ദുഃഖി​ക്കേ​ണ്ടി​വ​രാ​തെ അവധി​ക്കാ​ലം ആസ്വദി​ക്കുക!

ഇപ്പോൾ യൂറോ​പ്പിൽ ജീവി​ക്കുന്ന ഒരു അമേരി​ക്ക​ക്കാ​രി​യോട്‌, അവധി​ക്കാ​ലം ചെലവി​ടുന്ന പ്രസി​ദ്ധ​മായ ഒരിടം സന്ദർശി​ച്ചത്‌ ആസ്വദി​ച്ചോ​യെന്നു ചോദി​ച്ച​പ്പോൾ അവർ മറുപടി നൽകി: “ആളുകൾ വരുന്ന​തി​നു​മുമ്പ്‌ അവിടം മനോ​ഹ​ര​മാ​യി​രു​ന്നി​രി​ക്കണം.” അതു​പോ​ലെ നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? ഹോട്ട​ലു​ക​ളും തോളു​രു​മ്മി നിൽക്കുന്ന നിശാ​ശാ​ല​ക​ളും മലീമ​സ​മായ, തിക്കും​തി​ര​ക്കു​മുള്ള കടലോ​ര​വും കർണക​ഠോ​ര​മായ റേഡി​യോ​യു​മൊ​ന്നും പലരു​ടെ​യും അഭി​പ്രാ​യ​ത്തിൽ അവധി​ക്കാ​ലം ചെലവ​ഴി​ക്കാൻ പറ്റിയ സ്ഥലത്തെ കാര്യ​ങ്ങളല്ല.

ഖേദക​ര​മെ​ന്നു പറയട്ടെ, അവധി​ക്കാ​ലം പലപ്പോ​ഴും നമ്മുടെ പ്രതീ​ക്ഷ​കൾക്കൊത്ത്‌ ഉയരു​ന്നില്ല. നമ്മെ ഊർജ​സ്വ​ല​രാ​ക്കു​ന്ന​തി​നു​പ​കരം അവ നമ്മുടെ ഊർജം ചോർത്തി​ക്ക​ള​യു​ന്നു; നമ്മെ ഉഷാറാ​ക്കു​ന്ന​തി​നു​പ​കരം അവ ചില​പ്പോൾ നമ്മെ കിടക്ക​യി​ലാ​ക്കു​ന്നു. അതു​കൊണ്ട്‌, ദുഃഖി​ക്കേണ്ടി വരാതെ നമുക്ക്‌ അവധി​ക്കാ​ലം എങ്ങനെ ആസ്വദി​ക്കാം? എന്ന ചോദ്യം ഉചിത​മാണ്‌.

സമനി​ല​യു​ള്ള​വ​രാ​യി​രി​ക്കുക

നമ്മുടെ ആഹാര​ത്തിൽ ചേർക്കുന്ന സുഗന്ധ​വ്യ​ഞ്‌ജ​ന​ങ്ങൾപോ​ലെ, മിതമാ​യി ചെലവ​ഴി​ക്കു​ന്ന​പക്ഷം അവധി​ക്കാ​ലം ഏറ്റവും നല്ല ഫലങ്ങൾ കൈവ​രു​ത്തും. പഴഞ്ചൊ​ല്ലാ​യി​മാ​റിയ, ഇടയ്‌ക്കി​ടെ വിമാ​ന​യാ​ത്രകൾ നടത്തുന്ന ഒരു സമ്പന്നന്റെ ജീവിതം ആകർഷ​ക​മാ​യി തോന്നി​യേ​ക്കാ​മെ​ങ്കി​ലും അതു സമനി​ല​യി​ല്ലാ​ത്ത​തും യഥാർഥ സന്തുഷ്ടി കൈവ​രു​ത്താ​ത്ത​തു​മാണ്‌.

പ്രത്യേ​കി​ച്ചും അവധി​ക്കാ​ല​ത്തോ​ടുള്ള ബന്ധത്തിൽ, പണം ചെലവ​ഴി​ക്കുന്ന കാര്യ​ത്തിൽ സമനില ആവശ്യ​മാണ്‌. നിങ്ങൾ പോകു​ന്ന​തി​നു​മു​മ്പു​തന്നെ ശ്രദ്ധാ​പൂർവം ആസൂ​ത്രണം ചെയ്യുക, നിങ്ങളു​ടെ ബജറ്റി​നു​ള്ളിൽ നിൽക്കാൻ ശ്രമി​ക്കുക. “ഇപ്പോൾ ആസ്വദി​ക്കുക, പിന്നീടു പണം നൽകുക” എന്നു നിങ്ങളെ പ്രോ​ത്സാ​ഹി​പ്പി​ക്കുന്ന യാത്രാ ഏജൻറു​മാ​രു​ടെ പ്രത്യേക വാഗ്‌ദാ​ന​ങ്ങ​ളാൽ വഞ്ചിക്ക​പ്പെ​ടാ​തി​രി​ക്കുക.

മാത്രമല്ല, സംഭവി​ക്കാ​നി​ട​യു​ണ്ടെന്നു കരുതുന്ന അപകടങ്ങൾ മനസ്സിനെ മഥിച്ചു​കൊ​ണ്ടി​രു​ന്നാൽ, അവധി​ക്കാ​ലത്തെ വളരെ ആകർഷ​ക​മാ​ക്കുന്ന സ്വാഭാ​വി​ക​വും ഉത്‌ക​ണ്‌ഠാ​ര​ഹി​ത​വു​മായ അന്തരീ​ക്ഷ​വും ഇല്ലാതാ​കും. കൂടാതെ, ഉചിത​മായ സമനി​ല​യു​ണ്ടാ​യി​രി​ക്കുക എന്നതിൽ നമ്മുടെ അവധി​ക്കാ​ലത്തെ ദുഃഖ​ത്തോ​ടെ തിരി​ഞ്ഞു​നോ​ക്കാ​നി​ട​യാ​ക്കുന്ന ഏറ്റവും വലിയ ആപത്തിനെ തിരി​ച്ച​റി​യു​ന്ന​തും ഉൾപ്പെ​ടു​ന്നു. അത്യാ​ഹി​തങ്ങൾ, രോഗങ്ങൾ, അല്ലെങ്കിൽ കുറ്റകൃ​ത്യ​ങ്ങൾ എന്നിവ​യെ​ക്കു​റി​ച്ചൊ​ന്നു​മല്ല പ്രതി​പാ​ദി​ക്കു​ന്നത്‌. പക്ഷേ, വ്യക്തി​പ​ര​മായ ബന്ധങ്ങ​ളെ​ക്കു​റിച്ച്‌.

നല്ല ബന്ധങ്ങൾ നിലനിർത്തൽ

കുടും​ബ​ത്തോ​ടോ സുഹൃ​ത്തു​ക്ക​ളോ​ടോ ഒത്ത്‌ അവധി​ക്കാ​ലം ചെലവി​ടു​ന്നത്‌, സ്‌നേ​ഹ​ബ​ന്ധ​ങ്ങളെ ശക്തി​പ്പെ​ടു​ത്തി​യേ​ക്കാം. അതേസ​മയം, ബന്ധങ്ങളിൽ, പിന്നീട്‌ നികത്താൻ പ്രയാ​സ​ക​ര​മാ​യേ​ക്കാ​വുന്ന തരത്തി​ലുള്ള വിള്ളലു​ക​ളു​ണ്ടാ​ക്കാ​നും അതിനു കഴിയും. പത്ര​പ്ര​വർത്ത​ക​നായ ലാൻസ്‌ മോറോ പറഞ്ഞു: “അവധി​ക്കാ​ലത്ത്‌, വിയോ​ജി​പ്പു​ക​ളെ​ല്ലാം ഒരു നാടക​ത്തിൽ നടക്കുന്ന സംഭവ​ങ്ങൾപോ​ലെ അത്യന്തം വെളി​വാ​ക്ക​പ്പെ​ടു​ന്നു എന്നതാണ്‌ അവധി​ക്കാ​ല​ത്തി​ന്റെ യഥാർഥ അപകടം. . . . സാധാരണ തൊഴിൽ ജീവി​ത​ത്തിൽ ആളുകൾക്കു തങ്ങളുടെ വികാ​ര​ങ്ങളെ ചിതറി​ക്കു​ക​യോ ഉൾക്കൊ​ള്ളു​ക​യോ ചെയ്യുന്ന തൊഴി​ലു​കൾ, കർമങ്ങൾ, സുഹൃ​ത്തു​ക്കൾ, ദിനച​ര്യ​കൾ എന്നീ കാര്യ​ങ്ങ​ളുണ്ട്‌. ഒരു വേനൽക്കാല വസതി​യി​ലെ അരങ്ങിൽവെച്ച്‌ 20 വർഷ​ത്തോ​ള​മാ​യി കുഴി​ച്ചു​മൂ​ട​പ്പെ​ട്ടി​രുന്ന കുടുംബ വിവാ​ദങ്ങൾ ഉഗ്രമായ വിധത്തിൽ പൊങ്ങി​വ​ന്നേ​ക്കാം.”

അതു​കൊണ്ട്‌, നിങ്ങൾ അവധി​ക്കു​പോ​കു​ന്ന​തി​നു​മുമ്പ്‌, അതൊരു ഹൃദ്യ​മായ അനുഭ​വ​മാ​ക്കാൻ ബോധ​പൂർവം തീരു​മാ​നി​ച്ചു​റ​യ്‌ക്കുക. താത്‌പ​ര്യ​ങ്ങൾ വ്യത്യ​സ്‌ത​മാ​ണെന്ന്‌ ഓർക്കണം. കുട്ടികൾ സാഹസ​പ്ര​വൃ​ത്തി​ക​ളാ​യി​രി​ക്കും തേടു​ന്നത്‌, മാതാ​പി​താ​ക്ക​ളാ​കട്ടെ ഒരുപക്ഷേ വിശ്ര​മ​വും. എന്തു​ചെ​യ്യണം, എവി​ടെ​പ്പോ​കണം എന്നീ കാര്യങ്ങൾ സംബന്ധിച്ച വ്യക്തി​പ​ര​മായ താത്‌പ​ര്യ​ങ്ങൾ വിട്ടു​ക​ള​യാൻ സന്മനസ്സു കാണി​ക്കണം. ഉചിത​വും പ്രാവർത്തി​ക​വു​മാ​ണെ​ങ്കിൽ, ഓരോ വ്യക്തി​ക്കും അയാൾക്കു പ്രത്യേ​കി​ച്ചു താത്‌പ​ര്യ​മുള്ള കാര്യ​ങ്ങ​ളിൽ ഏർപ്പെ​ടാൻ ഇടയ്‌ക്കി​ട​യ്‌ക്ക്‌ അനുവ​ദി​ക്കുക. വർഷ​മൊ​ട്ടാ​കെ ദിവ​സേ​നേ​യെ​ന്ന​വി​ധം ദൈവാ​ത്മാ​വി​ന്റെ ഗുണങ്ങൾ പ്രകടി​പ്പി​ക്കാൻ പഠിക്കുക. നിങ്ങളു​ടെ അവധി​ക്കാ​ലത്ത്‌ അപ്രകാ​രം ചെയ്യാൻ അനുചി​ത​മാം​വി​ധം പ്രയാ​സ​ക​ര​മാ​യി​രി​ക്ക​രുത്‌.—ഗലാത്യർ 5:22, 23.

കുടും​ബ​വും സുഹൃ​ത്തു​ക്ക​ളു​മാ​യി ഒരു നല്ല ബന്ധം നിലനിർത്തു​ന്നതു പ്രധാ​ന​മാ​യി​രി​ക്കു​മ്പോൾതന്നെ ദൈവ​വു​മാ​യുള്ള നമ്മുടെ ബന്ധം അതി​നെ​ക്കാൾ പ്രാധാ​ന്യ​മേ​റി​യ​താണ്‌. അവധി​ക്കാ​ല​ങ്ങ​ളിൽ ദൈവ​ത്തെ​യും അവൻ ആവശ്യ​പ്പെ​ടുന്ന കാര്യ​ങ്ങ​ളെ​യും സംബന്ധിച്ച നമ്മുടെ ക്രിസ്‌തീയ വീക്ഷണങ്ങൾ പുലർത്താത്ത ആളുകളെ നാം മിക്ക​പ്പോ​ഴും കാണുന്നു. അവരു​മാ​യി അടുത്തു സഹവസി​ക്കു​ന്നത്‌—ഒരുപക്ഷേ ചോദ്യം ചെയ്യ​പ്പെ​ടത്തക്ക വിനോ​ദ​സ്ഥ​ല​ങ്ങ​ളിൽപോ​ലും അടിക്കടി പോകു​ന്നത്‌—ദുഃഖി​ക്കേ​ണ്ടി​വ​രുന്ന പരിണ​ത​ഫ​ല​ങ്ങ​ളി​ലേക്കു നയി​ച്ചേ​ക്കാം. ബൈബിൾ ഇപ്രകാ​ര​മുള്ള മുന്നറി​യി​പ്പു തരുന്ന​താ​യി ഓർക്കുക: “വഴി​തെ​റ്റി​ക്ക​പ്പെ​ട​രുത്‌. മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.”—1 കൊരി​ന്ത്യർ 15:33, NW.

അവധി​ക്കാ​ലത്ത്‌, ക്രിസ്‌തീയ നിലവാ​ര​ങ്ങ​ളിൽനി​ന്നോ സമ്പ്രദാ​യ​ങ്ങ​ളിൽനി​ന്നോ രക്ഷപ്പെ​ടാ​നുള്ള ഒരാ​ഗ്രഹം നിങ്ങളിൽ എപ്പോ​ഴെ​ങ്കി​ലും കണ്ടെത്തു​ക​യാ​ണെ​ങ്കിൽ അത്തരത്തി​ലുള്ള ദൗർബ​ല്യ​ങ്ങളെ ബുദ്ധി​പൂർവം നേരി​ടുക, ആ ആഗ്രഹ​ത്തോ​ടു പോരാ​ടു​ന്ന​തി​നുള്ള ദിവ്യ​സ​ഹാ​യ​ത്തി​നാ​യി അപേക്ഷി​ക്കുക!

പ്രോ​ത്സാ​ഹി​പ്പി​ക്ക​പ്പെ​ടു​ന്നത്‌ എന്താണ്‌?

ക്രിസ്‌തീ​യ​ത​ത്ത്വ​ങ്ങൾക്കൊത്ത്‌ തങ്ങളുടെ ജീവി​തത്തെ രൂപ​പ്പെ​ടു​ത്താ​ത്ത​വർക്ക്‌, അവധി​ക്കാ​ലത്ത്‌ ഏതുത​ര​ത്തി​ലുള്ള പ്രവൃ​ത്തി​യും ചെയ്യാ​മെന്നു തോന്നി​യേ​ക്കാം. ചില യൂറോ​പ്യൻ രാജ്യ​ങ്ങ​ളിൽ ലൈം​ഗിക വിനോ​ദ​സ​ഞ്ചാ​രങ്ങൾ ഒരു വൻകിട ബിസി​നസ്‌ ആണ്‌, ചില യാത്രാ ഏജൻസി​കൾ അവയെ പ്രോ​ത്സാ​ഹി​പ്പി​ക്കു​ക​പോ​ലും ചെയ്യുന്നു. ‘ചില ഏഷ്യൻ നഗരങ്ങ​ളി​ലെ സുഖവാ​സ​സ്ഥ​ല​ങ്ങ​ളിൽ യൂറോ​പ്യൻ പുരു​ഷ​ന്മാർ കാട്ടി​ക്കൂ​ട്ടുന്ന വൃത്തി​കേ​ടു​കൾ ദീർഘ​നാ​ളാ​യി പരക്കെ അറിവു​ള്ള​താണ്‌,’ എന്ന്‌ ദി യൂറോ​പ്യൻ എഴുതു​ന്നു. 70 ശതമാ​ന​ത്തോ​ളം പുരുഷ സന്ദർശകർ “ലൈം​ഗിക സന്ദർശ​കരാ”ണെന്ന്‌ ഒരു ഏഷ്യൻ രാജ്യത്തെ പരാമർശി​ച്ചു​കൊണ്ട്‌ ജർമൻ മാഗസി​നായ ദാർ ഷ്‌പീ​ജെൽ കണക്കു​കൂ​ട്ടി.

ഒട്ടേറെ വനിതാ സന്ദർശകർ ഇപ്പോൾ പുരു​ഷ​ന്മാ​രു​ടെ മാർഗം പിന്തു​ട​രു​ന്നു. കരീബി​യൻ വിമാ​ന​യാ​ത്ര​കൾക്കു പ്രത്യേക ശ്രദ്ധ നൽകുന്ന ജർമൻ ചാർട്ടർ എയർലൈൻ, 30 ശതമാനം വനിതാ സന്ദർശകർ അവിടെ അവധി​ക്കാ​ലം ചെലവി​ടാൻ പോകു​ന്നത്‌ അവിഹിത ലൈം​ഗി​ക​ത​യ്‌ക്കു വേണ്ടി​യുള്ള പ്രകട​മായ ഉദ്ദേശ്യ​ത്തോ​ടു​കൂ​ടി​യാ​ണെന്നു കണക്കാ​ക്കു​ന്നു. ഒരു ജർമൻ പത്ര​പ്ര​വർത്തകൻ ഇപ്രകാ​രം പറഞ്ഞതാ​യി ദി യൂറോ​പ്യൻ ഉദ്ധരി​ക്കു​ന്നു: “അവർ അതിനെ നേരം​പോ​ക്കി​നുള്ള എളുപ്പ​വും സങ്കീർണ​മ​ല്ലാ​ത്ത​തു​മായ ഒരു മാർഗ​മാ​യി—ഒരു വിദേ​ശീയ വിനോ​ദ​മാ​യി—കാണുന്നു.”

എങ്കിലും, സത്യ​ക്രി​സ്‌ത്യാ​നി​കൾ അവിഹിത ലൈം​ഗി​ക​തയെ നേരം​പോ​ക്കി​നുള്ള സ്വീകാ​ര്യ​മായ ഒരു മാർഗ​മാ​യി കാണു​ന്നില്ല എന്നതു വാസ്‌ത​വ​മാണ്‌. അതു ക്രിസ്‌തീയ മൂല്യ​ങ്ങളെ ലംഘി​ക്കു​ന്നെന്നു മാത്രമല്ല, അപകടങ്ങൾ നിറഞ്ഞ​തു​മാണ്‌. അപകടങ്ങൾ പൊതു​വേ തിരി​ച്ച​റി​യ​പ്പെ​ടു​ന്നു​ണ്ടെ​ങ്കി​ലും ആ നടപടി​യെ തള്ളിക്ക​ള​യു​ന്ന​തി​നു​പ​കരം ഒട്ടുമിക്ക ആളുക​ളും അനന്തര​ഫ​ല​ങ്ങളെ ഒഴിവാ​ക്കാൻ ശ്രമി​ക്കു​ന്നു. ഒരു കുടയും കടലോ​രത്തെ ഒഴിഞ്ഞ രണ്ടു കസേര​ക​ളും കാണി​ക്കുന്ന ജർമൻ വർത്തമാ​ന​പ​ത്ര​ങ്ങ​ളി​ലെ ഒരു പരസ്യം ഇതിനു​ദാ​ഹ​ര​ണ​മാണ്‌. ചിത്ര​ക്കു​റിപ്പ്‌ ഇപ്രകാ​രം വായി​ക്കു​ന്നു: “സുരക്ഷിത യാത്ര ആശംസി​ക്കു​ന്നു, എയ്‌ഡ്‌സ്‌ ഇല്ലാതെ മടങ്ങുക.”

ലൈം​ഗി​ക വിനോ​ദ​യാ​ത്ര​യു​ടെ ക്രൂര​മായ ഒരു ഉപഫലം കുട്ടി​കൾക്കു നേരെ​യുള്ള ലൈം​ഗിക ദുഷ്‌പെ​രു​മാ​റ്റ​മാണ്‌. 1993-ൽ, പ്രായ​പൂർത്തി​യാ​വാ​ത്ത​വ​രു​മൊ​ത്തു ലൈം​ഗി​ക​ബ​ന്ധ​ത്തി​ലേർപ്പെട്ടു എന്ന കുറ്റം കണ്ടെത്തി​യാൽ—വിദേ​ശ​രാ​ജ്യ​ങ്ങ​ളിൽ അവധി ചെലവി​ടുന്ന സമയത്താ​ണെ​ങ്കിൽപോ​ലും—ജർമൻകാ​രെ ശിക്ഷയ്‌ക്കു വിധേ​യ​മാ​ക്കുന്ന ഒരു നിയമം ജർമൻ ഗവൺമെൻറ്‌ പാസാ​ക്കി​യതു ശ്രദ്ധേ​യ​മാണ്‌. എങ്കിലും, ഇതുവരെ അനുകൂല ഫലങ്ങൾ തീരെ​ക്കു​റച്ചേ ഉണ്ടായി​ട്ടു​ള്ളു. ബാല​വേ​ശ്യാ​വൃ​ത്തി അന്നും—ഇന്നും—മനുഷ്യ സമൂഹ​ത്തി​ന്റെ മുഖത്ത്‌ പഴുത്തു​ചീഞ്ഞ ഒരു വ്രണമാ​യി നിലനിൽക്കു​ന്നു.

അവധി​ക്കാ​ലത്തെ ഫലദാ​യ​ക​മായ ഒരു സമയമാ​ക്കു​ക

വായന, ബൈബിൾ പഠനം, ക്രിസ്‌തീയ ശുശ്രൂ​ഷ​യിൽ ഏർപ്പെടൽ എന്നിവ സത്യ​ക്രി​സ്‌ത്യാ​നി​കൾക്ക്‌ ഉല്ലാസ​പ്ര​ദ​വും ഫലദാ​യ​ക​വു​മായ പ്രവർത്ത​ന​ങ്ങ​ളാണ്‌. എന്നാൽ പലരും, ഈ കാര്യങ്ങൾ തങ്ങൾ ആഗ്രഹി​ക്കു​ന്ന​ത്ര​യും ചെയ്യാൻ ആവശ്യ​മായ സമയം കണ്ടെത്താൻ പാടു​പെ​ടു​ന്നു. സമയപ​ട്ടി​ക​യു​ടെ നിയ​ന്ത്ര​ണ​ങ്ങ​ളിൽ നിന്നു​മാ​റി വായി​ച്ചു​തീർക്കാൻ പറ്റിയ എത്ര നല്ല സമയമാണ്‌ അവധി​ക്കാ​ലം?

തിരക്കുള്ള, സംതൃ​പ്‌ത​മായ ഒരു അവധി​ക്കാ​ലത്തു സാധാരണ നിങ്ങൾ ചെയ്യുന്ന അളവി​ലുള്ള ക്രിസ്‌തീയ താത്‌പ​ര്യ​ങ്ങൾ പിന്തു​ട​രാൻ സാധി​ക്കു​ക​യി​ല്ലെ​ന്നതു വാസ്‌ത​വം​തന്നെ. പക്ഷേ, കെട്ടു​പണി ചെയ്യുന്ന ആത്മീയ പ്രവർത്ത​ന​ങ്ങൾക്കു വേണ്ടി അൽപ്പസ​മ​യ​മെ​ങ്കി​ലും എന്തു​കൊ​ണ്ടു മാറ്റി​വെ​ച്ചു​കൂ​ടാ? എന്നാൽത​ന്നെ​യും വിശ്ര​മ​ത്തി​നു​വേണ്ട സമയം ഉണ്ടാകും. തീർച്ച​യാ​യും, ചിലർ തങ്ങളുടെ ശുശ്രൂഷ വികസി​പ്പി​ക്കാൻ അവധി​ക്കാ​ലത്തു ലഭ്യമായ കൂടു​ത​ലാ​യുള്ള സമയം പ്രയോ​ജ​ന​പ്പെ​ടു​ത്തു​ന്നുണ്ട്‌. യേശു പറഞ്ഞതു​പോ​ലെ, “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാണ്‌.”—മത്തായി 5:3, NW.

താമസി​യാ​തെ നിങ്ങളും അവധിക്കു പോകു​ന്നു​ണ്ടാ​യി​രി​ക്കും. അങ്ങനെ​യാ​ണെ​ങ്കിൽ തീർച്ച​യാ​യും അത്‌ ആസ്വദി​ക്കുക! സംഭവി​ക്കാ​നി​ട​യു​ണ്ടെന്നു കരുതുന്ന അപകട​ങ്ങ​ളെ​ക്കു​റിച്ച്‌ അമിത​മാ​യി അസ്വസ്ഥ​രാ​ക​രുത്‌. എന്നാൽ ഉചിത​മായ മുൻക​രു​ത​ലു​ക​ളെ​ടു​ക്കുക. ഈ പേജിൽ കാണുന്ന ചതുര​ത്തി​ലേ​തു​പോ​ലുള്ള നിർദേ​ശങ്ങൾ മനസ്സിൽ പിടി​ക്കുക. പിന്നീട്‌, ഉത്സാഹ​ത്തോ​ടെ, വിശ്രമം കഴിഞ്ഞ്‌, ഏറ്റവു​മ​ധി​കം പ്രാധാ​ന്യ​മുള്ള ജീവി​ത​പ്ര​വർത്ത​ന​ങ്ങ​ളി​ലേർപ്പെ​ടാൻ തക്കവണ്ണം ആകാം​ക്ഷ​യോ​ടെ തിരി​ച്ചു​വ​രിക. അവധി​ക്കാ​ലം വളരെ​വേഗം അവസാ​നി​ക്കു​ന്നു. എന്നാൽ അതിന്റെ വില​യേ​റിയ ഓർമകൾ എക്കാല​വും നിലനി​ന്നേ​ക്കാം. ദുഃഖി​ക്കേ​ണ്ടി​വ​രാ​തെ ചെലവ​ഴി​ക്ക​പ്പെട്ട അവധി​ക്കാ​ലം എത്ര വില​പ്പെ​ട്ട​താണ്‌!

[10-ാം പേജിലെ ചതുരം]

ഏതാനും അവധി​ക്കാല നുറു​ങ്ങു​കൾ

കുറ്റകൃത്യങ്ങളെ തടുക്കുക

1. വീട്ടി​ലുള്ള വസ്‌തു​ക്കൾ സൂക്ഷി​ക്കു​ന്ന​തിന്‌ ആരെ​യെ​ങ്കി​ലും ഏർപ്പെ​ടു​ത്തുക.

2. അപകട​ക​ര​മെന്നു പൊതു​വേ വീക്ഷി​ക്ക​പ്പെ​ടുന്ന പ്രദേ​ശ​ങ്ങ​ളിൽനിന്ന്‌ ഒഴിഞ്ഞു​നിൽക്കുക.

3. പോക്ക​റ്റ​ടി​ക്കാർക്കെ​തി​രെ ജാഗ്രത പാലി​ക്കുക, പണം നിങ്ങളു​ടെ ശരീര​ത്തിൽ സുരക്ഷി​ത​മായ ഒരിടത്തു വെക്കുക. കൂടു​ത​ലുള്ള പണം നിങ്ങൾ താമസി​ക്കുന്ന സുരക്ഷി​ത​മായ ഒരിടത്തു വെക്കുക.

4. ആവശ്യ​പ്പെ​ടാത്ത സഹായം വാഗ്‌ദാ​നം ചെയ്യുന്ന അപരി​ചി​തരെ സൂക്ഷി​ക്കുക.

അപകടങ്ങൾ ഒഴിവാ​ക്കു​ക

1. വാഹന​മോ​ടി​ക്കു​ന്നെ​ങ്കിൽ സൂക്ഷി​ക്കുക, ഇടയ്‌ക്കു നിറു​ത്തി​നി​റു​ത്തി പോവുക.

2. ഹോട്ട​ലു​ക​ളിൽ താമസി​ക്കു​മ്പോ​ഴോ വിമാ​ന​ത്തിൽ യാത്ര​ചെ​യ്യു​മ്പോ​ഴോ അടിയ​ന്തിര നടപടി​കൾക്കുള്ള ഏർപ്പാ​ടു​ക​ളെ​ക്കു​റിച്ച്‌ അത്യന്തം ശ്രദ്ധയു​ണ്ടാ​യി​രി​ക്കുക.

3. കഠിന​മായ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തി​നു​മുമ്പ്‌ ശാരീ​രി​ക​മായ പൊരു​ത്ത​പ്പെ​ട​ലി​നു സമയ​മെ​ടു​ക്കുക.

4. നിങ്ങളു​ടെ പ്രവർത്ത​ന​ങ്ങൾക്ക്‌ അനു​യോ​ജ്യ​മായ വസ്‌ത്രങ്ങൾ, ഷൂസ്‌, ഉപകര​ണങ്ങൾ എന്നിവ കരുതുക.

ആരോഗ്യമുള്ളവരായിരിക്കുക

1. വേണ്ടി​വ​ന്നേ​ക്കാ​വുന്ന പ്രതി​രോധ കുത്തി​വെ​പ്പു​ക​ളെ​യും ചികി​ത്സാ​രീ​തി​ക​ളെ​യും കുറിച്ചു ഡോക്ട​റു​ടെ ഉപദേശം ആരായുക.

2. ആവശ്യ​മായ ഔഷധ​ങ്ങ​ളോ​ടു​കൂ​ടിയ ഒരു സഞ്ചി കൂടെ​ക്കൊ​ണ്ടു​പോ​വുക.

3. ആവശ്യ​ത്തി​നു വിശ്ര​മ​മെ​ടു​ക്കുക, നിങ്ങൾ ഭക്ഷിക്കു​ക​യും കുടി​ക്കു​ക​യും ചെയ്യു​ന്ന​തെ​ന്താ​ണെന്നു ശ്രദ്ധി​ക്കുക.

4. ചികി​ത്സാ​സം​ബ​ന്ധ​മായ നിങ്ങളു​ടെ ആവശ്യ​ങ്ങ​ളും അഭിലാ​ഷ​ങ്ങ​ളും ഉൾക്കൊ​ള്ളുന്ന ആവശ്യ​മായ രേഖകൾ എപ്പോ​ഴും കൂടെ കരുതുക.

ബന്ധങ്ങൾ സന്തോ​ഷ​മു​ള്ള​താ​യി നിലനിർത്തു​ക

1. നിങ്ങളു​ടെ കൂടെ​യു​ള്ള​വ​രോ​ടു സ്‌നേ​ഹ​വും പരിഗ​ണ​ന​യും കാണി​ക്കുക.

2. വ്യക്തി​പ​ര​മായ സഹവാ​സ​ങ്ങൾക്ക്‌ ഉയർന്ന മാനദ​ണ്ഡങ്ങൾ വെക്കുക.

3. ചോദ്യം ചെയ്യത്ത​ക്ക​തെന്നു നിങ്ങൾ കരുതുന്ന പ്രവൃ​ത്തി​ക​ളി​ലേക്കു നയിക്കാൻ അവധി​ക്കാ​ലം ചെലവി​ടുന്ന മറ്റ്‌ ആളുകളെ അനുവ​ദി​ക്ക​രുത്‌.

4. ആത്മീയാ​വ​ശ്യ​ങ്ങൾ നിറ​വേ​റ്റു​ന്ന​തിന്‌ അൽപ്പസ​മയം നീക്കി​വെ​ക്കുക.

[9-ാം പേജിലെ ചിത്രങ്ങൾ]

അവധിയിലായിരിക്കുമ്പോൾ ആരോ​ഗ്യാ​വ​ഹ​മായ പ്രവർത്ത​നങ്ങൾ തിര​ഞ്ഞെ​ടു​ക്കു​ക