ലോക​മെ​മ്പാ​ടു​മുള്ള ഫലപ്ര​ദ​മായ ഒരു സ്‌കൂൾ

ഇത്‌ തിര​ഞ്ഞെ​ടു​ക്ക​പ്പെട്ട ചുരുക്കം ചിലർക്കു​മാ​ത്രം പങ്കെടു​ക്കാ​വുന്ന ചെല​വേ​റിയ ഏതെങ്കി​ലും സ്വകാ​ര്യ​സ്‌കൂ​ളോ പേരെ​ടുത്ത ഏതെങ്കി​ലും സർവക​ലാ​ശാ​ല​യോ അല്ല. ഈ സ്‌കൂൾ വിദ്യാർഥി​ക​ളിൽനി​ന്നു ഫീസ്‌ ഈടാ​ക്കു​ന്നില്ല. ഇതിന്റെ ക്ലാസുകൾ നടക്കു​ന്നതു മിക്കവാ​റും നിങ്ങളു​ടെ സമീപ​പ്ര​ദേ​ശ​ത്തെ​വി​ടെ​യെ​ങ്കി​ലും ആയിരി​ക്കും. ഇതിന്റെ പേര്‌ ദിവ്യാ​ധി​പത്യ ശുശ്രൂ​ഷാ​സ്‌കൂൾ എന്നാണ്‌, യഹോ​വ​യു​ടെ സാക്ഷി​ക​ളു​ടെ യോഗ​സ്ഥ​ല​ങ്ങ​ളി​ലാണ്‌ ഇതു നടക്കു​ന്നത്‌. ലോക​വ്യാ​പ​ക​മാ​യി ഏതാണ്ടു 50 ലക്ഷം പേർ ഇതിൽ പങ്കെടു​ക്കു​ന്നു.

‘ഇതിൽ ചേരാ​നുള്ള നിബന്ധ​നകൾ എന്തെല്ലാ​മാണ്‌? സ്‌കൂ​ളിൽ എന്താണു പഠിപ്പി​ക്കു​ന്നത്‌? അതു നടത്ത​പ്പെ​ടു​ന്ന​തെ​ങ്ങ​നെ​യാണ്‌? ആളുകൾക്ക്‌ അതിൽനി​ന്നു പ്രയോ​ജനം ലഭിക്കു​ന്ന​തെ​ങ്ങനെ?’ ഇങ്ങനെ​യൊ​ക്കെ നിങ്ങൾ ചോദി​ച്ചേ​ക്കാം.

നിബന്ധ​ന​കൾ

ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പങ്കെടു​ക്കാൻ എല്ലാവർക്കും സ്വാഗ​ത​മു​ണ്ടെ​ങ്കി​ലും അതിൽ ചേരു​ന്നവർ അതിന്റെ അടിസ്ഥാന പാഠപു​സ്‌ത​ക​മായ ബൈബി​ളി​ന്റെ പഠിപ്പി​ക്ക​ലു​ക​ളോ​ടു യോജി​ക്കു​ന്ന​വ​രാ​യി​രി​ക്കണം. അവർ ധാർമി​കത സംബന്ധിച്ച ബൈബി​ളി​ന്റെ നിബന്ധ​ന​കൾക്ക​നു​സ​രി​ച്ചു ജീവിതം നയിക്കു​ന്ന​വ​രാ​യി​രി​ക്കണം. അതു​കൊണ്ട്‌ വിദ്യാർഥി​കൾ അധാർമി​ക​ജീ​വി​തം നയിക്കു​ന്ന​വ​രാ​യി​രി​ക്കാൻ പാടില്ല. അവർ കള്ളന്മാർ, മദ്യപാ​നി​കൾ, പരസം​ഗ​ക്കാർ, പുകയില ഉപയോ​ഗി​ക്കു​ന്നവർ എന്നിങ്ങ​നെ​യു​ള്ളവർ ആയിരി​ക്കാൻ പാടില്ല.—1 കൊരി​ന്ത്യർ 6:9-11.

ഇന്നത്തെ അനേകം സ്‌കൂ​ളു​കൾ വസ്‌ത്ര​ധാ​രണം സംബന്ധിച്ച നിയമ​ങ്ങളെ കാറ്റിൽ പറത്തി​യി​രി​ക്കു​ന്നു. എന്നാൽ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ ചേർന്നി​ട്ടുള്ള വിദ്യാർഥി​കൾ വൃത്തി​യുള്ള മാന്യ​മായ വേഷം ധരിക്കു​ന്ന​വ​രാ​യി​രി​ക്കേ​ണ്ട​താണ്‌. (1 തിമൊ​ഥെ​യൊസ്‌ 2:9, 10) ഈ സ്‌കൂ​ളിന്‌ പ്രായ​ത്തി​ന്റെ കാര്യ​ത്തിൽ യാതൊ​രു നിബന്ധ​ന​ക​ളു​മില്ല. 90 കഴിഞ്ഞ സ്‌ത്രീ​പു​രു​ഷ​ന്മാർ ചെയ്യു​ന്ന​തു​പോ​ലെ തന്നെ എഴുതാ​നും വായി​ക്കാ​നും അറിയാ​വുന്ന നാലോ അഞ്ചോ വയസ്സുള്ള കൊച്ചു​കു​ട്ടി​ക​ളും ഈ സ്‌കൂ​ളിൽ ചേരു​ക​യും ക്രമമാ​യി നിയമ​നങ്ങൾ കൈകാ​ര്യം ചെയ്യു​ക​യും ചെയ്യുന്നു.

ഘടനയും പാഠ്യ​പ​ദ്ധ​തി​യും

എല്ലാവർക്കും പങ്കെടു​ക്കാ​നുള്ള സൗകര്യ​ത്തിന്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ 45 മിനിറ്റു നേരത്തെ ക്ലാസുകൾ ഒട്ടുമി​ക്ക​പ്പോ​ഴും മധ്യവാ​ര​ത്തി​ലെ ഏതെങ്കി​ലും വൈകു​ന്നേ​ര​ങ്ങ​ളി​ലാ​വും നടത്തുക. സ്‌കൂൾ അധ്യാ​പ​കന്റെ ചുരു​ക്ക​മായ സ്വാഗ​താ​ശം​സ​കൾക്കു​ശേഷം, സ്‌കൂ​ളി​ന്റെ ഏതെങ്കി​ലും ഒരു പാഠ്യ​പു​സ്‌ത​കത്തെ ആസ്‌പ​ദ​മാ​ക്കി അന്നത്തെ ആദ്യ​പ്ര​സം​ഗകൻ 10 മുതൽ 15 മിനി​റ്റു​വരെ നീണ്ടു നിൽക്കുന്ന ഒരു പ്രസംഗം അവതരി​പ്പി​ക്കു​ന്നു. അതിനു​ശേഷം അദ്ദേഹം താൻ നടത്തിയ പ്രസംഗ ഭാഗത്തി​ന്റെ മൂന്നു​മി​നി​റ്റു മുതൽ അഞ്ചുമി​നി​റ്റു വരെ ദൈർഘ്യ​മുള്ള ഒരു വാച്യ​പു​ന​ര​വ​ലോ​കനം നടത്തുന്നു.

അടുത്ത​താ​യി, യോഗ്യ​ത​യുള്ള ഒരധ്യാ​പകൻ വാരം​തോ​റും ബൈബിൾ വായന​ക്കാ​യി നിയമി​ച്ചി​രി​ക്കുന്ന ഭാഗത്തു​നി​ന്നുള്ള സവി​ശേ​ഷാ​ശ​യങ്ങൾ അവലോ​കനം ചെയ്യും. ഇതു മിക്കവാ​റും ബൈബി​ളി​ലെ രണ്ടോ മൂന്നോ നാലോ അധ്യാ​യ​ങ്ങ​ളിൽനിന്ന്‌ എടുത്ത​താ​യി​രി​ക്കും. ഈ പുനര​വ​ലോ​ക​ന​ത്തിന്‌ ആറു മിനിറ്റ്‌ എടുക്കാം. വാരം​തോ​റു​മുള്ള ഈ ഗൃഹപാ​ഠ​നി​യ​മനം കൃത്യ​മാ​യി ചെയ്യുന്ന വിദ്യാർഥി​കൾ കുറേ കാലം​കൊ​ണ്ടു ബൈബിൾ മുഴു​വ​നും വായിച്ചു തീർക്കും.

ബൈബി​ളിൽനി​ന്നുള്ള സവി​ശേ​ഷാ​ശ​യ​ങ്ങൾക്കു​ശേഷം മൂന്നു വിദ്യാർഥി​കൾ അഞ്ചുമി​നി​റ്റു വീതമുള്ള മൂന്ന്‌ അവതര​ണങ്ങൾ നടത്തുന്നു. ഗൃഹപാ​ഠ​മെന്ന നിലയിൽ ബൈബിൾവാ​യ​ന​ക്കാ​യി നിയമി​ച്ചി​രി​ക്കു​ന്ന​തിൽനി​ന്നുള്ള ഒരു ഭാഗത്തി​ന്റെ വായന​യാണ്‌ ഇതി​ലൊന്ന്‌. മറ്റു രണ്ട്‌ അവതര​ണങ്ങൾ സ്‌കൂൾ പാഠഭാ​ഗ​ങ്ങളെ ആസ്‌പ​ദ​മാ​ക്കി​യു​ള്ള​വ​യാ​യി​രി​ക്കും. ക്ലാസു​കൾക്കുള്ള തയ്യാ​റെ​ടു​പ്പെ​ന്ന​നി​ല​യിൽ ഈ ഭാഗങ്ങൾ വായി​ക്കാൻ എല്ലാ വിദ്യാർഥി​ക​ളെ​യും പ്രോ​ത്സാ​ഹി​പ്പി​ക്കു​ന്നു. ഓരോ വിദ്യാർഥി​യും തന്റെ നിയമി​ത​ഭാ​ഗം നിർവ​ഹി​ച്ചു​ക​ഴി​യു​മ്പോൾ സ്‌കൂ​ള​ധ്യാ​പകൻ അവരെ അഭിന​ന്ദി​ക്കു​ക​യും മിക്ക​പ്പോ​ഴും മെച്ച​പ്പെ​ടാൻ ആവശ്യ​മായ നിർദേ​ശങ്ങൾ കൊടു​ക്കു​ക​യും ചെയ്യുന്നു.

സ്‌കൂ​ള​ധ്യാ​പ​കന്റെ ബുദ്ധ്യു​പ​ദേ​ശങ്ങൾ ദിവ്യാ​ധി​പത്യ ശുശ്രൂ​ഷാ​സ്‌കൂൾ ഗൈഡ്‌ബുക്ക്‌ എന്ന പ്രസി​ദ്ധീ​ക​ര​ണത്തെ ആസ്‌പ​ദ​മാ​ക്കി​യു​ള്ള​താ​യി​രി​ക്കും. എല്ലാ വിദ്യാർഥി​ക​ളും അതു ശ്രദ്ധാ​പൂർവം പഠിക്കാൻ പ്രതീ​ക്ഷി​ക്ക​പ്പെ​ടു​ന്നു. വിദ്യാർഥി തന്റെ അടുത്ത നിയമ​ന​ത്തിൽ ഏതെങ്കി​ലും ഒരു പ്രസം​ഗ​ഗു​ണ​ത്തിൽ പുരോ​ഗ​മി​ക്കു​ന്ന​തി​നാ​യി ഗൈഡ്‌ബു​ക്കി​ലെ “സദസ്യ​രോ​ടുള്ള സമ്പർക്ക​വും കുറി​പ്പു​ക​ളു​പ​യോ​ഗി​ക്ക​ലും,” “അനു​യോ​ജ്യ​മായ ദൃഷ്ടാ​ന്തങ്ങൾ,” “ആവർത്ത​ന​ത്തി​ന്റെ​യും ആംഗ്യ​ങ്ങ​ളു​ടെ​യും ഉപയോ​ഗം,” “അർഥം ഊന്നി​പ്പ​റ​യ​ലും ഉച്ചനീ​ച​ത്വ​വും” എന്നിവ​പോ​ലെ​യുള്ള ഏതെങ്കി​ലും ഒരധ്യാ​യം പുനര​വ​ലോ​കനം ചെയ്യാൻ അയാ​ളോ​ടാ​വ​ശ്യ​പ്പെ​ട്ടേ​ക്കാം.

ഇതിനു​പു​റ​മേ, ചില സമുദാ​യ​ങ്ങ​ളിൽ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ന്റെ ഭാഗമാ​യി സാക്ഷര​ത​ക്കും വായനാ​പ്രാ​പ്‌തി മെച്ച​പ്പെ​ടു​ത്തു​ന്ന​തി​നും വേണ്ടി​യുള്ള ക്ലാസുകൾ കൂടി നടത്തു​ന്നുണ്ട്‌. ഇത്തരം സാക്ഷര​താ​ക്ലാ​സു​ക​ളിൽകൂ​ടി പതിനാ​യി​ര​ക്ക​ണ​ക്കി​നാ​ളു​കൾ വായി​ക്കാൻ പഠിക്കു​ക​യോ വായനാ​പ്രാ​പ്‌തി മെച്ച​പ്പെ​ടു​ത്തു​ക​യോ ചെയ്‌തി​ട്ടുണ്ട്‌. ഉദാഹ​ര​ണ​ത്തിന്‌, 1946-നും 1994-നും ഇടയ്‌ക്കുള്ള കാലഘ​ട്ട​ത്തിൽ മെക്‌സി​ക്കോ​യിൽ 1,27,000-ത്തിലേ​റെ​പ്പേരെ സാക്ഷര​രാ​കാൻ സഹായി​ച്ചി​രി​ക്കു​ന്നു.

ലക്ഷങ്ങളെ സഹായി​ക്കു​ന്നു

ലോക​ത്തു​ട​നീ​ളം, തങ്ങളുടെ കുട്ടി​കൾക്കു മെച്ചപ്പെട്ട വിദ്യാ​ഭ്യാ​സം നൽകു​ന്ന​തി​നുള്ള രക്ഷാകർത്താ​ക്ക​ളു​ടെ ശ്രമങ്ങളെ ദിവ്യാ​ധി​പത്യ ശുശ്രൂ​ഷാ​സ്‌കൂൾ പിന്തു​ണ​ച്ചി​ട്ടുണ്ട്‌. “വിവര​ങ്ങൾക്കു വേണ്ടി ഗവേഷണം ചെയ്യാ​നും എന്റെ അവതര​ണങ്ങൾ മുൻകൂ​ട്ടി പരിശീ​ലി​ച്ചു​നോ​ക്കാ​നും ഞാൻ പഠിച്ചു” എന്ന്‌ പതിനാ​റു​കാ​ര​നായ മറൈയാ പറഞ്ഞു. ഇപ്പോൾ ഹൈസ്‌കൂ​ളിൽ എനിക്കു ലഭിക്കുന്ന നിയമ​നങ്ങൾ വളരെ അനായാ​സ​ക​ര​മാണ്‌.

ഏഴാമത്തെ വയസ്സിൽ ശുശ്രൂ​ഷാ​സ്‌കൂ​ളിൽ ചേർന്ന പതിന​ഞ്ചു​കാ​ര​നായ മാത്യു​വി​ന്റെ അഭി​പ്രാ​യ​മി​താണ്‌: “വിദ്യാ​ഭ്യാ​സ​പ​ര​മായ നേട്ടങ്ങ​ളു​ടെ കാര്യ​ത്തിൽ എനിക്ക്‌ എന്റെ സമപ്രാ​യ​ക്കാ​രെ അപേക്ഷിച്ച്‌ ഒരു വലിയ മേന്മയുണ്ട്‌. പഠിക്കാ​നും ശ്രദ്ധി​ക്കാ​നു​മുള്ള കഴിവു​ക​ളും ഫലപ്ര​ദ​മാ​യി പ്രസം​ഗങ്ങൾ നടത്താ​നുള്ള പാടവ​വും ഞാൻ ആർജി​ച്ചി​ട്ടുണ്ട്‌.” അവന്റെ സഹോ​ദ​ര​നായ 17-കാരൻ ഫിൽ ഇങ്ങനെ കൂട്ടി​ച്ചേർത്തു: “ദിവ്യാ​ധി​പത്യ ശുശ്രൂ​ഷാ​സ്‌കൂൾ എന്നിൽ കൂടുതൽ ആത്മവി​ശ്വാ​സം ഉളവാ​ക്കി​യി​രി​ക്കു​ന്നു. ഒരു നിയമനം കിട്ടി​യാൽ അതു കൈകാ​ര്യം ചെയ്യാൻ കഴിയും എന്നെനി​ക്ക​റി​യാം.”

ദിവ്യാ​ധി​പ​ത്യ ശുശ്രൂ​ഷാ​സ്‌കൂൾ മുതിർന്ന​വ​രേ​യും വിദ്യ അഭ്യസി​പ്പി​ച്ചി​ട്ടുണ്ട്‌. തന്റെ തൊഴിൽസ്ഥാ​പ​ന​ത്തി​ന്റെ നടത്തി​പ്പു​കാ​രു​ടെ മുമ്പാകെ കാര്യ​കാ​ര​ണ​സ​ഹി​തം വസ്‌തു​തകൾ അവതരി​പ്പി​ക്കുക എന്ന ലക്ഷ്യം പോലും സാക്ഷാ​ത്‌ക​രിച്ച മൈക്കിൾ എന്നയാൾ പറയു​ന്നതു കേൾക്കൂ: “ശുശ്രൂ​ഷാ​സ്‌കൂ​ളിൽ ചേർന്ന​പ്പോൾ എനിക്കു വലിയ പേടി​യാ​യി​രു​ന്നു. ഇപ്പോൾ എനിക്കു പേടിയേ ഇല്ല. ലജ്ജയുടെ പുറം​തോ​ടു പൊട്ടി​ച്ചു പുറത്തു​വ​രാൻ എനിക്കു വേണ്ടി​യി​രുന്ന സുരക്ഷി​ത​മായ അന്തരീ​ക്ഷ​വും അറിവും വൈദ​ഗ്‌ധ്യ​ങ്ങ​ളും വ്യക്തി​പ​ര​മായ പ്രോ​ത്സാ​ഹ​ന​വും ആ സ്‌കൂ​ളിൽനി​ന്നു ലഭിച്ചു.” ഒരു പിതാവ്‌ ഇങ്ങനെ പറഞ്ഞു: “ചെറു​പ്പ​മാ​യി​രു​ന്ന​പ്പോൾ എനിക്കു പഠിക്കാൻ കഴിയാ​തെ​പോയ അവസര​ങ്ങ​ളി​ലെ നഷ്ടം ഞാൻ ഇപ്പോൾ നികത്തി​യ​താ​യി എനിക്കു തോന്നു​ന്നു.”

ലാറ്റി​ന​മേ​രി​ക്ക​യി​ലെ ഒരു ചെറിയ ഗ്രാമ​ത്തിൽ, വിദ്യാ​ഭ്യാ​സ​വ​കു​പ്പി​ലെ അംഗങ്ങൾ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ സന്നിഹി​ത​രാ​യി. തദ്ദേശ​വാ​സി​യായ ഒരാളു​ടെ പ്രസംഗം ശ്രദ്ധി​ച്ചിട്ട്‌ സന്ദർശ​ക​രി​ലൊ​രാ​ളായ ഒരു സ്‌കൂൾ പ്രിൻസി​പ്പൽ ഇങ്ങനെ അതിശയം കൂറി: “ഒരു നിരക്ഷ​ര​നെന്നു ഞങ്ങൾക്കു ശരിക്ക​റി​യാ​വുന്ന ഈ മനുഷ്യൻ സ്‌പാ​നി​ഷിൽ [തന്റെ മാതൃ​ഭാ​ഷ​യി​ല​ല്ലാ​തെ] സംഭാ​ഷണം നടത്തുക എന്നത്‌ അസംഭ​വ്യ​മാണ്‌, അതും ഒരു സദസ്സിനു മുൻപിൽ, പക്ഷേ അയാൾ അതാണു ചെയ്യു​ന്നത്‌.”

അതേ, ദിവ്യാ​ധി​പത്യ ശുശ്രൂ​ഷാ​സ്‌കൂൾ ലോക​ത്തി​ലെ ഏറ്റവും മെച്ചപ്പെട്ട സ്‌കൂ​ളു​ക​ളി​ലൊ​ന്നു തന്നെ! ചെറു​പ്പ​ക്കാ​രെ​യും മുതിർന്ന​വ​രെ​യും ഒരു മെച്ചപ്പെട്ട വിദ്യാ​ഭ്യാ​സം നേടു​ന്ന​തിൽ സഹായി​ക്കാൻ അതിനു കഴിയും. ഒരു യുവാവു പറഞ്ഞതി​ങ്ങ​നെ​യാണ്‌: “ഈ സ്‌കൂ​ളിൽ ചേരണ​മെന്നു വിചാ​രി​ക്കുന്ന ഏതൊ​രാ​ളും എത്രയും വേഗം ചേരാൻ ഞാൻ നിർദേ​ശി​ക്കു​ക​യാണ്‌.”

[13-ാം പേജിലെ ചിത്രം]

ദിവ്യാധിപത്യ ശുശ്രൂ​ഷാ​സ്‌കൂൾ ലക്ഷങ്ങളെ മികച്ച വിദ്യാ​ഭ്യാ​സം നേടാൻ സഹായി​ക്കു​ന്നു