ഭൂമി​യു​ടെ നിഗൂഢ വിള്ളലു​കൾ

ഒരു ശക്തമായ ഭൂകമ്പ​ത്തി​ന്റെ ഫലമായി 1994 ആഗസ്റ്റ്‌ 18-ന്‌ അൾജീ​രി​യ​യിൽ ചുരു​ങ്ങി​യത്‌ 171 ആളുകൾ മരിച്ചു. നൂറു​ക​ണ​ക്കി​നാ​ളു​കൾക്കു പരു​ക്കേൽക്കു​ക​യും ആയിരങ്ങൾ ഭവനര​ഹി​ത​രാ​കു​ക​യും ചെയ്‌തു. കുറേ ആഴ്‌ച​കൾക്കു​മുമ്പ്‌, ബൊളീ​വിയ, കൊളം​ബിയ, ഇൻഡോ​നേഷ്യ എന്നിവി​ട​ങ്ങ​ളി​ലും വലിയ ഭൂകമ്പങ്ങൾ ഉണ്ടായി, ഇവ മൊത്ത​ത്തിൽ അനേക​ശതം മനുഷ്യ​രു​ടെ ജീവന​ഷ്ട​ത്തി​നി​ട​യാ​ക്കി.

ഈ വലിയ വിപത്തു​കൾ സംഭവി​ച്ച​താ​യി നിങ്ങൾ അറിഞ്ഞി​രു​ന്നോ? നിങ്ങളെ അവ വ്യക്തി​പ​ര​മാ​യി ബാധി​ക്കു​ക​യോ ഒരു അയൽരാ​ജ്യ​ത്തു ജീവി​ക്കു​ക​യോ ചെയ്യു​ന്നി​ല്ല​ങ്കിൽ അതിനു സാധ്യ​ത​യില്ല. നേരേ​മ​റിച്ച്‌, വലിയ ഭൂകമ്പങ്ങൾ യു.എസ്‌.എ.-യിലെ കാലി​ഫോർണിയ പ്രദേ​ശത്ത്‌ ഉണ്ടായ​പ്പോൾ വാർത്ത കാട്ടു​തീ​പോ​ലെ പരന്നതാ​യി തോന്നി, അവയെ​ക്കു​റി​ച്ചുള്ള ശാസ്‌ത്രീയ വിവരങ്ങൾ ക്ഷണനേ​രം​കൊ​ണ്ടു ലഭ്യമാ​യി​ത്തീ​രു​ക​യും ചെയ്‌തു.

ദക്ഷിണ കാലി​ഫോർണി​യ​പോ​ലെ ശാസ്‌ത്ര​ജ്ഞ​ന്മാർ അത്ര​ത്തോ​ളം കൂലങ്ക​ഷ​മാ​യി പഠനവി​ധേ​യ​മാ​ക്കി​യി​ട്ടുള്ള മറ്റൊരു പ്രദേ​ശ​വു​മില്ല എന്നതാണു കാരണം; അവിടെ ഭൂകമ്പ​മാ​പി​നി​യി​ലെ 1.5 എന്ന അളവോ​ളം തീവ്രത കുറഞ്ഞ ഭൂകമ്പങ്ങൾ വരെ രേഖ​പ്പെ​ടു​ത്തുന്ന 700-ലധികം സീസ്‌മോ​മീ​റ്റ​റു​കൾ ഉണ്ട്‌. ആ പ്രദേ​ശത്തെ ഭൂമി​ശാ​സ്‌ത്ര​ജ്ഞ​രു​ടെ പെരു​പ്പ​മാണ്‌ അവി​ടെ​നി​ന്നു ഭൂകമ്പ​ത്തെ​ക്കു​റി​ച്ചുള്ള ധാരാളം വിവരങ്ങൾ പ്രവഹി​ക്കു​ന്ന​തി​നു കാരണം.

ഒരു സമീപ​കാല കണ്ടുപി​ടി​ത്തം

ഈ വിപു​ല​മായ ഗവേഷണം ഭൂകമ്പ​ങ്ങ​ളെ​ക്കു​റി​ച്ചു മനസ്സി​ലാ​ക്കു​ന്ന​തി​നും അത്യാ​ഹി​തങ്ങൾ തടയു​ന്ന​തി​നു സമയത്തു​തന്നെ അവയെ മുൻകൂ​ട്ടി​പ്പ​റ​യാൻ ശ്രമി​ക്കു​ന്ന​തി​നു​പോ​ലും അനേക​രാ​ജ്യ​ങ്ങ​ളിൽ ശാസ്‌ത്ര​ജ്ഞ​ന്മാ​രെ നിസ്സം​ശ​യ​മാ​യും സഹായി​ച്ചി​ട്ടുണ്ട്‌. ഓരോ വർഷവും വലിയ തോതി​ലുള്ള ഏതാണ്ട്‌ 40 ഭൂകമ്പങ്ങൾ ലോക​ത്തി​ന്റെ വിവിധ ഭാഗങ്ങളെ കെടു​തി​യി​ലാ​ഴ്‌ത്തു​ന്ന​തു​കൊണ്ട്‌, അത്തരം സാങ്കേ​തി​ക​വി​ദ്യ മർമ​പ്ര​ധാ​ന​മാണ്‌. ഫലത്തിൽ ഹാനി​ക​ര​മ​ല്ലാത്ത ചെറിയ ഭൂകമ്പ​ങ്ങ​ളു​മുണ്ട്‌, എങ്കിലും പ്രകമ്പനം അനുഭ​വ​പ്പെ​ടു​മാറ്‌ അവ വലുതാ​ണു​താ​നും. ഇവ വർഷത്തിൽ 40,000-ത്തിനും 50,000-ത്തിനും ഇടയ്‌ക്കു തവണ ഉണ്ടാകു​ന്നു!

ഭൂമി​ക്ക​ടി​യി​ലുള്ള വൻ ശിലാ​പാ​ളി​കൾ അഥവാ സ്ലാബുകൾ സമ്മർദ​ത്തിൻകീ​ഴിൽ പൊട്ടി​ത്ത​കർന്നു പുതിയ സ്ഥാനങ്ങ​ളി​ലേക്ക ഊറ്റമാ​യി നീങ്ങു​ന്ന​തി​ന്റെ ഫലമാണു ഭൂകമ്പ​ങ്ങ​ളിൽ അധിക​പ​ങ്കും. സാധാ​ര​ണ​മാ​യി, ഭൂമി​യു​ടെ പുറ​ന്തോ​ടി​ലെ പൊട്ട​ലു​കൾക്കൊ​പ്പം ഈ പ്രക്ഷു​ബ്ധ​തകൾ സംഭവി​ക്കു​ന്നു. ഈ പൊട്ട​ലു​കൾ, വിള്ളലു​ക​ളെ​ന്ന​റി​യ​പ്പെ​ടു​ന്നു.

മിക്കസ​മ​യ​ത്തും ഭൂകമ്പ​സാ​ധ്യ​ത​യുള്ള പ്രദേ​ശങ്ങൾ എവി​ടെ​യെ​ല്ലാം എന്നു നിർണ​യി​ക്കാൻ ആകുമാറ്‌ ഈ വിള്ളലു​ക​ളു​ടെ സ്ഥലങ്ങൾ രേഖ​പ്പെ​ടു​ത്താൻ ശാസ്‌ത്ര​ജ്ഞ​ന്മാർക്കു കഴിയു​ന്നുണ്ട്‌. “മിക്കസ​മ​യ​ത്തും” എന്നു നാം പറയു​ന്ന​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ തങ്ങൾ ഒരിക്കൽ വിചാ​രി​ച്ചി​രു​ന്ന​തു​പോ​ലെ തങ്ങളുടെ ഭൂപടങ്ങൾ അത്ര സമഗ്ര​മ​ല്ലെന്ന്‌ അടുത്ത​യി​ടെ ശാസ്‌ത്ര​ജ്ഞ​ന്മാർ മനസ്സി​ലാ​ക്കി​യി​ട്ടുണ്ട്‌. ഉദാഹ​ര​ണ​ത്തിന്‌, കാലി​ഫോർണി​യ​യിൽ നടന്നതായ ആഘാതം അളക്കാ​നായ ഭൂകമ്പ​ങ്ങ​ളിൽ അനവധി​യും പുറമേ കാണ​പ്പെ​ടാ​തെ പതിയി​രുന്ന വിള്ളലു​ക​ളു​ടെ മുകളി​ലൂ​ടെ​യാ​ണു സംഭവി​ക്കു​ന്ന​തെന്ന അടുത്ത​കാ​ലത്തെ വെളി​പ്പെടൽ ശാസ്‌ത്ര​ജ്ഞ​ന്മാ​രെ അസ്വസ്ഥ​രാ​ക്കു​ന്നു. പല കേസു​ക​ളി​ലും, ഭൂകമ്പ​ത്തി​ന്റെ അപകട​ത്തിൽനിന്ന്‌ ഏറെക്കു​റെ വിമു​ക്ത​മെന്നു ഭൂശാ​സ്‌ത്രജ്ഞർ മുമ്പേ കരുതി​യി​രുന്ന പ്രദേ​ശ​ങ്ങ​ളി​ലാണ്‌ ഇതു സംഭവി​ക്കു​ന്നത്‌.

ഭൗമശാ​സ്‌ത്ര​ജ്ഞ​രായ യു.എസ്‌. ജിയോ​ള​ജി​ക്കൽ സർവേ​യി​ലെ റാസ്‌ സ്റ്റീനും ഓറിജൻ സ്റ്റേറ്റ്‌ യൂണി​വേ​ഴ്‌സി​റ്റി​യി​ലെ റോ​ബെർട്ട്‌ യീറ്റ്‌സും പറയു​ന്ന​പ്ര​കാ​രം, “അപായ​ഭ​യ​ത്തി​നു​പ​കരം പ്രശാ​ന്ത​ത​യു​ടെ പ്രതീതി ഉണർത്തുന്ന, മെല്ലെ ഉയർന്നു താഴുന്ന തരംഗാ​കൃ​തി​യി​ലു​ള്ള​തോ മടക്കു​ക​ളു​ള്ള​തോ ആയ ഭൂപ്ര​ദേശം തെല്ലുമേ ഭീഷണി ഉയർത്തു​ന്നി​ല്ലെന്നു തോന്നി​യേ​ക്കാം.” പക്ഷേ, അവരുടെ പഠനങ്ങൾ മടക്കു​ക​ളുള്ള പാറക്കൂ​ട്ട​ത്തി​ന്റെ അടിയിൽ സജീവ​മായ ഭൂകമ്പ വിള്ളലു​കൾ ഉള്ളതായി തിരി​ച്ച​റി​യി​ച്ചി​ട്ടുണ്ട്‌. എണ്ണ നിക്ഷേ​പ​ങ്ങൾക്കാ​യി അവയി​ല​നേ​ക​വും ചൂഷണം ചെയ്യ​പ്പെ​ട്ടി​രി​ക്കു​ന്നു. കണ്ടുപി​ടി​ക്കാൻ കഴിയാ​ത്ത​വി​ധം ഈ ഭൂഗർഭ വിള്ളലു​കൾ മറഞ്ഞി​രി​ക്കു​ന്ന​തെ​ന്തു​കൊണ്ട്‌? അവ എത്ര​ത്തോ​ളം ശക്തമായ ഒരു ഭീഷണി​യാണ്‌?

അവഗണി​ക്ക​രു​താത്ത ഒരു ഭീഷണി

പാറകൾക്കു ഞെരി​ഞ്ഞ​മ​രാ​നും ഒരു പൊങ്ങി​മ​ട​ങ്ങിയ പരവതാ​നി​പോ​ലെ​യാ​കാ​നും കഴിയു​മെന്നു ഭൂഗർഭ ശാസ്‌ത്രജ്ഞർ പണ്ടേ തിരി​ച്ച​റി​ഞ്ഞി​ട്ടുണ്ട്‌. എന്നാൽ ഇതു കാലങ്ങ​ളെ​ടു​ത്തു ക്രമേണ ഉരുണ്ടു​കൂ​ടുന്ന ഒരു പ്രക്രി​യ​യാ​ണെന്നു സാധാ​ര​ണ​മാ​യി വിചാ​രി​ച്ചി​രു​ന്നു. എന്നാൽ, പ്രവർത്ത​ന​ക്ഷ​മ​മായ പാറമ​ട​ക്കു​കൾ വെറും സെക്കൻറു​കൾക്കു​ള്ളിൽ അഞ്ചു മീറ്റ​റോ​ളം മുകളി​ലേക്ക്‌ ഊറ്റമാ​യി പൊന്തി​വ​രു​ന്ന​താ​യി അവയെ​ക്കു​റി​ച്ചുള്ള സമീപ​കാല പഠനങ്ങൾ കാണി​ച്ചി​രി​ക്കു​ന്നു! ഈ മടക്കു​പാ​ളി​ക​ളു​ടെ ഉരുണ്ടു​കൂ​ടൽ താഴെ​യുള്ള പാറക്കൂ​ട്ടത്തെ ഞെരു​ക്കു​ന്നു. അതിന്റെ ഫലമാ​യു​ണ്ടാ​കുന്ന സമ്മർദം മടക്കി​നു​താ​ഴെ പാറയെ ആഴത്തിൽ പൊട്ടി​ക്കു​ക​യും ഒരു പാളി മറ്റൊ​ന്നി​ന്റെ മുകളി​ലേക്കു പാഞ്ഞു​ക​യ​റു​ക​യും ചെയ്യുന്നു. ഹാനി​ക​ര​മ​ല്ലെന്നു തോന്നുന്ന ഈ മടക്കു​ക​ളും അവയ്‌ക്ക​ടി​യി​ലാ​യി പതിയി​രി​ക്കുന്ന പ്രവർത്ത​ന​ക്ഷ​മ​മായ വിള്ളലു​ക​ളും ഭാവി ഭൂകമ്പ​ങ്ങ​ളു​ടെ പണിപ്പു​ര​ക​ളാണ്‌. അവയെ കണ്ടുപി​ടി​ക്കു​ന്ന​തി​നു ഭൂകമ്പ​ശാ​സ്‌ത്ര​ജ്ഞർക്ക്‌ ഒരവസരം കിട്ടു​ന്ന​തി​നു മുമ്പേ ഇതു സംഭവി​ക്കു​ന്നു. അത്തരം ഭൂഗർഭ വിള്ളലു​കൾക്ക്‌, ഭൂമി​യു​ടെ ഉപരി​ത​ല​ത്തിൽ ദൃശ്യ​മാ​കുന്ന കൂടുതൽ ശ്രദ്ധേ​യ​മായ വിള്ളലു​കൾ ഉളവാ​ക്കു​ന്ന​തു​പോ​ലെ​ത​ന്നെ​യുള്ള ശക്തമായ ഭൂകമ്പങ്ങൾ ഉണ്ടാക്കാൻ കഴിയും.

ഒരു പതിയി​രി​ക്കുന്ന വിള്ളലിന്‌ എന്തു ചെയ്യാൻ കഴിയു​മെ​ന്നു​ള്ള​തി​ന്റെ അടുത്ത​കാ​ലത്തെ ഒരു ഉദാഹ​ര​ണ​മാണ്‌ 1994 ജനുവരി 17-നു ലോസാ​ഞ്ച​ലസ്‌ പ്രദേ​ശ​ത്തു​ണ്ടായ നോർത്‌റി​ഡ്‌ജ്‌ ഭൂകമ്പം. ഭൂമി​യു​ടെ അന്തർഭാ​ഗത്ത്‌ 8 തൊട്ട്‌ 19 വരെ കിലോ​മീ​റ്റ​റു​കൾ താഴെ​യാ​യി വളരെ ആഴത്തിൽ രൂപം​കൊണ്ട വിള്ളലാ​യി​രു​ന്നു ഭൂകമ്പ​ത്തി​നു കാരണ​മാ​ക്കി​യത്‌. ഭൂകമ്പ​ത്തി​നു​മുമ്പ്‌, വിള്ളൽ നിലനിൽക്കു​ന്ന​തി​നെ​ക്കു​റി​ച്ചു ശാസ്‌ത്ര​ജ്ഞർക്ക്‌ അറിവി​ല്ലാ​യി​രു​ന്നു. ഈ നിഗൂഢ വിള്ളൽ ഭാരിച്ച സ്വത്തു​നാ​ശ​ത്തി​നും 9,000-ത്തിലധി​കം ആളുകൾക്കു പരു​ക്കേൽക്കു​ന്ന​തി​നും 61 പേർ മരിക്കു​ന്ന​തി​നും കാരണ​മാ​യി.

കാലി​ഫോർണി​യ​യിൽ മാത്രമല്ല, അൾജീ​രിയ, അർജൻറീന, അർമേ​നിയ, കാനഡ, ഇന്ത്യ, ഇറാൻ, ജപ്പാൻ, ന്യൂസി​ലൻഡ്‌, പാകി​സ്ഥാൻ എന്നിവി​ട​ങ്ങ​ളി​ലെ ഒട്ടേറെ വലിയ ഭൂകമ്പ​ങ്ങൾക്കു കാരണം ആ നിഗൂഢ വിള്ളലു​ക​ളാ​ണെന്നു ശാസ്‌ത്രജ്ഞർ സംശയി​ക്കു​ന്നു. ഈ നിഗൂഢ വിള്ളലു​കൾ തൊടു​ത്തു​വി​ട്ടി​രി​ക്കാ​നി​ട​യുള്ള ഭൂകമ്പ​ങ്ങ​ളു​ടെ ഫലമായി കഴിഞ്ഞ ചില ദശകങ്ങ​ളിൽ ആയിര​ക്ക​ണ​ക്കി​നാ​ളു​ക​ളാ​ണു മരണമ​ട​ഞ്ഞത്‌.

ഈ സജീവ​മായ മടക്കുകൾ എവിടെ ഉണ്ടാകു​ന്നു​വെന്നു കണ്ടുപി​ടി​ക്കു​ന്ന​തി​നും അവയിൽ പതിയി​രി​ക്കുന്ന ഭൂകമ്പ ഭീഷണി​യെ മുൻകൂ​ട്ടി​പ്പ​റ​യു​ന്ന​തി​നു​മുള്ള വെല്ലു​വി​ളി​യെ ഇപ്പോൾ ശാസ്‌ത്രജ്ഞർ അഭിമു​ഖീ​ക​രി​ക്കു​ന്നു. അതിനി​ട​യ്‌ക്ക്‌, നിരു​പ​ദ്രവി എന്നു തോന്നി​യേ​ക്കാ​വുന്ന ഒരു കൊച്ചു കുന്നിന്റെ വിനാശക ശക്തിയെ അവർ മേലാൽ താഴ്‌ത്തി​മ​തി​ക്കു​ന്നില്ല.

[22-ാം പേജിലെ ചതുരം]

ലോസാഞ്ചലസ്‌ ചുരു​ങ്ങി​ക്കൊ​ണ്ടി​രി​ക്കു​ന്നു​വോ?

കാലി​ഫോർണി​യ​യി​ലെ ലോസാ​ഞ്ച​ല​സിൽ സ്ഥിതി​ചെ​യ്യുന്ന വിള്ളലു​ക​ളു​ടെ​യും മടക്കു​ക​ളു​ടെ​യും ഒരു വിപു​ല​മായ ശ്രേണി ഈ മേഖലയെ അങ്ങേയറ്റം അസ്ഥിര​മാ​ക്കു​ന്നു. സാൻ ആൻഡ്രി​യാസ്‌ വിള്ളലി​ന​ടു​ത്തുള്ള ഒരു പിരിവു നിമി​ത്ത​മുള്ള മർദത്തി​ന്റെ ഏറിയ​പ​ങ്കും ലോസാ​ഞ്ച​ലസ്‌ നദീതടം ആഗിരണം ചെയ്യു​ന്ന​താ​യി കാണ​പ്പെ​ടു​ന്നു. (1994 ജൂലൈ 22-ലെ ഉണരുക! ലക്കം പേജ്‌ 15-18 കാണുക.) ഈ മർദം നിമി​ത്ത​മാ​യുള്ള മടക്കുകൾ ലോസാ​ഞ്ച​ലസ്‌ നദീതട ഭൂപ്ര​ദേ​ശത്തെ പ്രതി​വർഷം നാലി​ലൊന്ന്‌ ഏക്കർ കണ്ടു കുറ​ച്ചേ​ക്കാ​മെന്നു പ്രാ​ദേ​ശിക ഭൂശാ​സ്‌ത്രജ്ഞർ കണക്കാ​ക്കു​ന്നു.

[21-ാം പേജിലെ ചിത്ര​ത്തിന്‌ കടപ്പാട്‌]

Globe: Mountain High Maps™ copyright © 1993 Digital Wisdom, Inc.