നിങ്ങൾ എന്നെങ്കി​ലും അതിശ​യി​ച്ചി​ട്ടു​ണ്ടോ?

യേശു​വി​ന്റെ മാതാ​വായ മറിയ​യെ​ക്കു​റി​ച്ചു ബൈബിൾ യഥാർഥ​ത്തിൽ എന്താണു പറയു​ന്നത്‌?പിതാവു ദൈവ​മാണ്‌, പുത്രൻ ദൈവ​മാണ്‌, പരിശു​ദ്ധാ​ത്മാ​വു ദൈവ​മാണ്‌, എന്നാൽ അവർ മൂന്നു ദൈവ​ങ്ങളല്ല മറിച്ച്‌ മൂവരും ഒന്നാണ്‌ എന്ന പഠിപ്പി​ക്കൽ ക്രൈ​സ്‌ത​വ​ലോ​ക​ത്തി​ലെ ഭൂരി​ഭാ​ഗം വിശ്വാ​സി​ക​ളും മുറു​കെ​പ്പി​ടി​ക്കു​ന്നു. മറ്റു വാക്കു​ക​ളിൽ പറഞ്ഞാൽ, ത്രിത്വം. അതു​കൊണ്ട്‌ ക്രൈ​സ്‌ത​വ​ലോ​ക​ത്തി​ലെ ഭൂരി​ഭാ​ഗം വിഭാ​ഗ​ങ്ങ​ളി​ലും (കാത്തലിക്‌, ആംഗ്ലിക്കൻ, ഓർത്ത​ഡോ​ക്‌സ്‌) യേശു​വി​ന്റെ മാതാ​വായ മറിയ “ദൈവ​മാ​താവ്‌” ആണെന്നുള്ള വിശ്വാ​സ​ത്തിന്‌ ഈ പഠിപ്പി​ക്കൽ യുക്തി​പ​ര​മാ​യും ജന്മം നൽകി. അതു യഥാർഥ​ത്തിൽ അങ്ങനെ ആണോ? യേശു എങ്ങനെ​യാ​ണു തന്റെ മാതാ​വി​നെ വീക്ഷി​ച്ചത്‌? ശിഷ്യൻമാർ അവളെ എങ്ങനെ വീക്ഷിച്ചു? ബൈബിൾ എങ്ങനെ ഉത്തരം നൽകു​ന്നു​വെന്നു നമുക്കു നോക്കാം:

1. മറിയ​യെ​ക്കു​റിച്ച്‌ എപ്പോ​ഴാ​ണു ബൈബി​ളിൽ ആദ്യമാ​യി പരാമർശി​ക്കു​ന്നത്‌?—മത്തായി 1:16.

2. യേശു​വി​ന്റെ ജനനസ​മ​യത്തു മറിയ ഏതുതരം മതമാണ്‌ ആചരി​ച്ചി​രു​ന്നത്‌?—ലൂക്കൊസ്‌ 2:39, 41.

3. തന്റെ പാപങ്ങൾക്കു വേണ്ടി മറിയ വഴിപാട്‌ അർപ്പി​ച്ചോ?—ലൂക്കൊസ്‌ 2:21-24; ലേവ്യ​പു​സ്‌തകം 12:6, 8 താരത​മ്യം ചെയ്യുക.

4. യേശു​വി​നെ ഗർഭം ധരിച്ച​പ്പോൾ മറിയ കന്യക​യാ​യി​രു​ന്നോ? അതു പ്രധാ​ന​മാ​യി​രു​ന്നത്‌ എന്തു​കൊണ്ട്‌?—മത്തായി 1:22, 23, 25; ലൂക്കൊസ്‌ 1:34; യെശയ്യാ​വു 7:14; എബ്രായർ 4:15.

5. മറിയ എങ്ങനെ ഗർഭി​ണി​യാ​യി?—ലൂക്കൊസ്‌ 1:26-38.

6. തന്റെ അതുല്യ സാഹച​ര്യ​ങ്ങ​ളോ​ടു മറിയ എങ്ങനെ പ്രതി​ക​രി​ച്ചു?—ലൂക്കൊസ്‌ 1:46-55.

7. താൻ ഒരു പരിഗ​ണ​ന​യുള്ള മാതാ​വാ​ണെന്നു മറിയ എപ്രകാ​രം പ്രകട​മാ​ക്കി—ലൂക്കൊസ്‌ 2:41-51.

8. മറിയക്കു പിന്നീടു മറ്റു കുട്ടികൾ ജനിച്ചോ?—മത്തായി 13:55, 56; മർക്കൊസ്‌ 6:3; ലൂക്കൊസ്‌ 8:19-21; യോഹ​ന്നാൻ 2:12; 7:5; പ്രവൃ​ത്തി​കൾ 1:14; 1 കൊരി​ന്ത്യർ 9:5.

9. യേശു​വി​ന്റെ സഹോ​ദ​രൻമാ​രും സഹോ​ദ​രി​മാ​രും യഥാർഥ​ത്തിൽ അവന്റെ മച്ചുനർ അല്ലായി​രു​ന്നു​വെന്നു നമു​ക്കെ​ങ്ങനെ അറിയാം?—മർക്കൊസ്‌ 6:3; ലൂക്കൊസ്‌ 14:12; കൊ​ലൊ​സ്സ്യർ 4:10 എന്നിവ താരത​മ്യം ചെയ്യുക.

10. യേശു മറിയയെ ‘ദൈവ​മാ​താ​വാ’യി വീക്ഷി​ച്ചോ?—യോഹ​ന്നാൻ 2:3, 4; 19:26.

11. മറിയ സ്വയം ‘ദൈവ​മാ​താ​വാ’യി വീക്ഷി​ച്ചോ?—ലൂക്കൊസ്‌ 1:35; യോഹ​ന്നാൻ 2:4, 5.

12. യേശു തന്റെ മാതാ​വിന്‌ എന്തെങ്കി​ലും പ്രത്യേക സ്‌തു​തി​യോ സംപൂ​ജ്യ​ത​യോ നൽകി​യോ?—മർക്കൊസ്‌ 3:31-35; ലൂക്കൊസ്‌ 11:27, 28; യോഹ​ന്നാൻ 19:26.

13. യഹോ​വ​യു​ടെ ഉദ്ദേശ്യ​ങ്ങ​ളി​ലെ തന്റെ പങ്കിനെ മറിയ എങ്ങനെ വീക്ഷിച്ചു?—ലൂക്കൊസ്‌ 1:46-49.

14. മറിയ ദൈവ​ത്തി​നും മനുഷ്യ​നും ഇടയി​ലുള്ള മധ്യസ്ഥ​യാ​ണോ?—1 തിമൊ​ഥെ​യൊസ്‌ 2:5.

15. ബൈബി​ളി​ലെ 66 പുസ്‌ത​ക​ങ്ങ​ളിൽ എത്ര​യെ​ണ്ണ​ത്തിൽ മറിയ​യെ​ക്കു​റി​ച്ചു പരാമർശി​ച്ചി​ട്ടുണ്ട്‌?

16. ക്രിസ്‌തീയ എഴുത്തു​കാർ തങ്ങളുടെ പുസ്‌ത​ക​ങ്ങ​ളി​ലും ലേഖന​ങ്ങ​ളി​ലും മറിയയെ ഉയർത്തി​ക്കാ​ട്ടി​യോ?—യോഹ​ന്നാൻ 2:4; 2 കൊരി​ന്ത്യർ 1:1, 2; 2 പത്രൊസ്‌ 1:1.

17. പൗലോസ്‌, പത്രോസ്‌, യാക്കോബ്‌, യോഹ​ന്നാൻ, യൂദാ എന്നിവർ എഴുതിയ 21 ലേഖന​ങ്ങ​ളിൽ മറിയ​യു​ടെ പേര്‌ എത്ര പ്രാവ​ശ്യ​മുണ്ട്‌?

18. യേശു​വി​ന്റെ ഒരു അനുഗാ​മി എന്നനി​ല​യിൽ മറിയ​യു​ടെ പ്രത്യാശ എന്തായി​രു​ന്നു?—1 പത്രൊസ്‌ 2:5; വെളി​പ്പാ​ടു 14:1, 3.

19. ഉല്‌പത്തി 3:15-ലും വെളി​പ്പാ​ടു 12:3-6-ലും പരാമർശി​ക്ക​പ്പെ​ട്ടി​രി​ക്കുന്ന സ്‌ത്രീ മറിയ​യാ​ണോ?—യെശയ്യാ​വു 54:1, 5, 6; ഗലാത്യർ 4:26.

20. മറിയ​യു​ടെ ഇപ്പോ​ഴത്തെ സ്ഥാനം എന്താണ്‌?—2 തിമൊ​ഥെ​യൊസ്‌ 2:11, 12.

ബൈബി​ളി​ന്റെ ഉത്തരങ്ങൾ

1. “യാക്കോബ്‌ മറിയ​യു​ടെ ഭർത്താ​വായ യോ​സേ​ഫി​നെ ജനിപ്പി​ച്ചു. അവളിൽനി​ന്നു ക്രിസ്‌തു എന്നു പേരുള്ള യേശു ജനിച്ചു.”—മത്തായി 1:16.

2. “കർത്താ​വി​ന്റെ ന്യായ​പ്ര​മാ​ണ​ത്തിൽ കല്‌പി​ച്ചി​രി​ക്കു​ന്ന​തൊ​ക്കെ​യും നിവർത്തി​ച്ച​ശേഷം അവർ ഗലീല​യിൽ തങ്ങളുടെ പട്ടണമായ നസറെ​ത്തി​ലേക്കു മടങ്ങി​പ്പോ​യി. അവന്റെ അമ്മയപ്പ​ന്മാർ ആണ്ടു​തോ​റും പെസഹ​പെ​രു​നാ​ളി​നു യെരൂ​ശ​ലേ​മി​ലേക്കു പോകും.” (ലൂക്കൊസ്‌ 2:39, 41) യഹൂദൻമാ​രെ​ന്ന​നി​ല​യിൽ അവർ മോശ​യു​ടെ നിയമം പിൻപറ്റി.

3. “മോശ​യു​ടെ ന്യായ​പ്ര​മാ​ണ​പ്ര​കാ​രം അവളുടെ ശുദ്ധീ​ക​ര​ണ​കാ​ലം തികെ​ഞ്ഞെ​പ്പോൾ കടിഞ്ഞൂ​ലായ ആണൊ​ക്കെ​യും കർത്താ​വി​ന്നു വിശുദ്ധം ആയിരി​ക്കേണം എന്നു കർത്താ​വി​ന്റെ ന്യായ​പ്ര​മാ​ണ​ത്തിൽ എഴുതി​യി​രി​ക്കു​ന്ന​തു​പോ​ലെ അവനെ കർത്താ​വി​ന്നു അർപ്പി​പ്പാ​നും . . . . അവർ അവനെ യെരൂ​ശ​ലേ​മി​ലേക്കു കൊണ്ടു​പോ​യി.” (ലൂക്കൊസ്‌ 2:22-24) “മകന്നു വേണ്ടി​യോ മകൾക്കു വേണ്ടി​യോ അവളുടെ ശുദ്ധീ​ക​ര​ണ​കാ​ലം തികഞ്ഞ​ശേഷം അവൾ ഒരു വയസ്സു​പ്രാ​യ​മുള്ള ആട്ടിൻകു​ട്ടി​യെ ഹോമ​യാ​ഗ​ത്തി​ന്നാ​യി​ട്ടും ഒരു പ്രാവിൻകു​ഞ്ഞി​നെ​യോ ഒരു കുറു​പ്രാ​വി​നെ​യോ പാപയാ​ഗ​ത്തി​ന്നാ​യി​ട്ടും സമാഗ​മ​ന​കൂ​ടാ​ര​ത്തി​ന്റെ വാതി​ല്‌ക്കൽ പുരോ​ഹി​തന്റെ അടുക്കൽ കൊണ്ടു​വ​രേണം. ആട്ടിൻകു​ട്ടി​ക്കു അവളുടെ പക്കൽ വകയില്ല എങ്കിൽ അവൾ രണ്ടു കുറു​പ്രാ​വി​നെ​യോ രണ്ടു പ്രാവിൻകു​ഞ്ഞി​നെ​യോ ഒന്നിനെ ഹോമ​യാ​ഗ​ത്തി​ന്നും മറ്റേതി​നെ പാപയാ​ഗ​ത്തി​ന്നു​മാ​യി കൊണ്ടു​വ​രേണം; പുരോ​ഹി​തൻ അവൾക്കു​വേണ്ടി പ്രായ​ശ്ചി​ത്തം കഴി​ക്കേണം; എന്നാൽ അവൾ ശുദ്ധയാ​കും.”—ലേവ്യ​പു​സ്‌തകം 12:6, 8.

4. “മകനെ പ്രസവി​ക്കും വരെ അവൻ [യോ​സേഫ്‌] അവളെ പരി​ഗ്ര​ഹി​ച്ചില്ല. മകന്നു അവൻ യേശു എന്നു പേർ വിളിച്ചു.” (മത്തായി 1:25) “മറിയ ദൂത​നോ​ടു: ഞാൻ പുരു​ഷനെ അറിയാ​യ്‌ക​യാൽ ഇതു എങ്ങനെ സംഭവി​ക്കും എന്നു പറഞ്ഞു.” (ലൂക്കൊസ്‌ 1:34) “അതു​കൊ​ണ്ടു കർത്താവു [“യഹോവ,” NW] തന്നേ നിങ്ങൾക്കു ഒരു അടയാളം തരും: കന്യക ഗർഭി​ണി​യാ​യി ഒരു മകനെ പ്രസവി​ക്കും. അവന്നു ഇമ്മാനൂ​വേൽ എന്നു പേർ വിളി​ക്കും.” (യെശയ്യാ​വു 7:14) “നമുക്കുള്ള മഹാപു​രോ​ഹി​തൻ നമ്മുടെ ബലഹീ​ന​ത​ക​ളിൽ സഹതാപം കാണി​ക്കാൻ കഴിയാ​ത്ത​വനല്ല. പാപം ഒഴികെ സർവ്വത്തി​ലും നമുക്കു തുല്യ​മാ​യി പരീക്ഷി​ക്ക​പ്പെ​ട്ട​വ​ന​ത്രെ നമുക്കു​ള്ളതു.”—എബ്രായർ 4:15.

5. “അതിന്നു ദൂതൻ: പരിശു​ദ്ധാ​ത്മാ​വു നിന്റെ​മേൽ വരും; അത്യു​ന്ന​തന്റെ ശക്തി നിന്റെ​മേൽ നിഴലി​ടും; ആകയാൽ ഉത്ഭവി​ക്കുന്ന വിശു​ദ്ധ​പ്രജ ദൈവ​പു​ത്രൻ എന്നു വിളി​ക്ക​പ്പെ​ടും. ദൈവ​ത്തി​ന്നു ഒരു കായ്യവും അസാദ്ധ്യ​മ​ല്ല​ല്ലോ.”—ലൂക്കൊസ്‌ 1:35, 37.

6. “അപ്പോൾ മറിയ പറഞ്ഞതു: ‘എന്റെ ഉള്ളം കർത്താ​വി​നെ മഹിമ​പ്പെ​ടു​ത്തു​ന്നു; എന്റെ ആത്മാവു എന്റെ രക്ഷിതാ​വായ ദൈവ​ത്തിൽ ഉല്ലസി​ക്കു​ന്നു. ശക്തനാ​യവൻ എനിക്കു വലിയവ ചെയ്‌തി​രി​ക്കു​ന്നു; അവന്റെ നാമം പരിശു​ദ്ധം തന്നെ.’”—ലൂക്കൊസ്‌ 1:46, 47, 49.

7. “അവനെ കണ്ടിട്ടു അവർ അതിശ​യി​ച്ചു; അമ്മ അവനോ​ടു: മകനേ, ഞങ്ങളോ​ടു ഇങ്ങനെ ചെയ്‌തതു എന്തു? നിന്റെ അപ്പനും ഞാനും വ്യസനി​ച്ചു​കൊ​ണ്ടു നിന്നെ തിരഞ്ഞു എന്നു പറഞ്ഞു. അവൻ അവരോ​ടു: എന്നെ തിരഞ്ഞതു എന്തിന്നു? എന്റെ പിതാ​വി​ന്നു​ള്ള​തിൽ ഞാൻ ഇരി​ക്കേ​ണ്ടതു എന്നു നിങ്ങൾ അറിയു​ന്നി​ല്ല​യോ എന്നു പറഞ്ഞു.”—ലൂക്കൊസ്‌ 2:48, 49.

8. “ഇവൻ തച്ചന്റെ മകൻ അല്ലയോ? ഇവന്റെ അമ്മ മറിയ എന്നവള​ല്ല​യോ? ഇവന്റെ സഹോ​ദ​രൻമാർ യാക്കോബ്‌, യോസെ, ശിമോൻ, യൂദാ എന്നവർ അല്ലയോ? ഇവന്റെ സഹോ​ദ​രി​ക​ളും എല്ലാം നമ്മോ​ടു​കൂ​ടെ​യി​ല്ല​യോ?” (മത്തായി 13:55, 56) “അനന്തരം അവനും അവന്റെ അമ്മയും സഹോ​ദ​ര​ന്മാ​രും [ഗ്രീക്ക്‌, അഡെൽഫോ​യി] ശിഷ്യ​ന്മാ​രും [ഗ്രീക്ക്‌, മദെ​ട്ടെയ്‌] കഫർന്ന​ഹൂ​മി​ലേക്കു പോയി; അവിടെ ഏറെനാൾ പാർത്തില്ല.”—യോഹ​ന്നാൻ 2:12.

9. സഹോ​ദ​ര​നും മച്ചുന​നും വ്യത്യസ്‌ത ഗ്രീക്കു പദങ്ങൾ ഉണ്ട്‌. “ഇവൻ മറിയ​യു​ടെ മകനും യാക്കോബ്‌, യോസെ, യൂദാ, ശിമോൻ എന്നവരു​ടെ സഹോ​ദ​ര​നു​മായ [ഗ്രീക്ക്‌, അഡെൽഫോസ] തച്ചനല്ല​യോ? ഇവന്റെ സഹോ​ദ​രി​ക​ളും [ഗ്രീക്ക്‌, അഡൽഫാ​യി] ഇവിടെ നമ്മോടു കൂടെ ഇല്ലയോ എന്നു പറഞ്ഞു അവങ്കൽ ഇടറി​പ്പോ​യി.” (മർക്കൊസ്‌ 6:3) “ചാർച്ച​ക്കാ​രെ​യും [ഗ്രീക്ക്‌, സിജെ​നെ​യ്‌സ്‌] . . . വിളി​ക്ക​രു​തു.” (ലൂക്കൊസ്‌ 14:12) “ബർന്നബാ​സി​ന്റെ മച്ചുന​നായ [ഗ്രീക്ക്‌, അനപ്‌സി​യോസ] മർക്കോ​സും . . .” (കൊ​ലൊ​സ്സ്യർ 4:10)—ഗ്രീക്കു തിരു​വെ​ഴു​ത്തു​ക​ളു​ടെ രാജ്യ വരിമദ്ധ്യ ഭാഷാ​ന്തരം കാണുക.

10. “യേശു അവളോ​ടു: സ്‌ത്രീ​യേ, എനിക്കും നിനക്കും തമ്മിൽ എന്തു? എന്റെ നാഴിക ഇതുവരെ വന്നിട്ടില്ല എന്നു പറഞ്ഞു.” “യേശു തന്റെ അമ്മയും താൻ സ്‌നേ​ഹിച്ച ശിഷ്യ​നും നിൽക്കു​ന്നതു കണ്ടിട്ടു: സ്‌ത്രീ​യേ, ഇതാ, നിന്റെ മകൻ എന്നു അമ്മയോ​ടു പറഞ്ഞു.” (യോഹ​ന്നാൻ 2:4; 19:26) യേശു, “സ്‌ത്രീ” എന്ന്‌ ഉപയോ​ഗി​ച്ചത്‌ അന്നത്തെ രീതി​യ​നു​സ​രിച്ച്‌ അനാദ​ര​ണി​യ​മാ​യി​രു​ന്നില്ല.

11. ഒരു ബൈബിൾ വാക്യ​വും “ദൈവ​മാ​താവ്‌” എന്ന പദപ്ര​യോ​ഗം ഉപയോ​ഗി​ക്കു​ന്നില്ല.

12. “ഇതു പറയു​മ്പോൾ പുരു​ഷാ​ര​ത്തിൽ ഒരു സ്‌ത്രീ ഉച്ചത്തിൽ അവനോ​ടു: നിന്നെ ചുമന്ന ഉദരവും നീ കുടിച്ച മുലയും ഭാഗ്യ​മു​ള്ളവ എന്നു പറഞ്ഞു. അതിന്നു അവൻ: അല്ല, ദൈവ​ത്തി​ന്റെ വചനം കേട്ടു പ്രമാ​ണി​ക്കു​ന്നവർ അത്രേ ഭാഗ്യ​വാൻമാർ എന്നു പറഞ്ഞു.”—ലൂക്കൊസ്‌ 11:27,28.

13. “അപ്പോൾ മറിയ പറഞ്ഞതു: ‘എന്റെ ഉള്ളം കർത്താ​വി​നെ മഹിമ​പ്പെ​ടു​ത്തു​ന്നു; . . . . അവൻ തന്റെ ദാസി​യു​ടെ താഴ്‌ച്ച കടാക്ഷി​ച്ചി​രി​ക്കു​ന്നു​വ​ല്ലോ; ഇന്നുമു​തൽ എല്ലാത​ല​മു​റ​ക​ളും എന്നെ ഭാഗ്യ​വതി എന്നു വാഴ്‌ത്തും.’”—ലൂക്കൊസ്‌ 1:46, 48.

14. “ദൈവം ഒരുവ​ന​ല്ലോ; ദൈവ​ത്തി​ന്നും മനുഷ്യർക്കും മദ്ധ്യസ്ഥ​നും ഒരുവൻ: . . . മനുഷ്യ​നായ ക്രിസ്‌തു​യേശു തന്നെ.”—1 തിമൊ​ഥെ​യൊസ്‌ 2:5.

15. “അഞ്ച്‌—മത്തായി, മർക്കൊസ്‌, ലൂക്കൊസ്‌, യോഹ​ന്നാൻ, പ്രവൃ​ത്തി​കൾ. “മറിയ” എന്നനി​ല​യിൽ 19 തവണയും യേശു​വി​ന്റെ “മാതാവ്‌” എന്നനി​ല​യിൽ 24 തവണയും “സ്‌ത്രീ” എന്നനി​ല​യിൽ രണ്ടുത​വ​ണ​യും അവൾ പരാമർശി​ക്ക​പ്പെ​ടു​ന്നു.

16. “നാലു സുവി​ശേഷ എഴുത്തു​കാർക്കു പുറമെ, ഒരിക്ക​ലും മറിയ പരാമർശി​ക്ക​പ്പെ​ടു​ന്നില്ല, അപ്പോ​സ്‌ത​ലിക ലേഖന​ങ്ങ​ളു​ടെ ആമുഖ​ത്തിൽ പോലും. “ദൈ​വേ​ഷ്ട​ത്താൽ ക്രിസ്‌തു​യേ​ശു​വി​ന്റെ അപ്പോ​സ്‌ത​ല​നായ പൗലോ​സും . . . പിതാ​വായ ദൈവ​ത്തി​ങ്കൽനി​ന്നും കർത്താ​വായ യേശു​ക്രി​സ്‌തു​വി​ങ്കൽനി​ന്നും നിങ്ങൾക്കു കൃപയും സമാധാ​ന​വും ഉണ്ടാകട്ടെ.” (2 കൊരി​ന്ത്യർ 1:1, 2) “യേശു​ക്രി​സ്‌തു​വി​ന്റെ ദാസനും അപ്പോ​സ്‌ത​ല​നു​മായ ശിമോൻ പത്രോസ്‌, നമ്മുടെ ദൈവ​ത്തി​ന്റെ​യും രക്ഷിതാ​വായ യേശു​ക്രി​സ്‌തു​വി​ന്റെ​യും നീതി​യാൽ . . .”—2 പത്രൊസ്‌ 1:1.

17. ഒരിക്കൽ പോലു​മില്ല.

18. “നിങ്ങളും ജീവനുള്ള കല്ലുകൾ എന്നപോ​ലെ ആത്മീക​ഗൃ​ഹ​മാ​യി യേശു​ക്രി​സ്‌തു മുഖാ​ന്തരം ദൈവ​ത്തി​ന്നു പ്രസാ​ദ​മുള്ള ആത്മീക​യാ​ഗം കഴിപ്പാ​ന്തക്ക വിശു​ദ്ധ​പു​രോ​ഹി​ത​വർഗ്ഗ​മാ​കേണ്ട​തി​നു പണിയ​പ്പെ​ടു​ന്നു.” (1 പത്രൊസ്‌ 2:5) “പിന്നെ ഞാൻ സീയോൻ മലയിൽ കുഞ്ഞാ​ടും അവനോ​ടു​കൂ​ടെ നെറ്റി​യിൽ അവന്റെ നാമവും പിതാ​വി​ന്റെ നാമവും എഴുതി​യി​രി​ക്കുന്ന നൂറ്റി​നാ​ല്‌പ​ത്തി​നാ​ലാ​യി​രം പേരും നില്‌ക്കു​ന്നതു കണ്ടു. അവർ സിംഹാ​സ​ന​ത്തി​ന്നും . . . . മുമ്പാകെ ഒരു പുതിയ പാട്ടു പാടി; ഭൂമി​യിൽനി​ന്നു വിലക്കു വാങ്ങിയ നൂറ്റി​നാ​ല്‌പ​ത്തി​നാ​ലാ​യി​രം പേർക്ക​ല്ലാ​തെ ആർക്കും ആ പാട്ടു പഠിപ്പാൻ കഴിഞ്ഞില്ല.”—വെളി​പ്പാ​ടു 14:1, 3.

19. “പ്രസവി​ക്കാത്ത മച്ചിയേ, ഘോഷിക്ക; നോവു​കി​ട്ടീ​ട്ടി​ല്ലാ​ത്ത​വളേ, പൊട്ടി ആർത്തു ഘോഷിക്ക; ഏകാകി​നി​യു​ടെ മക്കൾ ഭർത്താ​വു​ള്ള​വ​ളു​ടെ മക്കളെ​ക്കാൾ അധികം എന്നു യഹോവ അരുളി​ച്ചെ​യ്യു​ന്നു. നിന്റെ സ്രഷ്ടാ​വാ​കു​ന്നു നിന്റെ ഭർത്താവു; സൈന്യ​ങ്ങ​ളു​ടെ യഹോവ എന്നാകു​ന്നു അവന്റെ നാമം; യിസ്രാ​യേ​ലി​ന്റെ പരിശു​ദ്ധ​നാ​കു​ന്നു നിന്റെ വീണ്ടെ​ടു​പ്പു​കാ​രൻ; സർവ്വ ഭൂമി​യു​ടെ​യും ദൈവം എന്നു അവൻ വിളി​ക്ക​പ്പെ​ടു​ന്നു.” (യെശയ്യാ​വു 54:1, 5) “മീതെ​യുള്ള യെരൂ​ശ​ലേ​മോ സ്വത​ന്ത്ര​യാ​കു​ന്നു; അവൾ തന്നേ നമ്മുടെ അമ്മ.” (ഗലാത്യർ 4:26) ദൈവ​ത്തി​ന്റെ പ്രതീ​കാ​ത്മക സ്‌ത്രീ​യായ സ്വർഗീയ യെരൂ​ശ​ലേ​മി​നെ, യഹോ​വ​യു​ടെ സ്വർഗീയ സ്ഥാപനത്തെ, ഒരു ഭാര്യ​യോ​ടും അമ്മയോ​ടും താരത​മ്യ​പ്പെ​ടു​ത്തി​യി​രി​ക്കു​ന്നു. ഈ വാക്യ​ങ്ങ​ളി​ലെ “സ്‌ത്രീ” അവളാണ്‌.

20. “നാം അവനോ​ടു​കൂ​ടെ മരിച്ചു എങ്കിൽ കൂടെ ജീവി​ക്കും; സഹിക്കു​ന്നു എങ്കിൽ കൂടെ [“രാജാ​ക്ക​ന്മാ​രാ​യി,” NW] വാഴും; നാം തള്ളിപ്പ​റ​യും എങ്കിൽ അവൻ നമ്മെയും തള്ളിപ്പ​റ​യും.” (2 തിമൊ​ഥെ​യൊസ്‌ 2:11, 12) മറിയ മരണം​വരെ വിശ്വ​സ്‌തത തെളി​യി​ച്ചെ​ങ്കിൽ, ക്രിസ്‌തു​വി​നോ​ടു കൂടെ വാഴുന്ന 1,44,000-ത്തിലെ മറ്റുള്ള​വ​രോ​ടൊ​പ്പം അവൾ ഇപ്പോൾ സ്വർഗ​ത്തിൽ ഭരിക്കു​ന്നു.—വെളി​പ്പാ​ടു 14:1, 3.