ഗ്രീക്ക്‌ ഓർത്ത​ഡോ​ക്‌സ്‌ സഭ—ഒരു പിളർന്ന മതം

ഗ്രീസിലെ ഉണരുക! ലേഖകൻ

ഏറ്റവും മയപ്പെ​ടു​ത്തി​പ്പ​റ​ഞ്ഞാൽ, ഗ്രീസി​ലെ ഗ്രീക്ക്‌ ഓർത്ത​ഡോ​ക്‌സ്‌ സഭയിലെ ഇന്നത്തെ സ്ഥിതി​വി​ശേഷം, ദൈവ​ത്തെ​യും സത്യ​ത്തെ​യും സ്‌നേ​ഹി​ക്കു​ന്ന​വ​രും അവന്റെ ആരാധ​ന​യോട്‌ ആഴമായ ആദരവു​ള്ള​വ​രു​മായ ആത്മാർഥ​ഹൃ​ദ​യ​രായ ആളുകളെ സംബന്ധി​ച്ചി​ട​ത്തോ​ളം ആശങ്കാ​ജ​ന​ക​മാണ്‌. പരിതാ​പ​ക​ര​മായ അനൈ​ക്യം, സഭയിലെ പോരാ​ടി​ക്കൊ​ണ്ടി​രി​ക്കുന്ന വിരു​ദ്ധ​പ​ക്ഷങ്ങൾ തമ്മിലുള്ള അക്രമാ​സ​ക്ത​മായ കൈ​യേ​റ്റങ്ങൾ, ലജ്ജാക​ര​മായ ധാർമിക അപവാ​ദ​ങ്ങ​ളു​ടെ പ്രവാഹം, ആത്മീയ​മാർഗ​നിർദേശം നൽകു​ന്ന​തിൽ “ദൈവ​ത്തി​ന്റെ ഏകസത്യ​സഭ” എന്നു സ്വയം വിശേ​ഷി​പ്പി​ക്കുന്ന ഒരു മതത്തി​നുള്ള പ്രാപ്‌തി​ക്കു​റവ്‌ തുടങ്ങി​യ​വ​യെ​ല്ലാം അനേകം ഗ്രീക്കു​കാ​രെ നിരാ​ശ​രും വിരക്ത​രു​മാ​ക്കി​ക്കൊ​ണ്ടി​രി​ക്കു​ന്നു.

ഈ സ്ഥിതി​വി​ശേ​ഷങ്ങൾ നിമിത്തം സാധാ​ര​ണ​ജ​നങ്ങൾ വിഫല​താ​ബോ​ധ​മു​ള്ള​വ​രും ക്ഷുഭിതർ പോലും ആണ്‌. പ്രമു​ഖ​മായ ഒരു ഗ്രീക്കു​ദി​ന​പ്പ​ത്ര​ത്തിൽ ഒരു സർവക​ലാ​ശാ​ലാ പ്രൊ​ഫസർ ഖേദപൂർവം ഇങ്ങനെ എഴുതി: “അഭൂത​പൂർവ​മായ തീവ്ര​ത​യും ദൈർഘ്യ​വു​മു​ള്ള​തും [സഭയുടെ] അധികാ​രത്തെ ചോദ്യം ചെയ്യു​ന്ന​തും അതി​നോ​ട​നു​ബ​ന്ധി​ച്ചുള്ള സ്ഥാപന​ങ്ങൾക്കു സഹജമാ​യുള്ള മൂല്യ​ത്തി​നു കോട്ടം വരുത്തു​ന്ന​തു​മായ ഒരു പ്രതി​സന്ധി ഗ്രീസി​ലെ സഭയെ പിച്ചി​ച്ചീ​ന്തി​യി​രി​ക്കു​ന്നു. നിർഭാ​ഗ്യ​വ​ശാൽ ആ ക്ഷതം ഇപ്പോ​ഴും നിൽക്കു​ന്നു.”

ഈ അവസ്ഥ വികാസം പ്രാപി​ച്ച​തെ​ങ്ങ​നെ​യാണ്‌? ഗ്രീക്ക്‌ ഓർത്ത​ഡോ​ക്‌സ്‌ സഭക്ക്‌ രാഷ്ട്ര​വു​മാ​യുള്ള അടുപ്പം വാസ്‌ത​വ​ത്തിൽ പ്രയോ​ജ​ന​ക​ര​മാ​ണോ? ഈ സഭാരാ​ഷ്ട്ര​ബ​ന്ധ​ങ്ങ​ളു​ടെ ഭാവി എന്താണ്‌? ക്രിസ്‌തു​വി​ന്റെ, സത്യവും ഏകീകൃ​ത​വു​മായ സഭയ​ന്വേ​ഷി​ക്കു​ന്ന​വർക്കു മുന്നിൽ എന്തു മറുവ​ഴി​യാ​ണു​ള്ളത്‌? നമുക്കു വസ്‌തു​തകൾ പരി​ശോ​ധിച്ച്‌ ഇതേപ്പറ്റി ബൈബി​ളി​നെ​ന്താ​ണു പറയാ​നു​ള്ള​തെന്നു നോക്കാം.

ഒരു അധികാ​ര​വ​ടം​വലി

ഗ്രീസിൽ ഒരു ഏകാധി​പത്യ പട്ടാള​ഭ​രണം നിലവി​ലി​രുന്ന 1967-74 വർഷങ്ങ​ളിൽ, ആ ഭരണകൂ​ടം അതിന്റെ അധികാ​രം സുസ്ഥി​ര​മാ​ക്കാൻ വേണ്ടി ഗ്രീക്ക്‌ ഓർത്ത​ഡോ​ക്‌സ്‌ സഭയുടെ കാര്യ​ങ്ങ​ളിൽ സജീവ​മാ​യി ഇടപെ​ട്ടു​തു​ടങ്ങി. പരിപൂർണ​നി​യ​ന്ത്രണം ഏറ്റെടു​ക്കാ​നുള്ള ശ്രമത്തി​ന്റെ ഭാഗമാ​യി പട്ടാള​ഭ​ര​ണ​കൂ​ടം ഗ്രീക്ക്‌ ഓർത്ത​ഡോ​ക്‌സ്‌ സഭയുടെ പരമോ​ന്നത കാര്യ​നിർവ​ഹ​ണ​സ​മി​തി​യായ, അപ്പോൾ നിലവി​ലി​രുന്ന വിശുദ്ധ സിനഡി​നെ പിരി​ച്ചു​വി​ടു​ക​യും “യോഗ്യ​ത​യു​ടെ അടിസ്ഥാ​ന​ത്തിൽ” എന്ന വ്യാജേന അതി​ന്റേ​തായ മറ്റൊരു സിനഡി​നെ നിയമി​ക്കു​ക​യും ചെയ്‌തു. എന്നാൽ 1974-ൽ ജനാധി​പ​ത്യം പുനഃ​സ്ഥാ​പി​ക്ക​പ്പെ​ട്ട​പ്പോൾ സഭയുടെ കാനോ​നിക ശാസന​സം​ഹി​ത​യ​നു​സ​രിച്ച്‌ അതിന്റെ ഭരണസ​മി​തി വീണ്ടും തിര​ഞ്ഞെ​ടു​ക്ക​പ്പെട്ടു. തത്‌ഫ​ല​മാ​യി, പട്ടാള​ഭ​ര​ണ​കൂ​ട​ത്താൽ നിയമി​ക്ക​പ്പെട്ട സിനഡിൽ അംഗങ്ങ​ളാ​യി​രുന്ന ബിഷപ്പു​മാ​രെ സ്ഥാന​ഭ്ര​ഷ്ട​രാ​ക്കി പുതു​താ​യി തിര​ഞ്ഞെ​ടു​ക്ക​പ്പെ​ട്ടവർ സ്ഥാന​മേറ്റു.

എന്നാൽ 1990-ൽ പാസ്സാ​ക്കിയ ഒരു ഗവൺമെൻറ്‌ ബിൽ, പുറത്താ​ക്ക​പ്പെട്ട ബിഷപ്പു​മാർക്കു മതേതര കോട​തി​ക​ളി​ലും അവസാനം പരമോ​ന്നത ഭരണനിർവഹണ കോട​തി​യായ കൗൺസിൽ ഓഫ്‌ സ്റ്റേറ്റി​ലും അപ്പീൽ കൊടു​ത്തു​കൊണ്ട്‌ തങ്ങളുടെ നഷ്ടപ്പെട്ട സ്ഥാനങ്ങൾ തിരികെ ചോദി​ക്കു​വാ​നുള്ള അവകാശം നൽകി. ആ പുരോ​ഹി​ത​ന്മാ​രിൽ മൂന്നു​പേർ അതുതന്നെ ചെയ്‌തു, അവസാനം അവർ കേസു​ക​ളിൽ വിജയി​ക്കു​ക​യും ചെയ്‌തു. ഇതിന്റെ ഫലമായി, ഇന്ന്‌ ഗ്രീസി​ലെ ഓർത്ത​ഡോ​ക്‌സ്‌ സഭയുടെ മൂന്നു വ്യത്യസ്‌ത അതിരൂ​പ​ത​ക​ളിൽ രണ്ടു ബിഷപ്പു​മാർ വീതമുണ്ട്‌—ഒരു കൂട്ടർ ഗ്രീക്ക്‌ ഓർത്ത​ഡോ​ക്‌സ്‌ സഭയുടെ മാത്രം ഔദ്യോ​ഗിക അംഗീ​കാ​ര​മു​ള്ള​വ​രും മറുകൂ​ട്ടർ കൗൺസിൽ ഓഫ്‌ സ്റ്റേറ്റിന്റെ ഔദ്യോ​ഗിക അംഗീ​കാ​ര​മു​ള്ള​വ​രും.

“പടവെ​ട്ടുന്ന ക്രിസ്‌ത്യാ​നി​കൾ”

മുൻപു പുറത്താ​ക്കി​യി​രുന്ന ബിഷപ്പു​മാർ തങ്ങളുടെ സ്‌ഥാ​നങ്ങൾ തിരികെ നേടി​യെന്നു മാത്രമല്ല, അവർ ഔദ്യോ​ഗി​കസഭ നിയമി​ക്കുന്ന മറ്റു ബിഷപ്പു​മാ​രെ അംഗീ​ക​രി​ക്കാൻ തീരെ വിസമ്മ​തി​ക്കു​ക​യും ചെയ്യുന്നു. ഇതും​കൂ​ടാ​തെ, അവർക്കോ​രോ​രു​ത്തർക്കും “മതഭ്രാ​ന്ത​ന്മാ​രായ”—അങ്ങനെ​യാണ്‌ ഒരു പത്രം അവരെ വർണി​ച്ചത്‌—ഒരു വലിയ​സം​ഘം അനുയാ​യി​ക​ളു​മുണ്ട്‌. തങ്ങളുടെ ബിഷപ്പി​നു​വേണ്ടി ശക്തമായി ശബ്ദമു​യർത്തു​ന്ന​വ​രാ​ണവർ. രാജ്യ​മെ​ങ്ങു​മുള്ള ടെലി​വി​ഷൻ സ്‌ക്രീ​നു​ക​ളിൽ അത്തരം “പടവെ​ട്ടുന്ന ക്രിസ്‌ത്യാ​നി​കളു”ടെ വലിയ കൂട്ടങ്ങൾ പള്ളിക​ളിൽ ബലം പ്രയോ​ഗി​ച്ചു കടക്കു​ന്ന​തും മതവി​ഗ്ര​ഹങ്ങൾ തകർക്കു​ന്ന​തും എതിർപ​ക്ഷ​ങ്ങ​ളി​ലെ പുരോ​ഹി​ത​ന്മാ​രെ​യും അയ്‌മേ​നി​ക​ളെ​യും ആക്രമി​ക്കു​ന്ന​തും പോ​ലെ​യുള്ള അക്രമാ​സ​ക്ത​മായ രംഗങ്ങൾ മിന്നി​മ​റ​ഞ്ഞ​തോ​ടെ ഈ സ്ഥിതി തീവ്ര​വും ചൂടു​പി​ടി​ച്ച​തു​മായ പ്രതി​ക​ര​ണ​ങ്ങൾക്കു തിരി​കൊ​ളു​ത്തി. ഇവയിൽ മിക്ക കേസു​ക​ളി​ലും സമാധാ​നം പുനഃ​സ്ഥാ​പി​ക്കു​ന്ന​തിന്‌, ലഹളകൾ അമർച്ച​ചെ​യ്യാൻ പ്രത്യേക പരിശീ​ലനം സിദ്ധിച്ച പൊലീസ്‌ ഇടപെ​ടേ​ണ്ട​താ​യി വന്നു. 1993 ഒക്‌ടോ​ബർ, നവംബർ എന്നീ മാസങ്ങ​ളിൽ ഏഥൻസി​ന്റെ സമ്പന്ന ഉപനഗ​ര​മായ കിഫി​ഷ്യാ​യി​ലെ പള്ളിക​ളി​ലും പിന്നീട്‌ 1994 ജൂലൈ, ഡിസംബർ എന്നീ മാസങ്ങ​ളിൽ ലറീസ്സ നഗരത്തി​ലും അരങ്ങേ​റിയ അന്ധമായ മതഭ്രാ​ന്തി​ന്റെ വിപ്ലവ​ഗാ​ഥകൾ ഗ്രീസി​ലെ ജനഹൃ​ദ​യ​ങ്ങളെ നടുക്കി​യ​പ്പോൾ, സംഭവങ്ങൾ ഒരു മൂർധ​ന്യ​ദ​ശ​യി​ലെത്തി.

ഏറ്റവും അക്രമാ​സ​ക്ത​മായ ഏറ്റുമു​ട്ട​ലു​കൾ നടന്നത്‌ 1994 ജൂലൈ 28-ാം തീയതി, ലറീസ്സ​യി​ലെ ബിഷപ്പാ​യി വിശുദ്ധ സിനഡി​നാൽ അവരോ​ധി​ക്ക​പ്പെട്ട ഇഗ്നേഷ്യ​സി​ന്റെ സ്ഥാനാ​രോ​ഹണ സമയത്താ​യി​രു​ന്നു. ആദ്യ​പേ​ജിൽ തന്നെ വലിയ അക്ഷരത്തിൽ “ലറീസ്സാ പുതിയ ബിഷപ്പിന്‌ ഒരു യുദ്ധക്ക​ള​മാ​യി മാറുന്നു—ഇരുണ്ട യുഗങ്ങൾ പുനർജ​നി​ച്ചി​രി​ക്കു​ന്നു,” എന്ന തലക്കെ​ട്ടോ​ടെ പുറത്തി​റ​ങ്ങിയ എത്‌നോസ്‌ എന്ന പത്രം ഇങ്ങനെ അഭി​പ്രാ​യ​പ്പെട്ടു: “ഇതിനു യോജി​ക്കുന്ന ഒരേ​യൊ​രു പദമേ​യു​ള്ളൂ: ഇരുണ്ട യുഗങ്ങൾ. തെരു​വു​യു​ദ്ധങ്ങൾ, അക്രമാ​സ​ക്ത​മായ ഏറ്റുമു​ട്ട​ലു​കൾ, ദേഹോ​പ​ദ്ര​വങ്ങൾ എന്നിങ്ങനെ . . . ഇന്നലെ ലറീസ്സ​യിൽ നടന്ന കാര്യ​ങ്ങ​ളെ​യെ​ല്ലാം അല്ലാ​തെ​ങ്ങനെ വർണി​ക്കാൻ കഴിയും?”

ഏതാനും ആഴ്‌ച​കൾക്കു​ശേഷം, “ദീർഘ​നേരം പിന്തു​ടർന്ന​ശേഷം ഇരുമ്പു​വ​ടി​ക​ളും ബാറ്റു​ക​ളും ഉപയോ​ഗിച്ച്‌” എതിരാ​ളി​കൾ ബിഷപ്പ്‌ ഇഗ്നേഷ്യ​സി​ന്റെ കാറിനെ ആക്രമി​ച്ചു. ഒരു ലേഖകൻ ഇങ്ങനെ ആരാഞ്ഞു: “ഈ കൃത്യം ചെയ്‌ത കുറ്റവാ​ളി​കൾ മതഭ്രാ​ന്തു​മൂ​ലം ഭീകര​സം​ഘാം​ഗ​ങ്ങ​ളെ​പ്പോ​ലെ പ്രവർത്തി​ക്കു​ക​യും ജീവഹാ​നി​യു​ണ്ടാ​ക്കി​യേ​ക്കാ​വുന്ന അക്രമ​പ്ര​വർത്ത​ന​ങ്ങ​ളി​ലേർപ്പെ​ടു​ക​യും ചെയ്യു​മ്പോൾ അവർ ക്രിസ്‌തീയ വികാ​ര​ങ്ങ​ളാൽ പ്രചോ​ദി​ത​രാ​യാണ്‌ അതു ചെയ്യു​ന്ന​തെന്ന്‌ അംഗീ​ക​രി​ച്ചു​കൊ​ടു​ക്കാൻ കഴിയു​മോ? . . . ഈ പ്രവർത്ത​നങ്ങൾ പ്രമു​ഖ​രായ സഭാ​നേ​താ​ക്ക​ന്മാർ പ്രോ​ത്സാ​ഹി​പ്പി​ക്കു​ക​യും കണ്ണടച്ചു​വി​ടു​ക​യും ചെയ്യു​ന്ന​വ​കൂ​ടി​യാണ്‌.”

ക്രിസ്‌മസ്‌ കാലത്ത്‌ സ്ഥിതി കൂടുതൽ വഷളായി. 1994 ഡിസംബർ 23-26 തീയതി​ക​ളിൽ ലറീസ്സ​യിൽ നടന്ന വളരെ ക്ഷതങ്ങളു​ണ്ടാ​ക്കിയ സംഭവ​ങ്ങ​ളെ​പ്പറ്റി പറഞ്ഞു​കൊണ്ട്‌ എലെഫ്‌തെ​റോ​ട്ടി​പി​യാ എന്ന പത്രം ഇങ്ങനെ എഴുതി: “ലറീസ്സ​യിൽ അതു ലജ്ജാക​ര​മായ ഒരു ക്രിസ്‌മ​സാ​യി​രു​ന്നു. അവിടെ ദൈർഘ്യ​മേ​റിയ വലിയ സംഘർഷം ഒരിക്കൽക്കൂ​ടി [ആഘോ​ഷത്തെ] വികല​മാ​ക്കി​ക്ക​ളഞ്ഞു. . . . പള്ളിമ​ണി​കൾ ക്രിസ്‌തു​വി​ന്റെ ജനനം വിളി​ച്ചോ​തി​യ​പ്പോൾ ‘തെറ്റു ചെയ്‌ത​വ​രു​ടെ​യും അല്ലാത്ത​വ​രു​ടെ​യും’ ശിരസ്സു​ക​ളിൽ ലാത്തികൾ വന്നു പതിക്കു​ക​യാ​യി​രു​ന്നു. ലറീസ്സ​യി​ലെ വിശുദ്ധ കോൺസ്റ്റ​ന്റൈൻ പള്ളിയ​ങ്ക​ണ​ത്തി​ലെ ക്രിസ്‌മസ്‌ ആശംസ​ക​ളു​ടെ​യും ആശീർവാ​ദ​ങ്ങ​ളു​ടെ​യും സ്‌ഥാനം ലഹളക​ളും ഏറ്റുമു​ട്ട​ലു​ക​ളും ശാപപു​ല​ഭ്യ​ങ്ങ​ളും അറസ്റ്റു​ക​ളും കവർന്നെ​ടു​ത്തു. . . . [ഇഗ്നേഷ്യ​സി​നെ​തി​രെ] നടത്തിയ പ്രകട​നങ്ങൾ നൊടി​യി​ട​ക്കു​ള്ളിൽ വാക്കാ​ലുള്ള ആക്ഷേപ​ങ്ങ​ളാ​യി, പിന്നീട്‌ പൊലീ​സു​മാ​യുള്ള ഏറ്റുമു​ട്ട​ലു​ക​ളും. . . . അവർ പള്ളിയ​ങ്കണം ഒരു യുദ്ധക്ക​ള​മാ​ക്കി മാറ്റി.”

ഇതി​നോ​ടു ജനങ്ങൾ എങ്ങനെ​യാ​ണു പ്രതി​ക​രി​ച്ചത്‌? ഓർത്ത​ഡോ​ക്‌സു​കാ​ര​നായ ഒരാളു​ടെ അഭി​പ്രാ​യം ഇതാണ്‌: “പവി​ത്ര​മായ മതവി​ശേ​ഷ​ദി​വ​സ​ങ്ങ​ളിൽ ഇത്തരം അക്രമ​പ്ര​വർത്ത​നങ്ങൾ നടത്താൻ ക്രിസ്‌ത്യാ​നി​കൾ എന്നവകാ​ശ​പ്പെ​ടു​ന്ന​വർക്ക്‌ എങ്ങനെ തോന്നും എന്നത്‌ എനിക്കു മനസ്സി​ലാ​കു​ന്നില്ല. പള്ളിയിൽ ചെന്നാൽ മർദി​ക്ക​പ്പെ​ടു​മെന്ന അപകട​ക​ര​മായ സ്ഥിതി​യാ​ണു​ള്ള​തെ​ങ്കിൽ എനി​ക്കെ​ങ്ങനെ അവിടെ പോകാൻ കഴിയും?” തികഞ്ഞ മതഭക്ത​യായ ഒരു ഓർത്ത​ഡോ​ക്‌സ്‌ വനിത പറഞ്ഞു: “ഈ സംഭവ​ങ്ങൾക്കെ​ല്ലാം ശേഷം ഇപ്പോൾ പള്ളിയിൽ പോകാൻ എനിക്കു ഭയമാണ്‌.”

ഇതൊ​ന്നും പോരാ​ഞ്ഞി​ട്ടെ​ന്നോ​ണം ഗ്രീക്ക്‌ ഓർത്ത​ഡോ​ക്‌സ്‌ സഭയെ ചുറ്റി​പ്പ​റ്റി​യുള്ള ധാർമിക അപവാ​ദ​ക​ഥകൾ ഒന്നിനു​പു​റകേ ഒന്നായി അനാവ​രണം ചെയ്യ​പ്പെ​ട്ടു​കൊ​ണ്ടി​രി​ക്കു​ന്നു. സ്വവർഗ​ര​തി​ക്കാ​രും ശിശു​ക്കളെ ലൈം​ഗി​ക​ദു​രു​പ​യോ​ഗം ചെയ്യു​ന്ന​വ​രു​മായ പുരോ​ഹി​ത​ന്മാർ, പണം​വെ​ട്ടി​പ്പു​കൾ, പുരാ​വ​സ്‌തു​ക്ക​ളു​ടെ നിയമ​വി​രു​ദ്ധ​മായ വ്യാപാ​രം എന്നിങ്ങനെ പുരോ​ഹി​ത​വർഗ​ത്തി​ലെ ചില അംഗങ്ങ​ളു​ടെ അധഃപ​തി​ക്കുന്ന സാന്മാർഗിക നിലവാ​ര​ങ്ങളെ സംബന്ധി​ച്ചുള്ള വിവരങ്ങൾ മാധ്യ​മങ്ങൾ നിരവധി തവണ വെളി​പ്പെ​ടു​ത്തി​യി​രി​ക്കു​ന്നു. വിലപി​ടി​പ്പുള്ള വിഗ്ര​ഹ​ശേ​ഖ​ര​ങ്ങ​ളും അമൂല്യ​ങ്ങ​ളായ മറ്റു ശില്‌പ​ങ്ങ​ളും യാതൊ​രു നിയ​ന്ത്ര​ണ​ങ്ങ​ളു​മി​ല്ലാ​തെ കൊടു​ക്കൽവാ​ങ്ങ​ലു​കൾ നടത്താൻ പുരോ​ഹി​ത​ന്മാർക്ക്‌ അവകാ​ശ​മു​ള്ള​തു​കൊണ്ട്‌ നിയമ​വി​രു​ദ്ധ​മായ പുരാ​വ​സ്‌തു​വ്യാ​പാ​രം ചെയ്യു​ന്ന​തിന്‌ അവർക്കു യാതൊ​രു തടസ്സവു​മില്ല.

ക്രിസ്‌ത്യാ​നി​കൾ മനുഷ്യ​രു​ടെ അനുഗാ​മി​ക​ളാ​യാൽ അത്‌ “പിണക്ക”ങ്ങളിലും “ഭിന്നത”കളിലും കലാശി​ക്കു​മെ​ന്നു​ള്ള​തു​കൊണ്ട്‌ അവർ അങ്ങനെ​യാ​യി​രി​ക്ക​രുത്‌ എന്ന അപ്പോ​സ്‌ത​ല​നായ പൗലോ​സി​ന്റെ ശക്തമായ പ്രബോ​ധ​ന​ത്തി​ന്റെ എത്ര ഗുരു​ത​ര​മായ ലംഘന​മാണ്‌ ഈ സാഹച​ര്യ​ത്തിൽ നടന്നു​കൊ​ണ്ടി​രി​ക്കു​ന്നത്‌!—1 കൊരി​ന്ത്യർ 1:10-13; 3:1-4.

സഭാ-രാഷ്ട്ര ബന്ധങ്ങൾ—അതിന്റെ ഭാവി എന്താണ്‌?

ഗ്രീക്കു​രാ​ഷ്ട്ര​ത്തി​ന്റെ ആവിർഭാ​വം മുതലി​ങ്ങോട്ട്‌ ഗ്രീക്ക്‌ ഓർത്ത​ഡോ​ക്‌സ്‌ സഭയ്‌ക്കു പരമാ​ധി​കാ​ര​മ​ത​മെന്ന പദവി​യുണ്ട്‌. ഇന്നോളം, ഗ്രീസിൽ സഭാ-രാഷ്ട്ര വ്യത്യാ​സം എന്നൊ​ന്നില്ല. ഭരണഘ​ട​ന​പോ​ലും ഗ്രീക്ക്‌ ഓർത്ത​ഡോ​ക്‌സ്‌ സഭക്ക്‌ ഗ്രീസി​ലെ “പ്രമു​ഖ​മതം” എന്നനി​ല​യിൽ സ്ഥാനം ഉറപ്പാ​ക്കു​ന്നു. അതിന്റെ അർഥം പൊതു​ഭ​രണം, നീതി​ന്യാ​യ​വ്യ​വസ്ഥ, നിയമ​പാ​ലനം, പൊതു​വി​ദ്യാ​ഭ്യാ​സം, എന്നിവ​യുൾപ്പെടെ പൊതു​ജീ​വി​ത​ത്തി​ന്റെ എല്ലാ തുറക​ളി​ലും പ്രാ​യോ​ഗി​ക​മാ​യി സമൂഹ​ത്തി​ന്റെ മറ്റെല്ലാ വശങ്ങളി​ലും​തന്നെ ഗ്രീക്ക്‌ ഓർത്ത​ഡോ​ക്‌സ്‌ സഭ കൈക​ട​ത്തു​ന്നു​വെ​ന്നാണ്‌. എല്ലാ തലങ്ങളി​ലു​മുള്ള സഭയുടെ ഈ സാന്നി​ധ്യം മൂലം ഗ്രീസി​ലെ മതന്യൂ​ന​പ​ക്ഷ​ങ്ങൾക്ക്‌ പീഡന​വും വർണനാ​തീ​ത​മായ ബുദ്ധി​മു​ട്ടു​ക​ളും ഉളവാ​യി​ട്ടുണ്ട്‌. ഭരണഘടന മതസ്വാ​ത​ന്ത്ര്യം വാഗ്‌ദാ​നം ചെയ്യു​ന്നു​ണ്ടെ​ങ്കി​ലും ഒരു മതന്യൂ​ന​പക്ഷം അതിന്റെ അവകാ​ശ​ങ്ങൾക്കു​വേണ്ടി വാദി​ക്കാൻ ശ്രമി​ക്കു​മ്പോ​ഴെ​ല്ലാം, മതപര​മായ പക്ഷഭേദം, മുൻവി​ധി, എതിർപ്പ്‌ എന്നിവ​കൊണ്ട്‌ ഈ സഭാ-രാഷ്ട്ര ബന്ധം നെയ്‌തെ​ടു​ത്തി​രി​ക്കുന്ന അഭേദ്യ​മായ ഒരു നൂലാ​മാ​ല​യിൽ അവർ മിക്ക​പ്പോ​ഴും കുടു​ങ്ങി​പ്പോ​വു​ക​യാ​ണു ചെയ്യാറ്‌.

സമീപ​ഭാ​വി​യിൽതന്നെ ഒരു ഭരണഘ​ട​നാ​പ​രി​ഷ്‌ക​ര​ണ​ത്തി​നു സാധ്യ​ത​യു​ണ്ടെ​ന്നതു തർക്കമറ്റ സംഗതി​യാ​ണെന്നു തോന്നു​ന്നു. അതു​കൊ​ണ്ടു രാഷ്ട്ര​വും സഭയും തമ്മിൽ വേർപെ​ട്ടി​രി​ക്ക​ണ​മെന്ന ശക്തമായ ആവശ്യം ഇപ്പോൾതന്നെ ഉയർന്നു കേൾക്കാൻ തുടങ്ങി​യി​ട്ടുണ്ട്‌. സ്വാധീ​ന​ശ​ക്തി​യുള്ള ഗ്രീക്കു ഭരണഘ​ട​നാ​വി​ദ​ഗ്‌ധ​രും നിരൂ​പ​ക​രും, സഭയും രാഷ്ട്ര​വും തമ്മിലുള്ള ഈ അടുത്ത സഹവാസം നിമി​ത്ത​മു​ണ്ടാ​കുന്ന പ്രശ്‌ന​ങ്ങ​ളി​ലേക്കു ശ്രദ്ധ ക്ഷണിക്കു​ക​യാണ്‌. നിലനിൽക്കുന്ന ഒരേ​യൊ​രു പരിഹാ​ര​മാർഗം ഈ രണ്ട്‌ അസ്‌തി​ത്വ​ങ്ങൾ തമ്മിലുള്ള ബന്ധം നിശ്ശേഷം വേർപെ​ടു​ത്തുക എന്നതാണ്‌ എന്ന്‌ അവർ ചൂണ്ടി​ക്കാ​ട്ടു​ന്നു.

എന്നാൽ അതേസ​മ​യം​തന്നെ, അങ്ങനെ പരി​ച്ഛേദം വേർപെ​ടു​ത്തു​ന്ന​തിൽ തങ്ങൾക്കുള്ള പ്രതി​ഷേധം സഭാ​നേ​താ​ക്ക​ന്മാർ പ്രകടി​പ്പി​ക്കു​ന്നു​മുണ്ട്‌. സഭാ-രാഷ്ട്ര ബന്ധങ്ങളി​ലു​ണ്ടാ​കുന്ന അത്തര​മൊ​രു വികാ​സ​ത്താൽ പ്രതി​കൂ​ല​മാ​യി ബാധി​ക്ക​പ്പെ​ട്ടേ​ക്കാ​വുന്ന വികാ​ര​പ​ര​മായ ഒരു പ്രശ്‌ന​ത്തെ​പ്പറ്റി ലഘുവാ​യി പരാമർശി​ച്ചു​കൊണ്ട്‌ ഒരു ഓർത്ത​ഡോ​ക്‌സ്‌ ബിഷപ്പ്‌ എഴുതി: “ഇതിന്റെ അനന്തര​ഫ​ല​മെ​ന്ന​വണ്ണം, ഗവൺമെൻറ്‌ പുരോ​ഹി​ത​ന്മാ​രു​ടെ ശമ്പളം നിർത്ത​ലാ​ക്കു​മോ? . . . അങ്ങനെ​യാ​ണെ​ങ്കിൽ അനേകം ഇടവക​ക​ളിൽ പുരോ​ഹി​ത​ന്മാ​രി​ല്ലാ​തെ വന്നേക്കാം.”—മത്തായി 6:33 താരത​മ്യം ചെയ്യുക.

ഗ്രീസിൽ സഭയും രാഷ്ട്ര​വും തമ്മിലുള്ള ഈ അടുത്ത ബന്ധത്തിന്റെ മറ്റൊരു ഫലം ഇതാണ്‌: ഗ്രീസി​നു കടപ്പാ​ടുള്ള യൂറോ​പ്യൻ യൂണി​യ​നി​ലെ ചട്ടങ്ങൾ, യൂറോ​പ്യൻ മനുഷ്യാ​വ​കാശ കരാറി​ലെ വ്യവസ്ഥകൾ എന്നിവക്കു കടകവി​രു​ദ്ധ​മാ​യി, ഓരോ ഗ്രീക്കു പൗരനും അവരവ​രു​ടെ വ്യക്തി​പ​ര​മായ ഐഡൻറി​റ്റി കാർഡു​ക​ളിൽ താൻ ഏതു മതത്തിലെ അംഗമാണ്‌ എന്നുള്ള​തു​കൂ​ടി കാണി​ച്ചി​രി​ക്കണം എന്നു ഗ്രീക്കു​നി​യമം അനുശാ​സി​ക്കു​ന്നു. ഇതുമൂ​ലം ന്യൂനപക്ഷ മതവി​ഭാ​ഗ​ങ്ങ​ളി​ലെ അംഗങ്ങൾ സാധാ​ര​ണ​മാ​യി പലപ്പോ​ഴും വിവേ​ച​ന​ത്തി​നി​ര​യാ​കാ​റു​ള്ള​തു​കൊ​ണ്ടു തുറന്ന മനഃസ്ഥി​തി​ക്കാ​രായ ആളുകൾ ഇതിനെ ശക്തമായി എതിർക്കു​ന്നു. ഒരു എഴുത്തു​കാ​രൻ ഇങ്ങനെ പ്രസ്‌താ​വി​ച്ചു: “ഒരു ന്യൂനപക്ഷ മതവി​ഭാ​ഗ​ത്തി​നു മതസ്വാ​ത​ന്ത്ര്യ​ത്തോ​ടെ പ്രവർത്തി​ക്കാൻ കഴി​യേ​ണ്ട​തിന്‌ അവർക്കു​ണ്ടാ​യി​രി​ക്കേണ്ട അവകാ​ശ​ങ്ങ​ളു​ടെ കാര്യം വരു​മ്പോൾ ഈ വസ്‌തു​ത​യ്‌ക്ക്‌ ഒരു വിപരീ​ത​ഫ​ല​മു​ണ്ടാ​യി​രി​ക്കാൻ കഴിയും.” ടാനിയാ എന്ന പത്രം അഭി​പ്രാ​യ​പ്പെ​ട്ട​തി​ങ്ങ​നെ​യാണ്‌: “വ്യക്തികൾ തങ്ങളുടെ ഐഡൻറി​റ്റി കാർഡു​ക​ളിൽ മതം രേഖ​പ്പെ​ടു​ത്ത​ണ​മെന്ന നിബന്ധന പോ​ലെ​യുള്ള കാര്യ​ങ്ങ​ളിൽ സഭയുടെ മേലാളർ മനോ​ഭാ​വ​ങ്ങ​ളെ​യും അതിന്റെ പ്രതി​ക​ര​ണ​ങ്ങ​ളെ​യും ഗണ്യമാ​ക്കാ​തെ വേണം ഗവൺമെൻറ്‌ തീരു​മാ​ന​ങ്ങ​ളെ​ടു​ക്കാ​നും നിയമങ്ങൾ പാസ്സാ​ക്കാ​നും.”

ഇത്തര​മൊ​രു വേർപെ​ട​ലി​ന്റെ അത്യാ​വ​ശ്യ​ത്തെ എടുത്തു​കാ​ണി​ച്ചു​കൊണ്ട്‌ ഒരു ഭരണഘ​ടനാ നിയമ പ്രൊ​ഫ​സ​റും യൂറോ​പ്യൻ പാർല​മെൻറി​ലെ ഒരംഗ​വു​മായ ദിമി​ത്രിസ്‌ റ്റ്‌സാ​റ്റ്‌സോസ്‌ ഈ പ്രസ്‌താ​വന നടത്തി: “[ഗ്രീസി​ലെ] സഭ സാമൂ​ഹി​ക​വും, രാഷ്ട്രീ​യ​വും വിദ്യാ​ഭ്യാ​സ​പ​ര​വു​മായ ജീവി​ത​ത്തിൽ ആധിപ​ത്യം നടത്തു​ന്നത്‌ അവസാ​നി​പ്പി​ക്കണം. ഗ്രീക്ക്‌ സഭയുടെ ഇപ്പോ​ഴത്തെ പ്രവർത്ത​ന​രീ​തി അടിച്ച​മർത്തും വിധമാണ്‌. നമ്മുടെ വിദ്യാ​ഭ്യാ​സ​വ്യ​വ​സ്ഥ​യെ​യും സമൂഹ​ത്തെ​യും വാഴു​ന്നത്‌ ഒരു സ്വേച്ഛാ​ധി​പ​തി​യാണ്‌.” ഇതേ പ്രൊ​ഫസർ തന്നെ മറ്റൊ​ര​ഭി​മു​ഖ​ത്തിൽ ഇങ്ങനെ പറഞ്ഞു: “ഗ്രീസിൽ സഭക്ക്‌ ഭീതി​ജ​ന​ക​മായ ശക്തിയുണ്ട്‌. നിർഭാ​ഗ്യ​വ​ശാൽ അത്‌ അയവി​ല്ലാത്ത യാഥാ​സ്ഥി​തി​ക​ത്വം എന്ന അതിന്റെ സ്വാഭാ​വിക പ്രവർത്ത​ന​മ​ണ്ഡ​ല​ത്തിൽ ഒതുങ്ങി​നിൽക്കു​ന്നില്ല. മറിച്ച്‌, ഗ്രീക്കു സമൂഹ​ത്തി​ലെ സ്വത​ന്ത്ര​മ​ണ്ഡ​ല​ത്തിൽ പോലും അതു നുഴഞ്ഞു​ക​ട​ന്നി​രി​ക്കു​ന്നു. സഭയും രാഷ്ട്ര​വും തമ്മിലുള്ള ബന്ധം വേർപെ​ടു​ത്താൻ ഞാൻ വ്യക്തി​പ​ര​മാ​യി ആവശ്യ​പ്പെ​ടു​ന്നു. ഗ്രീക്ക്‌ ഓർത്ത​ഡോ​ക്‌സ്‌ സഭക്കാർ ഗ്രീസി​ലെ മറ്റു മതാനു​സാ​രി​ക​ളു​ടെ അതേ നിലവാ​രം തങ്ങൾക്കും കൽപ്പി​ക്കാ​നും അവരോ​ടു സമാന​രാ​യി സ്വയം കരുതാ​നും ഞാൻ ആവശ്യ​പ്പെ​ടു​ന്നു.”

യഥാർഥ ക്രിസ്‌ത്യാ​നി​കൾ ഏകീകൃ​തർ

ഗ്രീക്ക്‌ ഓർത്ത​ഡോ​ക്‌സ്‌ സഭയിൽ യഥാർഥ ക്രിസ്‌ത്യാ​നി​ത്വ​ത്തി​ന്റെ അടയാളം കണ്ടെത്തുക എന്നതു തികച്ചും വിഷമം​പി​ടിച്ച സംഗതി​യാണ്‌. പിളർപ്പു​ക​ളോ വിവിധ വിഭാ​ഗ​ങ്ങ​ളോ ക്രിസ്‌ത്യാ​നി​ത്വ​ത്തിൽ ഉടലെ​ടു​ക്ക​ണ​മെന്ന ഉദ്ദേശ്യം യേശു​വി​നു​ണ്ടാ​യി​രു​ന്നില്ല. തന്റെ പിതാ​വി​നോ​ടു പ്രാർഥി​ച്ച​പ്പോൾ അവൻ തന്റെ ശിഷ്യ​ന്മാർ “എല്ലാവ​രും ഒന്നാ”യിരി​ക്കാൻ വേണ്ടി പ്രാർഥി​ച്ചു. (യോഹ​ന്നാൻ 17:21) ഈ ശിഷ്യ​ന്മാർക്ക്‌ ‘തമ്മിൽ തമ്മിൽ സ്‌നേഹം ഉണ്ടാ’യിരി​ക്ക​ണ​മാ​യി​രു​ന്നു, ഈ സ്‌നേ​ഹ​മാ​ണു ക്രിസ്‌തു​വി​ന്റെ യഥാർഥ അനുഗാ​മി​കളെ തിരി​ച്ച​റി​യി​ക്കുന്ന അടയാളം.—യോഹ​ന്നാൻ 13:35.

ഐക്യം ഗ്രീക്ക്‌ ഓർത്ത​ഡോ​ക്‌സ്‌ സഭയെ വിട്ടു​പോ​യി​രി​ക്കു​ന്ന​താ​യി തോന്നു​ന്നു. എന്നാൽ ഇത്‌ ഇന്നത്തെ സംഘടിത മതസമൂ​ഹ​ത്തിൽ ഒരപൂർവ സംഗതി​യൊ​ന്നു​മല്ല. മറിച്ച്‌, ഇതു ക്രൈ​സ്‌ത​വ​മ​ണ്ഡ​ല​ത്തി​ലെ മതങ്ങളെ ബാധി​ച്ചി​രി​ക്കുന്ന വിഭാ​ഗീ​യ​ത​കൾക്കു പ്രാതി​നി​ധ്യം വഹിക്കു​ന്നു.

ആത്മാർഥ​രാ​യ ദൈവ​സ്‌നേ​ഹി​കൾ ഈ ഖേദക​ര​മായ സ്ഥിതി​വി​ശേ​ഷത്തെ അപ്പോ​സ്‌ത​ല​നായ പൗലോസ്‌ 1 കൊരി​ന്ത്യർ 1:10-ൽ സത്യ​ക്രി​സ്‌ത്യാ​നി​ക​ളോ​ടു പറയുന്ന വാക്കു​ക​ളു​മാ​യി പൊരു​ത്ത​പ്പെ​ടു​ത്താൻ പ്രയാ​സ​പ്പെ​ടു​ന്നു. “സഹോ​ദ​ര​ന്മാ​രേ, നിങ്ങൾ എല്ലാവ​രും ഒന്നു തന്നേ സംസാ​രി​ക്കു​ക​യും നിങ്ങളു​ടെ ഇടയിൽ ഭിന്നത ഭവിക്കാ​തെ ഏകമന​സ്സി​ലും ഏകാഭി​പ്രാ​യ​ത്തി​ലും യോജി​ച്ചി​രി​ക്കു​ക​യും വേണം എന്നു ഞാൻ നിങ്ങളെ നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമം ചൊല്ലി പ്രബോ​ധി​പ്പി​ക്കു​ന്നു.”

അതേ, യേശു​വി​ന്റെ യഥാർഥ അനുഗാ​മി​കൾ തങ്ങളു​ടെ​യി​ട​യിൽ അഭേദ്യ​മായ ഐക്യം ആസ്വദി​ക്കു​ന്നു. അവർ ക്രിസ്‌തീ​യ​സ്‌നേ​ഹ​ബ​ന്ധ​ത്താൽ കോർത്തി​ണ​ക്ക​പ്പെ​ട്ടി​രി​ക്കു​ന്ന​തി​നാൽ, അവർക്കി​ട​യിൽ രാഷ്ട്രീ​യ​മോ വിഭാ​ഗീ​യ​മോ ആദർശ​പ​ര​മോ ആയ യാതൊ​രു വ്യത്യാ​സ​ങ്ങ​ളും ഇല്ല. എല്ലാവർക്കും തന്റെ അനുഗാ​മി​കളെ “അവരുടെ ഫലങ്ങളാൽ” അഥവാ പ്രവർത്ത​ന​ങ്ങ​ളാൽ തിരി​ച്ച​റി​യാൻ കഴിയു​മെന്ന്‌ യേശു വ്യക്തമാ​യി വിശദീ​ക​രി​ച്ചു. (മത്തായി 7:16) ഗ്രീസി​ലും ലോകത്തു മറ്റെല്ലാ​യി​ട​ത്തും യഥാർഥ ക്രിസ്‌തീയ ഐക്യം ആസ്വദി​ക്കുന്ന യഹോ​വ​യു​ടെ സാക്ഷി​ക​ളു​ടെ “ഫലങ്ങളെ”പ്പറ്റി അന്വേ​ഷണം നടത്താൻ ഈ മാസി​ക​യു​ടെ പ്രസാ​ധകർ നിങ്ങളെ ക്ഷണിക്കു​ക​യാണ്‌.

[18-ാം പേജിലെ ചിത്രം]

പുരോഹിതന്മാർ പൊലീ​സു​മാ​യി ഏറ്റുമു​ട്ടി

[15-ാം പേജിലെ ചിത്ര​ത്തിന്‌ കടപ്പാട്‌]

From the book The Pictorial History of the World