ദൈവം അംഗീ​ക​രി​ക്കു​ന്ന ആരാധന

1. ശരിയായ വിധത്തിൽ ദൈവത്തെ ആരാധി​ച്ചാൽ നമുക്ക്‌ എന്തു പ്രയോ​ജ​നം ലഭിക്കും?

യഹോ​വ​യാം ദൈവം നമുക്കാ​യി വളരെ​യ​ധി​കം കരുതു​ക​യും അവന്റെ സ്‌നേ​ഹ​പൂർവ​ക​മാ​യ വഴിന​ട​ത്തി​പ്പിൽനി​ന്നു നാം പ്രയോ​ജ​നം​നേ​ടാൻ ആഗ്രഹി​ക്കു​ക​യും ചെയ്യുന്നു. ശരിയായ വിധത്തിൽ നാം അവനെ ആരാധി​ക്കു​ന്നെ​ങ്കിൽ, നമുക്കു സന്തോഷം അനുഭ​വി​ക്കാ​നും ജീവി​ത​ത്തി​ലെ നിരവധി പ്രശ്‌ന​ങ്ങൾ ഒഴിവാ​ക്കാ​നും സാധി​ക്കും. അതോ​ടൊ​പ്പം അവന്റെ അനു​ഗ്ര​ഹ​വും സഹായ​വും നമുക്കു ലഭിക്കു​ക​യും ചെയ്യും. (യെശയ്യാ​വു 48:17) എന്നാൽ ദൈവ​ത്തെ​ക്കു​റി​ച്ചു​ള്ള സത്യം പഠിപ്പി​ക്കു​ന്നെന്ന്‌ അവകാ​ശ​പ്പെ​ടു​ന്ന ഒട്ടനവധി മതങ്ങളുണ്ട്‌. പക്ഷേ, ദൈവം ആരാണ്‌, അവൻ നമ്മിൽനിന്ന്‌ എന്തു പ്രതീ​ക്ഷി​ക്കു​ന്നു എന്നിവ സംബന്ധിച്ച അവയുടെ പഠിപ്പി​ക്ക​ലു​കൾ വളരെ വ്യത്യാ​സ​പ്പെ​ട്ടി​രി​ക്കു​ന്നു.

2. യഹോ​വ​യെ ആരാധി​ക്കാ​നു​ള്ള ശരിയായ മാർഗം നമുക്കു പഠിക്കാ​നാ​കു​ന്നത്‌ എങ്ങനെ, ഇതു മനസ്സി​ലാ​ക്കാൻ ഏതു ദൃഷ്ടാന്തം നമ്മെ സഹായി​ക്കു​ന്നു?

² യഹോവയെ ആരാധി​ക്കാ​നു​ള്ള ശരിയാ​യ​വി​ധം നിങ്ങൾക്ക്‌ എങ്ങനെ അറിയാൻ കഴിയും? അതിനു നിങ്ങൾ സർവമ​ത​ങ്ങ​ളു​ടെ​യും ഉപദേ​ശ​ങ്ങൾ പഠിച്ചു താരത​മ്യം​ചെ​യ്‌തു നോ​ക്കേ​ണ്ട​തി​ല്ല. സത്യാ​രാ​ധന സംബന്ധിച്ച്‌ ബൈബിൾ യഥാർഥ​ത്തിൽ പഠിപ്പി​ക്കു​ന്നത്‌ എന്താ​ണെ​ന്നു പഠിക്കു​ക​യേ വേണ്ടൂ. അത്‌ ഇങ്ങനെ ദൃഷ്ടാ​ന്തീ​ക​രി​ക്കാം: പല ദേശങ്ങ​ളി​ലും കള്ളനോട്ട്‌ ഒരു പ്രശ്‌ന​മാണ്‌. കള്ളനോ​ട്ടു കണ്ടുപി​ടി​ക്കാൻ നിങ്ങളെ ഏൽപ്പി​ക്കു​ക​യാ​ണെ​ന്നി​രി​ക്കട്ടെ. നിങ്ങൾ എന്തു ചെയ്യും? ഏതെല്ലാം​ത​രം കള്ളനോട്ട്‌ ഉണ്ടെന്നു​ള്ള​തു മനസ്സി​ലാ​ക്കി, അത്‌ ഓർത്തി​രി​ക്കാൻ ശ്രമി​ക്കു​മോ? ഇല്ല. യഥാർഥ നോട്ടി​നെ​ക്കു​റി​ച്ചു പഠിക്കു​ന്ന​താ​യി​രി​ക്കും ഏറെ മെച്ചം. യഥാർഥ നോട്ട്‌ എങ്ങനെ​യി​രി​ക്കു​മെ​ന്നു മനസ്സി​ലാ​ക്കി​യാൽപ്പി​ന്നെ കള്ളനോ​ട്ടു തിരി​ച്ച​റി​യാൻ നിങ്ങൾക്കു പ്രയാ​സ​മു​ണ്ടാ​വി​ല്ല. സമാന​മാ​യി, സത്യമ​ത​ത്തെ എങ്ങനെ തിരി​ച്ച​റി​യാ​മെ​ന്നു പഠിക്കു​ന്നത്‌ വ്യാജ​മ​ത​ങ്ങൾ ഏതാ​ണെ​ന്നു മനസ്സി​ലാ​ക്കാൻ നമ്മെ സഹായി​ക്കും.

3. യേശു പറയു​ന്ന​ത​നു​സ​രിച്ച്‌, ദൈവാം​ഗീ​കാ​രം ലഭിക്ക​ണ​മെ​ങ്കിൽ നാം എന്തു ചെയ്യണം?

³ യഹോവ അംഗീ​ക​രി​ക്കു​ന്ന വിധത്തിൽ നാം അവനെ ആരാധി​ക്കേ​ണ്ട​തു പ്രധാ​ന​മാണ്‌. എല്ലാ മതങ്ങളും ദൈവ​ത്തി​നു പ്രസാ​ദ​ക​ര​മാ​ണെ​ന്നാണ്‌ പല ആളുക​ളും വിശ്വ​സി​ക്കു​ന്നത്‌. എന്നാൽ ബൈബിൾ അങ്ങനെ പഠിപ്പി​ക്കു​ന്നി​ല്ല. ഒരു ക്രിസ്‌ത്യാ​നി​യാ​ണെന്ന്‌ വെറുതെ അവകാ​ശ​പ്പെ​ടു​ന്ന​തും മതിയാ​കു​ന്നി​ല്ല. യേശു ഇങ്ങനെ പറഞ്ഞു: “എന്നോടു കർത്താവേ, കർത്താവേ, എന്നു പറയു​ന്ന​വൻ ഏവനുമല്ല, സ്വർഗ്ഗ​സ്ഥ​നാ​യ എന്റെ പിതാ​വി​ന്റെ ഇഷ്ടം ചെയ്യു​ന്ന​വൻ അത്രേ സ്വർഗ്ഗ​രാ​ജ്യ​ത്തിൽ കടക്കു​ന്നത്‌.” അതു​കൊണ്ട്‌ ദൈവാം​ഗീ​കാ​രം ലഭിക്കു​ന്ന​തിന്‌ നാം ദൈവം നമ്മിൽനിന്ന്‌ എന്താണ്‌ ആവശ്യ​പ്പെ​ടു​ന്ന​തെ​ന്നു പഠിക്കു​ക​യും അതിൻപ്ര​കാ​രം പ്രവർത്തി​ക്കു​ക​യും വേണം. ദൈ​വേ​ഷ്ടം ചെയ്യാ​ത്ത​വ​രെ യേശു ‘അധർമ്മം പ്രവർത്തി​ക്കു​ന്ന​വർ’ എന്നാണു വിളി​ച്ചത്‌. (മത്തായി 7:21-23) കള്ളനോ​ട്ടു​പോ​ലെ, വ്യാജ​മ​ത​ത്തിന്‌ യാതൊ​രു മൂല്യ​വു​മി​ല്ല. അതിലു​പ​രി, അതു ഹാനി​ക​ര​വു​മാണ്‌.

4. രണ്ടു വഴിക​ളെ​ക്കു​റിച്ച്‌ യേശു പറഞ്ഞതി​ന്റെ അർഥ​മെന്ത്‌, ഓരോ​ന്നും എവി​ടേ​ക്കു നയിക്കു​ന്നു?

⁴ നിത്യജീവൻ നേടാ​നു​ള്ള അവസരം ഭൂമി​യി​ലെ ഓരോ​രു​ത്തർക്കും യഹോവ നൽകു​ന്നുണ്ട്‌. എന്നാൽ, പറുദീ​സ​യിൽ നിത്യ​ജീ​വൻ ലഭിക്കു​ന്ന​തിന്‌ നാം ദൈവത്തെ ശരിയായ വിധത്തിൽ ആരാധി​ക്കു​ക​യും അവനു പ്രസാ​ദ​ക​ര​മാ​യ ജീവിതം നയിക്കു​ക​യും വേണം. അനേക​രും അതു ചെയ്യു​ന്നി​ല്ല എന്നതാണു സങ്കടകരം. അതു​കൊ​ണ്ടാണ്‌ യേശു ഇങ്ങനെ പറഞ്ഞത്‌: “ഇടുക്കു​വാ​തി​ലൂ​ടെ അകത്തു കടപ്പിൻ; നാശത്തി​ലേ​ക്കു പോകുന്ന വാതിൽ വീതി​യു​ള്ള​തും വഴി വിശാ​ല​വും അതിൽകൂ​ടി കടക്കു​ന്ന​വർ അനേക​രും ആകുന്നു. ജീവങ്ക​ലേ​ക്കു പോകുന്ന വാതിൽ ഇടുക്ക​വും വഴി ഞെരു​ക്ക​വു​മു​ള്ള​തു; അതു കണ്ടെത്തു​ന്ന​വർ ചുരു​ക്ക​മ​ത്രേ.” (മത്തായി 7:13, 14) സത്യമതം നിത്യ​ജീ​വ​നി​ലേ​ക്കു നയിക്കു​ന്നു, വ്യാജ​മ​ത​മാ​ക​ട്ടെ നാശത്തി​ലേ​ക്കും. മനുഷ്യർ ആരും നശിച്ചു​പോ​കാൻ യഹോവ ആഗ്രഹി​ക്കു​ന്നി​ല്ല. അതു​കൊ​ണ്ടാണ്‌ എല്ലായി​ട​ത്തു​മു​ള്ള ആളുകൾക്കു തന്നെക്കു​റി​ച്ചു പഠിക്കാൻ അവൻ അവസരം നൽകു​ന്നത്‌. (2 പത്രൊസ്‌ 3:9) അതു​കൊണ്ട്‌ നാം ദൈവത്തെ ആരാധി​ക്കു​ന്ന വിധം നമുക്കു ജീവ​നെ​യോ മരണ​ത്തെ​യോ അർഥമാ​ക്കും.

സത്യമ​ത​ത്തെ തിരി​ച്ച​റി​യാ​വു​ന്ന വിധം

5. സത്യമ​ത​ത്തിൽപ്പെ​ട്ട​വ​രെ നമുക്ക്‌ എങ്ങനെ തിരി​ച്ച​റി​യാം?

⁵ ‘ജീവനി​ലേ​ക്കു​ള്ള വഴി’ നമുക്ക്‌ എങ്ങനെ കണ്ടുപി​ടി​ക്കാൻ കഴിയും? സത്യമതം ഏതാ​ണെന്ന്‌ അത്‌ ആചരി​ക്കു​ന്ന​വ​രു​ടെ ജീവിതം വ്യക്തമാ​ക്കു​മെന്ന്‌ യേശു പ്രസ്‌താ​വി​ച്ചു. അവൻ ഇങ്ങനെ പറഞ്ഞു: “അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം. . . . നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു.” (മത്തായി 7:16, 17) മറ്റു വാക്കു​ക​ളിൽ പറഞ്ഞാൽ, സത്യമ​ത​ത്തിൽപ്പെ​ട്ട​വ​രെ അവരുടെ വിശ്വാ​സ​വും ജീവി​ത​രീ​തി​യും തിരി​ച്ച​റി​യി​ക്കും. സത്യാ​രാ​ധ​കർ അപൂർണ​രും പിഴവു​കൾ വരുത്തു​ന്ന​വ​രും ആണെങ്കി​ലും ഒരു കൂട്ടമെന്ന നിലയിൽ അവർ ദൈ​വേ​ഷ്ടം ചെയ്യാൻ ശ്രമി​ക്കു​ന്നു. സത്യമ​ത​ത്തിൽപ്പെ​ട്ട​വ​രെ തിരി​ച്ച​റി​യി​ക്കു​ന്ന ആറു സവി​ശേ​ഷ​ത​കൾ നമുക്കി​പ്പോൾ പരി​ശോ​ധി​ക്കാം.

6, 7. ദൈവ​ജ​നം ബൈബി​ളി​നെ വീക്ഷി​ക്കു​ന്നത്‌ എങ്ങനെ, ഇക്കാര്യ​ത്തിൽ യേശു എന്തു മാതൃ​ക​വെ​ച്ചു?

⁶ സത്യരാധകരുടെ പഠിപ്പി​ക്ക​ലു​കൾ ബൈബി​ളിൽ അടിസ്ഥാ​ന​പ്പെ​ട്ടി​രി​ക്കും. ബൈബിൾത​ന്നെ ഇപ്രകാ​രം പറയുന്നു: “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ള​തു ആകുന്നു.” (2 തിമൊ​ഥെ​യൊസ്‌ 3:16, 17) ‘ഞങ്ങൾ പ്രസം​ഗി​ച്ച ദൈവ​വ​ച​നം നിങ്ങൾ കേട്ടു, മനുഷ്യ​ന്റെ വചനമാ​യി​ട്ടല്ല സാക്ഷാൽ ആകുന്ന​തു​പോ​ലെ ദൈവ​വ​ച​ന​മാ​യി​ട്ടു തന്നേ കൈ​ക്കൊ​ണ്ടു’വെന്നു സഹക്രി​സ്‌ത്യാ​നി​കൾക്ക്‌ പൗലൊസ്‌ അപ്പൊ​സ്‌ത​ലൻ എഴുതു​ക​യു​ണ്ടാ​യി. (1 തെസ്സ​ലൊ​നീ​ക്യർ 2:13) അതിനാൽ, സത്യമ​ത​ത്തി​ന്റെ വിശ്വാ​സ​ങ്ങ​ളും പ്രവർത്ത​ന​ങ്ങ​ളും മാനു​ഷി​ക വീക്ഷണ​ങ്ങ​ളി​ലോ പാരമ്പ​ര്യ​ത്തി​ലോ അധിഷ്‌ഠി​ത​മല്ല. മറിച്ച്‌, ദൈവ​വ​ച​ന​മാ​യ ബൈബി​ളിൽ അടിയു​റ​ച്ച​താണ്‌.

⁷ തന്റെ പഠിപ്പി​ക്ക​ലി​നെ ദൈവ​വ​ച​ന​ത്തിൽ അടിസ്ഥാ​ന​പ്പെ​ടു​ത്തി​ക്കൊണ്ട്‌ യേശു​ക്രി​സ്‌തു നല്ലൊരു മാതൃ​ക​വെ​ച്ചു. സ്വർഗീയ പിതാ​വി​നോ​ടു പ്രാർഥി​ക്ക​വേ അവൻ ഇങ്ങനെ പറഞ്ഞു: “നിന്റെ വചനം സത്യം ആകുന്നു.” (യോഹ​ന്നാൻ 17:17) യേശു ദൈവ​വ​ച​ന​ത്തിൽ വിശ്വാ​സ​മർപ്പി​ച്ചു. മാത്രമല്ല അവൻ പഠിപ്പി​ച്ച​തെ​ല്ലാം തിരു​വെ​ഴു​ത്തു​കൾക്കു ചേർച്ച​യി​ലു​മാ​യി​രു​ന്നു. യേശു പലപ്പോ​ഴും, “എന്നു എഴുതി​യി​രി​ക്കു​ന്നു” എന്നു പ്രസ്‌താ​വി​ച്ചു​കൊണ്ട്‌ തിരു​വെ​ഴു​ത്തു​കൾ ഉദ്ധരി​ക്കു​മാ​യി​രു​ന്നു. (മത്തായി 4:4, 7, 10) സമാന​മാ​യി, ദൈവ​ജ​നം ഇക്കാലത്ത്‌ സ്വന്ത ആശയങ്ങളല്ല പഠിപ്പി​ക്കു​ന്നത്‌. ബൈബിൾ ദൈവ​വ​ച​ന​മാ​ണെന്ന്‌ അവർ വിശ്വ​സി​ക്കു​ക​യും അതിനു ചേർച്ച​യി​ലു​ള്ള കാര്യങ്ങൾ മാത്രം പഠിപ്പി​ക്കു​ക​യും ചെയ്യുന്നു.

8. യഹോ​വ​യെ ആരാധി​ക്കു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു?

⁸ സത്യമതത്തിൽപ്പെട്ടവർ യഹോ​വ​യെ മാത്രം ആരാധി​ക്കു​ക​യും അവന്റെ നാമം പ്രസി​ദ്ധ​മാ​ക്കു​ക​യും ചെയ്യുന്നു. യേശു ഇങ്ങനെ പ്രസ്‌താ​വി​ച്ചു: “നിന്റെ ദൈവ​മാ​യ കർത്താ​വി​നെ [യഹോ​വ​യെ] നമസ്‌ക​രി​ച്ചു അവനെ മാത്രമേ ആരാധി​ക്കാ​വു.” (മത്തായി 4:10) അതിനാൽ, ദൈവ​ദാ​സർ യഹോ​വ​യെ അല്ലാതെ ആരെയും ആരാധി​ക്കു​ക​യി​ല്ല. സത്യ​ദൈ​വ​ത്തി​ന്റെ പേര്‌ എന്താ​ണെ​ന്നും അവൻ എങ്ങനെ​യു​ള്ള​വ​നാ​ണെ​ന്നും മറ്റുള്ള​വ​രോ​ടു പറയു​ന്നത്‌ ഈ ആരാധ​ന​യു​ടെ ഭാഗമാണ്‌. “അവർ യഹോവ എന്നു നാമമുള്ള നീ മാത്രം സർവ്വഭൂ​മി​ക്കും​മീ​തെ അത്യു​ന്ന​തൻ എന്നു അറിയും” എന്നു സങ്കീർത്ത​നം 83:18 പ്രസ്‌താ​വി​ക്കു​ന്നു. ദൈവത്തെ അറിയാൻ മറ്റുള്ള​വ​രെ സഹായി​ക്കു​ന്ന​തിൽ യേശു മാതൃ​ക​വെ​ച്ചു. പ്രാർഥി​ക്കു​ക​യിൽ അവൻ ഇങ്ങനെ പറഞ്ഞു: “നീ ലോക​ത്തിൽനി​ന്നു എനിക്കു തന്നിട്ടുള്ള മനുഷ്യർക്കു ഞാൻ നിന്റെ നാമം വെളി​പ്പെ​ടു​ത്തി​യി​രി​ക്കു​ന്നു.” (യോഹ​ന്നാൻ 17:6) ഇതേരീ​തി​യിൽ, സത്യാ​രാ​ധ​കർ ഇന്ന്‌ ദൈവ​ത്തി​ന്റെ നാമ​ത്തെ​യും അവന്റെ ഉദ്ദേശ്യ​ങ്ങ​ളെ​യും ഗുണങ്ങ​ളെ​യും കുറിച്ചു മറ്റുള്ള​വ​രെ പഠിപ്പി​ക്കു​ന്നു.

9, 10. സത്യ​ക്രി​സ്‌ത്യാ​നി​കൾ ഏതെല്ലാം വിധങ്ങ​ളിൽ പരസ്‌പര സ്‌നേഹം പ്രകട​മാ​ക്കു​ന്നു?

⁹ ദൈവജനം പരസ്‌പ​രം ആത്മാർഥ​വും നിസ്സ്വാർഥ​വും ആയ സ്‌നേഹം പ്രകട​മാ​ക്കു​ന്നു. യേശു ഇപ്രകാ​രം പറഞ്ഞു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.” (യോഹ​ന്നാൻ 13:35) ആദിമ ക്രിസ്‌ത്യാ​നി​കൾക്കി​ട​യിൽ അത്തരം സ്‌നേ​ഹ​മു​ണ്ടാ​യി​രു​ന്നു. ദൈവിക സ്‌നേഹം, വർഗീ​യ​വും സാമൂ​ഹി​ക​വും ദേശീ​യ​വും ആയ അതിർവ​ര​മ്പു​ക​ളെ തകർക്കു​ന്ന​തും യഥാർഥ സാഹോ​ദ​ര്യ​മെന്ന തകർക്കാ​നാ​വാ​ത്ത സ്‌നേ​ഹ​ബ​ന്ധ​ത്തിൽ ആളുകളെ ഒന്നിപ്പി​ക്കു​ന്ന​തും ആണ്‌. (കൊ​ലൊ​സ്സ്യർ 3:14) വ്യാജ​മ​ത​ത്തി​ലെ അംഗങ്ങൾക്കി​ട​യിൽ സ്‌നേ​ഹ​നിർഭ​ര​മാ​യ അത്തരം സാഹോ​ദ​ര്യ​മി​ല്ല. അതു നമുക്ക്‌ എങ്ങനെ അറിയാം? ദേശീ​യ​മോ വംശീ​യ​മോ ആയ വ്യത്യാ​സ​ത്തി​ന്റെ പേരിൽ അവർ പരസ്‌പ​രം കൊല്ലു​ന്നു. സത്യ​ക്രി​സ്‌ത്യാ​നി​കൾ തങ്ങളുടെ ക്രിസ്‌തീ​യ സഹോ​ദ​ര​ങ്ങ​ളെ​യോ മറ്റാ​രെ​യെ​ങ്കി​ലു​മോ കൊല്ലാൻ ആയുധ​മെ​ടു​ക്കി​ല്ല. ബൈബിൾ ഇപ്രകാ​രം പ്രസ്‌താ​വി​ക്കു​ന്നു: “ദൈവ​ത്തി​ന്റെ മക്കൾ ആരെന്നും പിശാ​ചി​ന്റെ മക്കൾ ആരെന്നും ഇതിനാൽ തെളി​യു​ന്നു; നീതി പ്രവർത്തി​ക്കാ​ത്ത​വൻ ആരും സഹോ​ദ​ര​നെ സ്‌നേ​ഹി​ക്കാ​ത്ത​വ​നും ദൈവ​ത്തിൽനി​ന്നു​ള്ള​വനല്ല. . . . നാം അന്യോ​ന്യം സ്‌നേ​ഹി​ക്കേ​ണം . . . കയീൻ ദുഷ്ടനിൽനി​ന്നു​ള്ള​വ​നാ​യി സഹോ​ദ​ര​നെ കൊന്ന​തു​പോ​ലെ അല്ല.”—1 യോഹ​ന്നാൻ 3:10-12; 4:20, 21.

¹⁰ എന്നാൽ കൊല ചെയ്യാ​തി​രി​ക്കു​ന്ന​തു മാത്രമല്ല യഥാർഥ സ്‌നേഹം. പരസ്‌പ​രം സഹായി​ക്കാ​നും പ്രോ​ത്സാ​ഹി​പ്പി​ക്കാ​നും ആയി സത്യ​ക്രി​സ്‌ത്യാ​നി​കൾ തങ്ങളുടെ സമയവും ഊർജ​വും ആസ്‌തി​ക​ളും നിസ്സ്വാർഥം ചെലവി​ടു​ന്നു. (എബ്രായർ 10:24, 25) പ്രയാസ സാഹച​ര്യ​ങ്ങ​ളിൽ അവർ അന്യോ​ന്യം പിന്തു​ണ​യ്‌ക്കു​ക​യും മറ്റുള്ള​വ​രോ​ടു സത്യസ​ന്ധ​മാ​യി ഇടപെ​ടു​ക​യും ചെയ്യുന്നു. വാസ്‌ത​വ​ത്തിൽ, ‘എല്ലാവർക്കും നന്മ ചെയ്‌ക’ എന്ന തിരു​വെ​ഴു​ത്തു ബുദ്ധി​യു​പ​ദേ​ശം അവർ സ്വന്തം ജീവി​ത​ത്തിൽ ബാധക​മാ​ക്കു​ന്നു.—ഗലാത്യർ 6:10.

11. ദൈവം നൽകി​യി​രി​ക്കു​ന്ന രക്ഷാമാർഗ​മാ​യി യേശു​ക്രി​സ്‌തു​വി​നെ സ്വീക​രി​ക്കു​ന്ന​തു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹¹ ദൈവം പ്രദാനം ചെയ്‌തി​രി​ക്കു​ന്ന രക്ഷാമാർഗ​മെന്ന നിലയിൽ സത്യ​ക്രി​സ്‌ത്യാ​നി​കൾ യേശു​ക്രി​സ്‌തു​വി​നെ അംഗീ​ക​രി​ക്കു​ന്നു. ബൈബിൾ പറയുന്നു: “മറ്റൊ​രു​ത്ത​നി​ലും രക്ഷ ഇല്ല; നാം രക്ഷിക്ക​പ്പെ​ടു​വാൻ ആകാശ​ത്തിൻ കീഴിൽ മനുഷ്യ​രു​ടെ ഇടയിൽ നല്‌ക​പ്പെട്ട വേറൊ​രു നാമവും ഇല്ല.” (പ്രവൃ​ത്തി​കൾ 4:12) അനുസ​ര​ണ​മു​ള്ള മനുഷ്യർക്കു​വേ​ണ്ടി യേശു തന്റെ ജീവനെ ഒരു മറുവി​ല​യാ​യി നൽകി​യെന്ന്‌ 5-ാം അധ്യാ​യ​ത്തിൽ നാം കണ്ടു. (മത്തായി 20:28) ഈ യേശു​വി​നെ​യാണ്‌ മുഴു ഭൂമി​യെ​യും ഭരിക്കാ​നി​രി​ക്കു​ന്ന സ്വർഗീയ രാജ്യ​ത്തി​ന്റെ രാജാ​വാ​യി ദൈവം നിയമി​ച്ചി​രി​ക്കു​ന്നത്‌. നിത്യ​ജീ​വൻ നേടാൻ ആഗ്രഹി​ക്കു​ന്നെ​ങ്കിൽ നാം യേശു​വി​നെ അനുസ​രി​ക്കു​ക​യും അവൻ പഠിപ്പിച്ച കാര്യങ്ങൾ പ്രവൃ​ത്തി​പ​ഥ​ത്തിൽ വരുത്തു​ക​യും ചെയ്യണ​മെന്ന്‌ ദൈവം ആവശ്യ​പ്പെ​ടു​ന്നു. അതു​കൊ​ണ്ടാണ്‌ ബൈബിൾ ഇങ്ങനെ പ്രസ്‌താ​വി​ക്കു​ന്നത്‌: “പുത്ര​നിൽ വിശ്വ​സി​ക്കു​ന്ന​വ​ന്നു നിത്യ​ജീ​വൻ ഉണ്ടു; പുത്രനെ അനുസ​രി​ക്കാ​ത്ത​വ​നോ ജീവനെ കാണു​ക​യി​ല്ല.”—യോഹ​ന്നാൻ 3:36.

12. ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു?

¹² സത്യാരാധകർ ഈ ലോക​ത്തി​ന്റെ ഭാഗമല്ല. റോമൻ ഭരണാ​ധി​കാ​രി​യാ​യി​രുന്ന പീലാ​ത്തൊ​സി​ന്റെ മുമ്പാകെ നടന്ന വിചാ​ര​ണ​വേ​ള​യിൽ യേശു ഇങ്ങനെ പറഞ്ഞു: “എന്റെ രാജ്യം ഐഹി​ക​മല്ല,” അഥവാ ഈ ലോക​ത്തി​ന്റെ ഭാഗമല്ല. (യോഹ​ന്നാൻ 18:36) യേശു​വി​ന്റെ യഥാർഥ അനുഗാ​മി​കൾ ഏതു രാജ്യത്തു ജീവി​ക്കു​ന്ന​വ​രാ​ണെ​ങ്കി​ലും അവർ അവന്റെ സ്വർഗീയ രാജ്യ​ത്തി​ന്റെ പ്രജക​ളാണ്‌. അതിനാൽ അവർ ഈ ലോക​ത്തി​ന്റെ രാഷ്‌ട്രീ​യ കാര്യാ​ദി​ക​ളിൽ തികഞ്ഞ നിഷ്‌പ​ക്ഷത പാലി​ക്കു​ന്നു. ലോക​ത്തി​ലെ പോരാ​ട്ട​ങ്ങ​ളിൽ അവർ ഏർപ്പെ​ടു​ന്നി​ല്ല. എന്നിരു​ന്നാ​ലും, ഒരു രാഷ്‌ട്രീ​യ പാർട്ടി​യിൽ ചേരാ​നോ സ്ഥാനാർഥി​യാ​കാ​നോ വോട്ടു ചെയ്യാ​നോ ഉള്ള മറ്റുള്ള​വ​രു​ടെ തീരു​മാ​ന​ത്തിൽ യഹോ​വ​യു​ടെ ആരാധകർ കൈക​ട​ത്തു​ന്നി​ല്ല. രാഷ്‌ട്രീ​യ കാര്യ​ങ്ങ​ളിൽ നിഷ്‌പ​ക്ഷ​രാ​ണെ​ങ്കി​ലും, അവർ നിയമം അനുസ​രി​ക്കു​ന്ന​വ​രാണ്‌. എന്തു​കൊണ്ട്‌? ഭരിക്കുന്ന ‘ശ്രേഷ്‌ഠാ​ധി​കാ​ര​ങ്ങൾക്കു കീഴട​ങ്ങി​യി​രി​ക്കാൻ’ ദൈവ​വ​ച​നം അവരോട്‌ ആജ്ഞാപി​ക്കു​ന്നു. (റോമർ 13:1) ദൈവ​വും ഭരണാ​ധി​കാ​രി​ക​ളും ആവശ്യ​പ്പെ​ടു​ന്ന കാര്യങ്ങൾ തമ്മിൽ ചേരാ​തെ​വ​രു​മ്പോൾ “മനുഷ്യ​രെ​ക്കാൾ ദൈവത്തെ അനുസ​രി​ക്കേ​ണ്ട​താ​കു​ന്നു” എന്നു പറഞ്ഞ അപ്പൊ​സ്‌ത​ല​ന്മാ​രു​ടെ മാതൃക സത്യാ​രാ​ധ​കർ പിൻപ​റ്റു​ന്നു.—പ്രവൃ​ത്തി​കൾ 5:29; മർക്കൊസ്‌ 12:17.

13. യേശു​വി​ന്റെ യഥാർഥ അനുഗാ​മി​കൾ ദൈവ​രാ​ജ്യ​ത്തെ എങ്ങനെ വീക്ഷി​ക്കു​ന്നു, അതിനാൽ അവർ എന്തു ചെയ്യുന്നു?

¹³ ദൈവരാജ്യമാണ്‌ മനുഷ്യ​വർഗ​ത്തി​ന്റെ ഏകപ്ര​ത്യാ​ശ​യെന്ന്‌ യേശു​വി​ന്റെ യഥാർഥ അനുഗാ​മി​കൾ പ്രസം​ഗി​ക്കു​ന്നു. യേശു ഇങ്ങനെ മുൻകൂ​ട്ടി​പ്പ​റ​ഞ്ഞു: “രാജ്യ​ത്തി​ന്റെ ഈ സുവി​ശേ​ഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (മത്തായി 24:14) പ്രശ്‌ന​പ​രി​ഹാ​ര​ത്തി​നാ​യി മനുഷ്യ​ഭ​ര​ണാ​ധി​പ​ന്മാ​രിൽ ആശ്രയി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നു പകരം മനുഷ്യ​വർഗ​ത്തി​ന്റെ ഏക പ്രത്യാശ ദൈവ​രാ​ജ്യ​മാ​ണെന്ന്‌ യേശു​ക്രി​സ്‌തു​വി​ന്റെ യഥാർഥ അനുഗാ​മി​കൾ പ്രഖ്യാ​പി​ക്കു​ന്നു. (സങ്കീർത്ത​നം 146:3) “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്നു പറഞ്ഞ​പ്പോൾ, പൂർണ​ത​യു​ള്ള ആ ഗവണ്മെ​ന്റി​നു​വേ​ണ്ടി പ്രാർഥി​ക്കാ​നാണ്‌ യേശു നമ്മെ പഠിപ്പി​ച്ചത്‌. (മത്തായി 6:10) ആ സ്വർഗീയ രാജ്യം “[ഇപ്പോ​ഴ​ത്തെ] ഈ രാജത്വ​ങ്ങ​ളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യു”മെന്നു ദൈവ​വ​ച​നം മുൻകൂ​ട്ടി​പ്പ​റ​ഞ്ഞു.—ദാനീ​യേൽ 2:44.

14. സത്യാ​രാ​ധ​ന​യ്‌ക്കു​ള്ള വ്യവസ്ഥകൾ പാലി​ക്കു​ന്ന മതം ഏതാ​ണെ​ന്നാ​ണു നിങ്ങൾ വിശ്വ​സി​ക്കു​ന്നത്‌?

¹⁴ ഇപ്പോൾ പരിചി​ന്തി​ച്ച കാര്യ​ങ്ങ​ളു​ടെ അടിസ്ഥാ​ന​ത്തിൽ നിങ്ങ​ളോ​ടു​ത​ന്നെ ഇങ്ങനെ ചോദി​ക്കു​ക: ‘തങ്ങളുടെ സകല പഠിപ്പി​ക്ക​ലു​ക​ളും ബൈബി​ളിൽ അടിസ്ഥാ​ന​പ്പെ​ടു​ത്തു​ക​യും യഹോ​വ​യു​ടെ നാമം പ്രസി​ദ്ധ​മാ​ക്കു​ക​യും ചെയ്യു​ന്നത്‌ ഏതു മതസം​ഘ​ട​ന​യാണ്‌? ദൈവി​ക​സ്‌നേ​ഹം പ്രകട​മാ​ക്കു​ക​യും യേശു​വിൽ വിശ്വാ​സ​മർപ്പി​ക്കു​ക​യും ലോക​ത്തി​ന്റെ ഭാഗമ​ല്ലാ​തി​രി​ക്കു​ക​യും മനുഷ്യ​വർഗ​ത്തി​ന്റെ ഏക പ്രത്യാശ ദൈവ​രാ​ജ്യ​മാ​ണെ​ന്നു പ്രഖ്യാ​പി​ക്കു​ക​യും ചെയ്യു​ന്നത്‌ ആരാണ്‌? ഭൂമി​യി​ലു​ള്ള മതങ്ങളിൽ ഏതു മതമാണ്‌ ഈ വ്യവസ്ഥ​ക​ളെ​ല്ലാം പാലി​ക്കു​ന്നത്‌?’ അതു യഹോ​വ​യു​ടെ സാക്ഷി​ക​ളാ​ണെ​ന്നു വസ്‌തു​ത​കൾ തെളി​യി​ക്കു​ന്നു.—യെശയ്യാ​വു 43:10-12.

നിങ്ങൾ എന്തു ചെയ്യും?

15. ദൈവം ഉണ്ടെന്നു വിശ്വ​സി​ക്കു​ന്ന​തി​ല​ധി​ക​മാ​യി എന്താണ്‌ അവൻ ആവശ്യ​പ്പെ​ടു​ന്നത്‌?

¹⁵ ദൈവത്തെ പ്രസാ​ദി​പ്പി​ക്കു​ന്ന​തിന്‌ അവനിൽ വിശ്വ​സി​ച്ചാൽ മാത്രം പോരാ. ദൈവം ഉണ്ടെന്ന്‌ ഭൂതങ്ങൾപോ​ലും വിശ്വ​സി​ക്കു​ന്ന​താ​യി ബൈബിൾ പറയുന്നു. (യാക്കോബ്‌ 2:19) എങ്കിലും അവർ ദൈവ​ത്തി​ന്റെ ഇഷ്ടം ചെയ്യു​ന്നി​ല്ല, അവർക്ക്‌ അവന്റെ അംഗീ​കാ​ര​വും ഇല്ല. ദൈവാം​ഗീ​കാ​രം ലഭിക്ക​ണ​മെ​ങ്കിൽ, ദൈവം ഉണ്ടെന്നു വിശ്വ​സി​ച്ചാൽ മാത്രം പോരാ അവന്റെ ഇഷ്ടം ചെയ്യു​ക​യും വേണം. നാം വ്യാജ​മ​ത​ത്തിൽനി​ന്നു വിട്ടു​പോ​രു​ക​യും സത്യാ​രാ​ധന സ്വീക​രി​ക്കു​ക​യും ചെയ്യേ​ണ്ട​തുണ്ട്‌.

16. വ്യാജ​മ​തം സംബന്ധിച്ച്‌ നാം എന്തു ചെയ്യണം?

¹⁶ നാം വ്യാജാ​രാ​ധ​ന​യിൽ ഏർപ്പെ​ട​രു​തെന്ന്‌ അപ്പൊ​സ്‌ത​ല​നാ​യ പൗലൊസ്‌ വ്യക്തമാ​ക്കി. അവൻ ഇപ്രകാ​രം എഴുതി: ‘അവരുടെ നടുവിൽനി​ന്നു പുറ​പ്പെ​ട്ടു വേർപ്പെ​ട്ടി​രി​പ്പിൻ എന്നു കർത്താവു അരുളി​ച്ചെ​യ്യു​ന്നു; അശുദ്ധ​മാ​യ​തു ഒന്നും തൊട​രു​തു; എന്നാൽ ഞാൻ നിങ്ങളെ കൈ​ക്കൊ​ള്ളും.’ (2 കൊരി​ന്ത്യർ 6:16; യെശയ്യാ​വു 52:11) അതിനാൽ, വ്യാജാ​രാ​ധ​ന​യു​മാ​യി ബന്ധപ്പെട്ട എന്തും സത്യ​ക്രി​സ്‌ത്യാ​നി​കൾ ഒഴിവാ​ക്കു​ന്നു.

17, 18. എന്താണ്‌ ‘മഹാബാ​ബി​ലോൺ,’ ‘അവളെ വിട്ടു​പോ​രേ​ണ്ടത്‌’ അടിയ​ന്തി​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹⁷ എല്ലാത്തരം വ്യാജ​മ​ത​ങ്ങ​ളും “മഹതി​യാം ബാബി​ലോൻ” അഥവാ മഹാബാ​ബി​ലോ​ണി​ന്റെ ഭാഗമാ​ണെ​ന്നു ബൈബിൾ പ്രകട​മാ​ക്കു​ന്നു.a (വെളി​പ്പാ​ടു 17:5) നോഹ​യു​ടെ കാലത്തെ ജലപ്ര​ള​യ​ത്തി​നു​ശേ​ഷം വ്യാജ​മ​തം പിറവി​യെ​ടു​ത്ത പുരാതന ബാബി​ലോൺ നഗര​ത്തെ​യാണ്‌ ഇതു നമ്മുടെ ഓർമ​യി​ലേ​ക്കു കൊണ്ടു​വ​രു​ന്നത്‌. വ്യാജ​മ​ത​ത്തിൽ ഇപ്പോൾ പൊതു​വാ​യി കാണുന്ന പല പഠിപ്പി​ക്ക​ലും ആചാര​ങ്ങ​ളും പണ്ടു ബാബി​ലോ​ണിൽ ഉത്ഭവി​ച്ച​വ​യാണ്‌. ഉദാഹ​ര​ണ​ത്തിന്‌, ബാബി​ലോ​ന്യർ ത്രിത്വ​ദൈ​വ​ങ്ങ​ളെ അഥവാ ത്രയങ്ങളെ ആരാധി​ച്ചി​രു​ന്നു. ഇന്ന്‌ പല മതങ്ങളു​ടെ​യും മുഖ്യ പഠിപ്പി​ക്കൽ ത്രിത്വ​മാണ്‌. എന്നാൽ, യഹോവ എന്നു പേരുള്ള ഒരേ​യൊ​രു സത്യ​ദൈ​വം മാത്രമേ ഉള്ളു​വെ​ന്നും യേശു​ക്രി​സ്‌തു അവന്റെ പുത്ര​നാ​ണെ​ന്നും ബൈബിൾ വ്യക്തമാ​യി പഠിപ്പി​ക്കു​ന്നു. (യോഹ​ന്നാൻ 17:3) മരണാ​ന​ന്ത​രം ശരീരത്തെ വിട്ടു​പോ​കു​ന്ന​തും ഒരു ദണ്ഡനസ്ഥ​ല​ത്തു കഷ്ടപ്പാട്‌ അനുഭ​വി​ച്ചേ​ക്കാ​വു​ന്ന​തും ആയ ഒരു അമർത്യ ആത്മാവ്‌ മനുഷ്യ​നു​ണ്ടെ​ന്നും ബാബി​ലോ​ന്യർ വിശ്വ​സി​ച്ചി​രു​ന്നു. നമ്മുടെ കാലത്തെ മിക്ക മതങ്ങളും, നരകാ​ഗ്നി​യിൽ യാതന അനുഭ​വി​ക്കാൻ കഴിയുന്ന അമർത്യ ആത്മാവി​നെ​ക്കു​റി​ച്ചു പഠിപ്പി​ക്കു​ന്നു.

¹⁸ പുരാതന ബാബി​ലോ​ന്യ ആരാധന ഭൂമി​യി​ലെ​ങ്ങും വ്യാപി​ച്ച​തി​നാൽ, ആധുനിക മഹാബാ​ബി​ലോൺ വ്യാജമത ലോക​സാ​മ്രാ​ജ്യ​മാ​ണെന്നു ശരിയാ​യി​ത്ത​ന്നെ മനസ്സി​ലാ​ക്കാ​വു​ന്ന​താണ്‌. ഈ വ്യാജ​മ​ത​സാ​മ്രാ​ജ്യ​ത്തി​ന്റെ അന്ത്യം പെട്ടെ​ന്നാ​യി​രി​ക്കു​മെന്നു ദൈവം മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. (വെളി​പ്പാ​ടു 18:8) മഹാബാ​ബി​ലോ​ണി​ന്റെ സകല ഘടകങ്ങ​ളിൽനി​ന്നും വിട്ടു​പോ​രേ​ണ്ട​തി​ന്റെ കാരണം നിങ്ങൾക്കി​പ്പോൾ കാണാൻ കഴിയു​ന്നു​ണ്ടോ? അവസരം നഷ്ടമാ​കു​ന്ന​തി​നു മുമ്പായി പെട്ടെന്ന്‌ നിങ്ങൾ ‘അവളെ വിട്ടു​പോ​രാൻ’ യഹോ​വ​യാം ദൈവം ആഗ്രഹി​ക്കു​ന്നു.—വെളി​പ്പാ​ടു 18:4.

19. യഹോ​വ​യെ സേവി​ക്കു​ന്ന​തു മുഖാ​ന്ത​രം നിങ്ങൾക്കു നേടാ​നാ​കു​ന്നത്‌ എന്താണ്‌?

¹⁹ വ്യാജമതം ഉപേക്ഷി​ക്കാ​നു​ള്ള നിങ്ങളു​ടെ തീരു​മാ​ന​ത്തെ​പ്ര​തി ചിലർ നിങ്ങളു​മാ​യു​ള്ള സഹവാസം നിറു​ത്തി​യേ​ക്കാം. എന്നാൽ യഹോ​വ​യു​ടെ ജനത്തോ​ടൊ​പ്പം അവനെ സേവി​ക്കു​ന്ന​തു​നി​മി​ത്തം, നിങ്ങൾക്കു നഷ്ടപ്പെ​ട്ടേ​ക്കാ​വു​ന്ന എന്തി​നെ​ക്കാ​ളു​മ​ധി​കം നിങ്ങൾ നേടും. യേശു​വി​നെ അനുഗ​മി​ക്കാ​നാ​യി മറ്റു സകലതും ഉപേക്ഷിച്ച അവന്റെ ആദിമ ശിഷ്യ​രു​ടെ കാര്യ​ത്തി​ലെ​ന്ന​പോ​ലെ നിങ്ങൾക്കു നിരവധി ആത്മീയ സഹോ​ദ​രീ​സ​ഹോ​ദ​ര​ന്മാ​രെ ലഭിക്കും. നിങ്ങ​ളോട്‌ യഥാർഥ സ്‌നേഹം പ്രകടി​പ്പി​ക്കു​ന്ന ദശലക്ഷ​ക്ക​ണ​ക്കി​നു സത്യ​ക്രി​സ്‌ത്യാ​നി​കൾ അടങ്ങുന്ന വലിയ ലോക​വ്യാ​പക കുടും​ബ​ത്തി​ന്റെ ഭാഗമാ​യി​ത്തീ​രും നിങ്ങൾ. “വരുവാ​നു​ള്ള ലോക”ത്തിലെ നിത്യ​ജീ​വ​നെന്ന മഹത്തായ പ്രത്യാ​ശ​യും നിങ്ങൾക്കു​ണ്ടാ​യി​രി​ക്കും. (മർക്കൊസ്‌ 10:28-30) നിങ്ങളു​ടെ വിശ്വാ​സ​ങ്ങ​ളെ​പ്ര​തി നിങ്ങളെ ഉപേക്ഷി​ച്ച​വർ ഒരുപക്ഷേ പിന്നീട്‌ എപ്പോ​ഴെ​ങ്കി​ലും ബൈബിൾ പഠിപ്പി​ക്കു​ന്ന കാര്യങ്ങൾ പരി​ശോ​ധി​ക്കു​ക​യും യഹോ​വ​യു​ടെ ആരാധകർ ആയിത്തീ​രു​ക​യും ചെയ്‌തേ​ക്കാം.

20. സത്യമ​ത​ത്തിൽപ്പെ​ട്ട​വർക്ക്‌ ഏതു ഭാവി​പ്ര​ത്യാ​ശ​യാ​ണു​ള്ളത്‌?

²⁰ ദൈവം ഈ ദുഷ്ടവ്യ​വ​സ്ഥി​തി​യെ പെട്ടെ​ന്നു​ത​ന്നെ നശിപ്പി​ച്ചിട്ട്‌ തത്‌സ്ഥാ​നത്ത്‌ തന്റെ രാജ്യ​ഭ​ര​ണ​ത്തിൻകീ​ഴിൽ നീതി​നി​ഷ്‌ഠ​മാ​യ ഒരു പുതി​യ​ലോ​കം സ്ഥാപി​ക്കു​മെ​ന്നു ബൈബിൾ പഠിപ്പി​ക്കു​ന്നു. (2 പത്രൊസ്‌ 3:9, 13) ആ ലോകം എത്ര അത്ഭുത​ക​ര​മാ​യ ഒന്നായി​രി​ക്കും! നീതി​നി​ഷ്‌ഠ​മാ​യ ആ പുതിയ വ്യവസ്ഥി​തി​യിൽ ഒരേ​യൊ​രു മതം അഥവാ സത്യാ​രാ​ധന മാത്രമേ ഉണ്ടായി​രി​ക്കു​ക​യു​ള്ളൂ. അതു​കൊണ്ട്‌ സത്യാ​രാ​ധ​ക​രു​മാ​യി ഇപ്പോൾത്ത​ന്നെ സഹവസി​ക്കാ​നു​ള്ള നടപടി​കൾ സ്വീക​രി​ക്കു​ന്ന​ത​ല്ലേ ജ്ഞാനമാ​യി​രി​ക്കു​ന്നത്‌?