ഞങ്ങളുടെ വായന​ക്കാ​രിൽ നിന്ന്‌

കാണാ​താ​കുന്ന കുട്ടികൾ “കാണാ​താ​കുന്ന കുട്ടികൾ—ഈ ദുരന്തം എന്നവസാ​നി​ക്കും?” (ഫെബ്രു​വരി 8, 1995) എന്ന ലേഖന പരമ്പര വായി​ച്ചു​ക​ഴി​ഞ്ഞ​പ്പോ​ഴേ​ക്കും എന്റെ കവിളി​ലൂ​ടെ കണ്ണീർ ഒഴുകു​ക​യാ​യി​രു​ന്നു. ആ ലേഖന​ങ്ങ​ളിൽ വിവരിച്ച ചില അനുഭ​വങ്ങൾ എന്റേതി​നോ​ടു സമാന​മാ​യി​രു​ന്നു. സഹിക്കാ​നുള്ള ശക്തി നൽകി​യ​തി​നു ഞാൻ യഹോ​വ​യ്‌ക്കു നന്ദി പറയുന്നു. ആളുകൾ മേലാൽ അത്തരം തിൻമകൾ അനുഭ​വി​ക്കാത്ത ഒരു പറുദീ​സ​യെ​ക്കു​റി​ച്ചുള്ള പ്രത്യാശ അവന്റെ വചനത്തി​ലൂ​ടെ എനിക്കു ലഭിച്ചി​രി​ക്കു​ന്നു.

റ്റി. ഒ., ബ്രസീൽ

ജപ്പാൻകാ​ര​നായ തടവു​കാ​രൻ “‘ആറ്റം​ബോംബ്‌’ എന്റെ പിതാ​വി​നെ ‘തടവിൽനി​ന്നു പുറത്തു​ചാ​ടി​ച്ചു’” എന്ന ലേഖന​ത്തി​ന്റെ വായന എനിക്കു പ്രോ​ത്സാ​ഹ​ന​മേകി. (ഒക്ടോബർ 8, 1994) ഞാൻ അടുത്ത​കാ​ലത്തു സ്‌നാ​പ​ന​മേറ്റ ഒരു ക്രിസ്‌ത്യാ​നി​യാണ്‌. ഞാൻ പരി​ശോ​ധ​ന​യിൻ കീഴിൽ നിർമലത നിലനിർത്തു​മോ​യെന്ന്‌ പലപ്പോ​ഴും അതിശ​യി​ച്ചി​ട്ടുണ്ട്‌. കറ്റ്‌സു​വോ മ്യൂറ​യു​ടെ പാറ സമാന​മായ വിശ്വാ​സ​ത്തെ​ക്കു​റി​ച്ചു വായി​ച്ച​പ്പോൾ ശക്തമായ വികാ​രങ്ങൾ എന്റെയു​ള്ളിൽ നുരഞ്ഞു​പൊ​ന്തി. എന്റെ വിശ്വാ​സ​ത്തിൽ എന്താണു കുറവു​ള്ള​തെന്നു മനസ്സി​ലാ​ക്കാൻ അതെന്നെ സഹായി​ച്ചു—യഹോ​വ​യാം ദൈവത്തെ ഞാൻ എന്റെ വിശ്വാ​സ​ത്തി​ന്റെ ഉറവാ​ക്കേ​ണ്ട​തു​ണ്ടെ​ന്നു​ള്ള​തു​തന്നെ.

കെ. റ്റി., ജപ്പാൻ

ജനിതകം സ്‌കൂ​ളിൽ ഞങ്ങൾ ജനിതക കോഡി​നെ​ക്കു​റി​ച്ചു ചർച്ച​ചെ​യ്യു​ക​യാ​യി​രു​ന്നു. “മനുഷ്യ ജനിതകം—നിങ്ങളെ ‘നിങ്ങൾ’ ആക്കുന്നത്‌” (മാർച്ച്‌ 22, 1995) എന്ന വിഷയ​ത്തെ​പ്പ​റ്റി​യുള്ള മാസിക എന്റെ അഭ്യാസ ബുക്കിൽ വെച്ചു​കൊ​ണ്ടു​പോ​കാ​നുള്ള അവസര​മാ​യി ഞാൻ അതിനെ കണ്ടു. ഞങ്ങളുടെ സയൻസ്‌ ടീച്ചർ എന്നോ​ടൊ​പ്പം ലേഖനം വിശക​ലനം ചെയ്‌തു. ഒരു ജീവശാ​സ്‌ത്ര പണ്ഡിത​യായ താൻ വർഷങ്ങ​ളോ​ളം ഡിഎൻഎ-യെക്കു​റി​ച്ചു പഠനം നടത്തി​യി​ട്ടു​ണ്ടെ​ങ്കി​ലും ആ ലേഖനം അത്രമാ​ത്രം ഗഹനമാ​യി​രി​ക്കു​ന്ന​തിൽ തനിക്കു മതിപ്പു​തോ​ന്നി​യെന്ന്‌ അവർ എന്നോടു പറഞ്ഞു.

പി. എൻ., ഇറ്റലി

ഒരു സങ്കീർണ വിഷയം സുഗ്രാ​ഹ്യ​മായ പദങ്ങളിൽ എങ്ങനെ വിശദീ​ക​രി​ക്കാ​മെന്ന്‌ ആ ലേഖനങ്ങൾ കാണി​ച്ചു​തന്നു. ജീവശാ​സ്‌ത്ര ക്ലാസ്സിൽ ഞാൻ പഠിച്ചു​കൊ​ണ്ടി​രി​ക്കുന്ന വിഷയം കൂടുതൽ നന്നായി മനസ്സി​ലാ​ക്കാൻ അതെന്നെ പ്രാപ്‌ത​യാ​ക്കി. എന്നാൽ, ലേഖകൻ, പ്രസാ​ധകൻ തുടങ്ങിയ പരാമർശ വിവരങ്ങൾ നിങ്ങൾ നൽകാ​ത്ത​തു​കൊണ്ട്‌ ലേഖന​ത്തി​ലെ ഉദ്ധരണി​കൾ എനിക്ക്‌ ഉപയോ​ഗ​പ്പെ​ടു​ത്താൻ കഴിയു​ന്നില്ല.

എം. ജി., ജർമനി

സ്ഥല പരിമി​തി നിമിത്തം സാങ്കേ​തി​ക​വും ശാസ്‌ത്രീ​യ​വു​മായ ആനുകാ​ലിക പത്രി​കകൾ മിക്ക​പ്പോ​ഴും ചെയ്യു​ന്ന​തു​പോ​ലെ ലൗകിക പരാമർശ​ങ്ങ​ളു​ടെ ലിസ്റ്റുകൾ സാധാ​ര​ണ​മാ​യി ഞങ്ങൾ പ്രസി​ദ്ധീ​ക​രി​ക്കാ​റില്ല. “ഉണരുക!” പ്രൊ​ഫ​ഷ​ണ​ലാ​യി​ട്ടു​ള്ള​വർക്കു​വേണ്ടി മാത്ര​മു​ള്ള​താ​യി​രി​ക്കാ​തെ പൊതു​ജ​ന​ങ്ങൾക്കു​വേണ്ടി എഴുതു​ന്ന​താ​ക​യാൽ ഗ്രന്ഥസൂ​ച​ക​മായ അത്തരം വിവര​ങ്ങ​ളിൽ താരത​മ്യേന കുറച്ചു​പേർക്കേ താത്‌പ​ര്യ​മു​ണ്ടാ​യി​രി​ക്കു​ക​യു​ള്ളൂ എന്നാണു ഞങ്ങളുടെ അനുമാ​നം.—പത്രാ​ധി​പർ

സ്വവർഗ​സം​ഭോ​ഗം ഞാനൊ​രു ശുശ്രൂ​ഷാ​ദാ​സ​നും പയനി​യ​റും, അതായത്‌ ഒരു മുഴു​സമയ ശുശ്രൂ​ഷ​ക​നു​മാ​യി​ട്ടു സേവനം അനുഷ്‌ഠി​ക്കു​ന്നു. സ്വവർഗ​സം​ഭോ​ഗ​ത്തെ​പ്പ​റ്റി​യുള്ള “യുവജ​നങ്ങൾ ചോദി​ക്കു​ന്നു . . .” ലേഖനങ്ങൾ എനിക്കു​വേണ്ടി എഴുതി​യ​തു​പോ​ലെ തോന്നു​ന്നു! (ഫെബ്രു​വരി 8, ഫെബ്രു​വരി 22, മാർച്ച്‌ 22, 1995) എന്റെ കൗമാ​ര​പ്രാ​യ​ത്തി​ന്റെ ആദ്യവർഷ​ങ്ങ​ളി​ലും മധ്യവർഷ​ങ്ങ​ളി​ലും ഞാൻ സ്വവർഗ​സം​ഭോ​ഗ​ത്തെ​ക്കു​റിച്ച്‌ അന്വേ​ഷണം നടത്തി. ഞാൻ അതു നിർത്തി​യെ​ങ്കി​ലും അന്നുമു​തൽ ഈ വികാ​ര​ങ്ങ​ളോ​ടു പോരാ​ടു​ന്നതു വിഷമ​ക​ര​മാ​യി ഞാൻ കണ്ടെത്തി. എന്നാൽ ഈ ലേഖനങ്ങൾ വായി​ച്ച​തോ​ടെ എന്റെ വികാ​രങ്ങൾ ഒടുവിൽ എനിക്കു മനസ്സി​ലാ​യി. പോരാ​ട്ടം തുടരു​ന്ന​തി​നുള്ള സഹായം എനിക്കു ലഭിച്ചി​രി​ക്കു​ന്നു!

പേരു പറയു​ന്നില്ല, ഡെൻമാർക്ക്‌

താരു​ണ്യം മുതൽതന്നെ എനിക്കു സ്വവർഗ​സം​ഭോഗ വികാ​രങ്ങൾ ഉണ്ടായി​ട്ടുണ്ട്‌. ഞാൻ ഒരു ക്രിസ്‌ത്യാ​നി​യാ​യി വളർത്ത​പ്പെ​ട്ട​തു​കൊണ്ട്‌ ഈ വികാ​രങ്ങൾ എന്നെ സംബന്ധി​ച്ചി​ട​ത്തോ​ളം യഥാർഥ​ത്തിൽ സംഭ്രാ​ന്തി ജനിപ്പി​ക്കു​ന്ന​താ​യി​രു​ന്നു. എനിക്കു വളരെ​യ​ധി​കം ലജ്ജയും സംഭ്രാ​ന്തി​യും തോന്നി​യ​തു​കൊണ്ട്‌ എനിക്ക്‌ ഒരിക്ക​ലും ആരിലും ആശ്രയം കണ്ടെത്താൻ കഴിഞ്ഞില്ല, എന്റെ സ്വന്തം മാതാ​പി​താ​ക്ക​ളിൽപ്പോ​ലും. ഞാൻ ഇപ്പോൾ സുന്ദരി​യായ ഒരു സ്‌ത്രീ​യെ വിവാഹം കഴിച്ചി​രി​ക്കു​ന്നു. എങ്കിലും ഇടയ്‌ക്കി​ട​യ്‌ക്കു തെറ്റായ ആഗ്രഹങ്ങൾ എനിക്കു​ണ്ടാ​കാ​റുണ്ട്‌. ഒടുവിൽ ഭാര്യ​യോ​ടു ഞാൻ എന്റെ രഹസ്യം പറഞ്ഞു. സഭാ മൂപ്പൻമാ​രു​മാ​യി സംസാ​രി​ക്കാൻ അവൾ എന്നെ പ്രോ​ത്സാ​ഹി​പ്പി​ച്ചു. അവർ വളരെ​യ​ധി​കം മനസ്സി​ലാ​ക്കു​ന്ന​വ​രും പിന്തുണ നൽകു​ന്ന​വ​രും ആയിരു​ന്നു. ഈ വികാ​ര​ങ്ങ​ളു​മാ​യി മല്ലടി​ക്കുന്ന ഏതൊ​രാ​ളോ​ടും എനിക്ക്‌ എന്തെങ്കി​ലും പറയാ​നു​ണ്ടെ​ങ്കിൽ അത്‌ ഇതായി​രി​ക്കും: അത്‌ ഒരു രഹസ്യ​മാ​യി വയ്‌ക്ക​രുത്‌. നിങ്ങളു​ടെ ഇണയോ​ടോ മാതാ​പി​താ​ക്ക​ളോ​ടോ ഒരു മൂപ്പ​നോ​ടോ ആശ്രയി​ക്കാ​വുന്ന ഒരു സുഹൃ​ത്തി​നോ​ടോ അതു പറയുക—അത്‌ ഉള്ളിൽ ഒതുക്കി​വെ​ക്ക​രുത്‌.

പേരു പറയു​ന്നില്ല, ഐക്യ​നാ​ടു​കൾ

ബാല്യം​മു​തൽ ഞാൻ ലൈം​ഗിക ദുഷ്‌പെ​രു​മാ​റ്റം അനുഭ​വി​ച്ചി​ട്ടുണ്ട്‌. സ്‌നേ​ഹ​മോ വാത്സല്യ​മോ ഒന്നും ഒരിക്ക​ലും എനിക്കു ലഭിച്ചി​ട്ടില്ല. ഞാൻ സ്വവർഗ​സം​ഭോ​ഗം ഒരു ശീലമാ​ക്കി. എന്നാൽ സ്വവർഗ​സം​ഭോ​ഗ​പ​ര​മായ മനോ​ഭാ​വങ്ങൾ ഉളവാ​ക്കുന്ന ലജ്ജ, വേദന, ദുഃഖം, നിരാശ എന്നിവ യുവജ​നങ്ങൾ ഒന്നു മനസ്സി​ലാ​ക്കി​യി​രു​ന്നെ​ങ്കിൽ അവർ അവയിൽനിന്ന്‌ ഓടി​പ്പോ​കു​മാ​യി​രു​ന്നു. ഈ വിഷയ​ത്തെ​ക്കു​റി​ച്ചു സംസാ​രി​ക്കു​ന്ന​തു​തന്നെ പലരും ഒഴിവാ​ക്കു​ന്നു, എന്നാൽ നിങ്ങൾ അതു വ്യക്തമായ രീതി​യിൽ കൈകാ​ര്യം ചെയ്‌തു. അത്തരം വിഷയങ്ങൾ പ്രസി​ദ്ധീ​ക​രി​ക്കു​ന്ന​തി​നു ഞാൻ നിങ്ങൾക്ക്‌ അകമഴിഞ്ഞ നന്ദി പറയുന്നു.

പേരു പറയു​ന്നില്ല, ബ്രസീൽ