വായനാ​വി​മു​ഖ​ത​യ്‌ക്കെ​തി​രെ ജാഗ്ര​ത​പു​ലർത്തുക

ഒരു പുതി​യ​തരം വായനാ പ്രശ്‌നം നമ്മുടെ ലോകത്തെ വീശി​യ​ടി​ച്ചു കൊണ്ടി​രി​ക്കു​ന്നു. ഇതു വായനാ​വി​മു​ഖ​ത​യെന്നു വിളി​ക്ക​പ്പെ​ടു​ന്നു. “വായി​ക്കാൻ കഴിവു​ണ്ടാ​യി​രി​ക്കു​ന്ന​തും എന്നാൽ അങ്ങനെ ചെയ്യു​ന്ന​തിൽ താത്‌പ​ര്യ​മി​ല്ലാ​ത്ത​തു​മായ ഒരു ഗുണം അഥവാ അവസ്ഥ”a എന്ന്‌ ഇതു നിർവ​ചി​ക്ക​പ്പെ​ടു​ന്നു. (Merriam-Webster’s Collegiate Dictionary, Tenth Edition) ഉവ്വ്‌, ഒരിക്കൽ ഒരനു​ഭൂ​തി​യാ​യി കണ്ടിരുന്ന വായന ഇപ്പോൾ മിക്ക​പ്പോ​ഴും ഒരു നിസ്സാ​ര​ജോ​ലി എന്നനി​ല​യിൽ നിരാ​ക​രി​ക്ക​പ്പെ​ടു​ന്നു. “വായി​ക്കാ​നാ​യി നിങ്ങൾ പ്രയത്‌നി​ക്കേ​ണ്ട​തു​ണ്ടെ”ന്ന്‌ ഒരു പന്ത്രണ്ടു വയസ്സു​കാ​രി പെൺകു​ട്ടി പരാതി​പ്പെട്ടു, “അതു തമാശ​യു​മല്ല.”

അനേകം പ്രായ​പൂർത്തി​യാ​യ​വ​രും വായനാ​വി​മു​ഖ​രാണ്‌. ഐക്യ​നാ​ടു​കൾ, ഉദാഹ​ര​ണ​ത്തിന്‌, ഒരു 97 ശതമാനം സാക്ഷരതാ നിരക്ക്‌ ഉള്ളതായി വീമ്പി​ള​ക്കു​ന്നു; എന്നുവ​രി​കി​ലും, പ്രായ​പൂർത്തി​യായ അമേരി​ക്ക​ക്കാ​രിൽ പകുതി​യോ​ളം പുസ്‌ത​ക​ങ്ങ​ളോ മാസി​ക​ക​ളോ വായി​ക്കു​ന്നില്ല. വ്യക്തമാ​യും, വായനാ​പ്രാ​പ്‌തി എല്ലായ്‌പോ​ഴും വായി​ക്കാ​നുള്ള ആഗ്രഹ​ത്തോ​ടു യോജി​ക്കു​ന്നില്ല. അഭ്യസ്‌ത​വി​ദ്യ​രായ ആളുകൾക്കി​ട​യിൽപ്പോ​ലും ഇതു സത്യമാണ്‌. ഒരു ഹാർവാഡ്‌ സർവക​ലാ​ശാ​ലാ ബിരു​ദ​ധാ​രി പറയുന്നു, “ഒരു ദിവസത്തെ കഠിനാ​ധ്വാ​നം കഴിഞ്ഞു ഞാൻ വീട്ടിൽ വരു​മ്പോൾ ഒരു പുസ്‌തകം എടുക്കു​ന്ന​തി​നു​പ​കരം ഞാൻ ടിവി ഓൺ ചെയ്യുന്നു. അത്‌ എളുപ്പ​മാണ്‌.”

വായന​യ്‌ക്ക്‌ എന്തു സംഭവി​ച്ചി​രി​ക്കു​ന്നു? സമീപ ദശകങ്ങ​ളിൽ വശ്യത​യാർന്ന മാധ്യ​മങ്ങൾ വന്നതോ​ടെ അതിന്റെ ജനസമ്മതി താഴോ​ട്ടാ​യി. “ഇപ്പോൾ നമുക്ക്‌ എംടിവി ഉണ്ട്‌. കൂടാതെ നമ്മുടെ വിസി​ആ​റും നിൻറ്റെൻഡോ​യും വാക്‌മാ​നും. ക്ലേശക​ര​മാ​യി ഒരു പുസ്‌തകം വായി​ക്കു​ന്നതു തിരക്കു കുറഞ്ഞ സമയത്ത്‌ അങ്ങനെ ചെയ്യു​ന്ന​തി​നോ​ളം എളുപ്പ​മാ​ണെന്നു തോന്നു​ന്നില്ല” എന്ന്‌ ഫോർച്ച്യൂൺ മാഗസി​നിൽ സ്‌ട്രാ​റ്റ്‌ഫാഡ്‌ പി. ഷെർമാൻ എഴുതു​ന്നു. ഒരുപക്ഷേ വായന​യു​ടെ സമയത്തെ കാർന്നു​തി​ന്നുന്ന മുഖ്യ പ്രതി​യോ​ഗി ടെലി​വി​ഷ​നാണ്‌. നിശ്ചയ​മാ​യും, 65 വയസ്സാ​കു​ന്ന​തോ​ടെ ഒരു ശരാശരി അമേരി​ക്ക​ക്കാ​രൻ തന്റെ ജീവി​ത​ത്തി​ന്റെ ഒൻപതു വർഷങ്ങൾ ടിവി വീക്ഷി​ക്കു​ന്ന​തി​നു ചെലവ​ഴി​ച്ചി​ട്ടു​ണ്ടാ​വും!

വായന​യു​ടെ പ്രതി​ഫ​ലങ്ങൾ ടെലി​വി​ഷ​നു​വേണ്ടി ഇത്ര കൂടെ​ക്കൂ​ടെ ബലിക​ഴി​ക്ക​പ്പെ​ടു​ന്ന​തി​നാൽ, പിൻവ​രു​ന്നതു പരിഗ​ണി​ക്കു​ന്നത്‌ ഉചിത​മാ​യി​രി​ക്കും.

വായന​യു​ടെ പ്രയോ​ജ​ന​ങ്ങൾ

വായന ചിന്താ​പ്രാ​പ്‌തി​യെ ഉത്തേജി​പ്പി​ക്കു​ന്നു. നിങ്ങളു​ടെ ചിന്ത നിങ്ങൾക്കു​വേണ്ടി ടെലി​വി​ഷൻ ചെയ്യുന്നു. മുഖഭാ​വങ്ങൾ, ശബ്ദവ്യ​തി​യാ​നങ്ങൾ, ദൃശ്യം ഇവയെ​ല്ലാം വ്യക്തമാ​ക്ക​പ്പെ​ടു​ന്നു.

എന്നിരു​ന്നാ​ലും, വായന​യോ​ടു​കൂ​ടി നിങ്ങൾ അഭി​നേ​താ​ക്കളെ തിര​ഞ്ഞെ​ടു​ക്കു​ന്നു, സ്റ്റേജ്‌ ശരിയാ​ക്കു​ന്നു. അഭിന​യ​ത്തി​നു നേതൃ​ത്വം കൊടു​ക്കു​ക​യും ചെയ്യുന്നു. “നിങ്ങൾക്കു വളരെ​യ​ധി​കം സ്വാത​ന്ത്ര്യ​മുണ്ട്‌” ഒരു 10 വയസ്സുള്ള ആൺകുട്ടി പറയുന്നു. “നിങ്ങൾ വീക്ഷി​ക്കാ​നാ​ഗ്ര​ഹി​ക്കുന്ന വിധത്തിൽത്തന്നെ നിങ്ങൾക്ക്‌ ഓരോ കഥാപാ​ത്ര​ത്തെ​യും വീക്ഷി​ക്കാൻ കഴിയും. നിങ്ങൾ ടിവി​യിൽ എന്തെങ്കി​ലും കാണു​ന്ന​തി​നെ​ക്കാ​ള​ധി​ക​മാ​യി ഒരു പുസ്‌തകം വായി​ക്കു​മ്പോൾ നിങ്ങൾക്കു കാര്യങ്ങൾ സംബന്ധി​ച്ചു കൂടുതൽ നിയ​ന്ത്ര​ണ​മുണ്ട്‌. ഡോ. ബ്രൂണോ ബെറ്റിൽഹൈം നിരീ​ക്ഷി​ച്ച​പ്ര​കാ​രം “ടെലി​വി​ഷൻ ഭാവനയെ പിടി​ച്ചെ​ടു​ക്കു​ന്നു. പക്ഷേ അതിനെ സ്വത​ന്ത്ര​മാ​ക്കു​ന്നില്ല. ഒരു നല്ല പുസ്‌തകം പെട്ടെ​ന്നു​തന്നെ മനസ്സിനെ ഉത്തേജി​പ്പി​ക്കു​ക​യും സ്വത​ന്ത്ര​മാ​ക്കു​ക​യും ചെയ്യുന്നു.”

വായന വാക്‌ചാ​തു​ര്യ​ത്തെ വികസി​പ്പി​ക്കു​ന്നു. “കൂടു​ത​ലാ​യി ടെലി​വി​ഷൻ വീക്ഷി​ക്കു​ന്ന​തി​നാൽ യാതൊ​രു കുട്ടി​യോ മുതിർന്ന​വ​നോ മെച്ച​പ്പെ​ടു​ന്നില്ല” എന്ന്‌ മസാച്ചു​സെ​റ്റ്‌സ്‌ യൂണി​വേ​ഴ്‌സി​റ്റി​യി​ലെ റെജി​നാൾഡ്‌ ഡാമ​റോൾ കുറി​ക്കൊ​ള്ളു​ന്നു. “തീരെ പ്രാഥ​മി​ക​മായ കഴിവു​കളേ ടെലി​വി​ഷൻ കാണു​ന്ന​തി​നു വേണ്ടൂ. അതിൽക്കൂ​ടു​തൽ കഴിവു​ക​ളി​ല്ലെ​ങ്കിൽ ടെലി​വി​ഷൻ കാണാൻ പറ്റാതാ​വു​മെ​ന്ന​തി​നെ​ക്കു​റി​ച്ചു നാം കേട്ടി​ട്ടേ​യില്ല.”

ഇതിനു വിപരീ​ത​മാ​യി, വായന വാക്‌ചാ​തു​ര്യം ആവശ്യ​മാ​ക്കി​ത്തീർക്കു​ക​യും അവയെ വികസി​പ്പി​ക്കു​ക​യും ചെയ്യുന്നു. അത്‌ എഴുത്തും സംസാ​ര​വു​മാ​യി അഭേദ്യ​മാ​യി ബന്ധപ്പെ​ട്ടി​രി​ക്കു​ന്നു. ഒരു ഹൈസ്‌കൂൾ ഇംഗ്ലീഷ്‌ അധ്യാ​പകൻ ഇപ്രകാ​രം പറയുന്നു: “ഒരു വിദ്യാർഥി​യെന്ന നിലയിൽ നിങ്ങളു​ടെ വിജയം അത്യധി​ക​മാ​യി നിങ്ങളു​ടെ പദസഞ്ച​യത്തെ ആശ്രയി​ച്ചി​രി​ക്കു​ന്നു​വെ​ന്ന​തി​നു തർക്കമില്ല, വായി​ക്കു​മ്പോൾ നിങ്ങൾക്ക്‌ എന്തു മനസ്സി​ലാ​ക്കാൻ കഴിയു​ന്നു​വെ​ന്ന​തി​ലും എഴുതു​മ്പോൾ നിങ്ങൾ എങ്ങനെ ന്യായ​വാ​ദം ചെയ്യു​ന്നു​വെ​ന്ന​തി​ലും അങ്ങനെ​ത​ന്നെ​യാണ്‌. മാത്ര​വു​മല്ല ഒരു നല്ല പദസഞ്ചയം പടുത്തു​യർത്താൻ വായന​യൊ​ഴി​കെ മറ്റു മാർഗ​മില്ല—യാതൊ​ന്നു​മില്ല.”

വായന സഹിഷ്‌ണു​തയെ അഭിവൃ​ദ്ധി​പ്പെ​ടു​ത്തു​ന്നു. താൻ എന്തു കണ്ടു​കൊ​ണ്ടി​രി​ക്കു​ന്നു​വെ​ന്ന​തി​ലേക്കു മടങ്ങി​വ​രാൻ നിരീ​ക്ഷ​കന്‌ അല്‌പ​സ​മ​യം​പോ​ലും കൊടു​ക്കാ​തെ ഒരൊറ്റ മണിക്കൂ​റിൽ മാത്രം ടിവി സ്‌ക്രീ​നി​നു കുറുകെ ആയിര​ത്തി​ല​ധി​കം രൂപങ്ങൾ മിന്നി മറഞ്ഞേ​ക്കാം. “ഈ വിദ്യ അക്ഷരാർഥ​ത്തിൽ ശ്രദ്ധ​കേ​ന്ദ്രീ​ക​രി​ക്കാൻ കഴിയുന്ന കാലയ​ള​വി​നെ ഹ്രസ്വ​മാ​ക്കു​ന്ന​തി​നു കാരണ​മാ​കു​ന്നു”വെന്നു ഡോ. മാത്യു ഡൂമോൺട്‌ പറയുന്നു. കുട്ടി​ക​ളു​ടേ​യും പ്രായ​പൂർത്തി​യാ​യ​വ​രു​ടേ​യും സംഗതി​യിൽ, ചില പഠനങ്ങൾ അമിത​മായ ടിവി വീക്ഷി​ക്ക​ലി​നെ സാഹസി​ക​മായ തീരു​മാ​ന​മെ​ടു​ക്ക​ലി​നോ​ടും അസ്വസ്ഥ​ത​യോ​ടും ബന്ധിപ്പി​ക്കു​ന്നു​വെ​ന്നത്‌ അതിശ​യമല്ല.

വായന സഹിഷ്‌ണുത ആവശ്യ​മാ​ക്കി​ത്തീർക്കു​ന്നു. “വാചകങ്ങൾ, ഖണ്ഡികകൾ പിന്നെ സാവധാ​ന​ത്തി​ലും ക്രമത്തി​ലും തുറക്ക​പ്പെ​ടുന്ന പേജുകൾ, ഇതി​നെ​ല്ലാം സഹജജ്ഞാ​നമല്ല മറിച്ച്‌ യുക്തി​യാ​ണാ​വ​ശ്യം,” വാർത്താ​വി​നി​മയ വിദഗ്‌ധ​നായ നീൽ പോസ്റ്റ്‌മാൻ എഴുതു​ന്നു. തന്റെ സ്വന്തം നിലയിൽനി​ന്നു വായന​ക്കാ​രൻ വ്യാഖ്യാ​നി​ക്ക​യും മൂല്യ​നിർണയം നടത്തു​ക​യും പേജി​ലു​ള്ള​തി​നെ പ്രതി​ഫ​ലി​പ്പി​ക്കു​ക​യും വേണം. വായന സഹിഷ്‌ണുത ആവശ്യ​പ്പെ​ടു​ക​യും വികസി​പ്പി​ക്കു​ക​യും ചെയ്യുന്ന ഒരു സങ്കീർണ​മായ ഗൂഢാ​ക്ഷ​ര​വ്യാ​ഖ്യാ​ന പ്രക്രി​യ​യാണ്‌.

ഒരു സന്തുലിത വീക്ഷണം

വായന​യ്‌ക്കു പ്രയോ​ജ​ന​ങ്ങ​ളു​ണ്ടെ​ന്നു​വ​രി​കി​ലും, ടെലി​വി​ഷ​നും അതി​ന്റേ​തായ മേൻമ​ക​ളു​ണ്ടെ​ന്നു​ള്ളത്‌ അംഗീ​ക​രി​ക്കണം. ചില തരത്തി​ലുള്ള വിവര​മെ​ത്തി​ച്ചു കൊടു​ക്കു​ന്ന​തിൽ അതിനു വായനയെ പിമ്പി​ലാ​ക്കാൻ കഴിയും.b ഒരു ആകർഷ​ണീ​യ​മായ ടിവി അവതര​ണ​ത്തിന്‌ വായന​യി​ലുള്ള താത്‌പ​ര്യ​ത്തെ ഉത്തേജി​പ്പി​ക്കാൻപോ​ലും കഴിയും. “കുട്ടി​കൾക്കു​വേ​ണ്ടി​യുള്ള സാഹി​ത്യ​ത്തെ​യും ശാസ്‌ത്ര​ത്തെ​യും ചിത്രീ​ക​രി​ക്കുന്ന ടിവി പരിപാ​ടി​കൾ അവയെ​ക്കു​റി​ച്ചും അവയോ​ടു ബന്ധപ്പെട്ട വിഷയ​ങ്ങ​ളെ​ക്കു​റി​ച്ചു​മുള്ള പുസ്‌ത​കങ്ങൾ അന്വേ​ഷി​ച്ചു കണ്ടുപി​ടി​ക്കു​ന്ന​തിന്‌ അവരെ സ്വാധീ​നി​ക്കു​ന്നു​വെന്നു റിപ്പോർട്ടു​ചെ​യ്യ​പ്പെ​ട്ടി​ട്ടുണ്ട്‌” എന്ന്‌ ദി എൻ​സൈ​ക്ലോ​പീ​ഡിയ അമേരി​ക്കാ​നാ പറയുന്നു.

ഒരു സന്തുലിത വീക്ഷണം അത്യാ​വ​ശ്യ​മാണ്‌. അച്ചടിച്ച പേജും ടെലി​വി​ഷ​നും രണ്ടു വ്യത്യസ്‌ത മാധ്യ​മ​ങ്ങ​ളാണ്‌. ഓരോ​ന്നി​ലും അന്തർലീ​ന​മാ​യി​രി​ക്കുന്ന മേന്മയും പരിമി​തി​ക​ളു​മുണ്ട്‌. ഓരോ​ന്നി​നെ​യും ഉപയോ​ഗ​പ്പെ​ടു​ത്താ​നോ ദുരു​പ​യോ​ഗ​പ്പെ​ടു​ത്താ​നോ കഴിയും. ഉവ്വ്‌, ഒരുവനെ ഒറ്റപ്പെ​ടു​ത്തുന്ന പരിധി​വ​രെ​യുള്ള അമിത​മായ വായന അമിത​മാ​യി ടിവി വീക്ഷി​ക്കുന്ന അത്ര​ത്തോ​ളം​തന്നെ ഹാനി​ക​ര​മാ​യി​രി​ക്കാൻ കഴിയും.—സദൃശ​വാ​ക്യ​ങ്ങൾ 18:1; സഭാ​പ്ര​സം​ഗി 12:12.

എന്നുവ​രി​കി​ലും, ദൃശ്യ​വി​നോ​ദ​ത്തി​ന്റെ കാര്യം വരു​മ്പോൾ വായന പലപ്പോ​ഴും നിസ്സാ​ര​മാ​ക്ക​പ്പെ​ടു​ന്നു. “നാം വായന​ക്കാ​രു​ടെ ഒരു സംസ്‌കാ​ര​ത്തിൽനി​ന്നു നിരീ​ക്ഷ​ക​രു​ടെ സംസ്‌കാ​ര​ത്തി​ലേക്കു നീങ്ങി​ക്കൊ​ണ്ടി​രി​ക്കു​ന്നു”വെന്ന്‌ ഒരു ജാപ്പനീസ്‌ പത്രറി​പ്പോർട്ടർ വിലപി​ക്കു​ന്നു. ഇതു യുവജ​ന​ങ്ങ​ളു​ടെ​യി​ട​യിൽ പ്രത്യേ​കി​ച്ചും ശ്രദ്ധേ​യ​മാണ്‌. തത്‌ഫ​ല​മാ​യി, അവരി​ല​നേകർ വായനാ​വി​മു​ഖ​രാ​യി വളർന്നു​വ​രി​ക​യും പിന്നീടു ഭവിഷ്യ​ത്തു​ക​ള​നു​ഭ​വി​ക്കു​ക​യും ചെയ്യുന്നു. അതു​കൊണ്ട്‌ വായി​ക്കാ​നുള്ള ആഗ്രഹം കുട്ടി​ക​ളിൽ വികസി​പ്പി​ച്ചെ​ടു​ക്കാൻ മാതാ​പി​താ​ക്കൾക്ക്‌ എങ്ങനെ സഹായി​ക്കാൻ കഴിയും?

മാതാ​പി​താ​ക്കൾക്കു സഹായി​ക്കാൻ കഴിയുന്ന വിധം

മാതൃക വെക്കുക. “നല്ല വായന​ക്കാ​രെ എപ്രകാ​രം വളർത്തി​ക്കൊ​ണ്ടു​വ​രാം” എന്ന തലക്കെ​ട്ടോ​ടു​കൂ​ടിയ ഒരു ന്യൂസ്‌വീക്ക്‌ ലേഖനം തക്കതായ ഈ അനുശാ​സനം നൽകുന്നു: “ടിവി-യുടെ മുമ്പിൽ നിങ്ങൾ വളരെ​യ​ധി​കം സമയം ചെലവ​ഴി​ക്കു​ന്നെ​ങ്കിൽ, മിക്കവാ​റും നിങ്ങളു​ടെ കുട്ടി​യും അങ്ങനെ​യൊ​രാ​ളാ​യി​രി​ക്കും. നേരേ​മ​റിച്ച്‌, ഒരു നല്ല പുസ്‌ത​ക​വും​കൊ​ണ്ടു നിങ്ങൾ സന്തോ​ഷ​പൂർവം ചുരു​ണ്ടു​കൂ​ടി​യി​രി​ക്കു​ന്നതു നിങ്ങളു​ടെ കുട്ടികൾ കാണു​ന്നെ​ങ്കിൽ, നിങ്ങൾ വായന​യെ​ക്കു​റി​ച്ചു പ്രസം​ഗി​ക്കുക മാത്രമല്ല അത്‌ അനുഷ്‌ഠി​ക്കുക കൂടി ചെയ്യു​ന്നു​വെന്ന ആശയം അവർക്കു ലഭിക്കും.” അതിലും നല്ല രീതി​യിൽ, ചില മാതാ​പി​താ​ക്കൾ കുട്ടി​കൾക്കാ​യി ഉച്ചത്തിൽ വായി​ക്കു​ന്നു. അങ്ങനെ ചെയ്യു​ന്നതു നിമിത്തം അവർ ഒരു ഊഷ്‌മ​ള​ബന്ധം സൃഷ്ടി​ക്കു​ന്നു. അത്തരം ബന്ധം ഇന്ന്‌ അനേകം കുടും​ബ​ങ്ങ​ളി​ലും കാണു​ന്നി​ല്ലെ​ന്നതു സങ്കടകരം തന്നെ.

ഒരു ലൈ​ബ്രറി തുടങ്ങുക. “ചുറ്റും പുസ്‌ത​ക​ങ്ങ​ളു​ണ്ടാ​യി​രി​ക്കട്ടെ—ധാരാളം പുസ്‌ത​കങ്ങൾ,” ഡോ. തിയെ​ഡോർ ഐസിക്‌ രൂബൻ ശുപാർശ ചെയ്യുന്നു. “ഞാൻ അവ വായി​ക്കു​ന്നത്‌ ഓർമി​ക്കു​ന്നു. കാരണം അവ അവിടെ ഉണ്ടായി​രു​ന്നു. എല്ലാവ​രും അവ വായി​ച്ചു​കൊ​ണ്ടു​മി​രു​ന്നു.” പുസ്‌ത​കങ്ങൾ എളുപ്പം ലഭ്യമാ​ണെ​ങ്കിൽ കുട്ടികൾ വായി​ക്കും. പുസ്‌ത​കങ്ങൾ അവരുടെ സ്വന്തമായ ലൈ​ബ്ര​റി​യു​ടെ ഭാഗമാ​ണെ​ങ്കി​ലോ, വായി​ക്കാ​നുള്ള പ്രചോ​ദനം തീർച്ച​യാ​യും കൂടു​ത​ലാ​യി​രി​ക്കും.

വായനയെ ആസ്വാ​ദ്യ​മാ​ക്കി​ത്തീർക്കുക. ഒരു കുട്ടി വായി​ക്കാ​നി​ഷ്ട​പ്പെ​ടു​ന്നെ​ങ്കിൽ, പഠനമെന്ന യുദ്ധത്തി​ന്റെ പകുതി​യും വിജയി​ച്ചു​ക​ഴി​ഞ്ഞു​വെന്നു പറയ​പ്പെ​ടു​ന്നു. അതു​കൊണ്ട്‌ നിങ്ങളു​ടെ കുട്ടിക്കു വായന ഒരു സുഖാ​നു​ഭൂ​തി​യാ​ക്കി​ത്തീർക്കുക. എങ്ങനെ? ഒന്നാമ​താ​യി ടെലി​വി​ഷൻ കാണുന്ന സമയത്തി​നു പരിമി​തി​കൾ വെക്കുക; അതു മിക്കവാ​റു​മെ​ല്ലാ​യ്‌പോ​ഴും വായന​യു​ടെ​മേൽ വിജയം നേടും. രണ്ടാമ​താ​യി, വായന​ക്കു​ത​കുന്ന ഒരു അന്തരീക്ഷം സൃഷ്ടി​ക്കുക; നല്ല പ്രകാ​ശ​ത്തോ​ടു​കൂ​ടിയ വ്യക്തി​പ​ര​മായ ലൈ​ബ്രറി പോ​ലെ​യുള്ള ശാന്തമായ സ്ഥലങ്ങളും സമയവും വായനയെ ക്ഷണിച്ചു വരുത്തു​ന്നു. മൂന്നാ​മ​താ​യി, വായി​ക്കാൻ സമ്മർദം ചെലു​ത്ത​രുത്‌. വായി​ക്കാ​നുള്ള സാധന​ങ്ങ​ളും അവസര​ങ്ങ​ളും ലഭ്യമാ​ക്കുക, എന്നാൽ ആഗ്രഹം വികസി​പ്പി​ച്ചെ​ടു​ക്കൽ കുട്ടി തന്നെ ചെയ്‌തു​കൊ​ള്ളും.

കുട്ടി​ക​ളു​ടെ ചെറു​പ്രാ​യ​ത്തിൽതന്നെ ചില മാതാ​പി​താ​ക്കൾ അവർക്കാ​യി വായി​ക്കാൻ തുടങ്ങു​ന്നു. ഇതിന്‌ പ്രയോ​ജ​ന​പ്ര​ദ​മാ​യി​രി​ക്കാൻ കഴിയും. മൂന്നു വയസ്സാ​കു​ന്ന​തോ​ടെ ഒരു കുട്ടി തനിക്കു വാക്കുകൾ ഒഴു​ക്കോ​ടെ പ്രകടി​പ്പി​ക്കാൻ കഴിയു​ന്നി​ല്ലെ​ങ്കിൽപോ​ലും സാധാരണ മുതിർന്ന​വ​രു​ടെ സംഭാ​ഷ​ണ​ത്തിൽ താൻ ഉപയോ​ഗി​ക്കാ​നി​രി​ക്കുന്ന മിക്കവാ​റു​മെല്ലാ സംഭാ​ഷ​ണ​രീ​തി​യും മനസ്സി​ലാ​ക്കു​ന്നു. “ഭാഷ വാചി​ക​മാ​യി ഉപയോ​ഗി​ക്കാൻ പഠിക്കു​ന്ന​തി​നെ​ക്കാൾ നേര​ത്തെ​യും കൂടുതൽ വേഗത​യേ​റിയ നിരക്കി​ലും കുട്ടികൾ അതു മനസ്സി​ലാ​ക്കു​ന്ന​തി​നു പഠിക്കാൻ തുടങ്ങു​ന്നു”വെന്ന്‌ ജീവി​ത​ത്തി​ന്റെ ആദ്യത്തെ മൂന്നു വർഷങ്ങൾ (ഇംഗ്ലീഷ്‌) എന്ന പുസ്‌തകം പറയുന്നു. ബൈബിൾ തിമോ​ത്തി​യെ​ക്കു​റി​ച്ചു പറയുന്നു: “ശൈശവം മുതൽ നീ വിശുദ്ധ എഴുത്തു​കളെ അറിഞ്ഞി​ട്ടുണ്ട്‌.” (2 തിമോ​ത്തി 3:15, NW) ശിശു എന്നതി​നുള്ള ഇംഗ്ലീഷ്‌ പദം (infant) ഇൻഫാൻസ്‌ എന്ന ലത്തീൻ പദത്തിൽനി​ന്നു വരുന്ന​താണ്‌. അതിന്‌ അക്ഷരീ​യ​മാ​യി “സംസാ​രി​ക്കാ​ത്തവൻ” എന്ന അർഥമാ​ണു​ള്ളത്‌. ഉവ്വ്‌, തിമോ​ത്തി തനിക്കു സംസാ​രി​ക്കാൻ കഴിയു​ന്ന​തി​നു വളരെ മുമ്പു​തന്നെ തിരു​വെ​ഴു​ത്തു വാക്യങ്ങൾ കേട്ടി​രു​ന്നു.

ബൈബിൾ—ഒരു അതിവി​ശിഷ്ട സഹായി

“സാഹിത്യ കൃതി​യു​ടെ ഒരു ഗംഭീ​ര​ശേ​ഖ​ര​മാ​ണു ബൈബിൾ” എന്നു ബൈബിൾ അതിന്റെ സാഹിത്യ പശ്ചാത്ത​ല​ത്തിൽ (ഇംഗ്ലീഷ്‌) എന്ന പുസ്‌തകം പറയുന്നു. തീർച്ച​യാ​യും, അതിന്റെ 66 പുസ്‌ത​ക​ങ്ങ​ളിൽ കവിതാ​രൂ​പ​ങ്ങ​ളും പാട്ടു​ക​ളും ചരി​ത്ര​വി​വ​ര​ണ​ങ്ങ​ളും ഉൾക്കൊ​ള്ളി​ച്ചി​ട്ടുണ്ട്‌. അതിൽനി​ന്നു ചെറു​പ്പ​ക്കാർക്കും പ്രായ​മാ​യ​വർക്കും ഒരു​പോ​ലെ പഠിക്കാൻ കഴിയും. (റോമർ 15:4) കൂടു​ത​ലാ​യി, ബൈബിൾ “ദൈവ​നി​ശ്വ​സ്‌ത​വും പഠിപ്പി​ക്ക​ലി​നും ശാസന​ത്തി​നും കാര്യങ്ങൾ നേരെ​യാ​ക്കു​ന്ന​തി​നും നീതി​യിൽ ശിക്ഷണം കൊടു​ക്കു​ന്ന​തി​നും പ്രയോ​ജ​ന​പ്ര​ദ​മാണ്‌.”—2 തിമോ​ത്തി 3:16, NW.

ഉവ്വ്‌, ലഭ്യമാ​യി​രി​ക്കുന്ന ഏറ്റവും ജീവത്‌പ്ര​ധാ​ന​മായ വായ​നോ​പാ​ധി ദൈവ​വ​ച​ന​മായ ബൈബി​ളാണ്‌. ഓരോ ഇസ്രാ​യേൽ രാജാ​വി​നോ​ടും തിരു​വെ​ഴു​ത്തു​ക​ളു​ടെ ഒരു വ്യക്തി​പ​ര​മായ പകർപ്പു​ണ്ടാ​യി​രി​ക്കു​ന്ന​തി​നും “തന്റെ ജീവി​ത​ത്തി​ന്റെ എല്ലാ നാളു​ക​ളി​ലും അതിൽനി​ന്നു വായി​ക്കു​ന്ന​തി​നും” ആവശ്യ​പ്പെ​ട്ടി​രു​ന്നതു നല്ല കാരണ​ത്തോ​ടെ​യാണ്‌. (ആവർത്ത​ന​പു​സ്‌തകം 17:18, 19) തിരു​വെ​ഴു​ത്തു​കൾ “ഒരു മന്ദമായ രീതി​യിൽ” അതായത്‌, തനിക്കാ​യി​ത്തന്നെ, മൃദു​വായ സ്വരത്തിൽ—“രാവും പകലും”—വായി​ക്കാൻ യോശു​വ​യോ​ടു കൽപ്പി​ച്ചി​രു​ന്നു.—യോശുവ 1:8, NW.

ബൈബി​ളി​ന്റെ പല ഭാഗങ്ങ​ളും വായി​ക്കു​ന്നത്‌ എളുപ്പ​മ​ല്ലെന്നു സമ്മതി​ക്കു​ന്നു. അവ ഏകാഗ്രത ആവശ്യ​മാ​ക്കി​ത്തീർത്തേ​ക്കാം. പത്രോസ്‌ എഴുതി: “ഇപ്പോൾ ജനിച്ച ശിശു​ക്ക​ളെ​പ്പോ​ലെ രക്ഷക്കായി വളരു​വാൻ വചനം എന്ന മായമി​ല്ലാത്ത പാൽ കുടി​പ്പാൻ വാഞ്‌ഛി​പ്പിൻ [“വാഞ്‌ഛ രൂപ​പ്പെ​ടു​ത്തി​യെ​ടു​പ്പിൻ,” NW].” (1 പത്രൊസ്‌ 2:2) പരിശീ​ല​ന​ത്താൽ ദൈവ​വ​ച​ന​മാ​കുന്ന “പാലി”നോടുള്ള ചായ്‌വിന്‌, അമ്മയുടെ പാലി​നോ​ടുള്ള ഒരു കുട്ടി​യു​ടെ ജൻമനാ​യുള്ള ഉൽക്കട​മായ ആഗ്രഹ​ത്തോ​ളം​തന്നെ സ്വാഭാ​വി​ക​മാ​യി​ത്തീ​രാൻ കഴിയും. ബൈബിൾ വായന​യോ​ടുള്ള വിലമ​തി​പ്പു വളർത്തി​യെ​ടു​ക്കാൻ കഴിയും.c അതു പരി​ശ്ര​മ​ത്തി​നു തക്ക മൂല്യ​മു​ള്ള​താണ്‌. “നിന്റെ വചനം എന്റെ കാലിന്നു ദീപവും എന്റെ പാതെക്കു പ്രകാ​ശ​വും ആകുന്നു,” സങ്കീർത്ത​ന​ക്കാ​രൻ എഴുതി. (സങ്കീർത്തനം 119:105) നമ്മുടെ പ്രക്ഷുബ്ധ നാളു​ക​ളിൽ നമു​ക്കെ​ല്ലാ​വർക്കും അത്തരം മാർഗ​നിർദേശം ആവശ്യ​മി​ല്ലേ?

[അടിക്കു​റി​പ്പു​കൾ]