എല്ലാവർക്കും വേണ്ടു​വോ​ളം ആഹാരം!

ബ്രസീലിലെ ഉണരുക! ലേഖകൻ

വിശി​ഷ്ട​മായ ധാരാളം ആഹാരം ആസ്വദി​ച്ചാ​ലും അസന്തു​ഷ്ട​രാ​യി​രി​ക്കാൻ കഴിയും. യഥാർഥ​വും നിലനിൽക്കു​ന്ന​തു​മായ സന്തുഷ്ടി ലഭിക്കു​ന്ന​തിന്‌ മറ്റൊരു സംഗതി ആവശ്യ​മാണ്‌—ആത്മീയ ആഹാരം. യേശു ഇപ്രകാ​രം പ്രസ്‌താ​വി​ച്ചു: “മനുഷ്യൻ അപ്പം​കൊ​ണ്ടു മാത്രമല്ല, ദൈവ​ത്തി​ന്റെ വായിൽകൂ​ടി വരുന്ന സകലവ​ച​നം​കൊ​ണ്ടും ജീവി​ക്കു​ന്നു.”—മത്തായി 4:4.

നേരേ​മ​റിച്ച്‌, ദൈവ​ത്തി​ന്റെ വചനം തിരസ്‌ക​രി​ക്കു​ന്നത്‌ ആമോസ്‌ 8:11-ൽ മുൻകൂ​ട്ടി​പ്പ​റ​ഞ്ഞ​തു​പോ​ലെ ആത്മീയ വിശപ്പി​ലേക്കു നയിക്കു​ന്നു. അതി​പ്ര​കാ​ര​മാ​ണു പറയു​ന്നത്‌: “അപ്പത്തി​ന്നാ​യുള്ള വിശപ്പല്ല വെള്ളത്തി​ന്നാ​യുള്ള ദാഹവു​മല്ല, യഹോ​വ​യു​ടെ വചനങ്ങളെ കേൾക്കേ​ണ്ട​തി​ന്നുള്ള വിശപ്പു​തന്നേ ഞാൻ ദേശ​ത്തേക്കു അയക്കു”ന്നു. എന്നിരു​ന്നാ​ലും ആത്മീയ വികല​പോ​ഷണം ഒഴിവാ​ക്കാൻ കഴിയും. യേശു ഇപ്രകാ​രം പ്രഖ്യാ​പി​ച്ചു: “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു . . . നീതി​ക്കു​വേണ്ടി വിശക്കു​ക​യും ദാഹി​ക്കു​ക​യും ചെയ്യു​ന്നവർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ അവർക്കു തൃപ്‌തി​വ​രും.” (മത്തായി 5:3, 6, NW) ശരിയായ അളവി​ലുള്ള പോഷ​കാ​ഹാ​രം നമ്മുടെ ശരീരത്തെ തൃപ്‌തി​പ്പെ​ടു​ത്തു​ന്ന​തു​പോ​ലെ ആരോ​ഗ്യ​ക​ര​മായ ആത്മീയാ​ഹാ​രം നമ്മുടെ വിശ്വാ​സ​ത്തെ​യും ഭാവിയെ സംബന്ധിച്ച നമ്മുടെ പ്രത്യാ​ശ​യെ​യും ബലപ്പെ​ടു​ത്തു​ന്നു. നമുക്ക്‌ പ്രത്യാ​ശി​ക്കാൻ കഴിയു​ന്നത്‌ ഏതു തരത്തി​ലുള്ള ലോക​മാണ്‌?

എല്ലാവർക്കും ധാരാളം ആഹാരം

സ്വാ​ദേ​റി​യ​തും ആരോ​ഗ്യാ​വ​ഹ​വു​മായ ആഹാരം ധാരാ​ള​മുള്ള ഒരു ലോക​ത്തെ​ക്കു​റി​ച്ചു സങ്കൽപ്പി​ക്കുക. ആളുകളെ ദുർബ​ല​രോ വിഷാ​ദ​മ​ഗ്ന​രോ ആക്കുന്ന പട്ടിണി​ക്കോ വികല​പോ​ഷ​ണ​ത്തി​നോ ഇടയാ​ക്കുന്ന യുദ്ധങ്ങ​ളോ വിപത്തു​ക​ളോ അനർഥ​ങ്ങ​ളോ ഇല്ലാത്ത ഒരു ലോകം. സൂപ്പു​വി​ത​ര​ണ​ത്തെ​യോ ഭിക്ഷ​യെ​യോ ശരണം പ്രാപി​ക്കുന്ന ഭവനര​ഹി​ത​രോ തൊഴിൽര​ഹി​ത​രോ ആയ ആളുക​ളും വയറു നിറയ്‌ക്കാ​നാ​യി എന്തെങ്കി​ലും കഴിക്കാൻ ആളുകളെ നിർബ​ന്ധി​ക്കുന്ന കുതി​ച്ചു​യ​രുന്ന വിലക​ളും മേലാ​ലു​ണ്ടാ​യി​രി​ക്ക​യില്ല. “ഭൂമി​യിൽ ധാന്യ​സ​മൃ​ദ്ധി​യു​ണ്ടാ​യി​രി​ക്കും; പർവ്വത​ങ്ങ​ളു​ടെ മുകളിൽ ഒരു കവി​ഞ്ഞൊ​ഴു​ക്കു​ണ്ടാ​യി​രി​ക്കും.” (സങ്കീർത്തനം 72:16, NW) എന്നാൽ ഇതെങ്ങനെ സംഭവി​ക്കും? വികല​പോ​ഷണ പ്രശ്‌നം ആർ പരിഹ​രി​ക്കും?

വേണ്ടു​വോ​ളം ആഹാര​ത്തി​നു​വേ​ണ്ടി​യുള്ള മനുഷ്യ​ന്റെ ആവശ്യ​ത്തിന്‌ നമ്മുടെ സ്രഷ്ടാവ്‌ സ്‌നേ​ഹ​പൂർവ​ക​മായ ശ്രദ്ധ നൽകും. ഭൂമി​യു​ടെ കാലാവസ്ഥ പോലും നിയന്ത്രണ വിധേ​യ​മാ​യി​രി​ക്കും. മേലാൽ വിളനാ​ശങ്ങൾ ഉണ്ടാകു​ക​യി​ല്ലെന്ന്‌ അത്‌ ഉറപ്പു​നൽകും. “യഹോവ നന്മ നല്‌കു​ക​യും നമ്മുടെ ദേശം വിളത​രി​ക​യും ചെയ്യും.” (സങ്കീർത്തനം 85:12) മാത്രമല്ല, വേണ്ടു​വോ​ളം ആഹാരം ഉത്‌പാ​ദി​പ്പി​ക്കാൻ ഭൂമിക്കു കഴിവു​ണ്ടെ​ങ്കി​ലും അപരി​മി​ത​മായ വിതര​ണ​ത്തി​നും വികല​പോ​ഷ​ണ​ത്തി​നും ദുരി​ത​ത്തി​നും ഇടയാ​ക്കുന്ന അത്യാ​ഗ്ര​ഹ​ത്തെ​യും അനീതി​യെ​യും ദൈവ​ത്തി​ന്റെ രാജ്യം മാത്രമേ അവസാ​നി​പ്പി​ക്കു​ക​യു​ള്ളൂ.

അതേ, ലഭ്യമാ​യി​രി​ക്കുന്ന ഏതൊരു കാർഷിക, ഗതാഗത വ്യവസ്ഥ​ക​ളും, ആവശ്യ​മാ​യി​രി​ക്കു​ന്നി​ടത്ത്‌ ആരോ​ഗ്യാ​വ​ഹ​മായ ആഹാരം പ്രദാനം ചെയ്യു​ന്നു​വെന്ന്‌ യഹോ​വ​യു​ടെ സ്വർഗീയ ഗവൺമെൻറ്‌ ഉറപ്പു​വ​രു​ത്തും. ആ രാജ്യ ഭരണം ഏതാനും പേരെ​മാ​ത്രം സമ്പുഷ്ട​മാ​ക്കു​ക​യും ഭൂരി​പ​ക്ഷ​ത്തെ​യും വളരെ ഞെരുങ്ങി കഴിഞ്ഞു​കൂ​ടാൻ അനുവ​ദി​ക്കു​ക​യും ചെയ്യില്ല. നിരാ​ശ​യ്‌ക്കും പ്രത്യാ​ശ​യി​ല്ലാ​യ്‌മ​യ്‌ക്കും പകരം രാജ്യാ​നു​ഗ്ര​ഹങ്ങൾ ആനന്ദം കൈവ​രു​ത്തും. അത്‌ യെശയ്യാ​വു 25:6-ൽ മുൻകൂ​ട്ടി​പ്പ​റ​ഞ്ഞി​രി​ക്കുന്ന നല്ല സംഗതി​ക​ളു​ടെ ആ മഹാ വിരു​ന്നിൽ പ്രകട​മാ​യി​രി​ക്കുന്ന സന്തോ​ഷ​മാ​യി​രി​ക്കും. അതിങ്ങനെ പറയുന്നു: “സൈന്യ​ങ്ങ​ളു​ടെ യഹോവ ഈ പർവ്വത​ത്തിൽ സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും; മേദസ്സു​നി​റഞ്ഞ മൃഷ്ട​ഭോ​ജ​ന​ങ്ങൾകൊ​ണ്ടും മട്ടു നീക്കി തെളി​ച്ചെ​ടുത്ത വീഞ്ഞു​കൊ​ണ്ടും ഉള്ള വിരുന്നു തന്നേ.”

ഇന്നത്തെ മത്സരാ​ത്മ​ക​വും സമ്മർദ​പൂർണ​വും നിർവി​കാ​ര​വു​മായ ജീവി​ത​രീ​തി എന്നന്നേ​ക്കു​മാ​യി പൊയ്‌പോ​കു​ന്ന​തി​നെ​ക്കു​റിച്ച്‌ ഇപ്പോ​ഴൊ​ന്നു വിഭാ​വ​ന​ചെ​യ്യുക. വേണ്ടത്ര പോഷണം ലഭിക്കാ​ത്ത​വ​രോ രോഗി​ക​ളോ ആയി ആരും കാണില്ല. അതു​കൊണ്ട്‌ ആ പുതിയ ലോക​ത്തിൽ ജീവിതം ആസ്വദി​ക്കാൻ നിങ്ങൾ യഥാർഥ​ത്തിൽ ആഗ്രഹി​ക്കു​ന്നു​വെ​ങ്കിൽ യേശു​വി​ന്റെ ഈ വാക്കു​കൾക്കു ചെവി​കൊ​ടു​ക്കുക: “നശിച്ചു​പോ​കുന്ന ആഹാര​ത്തി​ന്നാ​യി​ട്ടല്ല, നിത്യ​ജീ​വ​ങ്ക​ലേക്കു നിലനി​ല്‌ക്കുന്ന ആഹാര​ത്തി​ന്നാ​യി​ട്ടു തന്നേ പ്രവർത്തി​പ്പിൻ.”—യോഹ​ന്നാൻ 6:27.