അനിയ​ന്ത്രിത പെരു​മാ​റ്റം—അതു നിങ്ങളു​ടെ ജീവി​തത്തെ നിയ​ന്ത്രി​ക്കു​ന്നു​വോ?

“ഞാൻ എന്നും രാവിലെ 6 മണിക്ക്‌ ഉണ രുന്നു. എന്റെ അലാറം 6 മണിക്കാ​യി താനേ ക്രമീ​ക​രി​ക്ക​പ്പെ​ട്ടി​ട്ടുണ്ട്‌. അത്‌ ക്രമീ​ക​രി​ക്ക​പ്പെ​ട്ടി​രി​ക്കു​ന്നു​വെന്ന്‌ എനിക്ക്‌ അറിയാം. ഞാൻ അത്‌ ഒരിക്ക​ലും മാറ്റാ​റില്ല. എങ്കിലും എനിക്കതു പരി ശോധി​ച്ചു​കൊ​ണ്ടേ​യി​രി​ക്കണം. ഓരോ രാത്രി​യും കിടക്കാൻ പോകു​ന്ന​തി​നു മുമ്പ്‌ ഞാൻ കുറഞ്ഞത്‌ അഞ്ചു തവണ​യെ​ങ്കി​ലും അതിൽ നോക്കും. ഇനിയും, സ്റ്റൗവിന്റെ നോബു​കൾ ഓരോ​ന്നും ഓഫാ​ണെന്ന്‌ എനിക്ക്‌ ഉറപ്പു​വ​രു​ത്തണം. അവ ഓഫാ​യി​രി​ക്കു​ന്നത്‌ എനിക്കു കാണാം. എന്നിട്ടും എനിക്കു തിരി​ച്ചു​ചെന്ന്‌ ഒന്നോ രണ്ടോ മൂന്നോ തവണ നോക്കണം—കേവലം ഉറപ്പു വരുത്തു​ന്ന​തി​നു​വേണ്ടി. അടുത്ത​താ​യി, റെഫ്രി​ജ​റേ​റ്റ​റി​ന്റെ കതക്‌ അടച്ചി​ട്ടു​ണ്ടെന്നു തീർച്ച​വ​രു​ത്തു​ന്ന​തി​നു​വേണ്ടി എനിക്ക്‌ അത്‌ വീണ്ടും വീണ്ടും പരി​ശോ​ധി​ക്കണം. പിന്നെ, വല പിടി​പ്പിച്ച വാതി​ലി​ന്റെ പൂട്ടും വീട്ടിലെ പ്രധാന വാതി​ലി​ന്റെ രണ്ടു പൂട്ടു​ക​ളും നോ​ക്കേ​ണ്ട​തുണ്ട്‌ . . .,” കീത്ത്‌ പറയുന്നു.a

കീത്ത്‌, അനിയ​ന്ത്രിത ചിന്താ-പ്രവർത്തന തകരാ​റി​നാൽ (obsessive-compulsive disorder, OCD) ബാധി​ത​നാണ്‌. അനിയ​ന്ത്രിത ചിന്തക​ളും (ഒബ്‌സെ​ഷ​നു​കൾ) പ്രവർത്ത​ന​ങ്ങ​ളും (കംബൾഷ​നു​കൾ) സവി​ശേ​ഷ​ത​ക​ളാ​യുള്ള ദുർബ​ല​മാ​ക്കുന്ന ഒരു അവസ്ഥ​യെന്ന്‌ അത്‌ നിർവ​ചി​ക്ക​പ്പെ​ട്ടി​രി​ക്കു​ന്നു.b ഈ അനിയ​ന്ത്രിത ചിന്തക​ളും പ്രവർത്ത​ന​ങ്ങ​ളും തീർത്തും അനൈ​ഛി​ക​മാ​ണെന്ന്‌ ഒസിഡി-യുള്ള ഒരാൾക്കു തോന്നു​ന്നു. അവ ബലം​പ്ര​യോ​ഗി​ച്ചു കടന്നു​വന്ന്‌ നിയ​ന്ത്രണം ഏറ്റെടു​ക്കു​ന്ന​തു​പോ​ലെ​യാണ്‌ അത്‌.

എല്ലാ മനുഷ്യർക്കും അനാവശ്യ ചിന്തക​ളും പ്രേര​ണ​ക​ളും വല്ലപ്പോ​ഴു​മൊ​ക്കെ അനുഭ​വ​പ്പെ​ടാ​റുണ്ട്‌. എന്നാൽ ഒസിഡി ഉള്ളവരിൽ അവ ചില​പ്പോൾ വിഷാ​ദ​ത്തിന്‌ ഇടവരു​ത്തി​ക്കൊണ്ട്‌ സാധാരണ ജീവി​തത്തെ തകരാ​റി​ലാ​ക്കു​ക​യും ഭയങ്കര​മായ അസ്വാ​സ്ഥ്യ​ത്തി​നി​ട​യാ​ക്കു​ക​യും ചെയ്യു​ന്ന​വി​ധ​ത്തിൽ അത്ര തുടർച്ച​യാ​യും ആവർത്തി​ച്ചും ഉണ്ടാകു​ന്നു. “നിരന്ത​ര​മായ മാനസിക സംഘർഷം ആത്മഹത്യ​യെ​ക്കു​റി​ച്ചു ചിന്തി​ക്കാൻ എന്നെ പ്രേരി​പ്പി​ച്ചു” എന്ന്‌ ഇതുമൂ​ലം ദുരി​ത​മ​നു​ഭ​വി​ക്കുന്ന ഒരാൾ പറഞ്ഞു. ഈ കുഴപ്പി​ക്കുന്ന രോഗ​ത്തി​ന്റെ ചില ലക്ഷണങ്ങൾ പരിചി​ന്തി​ക്കുക.

കണ്ടാലും വിശ്വ​സി​ക്കു​ന്നി​ല്ല

ബ്രൂസ്‌ ഒരു ബംപിന്റെ മുകളി​ലൂ​ടെ കാർ ഓടി​ക്കു​മ്പോൾ അസ്വസ്ഥ​മാ​ക്കുന്ന ഒരു വലിയ ഭീതി അയാളെ മഥിക്കു​ന്നു. ‘ഞാൻ ഒരു കാൽന​ട​ക്കാ​രന്റെ ദേഹത്ത്‌ വണ്ടി കയറ്റി​യി​ട്ടു​ണ്ടെ​ങ്കി​ലോ?’ അയാൾ സ്വയം ചോദി​ക്കു​ന്നു. “കുറ്റകൃ​ത്യം” നടന്നി​ടത്തു തിരി​ച്ചെത്തി ഒരു തവണ​യൊ​ന്നു​മല്ല, ആവർത്തി​ച്ചാ​വർത്തി​ച്ചു പരി​ശോ​ധി​ക്കു​ന്ന​തു​വരെ ആ തോന്നൽ ശക്തമാ​യി​ക്കൊ​ണ്ടി​രി​ക്കു​ന്നു! തീർച്ച​യാ​യും ബ്രൂസ്‌ ഒരു പരിക്കേറ്റ കാൽന​ട​ക്കാ​രനെ കണ്ടെത്തു​ന്നില്ല. എങ്കിലും അയാൾക്ക്‌ ഉറപ്പാ​കു​ന്നില്ല! അതു​കൊണ്ട്‌ വീട്ടിൽ ചെന്നെ​ത്തു​മ്പോൾ അയാൾ വണ്ടിയി​ടി​ച്ചു​ണ്ടായ അപകട​ത്തി​ന്റെ റിപ്പോർട്ടു​കൾക്കു​വേണ്ടി വാർത്തകൾ നിരീ​ക്ഷി​ക്കു​ന്നു. “കുറ്റസമ്മത”ത്തിനു​വേണ്ടി അയാൾ പൊലീ​സി​നെ​പ്പോ​ലും വിളി​ക്കു​ന്നു.

ബ്രൂസി​നെ​പ്പോ​ലെ ഒസിഡി-യുള്ള അനേക​രും സംശയ​ങ്ങ​ളാൽ വലയ്‌ക്ക​പ്പെ​ടു​ന്നു: ‘ഞാൻ ആരെ​യെ​ങ്കി​ലും വ്രണ​പ്പെ​ടു​ത്തി​യോ? ഞാൻ വീട്ടിൽനി​ന്നി​റ​ങ്ങി​യ​പ്പോൾ സ്റ്റൗവ്‌ ഓഫ്‌ ചെയ്‌തി​രു​ന്നോ? ഞാൻ കതകു പൂട്ടി​യി​രു​ന്നോ?’ എന്നിങ്ങനെ പോകു​ന്നു അവ. മിക്കയാ​ളു​കൾക്കും ഇടയ്‌ക്കി​ട​യ്‌ക്ക്‌ സമാന​മായ ചിന്തകൾ ഉണ്ടാ​യേ​ക്കാം. എന്നാൽ, ഒസിഡി-യുള്ള ആൾ വീണ്ടും വീണ്ടും പരി​ശോ​ധി​ക്കും, എന്നാലും തൃപ്‌തി വരില്ല. “എന്റെ പരി​ശോ​ധി​ച്ചു​കൊ​ണ്ടേ​യി​രി​ക്കുന്ന രോഗി​കൾ ‘അവബോ​ധം ഇന്ദ്രി​യ​ബോ​ധ​ങ്ങ​ളിൽനി​ന്നു മാത്രം വരുന്നു’വെന്നു പറയു​ന്ന​താ​യി കാണുന്നു. അതു​കൊണ്ട്‌ അവർക്കു വാതി​ലി​ന്റെ നോബ്‌ വീണ്ടും വീണ്ടും തിരി​ക്കണം; ലൈറ്റി​ന്റെ സ്വിച്ച്‌ ഓണും ഓഫും, ഓണും ഓഫും ചെയ്‌തു​കൊ​ണ്ടി​രി​ക്കണം. ഈ ക്രിയകൾ പെട്ടെ​ന്നുള്ള വിവരം നൽകുന്നു. എന്നിട്ടും അവർക്ക്‌ ബോധ്യ​മാ​കു​ന്നില്ല,” ഡോ. ജൂഡിത്ത്‌ റാപൊ​പൊർട്ട്‌ എഴുതു​ന്നു.

വൃത്തി പോരാ

ചാൾസ്‌ എന്നു പേരുള്ള 14 വയസ്സുള്ള ഒരു ആൺകു​ട്ടിക്ക്‌ അണുക്ക​ളാൽ മാലി​ന്യം സംഭവി​ക്കു​ന്ന​തി​നെ​ക്കു​റിച്ച്‌ അനിയ​ന്ത്രി​ത​മായ ഭയമാണ്‌. അവന്റെ അമ്മക്ക്‌ അവൻ തൊടാൻ സാധ്യ​ത​യു​ള്ള​തെ​ല്ലാം റബ്ബിങ്‌ ആൽക്ക​ഹോൾ ഉപയോ​ഗിച്ച്‌ വൃത്തി​യാ​ക്കേ​ണ്ടി​യി​രു​ന്നു. മാത്രമല്ല, സന്ദർശകർ തെരു​വിൽനിന്ന്‌ അഴുക്കു കൊണ്ടു​വ​രു​മെന്നു ചാൾസ്‌ ഭയപ്പെട്ടു.

തുണികൾ കഴുകു​മ്പോൾ ഫ്രാനിന്‌ പേടി​യു​ണ്ടാ​യി​രു​ന്നു. “അലക്കു മെഷീ​നിൽനിന്ന്‌ തുണികൾ പുറ​ത്തെ​ടു​ക്കു​മ്പോൾ അവ അതിന്റെ വശത്തെ​ങ്ങാ​നും മുട്ടി​യെ​ങ്കിൽ അവയെ​ല്ലാം ഒന്നുകൂ​ടി കഴുക​ണ​മാ​യി​രു​ന്നു,” അവൾ പറയുന്നു.

ചാൾസി​നെ​യും ഫ്രാനി​നെ​യും പോലെ ഒസിഡി-യുള്ള പലർക്കും അണുക്ക​ളെ​യും മലിനീ​ക​ര​ണ​ത്തെ​യും കേന്ദ്ര​മാ​ക്കി​യുള്ള അനിയ​ന്ത്രിത ചിന്തകൾ ഉണ്ട്‌. ഇത്‌ അമിത​മായ കുളി​ക്കോ കൈ കഴുക​ലി​നോ ഇടയാ​ക്കി​യേ​ക്കാം, ചില​പ്പോൾ ശരീരം കുമി​ള​യ്‌ക്കു​ന്ന​തു​വരെ തന്നെ—എന്നിട്ടും അസുഖ​മു​ള്ള​യാൾക്കു വൃത്തി തോന്നു​ന്നില്ല.

മനസ്സി​നാൽ പീഡി​പ്പി​ക്ക​പ്പെ​ടു​ന്നു

ദൈവ​ത്തോ​ടുള്ള അനൈ​ച്‌ഛി​ക​മായ, അനാദ​ര​ണി​യ​മായ ചിന്തക​ളാൽ ഇലേൻ ദുരി​ത​മ​നു​ഭ​വി​ക്കു​ന്നു. “എനിക്ക്‌ മനസ്സിൽപോ​ലും കാണാൻ കഴിയാത്ത കാര്യ​ങ്ങ​ളാണ്‌ ഇവ. അങ്ങനെ ചിന്തി​ക്കു​ന്ന​തി​ലും ഭേദം മരിക്കു​ക​യാണ്‌,” അവൾ പറയുന്നു. എന്നിട്ടും ചിന്തകൾ നിലനിൽക്കു​ന്നു. “ഓരോ ദിവസ​വും ഇതി​നോ​ടു മല്ലിട്ടു മല്ലിട്ട്‌ ചില​പ്പോൾ രാത്രി​യാ​കു​മ്പോൾ ഞാൻ അക്ഷരാർഥ​ത്തിൽ തളർന്നു​പോ​കു​ന്നു,” അവൾ തുടരു​ന്നു.

തന്റെ തെറ്റു​ക​ളെ​പ്പ​റ്റി​യുള്ള കുറ്റ​ബോ​ധ​ത്താൽ പ്രേരി​ത​നാ​യി സ്റ്റീവൻ ദൈവ​ത്തോ​ടു “പ്രതി​ജ്ഞകൾ” ചെയ്യുന്നു. “ഈ പ്രവണത എന്നെ ദുഃഖി​പ്പി​ക്കു​ന്നു. എന്തു​കൊ​ണ്ടെ​ന്നാൽ അത്‌ എന്റെ ഇച്ഛയ്‌ക്ക്‌ എതിരാ​യി സംഭവി​ക്കു​ന്ന​തു​പോ​ലെ തോന്നു​ന്നു. പിന്നീട്‌, ഞാൻ വാഗ്‌ദാ​നം ചെയ്‌തതു നിവർത്തി​ക്കാ​നാ​യി എന്റെ മനസ്സാക്ഷി എന്നെ പ്രേരി​പ്പി​ക്കു​ന്നു. ഇതുമൂ​ലം വളരെ​യ​ധി​കം വൈകാ​രിക മൂല്യ​മു​ണ്ടാ​യി​രുന്ന ഒരു വസ്‌തു നശിപ്പി​ച്ചു​ക​ള​യാൻ ഞാൻ ഒരിക്കൽ നിർബ​ന്ധി​ത​നാ​യി,” അവൻ പറയുന്നു.

ഇലേനും സ്റ്റീവനും കൂടു​ത​ലും മനസ്സു​മാ​യി ബന്ധപ്പെട്ട അനിയ​ന്ത്രിത ചിന്തക​ളാ​ണു​ള്ളത്‌. അവരുടെ ലക്ഷണങ്ങൾ വേഗം നിരീ​ക്ഷി​ക്ക​പ്പെ​ടു​ന്ന​വ​യ​ല്ലെ​ങ്കി​ലും ഈ അനിയ​ന്ത്രിത ചിന്തക​ളു​ള്ളവർ കുറ്റ​ബോ​ധ​ത്തി​ന്റെ​യും ഭയത്തി​ന്റെ​യും ഒരു വലയത്തിൽ തളച്ചി​ട​പ്പെ​ടു​ന്നു.

ഇവയെ​ല്ലാം ഒസിഡി​യു​ടെ അനേകം ലക്ഷണങ്ങ​ളിൽ ചിലതു മാത്ര​മാണ്‌.c ഈ തകരാ​റിന്‌ ഇടയാ​ക്കു​ന്ന​തെ​ന്താണ്‌? അതിൽനിന്ന്‌ എങ്ങനെ ആശ്വാസം നേടാൻ കഴിയും?

അനിയ​ന്ത്രി​ത​മാ​യ​തി​നെ നിയ​ന്ത്രി​ക്കൽ

“സെറി​ബ്ര​ത്തി​ലെ ഒരു ഷോർട്ട്‌ സർക്കിട്ട്‌” നിമി​ത്ത​മാ​യി ഇന്ദ്രിയ വിവരങ്ങൾ പതിയാ​തെ വന്നിട്ട്‌ “പരിപാ​ടി ആവർത്തി​ച്ചാ​വർത്തിച്ച്‌ സംഭവി​ച്ചു​കൊ​ണ്ടി​രി​ക്കുന്ന”തിന്റെ ഫലമാ​യു​ണ്ടാ​കു​ന്ന​തെന്ന്‌ ഒരു ഡോക്ടർ ഒസിഡി പെരു​മാ​റ്റത്തെ വർണി​ക്കു​ന്നു. ഈ വ്യാവർത്ത​ന​ത്തിന്‌ ഇടയാ​ക്കു​ന്ന​തെന്ത്‌? ആർക്കും തിട്ടമില്ല. നാഡീ​സം​ജ്ഞ​കളെ പ്രേഷണം ചെയ്യുന്ന സെറോ​ട്ടോ​ണിൻ ഉൾപ്പെ​ട്ടി​രി​ക്കു​ന്ന​താ​യി കാണ​പ്പെ​ടു​ന്നു, എന്നാൽ മസ്‌തി​ഷ്‌ക​ത്തി​ന്റെ മറ്റു വശങ്ങളും അതു​പോ​ലെ​തന്നെ പരിഗ​ണ​ന​യി​ലെ​ടു​ക്കു​ന്നുണ്ട്‌. ജീവി​ത​ത്തി​ലെ ആദ്യകാല അനുഭ​വ​ങ്ങ​ളും ചില​പ്പോൾ ഇവയോ​ടൊ​പ്പം ജനിത​ക​പ​ര​മായ പ്രവണ​ത​യും ഒസിഡി-ക്ക്‌ ഇടയാ​ക്കാ​വു​ന്ന​താ​ണെന്നു ചിലർ പറയുന്നു.

കാരണ​മെ​ന്തു​ത​ന്നെ ആയിരു​ന്നാ​ലും ഒരു വസ്‌തുത വ്യക്തമാണ്‌: ഒസിഡി-യുള്ളവ​രോട്‌ കഴുക്കു നിർത്താ​നോ പരി​ശോ​ധന നിർത്താ​നോ പറയു​ന്ന​തു​കൊ​ണ്ടു പ്രയോ​ജ​ന​മു​ണ്ടാ​കാൻ വഴിയില്ല. ഇതിൽ ഇച്ഛാശ​ക്തി​യി​ല​ധി​കം ഉൾപ്പെ​ട്ടി​രി​ക്കു​ന്നു.

മരുന്നു കഴിക്കു​ന്നത്‌ പലർക്കും സഹായ​ക​മാ​ണെന്നു തെളി​ഞ്ഞി​ട്ടുണ്ട്‌. രോഗി​യെ ഭയപ്പെ​ടുന്ന സാഹച​ര്യ​ത്തി​നു വിധേ​യ​നാ​ക്കി​യിട്ട്‌ സാധാരണ പ്രതി​ക​ര​ണ​ത്തിന്‌ അനുവ​ദി​ക്കാ​തി​രി​ക്കു​ന്നത്‌ മറ്റൊരു സമീപ​ന​മാണ്‌. ഉദാഹ​ര​ണ​ത്തിന്‌, കഴുകൽ മുറയുള്ള ഒരാ​ളോട്‌ ഏതെങ്കി​ലും അഴുക്കു​വ​സ്‌തു കയ്യിൽ പിടി​ച്ചിട്ട്‌ കഴുകാ​തി​രി​ക്കാൻ ആവശ്യ​പ്പെ​ടു​ന്നു. തീർച്ച​യാ​യും, അത്തരം ചികി​ത്സാ​രീ​തി പ്രശ്‌നത്തെ രായ്‌ക്കു​രാ​മാ​നം ഭേദമാ​ക്കു​ന്നില്ല. എന്നാൽ അങ്ങനെ ചെയ്യു​ന്ന​തിൽ തുടരു​ന്ന​തു​വഴി ആശ്വാസം ലഭിക്കു​ന്ന​താ​യി ചിലർക്ക​നു​ഭ​വ​പ്പെ​ടു​ന്നു.

ചില കേസു​ക​ളി​ലെ​ങ്കി​ലും ഒസിഡി ജീവി​ത​ത്തി​ലെ ആദ്യകാല അനുഭ​വ​ങ്ങ​ളിൽ വേരൂ​ന്നി​യി​രി​ക്കാ​നുള്ള സാധ്യ​ത​യെ​ക്കു​റി​ച്ചും വിദഗ്‌ധർ പര്യ​വേ​ക്ഷണം നടത്തി​യി​ട്ടുണ്ട്‌. ദുഷ്‌പെ​രു​മാ​റ്റം അനുഭ​വി​ക്കുന്ന പല കുട്ടി​ക​ളും സ്വതവേ തന്നെ തങ്ങൾ വിലയി​ല്ലാ​ത്ത​വ​രോ വൃത്തി​യി​ല്ലാ​ത്ത​വ​രോ ആണെന്ന ചിന്ത​യോ​ടു​കൂ​ടി വളർന്നു വരുന്ന​താ​യി ശ്രദ്ധി​ക്ക​പ്പെ​ട്ടി​ട്ടുണ്ട്‌. ഇവരിൽ ചിലർ ക്രമേണ അനിയ​ന്ത്രിത കഴുകൽ മുറകൾ വികസി​പ്പി​ച്ചെ​ടു​ത്തി​ട്ടുണ്ട്‌.

അനിയ​ന്ത്രിത ചിന്തക​ളിൽനി​ന്നും പ്രവർത്ത​ന​ങ്ങ​ളിൽനി​ന്നും ആശ്വാസം

നിങ്ങൾ ഒസിഡി മൂലം ദുരി​ത​മ​നു​ഭ​വി​ക്കു​ന്നെ​ങ്കിൽ നിങ്ങൾ വ്യത്യ​സ്‌ത​രാ​ണെ​ന്നോ ഒരുപക്ഷേ നിങ്ങൾക്കു ബുദ്ധി​ഭ്രമം സംഭവി​ക്കു​ക​യാ​ണെ​ന്നോ വിചാ​രി​ക്ക​രുത്‌. “അവരുടെ പ്രത്യേക ഭയങ്ങ​ളൊ​ഴി​ച്ചാൽ ഒസിഡി-യുള്ളവർ തങ്ങളുടെ ജീവി​ത​ത്തി​ന്റെ മറ്റെല്ലാ മേഖല​ക​ളി​ലും യാഥാർഥ്യ​ബോ​ധ​മു​ള്ള​വ​രാ​ണെ”ന്ന്‌ ഡോ. ലീ ബയെർ എഴുതു​ന്നു. നിങ്ങളെ സഹായി​ക്കാൻ കഴിയും! ഒസിഡി അപൂർണ​ത​യു​ടെ ഫലമാ​ണെന്ന കാര്യം ഓർമി​ക്കുക. ധാർമിക ദൗർബ​ല്യ​ത്തി​ന്റെ​യോ ആത്മീയ പരാജ​യ​ത്തി​ന്റെ​യോ ഒരു സൂചനയല്ല അത്‌! ദൈവ​ത്തി​ന്റെ അപ്രീ​തി​യെ​യും അത്‌ സൂചി​പ്പി​ക്കു​ന്നില്ല. “യഹോവ കരുണ​യും കൃപയും നിറഞ്ഞവൻ ആകുന്നു; ദീർഘ​ക്ഷ​മ​യും മഹാദ​യ​യും ഉള്ളവൻ തന്നേ. അവൻ നമ്മുടെ പ്രകൃതി അറിയു​ന്നു​വ​ല്ലോ; നാം പൊടി എന്നു അവൻ ഓർക്കു​ന്നു.”—സങ്കീർത്തനം 103:8, 14.

എന്നാൽ അനിയ​ന്ത്രിത ചിന്തകൾ അനാദ​ര​ണീ​യ​മോ ദൈവ​ദൂ​ഷ​ണ​മോ ആയി തോന്നു​ന്നെ​ങ്കി​ലെന്ത്‌? ഒസിഡി-യുണ്ടെ​ങ്കിൽ, വിരക്തി​തോ​ന്നുന്ന ചിന്തകൾ കുറ്റ​ബോ​ധം ആളിക്ക​ത്താൻ ഇടയാ​ക്കു​ന്നു. കുറ്റ​ബോ​ധം കൂടുതൽ വിരക്തി​തോ​ന്നുന്ന ചിന്തകൾക്ക്‌ ആക്കം കൂട്ടി​യേ​ക്കാം. “അതെന്നെ വളരെ​യേറെ അലോ​സ​ര​പ്പെ​ടു​ത്തു​ന്നു. യഹോവ എന്നോട്‌ കോപി​ഷ്ട​നാ​യി​രി​ക്കു​മെന്ന്‌ എല്ലായ്‌പോ​ഴും ചിന്തി​ക്കു​ന്നത്‌ എന്നെ പിരി​മു​റു​ക്ക​മു​ള്ള​വ​ളാ​ക്കു​ന്നു” എന്ന്‌ ഇലേൻ പറയുന്നു. തങ്ങളുടെ ചിന്തകൾ ക്ഷമിക്ക​പ്പെ​ടാത്ത പാപത്തി​നു തുല്യ​മാ​ണെ​ന്നു​പോ​ലും ചിലർക്കു തോന്നി​യേ​ക്കാം!

എന്നിരു​ന്നാ​ലും, ക്ഷമയർഹി​ക്കാത്ത പാപ​ത്തെ​ക്കു​റിച്ച്‌, അതായത്‌ ദൈവ​ത്തി​ന്റെ പരിശു​ദ്ധാ​ത്മാ​വി​നെ​തി​രെ​യുള്ള പാപ​ത്തെ​ക്കു​റി​ച്ചുള്ള യേശു​വി​ന്റെ അഭി​പ്രാ​യങ്ങൾ അവിചാ​രി​ത​മായ, അനിയ​ന്ത്രിത ചിന്തക​ളെയല്ല പരാമർശി​ച്ചത്‌ എന്നതു വ്യക്തമാണ്‌. (മത്തായി 12:31, 32) യേശു തന്റെ അഭി​പ്രാ​യങ്ങൾ പരീശൻമാ​രോ​ടാ​ണു പറഞ്ഞത്‌. അവരുടെ ആക്രമ​ണങ്ങൾ തികച്ചും മനഃപൂർവ​മാ​യി​രു​ന്നു​വെന്ന്‌ അവന്‌ അറിയാ​മാ​യി​രു​ന്നു. അവരുടെ മനഃപൂർവ​മുള്ള ചെയ്‌തി​കൾ വിദ്വേ​ഷം നിറഞ്ഞ ഹൃദയ​ങ്ങ​ളിൽനി​ന്നു​ള്ള​വ​യാ​യി​രു​ന്നു.

വാസ്‌ത​വ​ത്തിൽ, ദൈവത്തെ വേദനി​പ്പി​ച്ചു​വെ​ന്നുള്ള ഒരുവന്റെ ചിന്ത തന്നെ തീർച്ച​യാ​യും അയാൾ ക്ഷമിക്ക​പ്പെ​ടാ​നാ​വാ​ത്ത​വി​ധം പാപം ചെയ്‌തി​ട്ടില്ല എന്നുള്ള​തി​നു തെളി​വാണ്‌. (യെശയ്യാ​വു 66:2) കൂടാതെ, സ്രഷ്ടാവ്‌ ഈ തകരാറ്‌ മനസ്സി​ലാ​ക്കു​ന്നു എന്ന്‌ അറിയു​ന്നത്‌ കൂടു​ത​ലായ ഉറപ്പു​നൽകു​ന്നു. അവൻ ദയാലു​വും “ക്ഷമിക്കു​ന്ന​വ​നും” ആണ്‌. (സങ്കീർത്തനം 86:5; 2 പത്രൊസ്‌ 3:9) നമ്മുടെ ഹൃദയങ്ങൾ നമ്മെ കുറ്റ​പ്പെ​ടു​ത്തു​മ്പോൾപ്പോ​ലും “ദൈവം നമ്മുടെ ഹൃദയ​ത്തെ​ക്കാൾ വലിയ​വ​നും എല്ലാം അറിയു​ന്ന​വ​നും” ആകുന്നു. (1 യോഹ​ന്നാൻ 3:20) ഒരുവനു പരിമി​ത​മായ നിയ​ന്ത്ര​ണ​മുള്ള ഒരു തകരാ​റി​ന്റെ ഫലമായി ചിന്തക​ളും പ്രേര​ണ​ക​ളും ഉണ്ടാകുന്ന പരിധി അവനറി​യാം. അങ്ങനെ, ഇതു മനസ്സി​ലാ​ക്കുന്ന ഒസിഡി രോഗിക്ക്‌ അനാവ​ശ്യ​മായ കുറ്റ​ബോ​ധം കൊണ്ടു സ്വയം പീഡി​പ്പി​ക്കു​ന്ന​തിൽനിന്ന്‌ ഒഴിഞ്ഞു​നിൽക്കാൻ കഴിയും.

ശാരീ​രി​ക​വും മാനസി​ക​വും വൈകാ​രി​ക​വു​മായ സകലവിധ ക്ലേശങ്ങ​ളിൽനി​ന്നും ആശ്വാസം ലഭിക്കുന്ന ഒരു പുതിയ ലോകം യഹോവ വാഗ്‌ദാ​നം ചെയ്യു​ന്നു​വെ​ന്ന​തിൽ നമുക്ക്‌ എത്ര നന്ദിയു​ള്ള​വ​രാ​യി​രി​ക്കാൻ കഴിയും! (വെളി​പ്പാ​ടു 21:1-4) അതിനി​ട​യിൽ, ഈ തകരാറ്‌ സഹി​ക്കേ​ണ്ടി​യി​രി​ക്കു​ന്ന​വർക്ക്‌ തങ്ങളുടെ ദുരിതം ലഘൂക​രി​ക്കു​ന്ന​തി​നു​വേണ്ടി പ്രാ​യോ​ഗിക നടപടി​കൾ സ്വീക​രി​ക്കാ​വു​ന്ന​താണ്‌.

[അടിക്കു​റി​പ്പു​കൾ]

[22-ാം പേജിലെ ചതുരം]

പിന്തുണ നൽകു​ന്ന​തിന്‌

ഒരു സുഹൃ​ത്തോ കുടും​ബാം​ഗ​മോ​യെന്ന നിലയിൽ, അനിയ​ന്ത്രിത ചിന്താ-പ്രവർത്തന തകരാ​റു​മാ​യി (ഒസിഡി) മല്ലടി​ക്കുന്ന ഒരാളെ പിന്തു​ണ​യ്‌ക്കു​ന്ന​തിന്‌ നിങ്ങൾക്കു വളരെ​യ​ധി​കം ചെയ്യാൻ കഴിയും.

• ആദ്യമാ​യി, നിങ്ങളു​ടെ​തന്നെ മനോ​ഭാ​വം പരി​ശോ​ധി​ക്കുക. അസുഖ​മു​ള്ള​യാൾ ക്ഷീണി​ത​നോ മടിയ​നോ മർക്കട​മു​ഷ്ടി​ക്കാ​ര​നോ ആണെന്നു നിങ്ങൾ വിശ്വ​സി​ക്കു​ന്നെ​ങ്കിൽ അവൻ അല്ലെങ്കിൽ അവൾ മാറ്റം വരുത്താ​തെ അതു തുടരു​ക​യും മെച്ച​പ്പെ​ടു​ന്ന​തി​നു പ്രേരി​ത​മാ​കാ​തെ​യി​രി​ക്കു​ക​യും ചെയ്യും.

• അസുഖ​മു​ള്ള​യാ​ളു​മാ​യി സംസാ​രി​ക്കുക. അവനോ അവളോ എന്തുമാ​യി​ട്ടാണ്‌ മല്ലിടു​ന്ന​തെന്നു മനസ്സി​ലാ​ക്കുക. തുറന്ന മനഃസ്ഥി​തി​ക്കാ​ര​നും സത്യസ​ന്ധ​നു​മായ ഒരു ആത്മസു​ഹൃത്ത്‌ ഉണ്ടായി​രി​ക്കു​ന്നതു പലപ്പോ​ഴും ഒസിഡി ലക്ഷണങ്ങളെ നിയ​ന്ത്രി​ക്കു​ന്ന​തി​നുള്ള അസുഖ​മു​ള്ള​യാ​ളി​ന്റെ ആദ്യ പടിയാണ്‌.—സദൃശ​വാ​ക്യ​ങ്ങൾ 17:17.

• താരത​മ്യ​ങ്ങൾ നടത്തരുത്‌. ഒസിഡി, ഈ അസുഖ​മി​ല്ലാ​ത്ത​വർക്ക്‌ അനുഭ​വ​പ്പെ​ടാത്ത തരത്തി​ലുള്ള അടി​പ്പെ​ടു​ത്തുന്ന പ്രേര​ണകൾ ഉളവാ​ക്കു​ന്നു. അതു​കൊണ്ട്‌ നിങ്ങൾ നിങ്ങളു​ടെ പ്രചോ​ദ​ന​ങ്ങളെ എങ്ങനെ തരണം ചെയ്യു​ന്നു​വെന്നു വിവരി​ക്കു​ന്നതു മിക്ക​പ്പോ​ഴും ഫലവത്തല്ല.—സദൃശ​വാ​ക്യ​ങ്ങൾ 18:13 താരത​മ്യം ചെയ്യുക.

• യഥാർഥ​മായ ലക്ഷ്യങ്ങൾ വെക്കാ​നും അവ എത്തിപ്പി​ടി​ക്കാ​നും അസുഖ​മു​ള്ള​യാ​ളെ സഹായി​ക്കുക. ഒരു രോഗ​ല​ക്ഷണം തിര​ഞ്ഞെ​ടുത്ത്‌ അതിനെ തരണം ചെയ്യു​ന്ന​തി​നുള്ള ലക്ഷ്യപ​ര​മ്പ​ര​യു​ടെ രൂപ​രേ​ഖ​യു​ണ്ടാ​ക്കുക. എത്തിപ്പി​ടി​ക്കാൻ ഏറ്റവും വിഷമം കുറഞ്ഞ ലക്ഷ്യ​ത്തോ​ടെ ആരംഭി​ക്കുക. ഉദാഹ​ര​ണ​ത്തിന്‌, കുളി​ക്കു​ന്ന​തിന്‌ ഒരു നിശ്ചിത സമയത്തിൽക്കൂ​ടു​തൽ എടുക്കാ​തി​രി​ക്കുക എന്നത്‌ ഒരു ലക്ഷ്യമാ​യി​രി​ക്കാ​വു​ന്ന​താണ്‌.

• പുരോ​ഗ​മ​നത്തെ പ്രശം​സി​ക്കുക. പ്രശംസ ശരിയായ പെരു​മാ​റ്റത്തെ ബലിഷ്‌ഠ​മാ​ക്കു​ന്നു. പുരോ​ഗ​മ​ന​ത്തി​ന്റെ ഓരോ പടിയും—അത്‌ എത്ര നിസ്സാ​ര​മാ​യി​രു​ന്നാ​ലും—പ്രധാ​ന​മാണ്‌.—സദൃശ​വാ​ക്യ​ങ്ങൾ 12:25.

ഒരു ഒസിഡി അസുഖ​ക്കാ​ര​ന്റെ​കൂ​ടെ​യുള്ള ജീവി​ത​ത്തി​നു കുടും​ബാം​ഗ​ങ്ങളെ വൈകാ​രി​ക​മാ​യി തളർത്താൻ കഴിയും. അതു​കൊണ്ട്‌, സുഹൃ​ത്തു​ക്കൾ തങ്ങൾക്കു സാധ്യ​മാ​കുന്ന ഏതു പ്രാ​യോ​ഗിക വഴിക​ളി​ലും സഹാനു​ഭൂ​തി​യു​ള്ള​വ​രും പിന്തു​ണ​യ്‌ക്കു​ന്ന​വ​രും ആയിരി​ക്കണം.—സദൃശ​വാ​ക്യ​ങ്ങൾ 18:24ബി.

[21-ാം പേജിലെ ചിത്രങ്ങൾ]

അമിതമായ കഴുക​ലും പരി​ശോ​ധ​ന​യും—ഒസിഡി-യുടെ രണ്ടു ലക്ഷണങ്ങൾ