നിങ്ങൾ ശരിയാ​യ ​മതം കണ്ടെത്തി​യോ?

“പിതാ​വായ ദൈവ​ത്തി​ന്റെ മുമ്പിൽ ശുദ്ധവും നി​ഷ്‌ക​ള​ങ്ക​വു​മായ ഭക്തി ഇതാകു​ന്നു.”—യാക്കോബ്‌ 1:27, ഓശാന ബൈബിൾ.

1, 2. (എ) തങ്ങളുടെ മതം ശരിയാ​ണോ എന്നു തീരു​മാ​നി​ക്കു​ന്നത്‌ എന്താ​ണെ​ന്നാണ്‌ അനേകം ആളുക​ളും വിചാ​രി​ക്കു​ന്നത്‌? (ബി) മതത്തെ വിലയി​രു​ത്തു​മ്പോൾ എന്തു സഗൗരവം പരിചി​ന്തി​ക്കേ​ണ്ട​തുണ്ട്‌?

അനേകം ആളുകൾ മതത്തിനു തങ്ങളുടെ ജീവി​ത​ത്തിൽ താരത​മ്യേന വളരെ നിസ്സാ​ര​മായ സ്ഥാനം നൽകി​ക്കൊ​ണ്ടു തൃപ്‌തി​യ​ട​യുന്ന ഒരു യുഗത്തി​ലാ​ണു നാം ജീവി​ക്കു​ന്നത്‌. അവർ മതപര​മായ ചില ശുശ്രൂ​ഷ​ക​ളിൽ പങ്കെടു​ത്തേ​ക്കാം, അതും ചുരുക്കം ചിലരേ പതിവാ​യി ചെയ്യു​ന്നു​ള്ളൂ. തങ്ങളു​ടേ​തൊ​ഴി​കെ മറെറല്ലാ മതങ്ങളും തെററാ​ണെന്ന്‌ അനേക​രും കരുതു​ന്നില്ല. തങ്ങളുടെ മതം തങ്ങളെ സംബന്ധി​ച്ചി​ട​ത്തോ​ളം ശരിയാ​ണെന്ന്‌ അവർക്കു തോന്നു​ന്നു.

² ഇതിന്റെ വീക്ഷണ​ത്തിൽ, നിങ്ങൾ ശരിയായ മതം കണ്ടെത്തി​യോ എന്ന ചോദ്യം, നിങ്ങൾ ഇഷ്ടപ്പെ​ടുന്ന ഒരു മതം കണ്ടെത്തി​യോ എന്നാണോ അർഥമാ​ക്കു​ന്നത്‌? നിങ്ങൾ എന്ത്‌ ഇഷ്ടപ്പെ​ടു​ന്നു എന്നു തീരു​മാ​നി​ക്കു​ന്നത്‌ എന്താണ്‌? നിങ്ങളു​ടെ കുടും​ബ​മാ​ണോ? നിങ്ങളു​ടെ സുഹൃ​ത്തു​ക്ക​ളാ​ണോ? അതോ നിങ്ങളു​ടെ വികാ​ര​ങ്ങ​ളോ? ഈ സംഗതി​യിൽ നിങ്ങൾ ദൈവ​ത്തി​ന്റെ വീക്ഷണം എത്ര ഗൗരവ​മാ​യി പരിഗ​ണി​ച്ചി​ട്ടുണ്ട്‌?

ദൈവ​ത്തി​ന്റെ വീക്ഷണ​ഗതി നമുക്ക്‌ എങ്ങനെ അറിയാ​നാ​വും?

3. (എ) ദൈവ​ത്തി​ന്റെ വീക്ഷണ​മ​റി​യു​ന്ന​തി​നു നമുക്ക്‌ എന്തു ലഭ്യമാ​യി​രി​ക്കണം? (ബി) ബൈബിൾ ദൈവ​ത്തിൽനി​ന്നു​ള്ള​താണ്‌ എന്നു നാം വ്യക്തി​പ​ര​മാ​യി വിശ്വ​സി​ക്കേ​ണ്ട​തി​ന്റെ കാരണ​മ​റി​യു​ന്ന​തിന്‌ എന്തു ചോദ്യ​ങ്ങൾ നാം ചോദി​ക്കേ​ണ്ട​തുണ്ട്‌?

³ ദൈവം ചിന്തി​ക്കു​ന്നത്‌ എന്താ​ണെന്ന്‌ അറിയ​ണ​മെ​ങ്കിൽ അവന്റെ പക്കൽനിന്ന്‌ ഏതെങ്കി​ലും തരത്തി​ലുള്ള വെളി​പാ​ടു​കൾ നമുക്കു​ണ്ടാ​യി​രി​ക്കേ​ണ്ടത്‌ ആവശ്യ​മാണ്‌. ദൈവ​ത്താൽ നിശ്വ​സ്‌ത​മാ​ക്ക​പ്പെ​ട്ട​താ​യി അവകാ​ശ​പ്പെ​ടുന്ന ഏററവും പുരാതന ഗ്രന്ഥമാ​ണു ബൈബിൾ. (2 തിമൊ​ഥെ​യൊസ്‌ 3:16, 17) എന്നാൽ മററുള്ള പുസ്‌ത​ക​ത്തിൽനി​ന്നെ​ല്ലാം വിപരീ​ത​മാ​യി ഈ പുസ്‌ത​ക​ത്തിൽ മുഴു മനുഷ്യ​വർഗ​ത്തി​നും ആവശ്യ​മായ ദൈവ​സ​ന്ദേശം അടങ്ങി​യി​ട്ടുണ്ട്‌ എന്നു വിശ്വ​സ്‌ത​ത​യോ​ടെ പറയാ​നാ​കു​മോ? നിങ്ങൾ അതിന്‌ എങ്ങനെ ഉത്തരം നൽകും, എന്തു​കൊണ്ട്‌? നിങ്ങളു​ടെ മാതാ​പി​താ​ക്കൾ അതേ ചിന്താ​ഗതി വെച്ചു​പു​ലർത്തു​ന്നു എന്ന കാരണ​ത്താ​ലാ​ണോ? അതോ നിങ്ങളു​ടെ സുഹൃ​ത്തു​ക്ക​ളു​ടെ മനോ​ഭാ​വം അങ്ങനെ​യാ​യി​രു​ന്നി​ട്ടാ​ണോ? നിങ്ങൾ തെളി​വു​കൾ സ്വയം പരി​ശോ​ധി​ച്ചി​ട്ടു​ണ്ടോ? പിൻവ​രുന്ന നാലു തെളി​വു​ക​ളു​ടെ അടിസ്ഥാ​ന​ത്തിൽ എന്തു​കൊണ്ട്‌ അപ്രകാ​രം ചെയ്‌തു​കൂ​ടാ?

4. ലഭ്യത​യു​ടെ​കാ​ര്യ​മെ​ടു​ക്കു​മ്പോൾ ദൈവ​ത്തിൽനി​ന്നുള്ള പുസ്‌തകം ബൈബി​ള​ല്ലാ​തെ വേറൊ​രു ഗ്രന്ഥവു​മല്ല എന്നു സൂചി​പ്പി​ക്കു​ന്ന​തെന്ത്‌?

⁴ ലഭ്യത: യഥാർഥ​ത്തിൽ ദൈവ​ത്തിൽനി​ന്നുള്ള ഒരു സന്ദേശം മുഴു മാനവ കുടും​ബ​ത്തി​നും വേണ്ടി​യു​ള്ള​താ​ണെ​ങ്കിൽ അത്‌ അവർക്കു ലഭ്യമാ​യി​രി​ക്കണം. ബൈബി​ളി​നെ സംബന്ധി​ച്ചു വാസ്‌ത​വ​സ്ഥി​തി അതാണോ? ഇതു പരിചി​ന്തി​ക്കുക: ബൈബിൾ മുഴു​വ​നാ​യോ ഭാഗി​ക​മാ​യോ ഇപ്പോൾ 2,000-ത്തിലധി​കം ഭാഷക​ളിൽ പ്രസി​ദ്ധീ​ക​രി​ച്ചി​രി​ക്കു​ന്നു. അമേരി​ക്കൻ ബൈബിൾ സൊ​സൈ​ററി പറയു​ന്ന​പ്ര​കാ​രം, ഒരു പതിറ​റാ​ണ്ടു​മുമ്പ്‌ ലോക ജനസം​ഖ്യ​യു​ടെ 98 ശതമാ​ന​ത്തി​നു ലഭിക്കാൻത​ക്ക​വണ്ണം ബൈബിൾ ഭാഷാ​ന്തരം ചെയ്യ​പ്പെട്ടു. ഗിന്നസ്‌ ബുക്ക്‌ ഓഫ്‌ വേൾഡ്‌ റെക്കോർഡ്‌ സൂചി​പ്പിച്ച പ്രകാരം “ലോക​ത്തിൽ ഏററവും അധികം വിതരണം ചെയ്‌തി​രി​ക്കുന്ന ഗ്രന്ഥം” ബൈബിൾ ആണെന്ന​തിൽ സംശയ​മില്ല. സകല വർഗങ്ങ​ളി​ലും രാഷ്‌ട്ര​ങ്ങ​ളി​ലും ഭാഷക​ളി​ലു​മുള്ള ആളുകൾക്കു​വേണ്ടി ദൈവ​ത്തിൽനി​ന്നുള്ള ഒരു സന്ദേശം സംബന്ധിച്ച്‌ അതാണു നാം പ്രതീ​ക്ഷി​ക്കുക. (താരത​മ്യം ചെയ്യുക: വെളി​പ്പാ​ടു 14:6.) ഇതു​പോ​ലൊ​രു റെക്കോർഡുള്ള വേറൊ​രു ഗ്രന്ഥവും ലോക​ത്തിൽ ഇല്ല.

5. ബൈബി​ളി​ന്റെ ചരി​ത്ര​പ​ര​മായ അടിസ്ഥാ​നം പ്രാധാ​ന്യ​മു​ള്ള​താ​യി​രി​ക്കു​ന്നത്‌ എന്തു​കൊണ്ട്‌?

⁵ ചരി​ത്ര​സ്വ​ഭാ​വം: പരിശു​ദ്ധ​മെന്ന്‌ അവകാ​ശ​പ്പെ​ടുന്ന മററു ഗ്രന്ഥങ്ങ​ളിൽനി​ന്നു ബൈബിൾ വ്യത്യ​സ്‌ത​മാ​യി​രി​ക്കുന്ന മറെറാ​രു​വി​ധ​ത്തെ​ക്കു​റി​ച്ചു ബൈബിൾ വിവര​ണ​ങ്ങ​ളു​ടെ സൂക്ഷ്‌മ​മായ പരി​ശോ​ധന വെളി​പ്പെ​ടു​ത്തു​ന്നു. ചരി​ത്ര​പ​ര​മായ വസ്‌തു​ത​ക​ളാ​ണു ബൈബി​ളിൽ അടങ്ങി​യി​രി​ക്കു​ന്നത്‌ അല്ലാതെ തെളി​യി​ക്കാൻ വയ്യാത്ത പുരാ​ണ​ക​ഥ​കളല്ല. ഒരു നീതി​ന്യാ​യ​കോ​ട​തി​യിൽ പ്രമാ​ണ​മാ​യി ആവശ്യ​പ്പെ​ടുന്ന കാര്യങ്ങൾ വിശക​ലനം ചെയ്യു​ന്ന​തിൽ പരിച​യ​മുള്ള ഒരു വക്കീലായ എർവൻ ലിൻറൻ ഇപ്രകാ​രം എഴുതി: “സങ്കല്‌പ​ക​ഥ​ക​ളും കെട്ടു​ക​ഥ​ക​ളും വ്യാജതെളിവുകളും പറയ​പ്പെ​ടു​മ്പോൾ അതിൽ ഉൾപ്പെ​ട്ടി​രി​ക്കുന്ന സംഭവങ്ങൾ ഏതോ വിദൂ​ര​സ്ഥ​ലത്ത്‌ ഏതോ കാലത്തു നടന്നതാ​യേ പറയൂ. . . . എന്നാൽ, ബൈബിൾ വിവരങ്ങൾ സംഭവ​ത്തോ​ടു ബന്ധപ്പെട്ട കൃത്യ​മായ തീയതി​യും സ്ഥലവും വളരെ സൂക്ഷ്‌മ​ത​യോ​ടെ നൽകുന്നു.” (ദൃഷ്ടാ​ന്ത​ത്തിന്‌ കാണുക: 1 രാജാ​ക്കൻമാർ 14:25; യെശയ്യാ​വു 36:1; ലൂക്കൊസ്‌ 3:1, 2.) വാസ്‌ത​വി​ക​ത​യിൽനി​ന്നു രക്ഷപെ​ടാൻവേ​ണ്ടി​യ​ല്ലാ​തെ സത്യത്തി​നു​വേണ്ടി മതത്തി​ലേക്കു തിരി​യുന്ന ആളുകളെ സംബന്ധി​ച്ചി​ട​ത്തോ​ളം ഇത്‌ പ്രധാ​ന​മായ പരിചി​ന്ത​നാ​വി​ഷ​യ​മാണ്‌.

6. (എ) ജീവി​ത​ത്തിൽ പ്രശ്‌ന​ങ്ങ​ളുള്ള ഒരു വ്യക്തിയെ ബൈബിൾ യഥാർഥ​ത്തിൽ സഹായി​ക്കു​ന്നത്‌ എങ്ങനെ? (ബി) ജീവി​ത​ത്തി​ലെ കയ്‌പേ​റിയ യാഥാർഥ്യ​ങ്ങളെ അഭിമു​ഖീ​ക​രി​ക്കാൻ ബൈബിൾ ഒരു വ്യക്തിയെ സഹായി​ക്കു​ന്നത്‌ എങ്ങനെ?

⁶ പ്രാ​യോ​ഗി​കത: ബൈബിൾ സഗൗരവം പരി​ശോ​ധി​ക്കുന്ന ആളുകൾ അതിലെ കല്‌പ​ന​ക​ളും തത്ത്വങ്ങ​ളും തങ്ങളെ ചൂഷണം ചെയ്യു​ന്ന​തി​നു​ള്ളതല്ല എന്നു പെട്ടെ​ന്നു​തന്നെ തിരി​ച്ച​റി​യു​ന്നു. മറിച്ച്‌, അവ അടുത്തു പിൻപ​റ​റു​ന്ന​വർക്ക്‌ പ്രയോ​ജനം കൈവ​രു​ത്തുന്ന ഒരു ജീവി​ത​രീ​തി​യു​ടെ രൂപരേഖ നൽകുന്നു. (യെശയ്യാ​വു 48:17, 18) ദുഃഖി​തർക്ക്‌ അതു നൽകുന്ന സാന്ത്വനം വ്യർഥ​മായ തത്ത്വശാ​സ്‌ത്ര​ങ്ങ​ളിൽ അടിസ്ഥാ​ന​പ്പെട്ട പൊള്ള​യായ ഒന്നല്ല. മറിച്ച്‌, ജീവി​ത​ത്തി​ലെ കയ്‌പേ​റിയ യാഥാർഥ്യ​ങ്ങളെ അഭിമു​ഖീ​ക​രി​ക്കാൻ അത്‌ ആളുകളെ സഹായി​ക്കു​ന്നു. അതെങ്ങനെ? മൂന്നു വിധങ്ങ​ളിൽ: (1) ബുദ്ധി​മു​ട്ടു​കളെ എങ്ങനെ നേരി​ടാം എന്നതി​നെ​ക്കു​റിച്ച്‌ ഉത്തമമായ ഉപദേ​ശങ്ങൾ നൽകി​ക്കൊ​ണ്ടും (2) ഇപ്പോൾ ദൈവം തന്റെ ദാസൻമാർക്കു നൽകുന്ന സ്‌നേ​ഹ​നിർഭ​ര​മായ പിന്തുണ എപ്രകാ​രം സ്വീക​രി​ക്കണം എന്നു വിശദീ​ക​രി​ച്ചു​കൊ​ണ്ടും (3) ദൈവത്തെ സേവി​ക്കു​ന്ന​വർക്കാ​യി കരുതി​യി​രി​ക്കുന്ന മഹത്തായ ഭാവി​യെ​പ്പ​ററി വെളി​പ്പെ​ടു​ത്തി അവന്റെ വാഗ്‌ദ​ത്ത​ങ്ങ​ളിൽ വിശ്വ​സി​ക്കു​ന്ന​തിന്‌ ന്യായ​മായ കാരണങ്ങൾ നൽകി​ക്കൊ​ണ്ടും.

7. (എ) അടിക്കു​റി​പ്പിൽ പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌, ഇന്ന്‌ ആളുകളെ വ്യാകു​ല​പ്പെ​ടു​ത്തുന്ന പ്രമുഖ വിഷയ​ങ്ങ​ളിൽ ഒരെണ്ണം വിശദീ​ക​രി​ക്കുക. (ബി) ബൈബി​ളി​ലെ ബുദ്ധ്യു​പ​ദേശം ക്ലേശക​ര​മായ സാഹച​ര്യ​ങ്ങ​ളിൽനി​ന്നു നമ്മെ സംരക്ഷി​ക്കു​ക​യോ അവ തരണം ചെയ്യു​ന്ന​തി​നു നമ്മെ സഹായി​ക്കു​ക​യോ ചെയ്യു​ന്ന​തെ​ങ്ങ​നെ​യെന്നു കാണി​ക്കുക.

⁷ അധികാ​രി​കളെ വകവയ്‌ക്കാ​തെ തോന്നി​യ​വാ​സം ജീവി​ക്കാൻ ആഗ്രഹി​ക്കു​ന്ന​വ​രു​ടെ​യി​ട​യിൽ ബൈബി​ളി​ന്റെ ബുദ്ധ്യു​പ​ദേശം പരക്കെ അറിയ​പ്പെ​ടു​ന്നി​ല്ലെ​ങ്കിൽപ്പോ​ലും അത്തരം ജീവിതം തങ്ങൾക്കു യഥാർഥ സന്തുഷ്ടി കൈവ​രു​ത്തി​യി​ട്ടി​ല്ലെന്ന്‌ അനേകർ തിരി​ച്ച​റി​ഞ്ഞി​രി​ക്കു​ന്നു. (ഗലാത്യർ 6:7, 8) ഗർഭച്ഛി​ദ്രം, വിവാ​ഹ​മോ​ചനം, സ്വവർഗ​സം​ഭോ​ഗം എന്നിവ​യെ​ക്കു​റി​ച്ചു ബൈബിൾ വളച്ചു​കെ​ട്ടി​ല്ലാത്ത ഉത്തരങ്ങൾ നൽകുന്നു. അതിന്റെ ബുദ്ധ്യു​പ​ദേ​ശങ്ങൾ മയക്കു​മ​രുന്ന്‌, മദ്യം എന്നിവ​യു​ടെ ദുരു​പ​യോ​ഗ​ത്തി​നെ​തി​രെ​യും ദുഷിച്ച രക്തത്തി​ലൂ​ടെ​യോ വിവേ​ച​നാ​ശൂ​ന്യ​മായ ലൈം​ഗി​ക​വേ​ഴ്‌ച​യി​ലൂ​ടെ​യോ എയ്‌ഡ്‌സ്‌ പകരു​ന്ന​തി​നെ​തി​രെ​യും സംരക്ഷ​ണ​മേ​കു​ന്നു. സന്തുഷ്ട കുടും​ബങ്ങൾ ഉണ്ടായി​രി​ക്കാ​വു​ന്ന​തെ​ങ്ങ​നെ​യെന്ന്‌ അതു കാണി​ച്ചു​ത​രു​ന്നു. ജീവി​ത​ത്തിൽ ഏററവും ക്ലേശം നിറഞ്ഞ സാഹച​ര്യ​ങ്ങളെ തരണം ചെയ്യു​ന്നത്‌ എങ്ങനെ​യെ​ന്നും അതു കാണി​ച്ചു​ത​രു​ന്നു. ഉററ കുടും​ബാം​ഗ​ങ്ങ​ളാ​ലുള്ള തിരസ്‌ക​രണം, വിശേ​ഷ​വി​ധ​മായ ശ്രദ്ധ അർഹി​ക്കുന്ന രോഗം, പ്രിയ​പ്പെട്ട ഒരാളു​ടെ മരണം എന്നിവ അവയിൽ ചിലതാണ്‌. നമ്മുടെ ജീവി​ത​ത്തി​ലെ മുൻഗ​ണ​നകൾ വിവേ​ചി​ച്ച​റി​യാൻ ഇതു നമ്മെ സഹായി​ക്കു​ന്നു, തൻമൂലം നമ്മുടെ ജീവിതം വ്യസന​ക​ര​മാ​യി​രി​ക്കു​ന്ന​തി​നു​പ​കരം അർഥസ​മ്പൂർണ​മാ​യി​ത്തീ​രു​ന്നു.a

8, 9. (എ) ബൈബി​ളി​ന്റെ നിശ്വ​സ്‌ത​തക്കു തെളി​വാ​യി ഏതു പ്രവച​ന​മാ​ണു നിങ്ങളെ വ്യക്തി​പ​ര​മാ​യി സ്വാധീ​നി​ക്കു​ന്നത്‌? (ബി) ബൈബി​ളി​ലെ പ്രവച​നങ്ങൾ അവയുടെ ഉത്ഭവം സംബന്ധിച്ച്‌ എന്തു തെളി​യി​ക്കു​ന്നു?

⁸ പ്രവചനം: പ്രവച​ന​ഗ്ര​ന്ഥ​മെന്ന നിലയിൽ ബൈബിൾ അദ്വി​തീ​യ​മാണ്‌. ഭാവി​യിൽ സംഭവി​ക്കാൻ പോകു​ന്ന​തെ​ന്താ​ണെന്ന്‌ ഈ ഗ്രന്ഥം വിശദ​മാ​യി പറയുന്നു. പുരാതന സോരി​ന്റെ (ടൈർ, NW) നാശം, ബാബി​ലോ​നി​ന്റെ വീഴ്‌ച, യെരുശലേമിന്റെ പുതു​ക്കി​പ്പ​ണി​യൽ, മേദോ​പേർഷ്യ​യു​ടെ​യും ഗ്രീസി​ന്റെ​യും രാജാ​ക്കൻമാ​രു​ടെ ഉദയവും വീഴ്‌ച​യും, യേശു​വി​ന്റെ ജീവി​ത​ത്തി​ലെ അസംഖ്യം സംഭവങ്ങൾ എന്നിങ്ങനെ അനേകം കാര്യ​ങ്ങ​ളെ​ക്കു​റിച്ച്‌ അതു മുൻകൂ​ട്ടി​പ്പ​റഞ്ഞു. ഈ നൂററാ​ണ്ടിൽ വികാ​സം​പ്രാ​പിച്ച ലോകാ​വ​സ്ഥ​ക​ളെ​ക്കു​റി​ച്ചും അതിന്റെ അർഥ​ത്തെ​ക്കു​റി​ച്ചും അതു വിശദ​മാ​യി മുൻകൂ​ട്ടി​പ്പ​റഞ്ഞു. മാനുഷ ഭരണാ​ധി​കാ​രി​കളെ കുഴക്കുന്ന പ്രശ്‌നങ്ങൾ എങ്ങനെ പരിഹ​രി​ക്ക​പ്പെ​ടു​മെന്ന്‌ അതു കാണിച്ചു തരുന്നു. മനുഷ്യ​വർഗ​ത്തി​നു നിത്യ​മായ സമാധാ​ന​വും സുരക്ഷി​ത​ത്വ​വും പ്രദാനം ചെയ്യുന്ന ഭരണാ​ധി​പ​നെ​യും ഇതു വെളി​പ്പെ​ടു​ത്തു​ന്നു.b—യെശയ്യാ​വു 9:6, 7; 11:1-5, 9; 53:4-6.

⁹ ശ്രദ്ധേ​യ​മാ​യും, ഭാവി​യെ​ക്കു​റി​ച്ചു കൃത്യ​ത​യോ​ടെ മുൻകൂ​ട്ടി​പ്പ​റ​യു​ന്ന​തി​നുള്ള പ്രാപ്‌തി ദൈവ​ത്വ​ത്തി​ന്റെ ഒരു തെളി​വാ​യി ബൈബിൾ അവതരി​പ്പി​ക്കു​ന്നു. (യെശയ്യാ​വു 41:1–46:13) അതു ചെയ്യാൻ കഴിവു​ള്ളവൻ അഥവാ അതു ചെയ്യി​ക്കു​ന്ന​തി​നു മററു​ള്ള​വരെ നിശ്വ​സ്‌ത​രാ​ക്കാൻ കഴിവു​ള്ളവൻ ജീവനി​ല്ലാത്ത വെറു​മൊ​രു വിഗ്ര​ഹമല്ല. അവൻ വെറും ദൈവ​ഭ​ക്തി​യുള്ള ഒരു പുരു​ഷ​നു​മല്ല. അവൻ സത്യ​ദൈ​വ​മാണ്‌. അത്തരം പ്രവച​നങ്ങൾ അടങ്ങി​യി​രി​ക്കുന്ന ഗ്രന്ഥം അവന്റെ വചനമാണ്‌.—1 തെസ്സ​ലൊ​നീ​ക്യർ 2:13.

ബൈബിൾ ഉപയോ​ഗി​ക്കു​ന്ന​വ​രെ​ല്ലാം ശരിയാ​യി​രി​ക്ക​ണ​മെ​ന്നു​ണ്ടോ?

10, 11. യേശു​ക്രി​സ്‌തു കാണി​ച്ചു​ത​ന്ന​പ്ര​കാ​രം, ഒരു വൈദി​കൻ ഒരുപക്ഷേ ബൈബിൾ ഉപയോ​ഗി​ച്ചേ​ക്കാ​മെ​ങ്കി​ലും അയാൾ പിന്തു​ണ​യ്‌ക്കുന്ന മതത്തെ ഏതു സംഗതി വ്യർഥ​മാ​ക്കി​യേ​ക്കാം?

¹⁰ ബൈബിൾ ഉപയോ​ഗി​ക്കു​ന്നു​വെന്ന്‌ അവകാ​ശ​പ്പെ​ടുന്ന എല്ലാ മതവി​ഭാ​ഗ​ങ്ങ​ളും ശരിയായ മതമാണു പഠിപ്പി​ക്കു​ന്നത്‌ എന്നു നിഗമനം ചെയ്യു​ന്നതു ന്യായ​യു​ക്ത​മാ​ണോ? അതിലും പ്രധാ​ന​മാ​യി അതു തിരു​വെ​ഴു​ത്തു​പ​ര​മാ​ണോ? ബൈബിൾ കൈവശം കൊണ്ടു​ന​ട​ക്കു​ക​യും അതിൽനിന്ന്‌ ഉദ്ധരി​ക്കു​ക​യും ചെയ്യുന്ന എല്ലാവ​രും ശരിയായ മതമാ​ണോ ആചരി​ക്കു​ന്നത്‌?

¹¹ ബൈബിൾ കയ്യിലു​ണ്ടെ​ങ്കി​ലും അനേകം വൈദി​ക​രും മതത്തെ ഉപയോ​ഗി​ച്ചു സ്വന്തം മഹിമ തേടു​ക​യാണ്‌. പാരമ്പ​ര്യ​ങ്ങ​ളും മനുഷ്യ തത്ത്വശാ​സ്‌ത്ര​ങ്ങ​ളും കലർത്തി അവർ നിർമ​ല​മായ സത്യങ്ങ​ളിൽ വെള്ളം ചേർക്കു​ക​യാണ്‌. അവരുടെ ആരാധന ദൈവാം​ഗീ​കാ​രം ഉള്ളതാ​ണോ? ഒന്നാം നൂററാ​ണ്ടിൽ അങ്ങനെ​തന്നെ ചെയ്‌തു​കൊ​ണ്ടി​രുന്ന യെരു​ശ​ലേ​മി​ലെ മതനേ​താ​ക്കൻമാ​രോട്‌ യേശു, യെശയ്യാ പ്രവാ​ചകൻ മുഖാ​ന്ത​ര​മുള്ള ദൈവ​ത്തി​ന്റെ പ്രഖ്യാ​പനം കൃത്യ​മാ​യി ബാധക​മാ​ക്കി​ക്കൊണ്ട്‌ ഇങ്ങനെ പറഞ്ഞു: “ഈ ജനം അധരം​കൊ​ണ്ടു എന്നെ ബഹുമാ​നി​ക്കു​ന്നു; എങ്കിലും അവരുടെ ഹൃദയം എന്നെ വിട്ടു അകന്നി​രി​ക്കു​ന്നു. മാനു​ഷ​ക​ല്‌പ​ന​ക​ളായ ഉപദേ​ശ​ങ്ങളെ അവർ പഠിപ്പി​ക്കു​ന്ന​തു​കൊ​ണ്ടു എന്നെ വ്യർത്ഥ​മാ​യി ഭജിക്കു​ന്നു.” (മത്തായി 15:8, 9; 23:5-10) വ്യക്തമാ​യി​പ്പ​റ​ഞ്ഞാൽ, അത്തരം മതം ശരിയായ മതമല്ല.

12, 13. (എ) സഭാം​ഗ​ങ്ങ​ളു​ടെ നടത്ത അവരുടെ മതം ശരിയാ​ണോ തെററാ​ണോ എന്ന്‌ അറിയാൻ ഒരു വ്യക്തിയെ സഹായി​ച്ചേ​ക്കാ​വു​ന്ന​തെ​ങ്ങനെ? (ബി) ദൈവം ത്യജി​ക്കു​ന്ന​വരെ നാം സുഹൃ​ത്തു​ക്ക​ളാ​യി തിര​ഞ്ഞെ​ടു​ത്താൽ നമ്മുടെ ആരാധ​നയെ ദൈവം എങ്ങനെ വീക്ഷി​ക്കും? (2 ദിനവൃ​ത്താ​ന്തം 19:2)

¹² ചില മതങ്ങളു​ടെ പഠിപ്പി​ക്ക​ലു​കൾ ഉന്നതസ്ഥാ​ന​ങ്ങ​ളി​ലുള്ള അവരുടെ അംഗങ്ങ​ളു​ടെ ജീവി​ത​ത്തിൽ പ്രകട​മാ​കു​ന്ന​തു​പോ​ലെ ചീഞ്ഞ ഫലം ഉത്‌പാ​ദി​പ്പി​ക്കു​ന്നു​വെ​ങ്കിൽ എന്ത്‌? “കള്ളപ്ര​വാ​ച​കൻമാ​രെ സൂക്ഷി​ച്ചു​കൊൾവിൻ; . . . അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം . . . നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു” എന്ന്‌ യേശു തന്റെ ഗിരി​പ്ര​ഭാ​ഷ​ണ​ത്തിൽ മുന്നറി​യി​പ്പു നൽകി. (മത്തായി 7:15-17) വ്യക്തികൾ തെററു​ചെ​യ്‌തേ​ക്കാ​മെ​ന്ന​തും അവർക്കു തിരു​ത്തൽവേ​ണ്ടി​വ​രു​മെ​ന്ന​തും ശരിതന്നെ. എന്നാൽ സഭയിലെ അംഗങ്ങൾ, വൈദി​കർപോ​ലും, ദുർന്ന​ടപ്പ്‌, വ്യഭി​ചാ​രം, ശണ്‌ഠ, അമിത മദ്യപാ​നം, അത്യാ​ഗ്രഹം, ഭോഷ്‌കു പറച്ചിൽ, ആത്മവിദ്യ, മൂർത്തി​പൂജ തുടങ്ങിയ പ്രവൃ​ത്തി​ക​ളിൽ ഏതെങ്കി​ലു​മൊ​ന്നി​ലോ അല്ലെങ്കിൽ എല്ലാറ​റി​ലു​മോ ഏർപ്പെ​ടു​ക​യും അതേസ​മയം ശിക്ഷണം നൽകാ​തി​രി​ക്കു​ക​യും ചെയ്യു​മ്പോ​ഴത്തെ സ്ഥിതി ഒന്നു വേറെ​ത​ന്നെ​യാണ്‌. ഇത്തരം പ്രവൃ​ത്തി​ക​ളിൽ ഏർപ്പെ​ട്ടു​കൊ​ണ്ടി​രി​ക്കു​ന്ന​വരെ സഭയിൽനി​ന്നു പുറത്താ​ക്കു​ന്നു​മില്ല. അങ്ങനെ ചെയ്യണ​മെന്നു ബൈബിൾ വ്യക്തമാ​യി പ്രസ്‌താ​വി​ക്കു​ന്നു; അവർക്ക്‌ ദൈവ​രാ​ജ്യ​ത്തിൽ യാതൊ​രു സ്ഥാനവു​മു​ണ്ടാ​യി​രി​ക്കു​ക​യില്ല. (ഗലാത്യർ 5:19-21) അവരുടെ ആരാധന ദൈവത്തെ സന്തോ​ഷി​പ്പി​ക്കു​ന്നില്ല. ദൈവം ത്യജി​ക്കു​ന്ന​വരെ നാം സുഹൃ​ത്തു​ക്ക​ളാ​യി തിര​ഞ്ഞെ​ടു​ത്താൽ നമ്മുടെ ആരാധ​ന​യും ദൈവത്തെ സന്തോ​ഷി​പ്പി​ക്കു​ക​യില്ല.—1 കൊരി​ന്ത്യർ 5:11-13; 6:9, 10; വെളി​പ്പാ​ടു 21:8.

¹³ ബൈബിൾ ഉപയോ​ഗി​ക്കു​ന്നു​വെന്ന്‌ അവകാ​ശ​പ്പെ​ടുന്ന എല്ലാ വിഭാ​ഗ​ങ്ങ​ളും അത്‌ വിവരി​ക്കു​ന്ന​പ്ര​കാ​ര​മുള്ള ശരിയായ മതം ആചരി​ക്കു​ന്നില്ല എന്നതു സ്‌പഷ്ട​മാണ്‌. എങ്കിൽപ്പി​ന്നെ സത്യമ​തത്തെ തിരി​ച്ച​റി​യു​ന്ന​തി​നുള്ള അടയാ​ള​മാ​യി ബൈബിൾ എന്താണ്‌ എടുത്തു കാണി​ക്കു​ന്നത്‌?

സത്യമ​തത്തെ തിരി​ച്ച​റി​യി​ക്കുന്ന അടയാ​ള​ങ്ങൾ

14. (എ) സത്യമ​ത​ത്തി​ന്റെ പഠിപ്പി​ക്ക​ലു​ക​ളെ​ല്ലാം എന്തിൽ അധിഷ്‌ഠി​ത​മാണ്‌? (ബി) ദൈവ​ത്തെ​ക്കു​റി​ച്ചും ദേഹി​യെ​ക്കു​റി​ച്ചു​മുള്ള ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്ക​ലു​കൾ ഈ നിബന്ധന പാലി​ക്കു​ന്നു​വോ?

¹⁴ അതിന്റെ പഠിപ്പി​ക്ക​ലു​കൾ ബൈബി​ളിൽ ഉറച്ച്‌ അധിഷ്‌ഠി​ത​മാ​യി​രി​ക്കു​ന്നു. “എല്ലാ തിരു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ . . . ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും . . . പ്രയോ​ജ​ന​മു​ള്ളതു ആകുന്നു.” (2 തിമൊ​ഥെ​യൊസ്‌ 3:16, 17) എന്നാൽ വിശു​ദ്ധ​തി​രു​വെ​ഴു​ത്തു​കൾ ക്രൈ​സ്‌ത​വ​ലോ​ക​ത്തി​ന്റെ ത്രിത്വ​ത്തെ​ക്കു​റിച്ച്‌ എവി​ടെ​യാ​ണു പരാമർശി​ക്കു​ന്നത്‌? കൂടാതെ, വൈദി​കർ പഠിപ്പി​ക്കു​ന്ന​പ്ര​കാ​രം, മരണത്തിൽ ഭൗതി​ക​ശ​രീ​രത്തെ അതിജീ​വി​ക്കുന്ന ഒരു ദേഹി മനുഷ്യ​നു​ണ്ടെ​ന്നും ബൈബിൾ എവി​ടെ​യാ​ണു പഠിപ്പി​ക്കു​ന്നത്‌? ഈ പഠിപ്പി​ക്ക​ലു​കൾ നിങ്ങളു​ടെ ബൈബി​ളിൽ കാണി​ച്ചു​ത​രു​ന്ന​തി​നാ​യി നിങ്ങൾ എന്നെങ്കി​ലും ഒരു വൈദി​ക​നോട്‌ ആവശ്യ​പ്പെ​ട്ടി​ട്ടു​ണ്ടോ? ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇപ്രകാ​രം പറയുന്നു: “ത്രിത്വം എന്ന പദമോ അതിന്റെ വ്യക്തമായ ഉപദേ​ശ​മോ പുതി​യ​നി​യ​മ​ത്തിൽ കാണു​ന്നില്ല.” (1992, മൈ​ക്രോ​പീ​ഡിയ, വാല്യം II, പേജ്‌ 928) കൂടാതെ, ന്യൂ കാത്തലിക്‌ എൻ​സൈ​ക്ലോ​പീ​ഡിയ ഇപ്രകാ​രം സമ്മതിച്ചു പറയുന്നു: “അപ്പോ​സ്‌ത​ലിക പിതാ​ക്കൻമാർക്കി​ട​യിൽ അത്തര​മൊ​രു മനോ​ഭാ​വ​ത്തോ​ടോ കാഴ്‌ച​പ്പാ​ടി​നോ​ടോ വിദൂ​ര​സാ​മീ​പ്യം​പോ​ലു​മുള്ള യാതൊ​ന്നു​മി​ല്ലാ​യി​രു​ന്നു.” (1967, വാല്യം XIV, പേജ്‌ 299) മരിക്കു​മ്പോൾ ദേഹി ശരീരത്തെ വിട്ടു​പോ​കു​മെന്ന ക്രൈ​സ്‌ത​വ​ലോ​ക​ത്തി​ന്റെ വിശ്വാ​സം ഗ്രീക്ക്‌ തത്ത്വശാ​സ്‌ത്ര​ത്തിൽനി​ന്നു തങ്ങൾ കടം വാങ്ങി​യ​താ​ണെന്നു സഭാ പണ്ഡിതൻമാർ സമ്മതി​ച്ചു​പ​റ​യു​ന്നു. എന്നിരു​ന്നാ​ലും, സത്യമതം മനുഷ്യ തത്ത്വശാ​സ്‌ത്ര​ത്തി​നു​വേണ്ടി ബൈബിൾ സത്യത്തെ അവഗണി​ക്കു​ന്നില്ല.—ഉല്‌പത്തി 2:7; ആവർത്ത​ന​പു​സ്‌തകം 6:4; യെഹെ​സ്‌കേൽ 18:4; യോഹ​ന്നാൻ 14:28.

15. (എ) ആരാധി​ക്ക​പ്പെ​ടേണ്ട ഒരേ ഒരുവനെ ബൈബിൾ തിരി​ച്ച​റി​യി​ക്കു​ന്ന​തെ​ങ്ങനെ? (ബി) ദൈവത്തെ സമീപി​ക്കു​ന്നതു സംബന്ധി​ച്ചു സത്യാ​രാ​ധ​കർക്ക്‌ എങ്ങനെ അനുഭ​വ​പ്പെ​ടു​ന്നു?

¹⁵ സത്യമതം ഏകസത്യ ദൈവ​മായ യഹോ​വ​ക്കുള്ള ആരാധ​നയെ മാത്രം പിന്തു​ണ​ക്കു​ന്നു. (ആവർത്ത​ന​പു​സ്‌തകം 4:35; യോഹ​ന്നാൻ 17:3) ആവർത്ത​ന​പു​സ്‌തകം 5:9-ഉം 6:13-ഉം പരാവർത്തനം ചെയ്‌തു​കൊണ്ട്‌ യേശു​ക്രി​സ്‌തു ഉറപ്പോ​ടെ പ്രസ്‌താ​വി​ച്ചു: “നിന്റെ ദൈവ​മായ കർത്താ​വി​നെ നമസ്‌ക​രി​ച്ചു അവനെ മാത്രമേ ആരാധി​ക്കാ​വൂ.” (മത്തായി 4:10) അതി​നോ​ടു ചേർച്ച​യിൽ യേശു തന്റെ പിതാ​വി​ന്റെ നാമം ശിഷ്യൻമാർക്കു വെളി​പ്പെ​ടു​ത്തി. (യോഹ​ന്നാൻ 17:26) യഹോ​വയെ ആരാധി​ക്കാൻ നിങ്ങളു​ടെ മതം നിങ്ങളെ പഠിപ്പി​ച്ചി​ട്ടു​ണ്ടോ? ആ നാമത്തിൽ അറിയ​പ്പെ​ടുന്ന വ്യക്തിയെ ധൈര്യ​പൂർവം സമീപി​ക്കാ​വുന്ന അളവോ​ളം നിങ്ങൾക്ക്‌ അവനെ അറിയാ​മോ—അവന്റെ ഉദ്ദേശ്യ​ങ്ങ​ളും പ്രവർത്ത​ന​ങ്ങ​ളും ഗുണങ്ങ​ളും അറിയാ​മോ? നിങ്ങളു​ടേതു ശരിയായ മതമാ​ണെ​ങ്കിൽ ഉത്തരം ഉവ്വ്‌ എന്നായി​രി​ക്കും.—ലൂക്കൊസ്‌ 10:22; 1 യോഹ​ന്നാൻ 5:14.

16. സത്യമതം ആചരി​ക്കു​ന്ന​വർക്ക്‌ ക്രിസ്‌തു​വി​ലുള്ള വിശ്വാ​സം എന്തിനെ അർഥമാ​ക്കു​ന്നു?

¹⁶ ദൈവ​പു​ത്ര​നി​ലുള്ള വിശ്വാ​സ​മാണ്‌ ദൈവത്തെ സന്തോ​ഷി​പ്പി​ക്കുന്ന ആരാധ​ന​യു​ടെ ഒരു പ്രധാ​ന​ഭാ​ഗം. (യോഹ​ന്നാൻ 3:36; പ്രവൃ​ത്തി​കൾ 4:12) യേശു ജീവി​ച്ചി​രു​ന്നു​വെ​ന്നോ അവൻ ഒരു മഹദ്‌വ്യ​ക്തി​യാ​യി​രു​ന്നു​വെ​ന്നോ മാത്രം വിശ്വ​സി​ക്കു​ന്ന​തി​നെ അല്ല ഇത്‌ അർഥമാ​ക്കു​ന്നത്‌. യേശു​വി​ന്റെ പൂർണ മനുഷ്യ​ജീ​വന്റെ ബലിയു​ടെ മൂല്യ​ത്തെ​ക്കു​റി​ച്ചു ബൈബിൾ പഠിപ്പി​ക്കുന്ന കാര്യ​ത്തിൽ വിലമ​തി​പ്പു പ്രകട​മാ​ക്കു​ന്ന​തും സ്വർഗീയ രാജാ​വെന്ന നിലയി​ലുള്ള അവന്റെ ഇപ്പോ​ഴത്തെ സ്ഥാനത്തെ അംഗീ​ക​രി​ക്കു​ന്ന​തും ഇതിൽ ഉൾപ്പെ​ട്ടി​രി​ക്കു​ന്നു. (സങ്കീർത്തനം 2:6-8; യോഹ​ന്നാൻ 3:16; വെളി​പ്പാ​ടു 12:10) ശരിയായ മതം ആചരി​ക്കു​ന്ന​വ​രോ​ടൊ​ത്താ​ണു നിങ്ങൾ സഹവസി​ക്കു​ന്ന​തെ​ങ്കിൽ യേശു​വി​നെ അനുസ​രി​ക്കു​ന്ന​തി​നും അവന്റെ മാതൃക അനുക​രി​ക്കു​ന്ന​തി​നും അവൻ തന്റെ ശിഷ്യൻമാർക്കു നിയോ​ഗം നൽകിയ വേലയിൽ വ്യക്തി​പ​ര​മാ​യി തീക്ഷ്‌ണ​ത​യോ​ടെ ഏർപ്പെ​ടു​ന്ന​തി​നും അവർ തങ്ങളുടെ ദൈനം​ദി​ന​ജീ​വി​ത​ത്തിൽ മനഃസാ​ക്ഷി​പൂർവ​ക​മായ ഒരു ശ്രമം നടത്തു​ന്ന​താ​യി നിങ്ങൾക്ക​റി​യാം. (മത്തായി 28:19, 20; യോഹ​ന്നാൻ 15:14; 1 പത്രൊസ്‌ 2:21) നിങ്ങളു​ടെ സഹയാ​രാ​ധ​കരെ സംബന്ധിച്ച്‌ ഇതു സത്യമ​ല്ലെ​ങ്കിൽ നിങ്ങൾ മറെറ​വി​ടെ​യെ​ങ്കി​ലും അന്വേ​ഷി​ക്കേ​ണ്ട​തുണ്ട്‌.

17. ലോക​ത്തി​ന്റെ കളങ്കം പററാ​തി​രി​ക്കു​ന്ന​തി​നു സത്യാ​രാ​ധകർ ശ്രദ്ധയു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌, ഇതിൽ എന്ത്‌ ഉൾപ്പെ​ടു​ന്നു?

¹⁷ രാഷ്‌ട്രീ​യ​ത്തി​ലും ലോക​ത്തി​ലെ യുദ്ധങ്ങ​ളി​ലും ഉൾപ്പെ​ട്ടു​കൊ​ണ്ടു സത്യാ​രാ​ധന കളങ്ക​പ്പെ​ടു​ന്നില്ല. (യാക്കോബ്‌ 1:27) എന്തു​കൊ​ണ്ടില്ല? എന്തു​കൊ​ണ്ടെ​ന്നാൽ, യേശു തന്റെ ശിഷ്യൻമാ​രെ​ക്കു​റിച്ച്‌ ഇപ്രകാ​രം പറഞ്ഞു: “ഞാൻ ലൌകി​ക​ന​ല്ലാ​ത്ത​തു​പോ​ലെ അവരും ലൌകി​കൻമാ​രല്ല.” (യോഹ​ന്നാൻ 17:16) യേശു രാഷ്‌ട്രീ​യ​ത്തിൽ കൈക​ട​ത്തി​യില്ല. തന്റെ അനുഗാ​മി​കൾ മാരകാ​യു​ധ​ങ്ങ​ളിൽ ആശ്രയി​ക്കു​ന്നത്‌ അവൻ വിലക്കി. (മത്തായി 26:52) ‘മേലാൽ യുദ്ധം അഭ്യസി​ക്ക​രുത്‌’ എന്നു ദൈവ​വ​ചനം പറയു​ന്നത്‌ അവർ ഹൃദയ​ത്തി​ലുൾക്കൊ​ള്ളു​ന്നു. (യെശയ്യാ​വു 2:2-4) നിങ്ങൾക്ക്‌ ഏതെങ്കി​ലും മതവു​മാ​യുള്ള അംഗത്വം പേരി​നു​മാ​ത്ര​മാ​യി​രി​ക്കും. എന്നാൽ ആ മതം മേൽപ്പറഞ്ഞ വിവര​ണ​ത്തി​നു ചേർച്ച​യി​ല​ല്ലെ​ങ്കിൽ അതുമാ​യുള്ള ബന്ധം വിച്‌ഛേ​ദി​ക്കാ​നുള്ള സമയമാണ്‌ ഇത്‌.—യാക്കോബ്‌ 4:4; വെളി​പ്പാ​ടു 18:4, 5.

18. (എ) സത്യമ​ത​ത്തി​ന്റെ പ്രത്യേക സ്വഭാ​വ​വി​ശേ​ഷ​മാ​യി യോഹ​ന്നാൻ 13:35 എന്തു വെളി​പ്പെ​ടു​ത്തു​ന്നു? (ബി) യോഹ​ന്നാൻ 13:35-നോട്‌ ഒത്തുവ​രുന്ന വിഭാ​ഗ​മേ​താ​ണെന്നു തീരു​മാ​നി​ക്കാൻ ഒരാളെ നിങ്ങൾക്ക്‌ എങ്ങനെ സഹായി​ക്കാ​നാ​കും?

¹⁸ സത്യമതം നിസ്വാർഥ സ്‌നേഹം പഠിപ്പി​ക്കു​ക​യും പ്രകടി​പ്പി​ക്കു​ക​യും ചെയ്യുന്നു. (യോഹ​ന്നാൻ 13:35; 1 യോഹ​ന്നാൻ 3:10-12) അത്തരം സ്‌നേഹം പ്രസം​ഗ​ങ്ങ​ളിൽ പറയു​ക​മാ​ത്രമല്ല ചെയ്യു​ന്നത്‌. അതു വാസ്‌ത​വ​ത്തിൽ സകല വർഗത്തി​ലും സാമ്പത്തിക ചുററു​പാ​ടി​ലും ഭാഷക​ളി​ലും രാഷ്‌ട്ര​ങ്ങ​ളി​ലു​മുള്ള ആളുകളെ യഥാർഥ സാഹോ​ദ​ര്യ​ത്തിൽ കൂട്ടി​വ​രു​ത്തു​ന്നു. (വെളി​പ്പാ​ടു 7:9, 10) അത്‌ സത്യ​ക്രി​സ്‌ത്യാ​നി​കളെ തങ്ങൾക്കു ചുററു​മുള്ള ലോക​ത്തിൽനി​ന്നു വേർതി​രി​ച്ചു നിർത്തു​ന്നു. ഇതി​നോ​ടകം നിങ്ങൾ യഹോ​വ​യു​ടെ സാക്ഷി​ക​ളു​ടെ ഒരു രാജ്യ​ഹാ​ളി​ലെ യോഗ​ങ്ങൾക്കോ കൺ​വെൻ​ഷൻപോ​ലുള്ള അവരുടെ വലിയ കൂട്ടങ്ങൾക്കോ ഹാജരാ​യി​ട്ടി​ല്ലെ​ങ്കിൽ അങ്ങനെ ചെയ്യുക. അവർ ഒത്തൊ​രു​മി​ച്ചു തങ്ങളുടെ രാജ്യ​ഹാ​ളു​ക​ളിൽ ഒരെണ്ണം പണിയു​ന്ന​തെ​ങ്ങ​നെ​യെന്നു നിരീ​ക്ഷി​ക്കുക. അവർ പ്രായ​മാ​യ​വ​രോ​ടും (വിധവകൾ ഉൾപ്പെടെ) യുവജ​ന​ങ്ങ​ളോ​ടും (മാതാ​പി​താ​ക്ക​ളിൽ ഒരാളോ അല്ലെങ്കിൽ രണ്ടു​പേ​രു​മോ ഇല്ലാത്തവർ ഉൾപ്പെടെ) എങ്ങനെ പെരു​മാ​റു​ന്നു​വെന്നു നിരീ​ക്ഷി​ക്കുക. (യാക്കോബ്‌ 1:27) നിങ്ങൾ നിരീ​ക്ഷി​ക്കു​ന്നത്‌ മറേറ​തെ​ങ്കി​ലും മതങ്ങളിൽ കണ്ടിട്ടു​ള്ള​തു​മാ​യി തുലനം ചെയ്യുക. അതിനു​ശേഷം ‘ആരാണു സത്യമതം ആചരി​ക്കു​ന്നത്‌?’ എന്നു സ്വയം ചോദി​ക്കുക.

19. (എ) മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കു പരിഹാ​ര​മാ​യി സത്യമതം ഏതി​ലേക്കു വിരൽചൂ​ണ്ടു​ന്നു? (ബി) സത്യമ​തത്തെ പിൻപ​റ​റു​ന്ന​വ​രു​ടെ കൂട്ടത്തി​ലെ അംഗങ്ങൾ എന്തു ചെയ്യേ​ണ്ട​തുണ്ട്‌?

¹⁹ മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള ശാശ്വത പരിഹാ​ര​മാ​യി സത്യമതം ദൈവ​രാ​ജ്യ​ത്തി​ലേക്കു വിരൽചൂ​ണ്ടു​ന്നു. (ദാനീ​യേൽ 2:44; 7:13, 14; 2 പത്രൊസ്‌ 3:13; വെളി​പ്പാ​ടു 21:4, 5) ക്രൈ​സ്‌ത​വ​ലോ​ക​ത്തി​ലെ ഏതെങ്കി​ലും സഭകൾ അങ്ങനെ ചെയ്യു​ന്നു​ണ്ടോ? ദൈവ​രാ​ജ്യ​ത്തെ​ക്കു​റി​ച്ചും അതു നിർവ​ഹി​ക്കാൻപോ​കു​ന്ന​താ​യി തിരു​വെ​ഴു​ത്തു​കൾ കാണി​ക്കു​ന്ന​തി​നെ​ക്കു​റി​ച്ചും ഒരു വൈദി​കൻ വിശദീ​ക​രി​ക്കു​ന്ന​താ​യി നിങ്ങൾ അവസാ​ന​മാ​യി കേട്ട​തെ​ന്നാണ്‌? നിങ്ങൾ സഹവസി​ക്കുന്ന സ്ഥാപനം ദൈവ​രാ​ജ്യ​ത്തെ​ക്കു​റി​ച്ചു മററു​ള്ള​വ​രോ​ടു പറയാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു​ണ്ടോ? അങ്ങനെ​യെ​ങ്കിൽ അതിലെ മുഴു അംഗങ്ങ​ളും ആ വേലയിൽ പങ്കെടു​ക്കു​ന്നു​ണ്ടോ? യേശു അത്തരം സാക്ഷീ​ക​രണം നടത്തി; അവന്റെ ആദ്യകാല ശിഷ്യൻമാ​രും അപ്രകാ​രം ചെയ്‌തു. ആ പ്രവർത്ത​ന​ത്തിൽ പങ്കെടു​ക്കു​ന്ന​തി​നുള്ള പദവി നിങ്ങൾക്കും ആസ്വദി​ക്കാ​നാ​വും. ഇന്ന്‌ ഭൂമി​യിൽ നടക്കുന്ന ഏററവും പ്രധാ​ന​പ്പെട്ട വേലയാണ്‌ അത്‌.—മത്തായി 24:14.

20. ശരിയായ മതത്തെ തിരി​ച്ച​റി​യു​ന്ന​തി​നു പുറമേ നാം എന്തു ചെയ്യേ​ണ്ടത്‌ ആവശ്യ​മാണ്‌?

²⁰ ആയിര​ക്ക​ണ​ക്കി​നു മതങ്ങൾ ഉണ്ടെങ്കി​ലും ശരിയായ മതത്തെ തിരി​ച്ച​റി​യു​ന്ന​തി​ലുള്ള ആശയക്കു​ഴപ്പം പെട്ടെന്നു ദൂരീ​ക​രി​ക്കാൻ ബൈബിൾ നമ്മെ സഹായി​ക്കു​ന്നു. എന്നാൽ, അതു തിരി​ച്ച​റി​യു​ന്ന​തി​നെ​ക്കാ​ള​ധി​കം നാം ചെയ്യേ​ണ്ട​താ​വ​ശ്യ​മാണ്‌. അത്‌ ആചരി​ക്കുക എന്നതു ജീവത്‌പ്ര​ധാ​ന​മാണ്‌. ഇതിൽ ഉൾപ്പെ​ട്ടി​രി​ക്കു​ന്നത്‌ എന്താ​ണെന്നു ഞങ്ങളുടെ അടുത്ത ലേഖന​ത്തിൽ വിപു​ല​മാ​യി ചർച്ച​ചെ​യ്യു​ന്ന​താണ്‌.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം നൽകും?

◻ ശരിയായ മതത്തെ തിരി​ച്ച​റി​യു​ന്ന​തിന്‌ ആരുടെ വീക്ഷണ​മാണ്‌ ഏററവും പ്രധാനം?

◻ ബൈബിൾ ദൈവ​വ​ച​ന​മാ​ണെന്നു ചൂണ്ടി​ക്കാ​ട്ടുന്ന നാലു തെളി​വു​കൾ ഏവ?

◻ ബൈബിൾ ഉപയോ​ഗി​ക്കുന്ന എല്ലാ മതങ്ങ​ളെ​യും ദൈവം അംഗീ​ക​രി​ക്കാ​ത്തത്‌ എന്തു​കൊണ്ട്‌?

◻ ശരിയായ ഏക മതത്തിന്റെ ആറ്‌ തിരി​ച്ച​റി​യി​ക്കൽ അടയാ​ളങ്ങൾ ഏവ?

[10-ാം പേജിലെ ചതുരം]

യഹോവയുടെ സാക്ഷികൾ . . .

◆അവരുടെ എല്ലാ പഠിപ്പി​ക്ക​ലു​ക​ളും ബൈബി​ളിൽ അടിസ്ഥാ​ന​പ്പെ​ടു​ത്തു​ന്നു.

◆ഏകസത്യ ദൈവ​മായ യഹോ​വയെ ആരാധി​ക്കു​ന്നു.

◆യേശുക്രിസ്‌തുവിലുള്ള തങ്ങളുടെ വിശ്വാ​സ​ത്തി​നു ചേർച്ച​യിൽ ജീവി​ക്കു​ന്നു.

◆രാഷ്‌ട്രീയത്തിലും ലോക യുദ്ധങ്ങ​ളി​ലും ഏർപ്പെ​ടു​ന്നില്ല.

◆ദൈനംദിന ജീവി​ത​ത്തിൽ നിസ്വാർഥ​മായ സ്‌നേഹം പ്രകടി​പ്പി​ക്കാൻ അവസരം തേടുന്നു.

◆മനുഷ്യവർഗത്തിന്റെ പ്രശ്‌ന​ങ്ങൾക്കുള്ള ശാശ്വത പരിഹാ​ര​മാ​യി ദൈവ​രാ​ജ്യ​ത്തി​ലേക്കു വിരൽചൂ​ണ്ടു​ന്നു.

[9-ാം പേജിലെ ചിത്രം]

ബൈബിൾ—മുഴു മനുഷ്യ​വർഗ​ത്തി​നും​വേ​ണ്ടി​യുള്ള ദൈവ​സ​ന്ദേശം അതിൽ അടങ്ങി​യി​രി​ക്കു​ന്നു​വെന്ന്‌ എന്തു സൂചി​പ്പി​ക്കു​ന്നു?