ​ദി​ച്ചി​രി​ക്കു​ക​യാണ്‌. മതപര​മെന്നു പൊതു​വേ അംഗീ​ക​രി​ക്ക​പ്പെ​ടു​ന്ന​വ​യു​ടെ വീക്ഷണ​ത്തിൽ ഒരു ന്യൂന​പ​ക്ഷ​ത്തി​ന്റെ വിശ്വാ​സങ്ങൾ മനസ്സി​ലാ​ക്കാൻ കഴിഞ്ഞി​ല്ലെ​ങ്കി​ലും അവ ആത്മാർഥ​മാ​യ​താ​ണെ​ങ്കിൽ ആദരി​ക്ക​പ്പെ​ടേ​ണ്ട​താണ്‌. വിശി​ഷ്യാ, കോടതി ന്യൂന​പ​ക്ഷ​ത്തി​ന്റെ ആത്യന്തിക സംരക്ഷ​ക​നാ​ണെന്ന ബോധ​ത്തോ​ടു കൂടി വേണം വിധി കല്‌പി​ക്കാൻ.”

സുകൂ​ബോ സർവക​ലാ​ശാ​ല​യി​ലെ മറ്റൊരു നിയമ​ജ്ഞ​നായ പ്രൊ​ഫസർ ടെറ്റ്‌സു​വോ ഷിമോ​മു​റോ ഇങ്ങനെ പറഞ്ഞു: “സ്‌കൂ​ളി​ന്റെ പക്ഷത്തെ, ഇപ്പോ​ഴും വേരു​റച്ചു കിടക്കുന്ന സ്വേച്ഛാ​ധി​കാര പ്രവണ​ത​യാണ്‌ ഈ കേസിലെ ഏറ്റവും അമ്പരപ്പി​ക്കുന്ന സംഗതി.” മറ്റെ​ന്തെ​ങ്കി​ലും പരിഹാ​ര​മാർഗം വച്ചു നീട്ടാതെ ഒരു വിദ്യാർഥി​യെ പുറത്താ​ക്കു​ന്നത്‌ അധ്യാ​പ​ക​രു​ടെ ഭാഗത്തെ ഒരു ന്യൂന​ത​യും വിദ്യാർഥി​യു​ടെ ക്ഷേമത്തി​ലുള്ള താത്‌പ​ര്യ​ക്കു​റ​വു​മാ​ണു വെളി​പ്പെ​ടു​ത്തു​ന്നത്‌ എന്ന്‌ ഒരു ടെലി​വി​ഷൻ അഭിമു​ഖ​ത്തിൽ അദ്ദേഹം പറഞ്ഞു.

കുനി​ഹി​തോ​യെ തിരി​ച്ചെ​ടു​ക്കു​ന്ന​തി​നാ​യി 1994 ഫെബ്രു​വരി 22-ാം തീയതി കോബെ അഭിഭാ​ഷക സംഘടന കോബെ ടെക്കിന്റെ പ്രിൻസി​പ്പ​ലിന്‌ ഔദ്യോ​ഗി​ക​മാ​യി ഒരു ശുപാർശ നൽകി. കുനി​ഹി​തോ​യ്‌ക്ക്‌ ക്ലാസു​ക​യറ്റം നിഷേ​ധി​ക്കു​ക​യും അവനെ പുറത്താ​ക്കു​ക​യും ചെയ്‌ത സ്‌കൂ​ളി​ന്റെ നടപടി അവന്റെ ആരാധ​നാ​സ്വാ​ത​ന്ത്ര്യ​ത്തി​ന്റെ​യും വിദ്യാ​ഭ്യാ​സം നേടാ​നുള്ള അവകാ​ശ​ത്തി​ന്റെ​യും മേലുള്ള കടന്നു​ക​യ​റ്റ​മാ​യി​രു​ന്നു​വെന്ന്‌ അതിൽ പ്രസ്‌താ​വി​ക്ക​പ്പെട്ടു.

പക്ഷപാ​ത​ര​ഹി​ത​മായ തീരു​മാ​നം

അപ്പീലി​ന്മേ​ലുള്ള വാദം കേൾക്കൽ നടന്നു​കൊ​ണ്ടി​രു​ന്ന​പ്പോൾ കുനി​ഹി​തോ ഒഴി​കെ​യുള്ള നാലു ഹർജി​ക്കാ​രും തങ്ങളുടെ കേസ്‌ പിൻവ​ലി​ക്കാൻ തീരു​മാ​നി​ച്ചു. മൂന്നു പേർക്ക്‌ അപ്പോൾ തന്നെ അടുത്ത ഗ്രേഡി​ലേക്കു പ്രവേ​ശനം ലഭിച്ചി​രു​ന്നതു കൊണ്ടും ഒരാൾ സ്‌കൂ​ളിൽനി​ന്നു വിട്ടു പോകാൻ നിർബ​ന്ധി​ത​നാ​യതു കൊണ്ടു​മാ​യി​രു​ന്നു അത്‌. ഇത്‌ തർക്കവി​ഷയം കുനി​ഹി​തോ​യോ​ടുള്ള സ്‌കൂ​ളി​ന്റെ ഇടപെ​ട​ലിൽ കേന്ദ്രീ​ക​രി​ക്കു​ന്ന​തിൽ കലാശി​ച്ചു.

എന്നാലും, വിചാ​ര​ണ​യു​ടെ സമയത്ത്‌ എപ്പോ​ഴും ഹാജരാ​യി​ക്കൊണ്ട്‌ ഈ നാലു മുൻ സഹപാ​ഠി​കൾ കുനി​ഹി​തോ​യ്‌ക്ക്‌ ധാർമിക പിന്തുണ നൽകി. സ്‌കൂൾ വിട്ടു പോകാൻ നിർബ​ന്ധി​ത​നായ കുട്ടി, കുനി​ഹി​തോ​യെ തന്റെ നിയമ​യു​ദ്ധ​ത്തിൽ പിടിച്ചു നിൽക്കാൻ സഹായി​ക്കു​ന്ന​തിന്‌, തന്റെ അംശകാല ജോലി​യിൽനി​ന്നു കിട്ടുന്ന തുച്ഛമായ വരുമാ​നം സ്വരൂ​പി​ച്ചു​വെച്ച്‌, ആകെ 1,00,000 യെൻ സംഭാവന നൽകി.

1994 ഡിസംബർ 22-ാം തീയതി കുനി​ഹി​തോ, മറ്റു വിദ്യാർഥി​ക​ളോ​ടൊ​പ്പം മുഖ്യ ജഡ്‌ജി റാസൂകി ഷിമാ​ഡോ​യു​ടെ വാക്കു​കൾക്കാ​യി കാതോർത്തി​രു​ന്നു.

“ആദ്യത്തെ വിധി റദ്ദാക്കി​യി​രി​ക്കു​ന്നു,” ജഡ്‌ജി ഷിമോ​ഡോ വിധിച്ചു.

തന്റെ നിർണാ​യ​ക​മായ വിധി​യിൽ, കെൻഡോ പരിശീ​ല​ന​ത്തിൽ പങ്കെടു​ക്കാൻ വിസമ്മ​തി​ച്ച​തി​നു കുനി​ഹി​തോ​യ്‌ക്കുള്ള കാരണങ്ങൾ ആത്മാർഥ​മാ​യ​വ​യാ​യി​രു​ന്നു​വെന്ന്‌ അദ്ദേഹം പ്രസ്‌താ​വി​ച്ചു. പൊതു​ജ​ന​ങ്ങൾക്കു വേണ്ടി​യുള്ള ഒരു വിദ്യാ​ഭ്യാ​സ സ്ഥാപന​മെന്ന നിലയിൽ കോബെ ടെക്കിന്‌ അതിലെ വിദ്യാർഥി​ക​ളോട്‌ വിദ്യാ​ഭ്യാ​സ​പ​ര​മായ പരിഗണന കാണി​ക്കാ​നുള്ള കടപ്പാ​ടുണ്ട്‌ എന്നദ്ദേഹം പറഞ്ഞു. കെൻഡോ പരിശീ​ല​ന​ത്തിൽ പങ്കെടു​ക്കാ​തി​രി​ക്കു​ന്നതു കൊണ്ടു കുനി​ഹി​തോ​യ്‌ക്കു​ണ്ടാ​കുന്ന നഷ്ടം തന്നെ വളരെ വലുതാ​ണെ​ന്നും അവനെ പുറത്താ​ക്കാ​നുള്ള നടപടി വാസ്‌ത​വ​ത്തിൽ വിദ്യാ​ഭ്യാ​സം നേടാ​നുള്ള എല്ലാ അവസര​ങ്ങ​ളും അവനിൽനിന്ന്‌ അപഹരി​ക്കു​ന്ന​തി​നു തുല്യ​മാ​ണെ​ന്നും അദ്ദേഹം പ്രസ്‌താ​വി​ച്ചു.

സ്‌കൂൾ മറ്റു പരിഹാ​ര​മാർഗങ്ങൾ പ്രദാനം ചെയ്യേ​ണ്ട​താ​യി​രു​ന്നു​വെന്ന്‌ ജഡ്‌ജി ഷിമോ​ഡോ വിധിച്ചു. മറ്റു പരിഹാ​ര​മാർഗങ്ങൾ പ്രദാനം ചെയ്യു​ന്നത്‌ യാതൊ​രു തരത്തി​ലും ഹർജി​ക്കാ​രന്റെ മതത്തെ പിന്താ​ങ്ങു​ക​യോ സഹായി​ക്കു​ക​യോ മറ്റു വിദ്യാർഥി​കളെ ആകുല​പ്പെ​ടു​ത്തു​ക​യോ ചെയ്യു​ക​യില്ല എന്നദ്ദേഹം പറഞ്ഞു. “പ്രതി​ഭാ​ഗം [സ്‌കൂൾ] ഇതര മാർഗങ്ങൾ ശ്രദ്ധാ​പൂർവം പരിഗ​ണി​ച്ചു​വെ​ന്ന​തി​നു യാതൊ​രു തെളി​വു​മില്ല” ജഡ്‌ജി പ്രസ്‌താ​വി​ച്ചു. “മറിച്ച്‌, . . . അവർ കെൻഡോ പരിശീ​ല​ന​ത്തി​നുള്ള വിസമ്മ​തത്തെ ഒരിക്ക​ലും വകവച്ചു കൊടു​ക്കു​ക​യി​ല്ലെന്ന തങ്ങളുടെ നയത്തിൽ ഉറച്ചു നിന്നു. ഇതരമാർഗങ്ങൾ പ്രദാനം ചെയ്യാ​നുള്ള സാധ്യ​ത​ക​ളെ​പ്പറ്റി ഒന്നു പരിഗ​ണി​ക്കാൻ ഒരു​മ്പെ​ടുക പോലും ചെയ്‌തില്ല.”

വിധി നിങ്ങളെ ബാധി​ക്കുന്ന വിധം

ഒരു ന്യൂനപക്ഷ സമുദാ​യ​ത്തി​ലെ അംഗമായ ഈ ചെറു​പ്പ​ക്കാ​രന്റെ വിജയ​ത്തിൽ നിങ്ങൾ തത്‌പ​ര​രാ​യി​രി​ക്കേ​ണ്ടത്‌ എന്തു​കൊണ്ട്‌? പഴയ വാട്ടർഗേറ്റ്‌ അപവാ​ദ​ത്തി​ലെ പ്രത്യേക അഭിഭാ​ഷ​ക​നാ​യി​രുന്ന ആർച്ചി​ബോൾഡ്‌ കോക്‌സ്‌ കോട​തി​യും ഭരണഘ​ട​ന​യും (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ അമേരി​ക്ക​യി​ലെ പതാക വന്ദന പ്രശ്‌ന​ത്തിൽ, യഹോ​വ​യു​ടെ സാക്ഷി​ക​ളെ​പ്പറ്റി സമാന​മായ ഒരു ചോദ്യം ചോദി​ച്ചു. “ആ ചെറിയ ന്യൂന​പ​ക്ഷ​ത്തി​ന്റെ ആത്മീയ സ്വാത​ന്ത്ര്യ​ത്തെ​പ്പറ്റി നമ്മൾ ഉത്‌ക​ണ്‌ഠ​പ്പെ​ടേ​ണ്ട​തെ​ന്തു​കൊ​ണ്ടാണ്‌?”

ഇതിനു​ത്ത​ര​മാ​യി കോക്‌സ്‌ പറഞ്ഞു: “ഉത്തരത്തി​ന്റെ ഒരു ഭാഗം നമ്മുടെ സമൂഹം കുടി​കൊ​ള്ളുന്ന വ്യക്തി​പ​ര​മായ അഭിമാ​ന​ബോ​ധ​മെന്ന തത്ത്വത്തിൽ, അതായത്‌ യാഥാ​സ്ഥി​തി​കർക്കും വ്യവസ്ഥാ​പിത സഭാനി​യ​മങ്ങൾ അംഗീ​ക​രി​ക്കാ​ത്ത​വർക്കു​മുള്ള ഒരു അഭിമാ​ന​ബോ​ധ​ത്തിൽ ആണ്‌ അടങ്ങി​യി​രി​ക്കു​ന്നത്‌. മറ്റൊരു ഭാഗം, രാഷ്ട്ര​ത്തിന്‌ യഹോ​വ​യു​ടെ സാക്ഷി​കളെ നിശ്ശബ്ദ​രാ​ക്കാ​മെ​ങ്കിൽ. . . , അടുത്ത ഊഴം നമ്മു​ടേ​താ​യി​രി​ക്കാം എന്ന ബോധ​ത്തിൽ അടങ്ങി​യി​രി​ക്കു​ന്നു.”

കോക്‌സി​നോ​ടു യോജി​ച്ചു കൊണ്ട്‌ റിയു​ക്കോ​ക്കോ സർവക​ലാ​ശാ​ല​യി​ലെ പ്രൊ​ഫസർ തൊ​കേഷി ഹീറോ​നോ കെൻഡോ കേസി​നെ​പ്പറ്റി ഇങ്ങനെ പറഞ്ഞു: “അനേകം കോട​തി​ക​ളിൽ തങ്ങളുടെ അവകാ​ശ​ങ്ങൾക്കു വേണ്ടി പൊരു​തിയ ശേഷം യഹോ​വ​യു​ടെ സാക്ഷികൾ ഇപ്പോൾ ഐക്യ​നാ​ടു​ക​ളിൽ അനുഭ​വി​ക്കു​ന്നതു പോ​ലെ​യുള്ള സ്വാത​ന്ത്ര്യം അവരർഹി​ക്കു​ന്ന​താ​ണെന്നു ചിന്തക​രായ ആളുകൾ കരുതു​ന്നു. നമ്മുടെ രാജ്യ​ത്തും [ജപ്പാനിൽ] ആരാധനാ സ്വാത​ന്ത്ര്യം ഇതു​പോ​ലുള്ള കേസു​ക​ളി​ലൂ​ടെ സ്ഥാപി​ക്ക​പ്പെ​ടു​ക​യും പരി​പോ​ഷി​പ്പി​ക്ക​പ്പെ​ടു​ക​യും ചെയ്യു​മെന്നു പ്രതീ​ക്ഷി​ക്കു​ന്നു.”

യഹോ​വ​യു​ടെ സാക്ഷികൾ തങ്ങളുടെ വിശ്വാ​സം നിയമ​പ​ര​മാ​യി സംരക്ഷി​ക്കാ​നുള്ള എല്ലാ ശ്രമവും നടത്തി​യി​ട്ടുണ്ട്‌. 20-ാം നൂറ്റാ​ണ്ടിൽ അടിസ്ഥാന മനുഷ്യാ​വ​കാ​ശ​ങ്ങ​ളു​ടെ സ്ഥാപന​ത്തി​നാ​യി അവർ വലിയ സംഭാ​വ​നകൾ നൽകി​യി​ട്ടുണ്ട്‌. അറിവിൻ പ്രകാ​ര​മുള്ള തിര​ഞ്ഞെ​ടു​പ്പു നടത്താ​നുള്ള രോഗി​യു​ടെ അവകാശം, ദേശീയ പതാക​യോട്‌ ഏതു വിധത്തിൽ ആദരവു പ്രകടി​പ്പി​ക്ക​ണ​മെന്നു തീരു​മാ​നി​ക്കാ​നുള്ള ജനങ്ങളു​ടെ അവകാശം, മറ്റുള്ള​വ​രോ​ടു തന്റെ വിശ്വാ​സ​ങ്ങളെ കുറിച്ചു സംസാ​രി​ക്കാ​നുള്ള വ്യക്തി​യു​ടെ അവകാശം എന്നിവ ഉയർത്തി​പ്പി​ടി​ച്ചു​കൊണ്ട്‌ യഹോ​വ​യു​ടെ സാക്ഷികൾ അനേകം രാജ്യ​ങ്ങ​ളിൽ മൂർച്ച​യേ​റിയ നിയമ യുദ്ധങ്ങൾ നടത്തി​യി​ട്ടുണ്ട്‌. ഒസാക്കാ ഹൈ​ക്കോ​ട​തി​യി​ലെ വിജയം, ന്യൂന​പ​ക്ഷ​ത്തി​ന്റെ അവകാ​ശങ്ങൾ സ്ഥാപി​ക്കു​ന്ന​തിൽ യഹോ​വ​യു​ടെ സാക്ഷികൾ നൽകിയ സംഭാ​വ​ന​ക​ളു​ടെ ചരി​ത്ര​ത്തിൽ മറ്റൊ​ര​ധ്യാ​യം കൂടി എഴുതി​ച്ചേർക്കു​ന്നു.

വ്യത്യസ്‌ത മൂല്യങ്ങൾ പുലർത്തുന്ന മറ്റുള്ള​വ​രോ​ടുള്ള ആദരവ്‌

മനുഷ്യാ​വ​കാ​ശ​ങ്ങളെ ഉന്നമി​പ്പി​ക്കുക എന്ന പ്രയോ​ജനം കൂടാതെ ന്യൂന​പ​ക്ഷ​ത്തി​ന്റെ വിശ്വാ​സ​ത്തോ​ടു സഹിഷ്‌ണുത പുലർത്തുക എന്നതിനു നിങ്ങളു​ടെ ജീവി​ത​ത്തിൽ മറ്റൊരു സ്വാധീ​നം കൂടി​യുണ്ട്‌. കൊ​മോ​സോ​വാ വനിതാ സർവക​ലാ​ശാ​ല​യി​ലെ പ്രൊ​ഫസർ കൊ​നോ​മാ സൊരൂ​യാ ഈ കേസിനെ പരാമർശിച്ച്‌ ഇങ്ങനെ പറഞ്ഞു: “ഭരണഘടന അംഗീ​ക​രി​ച്ചി​രി​ക്കുന്ന മതസ്വാ​ത​ന്ത്ര്യം [വിദ്യാർഥി] വിഭി​ന്ന​നാ​ണെന്ന ഒരൊറ്റ കാരണ​ത്താൽ അവഗണി​ക്ക​പ്പെട്ടു. ജപ്പാനിൽ വിഭി​ന്ന​മാ​യു​ള്ള​തെ​ന്തി​നെ​യും പുറന്ത​ള്ളുക എന്നതു വിപു​ല​വ്യാ​പ​ക​മാ​യി​ത്തീർന്നി​രി​ക്കു​ന്നു.”

ഇന്നത്തെ സമുദാ​യ​ത്തിൽ വിഭി​ന്ന​മാ​യ​തി​നെ അല്ലെങ്കിൽ സാധാ​ര​ണ​മാ​യ​തിൽനി​ന്നു വ്യത്യ​സ്‌ത​മാ​യ​തി​നെ പിഴു​തെ​റി​യാ​നുള്ള സമ്മർദം വളരെ ശക്തമാണ്‌. ജപ്പാനി​ലെ​യും മറ്റു രാജ്യ​ങ്ങ​ളി​ലെ​യും സ്‌കൂ​ളു​ക​ളിൽ സർവസാ​ധാ​ര​ണ​മായ മുട്ടാ​ളത്തം സമുദാ​യ​ത്തിൽ വ്യത്യ​സ്‌തത പുലർത്തുന്ന എന്തിനും ഭ്രഷ്ടു കല്‌പി​ക്കാ​നുള്ള പ്രവണ​ത​യു​ടെ ഒരുദാ​ഹ​ര​ണ​മാണ്‌. പൊലീസ്‌ സയൻസി​ന്റെ ദേശീയ ഗവേഷ​ണ​സ്ഥാ​പനം നടത്തിയ ഒരു സർവേ​യു​ടെ വെളി​ച്ച​ത്തിൽ മുട്ടാ​ള​ന്മാർ അങ്ങനെ ചെയ്യാ​നുള്ള കാരണ​ങ്ങ​ളിൽ നല്ലൊ​രം​ശ​വും, അതിനു വിധേ​യ​രാ​കു​ന്ന​വ​രു​ടെ വ്യത്യ​സ്‌ത​മായ വ്യക്തി​ത്വ​വും പ്രവൃ​ത്തി​ക​ളും ഉൾപ്പെ​ടു​ന്ന​താ​ണെന്ന്‌ സ്‌കൂ​ളു​ക​ളി​ലെ മുട്ടാ​ളത്തം എന്ന പ്രശ്‌ന​ത്തെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ ടോക്കി​യോ​യി​ലെ മെ​ട്രോ​പോ​ളി​റ്റൻ പൊലീ​സി​ന്റെ സൂപ്രണ്ട്‌ ജനറൽ ഹിറോ​യോ​ഷി​നോ പറഞ്ഞു. അദ്ദേഹം ഇങ്ങനെ ഉപസം​ഹ​രി​ച്ചു: “ജപ്പാനി​ലെ സമൂഹ​ത്തിൽ ആഴത്തി​ലെ​വി​ടെ​യോ ഒളിഞ്ഞു കിടന്നി​രുന്ന വിചിത്ര സ്വഭാ​വ​ങ്ങളെ അല്ലെങ്കിൽ മാനസി​ക​വും ശാരീ​രി​ക​വു​മാ​യി വിഭി​ന്ന​മാ​യ​തി​നെ തിരസ്‌ക​രി​ക്കുന്ന ഒരു ദൂഷക​ഘ​ടകം ഇപ്പോൾ അതി​വേഗം പുറത്തു ചാടി​ക്കൊ​ണ്ടി​രി​ക്കു​ക​യാണ്‌.”

സമൂഹ​ത്തിൽനി​ന്നു വ്യത്യ​സ്‌ത​മാ​യ​തി​നെ പുറന്ത​ള്ളാ​നുള്ള പ്രവണത ജപ്പാനിൽ മാത്രമല്ല, എല്ലായി​ട​ത്തും കാണാം. എന്നാലും സമാധാ​ന​പ​ര​മായ സഹവർത്തി​ത്വ​ത്തി​നുള്ള അടിസ്ഥാ​നം വ്യത്യസ്‌ത മൂല്യ​ങ്ങ​ളോ​ടു സഹിഷ്‌ണുത പുലർത്താ​നുള്ള പ്രാപ്‌തി​യാണ്‌. കോബെ ജില്ലാ കോട​തി​യു​ടെ​യും ഒസാക്കാ ഹൈ​ക്കോ​ട​തി​യു​ടെ​യും വിധികൾ ഒരു “തികഞ്ഞ വൈരു​ദ്ധ്യ​മാ​ണു സൃഷ്ടി​ച്ചി​രി​ക്കു​ന്നത്‌” എന്ന്‌ അസാഹി ഷിംബൂ​ണി​ലെ ഒരു മുഖ​പ്ര​സം​ഗം ഇതേക്കു​റി​ച്ചു പറഞ്ഞു. “രണ്ടു വിധി​ക​ളും രണ്ടു ചിന്താ​രീ​തി​കളെ പ്രതി​നി​ധീ​ക​രി​ക്കു​ന്ന​താ​യി തോന്നു​ന്നു” എന്ന്‌ ആ പത്രം പറഞ്ഞു, ഒന്ന്‌ മാനേ​ജ്‌മെൻറി​നെ കേന്ദ്രീ​ക​രി​ച്ചുള്ള മർദക​ഭ​ര​ണ​ത്തേ​യും മറ്റേത്‌ വ്യത്യസ്‌ത മൂല്യ​ങ്ങ​ളോ​ടു സഹിഷ്‌ണുത പുലർത്തു​ന്ന​തി​നേ​യും.

നിങ്ങൾ വ്യത്യസ്‌ത മൂല്യ​ങ്ങ​ളോ​ടു സഹിഷ്‌ണുത പുലർത്താൻ സന്നദ്ധരാ​ണോ? മറ്റുള്ള​വ​രു​ടെ നിലപാ​ടു സംബന്ധിച്ച നിജസ്ഥി​തി മനസ്സി​ലാ​ക്കാൻ നിങ്ങൾ തയ്യാറാ​ണോ? രസകര​മെന്നു പറയട്ടെ, ഈ ലേഖന​ത്തിൽ മുമ്പു പരാമർശിച്ച ആർക്കി​ബോൾഡ്‌ കോക്‌സ്‌ ന്യൂന​പ​ക്ഷത്തെ പരിഗ​ണി​ക്കേ​ണ്ട​തി​ന്റെ മറ്റൊരു കാരണം കൂടി കൂട്ടി​ച്ചേർത്തു. “മാറ്റി വയ്‌ക്ക​പ്പെ​ട്ട​തോ അടിച്ച​മർത്ത​പ്പെ​ട്ട​തി​നാൽ എന്നേക്കു​മാ​യി നഷ്ടപ്പെ​ട്ട​തോ ആയ സത്യം കണ്ടെത്താൻ ചില പ്രത്യേക ന്യൂന​പ​ക്ഷ​ങ്ങൾക്കു കഴി​ഞ്ഞേ​ക്കാ​മെന്ന ബോധ​ത്തി​ലാണ്‌ ഉത്തരത്തി​ന്റെ ഒരു ഭാഗം അടങ്ങി​യി​രി​ക്കു​ന്നത്‌.”

കോബെ ടെക്‌, അവർ അടിച്ച​മർത്തി​യേ​ക്കാ​മാ​യി​രുന്ന സത്യത്തിൽ തത്‌പ​ര​ര​ല്ലെന്നു വ്യക്തമാണ്‌; അവർ അതി​നോ​ടു സഹിഷ്‌ണു​ത​യോ​ടെ​യുള്ള ഒരു വീക്ഷണം പുലർത്തി​യ​തു​മില്ല. നേരേ​മ​റിച്ച്‌, അവർ ഈ കേസിന്‌ ജപ്പാനി​ലെ സുപ്രീം കോട​തി​യിൽ അപ്പീൽ കൊടു​ത്തി​രി​ക്കു​ക​യാണ്‌. സുപ്രീം കോടതി ഈ കേസിൽ എങ്ങനെ വിധി കല്‌പി​ക്കും? കാത്തി​രു​ന്നു കാണേ​ണ്ടി​യി​രി​ക്കു​ന്നു.

[14-ാം പേജിലെ ചിത്രം]

കുനിഹിതോയും (നടുവിൽ) ആദ്യത്തെ ഹർജി​ക്കാ​രായ മറ്റു നാലു പേരും