“ദിവസേന ഒരു ആപ്പിൾ ഡോക്ടറെ അകറ്റി​നിർത്തു​ന്നു”

ആ മനോ​ജ്ഞ​മായ ചുവന്ന ആപ്പിളു​കളെ നോക്കൂ. അവ വശ്യമാ​യി​തോ​ന്നു​ന്നി​ല്ലേ? തീർച്ച​യാ​യും—സംശയ​ലേ​ശ​മെ​ന്യേ അതിനു തക്കകാ​ര​ണ​വു​മുണ്ട്‌. ആപ്പിൾ നിങ്ങളു​ടെ ക്ഷേമത്തി​നും നല്ല ആരോ​ഗ്യ​ത്തി​നും വേണ്ടി സംഭാ​വ​ന​ചെ​യ്യാൻ രൂപക​ല്‌പന ചെയ്യ​പ്പെ​ട്ട​താണ്‌. ഭക്ഷണത്തി​നു കൊള്ളാ​വുന്ന അനേക​തരം ഫലങ്ങളിൽ ഏറ്റവും ശ്രേഷ്‌ഠ​മാ​യ​വ​യിൽ ഒന്നാണ്‌ ആപ്പിൾ. അങ്ങനെ, അതു നിങ്ങൾക്കു പ്രയോ​ജ​ന​പ്ര​ദ​മാ​ണെന്നു ചിന്തി​ക്കു​വാൻ അവ നിങ്ങളെ പ്രേരി​പ്പി​ക്കു​ന്നു.

പെയർ, ക്വിൻസ്‌, വൈറ്റ്‌തോൺ, സെർവീസ്‌ എന്നീ മരങ്ങ​ളെ​പ്പോ​ലെ ആപ്പിൾ മരവും റോസ്‌ (Rosaceae) കുടും​ബ​ത്തിൽപെ​ട്ട​താണ്‌. ഈ മരങ്ങളു​ടെ​യെ​ല്ലാം പഴച്ചാ​റിൽ പഞ്ചസാര സമൃദ്ധ​മാ​യി അടങ്ങി​യി​രി​ക്കു​ന്നു. പുളി​രസം മുതൽ മധുരം വരെയുള്ള സ്വാദു​ക​ളോ​ടു​കൂ​ടിയ അവയുടെ വളരെ സൗരഭ്യ​മുള്ള ഫലങ്ങൾ പച്ച, മഞ്ഞ, ചുമപ്പ്‌ എന്നിവ​യു​ടെ വ്യത്യസ്‌ത നിറക്കൂ​ട്ടു​ക​ളിൽ കാണ​പ്പെ​ടു​ന്നു.

ലോക​വ്യാ​പ​ക​മാ​യി പ്രതി​വർഷം ഏകദേശം 200 കോടി ബുഷെൽ, അതായത്‌ 170 മുതൽ 180 വരെ ലക്ഷം ടൺ ആപ്പിൾ ഉത്‌പാ​ദി​പ്പി​ക്ക​പ്പെ​ടു​ന്നു. ഐക്യ​നാ​ടു​ക​ളിൽ, പകുതി​യോ​ളം പഴമാ​യി​തന്നെ ഭക്ഷിക്ക​പ്പെ​ടു​ന്നു. ശേഷി​ക്കു​ന്നവ ആപ്പിൾ ബട്ടർ, ആപ്പിൾ ജ്യൂസ്‌, ആപ്പിൾ സോസ്‌, ആപ്പിൾ ജെല്ലി, ആപ്പിൾ ബ്രാണ്ടി, ആപ്പിൾ മദ്യം, ആപ്പിൾ പൈക​ളും മറ്റു ഭക്ഷണസാ​ധ​ന​ങ്ങ​ളും, ആപ്പിൾ വിന്നാ​ഗി​രി, ആപ്പിൾ വീഞ്ഞ്‌ എന്നിങ്ങ​നെ​യുള്ള വിഭവങ്ങൾ ഉണ്ടാക്കു​വാൻ ഉപയോ​ഗി​ക്കു​ന്നു. യൂറോ​പ്പിൽ വിളയു​ടെ ഭൂരി​ഭാ​ഗ​വും മദ്യവും വീഞ്ഞും ബ്രാണ്ടി​യും ഉണ്ടാക്കു​വാൻ ഉപയോ​ഗി​ക്കു​ന്നു. ലോകത്തെ മൊത്തം ഉത്‌പാ​ദ​ന​ത്തി​ന്റെ നാലിൽ ഒന്ന്‌ മദ്യനിർമാ​ണ​ത്തി​നാണ്‌ ഉപയോ​ഗി​ക്കു​ന്നത്‌.

എന്നാൽ ഫലം നമുക്കു രുചി​ക​ര​മാ​യി തീരു​ന്ന​തി​നു വളരെ മുമ്പു​തന്നെ പൂത്തു​ല​ഞ്ഞു​നിൽക്കുന്ന ആപ്പിൾ മരം നമ്മുടെ കണ്ണുകൾക്ക്‌ ആനന്ദം പകരുന്നു. പൂക്ക​ളെ​ല്ലാം ആപ്പിളാ​യി വികാസം പ്രാപി​ച്ചാൽ മരത്തിനു ഭാരം താങ്ങു​വാൻ കഴിയാ​ത്ത​വി​ധം എണ്ണമറ്റ ആകർഷ​ക​മായ കൂർത്തു വെളുത്ത പുഷ്‌പ​ങ്ങ​ളാൽ അത്‌ പൊതി​യ​പ്പെ​ട്ടി​രി​ക്കു​ന്നു. എന്നാൽ നേര​ത്തെ​യുള്ള ഉഷ്‌ണ​ക്കാറ്റ്‌ സാധാ​ര​ണ​മാ​യി കുറെ പുഷ്‌പങ്ങൾ കൊഴി​ഞ്ഞു​പോ​കു​വാൻ കാരണ​മാ​ക്കു​ന്നു.

ആപ്പിൾ കൃഷി

ആപ്പിൾ മരം ഏറ്റവും​ന​ന്നാ​യി വളരു​ന്നതു സമശീ​തോഷ്‌ണ മേഖല​ക​ളി​ലാണ്‌. പൗരാ​ണി​ക​കാ​ലം മുതൽ തന്നെ ആപ്പിൾ കൃഷി​ചെ​യ്യ​പ്പെ​ട്ടു​പോ​രു​ന്നു. ആപ്പിൾ മരവും ആപ്പിളും ആറു തവണ ബൈബി​ളിൽ പരാമർശി​ക്ക​പ്പെ​ട്ടി​ട്ടുണ്ട്‌.a റോമാ​ക്കാർ അവയെ ആസ്വദി​ക്കു​ക​യും തങ്ങളുടെ അസംഖ്യം സൈനിക കീഴട​ക്ക​ലു​ക​ളോ​ടൊ​പ്പം അവർ വ്യത്യസ്‌ത ഇനം ആപ്പിളു​ക​ളു​ടെ കൃഷി ഇംഗ്ലണ്ടി​ലും യൂറോ​പ്പി​ന്റെ മറ്റു ഭാഗങ്ങ​ളി​ലും ഉടനീളം വ്യാപി​പ്പി​ക്കു​ക​യും ചെയ്‌തു. ആദിമ അമേരി​ക്കൻ കുടി​യേ​റ്റ​ക്കാർ ആപ്പിൾ വിത്തു​ക​ളും ആപ്പിൾ മരങ്ങളും തങ്ങളോ​ടൊ​പ്പം ഇംഗ്ലണ്ടിൽനി​ന്നും കൊണ്ടു​പോ​യി.

കർഷക​രു​ടെ തലമു​റകൾ ഏറെ പരീക്ഷ​ണ​ങ്ങൾന​ടത്തി, പ്രജന​ന​ത്തി​ലൂ​ടെ ആപ്പിളി​ന്റെ ഗുണനി​ല​വാ​രം മെച്ച​പ്പെ​ടു​ത്തി​യി​രി​ക്കു​ന്നു. എന്നിരു​ന്നാ​ലും ഇത്‌ ഒരു ധൃതഗ​തി​യി​ലുള്ള പ്രക്രി​യയല്ല. വിപണ​ന​യോ​ഗ്യ​മായ ഒരു പുതിയ തരം ആപ്പിൾ ഉത്‌പാ​ദി​പ്പി​ക്കു​ന്ന​തിന്‌ 20 വർഷം വരെ എടു​ത്തേ​ക്കാം. കർഷക​രു​ടെ അശ്രാ​ന്ത​പ​രി​ശ്രമം നിമിത്തം നമുക്കി​ന്നു തിര​ഞ്ഞെ​ടു​ക്കു​വാൻ നീരു​ള്ള​തും വർണശ​ബ​ള​വു​മായ അനേക​തരം ആപ്പിളു​കൾ ഉണ്ട്‌.

വിള​വെ​ടു​ക്കൽ

ഉത്തരാർധ​ഗോ​ള​ത്തിൽ ആപ്പിളി​ന്റെ കാലം തുടങ്ങു​ന്നതു ജൂ​ലൈ​യി​ലോ ആഗസ്‌റ​റി​ലോ ആണ്‌. എന്നാൽ ജെയിംസ്‌ ഗ്രീവോ ട്രാൻസ്‌പ​രൻറോ​പോ​ലെ ആദ്യം പഴുക്കുന്ന ഇനങ്ങൾ കൂടുതൽ കാല​ത്തേക്കു സൂക്ഷി​ച്ചു​വെ​ക്കു​വാൻ സാധി​ക്കു​ക​യില്ല. അവയെ പെട്ടെ​ന്നു​തന്നെ, അതേപ​ടി​യോ അല്ലെങ്കിൽ വേവി​ച്ചോ ഭക്ഷിക്കണം. എന്നിരു​ന്നാ​ലും അവ പിൻവ​രു​ന്ന​വ​ക്കു​വേ​ണ്ടി​യുള്ള നമ്മുടെ വിശപ്പി​നെ തീവ്ര​മാ​ക്കു​ന്നു: സമ്മേർഡ്‌, ഗ്രേവൻസ്റ്റീൻ, കോക്‌സ്‌ ഓറഞ്ച്‌, ബോസ്‌കോപ്പ്‌, ജേനഥൻ, റെഡ്‌ ഡെലീ​ഷ്യസ്‌, മക്കന്റോഷ്‌, ഗ്രാനി​സ്‌മിത്ത്‌, എന്നിവ ആയിര​ക്ക​ണ​ക്കിന്‌ ഇനങ്ങളിൽ ചിലവ മാത്ര​മാണ്‌.

ആപ്പിളി​ന്റെ വിള​വെ​ടു​പ്പു വരണ്ട കാലാ​വ​സ്ഥ​യിൽ ആയിരി​ക്കണം. പുതിയ മുളകൾക്കും അവയിലെ ഇലകൾക്കും ക്ഷതമേൽക്കാ​തെ വളരെ ശ്രദ്ധാ​പൂർവം അവ പറി​ച്ചെ​ടു​ക്കണം. ആപ്പിൾ നന്നായി പഴുക്കു​മ്പോൾ അതിനെ അല്‌പ​മൊ​ന്നു തിരി​ച്ചാൽ കൊമ്പിൽനിന്ന്‌ എളുപ്പം പറിഞ്ഞു​പോ​രും. ഞെട്ട്‌ ആപ്പിളിൽനി​ന്നു പറിഞ്ഞു​പോ​കാ​തെ ശ്രദ്ധി​ക്കേ​ണ്ടതു പ്രധാ​ന​മാണ്‌. കാരണം, അത്‌ ആപ്പിളി​നെ ക്ഷതപ്പെ​ടു​ത്തു​ക​യും ആയുസ്സ്‌ കുറക്കു​ക​യും ചെയ്യും.

താമസി​ച്ചു പഴുക്കുന്ന ഇനങ്ങളെ കാലാവസ്ഥ അനുവ​ദി​ക്കു​ന്നു​വെ​ങ്കിൽ സാധ്യ​മാ​കു​ന്നി​ട​ത്തോ​ളം കാലം പറി​ച്ചെ​ടു​ക്ക​രുത്‌. നേര​ത്തെ​യുള്ള ഒരു ശൈത്യം നിമിത്തം ആപ്പിൾ മരത്തിൽകി​ടന്നു തണുത്തു​റ​യു​ന്നു​വെ​ങ്കിൽ തണുപ്പു​മാ​റു​ന്ന​തു​വരെ പറി​ച്ചെ​ടു​ക്കൽ മാറ്റി​വ​യ്‌ക്കണം. വെള്ളം ഐസാ​കുന്ന താപനി​ല​യെ​ക്കാൾ ഏതാനും ഡിഗ്രി വരെ താഴ്‌ന്ന ഊഷ്‌മാ​വു താങ്ങു​വാൻ ആപ്പിളി​നു കഴിയും. എന്നാൽ എത്രമാ​ത്രം പഴുത്തി​രി​ക്കു​ന്നു എന്നതി​നെ​യും അതിലെ പഞ്ചസാ​ര​യു​ടെ അളവി​നെ​യും ആശ്രയി​ച്ചാ​ണി​തി​രി​ക്കു​ന്നത്‌. എന്നാൽ ഒരിക്കൽ തണുത്തു​റ​യു​ക​യും പിന്നീട്‌ സാധാ​ര​ണ​നി​ല​യിൽ എത്തുക​യും ചെയ്‌ത​വയെ സൂക്ഷി​ച്ചു​വ​യ്‌ക്കു​വാൻ സാധി​ക്കില്ല. അവയെ പെട്ടെ​ന്നു​തന്നെ ജ്യൂസോ, വേവിച്ച പഴമോ, വിന്നാ​ഗി​രി​യോ ആക്കിമാ​റ്റേ​ണ്ട​തുണ്ട്‌, അവയെ ഉണക്കു​വാൻ സാധി​ക്കില്ല.

സംഭരണം

ആപ്പിളി​ന്റെ ഒരു രസകര​മായ സവി​ശേഷത അതു ശ്വസി​ക്കു​ന്നു​വെ​ന്ന​താണ്‌. അവ വായു​വിൽനിന്ന്‌ ഓക്‌സി​ജനെ ആഗിരണം ചെയ്യു​ക​യും കാർബൺ ഡൈ ഓക്‌​സൈ​ഡി​നെ​യും ജലത്തെ​യും പുറത്തു​വി​ടു​ക​യും ചെയ്യുന്നു. അതു​കൊണ്ട്‌ ചുറ്റു​പാട്‌ എത്ര ചൂടു​ള്ള​താ​യി​രി​ക്കു​ന്നു​വോ അത്രയും വേഗത്തിൽ അവ വെള്ളം​വറ്റി ചുരു​ങ്ങു​ന്നു. അവ ശ്വസന​ത്തി​ലൂ​ടെ അവയുടെ ചുറ്റു​പാ​ടിൽനി​ന്നും മണവും ആഗിരണം ചെയ്യുന്നു. അതു​കൊണ്ട്‌ അഞ്ച്‌ ഡിഗ്രി സെൽഷ്യസ്‌ ഊഷ്‌മാ​വിൽ അവയെ തനിച്ചു സംഭരി​ച്ചു​വെ​ക്കു​ന്ന​താണ്‌ ഏറ്റവും മെച്ചം.

ആപ്പിൾ ഉരുള​ക്കി​ഴ​ങ്ങി​നോ​ടൊ​പ്പം ഒരു നിലവ​റ​യിൽ സൂക്ഷി​ച്ചു​വെ​ക്കു​ന്നത്‌ ആപ്പിളി​ന്റെ ചില ശുദ്ധമായ വാസനകൾ നഷ്ടപ്പെ​ടു​വാൻ ഇടയാ​ക്കും. അതിലു​പ​രി​യാ​യി, വ്യത്യസ്‌ത ഇനങ്ങളെ വേർതി​രി​ച്ചു സൂക്ഷി​ക്കണം. ഓരോ ആപ്പിളും കടലാ​സിൽ പൊതി​യു​ന്ന​താണ്‌ ഏറ്റവും നല്ലത്‌. ഇതു ജലബാ​ഷ്‌പീ​ക​ര​ണ​വും ചുറ്റു​മുള്ള വഷളാ​ക്കുന്ന വസ്‌തു​ക്ക​ളാൽ മലിനീ​ക​രി​ക്ക​പ്പെ​ടു​ന്ന​തി​ന്റെ അപകട​വും കുറയ്‌ക്കും.

ആരോഗ്യ മൂല്യം

“ദിവസേന ഒരു ആപ്പിൾ ഡോക്ടറെ അകറ്റി​നിർത്തു​ന്നു” എന്ന്‌ പറയ​പ്പെ​ട്ടി​രി​ക്കു​ന്നു. എല്ലായ്‌പോ​ഴും അങ്ങനെ​യ​ല്ലെ​ങ്കി​ലും, ആപ്പിളിന്‌ അങ്ങനെ​യൊ​രു നല്ലപേ​രുണ്ട്‌. എന്തു​കൊണ്ട്‌? അതിൽ ഉൾക്കൊ​ണ്ടി​രി​ക്കുന്ന ഘടകങ്ങൾ നിമിത്തം ഒരുവന്റെ ആരോ​ഗ്യ​ത്തി​നു ഗുണം​ചെ​യ്യു​വാൻ അതിനു​ക​ഴി​യും.

ഓരോ ആപ്പിളും പ്രധാ​ന​പ്പെട്ട പോഷ​ക​വ​സ്‌തു​ക്ക​ളു​ടെ ഒരു ചെറിയ കലവറ​യാണ്‌. പഴുത്ത ആപ്പിളിൽ വിറ്റാ​മിൻ B₁, B₂, B₆ C, E എന്നിവ അടങ്ങി​യി​രി​ക്കു​ന്നു. ഡെക്‌സ്‌​ട്രോസ്‌, ഫ്രക്ക്‌ടോസ്‌, സു​ക്ക്രോസ്‌ എന്നിങ്ങ​നെ​യുള്ള വ്യത്യസ്‌ത ഇനം പഞ്ചസാ​ര​യും അതു പ്രദാനം ചെയ്യുന്നു. ഇതിലെ അമ്ലങ്ങളു​ടെ സംയോ​ഗ​മാ​ണു വാസന​യു​ടെ നിദാനം. പെക്‌റ്റി​നോ​ടും നാരി​നോ​ടും ഒപ്പം കാൽസ്യം, മഗ്നീഷ്യം, പൊട്ടാ​സ്യം, തുടങ്ങിയ അനേകം ധാതു​ഘ​ട​ക​ങ്ങ​ളും അതിൽ അടങ്ങി​യി​രി​ക്കു​ന്നു. ആപ്പിളി​ന്റെ ഏകദേശം 85 ശതമാനം വെള്ളമാണ്‌.

ആപ്പിളിൽ കാണ​പ്പെ​ടുന്ന മറ്റൊരു ഘടകം എത്തിലിൻ ആണ്‌. ഇതു പ്രത്യേ​കി​ച്ചും, ഫലം പഴുക്കു​ന്ന​തി​നു സഹായി​ക്കുന്ന ഒരു പ്രകൃ​തി​ദത്ത വളർച്ചാ​നി​യ​ന്ത്ര​ക​മാ​യി പ്രവർത്തി​ക്കു​ന്നു. നിങ്ങൾക്കു പച്ച തക്കാളി​ക്കാ​യോ അവോ​ക്കേ​ഡോ​യോ ഉണ്ടെങ്കിൽ ഈ ബാഷ്‌പി​ക​മായ ഘടകത്തെ നന്നായി ഉപയോ​ഗി​ക്കു​വാൻ കഴിയും. അവയെ ഏതാനും പഴുത്ത ആപ്പിളു​ക​ളോ​ടൊ​പ്പം കടലാസു കൂടിൽ ഇട്ടു​വെ​ക്കുക, അവ കൂടുതൽ വേഗത്തിൽ പഴുക്കും.

ആപ്പിളിന്‌ ആരോഗ്യ മൂല്യം ഉള്ളതി​നാൽ അവയെ എപ്പോൾ എങ്ങനെ ഭക്ഷിക്കണം എന്നറി​യു​ന്നതു പ്രധാ​ന​മാണ്‌. ഒന്നാമ​താ​യി അതു പഴുത്തി​രി​ക്കണം. തണുത്ത ആപ്പിൾ തിന്നാ​തി​രി​ക്കു​ന്ന​താ​ണു നല്ലത്‌; അവ കുറെ​നേരം മുറി​യി​ലെ ഊഷ്‌മാ​വിൽ ഇരിക്കട്ടെ. അവയെ നന്നായി ചവച്ചര​ക്കു​ന്ന​തും പ്രധാ​ന​മാണ്‌.

രസാവ​ഹ​മാ​യി, ദഹനവ്യൂ​ഹത്തെ ശുദ്ധീ​ക​രി​ക്കു​ന്ന​തി​നു പ്രയോ​ജ​ന​ക​ര​മാ​ണെന്നു പറയ​പ്പെ​ടുന്ന സ്വഭാ​വ​ധർമങ്ങൾ ആപ്പിളി​നുണ്ട്‌. അതേ സ്വഭാ​വ​ധർമങ്ങൾ മലബന്ധ​വും അതിസാ​ര​വും സൗഖ്യ​മാ​ക്കാൻ സഹായി​ക്കു​ന്നു.

ജാഗ്ര​ത​യു​ടെ ഒരു വാക്ക്‌

ആപ്പിളും മറ്റു പഴങ്ങളും പൂപ്പിനു വിധേ​യ​മാണ്‌. ആയതി​നാൽ, ഒരളവു​വ​രെ​യുള്ള ജാഗ്രത ഉചിത​മാണ്‌. തത്‌ഫ​ല​മാ​യു​ണ്ടാ​കുന്ന വിഷത്തി​നു ശരീരാ​സ്വാ​സ്ഥ്യ​ത്തി​നും ഛർദി​ക്കും ഇടയാ​ക്കാൻ കഴിയും. അതു​കൊണ്ട്‌ പൂപ്പു സംബന്ധി​ച്ചു ജാഗ്രത പാലി​ക്കുക. പൂപ്പു ബാധിച്ച ഭാഗം മാത്രമല്ല ചീത്തയാ​യ​തി​നു ചുറ്റു​മുള്ള ഭാഗം കൂടി മുറിച്ചു കളയുക, എന്തു​കൊ​ണ്ടെ​ന്നാൽ വിഷം വ്യാപി​ക്കാൻ സാധ്യ​ത​യുണ്ട്‌.

എന്നിരു​ന്നാ​ലും, ആപ്പിൾ നിങ്ങളു​ടെ നല്ല ആരോ​ഗ്യ​ത്തി​നു സംഭാവന ചെയ്യുന്നു. അതു​കൊ​ണ്ടു നിങ്ങൾ “ഡോക്ടറെ അകറ്റി​നിർത്തു”വാൻ ആഗ്രഹി​ക്കു​ന്നു​വെ​ങ്കിൽ ദിവസേന ഒരു ആപ്പിൾ വീതം കഴിച്ചു​നോ​ക്കുക.

[അടിക്കു​റിപ്പ്‌]

[24-ാം പേജിലെ ചിത്രം]

പൂത്തുലഞ്ഞു നിൽക്കുന്ന ആപ്പിൾ മരം നയനമ​നോ​ഹ​ര​മാണ്‌