നിങ്ങൾക്ക്‌ ദൈവത്തെ ആശ്രയി​ക്കാൻ കഴിയും

നിങ്ങൾക്കു ദൈവ​ത്തെ​യും അവന്റെ വചനമായ ബൈബി​ളി​നെ​യും പൂർണ​മാ​യി ആശ്രയി​ക്കാൻ കഴിയും. ഒരു ആയുഷ്‌കാ​ലം മുഴുവൻ ദൈവ​ത്തിൽ ആശ്രയം​വെ​ച്ച​തി​നു​ശേഷം, 100 വയസ്സി​ല​ധി​കം പ്രായ​മു​ണ്ടാ​യി​രുന്ന ഒരു മനുഷ്യൻ തന്റെ ദൃഢവി​ശ്വാ​സ​ത്തിന്‌ ഈ കാരണം നൽകി: “ഇതാ, ഞാൻ ഇന്നു സകലഭൂ​വാ​സി​ക​ളു​ടെ​യും വഴിയാ​യി പോകു​ന്നു; നിങ്ങളു​ടെ ദൈവ​മായ യഹോവ നിങ്ങ​ളെ​ക്കു​റിച്ച്‌ അരുളി​ച്ചെ​യ്‌തി​ട്ടുള്ള സകലന​ന്മ​ക​ളി​ലും​വച്ച്‌ ഒന്നിനും വീഴ്‌ച​വ​ന്നി​ട്ടി​ല്ലെന്ന്‌ നിങ്ങൾക്ക്‌ പൂർണ്ണ​ഹൃ​ദ​യ​ത്തി​ലും പൂർണ്ണ​മ​ന​സ്സി​ലും ബോധ്യ​മാ​യി​രി​ക്കു​ന്നു; സകലവും നിങ്ങൾക്കു സംഭവി​ച്ചു; ഒന്നിനും വീഴ്‌ച വന്നിട്ടില്ല.” (ചെരി​ച്ചെ​ഴു​ത്തു ഞങ്ങളു​ടേത്‌.)—യോശുവ 23:14, ദാനീ​യേൽ ബൈബിൾ.

പുരാതന ഇസ്രാ​യേ​ലി​ന്റെ ഒരു നേതാ​വാ​യി​രുന്ന യോശുവ എന്ന ഈ മനുഷ്യൻ ദൈവ​ത്തി​ന്റെ​യും അവന്റെ വചനത്തി​ന്റെ​യും പൂർണ ആശ്രയ​യോ​ഗ്യത അനുഭ​വി​ച്ച​റി​ഞ്ഞു. ദൈവം ഇസ്രാ​യേ​ലി​നോ​ടു വാഗ്‌ദാ​നം ചെയ്‌ത​തെ​ല്ലാം സത്യമാ​യി ഭവിച്ചു. നിങ്ങൾ സ്രഷ്ടാ​വി​നെ​യും അവന്റെ വചന​ത്തെ​യും കുറിച്ച്‌ കൂടുതൽ അറിയാൻ ഇടയാ​കു​ന്നെ​ങ്കിൽ നിങ്ങൾക്കും അതേ ആശ്രയം വളർത്തി​യെ​ടു​ക്കാൻ കഴിയും. ദൈവ​ത്തി​ന്റെ ഒരു പിൽക്കാല ആരാധ​ക​നാ​യി​രുന്ന ദാവീദ്‌ രാജാവ്‌ ഈ രീതി​യിൽ അതു വിവരി​ച്ചു: “നിന്റെ നാമത്തെ അറിയു​ന്നവർ നിങ്കൽ ആശ്രയി​ക്കും; യഹോവേ, നിന്നെ അന്വേ​ഷി​ക്കു​ന്ന​വരെ നീ ഉപേക്ഷി​ക്കു​ന്നി​ല്ല​ല്ലോ.”—സങ്കീർത്തനം 9:10.

ദൈവം നിങ്ങളെ ഒരിക്ക​ലും നിരാ​ശ​രാ​ക്കി​ല്ല

‘ദൈവ​നാ​മത്തെ’ക്കുറി​ച്ചും ആ നാമം എന്തർഥ​മാ​ക്കു​ന്നു എന്നതി​നെ​ക്കു​റി​ച്ചും—അവന്റെ ഉദ്ദേശ്യ​ങ്ങൾ, പ്രവർത്ത​നങ്ങൾ, ഗുണങ്ങൾ—നിങ്ങൾ എത്ര കൂടുതൽ ‘അറിയു​ന്നു’വോ അത്രയും കൂടു​ത​ലാ​യി നിങ്ങൾ അവനിൽ ആശ്രയി​ക്കും. ഒരിക്ക​ലും നിങ്ങളെ നിരാ​ശ​രാ​ക്കു​ക​യോ തന്റെ വാക്കു ലംഘി​ക്കു​ക​യോ ചെയ്യാത്ത ആശ്രയ​യോ​ഗ്യ​നായ ഒരു സുഹൃ​ത്താണ്‌ അവൻ. അവന്റെ പ്രതി​നി​ധി​ക​ളാ​ണെന്ന്‌ അവകാ​ശ​പ്പെ​ടു​ക​യും മറ്റുള്ള​വ​രോ​ടു വഞ്ചനാ​ത്മ​ക​മാ​യി പെരു​മാ​റു​ക​യും ചെയ്യു​ന്ന​വ​രു​ടെ കാപട്യ​ത്താൽ നിങ്ങൾ പിന്തി​രി​പ്പി​ക്ക​പ്പെ​ട​രുത്‌. ബൈബിൾ അങ്ങനെ​യു​ള്ള​വരെ ആശ്രയ​യോ​ഗ്യ​ര​ല്ലാ​ത്ത​വ​രാ​യി തിരി​ച്ച​റി​യി​ക്കു​ന്നു. കപടഭ​ക്തി​ക്കാർ ഒരു കാര്യം പറയു​ക​യും അതിനു നേർവി​പ​രീ​ത​മാ​യി പ്രവർത്തി​ക്കു​ക​യും ചെയ്യുന്നു. അപ്പോ​സ്‌ത​ല​നായ പത്രോസ്‌ മുന്നറി​യി​പ്പു നൽകി​യ​തു​പോ​ലെ, അവർ തങ്ങളുടെ ആട്ടിൻകൂ​ട്ട​ങ്ങളെ ചൂഷണം ചെയ്യുന്നു. പത്രോസ്‌ ഇപ്രകാ​രം എഴുതി: “അവർ നിമിത്തം സത്യമാർഗം ദുഷി​ക്ക​പ്പെ​ടും. കൂടാതെ, അത്യാ​ഗ്ര​ഹ​ത്തോ​ടെ കൗശല​വാ​ക്കു​കൾ പറഞ്ഞ്‌ അവർ നിങ്ങളെ ചൂഷണം ചെയ്യും.”—2 പത്രോസ്‌ 2:2, 3, NW.

അത്തരം ആളുകൾ ദൈവത്തെ പ്രതി​നി​ധാ​നം ചെയ്യു​ന്നില്ല. അവർ അവന്റെ വചന​ത്തോട്‌ അനാദ​രവു കാട്ടുന്നു. ബൈബി​ളിൽ വെളി​പ്പെ​ടു​ത്തി​യി​രി​ക്കുന്ന പ്രകാരം ദൈവ​ത്തി​ന്റെ സ്വന്തം രേഖ​പ്പെ​ടു​ത്ത​ലു​ക​ളും സാക്ഷ്യ​വും നിങ്ങൾക്കെ​ന്തു​കൊ​ണ്ടു സ്വയം പരി​ശോ​ധി​ച്ചു​കൂ​ടാ? ‘എന്നാൽ മറ്റേ​തൊ​രു പുസ്‌ത​ക​ത്തെ​ക്കാ​ളു​മ​ധി​കം ബൈബി​ളിൽ ഞാൻ ആശ്രയി​ക്കേ​ണ്ട​തെ​ന്തു​കൊണ്ട്‌?’ എന്നു നിങ്ങൾ ചോദി​ച്ചേ​ക്കാം. ചരി​ത്ര​ത്തി​ലു​ട​നീ​ളം അസംഖ്യം മത വഞ്ചനകൾ ഉണ്ടായി​രു​ന്നി​ട്ടുണ്ട്‌ എന്നുള്ളത്‌ സത്യമാണ്‌. എന്നാൽ ബൈബിൾ വ്യത്യ​സ്‌ത​മാണ്‌. ബൈബി​ളിൽ ആശ്രയി​ക്കു​ന്ന​തി​നുള്ള പിൻവ​രുന്ന കാരണങ്ങൾ പരിചി​ന്തി​ക്കുക.

ബൈബി​ളിൽ ആശ്രയി​ക്കു​ന്ന​തി​നുള്ള കാരണങ്ങൾ

ബൈബി​ളി​ന്റെ വാഗ്‌ദാ​ന​ങ്ങ​ളും പ്രവച​ന​ങ്ങ​ളും എല്ലായ്‌പോ​ഴും സത്യമാ​യി ഭവിക്കു​ന്ന​തി​നാൽ നിങ്ങൾക്ക്‌ ബൈബി​ളി​നെ ആശ്രയി​ക്കാൻ കഴിയും. ഇതാ ഒരു ഉദാഹ​രണം: ബന്ദിക​ളാ​യി പിടി​ച്ചു​കൊ​ണ്ടു​പോ​ക​പ്പെട്ട ഇസ്രാ​യേ​ല്യർക്ക്‌ അവിശ്വ​സ​നീ​യ​മാ​യി തോന്ന​പ്പെ​ട്ടി​രി​ക്കാ​മെ​ങ്കി​ലും അവരെ ശക്തി​യേ​റിയ ബാബി​ലോ​ന്റെ അടിമ​ത്ത​ത്തിൽനി​ന്നു വിടു​വി​ക്കു​ക​യും യെരു​ശ​ലേ​മി​ലേക്കു തിരികെ വരുത്തു​ക​യും ചെയ്യു​മെന്നു ബൈബി​ളി​ന്റെ ഗ്രന്ഥകാ​ര​നായ യഹോ​വ​യാം ദൈവം വാഗ്‌ദാ​നം ചെയ്‌തി​രു​ന്നു. അത്‌ അസംഭ​വ്യ​മായ ഒരു പ്രത്യാ​ശ​യാ​യി തോന്നി. എന്തു​കൊ​ണ്ടെ​ന്നാൽ ബാബി​ലോൻ ആ നാളിൽ അധീശ​ത്വം പുലർത്തി​യി​രുന്ന ലോക​ശ​ക്തി​യാ​യി​രു​ന്നു. മാത്രമല്ല, അത്‌ യെരു​ശ​ലേ​മി​നെ പൂർണ​മാ​യി തകർത്തു നശിപ്പി​ക്കു​ക​യും ചെയ്‌തി​രു​ന്നു. എന്നാൽ യഹോവ ഏതാണ്ട്‌ ഇരുന്നൂ​റു വർഷം മുമ്പു​തന്നെ, ബാബി​ലോ​നെ തകിടം​മ​റിച്ച്‌ തന്റെ ജനത്തെ സ്വത​ന്ത്ര​മാ​ക്കു​ന്ന​വ​നാ​യിട്ട്‌ പേർഷ്യൻ ഭരണാ​ധി​കാ​രി​യായ സൈറ​സി​ന്റെ (കോരശ്‌) പേരു​പോ​ലും പറയു​ക​യും ബാബി​ലോ​ന്റെ നദീ​പ്ര​തി​രോ​ധങ്ങൾ എങ്ങനെ പരാജി​ത​മാ​കു​മെന്നു പ്രവചി​ക്കു​ക​യും ചെയ്‌തി​രു​ന്നു. യെശയ്യാ​വു 44:24—45:4-ൽ നിങ്ങൾക്ക്‌ ആ വൃത്താന്തം വായി​ക്കാൻ കഴിയും.

ഈ വാഗ്‌ദാ​നം എങ്ങനെ നിവൃ​ത്തി​യാ​യി എന്ന്‌ തിരു​വെ​ഴു​ത്തു​ക​ളിൽ നിന്ന്‌ ന്യായ​വാ​ദം ചെയ്യൽ എന്ന പുസ്‌തകം ഇപ്രകാ​രം വിശദീ​ക​രി​ക്കു​ന്നു: “ഈ പ്രവചനം എഴുത​പ്പെ​ട്ട​പ്പോൾ കോ​രേശ്‌ ജനിച്ചി​രു​ന്നില്ല. . . . പൊ.യു.മു. (പൊതു​യു​ഗ​ത്തി​നു മുമ്പ്‌) 539 മുതൽ പ്രവചനം അതിന്റെ വിശദാം​ശ​ങ്ങ​ളിൽ നിവൃ​ത്തി​യാ​യി. കോ​രേശ്‌ യൂഫ്ര​ട്ടീസ്‌ നദിയി​ലെ വെള്ളം ഒരു കൃത്രിമ തടാക​ത്തി​ലേക്ക്‌ തിരി​ച്ചു​വി​ട്ടു. നദിയി​ലേ​ക്കുള്ള ബാബി​ലോ​ന്റെ ഗെയി​റ്റു​കൾ നഗരത്തിൽ വിരു​ന്നു​സൽക്കാ​രം നടക്കു​മ്പോൾ അശ്രദ്ധ​മാ​യി തുറന്നി​ട്ടി​രു​ന്നു. കോ​രേ​ശി​ന്റെ കീഴി​ലു​ണ്ടാ​യി​രുന്ന മേദ്യ​രും പേർഷ്യ​ക്കാ​രും ബാബി​ലോൻ പിടി​ച്ച​ടക്കി. അതേ തുടർന്നു കോ​രേശ്‌ യഹൂദ​പ്ര​വാ​സി​കളെ മോചി​പ്പി​ക്കു​ക​യും യെരൂ​ശ​ലേ​മി​ലെ യഹോ​വ​യു​ടെ ആലയം പുതു​ക്കി​പ്പ​ണി​യാ​നുള്ള നിർദ്ദേ​ശ​വു​മാ​യി അവരെ അങ്ങോട്ട്‌ അയക്കു​ക​യും ചെയ്‌തു.”a ഇതു​പോ​ലെ ദൈവം നടത്തി​യി​ട്ടുള്ള എല്ലാ വാഗ്‌ദാ​ന​ങ്ങ​ളും ബൈബി​ളി​ലുള്ള എല്ലാ പ്രവച​ന​ങ്ങ​ളും തെറ്റു​പ​റ്റാ​തെ സത്യമാ​യി ഭവിച്ചി​രി​ക്കു​ന്നു.

ആശ്രയ​യോ​ഗ്യ​ത നമ്മുടെ നൂറ്റാ​ണ്ടിൽ കുറഞ്ഞു​പോ​യി​രി​ക്കു​ന്നു എന്ന വസ്‌തു​ത​തന്നെ നിവൃ​ത്തി​യേ​റിയ പ്രവച​ന​ത്തി​ന്റെ മറ്റൊരു ഉദാഹ​ര​ണ​മാണ്‌. നാം ജീവി​ക്കുന്ന കാലത്തി​ന്റെ ഒരു സവി​ശേ​ഷ​ത​യാ​യി ബൈബിൾ ഇതി​നെ​ക്കു​റി​ച്ചു മുൻകൂ​ട്ടി​പ്പ​റഞ്ഞു. എന്തു​കൊ​ണ്ടെ​ന്നാൽ അത്‌ 1914-ലെ ഒന്നാം ലോക​മ​ഹാ​യു​ദ്ധ​ത്തോ​ടെ തുടങ്ങിയ യുഗത്തെ “അന്ത്യനാ​ളുക”ൾ എന്നു വിളി​ക്കു​ക​യും അവ “ഇടപെ​ടാൻ പ്രയാ​സ​മേ​റിയ ദുർഘട സമയങ്ങൾ” കൈവ​രു​ത്തു​മെന്നു പറയു​ക​യും ചെയ്യുന്നു. നമ്മുടെ നാളിൽ ആളുകൾ “സ്വസ്‌നേ​ഹി​ക​ളും . . . പൊങ്ങ​ച്ച​ക്കാ​രും അഹങ്കാ​രി​ക​ളും . . . നന്ദിയി​ല്ലാ​ത്ത​വ​രും അവിശ്വ​സ്‌ത​രും സ്വാഭാ​വിക പ്രിയ​മി​ല്ലാ​ത്ത​വ​രും യോജി​പ്പി​ലെ​ത്താൻ മനസ്സി​ല്ലാ​ത്ത​വ​രും ഏഷണി​ക്കാ​രും . . . ദ്രോ​ഹി​ക​ളും വഴങ്ങാ​ത്ത​വ​രും നിഗള​ത്താൽ ചീർത്ത​വ​രും” ആയിരി​ക്കു​മെന്ന്‌ അത്‌ അറിയി​ച്ചി​രി​ക്കു​ന്നു. അത്‌ ഇങ്ങനെ​യും പ്രവചി​ച്ചു: “ദുഷ്ടമ​നു​ഷ്യ​രും വഞ്ചകൻമാ​രും മേൽക്കു​മേൽ ദോഷ​ത്തിൽ മുതിർന്നു​വ​രും.” (2 തിമോ​ത്തി 3:1-4, 13, NW) നമ്മുടെ നാളിൽ നാം കണ്ടുവ​രു​ന്നത്‌ അതുത​ന്നെ​യാണ്‌.

പൂർണ​മാ​യും ആധികാ​രി​ക​മാ​യി​രി​ക്കു​ന്ന​തി​നാൽ നിങ്ങൾക്കു ബൈബി​ളി​നെ ആശ്രയി​ക്കാൻ കഴിയും. ബൈബി​ളി​ന്റെ ആധികാ​രി​ക​തയെ ആരും ഒരിക്ക​ലും വിജയ​പ്ര​ദ​മാ​യി വെല്ലു​വി​ളി​ച്ചി​ട്ടില്ല. വിഖ്യാ​ത​നായ ശാസ്‌ത്രജ്ഞൻ സർ ഐസക്‌ ന്യൂട്ടൺ ഇപ്രകാ​രം പറഞ്ഞു: “ആധികാ​രി​ക​ത​യു​ടെ സുനി​ശ്ചിത അടയാ​ളങ്ങൾ ഏതു ലൗകിക ചരി​ത്ര​ത്തി​ലും കാണു​ന്ന​തി​ല​ധി​ക​മാ​യി ബൈബി​ളിൽ ഞാൻ കണ്ടെത്തു​ന്നു.” ഹിറ്റ്‌ലർ “ഡയറികൾ” പോ​ലെ​യുള്ള കള്ളരേ​ഖ​ക​ളൊ​ന്നും ഇവി​ടെ​യില്ല! മറ്റു പുരാതന ലിഖി​ത​ങ്ങ​ളു​മാ​യുള്ള താരത​മ്യ​ത്തിൽ ബൈബിൾ എങ്ങനെ​യുണ്ട്‌? ദ ബൈബിൾ ഫ്രം ദ ബിഗി​നിങ്‌ എന്ന പുസ്‌തകം ഇപ്രകാ​രം പറയുന്നു: “ഒരു എഴുത്തി​നെ പ്രമാ​ണീ​ക​രി​ക്കുന്ന പുരാതന എംഎസ്‌എസ്‌.-ന്റെ [കൈ​യെ​ഴു​ത്തു​പ്ര​തി​കൾ] എണ്ണത്തിന്റെ കാര്യ​ത്തി​ലും ആദിമ​കാല എംഎസ്‌എസ്‌.-നും പ്രമാ​ണീ​ക​രി​ക്കുന്ന എംഎസ്‌എസ്‌.-നും ഇടയ്‌ക്ക്‌ കടന്നു​പോ​യി​ട്ടുള്ള വർഷങ്ങ​ളു​ടെ എണ്ണത്തിന്റെ കാര്യ​ത്തി​ലും പുരാതന ലിഖി​ത​ങ്ങൾക്കി​ല്ലാത്ത [ഹോമ​റി​ന്റെ​യും പ്ലേറ്റോ​യു​ടെ​യും മറ്റുള്ള​വ​രു​ടെ​യും] ഒരു സുനി​ശ്ചിത നേട്ടം ബൈബിൾ ആസ്വദി​ക്കു​ന്നു. . . . ബൈബിൾ കൈ​യെ​ഴു​ത്തു​പ്ര​തി​ക​ളു​മാ​യി നോക്കു​മ്പോൾ പ്രാചീന എംഎസ്‌എസ്‌. എല്ലാം​കൂ​ടി ഒരു പിടിയേ ഉള്ളൂ. ഒരു പുരാതന പുസ്‌ത​ക​വും ബൈബി​ളി​ന്റെ​യ​ത്ര​യും പ്രമാ​ണീ​ക​രി​ക്ക​പ്പെ​ട്ടി​ട്ടില്ല.” ബൈബി​ളി​നെ​ക്കു​റി​ച്ചുള്ള എല്ലാ കാര്യ​ങ്ങ​ളും അത്‌ തികച്ചും യഥാർഥ​മാ​ണെന്നു ചൂണ്ടി​ക്കാ​ട്ടു​ന്നു.

ബൈബി​ളി​ന്റെ പ്രസ്‌താ​വ​ന​ക​ളെ​ല്ലാം പൂർണ​മാ​യും കൃത്യ​മാ​യ​തു​കൊണ്ട്‌ നിങ്ങൾക്കു ബൈബി​ളി​നെ ആശ്രയി​ക്കാൻ കഴിയും. ദൈവം “ഉത്തരദി​ക്കി​നെ . . . ശൂന്യ​ത്തി​ന്മേൽ വിരി​ക്കു​ന്നു; ഭൂമിയെ നാസ്‌തി​ത്വ​ത്തി​ന്മേൽ തൂക്കുന്നു” എന്ന്‌ ബൈബിൾ പറയുന്നു. (ഇയ്യോബ്‌ 26:7) ഭൂമി ആനകളാൽ താങ്ങി​നിർത്ത​പ്പെ​ട്ടി​രി​ക്കു​ന്നു എന്നതു​പോ​ലുള്ള ആ നാളിലെ സാങ്കൽപ്പിക സിദ്ധാ​ന്തങ്ങൾ ആവർത്തി​ക്കു​ന്ന​തി​നു​പ​കരം പിന്നീട്‌ ശാസ്‌ത്രീയ സത്യമാ​യി സ്ഥാപി​ക്ക​പ്പെട്ട കാര്യ​മാണ്‌ ബൈബിൾ പ്രസ്‌താ​വി​ച്ചത്‌—അതായത്‌ ഭൂമി ബഹിരാ​കാ​ശ​ത്തിൽ ‘തൂങ്ങി​നിൽക്കു​ന്നു’ എന്ന്‌. അതിനു​പു​റമേ, ഭൂമി ഉരുണ്ട​താ​ണെന്ന്‌ കൊളം​ബ​സി​ന്റെ കാലത്തി​നു രണ്ടായി​ര​ത്തി​ല​ധി​കം വർഷങ്ങൾക്കു​മു​മ്പു ബൈബിൾ വ്യക്തമാ​യി പ്രസ്‌താ​വി​ച്ചു.—യെശയ്യാ​വു 40:22.

സത്യസ​ന്ധ​ത​യും നിഷ്‌ക​പ​ട​ത​യും നിമിത്തം നിങ്ങൾക്കു ബൈബി​ളി​നെ ആശ്രയി​ക്കാൻ കഴിയും. ബൈബിൾ എഴുത്തു​കാർ കളവായി ഒന്നും പ്രസ്‌താ​വി​ച്ചില്ല. അവർ പറഞ്ഞത്‌ അവർക്കു​ത​ന്നെ​യും അവരുടെ സ്‌നേ​ഹി​തർക്കും ഭരണാ​ധി​കാ​രി​കൾക്കും മോശ​മായ ഫലം​ചെ​യ്‌തി​രു​ന്നു​വെ​ങ്കി​ലും അവർ വസ്‌തു​തകൾ സത്യസ​ന്ധ​മാ​യി റിപ്പോർട്ടു ചെയ്‌തു. ഉദാഹ​ര​ണ​ത്തിന്‌, യേശു​ക്രി​സ്‌തു​വി​ന്റെ അപ്പോ​സ്‌ത​ലൻമാർ ഇടയ്‌ക്കി​ടെ വിശ്വാ​സ​മി​ല്ലായ്‌മ പ്രകട​മാ​ക്കി​യെ​ന്നും ഔന്നത്യ​ത്തി​നു​വേണ്ടി തമ്മിൽ തല്ലി​യെ​ന്നും യേശു അറസ്റ്റു ചെയ്യ​പ്പെ​ട്ട​പ്പോൾ അവനെ ഉപേക്ഷി​ക്കു​ക​പോ​ലും ചെയ്‌തെ​ന്നും അപ്പോ​സ്‌ത​ല​നായ മത്തായി തന്റെ സുവി​ശേ​ഷ​ത്തിൽ തുറന്നു സമ്മതിച്ചു.—മത്തായി 17:18-20; 20:20-28; 26:56.

ആളുകൾ ബൈബി​ളി​ന്റെ ഉപദേശം ബാധക​മാ​ക്കാൻ തക്കവണ്ണം അതിനെ ആശ്രയി​ക്കു​മ്പോ​ഴെ​ല്ലാം അത്‌ എല്ലായ്‌പോ​ഴും പ്രാ​യോ​ഗി​ക​വും പ്രയോ​ജ​ന​ക​ര​വു​മാ​യി തെളി​ഞ്ഞി​ട്ടുണ്ട്‌ എന്നതാണ്‌ ബൈബി​ളി​നെ ആശ്രയി​ക്കു​ന്ന​തി​നുള്ള മറ്റൊരു പ്രമുഖ കാരണം. (സദൃശ​വാ​ക്യ​ങ്ങൾ 2:1-9) ബൈബി​ളി​ന്റെ ഉപദേശം, ജീവി​ത​പ്ര​ശ്‌ന​ങ്ങളെ തരണം ചെയ്യു​ന്നതു സംബന്ധിച്ച “വിദഗ്‌ധൻമാ​രു”ടെ പലപ്പോ​ഴു​മുള്ള ചപലമായ ഉപദേ​ശ​ത്തി​നു കടകവി​രു​ദ്ധ​മാണ്‌. അനേകം ദേശീയ പത്രങ്ങ​ളിൽ അത്തരം ഉപദേശം വാഗ്‌ദാ​നം ചെയ്യുന്ന പംക്തി​യെ​ഴു​ത്തു​കാ​രെ​ക്കു​റി​ച്ചു ലണ്ടനിലെ ദ സൺഡേ ടൈംസ്‌ ഇപ്രകാ​രം ചോദി​ക്കു​ന്നു: “വാസ്‌തവം പറഞ്ഞാൽ തോന്നുന്ന ഉപദേശം കൊടു​ക്കുന്ന അനുഗൃ​ഹീ​ത​രായ ഈ പംക്തി​യെ​ഴു​ത്തു​കാ​രു​ടെ പക്കൽ ഓരോ വർഷവും ആയിര​ക്ക​ണ​ക്കിന്‌ ആളുകൾ തങ്ങളുടെ ആന്തരങ്ങൾ വെളി​പ്പെ​ടു​ത്തു​ന്നു​ണ്ടോ?” ബൈബിൾ എഴുത്തു​കാർ വെറുതെ മനസ്സിൽ തോന്നു​ന്നതു പറയു​ക​യാ​യി​രു​ന്നില്ല. ചരി​ത്ര​ത്തി​ലു​ട​നീ​ളം വിശ്വാ​സ്യ​മെന്നു തെളി​യി​ക്ക​പ്പെട്ട, ആശ്രയ​യോ​ഗ്യ​മായ, ദൈവ​നി​ശ്വസ്‌ത ഉപദേ​ശ​മാണ്‌ അവർ രേഖ​പ്പെ​ടു​ത്തി​യത്‌.—2 തിമൊ​ഥെ​യൊസ്‌ 3:16, 17.

“എന്റെ ജീവി​തത്തെ നശിപ്പി​ക്കാൻ കഴിയു​മാ​യി​രുന്ന ഒരു മാർഗ​ത്തിൽനിന്ന്‌ ബൈബി​ളി​ന്റെ ഉപദേശം എന്നെ സംരക്ഷി​ച്ചു. വിവാ​ഹ​മോ​ചനം നേടി​യി​രുന്ന എന്റെ മാതാ​പി​താ​ക്കൾ വിവാഹ ക്രമീ​ക​ര​ണ​ത്തിൽ ഒട്ടും​തന്നെ വിശ്വാ​സം പ്രകടി​പ്പി​ച്ചി​രു​ന്നില്ല. വിവാഹം കഴിക്കാ​തെ ആരു​ടെ​യെ​ങ്കി​ലും കൂടെ വെറുതെ ജീവി​ക്കാൻ വാസ്‌ത​വ​ത്തിൽ അവരെന്നെ പ്രോ​ത്സാ​ഹി​പ്പി​ച്ചു. ബൈബിൾ തത്ത്വങ്ങൾ അനുസ​രി​ച്ച​തു​മൂ​ലം എന്റെ ജീവി​ത​ത്തിൽ ഉണ്ടായി​ട്ടുള്ള സ്ഥിരത​യെ​ക്കു​റി​ച്ചു ചിന്തി​ക്കു​മ്പോൾ എന്റെ സ്വന്തം മാതാ​പി​താ​ക്ക​ളു​ടെ ഉപദേ​ശ​ത്തെ​ക്കാ​ളു​മേറെ ബൈബി​ളി​നെ ഞാൻ ആശ്രയി​ച്ച​തിൽ എനിക്കു സന്തോഷം തോന്നു​ന്നു,” ഇപ്പോൾ 30-കളിലാ​യി​രി​ക്കു​ക​യും സന്തുഷ്ട വിവാ​ഹ​ജീ​വി​തം നയിക്കു​ക​യും ചെയ്യുന്ന എലെൻ പറയുന്നു.—എഫെസ്യർ 5:22-31-ഉം എബ്രായർ 13:4-ഉം കാണുക.

“കാര്യാ​ദി​ക​ളെ​ക്കു​റി​ച്ചു ബൈബിൾ എന്താണു പറയു​ന്ന​തെന്നു മനസ്സി​ലാ​ക്കി തുടങ്ങി​യ​പ്പോൾ എനിക്കു 14 വയസ്സേ ഉണ്ടായി​രു​ന്നു​ള്ളൂ. ഇപ്പോൾ ഞാൻ, 1960-കളി​ലേ​ക്കും അന്നത്തെ മൂല്യ​ങ്ങ​ളും ധാർമി​ക​ത​ക​ളും പിന്തു​ടർന്നതു വഴി എന്റെ സമപ്രാ​യ​ക്കാർ സ്വയം വരുത്തി​വെച്ച കുഴപ്പ​ത്തെ​ക്കു​റി​ച്ചും അയവി​റ​ക്കു​മ്പോൾ, ചെറു​പ്പ​ക്കാ​രി​യും അനുഭ​വ​പ​രി​ച​യ​മി​ല്ലാ​ത്ത​വ​ളു​മായ ഒരു സ്‌ത്രീ​യാ​യി​രി​ക്കെ ബൈബി​ളി​ന്റെ ഉപദേശം എനിക്കു നൽകിയ സംരക്ഷ​ണ​ത്തി​നു ഞാൻ വളരെ​യ​ധി​കം നന്ദിയു​ള്ള​വ​ളാണ്‌,” എന്ന്‌ ഫ്‌ളോ​റെൻസ്‌ പറയുന്നു.—1 കൊരി​ന്ത്യർ 6:9-11 കാണുക.

“എന്റെ കാര്യ​ത്തി​ലാ​ണെ​ങ്കിൽ ഞാൻ ചൂതാ​ട്ട​ത്തി​ലും പുകവ​ലി​യി​ലും മദ്യപാ​ന​ത്തി​ലും ഉൾപ്പെട്ടു,” എന്ന്‌ ജെയിംസ്‌ പറയുന്നു. അവൻ ഇങ്ങനെ തുടരു​ന്നു: “അനേകം ആളുകൾക്കും അവരുടെ കുടും​ബ​ങ്ങൾക്കും ഇതു വരുത്തി​യി​രി​ക്കുന്ന ക്ഷതത്തെ​ക്കു​റിച്ച്‌ എനിക്ക​റി​യാം. എന്റെ പ്രശ്‌ന​ങ്ങൾക്കുള്ള ബൈബി​ളി​ന്റെ പ്രസക്തി ആദ്യ​മൊ​ന്നും എനിക്കു കാണാൻ കഴിഞ്ഞില്ല. എന്നാൽ അത്‌ എന്റെ ചിന്തയെ നൻമയ്‌ക്കാ​യി സ്വാധീ​നി​ക്കു​ക​യും വളരെ​യേറെ ആരോ​ഗ്യ​ക​ര​മായ ഒരു ജീവി​ത​രീ​തി നിലനിർത്താൻ എന്നെ സഹായി​ക്കു​ക​യും ചെയ്‌ത​തെ​ങ്ങ​നെ​യെന്ന്‌ എനിക്കി​പ്പോൾ വ്യക്തമാ​യി മനസ്സി​ലാ​ക്കാൻ കഴിയും.”—2 കൊരി​ന്ത്യർ 7:1 കാണുക.

പ്രശ്‌ന​പൂ​രി​ത​മായ ഒരു ചുറ്റു​പാ​ടിൽനിന്ന്‌ ഉരുത്തി​രിഞ്ഞ ജീവിത സമ്മർദ​ങ്ങ​ളും വൈകാ​രിക വൈഷ​മ്യ​ങ്ങ​ളും നിമിത്തം മേരി ആൻ ആത്മഹത്യ​യെ​ക്കു​റി​ച്ചു ചിന്തിച്ചു. “ഒരേ​യൊ​രു പോം​വഴി ആത്മഹത്യ​യാ​ണെന്ന്‌ അപ്പോൾ തോന്നി. എന്നാൽ ബൈബിൾ എന്റെ ചിന്തയ്‌ക്കു മാറ്റം വരുത്തി. ബൈബി​ളിൽനി​ന്നു വായിച്ച സംഗതി​കൾ നിമിത്തം മാത്ര​മാണ്‌ ഞാൻ ആത്മഹത്യ ചെയ്യാ​തി​രു​ന്നത്‌,” അവൾ പറയുന്നു.—ഫിലി​പ്പി​യർ 4:4-8 കാണുക.

ഈ ആളുക​ളെ​യെ​ല്ലാം സഹായി​ച്ചത്‌ എന്തായി​രു​ന്നു? അവർ ദൈവ​ത്തി​ലും അവന്റെ വചനമായ ബൈബി​ളി​ലും ഒരു പൂർണ ആശ്രയം വളർത്തി​യെ​ടു​ത്തു. പ്രയാ​സ​മേ​റിയ സമയങ്ങ​ളിൽ അവരുടെ കാതു​ക​ളി​ലേക്ക്‌ ഉപദേശം ഓതി​ക്കൊ​ടുത്ത ആശ്രയ​യോ​ഗ്യ​നായ ഒരു പ്രിയ സുഹൃ​ത്തി​നെ​പ്പോ​ലെ ആയിത്തീർന്നു ദൈവം. (യെശയ്യാ​വു 30:21 താരത​മ്യം ചെയ്യുക.) ജീവി​ത​ത്തി​ലെ സമ്മർദ​ങ്ങ​ളെ​യും പ്രശ്‌ന​ങ്ങ​ളെ​യും തരണം ചെയ്യാൻ തങ്ങളെ സഹായിച്ച ബൈബിൾ തത്ത്വങ്ങൾ അവർ പഠിച്ചു. എല്ലാത്ത​ര​ത്തി​ലു​മുള്ള ചതി, നുണകൾ, ചൂഷണം എന്നിവ​യിൽനി​ന്നും ദുഃഖം, രോഗം, മരണം എന്നിവ​യിൽനി​ന്നും സ്വത​ന്ത്ര​മായ മനോ​ഹ​ര​മായ ഒരു “പുതിയ ഭൂമി”യെക്കു​റി​ച്ചുള്ള വാഗ്‌ദാ​നം പോലെ, ഭോഷ്‌കു പറയാൻ കഴിയാത്ത ദൈവ​ത്തിൽനി​ന്നുള്ള അത്ഭുത വാഗ്‌ദാ​ന​ങ്ങ​ളിൽ ആശ്രയി​ക്കാ​നും അവർ പഠിച്ചു!—2 പത്രൊസ്‌ 3:13; സങ്കീർത്തനം 37:11, 29; വെളി​പ്പാ​ടു 21:4, 5.

നിങ്ങൾക്കും അതേ ആശ്രയം വളർത്തി​യെ​ടു​ക്കാൻ കഴിയും. ഇന്നത്തെ ലോകം നിങ്ങളു​ടെ ആശ്രയത്തെ വഞ്ചി​ച്ചേ​ക്കാം, എന്നാൽ ദൈവ​ത്തി​ലും അവന്റെ വചനത്തി​ലു​മുള്ള നിങ്ങളു​ടെ ആശ്രയ​ത്തിന്‌ ഒരിക്ക​ലും ഭംഗം വരിക​യില്ല എന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. ദൈവ​ത്തെ​യും അവന്റെ വചനമായ ബൈബി​ളി​നെ​യും കുറിച്ചു മെച്ചമാ​യി അറിയാൻ നിങ്ങളെ സഹായി​ക്കു​ന്ന​തിന്‌ ആരെ​യെ​ങ്കി​ലും ക്രമീ​ക​രി​ക്കാൻ ഈ മാസി​ക​യു​ടെ പ്രസാ​ധകർ സന്തോ​ഷ​മു​ള്ള​വ​രാ​യി​രി​ക്കും.

[അടിക്കു​റിപ്പ്‌]

[8-ാം പേജിലെ ചിത്രം]

ബാബിലോനെ എങ്ങനെ തകിടം​മ​റി​ക്കു​മെന്ന്‌ ഏതാണ്ട്‌ 200 വർഷം മുമ്പു തന്നെ ദൈവ​ത്തി​ന്റെ പ്രവാ​ചകൻ മുൻകൂ​ട്ടി​പ്പ​റ​ഞ്ഞു

[9-ാം പേജിലെ ചിത്രം]

സർ ഐസക്‌ ന്യൂട്ടൺ ബൈബി​ളി​നെ ആശ്രയ​യോ​ഗ്യ​മാ​യി കണ്ടെത്തി