മതത്തിന്റെ നാളുകൾ എണ്ണപ്പെ​ട്ടി​രി​ക്കു​ന്നു​വോ?

“സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി”ക്കും.

പൊ.യു.മു. (പൊതു​യു​ഗ​ത്തി​നു മുമ്പ്‌) 8-ാം നൂറ്റാ​ണ്ടി​ലെ ഇസ്രാ​യേല്യ പ്രവാ​ച​ക​നായ യെശയ്യാവ്‌.

ഇങ്ങനെ, ഭൂമി​യി​ലുള്ള എല്ലാവ​രും ഒരുനാൾ സർവശ​ക്ത​നായ ദൈവ​ത്തി​ന്റെ ആരാധ​ന​യിൽ ഏകീകൃ​ത​രാ​യി​രി​ക്കു​മെന്ന്‌ എബ്രായ പ്രവാ​ച​ക​നായ യെശയ്യാവ്‌ പ്രവചി​ച്ചു. എന്നാൽ, അത്തര​മൊ​രു പ്രതീക്ഷ എന്നത്തെ​ക്കാ​ളും അകലെ​യാ​യി​രി​ക്കു​ന്ന​താ​യി ഇന്നു കാണ​പ്പെ​ട്ടേ​ക്കാം.

ഉദാഹ​ര​ണ​ത്തിന്‌, ഈ നൂറ്റാ​ണ്ടി​ന്റെ തുടക്ക​ത്തിൽ, മതത്തിന്റെ നാശം തൊഴി​ലാ​ളി​വർഗത്തെ സ്വത​ന്ത്ര​രാ​ക്കു​ന്ന​തിന്‌ അനിവാ​ര്യ​മായ പടിയാ​ണെന്നു റഷ്യയി​ലെ കമ്മ്യു​ണിസ്റ്റ്‌ വിപ്ലവ​കാ​രി​കൾ വിശ്വ​സി​ച്ചു. നിരീ​ശ്വ​ര​വാ​ദം ‘സാധാരണ ജനങ്ങളെ മുൻവി​ധി​ക​ളു​ടെ​യും വ്യാ​മോ​ഹ​ങ്ങ​ളു​ടെ​യും പോയ​കാ​ലത്തെ ചുമടിൽനി​ന്നു വിടുവി’ക്കുമെന്ന്‌ അവർ അവകാ​ശ​പ്പെട്ടു. 1939 ആയപ്പോ​ഴേ​ക്കും സ്റ്റാലിൻ സോവി​യറ്റ്‌ യൂണി​യ​നി​ലെ പ്രവർത്ത​ന​ത്തി​ലുള്ള ഓർത്ത​ഡോ​ക്‌സ്‌ പള്ളിക​ളു​ടെ എണ്ണം നൂറാക്കി കുറച്ചി​രു​ന്നു. എന്നാൽ 1917-നു മുമ്പ്‌ അവയുടെ എണ്ണം 40,000-ത്തിൽ അധിക​മാ​യി​രു​ന്നു.

പരിപൂർണ അധികാ​ര​ത്തി​ലേ​ക്കുള്ള തന്റെ പന്ഥാവി​ലെ ഒരു പ്രതി​ബ​ന്ധ​മാ​യി ഹിറ്റ്‌ല​റും മതത്തെ വീക്ഷിച്ചു. “ഒരാൾക്ക്‌ ഒന്നുകിൽ ഒരു ക്രിസ്‌ത്യാ​നി​യോ അല്ലെങ്കിൽ ഒരു ജർമൻകാ​ര​നോ ആയിരി​ക്കാൻ കഴിയും. രണ്ടും​കൂ​ടി ആയിരി​ക്കാൻ കഴിയില്ല,” അദ്ദേഹം ഒരിക്കൽ പ്രഖ്യാ​പി​ച്ചു. തനിക്കു നിയ​ന്ത്രി​ക്കാൻ കഴിയാത്ത എല്ലാ ആരാധ​നാ​രൂ​പ​ങ്ങ​ളെ​യും സാവധാ​നം പിഴു​തെ​റി​യു​ക​യെ​ന്ന​താ​യി​രു​ന്നു അദ്ദേഹ​ത്തി​ന്റെ ഉദ്ദേശ്യം. ആ ലക്ഷ്യ​ത്തോ​ടെ നാസികൾ മതപര​മെന്നു തോന്നി​ക്കുന്ന, തങ്ങളു​ടേ​തായ പ്രാർഥ​ന​ക​ളും ഉത്സവങ്ങ​ളും സ്‌നാ​പ​ന​ങ്ങ​ളും ശവസം​സ്‌കാര ശുശ്രൂ​ഷകൾ പോലും വികസി​പ്പി​ച്ചെ​ടു​ത്തു. ഹിറ്റ്‌ലർ അവരുടെ മിശിഹാ ആയിരു​ന്നു, പിതൃ​ദേശം അവരുടെ ദൈവ​വും. ഹിറ്റ്‌ല​റു​ടെ ഹിത​മെ​ങ്കിൽ ഏതു ക്രൂര​ത​യും ചെയ്യാ​മാ​യി​രു​ന്നു.

മതത്തിന്റെ അന്ത്യനാ​ളു​ക​ളോ?

മതത്തെ അടിച്ച​മർത്താ​നുള്ള തങ്ങളുടെ സംഘടി​ത​ശ്ര​മ​ങ്ങ​ളിൽ സ്റ്റാലി​നോ ഹിറ്റ്‌ല​റോ വിജയി​ച്ചില്ല. എന്നാൽ, ഇപ്പോൾ നിർവി​കാ​രത മർദന​ഭ​ര​ണ​ത്തി​ന്റെ സ്ഥാനം ഏറ്റെടു​ത്തി​രി​ക്കു​ന്ന​താ​യി തോന്നു​ന്നു. ബൈബിൾ വിദ്യാർഥി​കളെ ഈ സംഭവ​വി​കാ​സങ്ങൾ അത്ഭുത​പ്പെ​ടു​ത്തു​ന്നില്ല. ആളുകൾ “അന്ത്യനാ​ളു​ക​ളിൽ . . . ദൈവ​പ്രി​യ​രാ​യി​രി​ക്കു​ന്ന​തി​നു​പ​കരം ഉല്ലാസ​പ്രി​യരാ”യിരി​ക്കു​മെന്ന്‌ അപ്പോ​സ്‌ത​ല​നായ പൗലോസ്‌ തിമോ​ത്തി​യോ​ടു പറഞ്ഞു.—2 തിമോ​ത്തി 3:1-4, NW.

മതപര​മാ​യ വിപ്ര​തി​പത്തി മുഖമു​ദ്ര​യാ​യി​ട്ടുള്ള ഈ “അന്ത്യനാ​ളുക”ൾ എല്ലാ മതത്തി​ന്റെ​യും മൊത്തം തിരോ​ധാ​ന​ത്തി​ന്റെ ഒരു മുന്നോ​ടി​യാ​യി​രി​ക്കു​മെന്നു ബൈബിൾ പഠിപ്പി​ക്കു​ന്നു​ണ്ടോ? ഇല്ല. എല്ലാ മതത്തി​ന്റെ​യും അവസാ​ന​ത്തെ​ക്കു​റി​ച്ചു പ്രവചി​ക്കു​ന്ന​തി​നു പകരം, മഹാബാ​ബി​ലോൻ എന്ന പ്രതീ​കാ​ത്മക നാമം നൽക​പ്പെ​ട്ടി​രി​ക്കുന്ന വ്യാജ മതം നശിപ്പി​ക്ക​പ്പെ​ടു​മെന്നു ബൈബിൾ വിശദീ​ക​രി​ക്കു​ന്നു.a വെളി​പാട്‌ പുസ്‌തകം ഇപ്രകാ​രം പറയുന്നു: “പിന്നെ ശക്തനാ​യോ​രു ദൂതൻ തിരി​ക​ല്ലോ​ളം വലുതാ​യോ​രു കല്ലു എടുത്തു സമു​ദ്ര​ത്തിൽ എറിഞ്ഞു പറഞ്ഞതു: ഇങ്ങിനെ ബാബി​ലോൻമ​ഹാ​ന​ഗ​രത്തെ ഹേമ​ത്തോ​ടെ എറിഞ്ഞു​ക​ള​യും; ഇനി അതിനെ കാണു​ക​യില്ല.”—വെളി​പ്പാ​ടു 18:21.

എന്നാൽ, വ്യാജ​മ​ത​ത്തി​ന്റെ തിരോ​ധാ​നം ദൈവ​വി​ചാ​ര​മി​ല്ലാത്ത ഒരു ലോക​ത്തി​നി​ട​യാ​ക്കു​ക​യില്ല. പ്രത്യുത, സങ്കീർത്തനം 22:27, [NW] ഇപ്രകാ​രം പ്രവചി​ക്കു​ന്നു: “ഭൂമി​യു​ടെ അറ്റങ്ങ​ളൊ​ക്കെ​യും ഓർത്ത്‌ യഹോ​വ​യി​ലേക്കു തിരി​യും, ജനതക​ളി​ലെ എല്ലാ കുടും​ബ​ങ്ങ​ളും നിന്റെ മുമ്പിൽ നമിക്കും.” “ജനതക​ളി​ലെ എല്ലാ കുടും​ബ​ങ്ങ​ളും” ഏക സത്യ​ദൈ​വത്തെ ഏകീകൃ​ത​രാ​യി ആരാധി​ക്കുന്ന ഒരു സമയത്തെ വിഭാവന ചെയ്യുക! ദൈവ​രാ​ജ്യ ഭരണത്തിൻകീ​ഴിൽ ആ ശ്രദ്ധേ​യ​മായ വാഗ്‌ദാ​നം മഹത്ത്വ​മാർന്ന നിവൃത്തി കാണും. (മത്തായി 6:10) ആ സമയം ആഗതമാ​കു​മ്പോൾ മതം—സത്യ മതം—വലിയ പ്രാധാ​ന്യം കൈവ​രി​ക്കും. എന്നാൽ ഇപ്പോ​ഴോ?

ആത്മീയ ശൂന്യത നികത്തൽ

ഇന്ന്‌ യൂറോ​പ്പിൽ പരക്കെ വ്യാപി​ച്ചി​രി​ക്കുന്ന ആത്മീയ ശൂന്യത ഒന്നാം നൂറ്റാ​ണ്ടി​ലെ റോമാ സാമ്രാ​ജ്യ​ത്തി​ലെ സ്ഥിതി​വി​ശേ​ഷ​ത്തി​ന്റെ സമാന്ത​ര​മാണ്‌. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​ത്വം അന്നത്തെ ആത്മീയ ആവശ്യം വിജയ​ക​ര​മാ​യി നിറ​വേ​റ്റി​യ​തെ​ങ്ങ​നെ​യെന്നു ചരി​ത്ര​കാ​ര​നായ വിൽ ഡുറൻറ്‌ വിവരി​ക്കു​ന്നു: “മരിച്ചു​കൊ​ണ്ടി​രി​ക്കുന്ന പുറജാ​തീ​യ​ത​യു​ടെ ധാർമിക ശൂന്യ​ത​യി​ലേക്ക്‌, സ്‌റ്റോ​യി​ക്യ​സി​ദ്ധാ​ന്ത​ത്തി​ന്റെ ശീതാ​വ​സ്ഥ​യി​ലേക്ക്‌, എപ്പിക്യൂ​രി​യൻ സിദ്ധാ​ന്ത​ത്തി​ന്റെ അഴിമ​തി​യി​ലേക്ക്‌, മൃഗീ​യ​ത​യും ക്രൂര​ത​യും മർദന​വും കുത്തഴിഞ്ഞ ലൈം​ഗി​ക​ത​യും​കൊണ്ട്‌ രോഗ​ഗ്ര​സ്‌ത​മായ ഒരു ലോക​ത്തി​ലേക്ക്‌, പൗരു​ഷ​ത്തി​ന്റെ മേന്മക​ളോ യുദ്ധ ദേവൻമാ​രോ ആവശ്യ​മി​ല്ലാ​ത്ത​താ​യി തോന്നിയ ആലസ്യ​ത്തി​ലാണ്ട ഒരു സാമ്രാ​ജ്യ​ത്തി​ലേക്ക്‌, അത്‌ സാഹോ​ദ​ര്യ​ത്തി​ന്റെ​യും ദയയു​ടെ​യും അന്തസ്സി​ന്റെ​യും സമാധാ​ന​ത്തി​ന്റെ​യും ഒരു പുതിയ ധാർമി​കത കൊണ്ടു​വന്നു.”

ആദിമ ക്രിസ്‌ത്യാ​നി​കൾ റോമാ സാമ്രാ​ജ്യ​ത്തി​ലു​ട​നീ​ളം പ്രസം​ഗിച്ച അതേ ശക്തമായ സന്ദേശം​കൊ​ണ്ടു തന്നെ നമ്മുടെ കാലത്തെ ആളുക​ളു​ടെ ജീവി​ത​ത്തി​ലെ ധാർമി​ക​വും ആത്മീയ​വു​മായ ശൂന്യത നികത്താൻ കഴിയും. കേൾക്കുന്ന കാതു​ക​ളുണ്ട്‌. പുറമേ മതതാ​ത്‌പ​ര്യം പ്രകടി​പ്പി​ക്കു​ന്നി​ല്ലെ​ങ്കി​ലും ദൈവം തങ്ങളുടെ ജീവി​ത​ത്തിൽ ഒരു പ്രധാന പങ്കു വഹിക്കു​ന്ന​താ​യി പല യൂറോ​പ്യൻമാർക്ക്‌ ഇപ്പോ​ഴും തോന്നു​ന്നു. അവർ പരമ്പരാ​ഗ​ത​മായ പള്ളി ശുശ്രൂ​ഷ​ക​ളിൽ മേലാൽ പങ്കെടു​ക്കാ​തെ​യി​രു​ന്നേ​ക്കാ​മെ​ങ്കി​ലും ചിലർ മറ്റെവി​ടെ​യെ​ങ്കി​ലും പോയി തങ്ങളുടെ ആത്മീയ ആവശ്യ​ത്തി​നു പരിഹാ​രം നേടി​യി​രി​ക്കു​ന്നു.

ഒരു കത്തോ​ലി​ക്കാ സ്‌കൂ​ളിൽ പഠിച്ച, സ്‌പെ​യി​നി​ലെ പാൽമ ഡെ മൽയോർക​യി​ലുള്ള ഒരു ചെറു​പ്പ​ക്കാ​ര​നായ ച്വാൻ ഹോസെ 13-ാം വയസ്സു​വരെ ഒരു അൾത്താര ശുശ്രൂ​ഷ​ക​നാ​യി സേവിച്ചു. അയാൾ എല്ലാ ഞായറാ​ഴ്‌ച​യും തന്റെ കുടും​ബ​മൊ​ന്നി​ച്ചു കുർബാ​ന​യിൽ പങ്കെടു​ത്തു, എന്നാൽ കൗമാ​ര​ത്തി​ലെ​ത്തി​യ​പ്പോൾ അയാൾ പള്ളിയിൽ പോക്കു നിർത്തി. എന്തു​കൊണ്ട്‌? ച്വാൻ ഹോസെ ഇപ്രകാ​രം വിശദീ​ക​രി​ക്കു​ന്നു: “കുർബാ​ന​യ്‌ക്കു പോകു​ന്നത്‌ എന്നിൽ വിരസ​ത​യു​ള​വാ​ക്കി എന്നതാ​യി​രു​ന്നു ഒരു സംഗതി. എനിക്കു പ്രാർഥ​നാ​ക്രമം മനഃപാ​ഠ​മാ​യി​രു​ന്നു. എല്ലാം ഞാൻ മുമ്പു കേട്ടി​ട്ടു​ള്ള​തി​ന്റെ ആവർത്ത​ന​മാ​യി എനിക്കു തോന്നി. മാത്രമല്ല, ഞങ്ങളുടെ ഇടവക വികാരി അൾത്താര ശുശ്രൂ​ഷ​ക​രായ ഞങ്ങളോ​ടു മിക്ക​പ്പോ​ഴും പരുഷ​മാ​യി ഇടപെട്ടു. പാവ​പ്പെ​ട്ടവർ ശവസം​സ്‌കാര ചടങ്ങു നടത്താ​നാ​യി പുരോ​ഹി​തനു പണം കൊടു​ക്കേ​ണ്ടി​വ​രു​ന്നതു തെറ്റാ​ണെന്നു ഞാൻ വിചാ​രി​ച്ചു.

“എന്നിട്ടും ഞാൻ ദൈവ​ത്തിൽ വിശ്വ​സി​ച്ചു, എന്നാൽ പള്ളിയിൽ പോകാ​തെ എന്റേതായ രീതി​യിൽ അവനെ സേവി​ക്കാൻ കഴിയു​മെന്നു ഞാൻ വിചാ​രി​ച്ചു. സുഹൃ​ത്തു​ക്ക​ളു​ടെ ഒരു സംഘ​ത്തോ​ടൊ​പ്പം ജീവിതം എന്റെ പരമാ​വധി ആസ്വദി​ക്കാൻ ഞാൻ ശ്രമിച്ചു. വിനോ​ദം എന്റെ ജീവി​ത​ത്തി​ലെ പ്രഥമ സംഗതി​യാ​യി​ത്തീർന്നു എന്നു തന്നെ കരുതി​ക്കോ​ളൂ.

“എന്നാൽ എനിക്ക്‌ 18 വയസ്സു​ള്ള​പ്പോൾ ഞാൻ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി. ഞാൻ പള്ളിയിൽ കണ്ടെത്താ​തി​രുന്ന എന്തായി​രു​ന്നു എനിക്കു​വേണ്ടി അവർക്കു തരാനു​ണ്ടാ​യി​രു​ന്നത്‌? എനിക്ക്‌ ഒരിക്ക​ലും മനസ്സി​ലാ​ക്കാൻ കഴിയാഞ്ഞ പാരമ്പ​ര്യ​ത്തി​നും ‘മർമങ്ങൾ’ക്കും പകരം ബൈബി​ളിൽ അധിഷ്‌ഠി​ത​മായ ഒരു വ്യക്തമായ വിശ്വാ​സം. എന്നിരു​ന്നാ​ലും എന്റെ പുതിയ വിശ്വാ​സങ്ങൾ എന്നെ സംബന്ധി​ച്ചി​ട​ത്തോ​ളം വലിയ മാറ്റങ്ങളെ അർഥമാ​ക്കി. ഡിസ്‌കോ സംഗീത-നൃത്ത ക്ലബ്ബുക​ളിൽ പാർട്ടി​കൾ സംഘടി​പ്പി​ച്ചു​കൊണ്ട്‌ ഓരോ വാരാ​ന്ത​വും ചെലവ​ഴി​ക്കു​ന്ന​തി​നു​പ​കരം, ഞാൻ പുതു​താ​യി കണ്ടെത്തിയ വിശ്വാ​സം എന്റെ അയൽക്കാ​രു​മാ​യി പങ്കുവ​യ്‌ക്കു​ന്ന​തി​നു​വേണ്ടി ഞാൻ വീടു​തോ​റും പോകാൻ തുടങ്ങി. മറ്റുള്ള​വരെ സഹായി​ക്കു​ന്ന​തിൽ സജീവ​മാ​യി ഉൾപ്പെ​ട്ടത്‌ എന്റെ ജീവിതം അർഥമു​ള്ള​താ​ക്കി. കഴിഞ്ഞ ഏഴു വർഷമാ​യി, ഞാൻ യഹോ​വ​യു​ടെ സാക്ഷി​ക​ളിൽപ്പെട്ട ഒരു മുഴു​സമയ ശുശ്രൂ​ഷ​ക​നാണ്‌.”

തങ്ങളുടെ മതപര​മായ ശൂന്യത നികത്താൻ ശ്രമി​ക്കു​ന്നത്‌ ചെറു​പ്പ​ക്കാർ മാത്രമല്ല. സ്‌പെ​യി​നി​ലെ എക്‌സ്‌ട്രി​മാ​ഡൂ​രാ​യി​ലെ ആന്റോൺയാ എന്ന പ്രായം​ചെന്ന ഒരു സ്‌ത്രീ പറയു​ന്ന​ത​നു​സ​രിച്ച്‌, അവർ തന്റെ ജീവിതം ഏറെയും “ദൈവത്തെ അന്വേ​ഷി​ച്ചു​കൊണ്ട്‌” ചെലവ​ഴി​ച്ചു. അവർ തന്റെ കൗമാര വർഷങ്ങ​ളിൽ എല്ലാ ദിവസ​വും കുർബാ​ന​യിൽ പങ്കെടു​ക്കു​മാ​യി​രു​ന്നു. ഒടുവിൽ അവർ ഒരു കത്തോ​ലി​ക്കാ കന്യാ​സ്‌ത്രീ​മ​ഠ​ത്തിൽ ചേർന്നു. കാരണം, “കന്യാ​സ്‌ത്രീ​മ​ഠ​ത്തിൽ ദൈവത്തെ കണ്ടെത്താൻ കഴിയു​ന്നി​ല്ലെ​ങ്കിൽ മറ്റൊ​രി​ട​ത്തും അവനെ കണ്ടെത്താൻ കഴിയി​ല്ലെന്ന്‌” അവർ വിശ്വ​സി​ച്ചു. പക്ഷേ, മുമ്പ​ത്തേ​തി​ലു​മ​ധി​കം ആശാഭം​ഗ​വും ശൂന്യ​താ​ബോ​ധ​വും അനുഭ​വി​ച്ചു​കൊണ്ട്‌ മൂന്നു വർഷത്തി​നു​ശേഷം അവർ കന്യാ​സ്‌ത്രീ​മഠം ഉപേക്ഷി​ച്ചു.

ഒടുവിൽ, 50-കളിലാ​യി​രി​ക്കു​മ്പോൾ അവർ യഹോ​വ​യു​ടെ സാക്ഷി​ക​ളി​ലൊ​രാ​ളാ​യി​ത്തീർന്നു. “സാക്ഷികൾ എന്നെ സന്ദർശിച്ച്‌ എന്റെ ചോദ്യ​ങ്ങൾക്ക്‌ എന്റെ ബൈബി​ളിൽനി​ന്നു​തന്നെ ഉത്തരം നൽകി​യ​പ്പോൾ എനിക്കു വളരെ സന്തോഷം തോന്നി. യഹോ​വ​യു​ടെ സാക്ഷി​ക​ളി​ലൊ​രാൾ ആയിത്തീർന്ന​പ്പോൾമു​തൽ എന്റെ ജീവി​ത​ത്തിന്‌ ഒരു ഉദ്ദേശ്യ​മുണ്ട്‌. എനിക്ക്‌ എന്റേതായ പ്രശ്‌ന​ങ്ങ​ളുണ്ട്‌, എന്നാൽ ഞാൻ സത്യ​ദൈ​വത്തെ കണ്ടെത്തി​യി​രി​ക്കു​ന്ന​തി​നാൽ എനിക്കി​പ്പോൾ അവയെ തരണം ചെയ്യാൻ കഴിയും,” അവർ വിശദീ​ക​രി​ക്കു​ന്നു.

ഇതു​പോ​ലു​ള്ള അനുഭ​വങ്ങൾ അനവധി​യാണ്‌. മതപര​മായ പ്രവണ​തയെ ചെറു​ത്തു​കൊണ്ട്‌ കൂടുതൽ കൂടുതൽ ആളുകൾ യഹോ​വ​യു​ടെ സാക്ഷി​ക​ളോ​ടൊ​ത്തു സഹവസി​ക്കു​ന്നു. തങ്ങളുടെ വിശ്വാ​സ​ത്തി​നു ചേർച്ച​യിൽ ജീവി​ക്കു​ന്ന​തും അതി​നെ​ക്കു​റി​ച്ചു മറ്റുള്ള​വ​രോ​ടു പ്രസം​ഗി​ക്കു​ന്ന​തും തങ്ങളുടെ ജീവി​ത​ത്തിന്‌ അർഥവും ഉദ്ദേശ്യ​വും നൽകു​ന്നു​വെന്ന്‌ അവർ കണ്ടെത്തു​ക​യും ചെയ്‌തി​രി​ക്കു​ന്നു.

സത്യമതം എന്നത്തേ​തി​ലു​മ​ധി​കം പ്രാധാ​ന്യ​മർഹി​ക്കു​ന്നു

അനേകർ മതത്തെ നിരാ​ക​രി​ക്കുന്ന ഒരു സമയത്താ​ണു നാം ജീവി​ക്കു​ന്ന​തെ​ങ്കി​ലും യാതൊ​രു മതവും പ്രസക്ത​മ​ല്ലെന്നു വിധി​ക്കു​ന്നത്‌ ജ്ഞാനപൂർവ​ക​മാ​യി​രി​ക്കു​ക​യില്ല. 20-ാം നൂറ്റാ​ണ്ടിൽ ആളുകൾ നിരർഥ​ക​മായ ആചാരാ​നു​ഷ്‌ഠാ​ന​ങ്ങ​ളും തിരു​വെ​ഴു​ത്ത​ധി​ഷ്‌ഠി​ത​മ​ല്ലാത്ത പഴഞ്ചൻ വിശ്വാ​സ​പ്ര​മാ​ണ​ങ്ങ​ളും തള്ളിക്ക​ള​യു​ന്നു എന്നതും മതഭക്തി​യു​ണ്ടെന്നു കാണി​ക്കു​ന്ന​തി​നു​വേ​ണ്ടി​മാ​ത്ര​മുള്ള പള്ളിയിൽപോ​ക്കി​നെ അധി​ക്ഷേ​പി​ക്കു​ന്നു എന്നതും സത്യം​തന്നെ. വാസ്‌ത​വ​ത്തിൽ, കാപട്യ​മുള്ള മതത്തെ നാം ഒഴിവാ​ക്ക​ണ​മെന്നു ബൈബിൾ ശുപാർശ​ചെ​യ്യു​ന്നു. “അന്ത്യനാ​ളു​ക​ളിൽ” ചില ആളുകൾ “ദൈവി​ക​ഭ​ക്തി​യു​ടെ ഒരു രൂപം മാത്ര​മു​ള്ള​വ​രും എന്നാൽ അതിന്റെ ശക്തിയി​ല്ലാ​ത്ത​വ​രും ആയിരി​ക്കും” എന്ന്‌ അപ്പോ​സ്‌ത​ല​നായ പൗലോസ്‌ മുൻകൂ​ട്ടി​പ്പ​റഞ്ഞു. അത്തരക്കാർ മതപര​മായ ഒരു കപടഭാ​വം നിലനിർത്തു​ന്നു, എന്നാൽ അവരുടെ നടത്ത അതിന്റെ സാധു​തയെ നിഷേ​ധി​ക്കു​ന്നു. മതപര​മായ അത്തരം കാപട്യ​ത്തോ​ടു നാം എങ്ങനെ​യാ​ണു പ്രതി​ക​രി​ക്കേ​ണ്ടത്‌? “അവരെ വിട്ടു​പോ​കുക” എന്ന്‌ പൗലോസ്‌ ഉപദേ​ശി​ച്ചു.—2 തിമോ​ത്തി 3:1, 5, NW.

എന്നാൽ “മതം വലിയ ആദായം പകരു​ക​തന്നെ ചെയ്യുന്നു”വെന്നും പൗലോസ്‌ പറഞ്ഞു. (1 തിമൊ​ഥെ​യൊസ്‌ 6:6, ന്യൂ ഇംഗ്ലീഷ്‌ ബൈബിൾ) വെറുതെ ഏതെങ്കി​ലും തരത്തി​ലുള്ള മതത്തെ​ക്കു​റി​ച്ചു സംസാ​രി​ക്കു​ക​യാ​യി​രു​ന്നില്ല പൗലോസ്‌. “മതം” എന്ന്‌ ഇവിടെ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്ക്‌ പദം യൂസീ​ബിയ ആണ്‌. “ദൈവ​ത്തോ​ടുള്ള ഭക്തി അല്ലെങ്കിൽ ഭയാദ​രവ്‌” എന്നാണ്‌ അതിന്റെ അർഥം. സത്യമതം അതായത്‌ വാസ്‌ത​വി​ക​മായ ദൈവ ഭക്തി, “ഇപ്പോ​ഴത്തെ ജീവ​ന്റെ​യും വരുവാ​നി​രി​ക്കു​ന്ന​തി​ന്റെ​യും വാഗ്‌ദ​ത്ത​മു​ള്ളതാ”ണ്‌.—1 തിമൊ​ഥെ​യൊസ്‌ 4:8.

മേൽ പരാമർശിച്ച ദൃഷ്ടാ​ന്തങ്ങൾ പ്രകട​മാ​ക്കു​ന്ന​തു​പോ​ലെ, നമ്മുടെ ജീവി​തത്തെ അർഥമു​ള്ള​താ​ക്കാ​നും മനോ​ധൈ​ര്യ​ത്തോ​ടെ പ്രശ്‌ന​ങ്ങളെ അഭിമു​ഖീ​ക​രി​ക്കാൻ നമ്മെ സഹായി​ക്കാ​നും സത്യമ​ത​ത്തി​നു കഴിയും. അതിലു​മേ​റെ​യാ​യി, സത്യമതം ഒരു നിത്യ ഭാവി ഉറപ്പു​നൽകു​ന്നു. ആ ആരാധനാ രീതി പിന്തു​ട​രാൻ തക്ക മൂല്യ​മു​ള്ള​താണ്‌, എന്തു​കൊ​ണ്ടെ​ന്നാൽ ഒടുവിൽ അതു ‘ഭൂമിയെ നിറയ്‌ക്കും’ എന്നതി​നെ​പ്പറ്റി ഉറപ്പു നൽക​പ്പെ​ട്ടി​രി​ക്കു​ന്നു.b (യെശയ്യാവ്‌ 11:9, NW, 1 തിമൊ​ഥെ​യൊസ്‌ 6:11) സത്യമതം എന്നത്തേ​തി​ലു​മ​ധി​കം പ്രാധാ​ന്യ​മർഹി​ക്കുന്ന സമയം ഇപ്പോ​ഴാ​ണെ​ന്നു​ള്ള​തി​നു സംശയ​മില്ല.

[അടിക്കു​റി​പ്പു​കൾ]

[10-ാം പേജിലെ ചതുരം/ചിത്രങ്ങൾ]

രണ്ടു കെട്ടി​ട​ങ്ങ​ളു​ടെ കഥ

സ്‌പെ​യിൻ മതപര​മായ കെട്ടി​ട​ങ്ങൾക്കൊ​ണ്ടു സമൃദ്ധ​മാണ്‌. എന്നാൽ വിലപി​ടി​പ്പുള്ള കത്തീ​ഡ്ര​ലു​ക​ളു​ടെ നിർമി​തിക്ക്‌ ഒരിക്കൽ പിൻബ​ല​മാ​യി വർത്തി​ച്ചി​രുന്ന ആ തീക്ഷ്‌ണത മാഞ്ഞു​പോ​യി​രി​ക്കു​ന്നു. ഉദാഹ​ര​ണ​ത്തിന്‌, മാഡ്രി​ഡി​ന്റെ പ്രാന്ത​പ്ര​ദേ​ശ​ങ്ങ​ളി​ലെ മെഹോ​രാ​ഡാ ഡെൽ കാമ്പോ​യിൽ ഹൃദയ​ഹാ​രി​യായ ഒരു കത്തോ​ലി​ക്കാ പള്ളിയു​ടെ പണി നടന്നു​കൊ​ണ്ടി​രി​ക്കു​ക​യാണ്‌. ഹുസ്റ്റോ ഗാല്യേ​ഗോ മാർട്ടി​നെസ്‌ എന്ന ഒരു മുൻ ബെനെ​ഡി​ക്‌റ്റൈൻ സന്ന്യാസി ഏതാണ്ട്‌ 20 വർഷം മുമ്പാണ്‌ ഈ സംരംഭം തുടങ്ങി​വ​ച്ചത്‌. എന്നാൽ കെട്ടിടം ഇപ്പോ​ഴും അകത്തെ പണി പൂർത്തി​യാ​കാത്ത ഒരു ചട്ടക്കൂടു മാത്ര​മാണ്‌. ആ കെട്ടി​ട​ത്തി​ന്റെ ഏകനായ നിർമാ​താവ്‌, മാർട്ടി​നെസ്‌ ഇപ്പോൾ 60-കളിലാണ്‌. അതു​കൊ​ണ്ടു പള്ളിയു​ടെ പണി എന്നെങ്കി​ലും പൂർത്തി​യാ​കാൻ സാധ്യ​ത​യു​ള്ള​താ​യി തോന്നു​ന്നില്ല. എന്നാൽ 300 കിലോ​മീ​റ്റർ തെക്കോ​ട്ടു മാറി വ്യത്യ​സ്‌ത​മായ ഒരു കഥ ചുരു​ള​ഴി​ഞ്ഞി​രി​ക്കു​ന്നു.

“മലകളെ നീക്കുന്ന വിശ്വാ​സം.” സ്‌പെ​യി​നി​ലെ ഹായി​നി​ലുള്ള മാർട്ടോ​സി​ലെ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ന്റെ രണ്ടു ദിവസം നീണ്ടു​നിന്ന പണി​യെ​ക്കു​റിച്ച്‌ ആ പ്രദേ​ശത്തെ പത്രം വർണി​ച്ചത്‌ അങ്ങനെ​യാ​യി​രു​ന്നു. “വേഗത, പൂർണത, സംഘാ​ടനം എന്നിവ​യു​ടെ എല്ലാ റെക്കാർഡു​ക​ളും ഭേദിച്ച ഒരു കെട്ടിടം പണിതു​യർത്തു​ന്ന​തി​നു​വേണ്ടി [സ്‌പെ​യി​നി​ന്റെ] വിവിധ ഭാഗങ്ങ​ളിൽനി​ന്നു​മുള്ള സ്വമേ​ധയാ സേവകർക്കു നിസ്വാർഥ മനസ്സോ​ടെ മാർട്ടോ​സി​ലേക്കു പോകാൻ സ്വാർഥ​ത​യിൽ അടിസ്ഥാ​ന​പ്പെ​ട്ടി​രി​ക്കുന്ന ഇന്നത്തെ ലോക​ത്തിൽ എങ്ങനെ​യാ​ണു സാധ്യ​മാ​കുക,” പ്രാ​ദേ​ശിക പത്രം ചോദി​ച്ചു. ഈ ചോദ്യ​ത്തി​നുള്ള ഉത്തരമാ​യി ലേഖനം സ്വമേ​ധയാ സേവക​രിൽ ഒരാളു​ടെ വാക്കുകൾ ഇങ്ങനെ ഉദ്ധരിച്ചു: “യഹോ​വ​യാൽ പഠിപ്പി​ക്ക​പ്പെ​ടുന്ന ഒരു ജനമാണ്‌ ഞങ്ങൾ എന്ന പരമാർഥ​മാണ്‌ ഈ ബഹുമ​തി​ക്കു നിദാനം.”

[10-ാം പേജിലെ ചിത്രങ്ങൾ]

മെഹോരാഡാ ഡെൽ കാമ്പോ

മാർട്ടോസിലെ രാജ്യ​ഹാൾ